കൊ​ല്ലം :ക​ശു​വ​ണ്ടി തൊ​ഴി​ലാ​ളി​ക​ളു​ടെ കൂ​ലി വ​ർ​ധന​വി​നെ സം​ബ​ന്ധി​ച്ച് ലേ​ബ​ർ ക​മ്മിഷ​ണ​റു​ടെ സാ​ന്നി​ധ്യ​ത്തി​ൽ ന​ട​ന്ന ച​ർ​ച്ച പൂ​ർ​ണ തീ​രു​മാ​ന​ത്തി​ലേ​ക്ക് എ​ത്തി​യി​ല്ല.20നകംവീ​ണ്ടും യോ​ഗം ചേ​രാ​നും ഡി​സം​ബ​ർ മാ​സ​ത്തി​ൽ ത​ന്നെ ച​ർ​ച്ച പൂ​ർ​ത്തി​യാ​ക്കാ​നും ഇ​ന്നലെ ന​ട​ന്ന കാ​ഷ്യൂ ഐആ​ർസി യോ​ഗം നി​ശ്ച​യി​ച്ചു.

15 ശ​ത​മാ​നം കൂ​ലി വ​ർ​ധന​വ് ന​ട​പ്പി​ലാ​ക്കാം എ​ന്ന് വ്യ​വ​സാ​യി​ക​ൾ യോ​ഗ​ത്തി​ൽ അ​റി​യി​ച്ചു. എ​ന്നാ​ൽ 30 ശ​ത​മാ​നം കൂ​ലി വ​ർ​ധന​വ് വേ​ണ​മെ​ന്ന് ട്രേ​ഡ് യൂ​ണി​യ​നു​ക​ൾ ആ​വ​ശ്യ​പ്പെ​ട്ടു.

പൊ​തു​മേ​ഖ​ലാ സ്ഥാ​പ​ന​ങ്ങ​ളാ​യ കാ​ഷ്യൂ കോ​ർ​പറേ​ഷ​നും, കാ​പെ​ക്സും തൊ​ഴി​ലാ​ളി​ക​ൾ​ക്ക് ന്യാ​യ​മാ​യ നി​ല​യി​ൽ കൂ​ലി വ​ർ​ധിപ്പി​ച്ച് ന​ൽ​ക​ണ​മെ​ന്ന നി​ല​പാ​ട് ത​ന്നെ​യാ​ണ് സ്വീ​ക​രി​ച്ച​ത്. അ​ടു​ത്ത യോ​ഗ​ത്തി​ൽ ത​ന്നെ തീ​രു​മാ​നം ഉ​ണ്ടാ​ക​ണ​മെ​ന്ന് കാ​ഷ്യൂ കോ​ർ​പറേ​ഷ​ന്‍റെ​യും കാ​പെ​ക്സി​ന്‍റെയും പ്ര​തി​നി​ധി​ക​ൾ ആ​വ​ശ്യ​പ്പെ​ട്ടു.

യോ​ഗ​ത്തി​ൽ കാ​ഷ്യൂ കോ​ർ​പറേ​ഷ​ൻ ചെ​യ​ർ​മാ​ൻ എ​സ് .ജ​യ​മോ​ഹ​ൻ, കാ​പെ​ക്സ് ചെ​യ​ർ​മാ​ൻ എം.ശി​വ​ശ​ങ്ക​ര​പ്പി​ള്ള, ബാ​ബു ഉ​മ്മ​ൻ -അ​ൽ​ഫോ​ൺ​സ് കാ​ഷ്യു, ജ​യ്‌​സ​ൺ ഉ​മ്മ​ൻ- സെ​ന്‍റ് മേ​രി​സ് കാ​ഷ്യു, അ​ബ്ദു​ൽ​സ​ലാം -മാ​ർ​ക്ക് കാ​ഷ്യു, ജോ​ബ്രാ​ൻ ജി. ​വ​ർ​ഗീ​സ്-ലൂ​ർ​ദ് മാ​താ കാ​ഷ്യു, ആ​ർ.​പ്ര​താ​പ​ൻ -വി ​എ​ൽ സി, ​സ​തീ​ഷ്കു​മാ​ർ-രോ​ഹി​ണികാ​ഷ്യൂ, രാ​ജേ​ഷ്-ഗം​ഗകാ​ഷ്യു,സി​ഐടിയു പ്ര​തി​നി​ധി​ക​ളാ​യ കെ .​രാ​ജ​ഗോ​പാ​ൽ, ബി. ​തു​ള​സീ​ധ​ര​ക്കു​റു​പ്പ്,അ​ഡ്വ. മു​ര​ളി മ​ട​ന്ത​ക്കോ​ട്,ബി​.സു​ചീ​ന്ദ്ര​ൻ,എ​ഐടിയുസി പ്ര​തി​നി​ധി​ക​ളാ​യ അ​ഡ്വ.ജി.​ലാ​ലു,ജി ​.ബാ​ബു ,ഐ.​എ​ൻ​ടി​യു​സി പ്ര​തി​നി​ധി​ക​ളാ​യ അ​ഡ്വ .ശൂ​ര​നാ​ട് എ​സ്. ശ്രീ​കു​മാ​ർ, ര​ഘു പാ​ണ്ഡ​വ​പു​രം, യു​ടിയുസി പ്ര​തി​നി​ധി എ .​എ .അ​സീ​സ് മു​ൻ എം​എ​ൽ​എ, ബി ​എം എ​സ് പ്ര​തി​നി​ധി ശി​വ​ജി സു​ദ​ർ​ശ​ൻ,തു​ട​ങ്ങി​യ​വ​രും വി​വി​ധ തൊ​ഴി​ലു​ട​മ പ്ര​തി​നി​ധി​ക​ളും പ​ങ്കെ​ടു​ത്തു.