ക​ന​ക​പ്പ​ള്ളി​യി​ലെ ക​മാ​ന​വി​വാ​ദ​ം: പ്രചാരണം അ​ടി​സ്ഥാ​ന​ര​ഹി​ത​മെ​ന്ന് പഞ്ചായത്ത് ഭ​ര​ണ​സ​മി​തി
Friday, June 21, 2024 1:48 AM IST
വെ​ള്ള​രി​ക്കു​ണ്ട്: ക​ന​ക​പ്പ​ള്ളി​യി​ലെ ക്ഷേ​ത്ര ക​മാ​ന​വു​മാ​യി ബ​ന്ധ​പ്പെ​ട്ട പ്ര​ശ്ന​ത്തി​ൽ ബ​ളാ​ൽ പ​ഞ്ചാ​യ​ത്ത് ഭ​ര​ണ​സ​മി​തി​ക്കെ​തി​രെ ന​ട​ക്കു​ന്ന പ്ര​ചാ​ര​ണ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണെ​ന്ന് പ​ഞ്ചാ​യ​ത്ത്‌ പ്ര​സി​ഡ​ന്‍റ് രാ​ജു ക​ട്ട​ക്ക​യ​വും ഭ​ര​ണ​സ​മി​തി അം​ഗ​ങ്ങ​ളും പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു. പൊ​തു​സ്ഥ​ലം കൈ​യേ​റി നി​ർ​മി​ച്ച ക​മാ​നം പൊ​ളി​ച്ചു​നീ​ക്കാ​ൻ ബ​ന്ധ​പ്പെ​ട്ട​വ​ർ ഇ​തു​വ​രെ​യും ത​യ്യാ​റാ​കാ​ത്ത​തു​മാ​യി ബ​ന്ധ​പ്പെ​ട്ട് പ​ഞ്ചാ​യ​ത്ത് സെ​ക്ര​ട്ട​റി​ക്കെ​തി​രെ ഹൈ​ക്കോ​ട​തി​യി​ൽ കോ​ട​തി​യ​ല​ക്ഷ്യ​ക്കേ​സ് നി​ല​വി​ലു​ണ്ട്. ഇ​തേ വി​വാ​ദ​ത്തി​ൽ ഉ​ൾ​പ്പെ​ട്ട സെ​ന്‍റ് തോ​മ​സ് പ​ള്ളി​യു​ടെ ക​മാ​നം ക​ഴി​ഞ്ഞ മാ​സം 29 ന് ​പ​ള്ളി ഭാ​ര​വാ​ഹി​ക​ളു​ടെ നേ​തൃ​ത്വ​ത്തി​ൽ ത​ന്നെ നീ​ക്കം​ചെ​യ്ത​താ​ണെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ് ചൂ​ണ്ടി​ക്കാ​ട്ടി.

അ​ഞ്ചു വ​ർ​ഷ​ങ്ങ​ൾ​ക്കു​മു​ൻ​പ് സെ​ന്‍റ് മാ​ർ​ട്ടി​ൻ ഡി ​പോ​റ​സ് ദേ​വാ​ല​യ​ത്തി​ന്‍റെ പേ​രി​ൽ വ​ട​ക്കാം​കു​ന്ന് കു​രി​ശു​മ​ല തീ​ർ​ത്ഥാ​ട​ന​വു​മാ​യി ബ​ന്ധ​പ്പെ​ട്ട് ക​ന​ക​പ്പ​ള​ളി-​ഏ​റാം​ചി​റ്റ റോ​ഡി​ന് കു​റു​കെ താ​ത്കാ​ലി​ക​മാ​യി ഒ​രു സ്വാ​ഗ​ത ക​മാ​നം വ​ച്ചി​രു​ന്നു. ഇ​തി​നെ​തി​രെ ദാ​മു എ​ന്ന​യാ​ൾ പ​ഞ്ചാ​യ​ത്തി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് ആ ​ക​മാ​നം അ​വി​ടെ നി​ന്ന് നീ​ക്കം ചെ​യ്യു​ക​യും ചെ​യ്തി​രു​ന്നു.
ഇ​തി​നു​ശേ​ഷം ക​ഴി​ഞ്ഞ വ​ർ​ഷം മാ​ർ​ച്ചി​ലാ​ണ് ക​ന​ക​പ്പ​ള്ളി വി​ഷ്ണു​മൂ​ർ​ത്തി ദേ​വ​സ്ഥാ​ന​വും സെ​ന്‍റ് തോ​മ​സ് പ​ള്ളി​യും പൊ​തു​സ്ഥ​ല​ങ്ങ​ളി​ൽ സ്ഥാ​പി​ച്ച അ​ന​ധി​കൃ​ത ക​മാ​ന​ങ്ങ​ൾ നീ​ക്ക​ണ​മെ​ന്നാ​വ​ശ്യ​പ്പെ​ട്ട് സ​ന്തോ​ഷ് കൊ​ടി​കു​ത്തി​യേ​ൽ എ​ന്ന വ്യ​ക്തി​യു​ടെ പ​രാ​തി ജി​ല്ലാ ക​ള​ക്ട​ർ പ​ഞ്ചാ​യ​ത്തി​ന് കൈ​മാ​റി​യ​ത്. ഈ ​ര​ണ്ട് ക​മാ​ന​ങ്ങ​ളും സ്ഥി​തി ചെ​യ്യു​ന്ന​ത് പൊ​തു​സ്ഥ​ല​ത്താ​ണെ​ന്ന് ക​ണ്ടെ​ത്തി​യ​തി​നാ​ൽ ഇ​വ 15 ദി​വ​സ​ത്തി​നു​ള്ളി​ൽ നീ​ക്കം ചെ​യ്യ​ണ​മെ​ന്ന് അ​ന്നു​ത​ന്നെ പ​ഞ്ചാ​യ​ത്ത് ബ​ന്ധ​പ്പെ​ട്ട​വ​ർ​ക്ക് നോ​ട്ടീ​സ് ന​ല്കി​യി​രു​ന്നു.

എ​ന്നി​ട്ടും ഇ​വ പൊ​ളി​ച്ചു​നീ​ക്കാ​ൻ ബ​ന്ധ​പ്പെ​ട്ട​വ​ർ ത​യ്യാ​റാ​കാ​തി​രു​ന്ന​തി​നെ തു​ട​ർ​ന്ന് പ​രാ​തി​ക്കാ​ര​നാ​യ സ​ന്തോ​ഷ് പ​ഞ്ചാ​യ​ത്തി​നെ​തി​രെ ഹൈ​ക്കോ​ട​തി​യി​ൽ കോ​ട​തി​യ​ല​ക്ഷ്യ​ക്കേ​സ് ന​ല്കു​ക​യാ​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ഹൈ​ക്കോ​ട​തി പ​ഞ്ചാ​യ​ത്തി​ന് നോ​ട്ടി​സ് അ​യ​ക്കു​ക​യും പ​ഞ്ചാ​യ​ത്ത് സെ​ക്ര​ട്ട​റി നേ​രി​ട്ട് ഹാ​ജ​രാ​യി അ​ന​ധി​കൃ​ത നി​ർ​മി​തി​ക​ൾ നീ​ക്കം​ചെ​യ്യു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​മെ​ന്ന് ഉ​റ​പ്പു​ന​ൽ​കു​ക​യും ചെ​യ്ത​താ​ണ്. പ​ല​ത​വ​ണ ഈ ​വി​ഷ​യ​വു​മാ​യി ബ​ന്ധ​പ്പെ​ട്ട് സ​ർ​വ​ക​ക്ഷി​യോ​ഗ​ങ്ങ​ൾ വി​ളി​ച്ചി​രു​ന്നെ​ങ്കി​ലും പ്ര​ശ്ന​പ​രി​ഹാ​ര​ത്തി​ന് ബ​ന്ധ​പ്പെ​ട്ട​വ​ർ ത​യ്യാ​റാ​യി​ല്ല.

ക​ഴി​ഞ്ഞ മാ​സം വീ​ണ്ടും സ​ർ​വ​ക​ക്ഷി​യോ​ഗം ചേ​ർ​ന്ന​പ്പോ​ൾ ത​ങ്ങ​ളു​ടെ ക​മാ​നം പൊ​ളി​ച്ചു​മാ​റ്റാ​ൻ ത​യ്യാ​റാ​ണെ​ന്ന് സെ​ന്‍റ് തോ​മ​സ് പ​ള്ളി അ​ധി​കൃ​ത​ർ അ​റി​യി​ക്കു​ക​യും ഇ​തു​പ്ര​കാ​രം അ​ടു​ത്ത ദി​വ​സം ത​ന്നെ അ​ത് പൊ​ളി​ച്ചു​മാ​റ്റു​ക​യും ചെ​യ്തു.

എ​ന്നാ​ൽ സെ​ന്‍റ് മാ​ർ​ട്ടി​ൻ ഡി ​പോ​റ​സ് പ​ള്ളി​ക്ക് എ​തി​ർ​വ​ശ​ത്താ​യി നി​ർ​മി​ച്ച വെ​യി​റ്റിം​ഗ് ഷെ​ഡ് കൂ​ടി പൊ​ളി​ച്ചു​മാ​റ്റി​യാ​ലേ അ​ന​ധി​കൃ​ത ക​മാ​നം നീ​ക്കം​ചെ​യ്യു​ക​യു​ള്ളൂ​വെ​ന്ന നി​ല​പാ​ടാ​ണ് ഇ​പ്പോ​ൾ ക്ഷേ​ത്ര​വു​മാ​യി ബ​ന്ധ​പ്പെ​ട്ട​വ​ർ സ്വീ​ക​രി​ക്കു​ന്ന​ത്. ഈ ​വെ​യി​റ്റിം​ഗ് ഷെ​ഡു​മാ​യി ബ​ന്ധ​പ്പെ​ട്ട് ക​ഴി​ഞ്ഞ​വ​ർ​ഷം ജൂ​ലൈ​യി​ൽ എം.​വി.​നാ​രാ​യ​ണ​ൻ എ​ന്ന വ്യ​ക്തി ന​ല്കി​യ പ​രാ​തി തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ന്ന​തി​നാ​യി പൊ​തു​മ​രാ​മ​ത്ത് വ​കു​പ്പ് ഭീ​മ​ന​ടി സെ​ക്ഷ​ൻ അ​സി.​എ​ൻ​ജി​നീ​യ​ർ​ക്ക് കൈ​മാ​റി​യി​ട്ടു​ള്ള​താ​ണ്. ഇ​തേ പ​ള്ളി​യു​മാ​യി ബ​ന്ധ​പ്പെ​ട്ട കു​രി​ശു​പ​ള്ളി​യു​ടെ നി​ർ​മാ​ണം ക്ര​മ​വ​ത്ക​രി​ക്കു​ന്ന​തി​നാ​യും നോ​ട്ടീ​സ് ന​ല്കി​യി​ട്ടു​ണ്ട്.

എ​ന്നാ​ൽ ഈ ​ര​ണ്ടു നി​ർ​മി​തി​ക​ളും നി​ല​വി​ൽ ഹൈ​ക്കോ​ട​തി​യി​ലു​ള്ള കോ​ട​തി​യ​ല​ക്ഷ്യ​ക്കേ​സി​ന്‍റെ പ​രി​ധി​യി​ൽ ഉ​ൾ​പ്പെ​ട്ട​ത​ല്ല. വി​ഷ്ണു​മൂ​ർ​ത്തി ദേ​വ​സ്ഥാ​ന അ​ധി​കൃ​ത​രും പള്ളിയുടെ മാ​തൃ​ക പി​ന്തു​ട​രു​ക​യാ​ണ് വേ​ണ്ട​തെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റും ഭ​ര​ണ​സ​മി​തി അം​ഗ​ങ്ങ​ളും പ​റ​ഞ്ഞു.

Copyright @ 2022 , Rashtra Deepika Ltd.