കൊല്ലം :നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​യാ​യ കാ​ക്ക എ​ന്ന് വി​ളി​ക്കു​ന്ന ഷാ​നെ കാ​പ്പാ നി​യ​മ​പ്ര​കാ​രം ഓ​ച്ചി​റ പോ​ലീ​സ് അ​റ​സ്റ്റ് ചെ​യ്തു. കൊ​ല​പാ​ത​ക ശ്ര​മം, ന​ര​ഹ​ത്യ ശ്ര​മം, പി​ടി​ച്ചു​പ​റി തു​ട​ങ്ങി​യ കു​റ്റ​കൃ​ത്യ​ങ്ങ​ളി​ൽ ക​രു​നാ​ഗ​പ്പ​ള്ളി, ഓ​ച്ചി​റ, കാ​യം​കു​ളം പോ​ലീ​സ് സ്റ്റേ​ഷ​ൻ പ​രി​ധി​ക​ളി​ലാ​യി പ​ന്ത്ര​ണ്ടോ​ളം കേ​സു​ക​ളി​ൽ പ്ര​തി​യാ​ണ് പി​ടി​യി​ലാ​യ ഷാ​ൻ.

പ്രാ​യ​പൂ​ർ​ത്തി​യാ​കു​ന്ന​തി​നു മു​ന്പ് ത​ന്നെ കു​റ്റ​കൃ​ത്യ​ങ്ങ​ൾ ന​ട​ത്തി​വ​ന്ന ഷാ​ൻ 2021 ൽ ​ഗു​ണ്ടാ നി​യ​മ​പ്ര​കാ​രം ജ​യി​ൽ​വാ​സം അ​നു​ഭ​വി​ച്ചി​ട്ടു​ണ്ട്. തു​ട​ർ​ന്നും പ​ല സ്ഥ​ല​ങ്ങ​ളി​ൽ കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ട്ട് വ​ര​വേ ക​ഴി​ഞ്ഞ ഏ​പ്രി​ലിൽ ഓ​ച്ചി​റ​യി​ലെ ബാ​റി​ൽ വ​ച്ച് യു​വാ​വി​നെ കു​ത്തി കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ പ്ര​തി​യാ​യ​തി​നെ തു​ട​ർ​ന്ന് ഇ​യാ​ളെ ബം​ഗ്ലൂ​രി​ൽ നി​ന്നും ഓ​ച്ചി​റ പോ​ലീ​സ് അ​റ​സ്റ്റ് ചെ​യ്തു റി​മാ​ൻ​ഡ് ചെ​യ്തി​രു​ന്നു.

ഈ ​കേ​സി​ൽ ജാ​മ്യ​ത്തി​ൽ ഇ​റ​ങ്ങി​യ ഷാ​നെ​തി​രെ കാ​പ്പാ ആ​ക്ട് പ്ര​കാ​രം ക​രു​ത​ൽ ത​ട​ങ്ക​ലി​ൽ പാ​ർ​പ്പി​ക്കു​ന്ന​തി​ന് ഉ​ത്ത​ര​വാ​യ​തി​നെ തു​ട​ർ​ന്ന് ഓ​ച്ചി​റ പോ​ലീ​സ് അ​ന്വേ​ഷി​ച്ചു​വ​രവേ ഒ​ളി​വി​ൽ പോ​വു​ക​യാ​യി​രു​ന്നു. ഇ​യാ​ളെ പി​ടി​കി​ട്ടാ​ത്ത​തി​നെ തു​ട​ർ​ന്ന് സ​ർ​ക്കാ​ർ പി​ടി​കി​ട്ടാ​പു​ള്ളി​യാ​യി ഗ​സ​റ്റ് വി​ജ്ഞാ​പ​നം പു​റ​പ്പെ​ടു​വി​ച്ചി​രു​ന്നു.

സം​സ്ഥാ​ന​ത്തി​ന​ക​ത്തും പു​റ​ത്തും പ​ല ഭാ​ഗ​ങ്ങ​ളി​ൽ ഒ​ളി​വി​ൽ ക​ഴി​ഞ്ഞി​രു​ന്ന ഇ​യാ​ൾ ര​ണ്ടു​മാ​സം മു​ന്പ് കോ​ട്ട​യ​ത്തു​നി​ന്നും പോ​ലീ​സി​നെ വെ​ട്ടി​ച്ച് ര​ക്ഷ​പ്പെ​ട്ടു. ഇ​യാ​ൾ കൃ​ഷ്ണ​പു​ര​ത്തെ ഒ​രു വീ​ട്ടി​ൽ വ​ന്നി​ട്ടു​ണ്ടെ​ന്ന് ര​ഹ​സ്യ വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ ഓ​ച്ചി​റ ഇ​ൻ​സ്പെ​ക്ട​ർ നി​സാ​മു​ദീന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം വീ​ട് വ​ള​ഞ്ഞ​തി​നെ തു​ട​ർ​ന്ന് ഓ​ടി ര​ക്ഷ​പ്പെ​ടാ​ൻ ശ്ര​മി​ക്ക​വേ പോ​ലീ​സ് സാ​ഹ​സി​ക​മാ​യി ഓ​ടി​ച്ചി​ട്ട് പി​ടി​കൂ​ടു​ക​യാ​യി​രു​ന്നു.

ഓ​ച്ചി​റ സ​ബ് ഇ​ൻ​സ്പെ​ക്ട​ർ നി​യാ​സ്, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ക​നീ​ഷ്, വി​നോ​ദ്, അ​നു, രാ​ഹു​ൽ , സു​ധീ​ന്ദ്ര​ൻ എ​ന്നി​വ​ര​ട​ങ്ങി​യ സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്. ഇ​നി​യും സ്ഥി​രം കു​റ്റ​വാ​ളി​ക​ൾ​ക്കെ​തി​രെ കാ​പ്പാ നി​യ​മ​പ്ര​കാ​രം ശ​ക്ത​മാ​യ ന​ട​പ​ടി​ക​ൾ തു​ട​രു​മെ​ന്ന് ജി​ല്ലാ പോ​ലീ​സ് മേ​ധാ​വി വി​വേ​ക് കു​മാ​ർ അ​റി​യി​ച്ചു.