ADVERTISEMENT

ADVERTISEMENT

കോൺഗ്രസ് കുടുംബസംഗമം സംഘടിപ്പിച്ചു

ബളാൽ: ബളാൽ മണ്ഡലം മൂന്നാം വാർഡ് കോൺഗ്രസ്‌ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച മഹാത്മാഗാന്ധി കോൺഗ്രസ് കുടുംബസംഗമം പഞ്ചായത്ത് പ്രസിഡന്‍റ് രാജു കട്ടക്കയം ഉദ്ഘാടനം ചെയ്തു. ഡിസിസി വൈസ് പ്രസിഡന്‍റ് ബി.പി. പ്രദീപ് കുമാർ മുഖ്യപ്രഭാഷണം നടത്തി. ബളാൽ -രാജപുരം ജില്ലാ പഞ്ചായത്ത്‌ റോഡ് അടിയന്തിരമായി പൊതുമരാമത്ത് വകുപ്പ് ഏറ്റെടുത്ത് മെക്കാഡം ടാറിംഗ് നടത്തണമെന്ന് യോഗം ആവശ്യപ്പെട്ടു.

വാർഡ് കോൺഗ്രസ് കമ്മിറ്റി പ്രസിഡന്‍റ് സി.വി.ശ്രീധരൻ അധ്യക്ഷത വഹിച്ചു. ഡിസിസി ജനറൽ സെക്രട്ടറി ഹരീഷ് പി.നായർ, മണ്ഡലം കോൺഗ്രസ് പ്രസിഡന്‍റ് എം.പി.ജോസഫ്, അലക്സ്‌ നെടിയകാലാ, ഷോബി ജോസഫ്, വി.മാധവൻ നായർ, ജോസ് എബ്രഹാം, കെ.സുരേന്ദ്രൻ, ജോസ് വർഗീസ്, ടി.വി. ചന്ദ്രൻ, എം.ടി.ദേവസ്യ, ജോസുകുട്ടി അറയ്ക്കൽ, പി.അരവിന്ദാക്ഷൻ എന്നിവർ പ്രസംഗിച്ചു.

ADVERTISEMENT

പഞ്ചായത്തിന്‍റെ റോഡ് കൈയേറി വേലികെട്ടാൻ വനംവകുപ്പിന്‍റെ നീക്കം

മാലോം: പുഞ്ചയിൽ പഞ്ചായത്തിന്‍റെ ആസ്തി രജിസ്റ്ററിലുള്ള റോഡ് കൈയേറി വനംവകുപ്പ് വേലികെട്ടാൻ കുഴികുത്തി. ബളാൽ പഞ്ചായത്തിലെ ഏഴ്, എട്ട് വാർഡുകളെ തമ്മിൽ ബന്ധിപ്പിക്കുന്ന മാലോം-മൈക്കയം റോഡിലെ പുഞ്ച ആനക്കുഴി ഭാഗത്താണ് വനംവകുപ്പ് ഫെൻസിങ്ങിനായി കുഴി കുത്തിയിരിക്കുന്നത്. വിവരമറിഞ്ഞ് പഞ്ചായത്ത് പ്രസിഡന്‍റ് രാജു കട്ടക്കയത്തിന്‍റെ നേതൃത്വത്തിൽ നാട്ടുകാർ പ്രതിഷേധവുമായി എത്തി. വനാതിർത്തിയോട് ചേർന്നുള്ള മലമ്പ്രദേശങ്ങളുടെ വികസനം ലക്ഷ്യമിട്ട് നാലു പതിറ്റാണ്ടു മുമ്പാണ് ഈ റോഡ് നിർമിച്ചത്. പഞ്ചായത്ത് വൈസ് പ്രസിഡന്‍റായിരുന്ന പി.ജി.ദേവ് മുൻകൈയെടുത്ത് കമാൻഡ് ഏരിയ ഡെവലപ്പ്മെന്‍റ് അഥോറിറ്റി (കാഡ) യുടെ പദ്ധതിയിലാണ് റോഡിന്‍റെ നിർമാണം പൂർത്തിയാക്കിയത്. ഇതിന് ജില്ലാ വികസന സമിതിയുടെ പ്രത്യേക അനുമതിയും ലഭിച്ചിരുന്നു. തുടർന്ന് വർഷങ്ങളോളം ഇതുവഴി സുഗമമായി വാഹനഗതാഗതം നടന്നിരുന്നു. എന്നാൽ പിന്നീട് വനംവകുപ്പ് ഇതുവഴിയുള്ള ഗതാഗതം തടഞ്ഞു. ഇതോടെ റോഡിൽ കാട് കയറി. പഞ്ചായത്തിന്‍റെ ആസ്തി രജിസ്റ്ററിൽ ഉൾപ്പെട്ട റോഡാണെങ്കിലും ഇവിടെ നവീകരണ പ്രവൃത്തികൾ നടത്തുന്നതും വനംവകുപ്പ് തടഞ്ഞു. ഇതോടെ ആലുവ-മൂന്നാർ രാജപാതയ്ക്ക് സംഭവിച്ചതുപോലെ ഈ റോഡ് ഫലത്തിൽ വനത്തിനുള്ളിലായി. റോഡ് വീണ്ടും ടാറിംഗ് നടത്തി ഗതാഗതം പുനസ്ഥാപിക്കാനുള്ള നടപടിക്രമങ്ങൾ നടന്നുവരുന്നതിനിടയിലാണ് വനംവകുപ്പ് റോഡ് കൈയേറി കുഴികുത്തിയതെന്ന് പഞ്ചായത്ത് പ്രസിഡന്‍റ് രാജു കട്ടക്കയം പറഞ്ഞു. റോഡിനെ വീണ്ടെടുക്കാനുള്ള അടിയന്തിര നടപടികൾ പഞ്ചായത്തിന്‍റെ ഭാഗത്തുനിന്നുണ്ടാകുമെന്നും അദ്ദേഹം വ്യക്തമാക്കി.

ലഹരിവിരുദ്ധ കാന്പയിന് തുടക്കം

ചെറുവത്തൂർ: ലഹരിവിപത്തിനെതിരെ കാമ്പയിനുമായി കൈതക്കാട് പയ്യങ്കി അൽമദാർ കൾച്ചറൽ ആൻഡ് ചാരിറ്റബിൾ സൊസൈറ്റി. രാജ്മോഹൻ ഉണ്ണിത്താൻ എംപി ഉദ്ഘാടനം ചെയ്തു. വി.കെ.മുഹമ്മദ് റഫീഖ് ഹാജി അധ്യക്ഷത വഹിച്ചു. റിട്ട. ഡിജിപി ഡോ.അലക്സാണ്ടർ ജേക്കബ് മുഖ്യ പ്രഭാഷണം നടത്തി. എം.രാജഗോപാലൻ എംഎൽഎ ഭവന നിർമാണ ധന സഹായം ചടങ്ങിൽ വിതരണം ചെയ്തു. എസ്.ടി.പി.ജമാലുദ്ദീൻ വിഷയാവതരണം നടത്തി. വിവിധ മേഖലയിലുള്ളവരെ ആദരിച്ചു. ടി.കെ.സി.മുഹമ്മദലി ഹാജി, എ.ആർ.എം.മഹമ്മദ് ഷഹീദ്, കെ.എം.സി.താജുദ്ദീൻ, വെള്ളരിക്കുണ്ട് ഇൻസ്പെക്ടർ ടി.പി.മുകുന്ദൻ, ഡിസിസി പ്രസിഡന്‍റ് പി.കെ.ഫൈസൽ, എം.ടി.പി.ബുഷ്റ, എം.വി.അബ്ദുൾ റഹ്മാൻ ഹാജി, പ്രഫ.പി.സി.അഷ്റഫ്, ഡോ.ടി.കെ.മുഹമ്മദലി, റിഷാദ് ഓരിമുക്ക്, എ.ജി.സി.ബഷീർ, കെ.പി.സതീഷ്, ഹംസൻ പയ്യങ്കി, എസ്.സി.മുഷ്താഖ്, എം.ഭാസ്കരൻ എന്നിവർ പ്രസംഗിച്ചു.

എല്ലാരും എന്‍റെ മക്കളാണ്; ക്ലാസിലെ മുഴുവൻ കുട്ടികൾക്കും വിഷുക്കോടിയുമായി ഒരധ്യാപിക

കാഞ്ഞങ്ങാട്: അധ്യയന വർഷം കഴിയുമ്പോൾ അധ്യാപികയെ വിട്ടുപോരാനാകാതെ കെട്ടിപ്പിടിച്ച് കരയുന്ന കുട്ടികൾ പലപ്പോഴും എൽപി സ്കൂൾ ക്ലാസുകളിലെ പതിവു കാഴ്ചയാണ്. അങ്ങനെ കുട്ടികളുമായി സ്നേഹം പങ്കുവച്ച് പിരിഞ്ഞ ഒരധ്യാപിക ആഴ്ചകൾ കഴിഞ്ഞപ്പോൾ തന്‍റെ പ്രിയപ്പെട്ട കുട്ടികൾക്ക് വിഷുക്കോടിയുമായി വീടുകളിലെത്തിയ കഥയാണ് ഇപ്പോൾ കാഞ്ഞങ്ങാട്ടെ കുട്ടികൾക്ക് പറയാനുള്ളത്. കാഞ്ഞങ്ങാട് നഗരസഭയിലെ മേലാങ്കോട്ട് എസികെഎൻഎം ഗവ: യുപി സ്കൂൾ അധ്യാപിക എസ്.എ. സുജനയാണ് ഒന്നാം ക്ലാസിലെ എല്ലാ കുട്ടികൾക്കും സ്വന്തം മക്കൾക്കെന്നപോലെ വിഷുക്കോടി വാങ്ങി അവരുടെ വീടുകളിലെത്തിയത്. ക്ലാസിലെ ഓരോ പെൺകുട്ടിയുടേയും ആൺകുട്ടിയുടേയും രൂപഭാവങ്ങൾ ഹൃദിസ്ഥമായ സുജന അവരവരുടെ അളവിനൊത്ത ഉടുപ്പുകൾ തന്നെയാണ് തെരഞ്ഞെടുത്ത് വാങ്ങിയത്. കഴിഞ്ഞ വർഷത്തെ ഒന്നാംക്ലാസിൽ പഠിച്ച നഗരസഭയുടെയും അജാനൂർ, മടിക്കൈ പഞ്ചായത്തുകളുടെയും വിവിധ ഭാഗങ്ങളിലായി താമസിക്കുന്ന 25 കുട്ടികളുടെ വീടുകളിലേക്കാണ് സുജന വിഷുക്കോടിയുമായി കയറിച്ചെന്നത്. സ്കൂളിലെ കാര്യമെല്ലാം മറന്ന് കളിയും കുസൃതിയുമായി നടക്കുകയായിരുന്ന കുട്ടികൾ പെട്ടെന്ന് ടീച്ചർ വരുന്നതുകണ്ട് അമ്പരന്നു. പൊടുന്നനേ അമ്പരപ്പ് ആവേശത്തിനും വിഷുക്കോടി കണ്ടതിന്‍റെ ആഹ്ളാദത്തിനും വഴിമാറി. അച്ഛനും അമ്മയ്ക്കും ചേച്ചിക്കുമൊക്കെ ടീച്ചറെ പരിചയപ്പെടുത്താനും ചില കുസൃതികൾ മറന്നില്ല. പഠനത്തിനൊപ്പം കളികളിലൂടെ അറിവുകൾ നേടുന്ന പാഠ്യേതര പ്രവർത്തനങ്ങളിലും കുട്ടികൾക്കൊപ്പം കട്ടയ്ക്ക് നിന്ന സുജന ടീച്ചറെ എല്ലാവർക്കും അത്രമേൽ ഇഷ്ടമായിരുന്നു. ജൂൺ മാസത്തിൽ രണ്ടാം ക്ലാസിലേക്ക് വരുമ്പോൾ ക്ലാസ് ടീച്ചറായിട്ടല്ലെങ്കിലും മറ്റേതെങ്കിലും വിധത്തിൽ വീണ്ടും കാണാമെന്ന് കുട്ടികൾക്കെല്ലാം ഉറപ്പുനല്കിയാണ് സുജന മടങ്ങിയത്.

കെപിഎസ്ടിഎ യാത്രയയപ്പ് സമ്മേളനം നടത്തി

ചട്ടഞ്ചാൽ: കെപിഎസ്ടിഎ കാസർഗോഡ് ഉപജില്ല കമ്മിറ്റിയുടെ നേതൃത്വത്തിൽ ഈ വർഷം സർവീസിൽ നിന്ന് വിരമിക്കുന്ന അംഗങ്ങൾക്ക് യാത്രയയപ്പ് നല്കി. ചട്ടഞ്ചാൽ അർബൻ ബാങ്ക് ഹാളിൽ നടന്ന യാത്രയയപ്പ് സമ്മേളനം സംസ്ഥാന വൈസ് പ്രസിഡന്‍റ് ഡോ.ജി.കെ. ഗിരീഷ് ഉദ്ഘാടനം ചെയ്തു. ബിജു കാവിൽ മുഖ്യപ്രഭാഷണം നടത്തി. ജില്ലാ പ്രസിഡന്‍റ് പി.ടി. ബെന്നി വിരമിക്കുന്ന അധ്യാപകരെ ആദരിച്ചു. ഉപജില്ലാ പ്രസിഡന്‍റ് എ. ജയദേവൻ അധ്യക്ഷനായി. സംസ്ഥാന നിർവാഹക സമിതി അംഗം ജോമി ടി. ജോസ്, സംസ്ഥാന സമിതി അംഗം സ്വപ്ന ജോർജ്, ജില്ലാ സെക്രട്ടറി കെ.ഗോപാലകൃഷ്ണൻ, കെ. സുഗതൻ, ആർ.വി. പ്രേമാനന്ദൻ, കെ.എ. ജോൺ, രജനി കെ. ജോസഫ്, എ. രാധാകൃഷ്ണൻ, ഹരീഷ്‌ പേറയിൽ, പി. ഷൈമ എന്നിവർ പ്രസംഗിച്ചു. വിരമിക്കുന്ന അധ്യാപകരായ കെ.വി. വാസുദേവൻ നമ്പൂതിരി, അശോകൻ കോടോത്ത്, പി.എസ്. സന്തോഷ് കുമാർ, കെ.ഐ.ശ ്രീവത്സൻ, ഡെന്നിസ് ജോൺ, റിനി തോമസ്, ടി.വി.ജനാർദ്ദനൻ, അനസൂയ, കെ. അജിത, അനിത എം. നായർ, ആനന്ദകൃഷ്ണൻ എടച്ചേരി, സി.എം.ജോബിച്ചൻ, കെ.പി. ലസിത എന്നിവർ മറുപടി ഭാഷണം നടത്തി. മലപ്പുറത്തേക്ക് സ്ഥലംമാറ്റം ലഭിച്ച് പോകുന്ന സൽമാൻ ജാഷിമിന് ഉപഹാരം നല്കി.

പ്രതിസന്ധികൾ നേരിടാൻ കുട്ടികളെ പ്രാപ്തരാക്കണം: സ്പീക്കർ

ചീമേനി: തിരിച്ചടികളില്‍ പതറിപ്പോകാതെ പ്രതിസന്ധികളെ നേരിടാനുള്ള മാനസിക ധൈര്യം നല്കി കുട്ടികളെ വളര്‍ത്താന്‍ അധ്യാപകർക്കും രക്ഷിതാക്കൾക്കും കഴിയണമെന്ന് സ്പീക്കര്‍ എ.എൻ.ഷംസീർ പറഞ്ഞു. താരതമ്യപഠനം നടത്താതെ ഓരോ കുട്ടിയുടെയും യഥാർഥ കഴിവുകൾ കണ്ടെത്തി അവയെ പരിപോഷിപ്പിക്കാൻ കഴിയണമെന്നും അദ്ദേഹം പറഞ്ഞു. ചീമേനി ഗവ. ഹയർ സെക്കൻഡറി സ്കൂളിനായി നിർമിച്ച പുതിയ കെട്ടിടം ഉദ്ഘാടനം ചെയ്ത് പ്രസംഗിക്കുകയായിരുന്നു സ്പീക്കര്‍. പുതിയ സ്റ്റേജിന്‍റെ ഉദ്ഘാടനം എം.രാജഗോപാലന്‍ എംഎല്‍എ നിർവഹിച്ചു. ജില്ലാ പഞ്ചായത്ത് പ്രസിഡന്‍റ് ബേബി ബാലകൃഷ്ണന്‍ അധ്യക്ഷത വഹിച്ചു. നീലേശ്വരം ബ്ലോക്ക് പഞ്ചായത്ത് പ്രസിഡന്‍റ് മാധവന്‍ മണിയറ, ജില്ലാ പഞ്ചായത്ത് പൊതുമരാമത്ത് സ്ഥിരം സമിതി അധ്യക്ഷ കെ.ശകുന്തള, കയ്യൂര്‍-ചീമേനി പഞ്ചായത്ത് പ്രസിഡന്‍റ് എ.ജി. അജിത് കുമാര്‍, കാസര്‍ഗോഡ് വികസന പാക്കേജ് സ്‌പെഷ്യല്‍ ഓഫീസര്‍ വി.ചന്ദ്രന്‍, ഹയർ സെക്കൻഡറി മേഖലാ ഡെപ്യൂട്ടി ഡയരക്ടർ രാജേഷ്‌ കുമാര്‍, ജില്ലാ വിദ്യാഭ്യാസ ഉപഡയറക്ടര്‍ ടി.വി.മധുസൂദനന്‍, പൊതുമരാമത്ത് വകുപ്പ് എക്‌സിക്യുട്ടീവ് എൻജിനീയര്‍ എം.സജിത്ത്, ജില്ലാ പഞ്ചായത്ത് എക്‌സി. എൻജിനീയര്‍ എന്‍.ഷൈനി, പ്രിന്‍സിപ്പല്‍ ജി.സുനില്‍ കുമാര്‍, മുഖ്യാധ്യാപകൻ വി.കെ.സക്കറിയ, പിടിഎ പ്രസിഡന്‍റ് എം.ഗംഗാധരന്‍, കരിമ്പിൽ കൃഷ്ണൻ, കുര്യാക്കോസ് പ്ലാപ്പറമ്പില്‍, കരീം ചന്തേര, ജെറ്റോ ജോസഫ്, കൈപ്രത്ത് കൃഷ്ണന്‍ നമ്പ്യാര്‍, സണ്ണി അരമന എന്നിവർ പ്രസംഗിച്ചു.

സ്പെയിനിൽ മെഡിക്കൽ പിജി പ്രവേശനം വാഗ്ദാനംചെയ്ത് ലക്ഷങ്ങൾ തട്ടിയതിന് കേസ്

കാഞ്ഞങ്ങാട്: സ്പെയിനിലെ സൽമാൻസ മെഡിക്കൽ യൂണിവേഴ്സിറ്റിയിൽ പിജി പ്രവേശനം വാഗ്ദാനം ചെയ്ത് ലക്ഷങ്ങൾ തട്ടിയതിന് നാലുപേർക്കെതിരെ കേസ്. പരപ്പ മോലോത്തുംകുന്നിലെ ചന്ദ്രൻ പൈക്കയുടെ പരാതിയിൽ ഡൽഹി സ്വദേശികളായ അർച്ചന ഗൗതം, രാഹുൽ ഗൗതം, എ.കെ.പുഷ്പ, ബിഹാർ സ്വദേശി വിവേക് കുമാർ എന്നിവർക്കെതിരെയാണ് പോലീസ് കേസെടുത്തത്. പരതിക്കാരന്‍റെ മകന് പിജി പ്രവേശനം ശരിയാക്കിത്തരാമെന്ന് വാഗ്ദാനം ചെയ്ത് 2023, 2024 വർഷങ്ങളിലായി 14 ലക്ഷം രൂപയാണ് പ്രതികൾ വാങ്ങിയതെന്ന് പരാതിയിൽ പറയുന്നു. പ്രവേശനം ലഭിക്കാതെ വന്നതോടെ പിന്നീട് 10 ലക്ഷം രൂപ തിരികെ നല്കി. പല അവധികൾ പറഞ്ഞിട്ടും അവശേഷിക്കുന്ന നാലു ലക്ഷം രൂപ തിരികെ കിട്ടാതെ വന്നതോടെയാണ് പോലീസിൽ പരാതി നല്കിയതെന്ന് ചന്ദ്രൻ പറഞ്ഞു.

കെഎസ്ആർടിസി ഡിപ്പോയ്ക്കു മുന്നിൽ പ്രതിഷേധവും ധർണയും

കാഞ്ഞങ്ങാട്: കെഎസ്ആർടിസി ഡിപ്പോയിലെ ജീവനക്കാരുടെ ബ്രീത്ത് അനലൈസർ പരിശോധന നടത്തുന്ന സംവിധാനത്തിലെ അപാകത പരിഹരിക്കണമെന്നാവശ്യപ്പെട്ട് കെഎസ്ആർടി എംപ്ലോയീസ് അസോസിയേഷന്‍റെ (സിഐടിയു) നേതൃത്വത്തിൽ ഡിപ്പോയ്ക്കു മുന്നിൽ പ്രതിഷേധ പ്രകടനവും ധർണയും നടത്തി. പരിശോധന നടത്തുന്നതിന് സംഘടന എതിരല്ലെന്നും അതേസമയം ചികിത്സയുടെ ഭാഗമായി മരുന്ന് കഴിക്കുന്നവരും തീരെ മദ്യപിക്കാത്തവരും മദ്യപിച്ചതായി മുദ്രകുത്തപ്പെടുന്നത് ഒഴിവാക്കണമെന്നും സംഘടനാ നേതാക്കൾ പറഞ്ഞു. ജില്ലയിൽ ഈ പരിശോധനയിൽ പരാജയപ്പെടുന്നവർ വൈദ്യപരിശോധന നടത്താനാവശ്യപ്പെട്ടാൽ ശാസ്ത്രീയമായ രീതികളിലൂടെ നിരപരാധിത്വം തെളിയിക്കാനുള്ള അവസരം അവർക്ക് നല്കാത്തതാണ് പ്രശ്നം. മാധ്യമങ്ങളെ വിളിച്ചുചേർത്ത് വിഷയം പൊതുജനമധ്യത്തിൽ അവതരിപ്പിക്കുന്നവർക്ക് മാത്രം നിരപരാധിത്വം തെളിയിക്കാൻ അവസരം നൽകുന്ന പ്രവണതയാണ് മാനേജ്മെന്‍റ് പിന്തുടരുന്നതെന്നും അവർ പറഞ്ഞു. ഇതിനെതിരെ പരിശോധനാ ബഹിഷ്കരണമടക്കമുള്ള ശക്തമായ പ്രക്ഷോഭത്തിലേക്ക് നീങ്ങുമെന്നറിയിച്ച് സംഘടനാ പ്രതിനിധികൾ മാനേജ്മെന്‍റിന് നോട്ടീസ് നല്കി. ധർണ കെഎസ്ആർടിഇഎ സംസ്ഥാന ഓഡിറ്റ് കമ്മിറ്റി കൺവീനർ എം.ലക്ഷ്മണൻ ഉദ്ഘാടനം ചെയ്തു. കെ.പി. സന്തോഷ് കുമാർ അധ്യക്ഷനായി. ജില്ലാ സെക്രട്ടറി എം.സന്തോഷ്, യൂണിറ്റ് സെക്രട്ടറി കെ.സുജിത്ത്, കെ.പ്രശാന്ത് എന്നിവർ പ്രസംഗിച്ചു.

പനത്തടി പുളിംകൊച്ചിയില്‍ വീണ്ടും കാട്ടാനയിറങ്ങി

രാജപുരം: ചെറിയൊരു ഇടവേളയ്ക്കു ശേഷം പനത്തടി പുളിംകൊച്ചിയില്‍ വീണ്ടും കാട്ടാനയിറങ്ങി കൃഷി നശിപ്പിച്ചു. പുളിംകൊച്ചിയിലെ ബി.രവീന്ദ്രന്‍, എസ്.ബി.ജയകുമാര്‍ എന്നിവരുടെ കൃഷിയിടങ്ങളിലെ കായ്ച്ചതും കായ്ക്കാറായതുമായ അറുപതിലേറെ കമുകുകളാണ് രണ്ടു ദിവസത്തിനുള്ളിൽ നശിപ്പിച്ചത്. നേരത്തേ കാട്ടാനശല്യം രൂക്ഷമായിരുന്ന പ്രദേശത്ത് അടുത്തിടെ രണ്ട് കിലോമീറ്റര്‍ ദൂരത്തില്‍ സൗരോര്‍ജ തൂക്കുവേലിയുടെ നിര്‍മാണം പൂര്‍ത്തിയാക്കിയിരുന്നു. എന്നാല്‍ ഇത് പൂർണമായി ചാർജ് ചെയ്ത് ഉദ്ഘാടനം നടത്തിയിട്ടില്ല. സൗരോർജവേലി കഴിവതും വേഗത്തിൽ പൂര്‍ണ തോതിൽ പ്രവര്‍ത്തനക്ഷമമാക്കുകയും പുളിംകൊച്ചി മുതല്‍ താന്നിക്കാല്‍ വരെയുള്ള ഭാഗത്തെ കാട് തെളിച്ച് ഇവിടെയുള്ള പഴയ സൗരോര്‍ജ വേലിയുടെ അറ്റകുറ്റപണികൾ നടത്തുകയും ചെയ്താൽ ആനകളെ നിയന്ത്രിക്കാനാകുമെന്നാണ് നാട്ടുകാര്‍ പറയുന്നത്. പഴയ സൗരോർജവേലിയും പുതിയതും ഒരേസമയം പ്രവർത്തനസജ്ജമായാൽ പെരുതടി മുതല്‍ കടമല വരെയുള്ള ഭാഗത്ത് കാട്ടാനകളെ തടയാനാകുമെന്നാണ് പ്രതീക്ഷ.

പാചകവാതക വിലവർധനയ്ക്കെതിരേ അടുപ്പുകൂട്ടി സമരവുമായി എൻസിപി-എസ്

കാഞ്ഞങ്ങാട്: അന്താരാഷ്ട്ര മാർക്കറ്റിൽ ക്രൂഡ് ഓയിൽ വില ഇടിഞ്ഞിട്ടും പാചകവാതക വില വർധിപ്പിച്ചും പെട്രോളിനും ഡീസലിനും വില കുറയ്ക്കാതെയും പാവപ്പെട്ട ജനങ്ങളെ ദ്രോഹിക്കുന്ന കേന്ദ്ര സർക്കാർ നയത്തിനെതിരേ എൻസിപി-എസ് ജില്ലാ കമ്മിറ്റിയുടെ നേതൃത്വത്തിൽ കാഞ്ഞങ്ങാട് ഹെഡ് പോസ്റ്റോഫീസിന് മുന്നിൽ അടുപ്പുകൂട്ടി സമരം നടത്തി. ജില്ലാ പ്രസിഡന്‍റ് കരീം ചന്തേര ഉദ്‌ഘാടനം ചെയ്തു. ജില്ലാ ട്രഷറർ ബെന്നി നാഗമറ്റം അധ്യക്ഷത വഹിച്ചു. സംസ്ഥാന സെക്രട്ടറി സി. ബാലൻ, ജില്ലാ ജനറൽ സെക്രട്ടറി ഉദിനൂർ സുകുമാരൻ, ഒ.കെ. ബാലകൃഷ്ണൻ, സുബൈർ പടുപ്പ്, ലിജോ സെബാസ്റ്റ്യൻ, ഖദീജ മൊഗ്രാൽ, രമ്യ കാഞ്ഞങ്ങാട്, രാഹുൽ നിലാങ്കര എന്നിവർ പ്രസംഗിച്ചു. എം.ടി.പി ഹാരിസ്, സമീർ അണങ്കൂർ, നാസർ പള്ളം, അഖിൽ മുളിയാർ, എ.വി. ചന്ദ്രൻ, സീനത്ത് സതീശൻ, എൻ. ഷമീമ എന്നിവർ നേതൃത്വം നല്കി.

കുറഞ്ഞ നിരക്കിൽ പഞ്ചനക്ഷത്ര വിഭവങ്ങളുമായി കല്ലുമ്മക്ക ഫുഡ് ബിനാലെ

ബേക്കൽ: ബീച്ച് പാർക്കിൽ നടക്കുന്ന കല്ലുമ്മക്ക ബേക്കൽ ഫുഡ്‌ ബിനാലെയുടെ ഭാഗമായുള്ള ഫൈഫ് സ്റ്റാർ ഫുഡ്‌ ഫെസ്റ്റ് സി.എച്ച്.കുഞ്ഞമ്പു എംഎൽഎ ഉദ്ഘാടനം ചെയ്തു. ഏഷ്യൻ കോണ്ടിനെന്‍റൽ ഫുഡ്,‌ വിവിധ സ്‌പെഷ്യാലിറ്റി വിഭവങ്ങളും ബജറ്റ് നിരക്കിൽ ഇവിടെ ലഭിക്കും. പഞ്ചനക്ഷത്ര ഹോട്ടലുകളിൽ ലഭിക്കുന്ന ഭക്ഷണങ്ങളുടെ സാധാരണക്കാർക്കും ചെറിയ നിരക്കിൽ പ്രാപ്യമാകുകയാണ് ലക്ഷ്യം. ബേക്കൽ ബീച്ച് പാർക്കിൽ ഇതിനായി പ്രത്യേകം സ്റ്റാളുകൾ സജ്ജമാക്കിയിട്ടുണ്ട്. സ്റ്റാർ റിസോർട്ടുകളിൽ ആയിരം മുതൽ രണ്ടായിരം രൂപ വരെയുള്ള വിഭവങ്ങൾ 200 മുതൽ 400 രൂപ വരെ നിരക്കിൽ ഇവിടെ നിന്നും കഴിക്കാം. പോണ്ടിച്ചേരി സ്വദേശിയായ ഷെഫ് അമ്പളകന്‍റെ നേതൃത്വത്തിലുള്ള ‎താജ് ബേക്കലിന്‍റെ സ്റ്റാളിൽ ചീസ് ഗാർലിക്ക് ബ്രഡ്, ഹോട്ട് ഡോഗ്, റാപ് ആന്‍റ് റോൾ, ഗാർഡൻ സ്പെഷ്യൽ, ബേക്കൽ സ്പെഷ്യൽ തുടങ്ങിയ വിഭവങ്ങളാണ് സന്ദർശകർക്കായി ഒരുക്കുന്നത്. ലളിത് ബേക്കലിന്‍റെ സ്റ്റാളിൽ ഷെഫ് ലനീഷിന്‍റെ നേതൃത്വത്തിൽ ഒരുക്കുന്ന മീൻ, ചെമ്മീൻ, ചിക്കൻ, പച്ചക്കറി വിഭവങ്ങളും മീൻ പൊള്ളിച്ചത്, ഇളനീർ ക്രീം അങ്കലസ്, ഡെക്കാൻ ഫ്രാങ്കിസ് വെജിറ്റേറിയൻ നോൺ വെജ് വിഭവങ്ങളും ലഭ്യമാണ്. ഗേറ്റ് വേ ബേക്കൽ സ്റ്റാളിൽ ഷെഫ് സുകേഷ് കണ്ണൂരിന്‍റെ നേതൃത്വത്തിൽ വിവിധതരം സ്റ്റാർട്ടറുകളും മീൻ, ചെമ്മീൻ, ചിക്കൻ പച്ചക്കറി വിഭവങ്ങളും ഒരുക്കിയിട്ടുണ്ട്. പഞ്ചനക്ഷത്ര ഹോട്ടലുകളുടെ സ്റ്റാളുകൾ ഈ മാസം 19 വരെയും കുടുംബശ്രീ സ്റ്റാളുകൾ 20 വരെയും പ്രവർത്തിക്കും.

ഹൈമാസ്റ്റ് ലൈറ്റ് സ്വിച്ച് ഓൺ ചെയ്തു

കാഞ്ഞങ്ങാട്: എംഎല്‍എയുടെ ആസ്തിവികസന ഫണ്ടിൽ നിന്നും.2 ലക്ഷം രൂപ ചെലവിൽ പുതിയകോട്ട ഹെറിറ്റേജ് സ്‌ക്വയറിന് സമീപം സ്ഥാപിച്ച ഹൈമാസ്റ്റ് ലൈറ്റ് ഇ.ചന്ദ്രശേഖരന്‍ എംഎല്‍എ സ്വിച്ച് ഓൺ ചെയ്തു. നഗരസഭ വൈസ് ചെയര്‍മാന്‍ ബില്‍ടെക് അബ്ദുള്ള അധ്യക്ഷനായി. ബഷീര്‍ ആറങ്ങാടി, കെ.വി.കൃഷ്ണന്‍, സുറൂര്‍ മൊയ്തുഹാജി, എം.കെ.റഷീദ്, ഹംസ ഹൊസ്ദുര്‍ഗ് എന്നിവര്‍ സംബന്ധിച്ചു.

ബളാംതോട് ക്ഷീരസംഘത്തിലെ കർഷകർക്ക് ഉത്സവകാല അധിക വില വിതരണം ചെയ്തു

പനത്തടി: ബളാംതോട് ക്ഷീരോത്പാദക സഹകരണ സംഘത്തിന്‍റെ ആഭിമുഖ്യത്തിൽ വിഷു - ഈസ്റ്റർ പ്രമാണിച്ച് ക്ഷീരകർഷകർക്ക് ഉത്സവകാല അധിക വില വിതരണം ചെയ്തു. മിൽമ ഡയറക്ടർ പി.പി.നാരായണൻ ഉദ്ഘാടനം നിർവഹിച്ചു. ആകെ 4,22,000 രൂപയാണ് വിഷു- ഈസ്റ്റർ കാലത്ത് ബളാംതോട് സംഘത്തിലെ കർഷകർക്ക് അധിക വിലയായി ലഭിച്ചത്. സംഘം പ്രസിഡന്‍റ് കെ.എൻ. വിജയകുമാരൻ നായർ അധ്യക്ഷത വഹിച്ചു. മിൽമ മലബാർ മേഖലാ യൂണിയൻ ഡയറക്ടർ കെ.സുധാകരൻ ഫാം സപ്പോർട്ട് വിതരണം ചെയ്തു. മിൽമ പിഐ വിഭാഗം മേധാവി വി.ഷാജി വിദ്യാഭ്യാസ സ് കോളർഷിപ്പുകളും പരപ്പ ക്ഷീരവികസന ഓഫീസർ കെ.ഉഷ ക്ഷീരവികസന വകുപ്പിന്‍റെ എംഎസ്ടിപി പദ്ധതിക്കു കീഴിലുള്ള തൊഴുത്ത് നിർമാണ ധനസഹായവും എംഎസ്ടിപി ഒരു കറവപ്പശു യൂണിറ്റുകൾക്കുള്ള ധനസഹായവും വിതരണം ചെയ്തു. ബളാംതോട് വെറ്ററിനറി സർജൻ ഡോ.അരുൺ എസ്. അജിത്ത് ഗോസമൃദ്ധി ക്യാറ്റിൽ ഇൻഷ്വറൻസ് പോളിസി വിതരണോദ്ഘാടനം നിർവഹിച്ചു. കന്നുകാലി ഇൻഷ്വറൻസ് ക്ലെയിം മിൽമ സീനിയർ സൂപ്പർവൈസർ മേഘ മുരളീധരൻ വിതരണം ചെയ്തു. മിൽമ ഡയറക്ടർമാരായി വീണ്ടും തിരഞ്ഞെടുക്കപ്പെട്ട പി.പി.നാരായണൻ, കെ.സുധാകരൻ എന്നിവരെ അനുമോദിച്ചു. സംഘം സെക്രട്ടറി സി.എസ്.പ്രദീപ് കുമാർ, വൈസ് പ്രസിഡന്‍റ് സുലേഖ രാധാകൃഷ്ണൻ എന്നിവർ പ്രസംഗിച്ചു. വേനൽക്കാല പശു പരിപാലനവുമായി ബന്ധപ്പെട്ട് നടത്തിയ ക്ലാസിനും ചർച്ചകൾക്കും വെറ്ററിനറി സർജൻ ഡോ. അരുൺ എസ്.അജിത്ത് നേതൃത്വം നല്കി.

ഗതാഗതക്കുരുക്കിൽ വീർപ്പുമുട്ടി നഗരം; പാർക്കിംഗ് കേന്ദ്രമായി കാഞ്ഞങ്ങാട് പഴയ ബസ് സ്റ്റാൻഡ്

കാഞ്ഞങ്ങാട്: ആലാമിപ്പള്ളിയിലെ പുതിയ ബസ് സ്റ്റാൻഡിൽ ബസുകളെ കയറ്റാനുള്ള അറ്റകൈ പ്രയോഗമെന്ന നിലയിൽ പഴയ ബസ് സ്റ്റാൻഡ് അടച്ചിട്ട നഗരസഭയുടെ തീരുമാനം മൂലമുണ്ടായ ഗതാഗതക്കുരുക്കിന് പത്തുദിവസം കഴിഞ്ഞിട്ടും ശമനമായില്ല. വിഷുത്തിരക്ക് കൂടി തുടങ്ങിയതോടെ നഗരത്തിൽ ആളുകളും വാഹനങ്ങളും വഴിയോര കച്ചവടക്കാരും തലങ്ങും വിലങ്ങും നിന്ന് വലയുകയാണ്. ഇതുമൂലം നഗരത്തിൽ സാധനങ്ങൾ വാങ്ങാനെത്തുന്നവരുടെ എണ്ണത്തിലും ഗണ്യമായ കുറവുണ്ടായതായി വ്യാപാരികൾ പറയുന്നു. ബസ് സ്റ്റാൻഡ് യാർഡ് കോൺക്രീറ്റ് ചെയ്യാനെന്ന പേരിൽ അടച്ചിട്ട പഴയ ബസ് സ്റ്റാൻഡ് ഇതിനിടയിൽ കാറുകളുടെയും ഇരുചക്രവാഹനങ്ങളുടെയും പാർക്കിംഗ് കേന്ദ്രമായി മാറി. നേരത്തേ കുണ്ടും കുഴിയുമായി കിടന്ന ടാറിംഗ് ചില ഭാഗങ്ങളിൽകൂടി അടർത്തിമാറ്റിയതല്ലാതെ ഇവിടെ മറ്റു പ്രവൃത്തികളൊന്നും തുടങ്ങിയിട്ടില്ല. കഴിഞ്ഞ ദിവസം ഏതാനും വഴിയോര കച്ചവടക്കാരും ഇവിടം കൈയടക്കിയിട്ടുണ്ട്. തിരക്കിട്ട് പ്രവൃത്തികളൊന്നും തുടങ്ങാൻ ഉദ്ദേശിച്ചായിരുന്നില്ല നഗരസഭ പഴയ ബസ് സ്റ്റാൻഡ് അടച്ചിട്ടതെന്ന് നേരത്തേ വ്യക്തമായിരുന്നു. പുതിയ ബസ് സ്റ്റാൻഡ് പ്രവർത്തനസജ്ജമാക്കുക മാത്രമായിരുന്നു നഗരസഭയുടെ ഉദ്ദേശ്യമെങ്കിൽ അതിന് വിഷുത്തിരക്ക് കഴിയുന്നതുവരെയെങ്കിലും കാത്തുനിൽക്കാമായിരുന്നുവെന്ന് വ്യാപാരികളും നാട്ടുകാരും ഒരുപോലെ പറയുന്നു. അതിനു മുമ്പ് പഴയ ബസ് സ്റ്റാൻഡ് പരിസരത്ത് വിവിധ ഭാഗങ്ങളിൽനിന്ന് വരുന്നതും പോകുന്നതുമായ ബസുകൾ നിർത്താനുള്ള സ്ഥലങ്ങളും ഓട്ടോ സ്റ്റാൻഡുകളും കൃത്യമായി ക്രമീകരിച്ചിരുന്നെങ്കിൽ ഇപ്പോഴത്തെ ഗതാഗതക്കുരുക്ക് ഒരു പരിധി വരെ ഒഴിവാക്കാമായിരുന്നു. ഇപ്പോൾ ബസുകൾ തലങ്ങും വിലങ്ങും വന്ന് നിർത്തുന്നതിനിടയിൽ യാത്രക്കാർക്ക് റോഡ് മുറിച്ചുകടക്കാനുള്ള സൗകര്യമൊരുക്കാൻ പോലും ട്രാഫിക് ഡ്യൂട്ടിയുള്ള ഹോം ഗാർഡുകൾ ബുദ്ധിമുട്ടുകയാണ്. ഇതിനിടയിൽ തുണിത്തരങ്ങളും ബാഗും ചെരിപ്പും ഫാൻസി സാധനങ്ങളുമൊക്കെയായി ദൂരസ്ഥലങ്ങളിൽ നിന്നെത്തി വഴിയോര കച്ചവടം നടത്തുന്നവരും കണിക്കലങ്ങളും കൊന്നപ്പൂവും നാടൻ പച്ചക്കറികളുമൊക്കെ വില്ക്കാനെത്തിയ നാട്ടുകാരും കിട്ടുന്ന ഇടങ്ങളെല്ലാം കൈയടക്കുമ്പോൾ നഗരത്തിന് അക്ഷരാർത്ഥത്തിൽ വീർപ്പുമുടടുകയാണ്. ആളുകൾക്കും വാഹനങ്ങൾക്കും നിൽക്കാൻ ഇടമില്ലാത്തത് ഇവരുടെ കച്ചവടത്തെയും ബാധിക്കുന്നുണ്ട്. ഇതിനിടയിൽ ആലാമിപ്പള്ളി ബസ് സ്റ്റാൻഡിൽ ബസുകൾ കയറുന്നുണ്ടെങ്കിലും മറ്റിടങ്ങളിൽ നിന്നെത്തുന്നവരും നഗരത്തിന്‍റെ തന്നെ മറ്റു ഭാഗങ്ങളിൽ നിന്നുള്ളവരും ഒരു പൊതുവായ ബസ് സ്റ്റാൻഡായി ഇനിയും ഇവിടം ഉപയോഗപ്പെടുത്താൻ തുടങ്ങിയിട്ടില്ല. ഇവിടെനിന്ന് നഗരകേന്ദ്രത്തിലേക്ക് മൂന്നു കിലോമീറ്ററോളം ദൂരമുണ്ടെന്നതു തന്നെയാണ് പ്രശ്നം. ഇന്നും നാളെയും വിഷുവിനു മുമ്പുള്ള അവധിദിനങ്ങളായതിനാൽ നഗരത്തിലെ തിരക്കും ഗതാഗതക്കുരുക്കും നിയന്ത്രണാതീതമാകുമെന്ന് ഉറപ്പാണ്. തിരക്കേറുമ്പോഴും കച്ചവടം കുറയുന്നത് നഗരത്തിലെ വ്യാപാരമേഖലയ്ക്ക് തിരിച്ചടിയാവുകയും ചെയ്യുന്നു.

കരിമണല്‍ ഖനനത്തിന് തീരമേഖലയെ വിട്ടുകൊടുക്കില്ല: വി.ഡി. സതീശന്‍

കാസര്‍ഗോഡ്: കേരളത്തിന്‍റെ പരിസ്ഥിതിക്ക് ഏറെ ആഘാതമുണ്ടാക്കുന്ന കരിമണല്‍ ഖനനം നടത്താന്‍ കേരളത്തിന്‍റെ തീരപ്രദേശം ആകമാനം വിട്ടുകൊടുക്കാനുള്ള കേന്ദ്ര -സംസ്ഥാന സര്‍ക്കാരുകളുടെ തീരുമാനം നടപ്പിലാക്കാന്‍ അനുവദിക്കില്ലെന്ന് പ്രതിപക്ഷനേതാവ് വി.ഡി.സതീശന്‍. യുഡിഫ് തീരദേശ സംരക്ഷണ യാത്രയുടെ സംഘാടകസമിതി രൂപീകരണയോഗം കാസര്‍ഗോഡ് മുനിസിപ്പല്‍ മിനി കോണ്‍ഫറന്‍സ് ഹാളില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ലാഭക്കൊതി മാത്രം മനസില്‍വച്ച് തികച്ചും അശാസ്ത്രീയമായി കോടിക്കണക്കിന് മല്‍സ്യത്തൊഴിലാളികളുടെ ജീവിതം തകര്‍ത്ത് തരിപ്പണമാക്കുന്ന ചതി തിരിച്ചറിയണം. ഓഖിക്കും പ്രളയത്തിനും ശേഷം കടലില്‍ മല്‍സ്യസമ്പത്തിന് വന്‍ ഇടിവുണ്ടായി അനിയന്ത്രിതമായി കരിമണല്‍ കൊള്ള നടത്തുന്നതിലൂടെ കടലിലും കരയിലും വന്‍ പാരിസ്ഥിക പ്രത്യാഘാതം ക്ഷണിച്ചുവരുത്തും. ഈ ദുരന്തം മുന്നില്‍ കാണാന്‍ കടല്‍കൊള്ള നടത്തി കോടികള്‍ വാരാന്‍ കോപ്പുകൂട്ടുന്ന കോര്‍പറേറ്റുകളും അതിന് ഒത്താശ ചെയ്യുന്ന കേന്ദ്ര -സംസ്ഥാന സര്‍ക്കാരുകള്‍ തിരിച്ചറിയാനുള്ള മനസ് കാണിക്കണമെന്നും അദ്ദേഹം ആവശ്യപ്പെട്ടു. എന്‍.എ.നെല്ലിക്കുന്ന് എംഎല്‍എ അധ്യക്ഷതവഹിച്ചു. രാജ്മോഹന്‍ ഉണ്ണിത്താന്‍ എംപി മുഖ്യപ്രഭാഷണം നടത്തി. ഡിസിസി പ്രസിഡന്‍റ് പി.കെ.ഫൈസല്‍, എ.കെ.എം.അഷറഫ് എംഎല്‍എ, എ.ഗോവിന്ദന്‍ നായര്‍, സി. ടി.അഹമ്മദലി, ഹക്കീം കുന്നില്‍, കെ.നീലകണ്ഠന്‍, ഹരീഷ് ബി.നമ്പ്യാര്‍, കൂക്കള്‍ ബാലകൃഷ്ണന്‍, ആന്‍റക്‌സ് ജോസഫ്, പി.പി.അടിയോടി, നാഷണല്‍ അബ്ദുല്ല, എം.സി.പ്രഭാകരന്‍, എം.കുഞ്ഞമ്പു നമ്പ്യാര്‍, പി. ജി.ദേവ്, സാജിദ് മവ്വല്‍, ബി.പി.പ്രദീപ്കുമാര്‍, കരിമ്പില്‍ കൃഷ്ണന്‍, പി.വി.സുരേഷ്, ഗീത കൃഷ്ണന്‍, ധന്യ സുരേഷ്, മാമുനി വിജയന്‍, സോമശേഖര ഷേണി, ബഷീര്‍ വെള്ളിക്കോത്ത്, കെ.വി.ഭക്തവത്സലന്‍, സി.വി. ഭാവനന്‍, മധുസൂദനന്‍ ബാലൂര്‍, ജോയ് ജോസഫ് എന്നിവര്‍ സംസാരിച്ചു.

ആര്‍ഡി ഓഫീസിലേക്ക് ധര്‍ണ നടത്തി

കാഞ്ഞങ്ങാട്: ഭൂമിയുടെ ഫെയര്‍ വാല്യുവിലെ അപാകതകള്‍ പരിഹാരിക്കുക, സര്‍വേ നമ്പറുകളിലെ ഉയര്‍ന്ന വില കാണിച്ച് ആധാരങ്ങള്‍ രജിസ്റ്റര്‍ ചെയ്യണമെന്ന നിര്‍ദേശം പിന്‍വലിക്കുക എന്നീ ആവശ്യങ്ങളുമായി കേരള സ്‌റ്റേറ് ഡോക്യുമെന്‍റ് വര്‍ക്കേക്കേഴ്‌സ് യൂണിയന്‍ ജില്ലാ കമ്മിറ്റിയുടെ നേതൃത്വത്തില്‍ ആര്‍ഡി ഓഫീസ് ധര്‍ണ നടത്തി. സംസ്ഥാന ജോയിന്‍റ് സെക്രട്ടറി ടി.കെ.സുകുമാരന്‍ ഉദ്ഘാടനം ചെയ്തു. സി.പ്രേമന്‍ അധ്യക്ഷതവഹിച്ചു. തിരുവല്ലം മധു, ഷാജു ഡേവിസ്, പി.ആര്‍.ശൈലേഷ്, വിനോദ്കുമാര്‍, മധുസുദനന്‍ നായര്‍, ദീപു ചേവായൂര്‍, സജീവ്, സുനില്‍കുമാര്‍, പി.വി.പ്രകാശ്, പി.കെ.കൃഷ്ണന്‍, ടി.വി.രതീഷ് എന്നിവര്‍ പ്രസംഗിച്ചു.

ഭക്തിസാന്ദ്രമായി പാണത്തൂരിൽ നിന്ന് അമ്പലത്തറയിലേക്ക് കുരിശിന്‍റെ വഴി

രാജപുരം: മലയോരത്തെ വിവിധ ഇടവക സമൂഹങ്ങളുടെയും ഭക്തസംഘടനകളുടെയും ആകാശ പറവകളുടെ കൂട്ടുകാരുടെയും സംയുക്താഭിമുഖ്യത്തിൽ എല്ലാ വർഷവും നാല്പതാം വെള്ളിയാഴ്ച്ച പാണത്തൂരിൽ നിന്ന് അമ്പലത്തറയിലേക്ക് നടത്തുന്ന കുരിശിന്‍റെ വഴി ഭക്തിസാന്ദ്രമായി നടന്നു. പാണത്തൂർ സെന്‍റ് മേരിസ് പള്ളിയിൽ വികാരി ഫാ. വർഗീസ് ചെരിയംപുറത്തിന്‍റെ നേതൃത്വത്തിൽ വിശുദ്ധ കുർബാനയ് ക്കും സന്ദേശത്തിനും ശേഷം ആരംഭിച്ച പ്രദക്ഷിണം 36 കിലോമീറ്റർ കാൽനടയായി സഞ്ചരിച്ച് അമ്പലത്തറ മൂന്നാംമൈലിലുള്ള ആകാശ പറവകളുടെ സ്നേഹാലയത്തിലാണ് സമാപിച്ചത്. വിവിധ സ്ഥലങ്ങളിൽ വച്ച് ഫാ. നിഖിൽ ജോൺ ആട്ടൂക്കാരൻ, ഫാ. ജോസഫ് വാരണത്ത്, ഫാ. അഗസ്റ്റിൻ അറക്കൽ, ഫാ. ടിനോ കുമ്മാനിക്കാട്ട്, ഫാ. ടിനോ ചാമക്കാല, ഫാ. ജോസഫ് തറുപ്പുതൊട്ടിയിൽ, ഫാ. ജോസ് അരീച്ചിറ, ഫാ. റോജി മുകളേൽ, ഫാ. ജോൺസൺ വേങ്ങപറമ്പിൽ, ഫാ. ലിജു മാളിയേക്കൽ, ഫാ. സണ്ണി തോമസ്, ഫാ. ഷിന്‍റോ ചാലിൽ, ഫാ. ലിജോ തടത്തിൽ, ബ്രദർ ലിയോ, ബ്രദർ യാക്കോബ് അപ്പൻ, ബ്രദർ പീറ്റർ അപ്പൻ, ബ്രദർ ഈശോദാസ് എന്നിവർ സന്ദേശം നല്കി.

പതിവ് തെറ്റിയില്ല; പച്ചക്കറികൾക്ക് വിലകൂടി

കാഞ്ഞങ്ങാട്: ഉത്സവസീസണാകുമ്പോൾ പച്ചക്കറികൾക്ക് വില കൂടുന്ന പതിവിന് ഇത്തവണയും മാറ്റമുണ്ടായില്ല. വിഷുവിന് ദിവസങ്ങൾ മാത്രം ശേഷിക്കുമ്പോൾ വെള്ളരിയും ചേനയുമടക്കമുള്ള ഉത്പന്നങ്ങൾക്കെല്ലാം വിലകൂടി. മാസങ്ങളായി കിലോയ്ക്ക്‌ 15-20 രൂപയിൽ നിൽക്കുകയായിരുന്ന വെള്ളരിയുടെ വില ഒറ്റയടിക്ക് 30 ലെത്തി. ചേനയുടെ വില കിലോയ്ക്ക് 70 രൂപയിൽ നിന്ന് 80 ലേക്കുയർന്നു. 50 രൂപയായിരുന്ന പയറിനും പാവയ്ക്കക്കും 70 രൂപയും 40 രൂപയായിരുന്ന കോവയ്ക്കക്കും വഴുതിനയ്ക്കും 50 രൂപയുമായി. തക്കാളിയുടെ വില 18-20 രൂപയിൽ നിൽക്കുന്നതു മാത്രമാണ് വിപണിയിലെ പ്രധാന ആശ്വാസം. ഒരു കാലത്ത് 500 രൂപ വരെ എത്തിയിരുന്ന മുരിങ്ങ 60 രൂപയിൽ നിൽക്കുന്നതും 300 രൂപയിലെത്തിയിരുന്ന വെളുത്തുള്ളി 120 ൽ നിൽക്കുന്നതും ചെറുതല്ലാത്ത ആശ്വാസമാണ്. പ്രവചനാതീതമായ കാലാവസ്ഥാമാറ്റങ്ങൾ മൂലം നാടൻ പച്ചക്കറികളുടെ ഉത്പാദനം കുറഞ്ഞതാണ് ഇടനിലക്കാർ വിപണി കൈയടക്കാനും വില നിശ്ചയിക്കാനും ഇടയാക്കിയതെന്ന് വ്യാപാരികൾ പറയുന്നു.

സർക്കാരിന്‍റെ നാലാം വാർഷികം: പ്രഭാഷണ പരമ്പരകൾക്ക് തുടക്കമായി

കാഞ്ഞങ്ങാട്: സംസ്ഥാന സർക്കാരിന്‍റെ നാലാം വാർഷികാഘോഷത്തിന്‍റെ ഭാഗമായി കാലിക്കടവ് മൈതാനത്ത് ഏപ്രിൽ 21 മുതൽ 27 വരെ നടക്കുന്ന പ്രദർശന വിപണന മേളയ്ക്ക് മുന്നോടിയായുള്ള പ്രഭാഷണ പരമ്പരകൾക്ക് തുടക്കമായി. കാസർഗോഡിന്‍റെ സാഹിത്യ ചരിത്രം എന്ന വിഷയത്തിൽ കാഞ്ഞങ്ങാട് പി സ്മാരക മന്ദിരത്തിൽ നടന്ന പ്രഭാഷണപരിപാടി ഇ. ചന്ദ്രശേഖരൻ എംഎൽഎ ഉദ്ഘാടനം ചെയ്തു. നിരൂപകൻ ഇ.പി. രാജഗോപാലൻ മുഖ്യപ്രഭാഷണം നടത്തി. ഭാഷാ വൈവിധ്യങ്ങൾ നിലനിൽക്കുന്ന കാസർഗോഡ് ജൈവ ഭാഷയിൽ സാഹിത്യ രചനകൾ നടത്തപ്പെടുന്ന പ്രദേശം കൂടിയാണെന്ന് അദ്ദേഹം പറഞ്ഞു. നഗരസഭാ വൈസ് ചെയർമാൻ ബിൽടെക് അബ്ദുള്ള അധ്യക്ഷനായി. ജില്ലാ ലൈബ്രറി കൗൺസിൽ സെക്രട്ടറി പി.പ്രഭാകരൻ, ഹോസ്ദുർഗ് താലൂക്ക് ലൈബ്രറി കൗൺസിൽ പ്രസിഡന്‍റ് പി.വേണുഗോപാലൻ, കാഞ്ഞങ്ങാട് പി സ്മാരക മന്ദിരം സെക്രട്ടറി കെ.വി. സജീവൻ, ജില്ലാ ഇൻഫർമേഷൻ ഓഫീസർ എം. മധുസൂദനൻ, ഇൻഫർമേഷൻ അസിസ്റ്റന്‍റ് നിഹാരിക രാഘവൻ എന്നിവർ പ്രസംഗിച്ചു. കാസർഗോഡിന്‍റെ തുളു സംസ്കാരം എന്ന വിഷയത്തിൽ മഞ്ചേശ്വരം ഗോവിന്ദപൈ സ്മാരക ഗവ.കോളജിൽ നടന്ന പ്രഭാഷണ പരിപാടി തുളു അക്കാദമി ചെയർമാൻ കെ.ആർ. ജയാനന്ദ ഉദ്ഘാടനം ചെയ്തു. കാർഷിക സംസ്‌കൃതിയാണ് തുളുനാടൻ ഗ്രാമങ്ങളുടെ അടിത്തറയെന്ന് അദ്ദേഹം പറഞ്ഞു. രാധാകൃഷ്ണൻ ഉളിയത്തടുക്ക മുഖ്യപ്രഭാഷണം നടത്തി. കോളജ് പ്രിൻസിപ്പൽ ഡോ. കെ. മുഹമ്മദലി അധ്യക്ഷത വഹിച്ചു. സീനിയർ സൂപ്രണ്ട് കെ.എസ്. ദിനേശ, ജില്ലാ ഇൻഫർമേഷൻ ഓഫീസ് അസി.എഡിറ്റർ എ.പി. ദിൽന, എൻഎസ്എസ് യൂണിറ്റ് സെക്രട്ടറി കെ.അമൃത എന്നിവർ പ്രസംഗിച്ചു.

ചെറുവത്തൂരും കൊട്ടോടിയിലും ജില്ലാ ദുരന്തനിവാരണവിഭാഗത്തിന്‍റെ ആഭിമുഖ്യത്തിൽ മോക്ക് ഡ്രിൽ

രാജപുരം/ ചെറുവത്തൂർ: പൊടുന്നനേയുള്ള ചുഴലിക്കാറ്റ് മുന്നറിയിപ്പും തുടർന്ന് വിവിധ വകുപ്പുകളുടെ ഏകോപനത്തോടെയുള്ള രക്ഷാപ്രവർത്തനങ്ങളും മലയോര ഗ്രാമമായ കൊട്ടോടിയിലും ചെറുവത്തൂർ മടക്കര മത്സ്യബന്ധന തുറമുഖത്തും കൗതുകമായി. ജില്ലാ ദുരന്തനിവാരണവിഭാഗത്തിന്‍റെ ആഭിമുഖ്യത്തിൽ മോക്ക് ഡ്രിൽ നടത്തുമെന്ന് കാലേക്കൂട്ടി അറിയിച്ചിരുന്നതിനാൽ നാട്ടുകാർക്ക് തെറ്റിദ്ധാരണയും ആശങ്കയും ഒഴിവായി. മത്സ്യബന്ധനത്തിന് പോയ ബോട്ട് ചുഴലിക്കാറ്റിൽപ്പെട്ട് അപകടാവസ്ഥയിലാകുന്നതും വിവിധ സേനാംഗങ്ങളുടെ രക്ഷാപ്രവർത്തനവും‍ യാഥാർഥ്യമെന്നു തോന്നുന്ന മട്ടിലാണ് ആവിഷ്കരിക്കപ്പെട്ടത്. വെള്ളത്തിൽ മുങ്ങിപ്പോയ രണ്ട് മത്സ്യത്തൊഴിലാളികളെ ഫിഷറീസ് പട്രോൾ ബോട്ടിലെ സുരക്ഷാ സംവിധാനങ്ങളുപയോഗിച്ച് സുരക്ഷിതമായി കരയ്ക്കെത്തിക്കുന്നതും അഗ്നിരക്ഷാസേനയുടെയും പോലീസിന്‍റെയും നേതൃത്വത്തിൽ ആംബുലൻസുകളിൽ കയറ്റി മെഡിക്കൽ ക്യാമ്പിൽ എത്തിക്കുന്നതും ആവിഷ്കരിക്കപ്പെട്ടു. മരങ്ങളും വൈദ്യുത തൂണുകളും നിലംപതിക്കുന്നതും ഐസ് പ്ലാന്‍റിനു മുകളിലേക്ക് മരം വീണ് അമോണിയം ചോർച്ചയുണ്ടാകുന്നതുമായി ബന്ധപ്പെട്ട് നടത്തേണ്ട രക്ഷാപ്രവർത്തനങ്ങളും ആവിഷ്കരിച്ചു. ദുരന്തനിവാരണ വിഭാഗവുമായി ബന്ധപ്പെട്ട ഓരോ സംവിധാനങ്ങളും എത്രത്തോളം സജ്ജമാണെന്ന് പരിശോധിക്കുന്നതിനും കൂടുതൽ മെച്ചപ്പെടുത്തുന്നതിനുമായാണ് മോക്ഡ്രിൽ നടത്തിയത്. ഉച്ചയ്ക്ക് 12.30 ഓടെ മോക്ക് ഡ്രിൽ പൂർത്തിയാക്കി പ്രവർത്തനങ്ങളുടെ അവലോകനം നടത്തി. മടക്കര തുറമുഖത്ത് നടത്തിയ മോക്ക് ഡ്രില്ലിന് ഹൊസ്ദുർഗ് തഹസിൽദാർ ടി.ജയപ്രസാദ്, വി.നിഗീഷ്, തൃക്കരിപ്പൂർ ഫയർ ഓഫീസർ കെ.വി.പ്രഭാകരൻ, ചന്തേര പോലീസ് ഇൻസ്പെക്ടർ കെ.പ്രശാന്ത്, മെഡിക്കൽ ഓഫീസർ ഡോ.രാജ്മോഹൻ, ചെറുവത്തൂർ പഞ്ചായത്ത് പ്രസിഡന്‍റ് സി.വി.പ്രമീള, സെക്രട്ടറി എസ്.വനജ, ഫിഷറീസ് എക്സ്റ്റൻഷൻ ഓഫീസർ എസ്.ഐശ്വര്യ, തീരദേശ പോലീസ് എഎസ്ഐ കെ.ഹരി, കെഎസ്ഇബി പടന്ന സെക്ഷൻ സബ് എൻജിനീയർ കെ.എം.അജിത്ത് കുമാർ, കാഞ്ഞങ്ങാട് ജോയിന്‍റ് ആർടിഒ കെ.ജി.സന്തോഷ് കുമാർ, തുരുത്തി വില്ലേജ് ഓഫീസർ കെ.സുരേഷ് എന്നിവർ നേതൃത്വം നല്കി.

പാചകവാതക വിലവര്‍ധന പിന്‍വലിക്കണം: കെഎസ്‌കെടിയു

കാഞ്ഞങ്ങാട്: പാചകവാതകത്തിന് 50 രൂപ വര്‍ധിപ്പിച്ച നടപടിയും പെട്രോളിനും ഡീസലിനും സെസ് ഏര്‍പ്പെടുത്തിയ കേന്ദ്രസര്‍ക്കാര്‍ നടപടി അടിയന്തിരമായി പിന്‍വലിച്ച് അവശ്യസാധനങ്ങളുടെ വിലവര്‍ധന തടയുന്നതിന് നടപടി സ്വീകരിക്കണമെന്ന് കേരള സ്റ്റേറ്റ് കര്‍ഷക തൊഴിലാളി യൂണിയന്‍ ജില്ലാ വനിതാ കണ്‍വെന്‍ഷന്‍ ആവശ്യപ്പെട്ടു. കാഞ്ഞങ്ങാട് നഗരസഭ ടൗണ്‍ഹാളില്‍ നടന്ന പരിപാടി സംസ്ഥാന ജോയിന്‍റ് സെക്രട്ടറി ലളിത ബാലന്‍ ഉദ്ഘാടനം ചെയ്തു. എം.വി.രാധ അധ്യക്ഷതവഹിച്ചു. വി.കെ.രാജന്‍, കെ.വി. കുഞ്ഞിരാമന്‍, എ.ജാസ്മിന്‍, കെ.പൂമണി, എ.വി.വാസന്തി എന്നിര് സംസാരിച്ചു.

വിഷുച്ചന്തകൾ ആരംഭിച്ചു

വെള്ളരിക്കുണ്ട്: ബളാൽ പഞ്ചായത്ത് കുടുംബശ്രീ സിഡിഎസിന്‍റെ നേതൃത്വത്തിൽ വെള്ളരിക്കുണ്ടിൽ വിഷുച്ചന്ത ആരംഭിച്ചു. പഞ്ചായത്തിലെ 16 വാർഡുകളിലേയും കുടുംബശ്രീ അംഗങ്ങൾ തയ്യാറാക്കിയ തനതായ ഉത്പന്നങ്ങൾ, വിവിധയിനം പച്ചക്കറികൾ,നാടൻ പലഹാരങ്ങൾ, തുണിത്തരങ്ങൾ എന്നിവയാണ് മൂന്ന് ദിവസങ്ങളിലായി നടക്കുന്ന ചന്തയിൽ കുടുംബശ്രീ അംഗങ്ങൾ വിൽപനക്കായി ഒരുക്കിയിരിക്കുന്നത്. സപ്ലൈകോയ്ക്ക് സമീപം ആരംഭിച്ച വിഷുച്ചന്ത പ്രസിഡന്‍റ് രാജു കട്ടക്കയം ഉദ്ഘാടനം ചെയ്തു.ബ്ലോക്ക്‌ പഞ്ചായത്തംഗം ഷോബി ജോസഫ് അധ്യക്ഷതവഹിച്ചു. വാർഡ് മെംബർ കെ. ആർ.വിനു, ടി.അബ്ദുൾ ഖാദർ, പി.പത്മാവതി, സിഡിഎസ് ചെയർപേഴ്‌സൺ മേരി ബാബു, ഷീജ റോബർട്ട് എന്നിവർ പ്രസംഗിച്ചു. ഭീമനടി: വെസ്റ്റ് എളേരി സിഡിഎസ് കുടുംബശ്രീ ഉത്ന്നപങ്ങളുടെ വിഷുച്ചന്ത ഉദ്ഘാടനം പഞ്ചായത്ത് വൈസ് പ്രസിഡന്‍റ് പി.സി.ഇസ്മായിൽ നിർവഹിച്ചു. വികസന സ്ഥിരംസമിതി അധ്യക്ഷ മോളിക്കുട്ടി പോൾ, അസി.സെക്രട്ടറി കെ.ജെ.പോൾ, സിഡിഎസ് വൈസ് ചെയർപേഴ്സൺ പ്രമീള, ഹരിതകർമസേന കൺസഷൻ സെക്രട്ടറി രുഷ, ഹെഡ് ക്ലാർക്ക് നാസർ, കൺവീനർ ഗീത എന്നിവർ സംബന്ധിച്ചു.

കുടുംബസംഗമം നടത്തി

ഇരിയ: കാട്ടുമാടം ജവഹര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് രജതജൂബിലി ആഘോഷത്തിന്‍റെ ഭാഗമായി കുടുംബസംഗമം സംഘടിപ്പിച്ചു. രാജ്മോഹന്‍ ഉണ്ണിത്താന്‍ എംപി ഉദ്ഘാടനം ചെയ്തു. കെ.വി. ഗോപാലന്‍ അധ്യക്ഷതവഹിച്ചു. സംസ്‌കാരസാഹിതി ജില്ലാ ചെയര്‍മാന്‍ ബഷീര്‍ ആറങ്ങാടി മുഖ്യാതിഥി ആയിരുന്നു. പഞ്ചായത്ത് പ്രസിഡന്‍റ് സി.കെ.അരവിന്ദാക്ഷന്‍, പഞ്ചായത്തംഗങ്ങളായ രാമകൃഷ്ണന്‍ നായര്‍ നടുവില്‍ വീട്, രജനി നാരായണന്‍, രതീഷ് കാട്ടുമാടം മജീഷ്യന്‍ ബാലചന്ദ്രന്‍ കൊട്ടോടി, അമ്പലത്തറ ജനമൈത്രി ബീറ്റ് പോലീസ് ഓഫീസര്‍ ടി.വി.പ്രമോദ് എന്നിവര്‍ സംസാരിച്ചു. എം.സതീശന്‍ ഇരിയ സ്വാഗതവും വിഷ്ണു കാട്ടുമാടം നന്ദിയും പറഞ്ഞു.

പാചകവാതക വിലവര്‍ധന പിന്‍വലിക്കണം: കെഎസ്‌കെടിയു

കാഞ്ഞങ്ങാട്: പാചകവാതകത്തിന് 50 രൂപ വര്‍ധിപ്പിച്ച നടപടിയും പെട്രോളിനും ഡീസലിനും സെസ് ഏര്‍പ്പെടുത്തിയ കേന്ദ്രസര്‍ക്കാര്‍ നടപടി അടിയന്തിരമായി പിന്‍വലിച്ച് അവശ്യസാധനങ്ങളുടെ വിലവര്‍ധന തടയുന്നതിന് നടപടി സ്വീകരിക്കണമെന്ന് കേരള സ്റ്റേറ്റ് കര്‍ഷക തൊഴിലാളി യൂണിയന്‍ ജില്ലാ വനിതാ കണ്‍വെന്‍ഷന്‍ ആവശ്യപ്പെട്ടു. കാഞ്ഞങ്ങാട് നഗരസഭ ടൗണ്‍ഹാളില്‍ നടന്ന പരിപാടി സംസ്ഥാന ജോയിന്‍റ് സെക്രട്ടറി ലളിത ബാലന്‍ ഉദ്ഘാടനം ചെയ്തു. എം.വി.രാധ അധ്യക്ഷതവഹിച്ചു. വി.കെ.രാജന്‍, കെ.വി. കുഞ്ഞിരാമന്‍, എ.ജാസ്മിന്‍, കെ.പൂമണി, എ.വി.വാസന്തി എന്നിര് സംസാരിച്ചു.

വിഷുച്ചന്തകൾ ആരംഭിച്ചു

വെള്ളരിക്കുണ്ട്: ബളാൽ പഞ്ചായത്ത് കുടുംബശ്രീ സിഡിഎസിന്‍റെ നേതൃത്വത്തിൽ വെള്ളരിക്കുണ്ടിൽ വിഷുച്ചന്ത ആരംഭിച്ചു. പഞ്ചായത്തിലെ 16 വാർഡുകളിലേയും കുടുംബശ്രീ അംഗങ്ങൾ തയ്യാറാക്കിയ തനതായ ഉത്പന്നങ്ങൾ, വിവിധയിനം പച്ചക്കറികൾ,നാടൻ പലഹാരങ്ങൾ, തുണിത്തരങ്ങൾ എന്നിവയാണ് മൂന്ന് ദിവസങ്ങളിലായി നടക്കുന്ന ചന്തയിൽ കുടുംബശ്രീ അംഗങ്ങൾ വിൽപനക്കായി ഒരുക്കിയിരിക്കുന്നത്. സപ്ലൈകോയ്ക്ക് സമീപം ആരംഭിച്ച വിഷുച്ചന്ത പ്രസിഡന്‍റ് രാജു കട്ടക്കയം ഉദ്ഘാടനം ചെയ്തു.ബ്ലോക്ക്‌ പഞ്ചായത്തംഗം ഷോബി ജോസഫ് അധ്യക്ഷതവഹിച്ചു. വാർഡ് മെംബർ കെ. ആർ.വിനു, ടി.അബ്ദുൾ ഖാദർ, പി.പത്മാവതി, സിഡിഎസ് ചെയർപേഴ്‌സൺ മേരി ബാബു, ഷീജ റോബർട്ട് എന്നിവർ പ്രസംഗിച്ചു.

ചെറുവത്തൂരും കൊട്ടോടിയിലും ജില്ലാ ദുരന്തനിവാരണവിഭാഗത്തിന്‍റെ ആഭിമുഖ്യത്തിൽ മോക്ക് ഡ്രിൽ

രാജപുരം/ ചെറുവത്തൂർ: പൊടുന്നനേയുള്ള ചുഴലിക്കാറ്റ് മുന്നറിയിപ്പും തുടർന്ന് വിവിധ വകുപ്പുകളുടെ ഏകോപനത്തോടെയുള്ള രക്ഷാപ്രവർത്തനങ്ങളും മലയോര ഗ്രാമമായ കൊട്ടോടിയിലും ചെറുവത്തൂർ മടക്കര മത്സ്യബന്ധന തുറമുഖത്തും കൗതുകമായി. ജില്ലാ ദുരന്തനിവാരണവിഭാഗത്തിന്‍റെ ആഭിമുഖ്യത്തിൽ മോക്ക് ഡ്രിൽ നടത്തുമെന്ന് കാലേക്കൂട്ടി അറിയിച്ചിരുന്നതിനാൽ നാട്ടുകാർക്ക് തെറ്റിദ്ധാരണയും ആശങ്കയും ഒഴിവായി. മത്സ്യബന്ധനത്തിന് പോയ ബോട്ട് ചുഴലിക്കാറ്റിൽപ്പെട്ട് അപകടാവസ്ഥയിലാകുന്നതും വിവിധ സേനാംഗങ്ങളുടെ രക്ഷാപ്രവർത്തനവും‍ യാഥാർഥ്യമെന്നു തോന്നുന്ന മട്ടിലാണ് ആവിഷ്കരിക്കപ്പെട്ടത്. വെള്ളത്തിൽ മുങ്ങിപ്പോയ രണ്ട് മത്സ്യത്തൊഴിലാളികളെ ഫിഷറീസ് പട്രോൾ ബോട്ടിലെ സുരക്ഷാ സംവിധാനങ്ങളുപയോഗിച്ച് സുരക്ഷിതമായി കരയ്ക്കെത്തിക്കുന്നതും അഗ്നിരക്ഷാസേനയുടെയും പോലീസിന്‍റെയും നേതൃത്വത്തിൽ ആംബുലൻസുകളിൽ കയറ്റി മെഡിക്കൽ ക്യാമ്പിൽ എത്തിക്കുന്നതും ആവിഷ്കരിക്കപ്പെട്ടു. മരങ്ങളും വൈദ്യുത തൂണുകളും നിലംപതിക്കുന്നതും ഐസ് പ്ലാന്‍റിനു മുകളിലേക്ക് മരം വീണ് അമോണിയം ചോർച്ചയുണ്ടാകുന്നതുമായി ബന്ധപ്പെട്ട് നടത്തേണ്ട രക്ഷാപ്രവർത്തനങ്ങളും ആവിഷ്കരിച്ചു. ദുരന്തനിവാരണ വിഭാഗവുമായി ബന്ധപ്പെട്ട ഓരോ സംവിധാനങ്ങളും എത്രത്തോളം സജ്ജമാണെന്ന് പരിശോധിക്കുന്നതിനും കൂടുതൽ മെച്ചപ്പെടുത്തുന്നതിനുമായാണ് മോക്ഡ്രിൽ നടത്തിയത്. ഉച്ചയ്ക്ക് 12.30 ഓടെ മോക്ക് ഡ്രിൽ പൂർത്തിയാക്കി പ്രവർത്തനങ്ങളുടെ അവലോകനം നടത്തി. മടക്കര തുറമുഖത്ത് നടത്തിയ മോക്ക് ഡ്രില്ലിന് ഹൊസ്ദുർഗ് തഹസിൽദാർ ടി.ജയപ്രസാദ്, വി.നിഗീഷ്, തൃക്കരിപ്പൂർ ഫയർ ഓഫീസർ കെ.വി.പ്രഭാകരൻ, ചന്തേര പോലീസ് ഇൻസ്പെക്ടർ കെ.പ്രശാന്ത്, മെഡിക്കൽ ഓഫീസർ ഡോ.രാജ്മോഹൻ, ചെറുവത്തൂർ പഞ്ചായത്ത് പ്രസിഡന്‍റ് സി.വി.പ്രമീള, സെക്രട്ടറി എസ്.വനജ, ഫിഷറീസ് എക്സ്റ്റൻഷൻ ഓഫീസർ എസ്.ഐശ്വര്യ, തീരദേശ പോലീസ് എഎസ്ഐ കെ.ഹരി, കെഎസ്ഇബി പടന്ന സെക്ഷൻ സബ് എൻജിനീയർ കെ.എം.അജിത്ത് കുമാർ, കാഞ്ഞങ്ങാട് ജോയിന്‍റ് ആർടിഒ കെ.ജി.സന്തോഷ് കുമാർ, തുരുത്തി വില്ലേജ് ഓഫീസർ കെ.സുരേഷ് എന്നിവർ നേതൃത്വം നല്കി.

സർക്കാരിന്‍റെ നാലാം വാർഷികം: പ്രഭാഷണ പരമ്പരകൾക്ക് തുടക്കമായി

കാഞ്ഞങ്ങാട്: സംസ്ഥാന സർക്കാരിന്‍റെ നാലാം വാർഷികാഘോഷത്തിന്‍റെ ഭാഗമായി കാലിക്കടവ് മൈതാനത്ത് ഏപ്രിൽ 21 മുതൽ 27 വരെ നടക്കുന്ന പ്രദർശന വിപണന മേളയ്ക്ക് മുന്നോടിയായുള്ള പ്രഭാഷണ പരമ്പരകൾക്ക് തുടക്കമായി. കാസർഗോഡിന്‍റെ സാഹിത്യ ചരിത്രം എന്ന വിഷയത്തിൽ കാഞ്ഞങ്ങാട് പി സ്മാരക മന്ദിരത്തിൽ നടന്ന പ്രഭാഷണപരിപാടി ഇ. ചന്ദ്രശേഖരൻ എംഎൽഎ ഉദ്ഘാടനം ചെയ്തു. നിരൂപകൻ ഇ.പി. രാജഗോപാലൻ മുഖ്യപ്രഭാഷണം നടത്തി. ഭാഷാ വൈവിധ്യങ്ങൾ നിലനിൽക്കുന്ന കാസർഗോഡ് ജൈവ ഭാഷയിൽ സാഹിത്യ രചനകൾ നടത്തപ്പെടുന്ന പ്രദേശം കൂടിയാണെന്ന് അദ്ദേഹം പറഞ്ഞു. നഗരസഭാ വൈസ് ചെയർമാൻ ബിൽടെക് അബ്ദുള്ള അധ്യക്ഷനായി. ജില്ലാ ലൈബ്രറി കൗൺസിൽ സെക്രട്ടറി പി.പ്രഭാകരൻ, ഹോസ്ദുർഗ് താലൂക്ക് ലൈബ്രറി കൗൺസിൽ പ്രസിഡന്‍റ് പി.വേണുഗോപാലൻ, കാഞ്ഞങ്ങാട് പി സ്മാരക മന്ദിരം സെക്രട്ടറി കെ.വി. സജീവൻ, ജില്ലാ ഇൻഫർമേഷൻ ഓഫീസർ എം. മധുസൂദനൻ, ഇൻഫർമേഷൻ അസിസ്റ്റന്‍റ് നിഹാരിക രാഘവൻ എന്നിവർ പ്രസംഗിച്ചു. കാസർഗോഡിന്‍റെ തുളു സംസ്കാരം എന്ന വിഷയത്തിൽ മഞ്ചേശ്വരം ഗോവിന്ദപൈ സ്മാരക ഗവ.കോളജിൽ നടന്ന പ്രഭാഷണ പരിപാടി തുളു അക്കാദമി ചെയർമാൻ കെ.ആർ. ജയാനന്ദ ഉദ്ഘാടനം ചെയ്തു. കാർഷിക സംസ്‌കൃതിയാണ് തുളുനാടൻ ഗ്രാമങ്ങളുടെ അടിത്തറയെന്ന് അദ്ദേഹം പറഞ്ഞു. രാധാകൃഷ്ണൻ ഉളിയത്തടുക്ക മുഖ്യപ്രഭാഷണം നടത്തി. കോളജ് പ്രിൻസിപ്പൽ ഡോ. കെ. മുഹമ്മദലി അധ്യക്ഷത വഹിച്ചു. സീനിയർ സൂപ്രണ്ട് കെ.എസ്. ദിനേശ, ജില്ലാ ഇൻഫർമേഷൻ ഓഫീസ് അസി.എഡിറ്റർ എ.പി. ദിൽന, എൻഎസ്എസ് യൂണിറ്റ് സെക്രട്ടറി കെ.അമൃത എന്നിവർ പ്രസംഗിച്ചു.

കരിമണല്‍ ഖനനത്തിന് തീരമേഖലയെ വിട്ടുകൊടുക്കില്ല: വി.ഡി. സതീശന്‍

കാസര്‍ഗോഡ്: കേരളത്തിന്‍റെ പരിസ്ഥിതിക്ക് ഏറെ ആഘാതമുണ്ടാക്കുന്ന കരിമണല്‍ ഖനനം നടത്താന്‍ കേരളത്തിന്‍റെ തീരപ്രദേശം ആകമാനം വിട്ടുകൊടുക്കാനുള്ള കേന്ദ്ര -സംസ്ഥാന സര്‍ക്കാരുകളുടെ തീരുമാനം നടപ്പിലാക്കാന്‍ അനുവദിക്കില്ലെന്ന് പ്രതിപക്ഷനേതാവ് വി.ഡി.സതീശന്‍. യുഡിഫ് തീരദേശ സംരക്ഷണ യാത്രയുടെ സംഘാടകസമിതി രൂപീകരണയോഗം കാസര്‍ഗോഡ് മുനിസിപ്പല്‍ മിനി കോണ്‍ഫറന്‍സ് ഹാളില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ലാഭക്കൊതി മാത്രം മനസില്‍വച്ച് തികച്ചും അശാസ്ത്രീയമായി കോടിക്കണക്കിന് മല്‍സ്യത്തൊഴിലാളികളുടെ ജീവിതം തകര്‍ത്ത് തരിപ്പണമാക്കുന്ന ചതി തിരിച്ചറിയണം. ഓഖിക്കും പ്രളയത്തിനും ശേഷം കടലില്‍ മല്‍സ്യസമ്പത്തിന് വന്‍ ഇടിവുണ്ടായി അനിയന്ത്രിതമായി കരിമണല്‍ കൊള്ള നടത്തുന്നതിലൂടെ കടലിലും കരയിലും വന്‍ പാരിസ്ഥിക പ്രത്യാഘാതം ക്ഷണിച്ചുവരുത്തും. ഈ ദുരന്തം മുന്നില്‍ കാണാന്‍ കടല്‍കൊള്ള നടത്തി കോടികള്‍ വാരാന്‍ കോപ്പുകൂട്ടുന്ന കോര്‍പറേറ്റുകളും അതിന് ഒത്താശ ചെയ്യുന്ന കേന്ദ്ര -സംസ്ഥാന സര്‍ക്കാരുകള്‍ തിരിച്ചറിയാനുള്ള മനസ് കാണിക്കണമെന്നും അദ്ദേഹം ആവശ്യപ്പെട്ടു. എന്‍.എ.നെല്ലിക്കുന്ന് എംഎല്‍എ അധ്യക്ഷതവഹിച്ചു. രാജ്മോഹന്‍ ഉണ്ണിത്താന്‍ എംപി മുഖ്യപ്രഭാഷണം നടത്തി. ഡിസിസി പ്രസിഡന്‍റ് പി.കെ.ഫൈസല്‍, എ.കെ.എം.അഷറഫ് എംഎല്‍എ, എ.ഗോവിന്ദന്‍ നായര്‍, സി. ടി.അഹമ്മദലി, ഹക്കീം കുന്നില്‍, കെ.നീലകണ്ഠന്‍, ഹരീഷ് ബി.നമ്പ്യാര്‍, കൂക്കള്‍ ബാലകൃഷ്ണന്‍, ആന്‍റക്‌സ് ജോസഫ്, പി.പി.അടിയോടി, നാഷണല്‍ അബ്ദുല്ല, എം.സി.പ്രഭാകരന്‍, എം.കുഞ്ഞമ്പു നമ്പ്യാര്‍, പി. ജി.ദേവ്, സാജിദ് മവ്വല്‍, ബി.പി.പ്രദീപ്കുമാര്‍, കരിമ്പില്‍ കൃഷ്ണന്‍, പി.വി.സുരേഷ്, ഗീത കൃഷ്ണന്‍, ധന്യ സുരേഷ്, മാമുനി വിജയന്‍, സോമശേഖര ഷേണി, ബഷീര്‍ വെള്ളിക്കോത്ത്, കെ.വി.ഭക്തവത്സലന്‍, സി.വി. ഭാവനന്‍, മധുസൂദനന്‍ ബാലൂര്‍, ജോയ് ജോസഫ് എന്നിവര്‍ സംസാരിച്ചു.

ആര്‍ഡി ഓഫീസിലേക്ക് ധര്‍ണ നടത്തി

കാഞ്ഞങ്ങാട്: ഭൂമിയുടെ ഫെയര്‍ വാല്യുവിലെ അപാകതകള്‍ പരിഹാരിക്കുക, സര്‍വേ നമ്പറുകളിലെ ഉയര്‍ന്ന വില കാണിച്ച് ആധാരങ്ങള്‍ രജിസ്റ്റര്‍ ചെയ്യണമെന്ന നിര്‍ദേശം പിന്‍വലിക്കുക എന്നീ ആവശ്യങ്ങളുമായി കേരള സ്‌റ്റേറ് ഡോക്യുമെന്‍റ് വര്‍ക്കേക്കേഴ്‌സ് യൂണിയന്‍ ജില്ലാ കമ്മിറ്റിയുടെ നേതൃത്വത്തില്‍ ആര്‍ഡി ഓഫീസ് ധര്‍ണ നടത്തി. സംസ്ഥാന ജോയിന്‍റ് സെക്രട്ടറി ടി.കെ.സുകുമാരന്‍ ഉദ്ഘാടനം ചെയ്തു. സി.പ്രേമന്‍ അധ്യക്ഷതവഹിച്ചു. തിരുവല്ലം മധു, ഷാജു ഡേവിസ്, പി.ആര്‍.ശൈലേഷ്, വിനോദ്കുമാര്‍, മധുസുദനന്‍ നായര്‍, ദീപു ചേവായൂര്‍, സജീവ്, സുനില്‍കുമാര്‍, പി.വി.പ്രകാശ്, പി.കെ.കൃഷ്ണന്‍, ടി.വി.രതീഷ് എന്നിവര്‍ പ്രസംഗിച്ചു.

ഭക്തിസാന്ദ്രമായി പാണത്തൂരിൽ നിന്ന് അമ്പലത്തറയിലേക്ക് കുരിശിന്‍റെ വഴി

രാജപുരം: മലയോരത്തെ വിവിധ ഇടവക സമൂഹങ്ങളുടെയും ഭക്തസംഘടനകളുടെയും ആകാശ പറവകളുടെ കൂട്ടുകാരുടെയും സംയുക്താഭിമുഖ്യത്തിൽ എല്ലാ വർഷവും നാല്പതാം വെള്ളിയാഴ്ച്ച പാണത്തൂരിൽ നിന്ന് അമ്പലത്തറയിലേക്ക് നടത്തുന്ന കുരിശിന്‍റെ വഴി ഭക്തിസാന്ദ്രമായി നടന്നു. പാണത്തൂർ സെന്‍റ് മേരിസ് പള്ളിയിൽ വികാരി ഫാ. വർഗീസ് ചെരിയംപുറത്തിന്‍റെ നേതൃത്വത്തിൽ വിശുദ്ധ കുർബാനയ് ക്കും സന്ദേശത്തിനും ശേഷം ആരംഭിച്ച പ്രദക്ഷിണം 36 കിലോമീറ്റർ കാൽനടയായി സഞ്ചരിച്ച് അമ്പലത്തറ മൂന്നാംമൈലിലുള്ള ആകാശ പറവകളുടെ സ്നേഹാലയത്തിലാണ് സമാപിച്ചത്. വിവിധ സ്ഥലങ്ങളിൽ വച്ച് ഫാ. നിഖിൽ ജോൺ ആട്ടൂക്കാരൻ, ഫാ. ജോസഫ് വാരണത്ത്, ഫാ. അഗസ്റ്റിൻ അറക്കൽ, ഫാ. ടിനോ കുമ്മാനിക്കാട്ട്, ഫാ. ടിനോ ചാമക്കാല, ഫാ. ജോസഫ് തറുപ്പുതൊട്ടിയിൽ, ഫാ. ജോസ് അരീച്ചിറ, ഫാ. റോജി മുകളേൽ, ഫാ. ജോൺസൺ വേങ്ങപറമ്പിൽ, ഫാ. ലിജു മാളിയേക്കൽ, ഫാ. സണ്ണി തോമസ്, ഫാ. ഷിന്‍റോ ചാലിൽ, ഫാ. ലിജോ തടത്തിൽ, ബ്രദർ ലിയോ, ബ്രദർ യാക്കോബ് അപ്പൻ, ബ്രദർ പീറ്റർ അപ്പൻ, ബ്രദർ ഈശോദാസ് എന്നിവർ സന്ദേശം നല്കി.

പാർക്കിംഗ് കേന്ദ്രമായി കാഞ്ഞങ്ങാട് പഴയ ബസ് സ്റ്റാൻഡ്

കാഞ്ഞങ്ങാട്: ആലാമിപ്പള്ളിയിലെ പുതിയ ബസ് സ്റ്റാൻഡിൽ ബസുകളെ കയറ്റാനുള്ള അറ്റകൈ പ്രയോഗമെന്ന നിലയിൽ പഴയ ബസ് സ്റ്റാൻഡ് അടച്ചിട്ട നഗരസഭയുടെ തീരുമാനം മൂലമുണ്ടായ ഗതാഗതക്കുരുക്കിന് പത്തുദിവസം കഴിഞ്ഞിട്ടും ശമനമായില്ല. വിഷുത്തിരക്ക് കൂടി തുടങ്ങിയതോടെ നഗരത്തിൽ ആളുകളും വാഹനങ്ങളും വഴിയോര കച്ചവടക്കാരും തലങ്ങും വിലങ്ങും നിന്ന് വലയുകയാണ്. ഇതുമൂലം നഗരത്തിൽ സാധനങ്ങൾ വാങ്ങാനെത്തുന്നവരുടെ എണ്ണത്തിലും ഗണ്യമായ കുറവുണ്ടായതായി വ്യാപാരികൾ പറയുന്നു. ബസ് സ്റ്റാൻഡ് യാർഡ് കോൺക്രീറ്റ് ചെയ്യാനെന്ന പേരിൽ അടച്ചിട്ട പഴയ ബസ് സ്റ്റാൻഡ് ഇതിനിടയിൽ കാറുകളുടെയും ഇരുചക്രവാഹനങ്ങളുടെയും പാർക്കിംഗ് കേന്ദ്രമായി മാറി. നേരത്തേ കുണ്ടും കുഴിയുമായി കിടന്ന ടാറിംഗ് ചില ഭാഗങ്ങളിൽകൂടി അടർത്തിമാറ്റിയതല്ലാതെ ഇവിടെ മറ്റു പ്രവൃത്തികളൊന്നും തുടങ്ങിയിട്ടില്ല. കഴിഞ്ഞ ദിവസം ഏതാനും വഴിയോര കച്ചവടക്കാരും ഇവിടം കൈയടക്കിയിട്ടുണ്ട്. തിരക്കിട്ട് പ്രവൃത്തികളൊന്നും തുടങ്ങാൻ ഉദ്ദേശിച്ചായിരുന്നില്ല നഗരസഭ പഴയ ബസ് സ്റ്റാൻഡ് അടച്ചിട്ടതെന്ന് നേരത്തേ വ്യക്തമായിരുന്നു. പുതിയ ബസ് സ്റ്റാൻഡ് പ്രവർത്തനസജ്ജമാക്കുക മാത്രമായിരുന്നു നഗരസഭയുടെ ഉദ്ദേശ്യമെങ്കിൽ അതിന് വിഷുത്തിരക്ക് കഴിയുന്നതുവരെയെങ്കിലും കാത്തുനിൽക്കാമായിരുന്നുവെന്ന് വ്യാപാരികളും നാട്ടുകാരും ഒരുപോലെ പറയുന്നു. അതിനു മുമ്പ് പഴയ ബസ് സ്റ്റാൻഡ് പരിസരത്ത് വിവിധ ഭാഗങ്ങളിൽനിന്ന് വരുന്നതും പോകുന്നതുമായ ബസുകൾ നിർത്താനുള്ള സ്ഥലങ്ങളും ഓട്ടോ സ്റ്റാൻഡുകളും കൃത്യമായി ക്രമീകരിച്ചിരുന്നെങ്കിൽ ഇപ്പോഴത്തെ ഗതാഗതക്കുരുക്ക് ഒരു പരിധി വരെ ഒഴിവാക്കാമായിരുന്നു. ഇപ്പോൾ ബസുകൾ തലങ്ങും വിലങ്ങും വന്ന് നിർത്തുന്നതിനിടയിൽ യാത്രക്കാർക്ക് റോഡ് മുറിച്ചുകടക്കാനുള്ള സൗകര്യമൊരുക്കാൻ പോലും ട്രാഫിക് ഡ്യൂട്ടിയുള്ള ഹോം ഗാർഡുകൾ ബുദ്ധിമുട്ടുകയാണ്. ഇതിനിടയിൽ തുണിത്തരങ്ങളും ബാഗും ചെരിപ്പും ഫാൻസി സാധനങ്ങളുമൊക്കെയായി ദൂരസ്ഥലങ്ങളിൽ നിന്നെത്തി വഴിയോര കച്ചവടം നടത്തുന്നവരും കണിക്കലങ്ങളും കൊന്നപ്പൂവും നാടൻ പച്ചക്കറികളുമൊക്കെ വില്ക്കാനെത്തിയ നാട്ടുകാരും കിട്ടുന്ന ഇടങ്ങളെല്ലാം കൈയടക്കുമ്പോൾ നഗരത്തിന് അക്ഷരാർത്ഥത്തിൽ വീർപ്പുമുടടുകയാണ്. ആളുകൾക്കും വാഹനങ്ങൾക്കും നിൽക്കാൻ ഇടമില്ലാത്തത് ഇവരുടെ കച്ചവടത്തെയും ബാധിക്കുന്നുണ്ട്. ഇതിനിടയിൽ ആലാമിപ്പള്ളി ബസ് സ്റ്റാൻഡിൽ ബസുകൾ കയറുന്നുണ്ടെങ്കിലും മറ്റിടങ്ങളിൽ നിന്നെത്തുന്നവരും നഗരത്തിന്‍റെ തന്നെ മറ്റു ഭാഗങ്ങളിൽ നിന്നുള്ളവരും ഒരു പൊതുവായ ബസ് സ്റ്റാൻഡായി ഇനിയും ഇവിടം ഉപയോഗപ്പെടുത്താൻ തുടങ്ങിയിട്ടില്ല. ഇവിടെനിന്ന് നഗരകേന്ദ്രത്തിലേക്ക് മൂന്നു കിലോമീറ്ററോളം ദൂരമുണ്ടെന്നതു തന്നെയാണ് പ്രശ്നം. ഇന്നും നാളെയും വിഷുവിനു മുമ്പുള്ള അവധിദിനങ്ങളായതിനാൽ നഗരത്തിലെ തിരക്കും ഗതാഗതക്കുരുക്കും നിയന്ത്രണാതീതമാകുമെന്ന് ഉറപ്പാണ്. തിരക്കേറുമ്പോഴും കച്ചവടം കുറയുന്നത് നഗരത്തിലെ വ്യാപാരമേഖലയ്ക്ക് തിരിച്ചടിയാവുകയും ചെയ്യുന്നു.

ഓട്ടോഡ്രൈവര്‍ വെട്ടേറ്റ് കിണറ്റില്‍ മരിച്ചനിലയില്‍

മഞ്ചേശ്വരം: കര്‍ണാടക സ്വദേശിയായ ഓട്ടോഡ്രൈവറെ വെട്ടേറ്റ് കിണറ്റില്‍ മരിച്ച നിലയില്‍ കണ്ടെത്തി. കര്‍ണാടക മുല്‍ക്കി കൊളനാട് സ്വദേശിയും മംഗളുരുവിലെ ഓട്ടോഡ്രൈവറുമായ മുഹമ്മദ് ഷെരീഫ് (52) ആണ് മരിച്ചത്. വ്യാഴാഴ്ച രാത്രിയോടെയാണ് കുഞ്ചത്തൂര്‍ അടുക്കപ്പള്ളയിലെ ആള്‍മറയില്ലാത്ത കിണറ്റിനകത്ത് മൃതദേഹം കണ്ടെത്തിയത്. ഇന്നലെ രാവിലെ പുറത്തെടുത്ത മൃതദേഹത്തില്‍ വെട്ടേറ്റ പാടുകള്‍ കണ്ടെത്തിയതോടെയാണ് കൊലപാതകമാണെന്ന കാര്യം പൊലീസ് ഉറപ്പിച്ചത്. ഇന്‍ക്വസ്റ്റിനു ശേഷം മൃതദേഹം വിദഗ്ധ പോസ്റ്റുമോര്‍ട്ടത്തിനായി പരിയാരം മെഡിക്കല്‍ കോളേജ് ആശുപത്രിയിലേക്ക് കൊണ്ടു പോയി. കിണറിനു സമീപത്ത് ഒരു ഓട്ടോറിക്ഷ ചെരിഞ്ഞു കിടക്കുന്ന നിലയില്‍ കണ്ട വഴി യാത്രക്കാരനാണ് കിണറ്റില്‍ മൃതദേഹം കണ്ടെത്തിയത്. കിണറ്റിനരികില്‍ ചോരത്തുള്ളികളും ചെരുപ്പും കണ്ടെത്തിയിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് മഞ്ചേശ്വരം പോലീസ് സ്ഥലത്തെത്തി ഓട്ടോയുടെ നമ്പര്‍ കേന്ദ്രീകരിച്ച് നടത്തിയ അന്വേഷണത്തിലാണ് ആളെ തിരിച്ചറിഞ്ഞത്. ബുധനാഴ്ച രാത്രി മുതല്‍ ഇയാളെ കാണാനില്ലായിരുന്നു. ഇതു സംബന്ധിച്ച് മുല്‍ക്കി പോലീസില്‍ കേസുണ്ടെന്നും കണ്ടെത്തി. കൊലപാതകത്തിനു പിന്നില്‍ മൂന്നുപേരാണെന്നാണ് പോലീസിന്‍റെ പ്രാഥമിക നിഗമനം. ബുധനാഴ്ച മൂന്നുപേര്‍ മംഗളൂരുവില്‍ വച്ച് ഷെരീഫിന്‍റെ ഓട്ടോയില്‍ കയറിയിരുന്നു. ഇവര്‍ ആരാണെന്ന് കണ്ടെത്താനുള്ള ശ്രമത്തിലാണ് പോലീസ്. സാധാരണ ഓട്ടം കഴിഞ്ഞ് രാത്രി 10നു മുമ്പ് വീട്ടിലെത്താറുള്ള ഷെരീഫ് വ്യാഴാഴ്ച രാവിലെയായിട്ടും എത്താത്തതിനെതുടര്‍ന്നാണ് വീട്ടുകാര്‍ പോലീസില്‍ പരാതി നല്‍കിയത്. ഭാര്യ: സെയ്ദ. മക്കള്‍: നൗഷാദ്, ആസിഫ്, അഫ്രീദ്.

സൈക്ലോണ്‍ പ്രതിരോധ തയാറെടുപ്പ് മോക്ഡ്രില്‍ ഇന്ന്

കാസര്‍ഗോഡ്: ദേശീയ ദുരന്ത നിവാരണ അതോറിറ്റിയും സംസ്ഥാന ദരന്ത നിവാരണ അതോറിറ്റിയും ജില്ലാ ദുരന്ത നിവാരണ അതോറിറ്റികളും സംയുക്തമായി ഇന്നു സംസ്ഥാന വ്യാപകമായി മോക്ഡ്രില്‍ നടത്തുന്നു. ഇതിന്‍റെ ഭാഗമായി കാസര്‍കോട് ജില്ലയിലെ മടക്കര ഹാര്‍ബര്‍, കൊട്ടോടി ടൗണ്‍ എന്നിവിടങ്ങളില്‍ സൈക്ലോണ്‍ പ്രതിരോധ തയ്യാറെടുപ്പ് മോക്ക്ഡ്രില്‍ ഇന്നു രാവിലെ എട്ടു മുതല്‍ ഉച്ചയ്ക്കു 12 വരെ നടത്തും. ഈ പ്രദേശത്ത് താമസിക്കുന്ന ആളുകളെ വീടുകളില്‍ നിന്നും ഒഴിപ്പിക്കും. മുന്നറിയിപ്പ് ലഭിച്ചാല്‍ എത്രയും വേഗം സുരക്ഷിത സ്ഥാനങ്ങളിലേക്ക് മാറുന്നതിന് ജനങ്ങളെ പര്യാപ്തരാക്കുന്നതിനും അടിയന്തിര രക്ഷാപ്രവര്‍ത്തനത്തിന് സര്‍ക്കാര്‍ സംവിധാനങ്ങളെ പ്രാപ്തമാക്കുന്നതിനുമായാണ് ഈ പരിപാടി സംഘടിപ്പിക്കുന്നത്. ഇതൊരു പരിശീലന പരിപാടി മാത്രമാണെന്നും ജനങ്ങള്‍ പരിഭ്രാന്തരാകേണ്ട സാഹചര്യം ഇല്ല എന്നും ജില്ലാ ദുരന്തനിവാരണ അതോറിറ്റിയില്‍ നിന്നും അറിയിച്ചു.

സ്കൂൾ കെട്ടിടോദ്ഘാടനവും വാർഷിക ആഘോഷവും നാളെ

പിലിക്കോട്: വിവിധ പദ്ധതികളിൽ 96 ലക്ഷം രൂപ ചെലവിൽ ചന്തേര ഗവ. യുപി സ്കൂളിനായി നിർമിച്ച ആറു ക്ലാസ് മുറികൾ ഉൾക്കൊള്ളുന്ന കെട്ടിട ഉദ്ഘാടനവും സ്കൂളിന്‍റെ 111-ാ മത് വാർഷികാഘോഷവും നാളെ രാവിലെ 11ന് നിയമസഭ സ്പീക്കർ എ.എൻ.ഷംസീർ ഉദ്ഘാടനം ചെയ്യും. കാസർഗോഡ് വികസന പാക്കേജിൽ 66 ലക്ഷം രൂപ ചെലവിട്ട് നിർമിച്ച നാലു ക്ലാസ് മുറികളും എം.രാജഗോപാലൻ എംഎൽഎ യുടെ ആസ്തി വികസന ഫണ്ടിൽ 28 ലക്ഷം രൂപ ചെലവിൽ നിർമിച്ച രണ്ടു ക്ലാസ് മുറികളും ഉൾക്കൊള്ളുന്നതാണ് പുതുതായി പണിത കെട്ടിടം. സ്കൂളിന്‍റെ വാർഷിക ആഘോഷവും വിരമിക്കുന്ന അധ്യാപകർക്കുള്ള യാത്രയയപ്പും നടക്കും. എം.രാജഗോപാലൻ എംഎൽഎ അധ്യക്ഷതവഹിക്കും. തുടർന്ന് പൂർവാധ്യാപക-വിദ്യാർത്ഥി സംഗമം നടക്കും. വൈകുന്നേരം ആറിന് സംസ്കാരിക സന്ധ്യയിൽ യാത്രയയപ്പും നടക്കും. സി.എം.വിനയചന്ദ്രൻ ഉദ്ഘാടനം ചെയ്യും. പത്രസമ്മേളനത്തിൽ മുഖ്യാധ്യാപകൻ എം.വി.ചന്ദ്രൻ, പിടിഎ പ്രസിഡന്‍റ് സി.പ്രദീപൻ, വി.വി.നാരായണൻ, ആർ.വിനോദ് എന്നിവർ സംബന്ധിച്ചു.

സർക്കിൾ സഹകരണ യൂണിയൻ തെരഞ്ഞെടുപ്പ് മേയ് മൂന്നിനും നാലിനും

കാസർഗോഡ്: ജില്ലയിലെ സർക്കിൾ സഹകരണ യൂണിയൻ തെരഞ്ഞെടുപ്പ് അടുത്ത മാസം മൂന്നിനും നാലിനുമായി നടക്കും. കാസർഗോഡ് സർക്കിളിൽ മൂന്നിന് നഗരസഭ കോൺഫറൻസ് ഹാളിലും ഹൊസ്ദുർഗ് സർക്കിളിൽ നാലിന് യുബിഎംസി എഎൽപി സ്കൂളിലും രാവിലെ ഒൻപത് മുതൽ വൈകുന്നേരം നാലുവരെയാണ് വോട്ടെടുപ്പ്. 2019 ൽ നടന്ന തെരഞ്ഞെടുപ്പിൽ രണ്ടു സർക്കിളുകളിലും എൽഡിഎഫിനായിരുന്നു വിജയം. ഹൊസ്ദുർഗിൽ ആകെയുള്ള 11 സീറ്റുകളും എൽഡിഎഫ് നേടിയപ്പോൾ കാസർഗോട്ട് ഏഴു സീറ്റുകൾ എൽഡിഎഫും നാലു സീറ്റുകൾ ബിജെപിയും നേടി. പ്രാഥമിക വായ്പാ സഹകരണസംഘങ്ങളുടെ വിഭാഗത്തിലാണ് ആകെയുള്ള നാലു സീറ്റുകളും ബിജെപി നേടിയത്. ഈ വിഭാഗത്തിൽ ഇത്തവണയും അവർ വിജയം പ്രതീക്ഷിക്കുന്നുണ്ട്. 32 പ്രാഥമിക വായ്പ സഹകരണ സംഘങ്ങളിൽനിന്നുള്ള 341 ഭരണസമിതി അംഗങ്ങൾക്കും 457 ജീവനക്കാർക്കുമാണ് ഈ വിഭാഗത്തിൽ വോട്ടവകാശമുള്ളത്. ഇതിൽ 13 എണ്ണം സഹകരണ മേഖലയിലെ ബിജെപി അനുകൂല സംഘടനയായ സഹകാർ ഭാരതിയും 11 എണ്ണം എൽഡിഎഫും എട്ടിടത്ത് യുഡിഎഫുമാണ് ഭരിക്കുന്നത്. സിപിഎം നിയന്ത്രണത്തിലുള്ള ദേലംപാടി സർവീസ് സഹകരണ ബാങ്കിന് ഇത്തവണ സഹകരണ യൂണിയനിൽ ഫീസടച്ച് രജിസ്ട്രേഷൻ പുതുക്കാൻ സാധിക്കാത്തതിനാൽ അവിടെ നിന്നുള്ളവർ വോട്ടർപട്ടികയിൽ നിന്ന് പുറത്തായി. അതുകൊണ്ടുതന്നെ ബിജെപി വിജയം നേടുന്നത് തടയണമെങ്കിൽ ഇനി മിക്കവാറും എൽഡിഎഫ് യുഡിഎഫുമായി അടവുനയം സ്വീകരിക്കേണ്ടിവരും. വിവിധ മേഖലകളിൽ കഴിഞ്ഞ ഒൻപത് വർഷത്തിനിടെ രൂപീകരിച്ച പുതിയ സംഘങ്ങളെല്ലാം എൽഡിഎഫ് നിയന്ത്രണത്തിലുള്ളതാണ്. കാർഷിക വായ്പ സംഘങ്ങളല്ലാത്തവയിൽ നിന്ന് 1050 ഭരണസമിതി അംഗങ്ങൾക്കും 719 ജീവനക്കാർക്കും വോട്ടുണ്ട്. ക്ഷീരസംഘങ്ങളിലും മത്സ്യത്തൊഴിലാളി സംഘങ്ങളിലും നിന്ന് 201 ഭരണസമിതി അംഗങ്ങൾക്കും വ്യവസായ സംഘങ്ങളിൽനിന്ന് 69 പേർക്കുമാണ് വോട്ടുള്ളത്. ഹോസ്ദുർഗ് സർക്കിളിൽ പ്രാഥമിക വായ്പാ സഹകരണ സംഘങ്ങളുടെ വിഭാഗത്തിലുൾപ്പെടെ ഇത്തവണയും എൽഡിഎഫിന് വ്യക്തമായ മുൻതൂക്കമുണ്ട്. എങ്കിലും പരമാവധി വോട്ടുകൾ സമാഹരിച്ച് ശക്തമായ പോരാട്ടത്തിനാണ് യുഡിഎഫ് ശ്രമം.

വിദ്യാര്‍ഥികളിലെ കാഴ്ചവൈകല്യം അതിവേഗം വര്‍ധിക്കുന്നു

കാസര്‍ഗോഡ്: ജില്ലയിലെ സ്‌കൂള്‍ വിദ്യാര്‍ഥികളില്‍ കാഴ്ചവൈകല്യം വര്‍ധിക്കുന്നത് 10 ഇരട്ടിയിലേറെ വേഗത്തില്‍. പരിശോധനയ്ക്ക് വിധേയമായ കുട്ടികളില്‍ ഏഴില്‍ ഒരാള്‍ക്കെങ്കിലും കാഴ്ചക്കുറവുണ്ടെന്നാണ് കണ്ടെത്തല്‍. ദേശീയ ആയുഷ് മിഷന്‍റെ കീഴിലുള്ള ദൃഷ്ടി പദ്ധതിവഴി നടത്തിയ 16 ക്യാംപുകളില്‍ നിന്നുമാത്രമായി 144 കുട്ടികളിലാണ് കാഴ്ച്ച വൈകല്യം കണ്ടെത്തിയത്. ഈ കുട്ടികളല്‍ 12 പേര്‍ക്ക് മാത്രമായിരുന്നു കാഴ്ചയെ ബാധിക്കുന്ന സാഹചര്യങ്ങള്‍ മുന്‍പ് ഉണ്ടായിരുന്നത്. തിമിരം, റെറ്റിനോപ്പതി, ഗ്ലോക്കോമ തുടങ്ങിയവ ബാധിച്ച 14 കുട്ടികളെയും പരിശോധനയില്‍ കണ്ടെത്തി. ആകെ 784 വിദ്യാര്‍ഥികളിലാണ് പരിശോധന നടത്തിയത്. ഓഗസ്റ്റ് മുതല്‍ ആരംഭിച്ച പദ്ധതിയുടെ പ്രവര്‍ത്തനങ്ങള്‍ കാസര്‍ഗോഡ് മുനിസിപ്പാലിറ്റിയിലും പഞ്ചായത്തുകളിലെ സ്‌കൂളുകളിലുമായി പുരോഗമിക്കുന്നതിനിടെയാണ് ഞെട്ടിക്കുന്ന കണക്കുകള്‍ പുറത്തുവരുന്നത്. അമിതമായ ഫോണ്‍, ടിവി ഉപയോഗം, ജങ്ക് ഫുഡ്, മധുരപലഹാരങ്ങള്‍, എണ്ണയില്‍ വറുത്ത ആഹാരങ്ങള്‍, കാര്‍ബണേറ്റഡ് ഡ്രിങ്ക്‌സ് തുടങ്ങിയവയുടെ അമിത ഉപയോഗം, ആവശ്യമായ വെള്ളം കുടിക്കാതിരിക്കുന്നത്, സമയം തെറ്റിയുള്ള ആഹാരം, കൃത്യമായ പോഷകങ്ങള്‍ ഉള്ള ആഹാരങ്ങളുടെ അഭാവം, വ്യായാമമില്ലായ്മ, പകലുറക്കം, രാത്രി ഉറങ്ങാന്‍ വൈകുന്നത് ഒക്കെ ഈ കാഴ്ച വൈകല്യങ്ങള്‍ക്കും കണ്ണിലെ മറ്റ് അസുഖങ്ങള്‍ക്കും കാരണമാണെന്നാണ് ഡോക്ടര്‍മാരുടെ വിശദീകരണം. കാഴ്ച വൈകല്യങ്ങള്‍ കണ്ട കുട്ടികളില്‍ വലിയൊരു ശതമാനം പേരും മണിക്കൂറുകളോളം ഫോണ്‍ ഉപയോഗം ഉള്ളവര്‍ ആണെന്ന് കണ്ടെത്തി. മിക്കവരിലും മലബന്ധം, വിശപ്പില്ലായ്മ മുതലായ വയര്‍ സംബന്ധമായ അസുഖങ്ങള്‍ ഉള്ളതായും കണ്ടെത്തിയിട്ടുണ്ട്. പച്ചക്കറികള്‍, ചീര മുരിങ്ങ മുതലായ ഇലക്കറികള്‍, നെല്ലിക്ക, പഴവര്‍ഗങ്ങള്‍, മത്സ്യം, മുട്ട ഇങ്ങനെയുള്ള പോഷകങ്ങള്‍ ഉള്ള ആഹാരം കഴിക്കുന്നതിലൂടെയും നേത്രവ്യായാമം, മറ്റു ചെറിയ രീതിയില്‍ ഉള്ള വ്യായാമം, പുറം കളികളില്‍ ഏര്‍പ്പെടുന്നത് ഒക്കെ നേത്രരോഗങ്ങള്‍ തടയാന്‍ സഹായിക്കും. കാസര്‍ഗോഡ് ഗവ. ആയുര്‍വേദ ആശുപത്രി ചീഫ് മെഡിക്കല്‍ ഓഫിസര്‍ ഡോ. കെ.എസ്.സ്വപ്നയുടെ നേതൃത്വത്തില്‍ മെഡിക്കല്‍ ഓഫീസര്‍ ഡോ. പി.പ്രിയ, ഒപ്‌റ്റോമെട്രിസ്റ്റ് ജിന്‍റോ കെ.തോമസ്, എംപിഡബ്ല്യു വിദ്യാലക്ഷ്മി എന്നിവര്‍ ചേര്‍ന്നാണ് ക്യാംപുകള്‍ നടത്തിയത്.

കുട്ടികളുടെ യാത്രാ ദുരിതത്തിന് പരിഹാരം; തോട്ടുകര അങ്കണവാടിയിലേക്ക് റോഡ്

തൃക്കരിപ്പൂർ: പടന്ന പഞ്ചായത്തിലെ തോട്ടുകര അങ്കണവാടിയിലേക്ക് റോഡ് യാഥാർത്ഥ്യമായതോടെ കുട്ടികളുടെ യാത്രാ ദുരിതത്തിന് പരിഹാരമായി. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയാണ് 130 മീറ്റർ നീളമുള്ള കോൺക്രീറ്റ് റോഡ് പടന്ന പഞ്ചായത്ത് നിർമിച്ചത്. മഴക്കാലത്ത് കുട്ടികൾക്കും രക്ഷിതാക്കൾക്കും യാത്രാ ദുസഹമായ സാഹചര്യത്തിൽ വാർഡ് വികസന സമിതി സ്വകാര്യ വ്യക്തികളിൽ നിന്ന് ഭൂമി ലഭ്യമാക്കിയതിനെ തുടർന്നാണ് നിരന്തര ആവശ്യവും അനിവാര്യതയും പരിഗണിച്ച് പഞ്ചായത്ത് ഫണ്ട് വകയിരുത്തിയത്. തോട്ടുകര അങ്കണവാടിയിലേക്കുള്ള കോൺക്രീറ്റ് റോഡ് ഗ്രാമ പഞ്ചായത്ത് പ്രസിഡൻ്റ് പി.വി.മുഹമ്മദ് അസ്ലം യാത്രക്കായി തുറന്നു കൊടുത്തു. പഞ്ചായത്തംഗം വി. ലത അധ്യക്ഷതവഹിച്ചു. ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ എം.സുമേഷ്, തൊഴിലുറപ്പ് പദ്ധതി അസിസ്റ്റന്‍റ്് എൻജിനിയർ സൻബക് ഹസീന, ഇ.തമ്പാൻ, കെ.ദാമോദരൻ എന്നിവർ പ്രസംഗിച്ചു.

കുട്ടികളുടെ നാടക ക്യാമ്പ് 30 മുതല്‍

കുറ്റിക്കോല്‍: ജില്ലാ പഞ്ചായത്തിന്‍റെ സഹകരണത്തോടെ കുറ്റിക്കോലില്‍ പ്രവര്‍ത്തിക്കുന്ന കുട്ടികളുടെ കളിവീടായ സണ്‍ഡെ തീയേറ്ററും, നെരൂദ ഗ്രന്ഥശാലയവും ചേര്‍ന്ന് സംഘടിപ്പിക്കുന്ന ഈ വര്‍ഷത്തെ അവധിക്കാല നാടക ക്യാമ്പ് അഭിനയ ശരീരം - രണ്ടാം പതിപ്പ് 30, മെയ് ഒന്ന്, രണ്ട് തീയതികളില്‍ സണ്‍ഡെ തീയേറ്ററില്‍ നടക്കും. പ്രമുഖ ചലചിത്ര-നാടക നടന്‍മാരും പ്രവര്‍ത്തകരും ക്ലാസ്സുകള്‍ നയിക്കും. രാജേഷ് മാധവന്‍, ഉണ്ണിരാജ്, ഷിനില്‍ വടകര, തൃശൂര്‍ സ്‌കൂള്‍ ഓഫ് ഡ്രാമയിലെ ഗസ്റ്റ് ലക്ചര്‍ ഡോ. ശ്യാം രാജി നേതൃത്വം കൊടുക്കും. ജില്ലാ പഞ്ചായത്ത് പ്രസിഡന്‍റ് ബേബി ബാലകൃഷ്ണന്‍, വിദ്യാഭ്യാസ സ്ഥിരംസമിതി അധ്യക്ഷ എസ്.എന്‍.സരിത ക്യാമ്പംഗങ്ങളുമായി സംവദിക്കും. തൃശൂര്‍ സ്‌കൂള്‍ ഓഫ് ഡ്രാമയില്‍ നിന്നും കോഴ്‌സ് പൂര്‍ത്തിയാക്കിയ കാസര്‍ഗോഡ് ജില്ലയിലെ നാടക പ്രവര്‍ത്തകര്‍ ക്യാമ്പില്‍ ക്ലാസെടുക്കും. ക്യാമ്പില്‍ നിന്ന് ഉരുത്തിരിയുന്ന നാടകം മെയ്മാസം രണ്ടാം വാരം തെരഞ്ഞെടുക്കപ്പെട്ട വേദികളില്‍ അവതരിപ്പിക്കും. താമസവും ഭക്ഷണവും സൗജന്യം. ആദ്യം രജിസ്റ്റര്‍ ചെയ്യുന്ന 40 കുട്ടികള്‍ക്കാണ് അവസരം. 20 നകം രജിസ്റ്റര്‍ ചെയ്യണം. ആറാംക്ലാസ് മുതല്‍ പ്ലസ് വണ്‍ വരെയുള്ള വിദ്യാര്‍ഥികള്‍ക്ക് പ്രവേശനം നല്‍കും. ഫോണ്‍: 94473403195.

ഓട്ടോ‍ ദേശീയപാതയിലെ കുഴിയില്‍ വീണു; അമ്മയും കുഞ്ഞും റോഡിലേക്ക് തെറിച്ചുവീണു

കാഞ്ഞങ്ങാട്: ദേശീയപാതയിലെ കുഴിയില്‍ വീണ ഓട്ടോറിക്ഷയില്‍നിന്നും യുവതിയും കുട്ടിയും പുറത്തേക്ക് തെറിച്ചു വീണു. ഒരു വയസുള്ള കുഞ്ഞ് വെള്ളത്തില്‍ മുങ്ങി. ഇന്നലെ രാവിലെ കാഞ്ഞങ്ങാട് കൂളിയങ്കാല്‍ ജംഗ്ഷനിലാണ് അപകടം. മാവുങ്കാല്‍ ഭാഗത്ത് നിന്നും ഹൊസ്ദുര്‍ഗ് ക്ഷേത്രത്തിലേക്ക് പോവുകയായിരുന്നു യുവതി. ഇന്നലെ പെയ്ത വേനല്‍ മഴയിലെ വെള്ളം റോഡില്‍ കെട്ടി കിടന്നതിനാല്‍ ഡ്രൈവര്‍ കുഴികണ്ടില്ല. ഓട്ടോ കുഴിയില്‍ വീണ ആഘാതത്തില്‍ അമ്മയും കുഞ്ഞും റോഡിലേക്ക് തെറിച്ചു വീണു. മുട്ടറ്റം ചെളിവെള്ളത്തില്‍ വീണ് മുങ്ങിയ കുഞ്ഞിനെ അല്‍പനേരത്തേക്ക് കാണാതായി. പെട്ടന്ന് തന്നെ കുഞ്ഞിനെ രക്ഷിക്കാനായി. നാട്ടുകാര്‍ ഓടിയെത്തി ആവശ്യമായ സഹായം ചെയ്തു. തൊട്ടടുത്ത വീട്ടില്‍ കുഞ്ഞിനെ കൊണ്ട് പോയി കുളിപ്പിച്ച് ശുദ്ധിയാക്കിയാണ് യുവതിയും കുഞ്ഞും ക്ഷേത്രത്തിലേക്ക് യാത്ര തുടര്‍ന്നത്. യുവതിക്ക് തലയ്ക്ക് പരിക്കേറ്റു. വിവരമറിഞ്ഞെത്തി ബന്ധപ്പെട്ടവര്‍ ഇവിടെ കോണ്‍ക്രീറ്റ് നടത്തി കുഴിയടച്ച് വെള്ളക്കെട്ട് ഒഴിവാക്കി.ബുധനാഴ്ച രാത്രി നിരവധി ഇരുചക്രവാഹന യാത്രക്കാര്‍ ഈ കുഴിയില്‍ വീണിരുന്നു.

കോൺഗ്രസ് അധികാരത്തിലെത്തിയാൽ 1972 ലെ വനനിയമം ഭേദഗതി ചെയ്യും: രാജ്മോഹൻ ഉണ്ണിത്താൻ

വെള്ളരിക്കുണ്ട്: കേന്ദ്രത്തിൽ കോൺഗ്രസ് നേതൃത്വത്തിലുള്ള സർക്കാർ അധികാരത്തിൽ വന്നാൽ 1972 ലെ കേന്ദ്ര വനാവകാശ വന്യജീവി സംരക്ഷണ നിയമം ഭേദഗതി ചെയ്യുമെന്ന് രാജ്മോഹൻ ഉണ്ണിത്താൻ എംപി പ്രഖ്യാപിച്ചു. എല്ലാ ഉത്തരവാദിത്വവും കേന്ദ്രത്തിന് മേൽ ചാർത്തി കർഷകരുടെ കണ്ണീര് കാണാതെ നോക്കുകുത്തിയായി നില്ക്കുന്ന പിണറായി സർക്കാരിന്‍റെ കാര്യത്തിലും ഭരണമാറ്റം അനിവാര്യമാണെന്ന് അദ്ദേഹം പറഞ്ഞു. വന്യജീവി ആക്രമണങ്ങളുമായി ബന്ധപ്പെട്ട് കേന്ദ്ര-സംസ്ഥാന സർക്കാരുകൾ പുലർത്തുന്ന നിസംഗതയ്ക്കെതിരെ യുഡിഎഫ് ജില്ലാ കമ്മിറ്റിയുടെ നേതൃത്വത്തിൽ വെള്ളരിക്കുണ്ട് താലൂക്ക് ഓഫീസിലേക്ക് നടത്തിയ മാർച്ച് ഉദ്ഘാടനം ചെയ്ത് പ്രസംഗിക്കുകയായിരുന്നു ഉണ്ണിത്താൻ. സംഘാടക സമിതി ചെയർമാനും കർഷക കോൺഗ്രസ് ജില്ലാ പ്രസിഡന്‍റുമായ രാജു കട്ടക്കയം അധ്യക്ഷത വഹിച്ചു. ഡിസിസി പ്രസിഡന്‍റ് പി.കെ.ഫൈസൽ മുഖ്യപ്രഭാഷണം നടത്തി. യുഡിഎഫ് ജില്ലാ കൺവീനർ എ.ഗോവിന്ദൻ നായർ, കേരള കോൺഗ്രസ് ജില്ലാ പ്രസിഡന്‍റ് ജെറ്റോ ജോസഫ്, മുസ്ലിം ലീഗ് കാഞ്ഞങ്ങാട് നിയോജകമണ്ഡലം പ്രസിഡന്‍റ് ബഷീർ വെളളിക്കോത്ത്, ആർഎസ്പി ജില്ലാ സെക്രട്ടറി ഹരീഷ് ബി നമ്പ്യാർ, സിഎംപി സംസ്ഥാന സെക്രട്ടേറിയറ്റ് അംഗം വി.കെ.രവീന്ദ്രൻ, കേരള കോൺഗ്രസ്-ജേക്കബ് ജില്ലാ പ്രസിഡന്‍റ് ആൻറക്സ് ജോസഫ്, യുഡിഎഫ് നിയോജക മണ്ഡലം ചെയർമാൻ പ്രിൻസ് ജോസഫ്, കരിമ്പിൽ കൃഷ്ണൻ, പി.വി.സുരേഷ്, ബി.പി.പ്രദീപ് കുമാർ, മീനാക്ഷി ബാലകൃഷ്ണൻ, ശാന്തമ്മ ഫിലിപ്പ്, ടോമി പ്ലാച്ചേരി, പി.ജി.ദേവ്, ജോമോൻ ജോസഫ്, കൂക്കൾ ബാലകൃഷ്ണൻ, എ.സി.എ ലത്തീഫ്, സി.വി.തമ്പാൻ, മുസ്തഫ തായന്നൂർ, താജുദ്ദീൻ കമ്മാടം, ഇസ്ഹാഖ് കനകപ്പള്ളി, എം.പി.ജോസഫ്, മധുസൂദനൻ ബാലൂർ എന്നിവർ പ്രസംഗിച്ചു.

വേനല്‍മഴയ്ക്കൊപ്പം കാറ്റ്; തൃക്കരിപ്പൂരില്‍ വ്യാപക നാശം

തൃക്കരിപ്പൂർ: തൃക്കരിപ്പൂരിലും പരിസര പ്രദേശങ്ങളിലും ബുധനാഴ്ച രാത്രി വേനല്‍മഴയ്ക്കൊപ്പം വീശിയടിച്ച കാറ്റിൽ വ്യാപക നാശം. മരങ്ങൾ ഒടിഞ്ഞുവീണ് നിരവധി വീടുകൾക്ക് കേടുപാടുകൾ സംഭവിച്ചു. കക്കുന്നത്തെ കിഴക്കൻ കമലാക്ഷിയുടെ വീടിന് മുകളില്‍ കമുക് വീണ് മേൽക്കൂര തകർന്നു. കക്കുന്നത്തെ ക്ഷീരകർഷക കീനേരി ശാന്തയുടെ വീടിന് മുകളില്‍ തെങ്ങ് വീണു. റൂഫിംഗ് ഷീറ്റും പൈപ്പുകളും ഓടുകളും തകർന്നു. വിവിധ സ്ഥലങ്ങളിൽ കൃഷി നാശവുമുണ്ടായി. വൾവക്കാട്ടെ ലത്തീഫിന്‍റെ പച്ചക്കറികൃഷിയും ഡ്രാഗൺ ഫ്രൂട്ട് തൈകളും കാറ്റിൽ നശിച്ചു.

കാസർഗോഡ് ബസ് സ്റ്റാൻഡ് കന്നുകാലികൾ കൈയടക്കുന്നു

കാസർഗോഡ്: ബസ് സ്റ്റാൻഡിൽ ബസുകളെയും യാത്രക്കാരെയും ബുദ്ധിമുട്ടിലാക്കി കന്നുകാലികളുടെ ആധിപത്യം. യാർഡിൽ അവിടവിടെയായി കിടക്കുന്ന പശുക്കൾ ബസുകൾ വന്ന് ഹോണടിച്ചാൽപോലും എഴുന്നേറ്റു മാറാത്ത നിലയാണ്. എങ്ങാനും വണ്ടിയിടിച്ച് പരിക്കേൽക്കുകയാണെങ്കിൽ ഉടമസ്ഥർ ഓടിയെത്തി നഷ്ടപരിഹാരം കണക്കുപറഞ്ഞ് വാങ്ങുകയും ചെയ്യും. പശുക്കളെ ബസ് സ്റ്റാൻഡ് പരിസരത്ത് കയറൂരിവിട്ട് വളർത്തുന്ന നിരവധി ഉടമകളുണ്ടെന്ന് നാട്ടുകാരും വ്യാപാരികളും പറയുന്നു. പലരും രാത്രിയായാൽ പോലും ഇവയെ വീട്ടിലേക്ക് കൂട്ടാറില്ല. ഇരുപതോളം പശുക്കൾ പതിവായി ബസ് സ്റ്റാൻഡ് പരിസരത്തുണ്ട്. രാത്രികാലങ്ങളിലും ബസ് സ്റ്റാൻഡ് യാർഡിലും വരാന്തയിലുമായാണ് ഇവ കിടക്കുന്നത്. നേരം പുലർന്ന് കട തുറക്കുമ്പോൾ വരാന്തയിലെ ചാണകവും മൂത്രവും കഴുകി വൃത്തിയാക്കുകയായിരിക്കും മിക്കവാറും വ്യാപാരികളുടെ ആദ്യത്തെ ജോലി. കറവ വറ്റിയതിനാൽ ഉടമസ്ഥർ ഉപേക്ഷിച്ച പശുക്കളും കൂട്ടത്തിലുണ്ടെന്ന് നാട്ടുകാർ പറയുന്നു. ടൗണിലും ബസ് സ്റ്റാൻഡ് യാർഡിലും സ്വൈരവിഹാരം നടത്തുന്ന പശുക്കൾ പകൽസമയങ്ങളിലും അപകടഭീഷണി ഉയർത്തുന്നുണ്ട്. പെട്ടെന്ന് മുന്നിലേക്ക് കയറിവരുന്ന പശുവിനെ ഇടിക്കാതിരിക്കാൻ വെട്ടിക്കുന്ന ബസുകൾ മറ്റു വാഹനങ്ങളെയോ കാൽനടയാത്രക്കാരെയോ ഇടിച്ച് അപകടമുണ്ടാകാനുള്ള സാധ്യതയും കൂടുതലാണ്. നഗരത്തിൽ അലഞ്ഞുതിരിയുന്ന പശുക്കളെ സംബന്ധിച്ച് നാട്ടുകാരുടെയും വ്യാപാരികളുടെയും ഭാഗത്തുനിന്ന് നിരവധി പരാതികൾ ലഭിച്ചിട്ടുണ്ടെന്ന് നഗരസഭാധ്യക്ഷൻ അബ്ബാസ് ബീഗം അറിയിച്ചു. പരാതികളും അപകടങ്ങളും ഒഴിവാക്കാൻ ഉടമകൾ തന്നെ ശ്രദ്ധിക്കണമെന്നും പശുക്കളെ കെട്ടിയിട്ട് വളർത്തണമെന്നും നിർദേശം നല്കിയിട്ടുണ്ട്. ഇക്കാര്യത്തിൽ തുടർന്നും നടപടികളൊന്നും ഉണ്ടാകുന്നില്ലെങ്കിൽ ഉടമകൾക്കെതിരെ നഗരസഭ നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.

അഖില കേരള വടംവലിക്കായി വള്ളിക്കടവ് ഒരുങ്ങി

മാലോം: കെഎസ് യു മാലോത്ത് കസബ പൂർവവിദ്യാർഥി വാട്സാപ്പ് കൂട്ടായ്മയും മലയോരത്തെ കായികപ്രേമികളും സംയുക്തമായി 12നു വള്ളിക്കടവിലെ മാലോം സെന്‍റ് ജോർജ് ഫൊറോന ഗ്രൗണ്ടിൽ നടത്തുന്ന അഖിലകേരള വടം വലി മത്സരത്തിന്‍റെ ഗാലറിയുടെ കാൽനാട്ട് കർമം ബളാൽ പഞ്ചായത്ത്‌ പ്രസിഡന്‍റും സംഘടകസമിതി മുഖ്യ രക്ഷാധികാരിയുമായ രാജു കട്ടക്കയം നിർവഹിച്ചു. സംഘാടകസമിതി ചെയർമാൻ ഗിരീഷ് വട്ടക്കാട്ട് അധ്യക്ഷതവഹിച്ചു. മത്സരത്തോടനുബന്ധിച്ച് പ്രസിദ്ധീകരിച്ച സപ്ലിമെന്‍റ് ബ്ലോക്ക് പഞ്ചായത്തംഗം ഷോബി ജോസഫ് പഞ്ചായത്തംഗം ജെസി ടോമിക്ക് നൽകി പ്രകാശനം ചെയ്തു. കേരളത്തിലെ പ്രമുഖ ടീമുകളായ കെവിസി കാറൽമണ്ണ, ഉദയ പുളിക്കൽ, ഹായ് ഫ്രണ്ട്സ് കാലിക്കറ്റ്, ലയൺസ്‌ പുത്തൂർ, ഷാഡോസ് കാരിയോട്, എവർഷൈൻ കൊണ്ടോട്ടി, ജികെഎസ് ഗോതമ്പുറോഡ്, സ്റ്റാർ വിഷൻ തൃശൂർ, സംഘമിത്ര കോഴിക്കോട്, ജെആർപി ആദ്മാസ് മുക്കം, ഗ്രാന്‍റ് സ്റ്റാർ പുളിക്കൽ, ഹണ്ടേഴ്സ് കുന്നുംപുറം തുടങ്ങിയ ടീമുകൾക്ക് പുറമെ വടക്കൻ കേരളത്തിലെ 20ഓളം ടീമുകളും പങ്കെടുക്കും . മുഖ്യ രക്ഷാധികാരി മാലോം സെന്‍റ് ജോർജ് ഫോറോന വികാരി ഫാ.ജോസ് തൈക്കുന്നംപുറം, ടി.കെ.എവുജിൻ, ഹരീഷ് പി.നായർ, പി.സി.രഘുനാഥൻ, മോൻസി ജോയ്, വി.വി.രാഘവൻ, സ്‌കറിയ കാഞ്ഞമല, മാർട്ടിൻ ഒളൊമന, ബിബിൻ അരയ്ക്കൽ, മല്ലിക ബിനു, മാത്യു വെട്ടിക്കലോലിക്കൽ, സി. കെ.വിനീത്, അപ്പു തകടിയേൽ, വിഷ്ണു ചുള്ളി, ജോർജ്കുട്ടി കണയങ്കൽ, ജോൺസൺ ചിറയത്ത്, ബെന്നി തുളുമ്പൻമാക്കൽ, ജിബിൻ പുഞ്ച, അജയ് കുന്നത്ത്, സാബു കളരിക്കൽ, മിനി ടോമി, റോസ്ലി സിബി, അപ്പച്ചൻ വെട്ടിക്കലോലിക്കൽ, പി.ജെ.ജോമേഷ്, ഫ്രാൻസിസ് കുഴുപ്പള്ളി, അജു വള്ളിക്ക ടവ്, ജോസഫ് പന്തലാടി എന്നിവർ സംസാരിച്ചു. എൻ.ഡി.വിൻസെന്‍റ് സ്വാഗതവും ജോബി കാര്യാവിൽ നന്ദിയും പറഞ്ഞു.

ജൈവോത്പ്പന്ന വിപണി ഒരുക്കി ബ്ലോക്ക് കിസാൻ മേള

തൃക്കരിപ്പൂർ: ജൈവകൃഷിയിലൂടെ ഉത്പാദിപ്പിക്കുന്ന ഇനങ്ങളുടെ വിപണനത്തിനും ജൈവ ഉൽപാദന ഉപാധികൾ പരിചയപ്പെടുത്തുന്നതിനുമായി ഭാരതീയ പ്രകൃതി കൃഷി പദ്ധതിയുടെ ഭാഗമായി നീലേശ്വരം ബ്ലോക്ക് തല കിസാൻ മേള സംഘടിപ്പിച്ചു. കേരള കാർഷിക വികസന കർഷക ക്ഷേമ വകുപ്പും ബ്ലോക്ക് പഞ്ചായത്തും ചേർന്ന് നടത്തിയ കിസാൻ മേളയിൽ കർഷകർ ജൈവ കൃഷി രീതിയിൽ ഉത്പാദിപ്പിച്ച ഇനങ്ങളാണ് വിപണനത്തിനെത്തിയത്. ബ്ലോക്ക് പ്രസിഡന്‍റ് മാധവൻ മണിയറ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് വി.കെ.ബാവ അധ്യക്ഷതവഹിച്ചു. കെ.എൻ.ജ്യോതികുമാരി, അനില മാത്യു, പി.കെ.ലക്ഷ്മി, കെ.ബിന്ദു, എ.റെജീന, ഇ.എം.ആനന്ദവല്ലി, എം.സുമേഷ്, സി.ചന്ദ്രമതി, എം.സൗദ, ഇ.ശശിധരൻ എന്നിവർ പ്രസംഗിച്ചു. ഡോ.വിനീത ക്ലാസെടുത്തു. മൂന്നു ദിവസങ്ങളിലായി ബസ് സ്റ്റാൻഡ് പരിസരത്ത് പ്രദർശന വിപണന മേള നടക്കും.

വര്‍ഗീയതയും അക്രമരാഷ്‌ട്രീയവും സമരസപ്പെടുന്നത് അപകടകരം: ടി.എന്‍. പ്രതാപന്‍

കാസര്‍ഗോഡ്: അഴിമതിയും ധൂര്‍ത്തും കൊണ്ട് അളിഞ്ഞുപോയ പിണറായി സര്‍ക്കാരിന് സംരക്ഷണ മതിലൊരുക്കുന്നത് കേന്ദ്രത്തിലെ നരേന്ദ്രമോദി സര്‍ക്കാരാണെന്നും വര്‍ഗീയതയും അക്രമരാഷ്ട്രീയവും സമരസപ്പെടുന്ന ഈ രാഷ്‌ട്രീയഗതികേട് കേരളജനതയ്ക്ക് വന്‍ ആപത്തുണ്ടാക്കുമെന്നും കെപിസിസി വര്‍ക്കിംഗ് പ്രസിഡന്‍റ് ടി.എന്‍. പ്രതാപന്‍. ജില്ലാ കോണ്‍ഗ്രസ് കമ്മിറ്റി കാസര്‍ഗോഡ് മുനിസിപ്പല്‍ മിനി കോണ്‍ഫറന്‍സ് ഹാളില്‍ സംഘടിപ്പിച്ച ഡിസിസി നേതൃസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമൂഹത്തിലെ വിവിധ മേഖലകളിലെ ജനങ്ങളെ ഒരുമിപ്പിച്ച് കൊണ്ടുപോകേണ്ട ഉത്തരവാദിത്തം നമുക്കുണ്ടെന്നും ജനാധിപത്യത്തെയും മതേതരത്വത്തിന്‍റെയും അട്ടിമറിക്കാന്‍ ശ്രമിക്കുന്ന ഛിദ്ദ്രശക്തികളുടെ ശ്രമം കോണ്‍ഗ്രസ് ജനങ്ങളെ മുന്നില്‍നിര്‍ത്തി രാജ്മോഹന്‍ ഉണ്ണിത്താന്‍ എംപി പറഞ്ഞു. ഡിസിസി പ്രസിഡന്‍റ് പി.കെ.ഫൈസല്‍ അധ്യക്ഷത വഹിച്ചു. ഹക്കീം കുന്നില്‍, എ.ഗോവിന്ദന്‍ നായര്‍, കെ. നീലകണ്ഠന്‍, പി.എ.അഷ്റഫലി, കെ.വി.ഗംഗാധരന്‍, സുബ്ബയ്യ റയ്‌രിമ്പില്‍ കൃഷ്ണന്‍, ശാന്തമ്മ ഫിലിപ്പ്, മീനാക്ഷി ബാലകൃഷ്ണന്‍, പി.ജി.ദേവ് എം.സി.പ്രഭാകരന്‍, ജയിംസ് പന്തമ്മാക്കാല്‍, സാജിദ് മവ്വല്‍, ബി.പി. പ്രദീപ്കുമാര്‍, എം.കുഞ്ഞമ്പു നമ്പ്യാര്‍, സോമശേഖര ഷേണി, പി.വി.സുരേഷ്, ഹരീഷ് പി.നായര്‍, ടോമി പ്ലാച്ചേരി, സി.വി.ജയിംസ്, മാമുനി വിജയന്‍, ഗീത കൃഷ്ണന്‍, ധന്യ സുരേഷ്, ജോയ് ജോസഫ്, ഉമേശന്‍ വേളൂര്‍, മധുസൂദനന്‍ ബാലൂര്‍, കെ.വി.ഭക്തവത്സലന്‍ എന്നിവര്‍ സംസാരിച്ചു.

കർഷകസ്വരാജ് സദസുകൾ ജനശ്രദ്ധയാകർഷിക്കുന്നു

കൊന്നക്കാട്: വന്യമൃഗശല്യത്തിനെതിരെ വെള്ളരിക്കുണ്ടിൽ പ്രഖ്യാപിച്ചിരിക്കുന്ന കർഷകസ്വരാജ് സത്യാഗ്രഹത്തിന്‍റെ തയ്യാറെടുപ്പുകളുടെ ഭാഗമായി സംഘടിപ്പിക്കുന്ന കർഷകസ്വരാജ് സദസുകളിൽ ജനപങ്കാളിത്തം വർധിക്കുന്നു. കഴിഞ്ഞ ദിവസം കൊന്നക്കാട് നടന്ന കർഷകസ്വരാജ് സദസിൽ 80ഓളം പേർ പങ്കെടുത്തു. പരിപാടി പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷ മോൻസി ജോയി ഉദ്ഘാടനം ചെയ്തു. സത്യാഗ്രഹ സഹായ സമിതി ചെയർമാൻ റിട്ട.ഐജി കെ.വി.മധുസൂദനൻ അധ്യക്ഷതവഹിച്ചു. സണ്ണി പൈകട വിഷയാവതരണം നടത്തി. ഫാ. ജോർജ് വെള്ളരിങ്ങാട്, ടി.പി. തമ്പാൻ, പി.സി. രഘുനാഥൻ എന്നിവർ ചർച്ച നയിച്ചു. അഞ്ചാമത് സദസാണ് കൊന്നക്കാട് സംഘടിപ്പിക്കപ്പെട്ടത്. ആനമഞ്ഞൾ, പാത്തിക്കര, അട്ടക്കാട്, മരുതുംകുളം എന്നിവിടങ്ങളിൽ നേരത്തെ സദസ് നടത്തിയത്. ആറാമത് സദസ് നാളെ എണ്ണപ്പാറയിൽ നടക്കും.

കാണിയൂര്‍ പാത: കര്‍ണാടക മുഖ്യമന്ത്രിയുമായി ചര്‍ച്ച നടത്തി എംപി

കാസര്‍ഗോഡ്: കാഞ്ഞങ്ങാട്-കാണിയൂര്‍ റെയില്‍വേ പാതക്ക് കര്‍ണ്ണാടക സര്‍ക്കാരിന്‍റെ എതിര്‍പ്പില്ലാരേഖ (എന്‍ഒസി) ലഭിക്കുന്നതുമായി ബന്ധപ്പെട്ട് കര്‍ണാടക മുഖ്യമന്ത്രി സിദ്ധരാമയ്യയുമായി രാജ്മോഹന്‍ ഉണ്ണിത്താന്‍ എംപി. അഹമ്മദാബാദില്‍ നടക്കുന്ന കോണ്‍ഗ്രസ് സമ്മേളനത്തിനിടെയാണ് ചര്‍ച്ച നടത്തിയത്. 2014ല്‍ നടത്തിയ സര്‍വേയുടെ വിശദവിവരം മുഖ്യമന്ത്രി ആരാഞ്ഞു. പദ്ധതിയുടെ വിശദരേഖകളുമായി ബംഗളുരുവിലെത്താമെന്ന് എംപി അറിയിച്ചു. അതിനുശേഷം ബന്ധപ്പെട്ട ഉദ്യോഗസ്ഥരുടെ യോഗം വിളിക്കാമെന്ന് മുഖ്യമന്ത്രി അറിയിച്ചു. കാഞ്ഞങ്ങാട് -പാണത്തൂര്‍ -കാണിയൂര്‍ റെയില്‍പാതയുടെ നിര്‍മാണത്തിന് ആവശ്യമായ തുകയുടെ 50 ശതമാനം കര്‍ണാടക- കേരള സംസ്ഥാനങ്ങള്‍ വഹിക്കേണ്ടതാണെന്നാണ് റെയില്‍വേയുടെ നിര്‍ദേശം. കര്‍ണ്ണാടകയുടെ വിഹിതം നല്‍കാന്‍ സമ്മതം അറിയിച്ചുള്ള എന്‍ഒസി പദ്ധതിക്ക് ആവശ്യമാണ്. പാത കര്‍ണാടകയിലൂടെ കടന്നുപോകുന്ന ഭാഗങ്ങളില്‍ സ്ഥലം ഏറ്റെടുക്കുന്നതിന്‍റെ പകുതി തുകയും കര്‍ണാടക വഹിക്കേണ്ടതുണ്ട്. റെയില്‍വേ ഈ പദ്ധതിക്ക് മുന്‍കൈ എടുത്താല്‍ ബന്ധപ്പെട്ട തലങ്ങളിലുള്ള യോഗം മുഖ്യമന്ത്രി വിളിച്ചുചേര്‍ക്കും. മുന്‍ കര്‍ണാടക സര്‍ക്കാരുമായി രാജ്മോഹന്‍ ഉണ്ണിത്താന്‍ എംപിയും കേരള മുഖ്യമന്ത്രിയും ചര്‍ച്ച നടത്തിയിരുന്നെങ്കിലും അവര്‍ വേണ്ടത്ര താല്‍പര്യം കാണിച്ചിരുന്നില്ല. അതോടെ പദ്ധതിയുടെ നടത്തിപ്പിന് കാലതാമസം നേരിട്ടതായും എംപി പറഞ്ഞു. കാഞ്ഞങ്ങാട് കാണിയൂര്‍ റെയില്‍ പാത പദ്ധതിയുടെ മുന്നോട്ട് പോക്കിന് ഊര്‍ജം പകരുന്നതാണ് മുഖ്യമന്ത്രിയുമായുള്ള കൂടിക്കാഴ്ച്ചയെന്ന് എംപി പറഞ്ഞു. കാസര്‍ഗോഡ് തിരിച്ചെത്തിയാലുടന്‍ ബന്ധപ്പെട്ടവരുമായി കൂടിയാലോചിച്ച് ബംഗ്ലൂരെത്തി മുഖ്യമന്ത്രി സിദ്ധ രാമയ്യയെ കാണും എന്നും എംപി കൂട്ടിച്ചേര്‍ത്തു.

‘എറൈസ് ’ വിദ്യാർഥികൾ കേന്ദ്രസർവകലാശാലയിലെത്തി

വെള്ളരിക്കുണ്ട്: അറിവിന്‍റെ അനുഭവം തേടി ‘എറൈസ്’ വിദ്യാർത്ഥികൾ കേന്ദ്രസർവകലാശാലയിലെത്തി. വെള്ളിക്കുണ്ട്, മാലോം ഫൊറോനകളിലെ തെരഞ്ഞെടുക്കപ്പെട്ട 50ഓളം വിദ്യാർത്ഥികളാണ് സർവ്വകലാശാലകളിലെ വിവിധ ഡിപ്പാർട്ടുമെന്‍റുകളിൽ സന്ദർശനം നടത്തിയത്. സർവകലാശാലയിലെ എഡ്യുക്കേഷൻ ഡിപ്പാർട്ടുമെന്‍റിൽ സംഘടിപ്പിച്ച സെമിനാറിൽ റവ.ഡോ. ജോൺസൺ അന്ത്യാകുളം അധ്യക്ഷതവഹിച്ചു. ജോൺസൺ ചെത്തിപ്പുഴ, ഡോ. ജോബി വെള്ളുക്കുന്നേൽ, മിഷേൽ കരിമ്പാനിയിൽ, അൽഫോൻസ പ്രാക്കുഴി ജോസ് ജോം കുന്നപ്പള്ളി എന്നിവർ പ്രസംഗിച്ചു. വിവിധ വിഷയങ്ങളെ ആസ്പദമാക്കി ഡോ.മരിയ വിനീത തോമസ്, ഡോ. മുസ്തഫ, ഡോ.ശിവകുമാർ എന്നിവർ ക്ലാസെടുത്തു. കുട്ടികൾക്ക് അധ്യാപകരുമായി സംവദിക്കാനും അവസരം ലഭിച്ചു. ലൈബ്രറി സന്ദർശനം വിദ്യാർത്ഥി കൾക്ക് നവ്യാനുഭവമായി സെൻട്രൽ ലൈബ്രറി ഹാളിൽ ചേർന്ന യോഗത്തിൽ ഡെപ്യൂട്ടി ലൈബ്രേറിയൻ ഡോ. സെന്തിൽകുമാർ പെരിയസ്വാമി പുസ്തകവിഭാഗങ്ങളെ പരിചയപ്പെടുത്തി. അധ്യാപകരായ ആന്‍റണി തുരുത്തിപ്പളളി, ജോഷ്വ ഒഴുകയിൽ, ഷോണി കാരിക്കാട്ട്, സുജ പോൾ തെക്കുംചേരിക്കുന്നേൽ, ജിൻസി പോളച്ചിറ, അനു പ്രാക്കുഴിയിൽ, പിടിഎ പ്രസിഡന്‍റ് ഷാജി നെടുമരുതുംചാൽ എന്നിവരും പങ്കെടുത്തു.

കുന്നിടിച്ച ഭാഗങ്ങൾ ബലപ്പെടുത്തുന്നത് പഠിക്കാൻ റിട്ട. ഐഐടി പ്രഫസർ

കാസർഗോഡ്: ജില്ലയിൽ ദേശീയപാത വികസനവുമായി ബന്ധപ്പെട്ട് കുന്നിടിച്ച ഭാഗങ്ങൾ മഴക്കാലത്ത് മണ്ണിടിച്ചിലുണ്ടാകാത്ത വിധത്തിൽ ബലപ്പെടുത്തുന്നതിനായി ചെയ്യേണ്ട കാര്യങ്ങൾ സംബന്ധിച്ച് പഠനം നടത്തി റിപ്പോർട്ട് സമർപ്പിക്കാൻ ഡൽഹി ഐഐടിയിലെ റിട്ട. പ്രഫസർ കെ.എസ്.റാവുവിനെ നിയോഗിച്ച് ദേശീയപാത അതോറിറ്റി. ചെറുവത്തൂർ വീരമലക്കുന്ന്, മട്ടലായി എന്നിവിടങ്ങളിൽ സ്ഥാപിക്കേണ്ട സുര ക്ഷാ സംവിധാനങ്ങളെക്കുറിച്ച് പഠിച്ച് റിപ്പോർട്ട് സമർപ്പിക്കാനാണ് ഇദ്ദേഹത്തോട് ആവശ്യപ്പെട്ടിട്ടുള്ളത്. അതേസമയം തെക്കിൽ, ബേവിഞ്ച എന്നിവിടങ്ങളിലും കഴിഞ്ഞ മഴക്കാലത്ത് മണ്ണിടിച്ചിൽ ഉണ്ടായിരുന്നെങ്കിലും ഈ ഭാഗങ്ങൾ തത്കാലം പഠനത്തിൽ ഉൾപ്പെടുത്തിയിട്ടില്ല. റോഡ് നിർമാണത്തിനായി അധികം ഉയരമില്ലാതെ കുന്നിടിച്ച ഭാഗങ്ങൾ ബലപ്പെടുത്താൻ ഷോട്ട് ക്രീറ്റ്, സോയിൽ നെയിലിംഗ് തുടങ്ങിയ മാർഗങ്ങളാണ് സാധാരണ അവലംബിക്കുന്നത്. കുന്നിടിച്ച വശങ്ങളിൽ ചെറിയ ദ്വാരങ്ങളുണ്ടാക്കി കോൺക്രീറ്റും കമ്പിവലകളും ഉപയോഗിച്ച് ബലപ്പെടുത്തുന്ന രീതിയാണ് ഇത്. എന്നാൽ കൂടുതൽ ഉയരവും വലിപ്പവുമുള്ള കുന്നുകളിൽ ഈ രീതി വിജയിക്കണമെന്നില്ല. തെക്കിൽ കുന്നിന്‍റെ വശത്ത് നിർമിച്ച ഷോട്ട് ക്രീറ്റ്, സോയിൽ നെയിലിംഗ് പാളികൾ കഴിഞ്ഞ മഴക്കാലത്ത് മണ്ണിടിച്ചിലിൽ തകർന്നിരുന്നു. കുന്നിനുള്ളിൽ വെള്ളം നിറയുമ്പോൾ അതിന്‍റെ ഭാരവും മർദവും താങ്ങാനാകാതെയാണ് കോൺക്രീറ്റ് ആവരണം തകർന്ന് മണ്ണിടിച്ചിലുണ്ടാകുന്നത്. മലകളുടെ ഉള്ളിൽ നിറയുന്ന വെള്ളം സുഗമമായി ഒഴുകിപ്പോകാൻ വഴിയൊരുക്കിയില്ലെങ്കിൽ അത് ഉരുൾപൊട്ടലിനു വരെ വഴിവച്ചേക്കാമെന്ന് ഈ മേഖലയിലെ വിദഗ്ധർ ചൂണ്ടിക്കാട്ടുന്നു. കഴിഞ്ഞ വർഷം കർണാടകയിലെ ഷിരൂരിൽ സംഭവിച്ചതും അതാണ്. കുത്തനെ മലയിടിച്ച ഭാഗങ്ങളിൽ മണ്ണിടിച്ചിലുണ്ടാകാനുള്ള സാധ്യത വളരെ കൂടുതലാണ്. 90 ഡിഗ്രിയിൽ മലയിടിച്ചാലാണ് അതിനെ കുത്തനെയുള്ള ഇടിവായി കണക്കാക്കുന്നത്. ജില്ലയിൽ മലയിടിച്ച മിക്കവാറും ഭാഗങ്ങളിലെല്ലാം ചരിവ് 80 ഡിഗ്രിയോടടുത്താണ്. മണ്ണിടിച്ചിൽ ഭീഷണിയില്ലാതെ സുരക്ഷിതമായി മലയിടിക്കുന്നതിനുള്ള ചരിവ് 30 ഡിഗ്രിയാണെന്നിരിക്കേയാണ് വീരമലയിലും തെക്കിലിലുമെല്ലാം 90 ഡിഗ്രിയോടടുത്ത കണക്കിൽ തന്നെ മലയിടിച്ചിരിക്കുന്നത്. ഇനി ചരിവ് 30 ഡിഗ്രിയായി കുറയ്ക്കണമെങ്കിൽ ഇവിടങ്ങളിലെല്ലാം കൂടിതൽ സ്ഥലം ഏറ്റെടുക്കുകയും കുന്നിന്‍റെ കൂടുതൽ ഭാഗങ്ങൾ ഇടിക്കുകയും ചെയ്യേണ്ടിവരും. അതിനേക്കാൾ പ്രായോഗികമായ വഴി ഇവിടങ്ങളിൽ കോൺക്രീറ്റ് സംരക്ഷണഭിത്തി നിർമിക്കുകയായിരിക്കുമെന്നാണ് നിഗമനം. തെക്കിലിലും വീരമലക്കുന്നിലും നേരത്തേ മഴക്കാലത്ത് വെള്ളം ഒഴുകിപ്പോയിരുന്ന വഴികളെല്ലാം ഇപ്പോൾ കോൺക്രീറ്റ് ചെയ്ത് അടച്ച നിലയിലാണ്. വെള്ളം ഒഴുകിപ്പോകാൻ വഴി വിട്ടില്ലെങ്കിൽ അത് ദുരന്തത്തെ ക്ഷണിച്ചുവരുത്തലാകും. മലകൾക്കുള്ളിൽ സംഭരിക്കപ്പെടുന്ന അധിക ജലം ഒഴുകിപ്പോകുന്നതിനുള്ള സംവിധാനമൊരുക്കിയതിനു ശേഷം ബാക്കി ഭാഗങ്ങളിൽ ബലവത്തായ അടിത്തറയോടുകൂടി കോൺക്രീറ്റ് സംരക്ഷണഭിത്തി നിർമിക്കുകയാണ് മലയിടിച്ചിൽ തടയാനുള്ള ഫലപ്രദമായ മാർഗമെന്നാണ് വിദഗ്ധർ ചൂണ്ടിക്കാട്ടുന്നത്. ഇക്കാര്യത്തിൽ കൂടുതൽ ശാസ്ത്രീയമായ പഠനം നടത്തി റിപ്പോർട്ട് തയ്യാറാക്കുകയായിരിക്കും പ്രഫ.കെ.എസ്. റാവുവിന്‍റെ നേതൃത്വത്തിലുള്ള സംഘത്തിന്‍റെ ചുമതല. ഈ റിപ്പോർട്ടിന്‍റെ അടിസ്ഥാനത്തിൽ പുതിയ രൂപരേഖ തയ്യാറാക്കിയാകും ബലപ്പെടുത്തൽ പ്രവൃത്തികൾ നടത്തുക.

തെങ്ങിൻതൈ നേരിട്ട് വിൽക്കാൻ കാർഷിക സർവകലാശാല

നീലേശ്വരം: നാളികേര വികസന പദ്ധതി പ്രകാരം മുൻവർഷങ്ങളിൽ കൃഷിഭവനുകൾ മുഖേന വിതരണം ചെയ്ത അത്യുത്പാദനശേഷിയുള്ള സങ്കരയിനം തെങ്ങിൻതൈകളുടെ വില കൃഷിവകുപ്പിൽ നിന്ന് കാർഷിക സർവകലാശാലയ്ക്ക് ഇനിയും കിട്ടിയില്ല. ഇതോടെ ഈ വർഷം കൃഷി വകുപ്പ് മുഖേനയുള്ള തെങ്ങിൻതൈ വില്പന വേണ്ടെന്നുവച്ച് പഴയപടി കാർഷിക ഗവേഷണകേന്ദ്രങ്ങളിൽ നിന്ന് നേരിട്ട് കർഷകർക്ക് വിതരണം ചെയ്യാനാണ് തീരുമാനം. അത്യുത്പാദന ശേഷിയുള്ള കേരശ്രീ, കേരഗംഗ, ലക്ഷഗംഗ, അനന്തഗംഗ തുടങ്ങിയ തൈകൾക്കാണ് ആവശ്യക്കാർ ഏറെയുള്ളത്. ഇവയെല്ലാം കർഷകർക്ക് നേരിട്ടെത്തി പണമടച്ച് വാങ്ങാൻ സംവിധാനമൊരുക്കും. ഇതോടെ കൃഷിവകുപ്പ് കൊട്ടിഘോഷിച്ച് നടപ്പാക്കിയ നാളികേര വികസനപദ്ധതിക്കും ഏറെക്കുറെ വിരാമമായി. കാർഷിക ഗവേഷണ കേന്ദ്രങ്ങളിൽനിന്ന്‌ 350 രൂപയ്ക്ക് വില്പന നടത്തുന്ന തെങ്ങിൻതൈ 250 രൂപയ്ക്കാണ് മുൻവർഷങ്ങളിൽ കൃഷിവകുപ്പിന് നല്കിയത്. കൃഷിവകുപ്പ് കർഷകർക്ക് 125 രൂപയ്ക്കാണ് കൊടുത്തത്. ബാക്കി 125 രൂപ സർക്കാരിന്‍റെ സബ്സിഡിയായിരുന്നു. എന്നാൽ സബ്സിഡി കഴിച്ച് കർഷകരിൽ നിന്നു വാങ്ങിയ 125 രൂപ പോലും ഇതുവരെ കാർഷിക സർവകലാശാലയ്ക്ക് പൂർണമായും കൈമാറിയില്ല. 2023-24 വർഷം 3,06,585 തെങ്ങിൻ തൈകൾ കൃഷിവകുപ്പിന് നല്കിയ വകയിൽ 2.02 കോടി രൂപ മാത്രമാണ് ഇതുവരെ കിട്ടിയത്. എങ്കിലും 2024-2025 വർഷം 1,77,397 തൈകൾ കൂടി നല്കി. ഈ വകയിൽ 2.53 കോടി രൂപയും ഇനി കിട്ടാൻ ബാക്കിയുണ്ട്. തൈകളുടെ ഉത്പാദനച്ചെലവ് പോലും കിട്ടാതായതോടെ സർവകലാശാലയിലെ കാർഷിക ഗവേഷണ കേന്ദ്രങ്ങൾ കടുത്ത സാമ്പത്തിക പ്രതിസന്ധിയിലായിരുന്നു. പടന്നക്കാട് കാർഷിക കോളജിന് 97 ലക്ഷം രൂപയും പിലിക്കോട് കാർഷിക ഗവേഷണകേന്ദ്രത്തിന് 27.63 ലക്ഷം രൂപയുമാണ് മുൻവർഷത്തെ തെങ്ങിൻതൈ വില്പനയുമായി ബന്ധപ്പെട്ട് കൃഷിവകുപ്പിൽനിന്ന് കിട്ടാനുള്ളത്. കർഷകരുടെ തോട്ടങ്ങളിലെ മികച്ച തെങ്ങുകൾ ഏറ്റെടുത്ത് പൂക്കുലകളിൽ പരാഗണം നടത്തിയാണ് സങ്കരയിനം വിത്തുതേങ്ങകൾ ഉല്പാദിപ്പിക്കുന്നത്. ഒരു തേങ്ങയ്ക്ക് 50 രൂപ നിരക്കിലാണ് ബന്ധപ്പെട്ട കർഷകർക്ക് കൊടുക്കേണ്ടത്. കൃഷിവകുപ്പിൽ നിന്ന് പണം കിട്ടാതായതോടെ സർവകലാശാലയുടെ മറ്റു ഫണ്ടുകളിൽ നിന്ന് തുക വകമാറ്റിയാണ് ഈ തുക പോലും കൊടുത്തത്. ഇതേ സ്ഥിതി ഈ വർഷവും ആവർത്തിക്കാൻ കഴിയില്ലെന്നാണ് സർവകലാശാലയുടെ തീരുമാനം. നാളികേര വികസനപദ്ധതി പ്രകാരമുള്ള തെങ്ങിൻതൈ വില്പന കൃഷിവകുപ്പിനും ഫലത്തിൽ നഷ്ടക്കച്ചവടമായിരുന്നു. പലയിടത്തും കൃഷിഭവനുകളിൽ തെങ്ങിൻതൈകൾ കെട്ടിക്കിടന്ന് നശിക്കുകയായിരുന്നു. ഓരോ കൃഷിഭവനിലേക്കും ആവശ്യത്തിലധികം തെങ്ങിൻതൈകൾ എത്തിച്ചതോടെയാണ് അവ വാങ്ങാനാളില്ലാതായത്. മറ്റു പദ്ധതികളുടെ ഗുണഭോക്താക്കളായ കർഷകർ ഒരു തെങ്ങിൻതൈയെങ്കിലും വാങ്ങണമെന്ന് കൃഷിഭവൻ ഉദ്യോഗസ്ഥർ നിർബന്ധിക്കുന്ന സാഹചര്യവും പലയിടങ്ങളിലും ഉണ്ടായിരുന്നു. ഈ വർഷം പദ്ധതിയിൽ നിന്ന് തലയൂരാൻ കഴിയുന്നത് കൃഷിവകുപ്പിനും ആശ്വാസമാകും.

എക്‌സൈസ് പിന്തുടര്‍ന്നപ്പോള്‍ അപകടത്തില്‍പ്പെട്ട കാറില്‍ സ്വര്‍ണവും വെള്ളിയും പണവും

കാസര്‍ഗോഡ്: എക്‌സൈസ് പിന്തുടര്‍ന്നപ്പോള്‍ അപകടത്തില്‍പെട്ട കാറില്‍ നിന്നും 140.6 ഗ്രാം സ്വര്‍ണം, 339.2 ഗ്രാം വെള്ളി ആഭരണങ്ങള്‍, 1,0,1700 രൂപ, താക്കോലുകള്‍, തകര്‍ന്ന പൂട്ട്, ഗ്യാസ് കട്ടര്‍, നാല് മൊബൈല്‍ ഫോണുകള്‍ എന്നിവ കണ്ടെടുത്തു. കാറിലുണ്ടായിരുന്നവര്‍ ഓടി രക്ഷപെട്ടു. ഇന്നലെ പുലര്‍ച്ചെ ആദൂര്‍ ചെക്ക് പോസ്റ്റില്‍ വാഹനപരിശോധന നടത്തുകയായിരുന്ന എക്സൈസ് കര്‍ണാടക ഭാഗത്ത് നിന്ന് വെള്ള സ്വിഫ്റ്റ് കാര്‍ കൈകാണിച്ച് നിര്‍ത്താന്‍ ആവശ്യപ്പെട്ടു. എന്നാല്‍ കാര്‍ നിര്‍ത്താതെ ഓടിച്ചുപോയി. എക്സൈസ് സംഘം കാറിനെ എട്ട് കിലോമീറ്ററോളം പിന്തുടര്‍ന്നു. ബദിയടുക്ക-മുള്ളേരിയ റോഡിലെ ബെള്ളിഗെയിലെത്തിയപ്പോള്‍ കാര്‍ നിയന്ത്രണം വിട്ട് ഡിവൈഡറിലിടിക്കുകയും ടയര്‍ പൊട്ടുകയും ചെയ്തു. ഇതോടെ കാറിലുണ്ടായിരുന്ന രണ്ടുപേര്‍ ഓടി രക്ഷപ്പെട്ടു. കാറില്‍ ഘടിപ്പിച്ചത് വ്യാജ നമ്പര്‍ പ്ലേറ്റാണെന്നും വ്യക്തമായി. കര്‍ണാടകയില്‍നിന്ന് കവര്‍ച്ച ചെയ്ത മുതലുകള്‍ കാറില്‍ കടത്താന്‍ ശ്രമിച്ചതായാണ് സംശയിക്കുന്നത്. കാറും വസ്തുക്കളും എക്സൈസ് ആദൂര്‍ പോലീസിന് കൈമാറി. പരിശോധനയില്‍ എക്സൈസ് സ്‌ക്വാഡ് പ്രിവന്‍റീവ് ഓഫീസര്‍ ഗ്രേഡ് അജീസ്, പ്രിവന്‍റീവ് ഓഫീസര്‍മാരായ മുഹമ്മദ് കബീര്‍, രാജേഷ്, ബദിയഡുക്ക എക്സൈസ് ഇന്‍സ്പെക്ടര്‍ സയ്യിദ് മുഹമ്മദ്, സിവില്‍ എക്സൈസ് ഓഫീസര്‍മാരായ അലോക് ഗുപ്ത, ലിഖിന്‍ എന്നിവരും പരിശോധനയില്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]