കി​ട​പ്പാ​ടം ന​ഷ്ട​മാ​ക്കു​മോ തീ​ര​ദേ​ശ​പാ​ത ‍?
Monday, June 24, 2024 1:05 AM IST
വ​ലി​യ​പ​റ​മ്പ്: കു​ഞ്ച​ത്തൂ​ർ മു​ത​ൽ തി​രു​വ​ന​ന്ത​പു​രം പൊ​ഴി​യൂ​ർ വ​രെ നീ​ളു​ന്ന നി​ർ​ദി​ഷ്ട തീ​ര​ദേ​ശ ഹൈ​വേ വ​ലി​യ​പ​റ​മ്പി​ലൂ​ടെ ക​ട​ന്നു​പോ​കു​മ്പോ​ൾ വീ​ടു​ക​ൾ ന​ഷ്ട​പ്പെ​ടു​ന്ന പ്ര​ദേ​ശ​ത്തു​കാ​ർ ആ​ശ​ങ്ക​യി​ൽ. അ​ലൈ​ൻ​മെ​ന്‍റി​ൽ മാ​റ്റം വ​രു​ത്തി​യെ​ന്ന ആ​ക്ഷേ​പ​വും ക​ട​ലി​നോ​ട് ചേ​ർ​ന്ന് റോ​ഡ് നി​ർ​മി​ക്ക​ണ​മെ​ന്ന ആ​വ​ശ്യ​വും അ​വ​ർ ഉ​ന്ന​യി​ക്കു​ന്നു. 625 കി​ലോ​മീ​റ്റ​ർ നീ​ള​ത്തി​ൽ ഒ​മ്പ​തു ജി​ല്ല​ക​ളി​ലൂ​ടെ ക​ട​ന്നു​പോ​കു​ന്ന തീ​ര​ദേ​ശ​പാ​ത പ​ല ജി​ല്ല​ക​ളി​ലും പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു ക​ഴി​ഞ്ഞു.

ഒ​മ്പ​ത് മീ​റ്റ​ർ വീ​തി​യി​ൽ ടാ​റിം​ഗ്, ര​ണ്ട​ര മീ​റ്റ​ർ സൈ​ക്കി​ൾ പാ​ത, ഒ​ന്ന​ര മീ​റ്റ​ർ വീ​തം ഇ​രു​വ​ശ​ങ്ങ​ളി​ലും ന​ട​പ്പാ​ത, ഓ​വു​ചാ​ൽ, ബ​സ് ബേ ​ഉ​ൾ​പ്പെ​ടെ 16 മീ​റ്റ​ർ വീ​തി​യി​ലാ​ണ് തീ​ര​ദേ​ശ പാ​ത നി​ർ​മി​ക്കു​ന്ന​ത്. തീ​ര​ദേ​ശ ഹൈ​വേ സ്ഥ​ലം ഏ​റ്റെ​ടു​ക്കു​ന്ന​തി​ൽ മു​ൻ​ധാ​ര​ണ ലം​ഘി​ക്കു​ന്നു​വെ​ന്ന ആ​ക്ഷേ​പ​മാ​ണ് വ​ലി​യ​പ​റ​മ്പ പ​ഞ്ചാ​യ​ത്തി​ന്‍റെ തെ​ക്ക​ൻ മേ​ഖ​ല​യി​ലു​ള്ള വാ​ർ​ഡു​ക​ളി​ൽ നി​ന്നു​യ​രു​ന്ന​ത്.
വ​ലി​യ​പ​റ​മ്പി​ലെ ക​ട​ലോ​ര ഭാ​ഗ​ങ്ങ​ളി​ൽ സാ​ധാ​ര​ണ​ക്കാ​രു​ടെ കി​ട​പ്പാ​ട​ങ്ങ​ൾ ന​ഷ്ട​പ്പെ​ടു​ന്ന രീ​തി​യി​ലാ​ണ് പാ​ത​യു​ടെ അ​ലൈ​ൻ​മെ​ന്‍റ് ഉ​ള്ള​തെ​ന്ന ആ​ക്ഷേ​പ​മാ​ണ് പ​ഞ്ചാ​യ​ത്തി​ലെ അ​ഞ്ച്, നാ​ല്, ആ​റ് വാ​ർ​ഡു​ക​ളി​ലെ പ​ല കു​ടും​ബ​ങ്ങ​ൾ​ക്കു​ള്ള ആ​ശ​ങ്ക. അ​ഞ്ചാം വാ​ർ​ഡി​ലാ​ണ് നാ​ട്ടു​കാ​ർ പ്ര​ത്യ​ക്ഷ​ത്തി​ൽ പ്ര​തി​ഷേ​ധ​മാ​യി രം​ഗ​ത്തു വ​ന്നി​ട്ടു​ള്ള​ത്. പാ​ത ഇ​പ്പോ​ഴു​ള്ള രീ​തി​യി​ൽ വ​ന്നാ​ൽ 35ൽ ​പ​രം വീ​ടു​ക​ൾ ചെ​റി​യ പ്ര​ദേ​ശ​ത്തു നി​ന്ന് ത​ന്നെ ഒ​ഴി​വാ​ക്കേ​ണ്ടി വ​രു​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ക​ട​ലോ​ര​ത്ത് കൂ​ടി പോ​വു​ക​യാ​ണെ​ങ്കി​ൽ ഒ​ന്നു മു​ത​ൽ മൂ​ന്ന് വീ​ടു​ക​ൾ മാ​ത്ര​മാ​ണ് ഒ​ഴി​വാ​ക്കേ​ണ്ടി വ​രു​ക​യെ​ന്ന് നാ​ട്ടു​കാ​ർ പ​റ​യു​ന്നു. പ​ര​മ്പ​രാ​ഗ​ത തൊ​ഴി​ലെ​ടു​ക്കു​ന്ന മ​ത്സ്യ​തൊ​ഴി​ലാ​ളി​ക​ളു​ടെ വീ​ടു​ക​ൾഒ​ഴി​വാ​ക്കി ആ​ർ​ക്ക് വേ​ണ്ടി​യാ​ണ് പു​തി​യ പാ​ത നി​ർ​മി​ക്കു​ന്ന​തെ​ന്ന ചോ​ദ്യ​വും ഉ​യ​രു​ന്നു​ണ്ട്.

ഭൂ​രി​ഭാ​ഗം കു​ടും​ബ​ങ്ങ​ളും മ​ത്സ്യ​തൊ​ഴി​ലാ​ളി​ക​ൾ ഉ​ൾ​ക്കൊ​ള്ളു​ന്ന​താ​ണെ​ന്ന​തി​നാ​ൽ ദ്വീ​പ് പ​ഞ്ചാ​യ​ത്ത് വി​ട്ട് പോ​യി തൊ​ഴി​ലെ​ടു​ക്കു​വാ​നാ​വി​ല്ലെ​ന്ന വാ​ദ​വും അ​വ​ർ മു​ന്നോ​ട്ടു വെ​ക്കു​ന്നു. ഉ​ദി​നൂ​ർ ക​ട​പ്പു​റം ഫി​ഷ​റീ​സ് യു​പി സ്കൂ​ളി​ന് തെ​ക്ക് ഭാ​ഗ​ത്താ​യി ക​ട​ലോ​ര​ത്താ​ണ് 15 മീ​റ്റ​ർ മാ​ത്രം വ്യ​ത്യാ​സ​ത്തി​ൽ പാ​ത​യ്ക്കാ​യി പി​ങ്ക് കു​റ്റി ഇ​ട്ടി​രി​ക്കു​ന്ന​ത്. ഇ​വി​ടെ ഹോം ​സ്റ്റേ​യ്ക്ക് അ​ധി​കൃ​ത​ർ അ​നു​കൂ​ല​മാ​യി ഗ​തി മാ​റ്റി​യ​താ​യും അ​വ​ർ ആ​രോ​പി​ക്കു​ന്നു​ണ്ട്.

ക​ഴി​ഞ്ഞ വ​ർ​ഷം ഓ​ഗ​സ്റ്റി​ൽ ഇ​ത് സം​ബ​ന്ധി​ച്ച് ക​ന്നു​വീ​ട് ക​ട​പ്പു​റം പ്ര​ദേ​ശ​ത്ത് എം​എ​ൽ​എ വി​ളി​ച്ച് ചേ​ർ​ത്ത യോ​ഗം അ​വ​സാ​ന നി​മി​ഷം മാ​റ്റി​വ​യ്ക്കു​ക​യാ‍​യി​രു​ന്നു. പി​ന്നീ​ട് അ​ന​ക്ക​മൊ​ന്നും ഉ​ണ്ടാ​യ​തു​മി​ല്ല. അ​തേ​സ​മ​യം വ​ലി​യ​റ​മ്പ പ​ഞ്ചാ​യ​ത്തി​ലെ ക​ഴി​ഞ്ഞ ഭ​ര​ണ​സ​മി​തി​യും വി​വി​ധ രാ​ഷ്ട്രീ​യ സം​ഘ​ട​ന​ക​ളു​മാ​യി ച​ർ​ച്ച ന​ട​ത്തി തീ​രു​മാ​നി​ച്ചാ​ണ് അ​ലൈ​ൻ​മെ​ന്‍റ് അ​ന്തി​മ​മാ​ക്കി​യ​തെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് വി.​വി.​സ​ജീ​വ​ൻ പ​റ​ഞ്ഞു. ക​ഴി​ഞ്ഞ വ​ർ​ഷം വി​വി​ധ സം​ഘ​ട​ന​ക​ളു​ടെ പ്ര​തി​നി​ധി​ക​ൾ ഉ​ൾ​പ്പെ​ടെ, ആ​ശ​ങ്ക​ക​ൾ ബാ​ക്കി​യു​ള്ള പ്ര​ദേ​ശ​ങ്ങ​ളി​ലു​ള്ള​വ​ർ​ക്ക് പ്രൊ​ജ​ക്ട് മാ​പ്പ് വെ​ച്ച് പ്ര​ദ​ർ​ശി​പ്പി​ച്ച് കൊ​ടു​ത്ത ശേ​ഷ​മാ​ണ് പ​ദ്ധ​തി​ മു​ന്നോ​ട്ടു പോ​കു​ന്ന​തെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ് പ​റ​ഞ്ഞു.

Copyright @ 2022 , Rashtra Deepika Ltd.