ADVERTISEMENT

ADVERTISEMENT

കൂത്തുപറമ്പ് ഉപജില്ലാ ശാസ്ത്രോത്സവം

കൂത്തുപറമ്പ്: രണ്ടു ദിവസങ്ങളിലായി നടന്ന കൂത്തുപറമ്പ് ഉപജില്ലാ ശാസ്ത്രോത്സവം സമാപിച്ചു. ഇന്നലെ കൂത്തുപറമ്പ് എഇഒ ടി.വി. രത്നജ പതാക ഉയർത്തിയതോടെയാണു ശാസ്ത്രോത്സവത്തിന്‍റെ ഔപചാരിക ഉദ്ഘാടന ചടങ്ങിനു തുടക്കമായത്. പേരാവൂർ ബ്ലോക്ക് പഞ്ചായത്ത് പ്രസിഡന്‍റ് കെ. സുധാകരൻ ഉദ്ഘാടനം ചെയ്തു. കോളയാട് പഞ്ചായത്ത് പ്രസിഡന്‍റ് എം. റിജി അധ്യക്ഷത വഹിച്ചു. സെന്‍റ് കൊർണേലിയൂസ് സ്കൂൾ മാനേജർ ഫാ. ലെനിൻ ജോസ് അനുഗ്രഹ പ്രഭാഷണം നടത്തി.

എൽപി വിഭാഗത്തിൽ കണ്ണവം യുപിഎസും യുപി വിഭാഗത്തിൽ കൂത്തുപറമ്പ് യുപിഎസും എച്ച്എസ് വിഭാഗത്തിൽ കൂത്തുപറമ്പ് എച്ച്എസും എച്ച്എസ്എസ് വിഭാഗത്തിൽ ജിഎച്ച്എസ്എസ് കൂത്തുപറമ്പും ഓവറോൾ ചാമ്പ്യൻമാരായി. ബെസ്റ്റ് സ്കൂൾസ് സയൻസ് വിഭാഗത്തിൽ നിർമലഗിരി റാണിജയ് എച്ച്എസ്എസ് ഒന്നാം സ്ഥാനവും സെന്‍റ് കൊർണേലിയൂസ് എച്ച്എസ്എസ് കോളയാട് രണ്ടാംസ്ഥാനവും നേടി.

ഗണിതം വിഭാഗത്തിൽ ജിഎച്ച്എസ്എസ് കൂത്തുപറമ്പ് ഒന്നാംസ്ഥാനവും കൂത്തുപറമ്പ് എച്ച്എസ് രണ്ടാംസ്ഥാനവും നേടി. സോഷ്യൽ സയൻസ് വിഭാഗത്തിൽ ജിഎച്ച്എസ്എസ് കൂത്തുപറമ്പ് ഒന്നാം സ്ഥാനവും സെന്‍റ് കൊർണേലിയൂസ് എച്ച്എസ്എസ് കോളയാട് രണ്ടാം സ്ഥാനവും നേടി.

പ്രവൃത്തി പരിചയം വിഭാഗത്തിൽ ജിഎച്ച്എസ്എസ് കൂത്തുപറമ്പ് ഒന്നാം സ്ഥാനവും ജിഎച്ച്എസ്എസ് ചിറ്റാരിപ്പറമ്പ് രണ്ടാംസ്ഥാനവും നേടി. ഐടി മേളയിൽ ജിഎച്ച്എസ്എസ് കൂത്തുപറമ്പ് ഒന്നാം സ്ഥാനവുംജിഎച്ച്എസ്എസ് ചിറ്റാരിപ്പറമ്പ് രണ്ടാംസ്ഥാനവും നേടി.
വിജയികൾക്ക് എഇഒ ടി.വി. രത്നജ സമ്മാനദാനം നിർവഹിച്ചു.

ADVERTISEMENT

സിഗ്നേച്ചർ കാമ്പയിൻ സംഘടിപ്പിച്ചു

പയ്യാവൂർ: കേന്ദ്ര സർക്കാരിന്‍റെ വോട്ട് കൊള്ളക്കെതിരെ "വോട്ട് ചോരി' എന്ന മുദ്രാവാക്യമുയർത്തി രാഹുൽഗാന്ധിയുടെ നേതൃത്വത്തിൽ നടത്തുന്ന ഒപ്പുശേഖരണത്തിന്‍റെ ഭാഗമായി മഹിളാ കോൺഗ്രസ് ഇരിക്കൂർ ബ്ലോക്ക് കമ്മിറ്റിയുടെ ആഭിമുഖ്യത്തിൽ പയ്യാവൂർ ബസ് സ്റ്റാൻഡ് പരിസരത്ത് സിഗ്നേച്ചർ കാമ്പയിൻ നടത്തി. കണ്ണൂർ ഡിസിസി ജനറൽ സെക്രട്ടറി ജോജി വർഗീസ് ഉദ്ഘാടനം ചെയ്തു. മഹിളാ കോൺഗ്രസ് ബ്ലോക്ക് പ്രസിഡന്‍റ് പി. കോമള അധ്യക്ഷത വഹിച്ചു. മഹിളാ കോൺഗ്രസ് പയ്യാവൂർ മണ്ഡലം പ്രസിഡന്‍റ് സിന്ധു ബെന്നി ആമുഖ പ്രഭാഷണവും സംസ്ഥാന സെക്രട്ടറി നസീമ ഖാദർ മുഖ്യപ്രഭാഷണവും നടത്തി. ലിസമ്മ ബാബു, മേഴ്‌സി ജോസ്, ഷേർലി അലക്സാണ്ടർ, ഇ.കെ. കുര്യൻ, ടി.പി. അഷ്റഫ്, ജിത്തു തോമസ്, എൻ.കെ. സന്ധ്യ എന്നിവർ പ്രസംഗിച്ചു.

കളക്ടറുടെ നിരോധന ഉത്തരവിലും കാര്യമില്ല; ചുഴലിയിൽ ചെങ്കൽ ഖനനം വ്യാപകം

ചപ്പാരപ്പടവ്: ചുഴലി വില്ലേജിലെ അനധികൃത ചെങ്കൽ ഖനനങ്ങൾ നിരോധിച്ചു കൊണ്ടുള്ള ജില്ലാ കളക്ടറുടെ ഉത്തരവിനെ മറികടന്നും മേഖലയിൽ ചെങ്കൽ ഖനനം സജീവം. ജനവാസ മേഖലയിലെ അപകട ഭീഷണിയും പാരിസ്ഥിതിക പ്രശ്നങ്ങളും കണക്കിലെടുത്ത് ജില്ലാ ദുരന്തനിവാരണ അഥോറിറ്റി ചെയർമാൻ കൂടിയായ ജില്ലാ കളക്ടർ കഴിഞ്ഞമാസം 24 നാണ് നിരോധന ഉത്തരവ് പുറപ്പെടുവിച്ചത്. തളിപ്പറമ്പ് തഹസിൽദാരുടെ റിപ്പോർട്ട് പ്രകാരം ചുഴലി വില്ലേജിലെ വിവിധ സർവേ നമ്പറുകളിലെ മിച്ച ഭൂമി, ദേവസ്വം ഭൂമി, സ്വകാര്യഭൂമി എന്നിവിടങ്ങളിലെ ഖനനങ്ങളാണ് നിരോധിച്ചിരുന്നത്. എന്നാൽ ലൈസൻസ് ഉള്ള ചില ക്വാറികൾക്ക് ഖനനം നടത്തുന്നതിനു അനുമതി നല്കിയിരുന്നു. ഇതിന്‍റെ മറവിലാണ് വ്യാജമായ രേഖകൾ ഉണ്ടാക്കി ചെങ്കൽ ഖനനം തുടരുന്നതെന്നാണ് പടപ്പേങ്ങാട് -ബാലേശുഗിരി ചെങ്കൽ ഖനന വിരുദ്ധ കർമസമിതിയുടെ ആരോപണം. കൊളത്തൂർ, മാവിലൻപാറ, കണ്ണാടിപ്പാറ എന്നീ പ്രദേശങ്ങളിലെ ചെങ്കൽ ഖനനം നിമിത്തം പടപ്പേങ്ങാട്, ബാലേശുഗിരി പ്രദേശങ്ങളിലെ വീടുകളിലെ കിണറുകളിൽ മലിനജലം നിറയുന്നു എന്ന് ആരോപിച്ചാണ് ചെങ്കൽ ഖനനത്തിനെതിരേ കർമസമിതി രൂപീകരിച്ചത്. മലബാർ ദേവസ്വ ത്തിന് കീഴിലുള്ള ടിടികെ ദേവസ്വത്തിന്‍റെ അധീനതയിൽ ഉണ്ടായിരുന്ന ആയിരക്കണക്കിന് ഏക്കർ ഭൂമിയാണ് കൈയേറ്റം നടത്തി ചെങ്കൽ ഖനനം നടത്തുന്നത്. പ്രാദേശികമായ രാഷ്ട്രീയ നേതാക്കന്മാരുടെ പിന്തുണയോടെ കോഴിക്കോട്, മലപ്പുറം, കാസർഗോഡ് ജില്ലകളിൽ നിന്നുള്ള ചില സംഘങ്ങളാണ് ഉദ്യോഗസ്ഥരെ സ്വാധീനിച്ച് രേഖകൾ ഉണ്ടാക്കിയതെന്ന് കർമസമിതി ആരോപിക്കുന്നു. വ്യാജ കൈവശ രേഖകൾ ഉപയോഗിച്ച് ജിയോളജി വകുപ്പിൽ നിന്നും അനുമതി സംഘടിപ്പിച്ചാണ് ഖനനം തുടരുന്നതെന്നാണ് ആരോപണം. ഇതിനെതിരേ നിയമപരമായ നടപടികൾ സ്വീകരിക്കുമെന്നും ജില്ലാ കളക്ടർ അടക്കമുള്ളവരെ ഇക്കാര്യം ബോധ്യപ്പെടുത്തിയിട്ടുണ്ടെന്നും കർമസമിതി ചെയർമാനും പഞ്ചായത്ത് പ്രസിഡന്‍റുമായ സുനിജ ബാലകൃഷ്ണനും കൺവീനർ എ.എൻ.വിനോദും പറഞ്ഞു. മലബാർ ദേവസ്വം ബോർഡ് പ്രസിഡന്‍റ് ഒ.കെ. വാസു കഴിഞ്ഞമാസം നേരിട്ടു പ്രദേശത്തു പരിശോധന നടത്തിയിരുന്നു. തുടർന്ന് ജില്ലാ കളക്ടർ അടക്കമുള്ളവർക്ക് നിവേദനം നല്കുകയും ചെയ്തിരുന്നു. കർമസമിതിക്കെതിരേ ചില ക്വാറി ഉടമകൾ കോടതിയെ സമീപിക്കുകയും ചെയ്തി ട്ടുണ്ട്. ജില്ലാ കളക്ടറുടെ ഉത്തരവ് മറികടന്ന് റോഡിൽ നിന്ന് ദൂരപരിധി പാലിക്കാതെ പോലും ചെങ്കൽപണങ്ങൾ പ്രവർത്തിക്കുന്നതും കൈയേറ്റങ്ങൾ തുടരുന്നതിലും പ്രതിഷേധ ശക്തമാവു കയാണ്.

നാടൻ തോക്കും തിരകളും വാറ്റുചാരായവും പിടിച്ചു

ചെറുപുഴ: നാടൻ തോക്കും തിരകളും വാറ്റുചാരായവും പിടിച്ചു. ചെറുപുഴ പോലീസ് സ്റ്റേഷൻ അതിർത്തിയിൽ രാജഗിരി മരുതുംതട്ടിലെ മുതുപ്ലാക്കൽ ജോയിയുടെ (75) വീട്ടിൽ ഇന്നലെ വൈകുന്നേരം നടത്തിയ പരിശോധനയിലാണു തോക്കും തിരകളും പിടികൂടിയത്. ചെറുപുഴ എസ്ഐ രൂപ മധുസൂദനന്‍റെ നേതൃത്വത്തിലുള്ള പോലീസ് സംഘമാണ് മരുതുംതട്ടിലെ വീട്ടിൽ പരിശോധന നടത്തിയത്. പോലീസ് സ്ഥലത്തെത്തിയപ്പോൾ വീട്ടുടമ സ്ഥലത്തുണ്ടായിരുന്നില്ല. ഈസമയം വീടിന്‍റെ പരിസരത്ത് ഒരാൾ നാടൻചാരായം വാറ്റുന്നുണ്ടായിരുന്നു. പോലീസിനെ കണ്ട ഉടൻ ഇയാൾ ഓടിരക്ഷപ്പെട്ടു. ഇയാളുടെ മൊബൈൽ ഫോൺ പോലീസിന് ലഭിച്ചതായി സൂചനയുണ്ട്. നാടൻ തോക്കിനു പുറമെ 50 തിരകൾ, അഞ്ചുലിറ്റർ നാടൻ ചാരായം, 250 ലിറ്ററിലേറെ വാഷ് എന്നിവയും വീട്ടിൽ നിന്നു കണ്ടെടുത്തു. കുറെക്കാലമായി ഇയാൾ നിരീക്ഷണത്തിലായിരുന്നു. എസ്ഐ രൂപ മധുസൂദനനു പുറമെ സ്പെഷൽ ബ്രാഞ്ച് എസ്ഐ സി. വിജയൻ, എഎസ്ഐ പി. ബിജുമോൻ, പി.കെ. സുധീഷ്, ജോമോൻ തോമസ്, എൻ. സരോജ് എന്നിവരും സംഘത്തിലുണ്ടായിരുന്നു.

കാട്ടുപന്നികൾ മരച്ചീനി കൃഷി നശിപ്പിച്ചു

ചെറുപുഴ: കൊല്ലാടയിലുള്ള സുലൈമാന്‍റെ വീടിനോട് ചേർന്ന 10 സെന്‍റ് സ്ഥലത്ത് നട്ട മരച്ചീനി കാട്ടുപന്നി കൂട്ടം നശിപ്പിച്ചു. രണ്ട് ദിവസത്തിനുള്ളിൽ വിളവെടുക്കാനിരുന്ന കപ്പയാണ് കാട്ടുപന്നികൾ നശിപ്പിച്ചത്. ചെറുപുഴ പഞ്ചായത്തിലെ മികച്ച കർഷകനായ അഞ്ചില്ലത്ത് സുലൈമാൻ കൃഷിയെ മാത്രം ആശ്രയിച്ച് ജീവിക്കുന്ന കർഷകനാണ്. കൃഷിഭവന്‍റെ നിർദേശങ്ങൾക്കനുസരിച്ചുള്ള ശാസ്ത്രീയ കൃഷിരീതിയാണ് സുലൈമാൻ ചെയ്യുന്നത്. അതിനാൽ രോഗകീടാബാധ കുറവും മികച്ച വിളവുമാണെന്നും കൃഷിയിടം സന്ദർശിച്ച കൃഷി ഉദ്യോഗസ്ഥൻ സുരേഷ് കുറ്റൂർ പറഞ്ഞു.

പയ്യന്നൂർ ഉപജില്ലാ കലോത്സവം 22 മുതൽ 25 വരെ രാമന്തളിയിൽ

പയ്യന്നൂർ: 29 വർഷങ്ങൾക്കുശേഷം രാമന്തളി ഗവ. ഹയർ സെക്കൻഡറി സ്കൂളിൽ നടത്തപ്പെടുന്ന 64ാമത് പയ്യന്നൂർ ഉപജില്ലാ കലോത്സവത്തിനുള്ള ഒരുക്കങ്ങൾ പൂർത്തീകരിച്ചതായി സംഘാടക സമിതി. 22 മുതൽ 25 വരെ നടക്കുന്ന കലാമേളയിൽ എട്ടിക്കുളം മുതൽ രാജഗിരി വരെയുള്ള പയ്യന്നൂർ ഉപജില്ലയിലെ 96 വിദ്യാലയങ്ങളിൽ നിന്നായി 1200 ഓളം പ്രതിഭകൾ നാലു ദിവസങ്ങളിലായി മാറ്റുരക്കും. 13 വേദികളാണ് ഇവിടെ മത്സരത്തിനായി ഒരുക്കിയിരിക്കുന്നത്. കുട്ടികൾക്ക് പ്രഭാത ഭക്ഷണം, ഉച്ചഭക്ഷണം എന്നിവ നൽകാനായി വിശാലമായ ഒരു ഭക്ഷണപ്പുരയാണ് ഒരുക്കിയിട്ടുള്ളത്. സംഘാടക സമിതിക്ക് സഹായകമായി 17 സബ് കമ്മിറ്റികളാണു കലോത്സവ വിജയത്തിനായി പ്രവർത്തിച്ചുവരുന്നത്. നാളെ വൈകുന്നേരം നാലിന് കുന്നത്തെരു ചിദംബരനാഥ് സ്കൂളിൽ നിന്ന് കലോത്സവത്തിന്‍റെ മുന്നോടിയായുള്ള വിളംബരജാഥ നടത്തുമെന്ന് സംഘാടക സമിതി ചെയർപേഴ്സൺ വി. ഷൈമ, ജനറൽ കൺവീനർ ടി.വി. സചിൻകുമാർ, കെ.വി. സുരേന്ദ്രൻ, ഒ.കെ. ശശി, കെ. ശശീന്ദ്രൻ, വി. പ്രമോദ് തുടങ്ങിയവർ പത്രസമ്മേളനത്തിൽ അറിയിച്ചു.

വികസന പദ്ധതി രൂപീകരണത്തിനായി ഊരുകൂട്ടം സംഘടിപ്പിച്ചു

നടുവിൽ: അംബേദ്കർ സെറ്റിൽമെന്‍റ് സമഗ്ര വികസന പദ്ധതി രൂപീകരണ ഊരുകൂട്ടത്തിന്‍റെ ഉദ്ഘാടനം സജീവ് ജോസഫ് എംഎൽഎ നിർവഹിച്ചു. നടുവിൽ പഞ്ചായത്തിലെ ഉത്തൂർ നഗറിനെയാണ് പദ്ധതിക്കായി തെരഞ്ഞെടുത്തത്. പട്ടികജാതി പട്ടിക വര്‍ഗ വിഭാഗങ്ങളുടെ ഉന്നമനത്തിന് പ്രത്യേക പരിഗണന നല്‍കുമെന്ന് എംഎൽ എ പറഞ്ഞു. കോളനിയുടെ സമഗ്ര വികസനം മുന്നില്‍ കണ്ട് ദീര്‍ഘ വീക്ഷണത്തോടെ പദ്ധതികള്‍ നടപ്പാക്കണമെന്നും അദ്ദേഹം ആവശ്യപ്പെട്ടു. റോഡ് നവീകരണം, വീട് റിപ്പയർ, കുടിവെള്ള പദ്ധതി, മിനി മാസ്റ്റ് ലൈറ്റ് തുടങ്ങിയവ പദ്ധതിയിൽ ഉൾപ്പെടുന്നു. നടുവിൽ സെന്‍റ് മേരീസ് പാരീഷ് ഹാളിൽ നടന്ന ചടങ്ങിൽ നടുവിൽ പഞ്ചായത്ത് പ്രസിഡന്‍റ് ബേബി ഓംടമ്പള്ളി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ജോഷി കണ്ടത്തിൽ, വാർഡ് മെംബർ ലിസി ജോസഫ്, ഐടിഡിപി ജില്ലാ ഓഫീസർ കെ. ബിന്ദു, ടിഇഒടി കെ. സജിത, എ.ഇ. മിനിത, ഊരുമൂപ്പ കെ.ആർ.ബിന്ദു തുടങ്ങിയവർ പ്രസംഗിച്ചു.

കരിസ്മാറ്റിക്ക് ജൂബിലി തിരി രത്നഗിരി പള്ളിയിൽ

രത്നഗിരി: കേരള കത്തോലിക്ക കരിസ്മാറ്റിക്ക് നവീകരണ മുന്നേറ്റം സുവർണ ജൂബിലി ആഘോഷങ്ങളുടെ ഭാഗമായി കരിസ്മാറ്റിക്ക് ചെമ്പേരി സബ് സോണിന്‍റെ ആഭിമുഖ്യത്തിൽ നടത്തിവരുന്ന ജൂബിലി തിരി പ്രയാണത്തിന്‍റെ പൊന്മല സെന്‍റ് ജോസഫ്സ് പള്ളിയിലെ ശുശ്രൂഷകൾക്കുശേഷം രത്നഗിരി സെന്‍റ് സെബാസ്റ്റ്യൻസ് പള്ളിയിൽ എത്തിച്ചു. സിസ്റ്റർ ആൻസി കുര്യൻ, പ്രാർഥന ഗ്രൂപ്പ് ലീഡർ സാലി വലിയവള്ളിയിൽ, ഇടവക കോ-ഓർഡിനേറ്റർ ജോയി പെരുമാലിൽ, പ്രാർഥന ഗ്രൂപ്പ് അംഗങ്ങൾ എന്നിവർ ചേർന്ന് ഏറ്റുവാങ്ങി. 25 ന് രാവിലെ 9.30 ന് ജപമാല പ്രാർഥനയ്ക്കും സ്തുതി ആരാധനയ്ക്കും ശേഷം ഇടവക വികാരി ഫാ. ലാസർ വരമ്പകത്ത് ജൂബിലി തിരിതെളിച്ച് ആമുഖ സന്ദേശം നൽകും. തുടർന്ന് വചന പ്രഘോഷണം, വിശുദ്ധ കുർബാന, ദിവ്യകാരുണ്യ ആരാധന എന്നിവയ്ക്ക് കരിസ്മാറ്റിക്ക് സബ്സോൺ ആനിമേറ്റർ ഫാ. ജോസഫ് പുതുമന, സബ്സോൺ കോ-ഓർഡിനേറ്റർ വിൻസെന്‍റ് മായയിൽ എന്നിവർ നേതൃത്വം നൽകും. ഇവിടത്തെ ശുശ്രൂഷകൾക്കുശേഷം ജൂബിലി തിരി വലിയ അരീക്കമല ദീപഗിരി സെന്‍റ് തോമസ് പള്ളിയിലേക്കു കൈമാറും.

ചെറുപുഴ പഞ്ചായത്ത് വികസന സദസ്

ചെറുപുഴ: ചെറുപുഴ പഞ്ചായത്ത് വികസന സദസ് നടന്നു. ടി.ഐ. മധുസൂദനൻ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.എഫ്. അലക്സാണ്ടർ അധ്യക്ഷത വഹിച്ചു. പയ്യന്നൂർ ബ്ലോക്ക് പഞ്ചായത്ത് പ്രസിഡന്‍റ് പി.വി. വൽസല, പഞ്ചായത്ത് വൈസ് പ്രസിഡന്‍റ് റെജി പുളിക്കൽ, ജില്ലാ പഞ്ചായത്തംഗം, എം. രാഘവൻ, സ്റ്റാൻഡിംഗ് കമ്മിറ്റി ചെയർമാൻമാരായ കെ.കെ. ജോയി, എം. ബാലകൃഷ്ണൻ, ഷാന്‍റി കലാധരൻ, ബ്ലോക്ക് പഞ്ചായത്തംഗം കെ. ദാമോദരൻ, പി.കെ. ചന്ദ്രശേഖരൻ, പഞ്ചായത്ത് സെക്രട്ടറി ബിറ്റാജ് തോമസ്, അനിൽ കരിച്ചേരി എന്നിവർ പ്രസംഗിച്ചു. തുടർന്ന് പൊതുചർച്ച, മറുപടി, ആദരിക്കൽ എന്നിവ നടന്നു.

കാൽനടയാത്രികനെ ഇടിച്ചു നിർത്താതെ പോയ വാഹനം പോലീസ് കണ്ടെത്തി

കണ്ണൂർ: പെരിങ്ങത്തൂർ–കരിയാട് റോഡിൽ ബാലൻപീടികയിൽ ഒക്ടോബർ 10 ന് രാത്രി ഏഴിനും 7:15-നും ഇടയിൽ കാൽനടയാത്രികനെ ഇടിച്ചു നിർത്താതെ പോയ വാഹനത്തെ കണ്ടെത്തി ചൊക്ലി പോലീസ്. അജ്ഞാത വാഹനം ഇടിച്ച് നിർത്താതെ പോയെന്ന പരാതിക്കാരന്‍റെ മൊഴിയുടെ അടിസ്ഥാനത്തിൽ നിരവധി സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഓടിച്ചിരുന്നത് റോയൽ എൻഫീൽഡ് കമ്പനിയുടെ മോട്ടോർസൈക്കിൾ ആണെന്ന് പോലീസ് കണ്ടെത്തുകയും വാഹനം ഓടിച്ചത് 17 വയസുകാരനാണെന്ന് പോലീസിന് ബോധ്യമാവുകയും ചെയ്തിട്ടുണ്ട്. തുടർന്ന് കുട്ടിയുടെ രക്ഷിതാക്കൾക്കെതിരേ പോലീസ് കേസെടുത്തു അന്വേഷണം ആരംഭിച്ചിട്ടുണ്ട്. ചൊക്ലി പോലീസ് സ്റ്റേഷൻ ഇൻസ്പെക്ടർ കെ. മഹേഷിന്‍റെ നിർദേശ പ്രകാരം സിവിൽ പോലീസ് ഓഫീസർമാരായ അഖിൽ, ശ്രീനിഷ്, ബാഗീഷ് എന്നിവർ ചേർന്ന് 30 ഓളം സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഇടിച്ചു നിർത്താതെ പോയ വാഹനത്തെ കണ്ടെത്തിയത്.

അമലിന് വേണം സുമനസുകളുടെ സഹായം

ഇരിട്ടി: ഇരുവൃക്കകളും തകരാറിലായ എടൂർ സ്വദേശി അമൽ മുകളത്തിന്‍റെ (27) ചികിത്സയ്ക്കായി നാട്ടുകാർ ജനകീയ കമ്മിറ്റി രൂപീകരിച്ചു. യുവാവിന്‍റെ ജീവൻ നിലനിർത്തണമെങ്കിൽ വൃക്ക മാറ്റിവയ്ക്കുകയല്ലാതെ മറ്റു മാർഗങ്ങളില്ല. ശസ്ത്രക്രിയ ഉൾപ്പെടെ 25 ലക്ഷം രൂപ ചെലവ് വരുന്ന ചികിത്സയ്ക്ക് നിർധന കുടുംബത്തിൽപ്പെട്ട അമലിനു വഴിയില്ലാത്ത സാഹചര്യത്തിലാണ് നാട്ടുകാർ ജനകീയ കമ്മിറ്റി രൂപീകരിച്ചു സുമനസുകളുടെ സഹായം തേടാൻ തീരുമാനിച്ചത്. ഭാരവാഹികൾ: സണ്ണി ജോസഫ് എംഎൽഎ, ഇരിട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ, ആറളം പഞ്ചായത്ത് പ്രസിഡന്‍റ് കെ.പി. രാജേഷ്, എടൂർ സെന്‍റ് മേരീസ് ഫൊറോന ആർക്കി എപ്പിസ്കോപ്പൽ മരിയൻ തീർഥാടന ദേവാലയം വികാരി ഫാ. തോമസ് വടക്കേമുറിയിൽ -രക്ഷാധികാരി. പഞ്ചായത്ത് സ്ഥിരം സമിതി അധ്യക്ഷൻ ജോസ് അന്ത്യംകുളം -കൺവീനർ, പഞ്ചായത്ത് അംഗം കെ.പി. സെലീന -ചെയർമാൻ, വിനോദ് കൊല്ലമ്പറമ്പിൽ -ട്രഷറർ. ഒന്നര മാസത്തിനകം ശസ്ത്രക്രിയ നടത്താനാണ് ഡോക്‌ടർമാർ നിർദേശിച്ചിട്ടുള്ളത്. സഹായങ്ങൾ ഇന്ത്യൻ ഓവർസീസ് ബാങ്കിന്‍റെ എടൂർ ശാഖയിൽ 344502000000226 (ഐഎഫ്എസ്‌സി: ഐഒബിഎ0003445) അക്കൗണ്ടിലേക്ക് അയയ്ക്കാം. ഫോൺ: 996148 3294.

അനന്ദു അജിയുടെ മരണം: ഡിവൈഎഫ്ഐ ജാഗ്രത സദസ് സംഘടിപ്പിച്ചു

പയ്യന്നൂർ: കോട്ടയം കാഞ്ഞിരപ്പള്ളിയിലെ അനന്ദു അജിയുടെ മരണം സംബന്ധിച്ച് സമഗ്രാന്വേഷണം നടത്തണമെന്നാവശ്യപ്പെട്ട് ഡിവൈഎഫ്ഐ പയ്യന്നൂർ ബ്ലോക്ക് കമ്മിറ്റിയുടെ നേതൃത്വത്തിൽ യുവജന ജാഗ്രത സദസ് സംഘടിപ്പിച്ചു. പയ്യന്നൂർ ഷേണായ് സ്‌ക്വയർ പരിസരത്ത് ഡിവൈഎഫ്ഐ കണ്ണൂർ ജില്ലാ സെക്രട്ടറി സരിൻ ശശി ഉദ്ഘാടനം ചെയ്തു. ആർഎസ്എസ് ശാഖയിൽ നിന്ന് കുട്ടിക്കാലം മുതലേ നേരിടേണ്ടി വന്ന ലൈംഗീക പീഡനത്തിന്‍റെ ഞെട്ടിക്കുന്ന വിവരങ്ങളാണ് മരണത്തിന് മുന്പ് അനന്തു ഇൻസ്റ്റഗ്രാം വഴി പങ്കുവച്ചതെന്ന് സരിൻ ശശി പറഞ്ഞു. എത്ര മാത്രം അകറ്റി നിർത്തേണ്ട ആശയവും പ്രവർത്തിയുമാണ് ആർഎസ്എസ് മുന്നോട്ടു വയ്ക്കുന്നതെന്ന് അനന്തു ജീവിതം അവസാനിപ്പിക്കുംമുമ്പ് കുറിച്ചിരിക്കുന്നു. സഹജീവി സ്നേഹം പഠിക്കേണ്ട ബാല്യങ്ങളെ അപരവിദ്വേഷം പഠിപ്പിക്കുന്ന ഇടമാക്കിയും മനുഷത്വം ഇല്ലാത്തവരാക്കിയും മാറ്റുന്ന ഇത്തരം ശാഖകളിലേക്ക് നമ്മുടെ കുഞ്ഞുങ്ങൾ എത്താതിരിക്കാൻ കൂടുതൽ ജാഗ്രത ഉണ്ടാവണമെന്നും അദ്ദേഹം പറഞ്ഞു. അനന്തുവിന്‍റെ മരണത്തിൽ അന്വേഷണം നടത്തി ഘാതകരായ ആർഎസ്എസ് ക്രിമിനലുകളെ നിയമത്തിന് മുന്നിൽ കൊണ്ടു വരണമെന്ന ആവശ്യവ്യമായി സംഘടിപ്പിച്ച പരിപാടിയിൽ സി.വി. റഹിനേജ് അധ്യക്ഷത വഹിച്ചു. വി.കെ. നിഷാദ്, പി.പി. അനീഷ, സി. ഷിജിൽ, ടി.സി.വി. നന്ദകുമാർ, കെ. മനുരാജ്‌, പി. ഷിജി എന്നിവർ പ്രസംഗിച്ചു.

മട്ടന്നൂർ പോളിടെക്നിക് കോളജ് വിദ്യാർഥി യൂണിയൻ കെഎസ്‌യു‌വിന്

മട്ടന്നൂർ: മട്ടന്നൂർ പോളിടെക്നിക് കോളജ് വിദ്യാർഥി യൂണിയൻ കെഎസ്‌യുവിന്. വർഷങ്ങളായി എസ്എഫ്ഐ നിലനിർത്തിയിരുന്ന യൂണിയനാണു കെഎസ്‌യു പിടിച്ചെടുത്തത്. ശക്തമായ പോലീസ് കാവലിലായിരുന്നു തെരഞ്ഞെടുപ്പ്. പോളിടെക്നിക് പ്രവർത്തനം ആരംഭിച്ച മുതൽ 34 വർഷത്തിലധികമായി എസ്എഫ്ഐ ഭരിച്ചിരുന്ന യൂണിയനാണ് കെ‌എസ്‌യു പിടിച്ചെടുത്തത്. ചെയർമാനായി ആർ.കെ. അശ്വന്ത്, വൈസ് ചെയർമാനായി വി. അശ്വന്ത് കൃഷ്ണ, ലേഡി വൈസ് ചെയർമാനായി ടി.പി. ഷസ മിന്നത്ത്, ജനറൽ സെക്രട്ടറിയായി എസ്.ബി. സഫ്വാൻ, പിയുസിയായി അഹമ്മദിബ്നു മുഹമ്മദ്‌, മാഗസിൻ എഡിറ്ററായി എം. മുഹമ്മദ്‌, ആർട്സ് ക്ലബ് സെക്രട്ടറിയായി ടി. മുഹമ്മദ്‌ അദ്നാൻ എന്നിവരെ തെരഞ്ഞെടുത്തു. വിജയിച്ചവരെ ആനയിച്ച് കളറോഡ് പോളിടെക്നിക് പരിസരത്ത് നിന്ന് മട്ടന്നൂരിലേക്ക് ആഹ്ലാദ പ്രകടനം നടത്തി. ചരിത്ര വിജയമാണ് നേടിയതെന്ന് യൂത്ത് കോൺഗ്രസ് ജില്ലാ വൈസ് പ്രസിഡന്‍റ് ഫർസീൻ മജീദും കെഎസ്‌യു ജില്ലാ വൈസ് പ്രസിഡന്‍റ് ഹരികൃഷ്ണൻ പാളാടും പറഞ്ഞു. മട്ടന്നൂർ ബസ് സ്റ്റാൻഡിൽ നടന്ന സമാപനത്തിൽ വി.ആർ. ഭാസ്കരൻ, സുരേഷ് മാവില, എ.കെ. രാജേഷ്, ഫർസീൻ മജീദ്, ഹരികൃഷ്ണൻ പാളാട്, ഹരി കൃഷ്ണൻ പൊറോറ തുടങ്ങിയവർ പ്രസംഗിച്ചു. സംഘർഷ സാധ്യത കണക്കിലെടുത്ത് വൻ പോലീസ് സന്നാഹമാണ് കോളജ് പരിസരത്ത് ഏർപ്പെടുത്തിയത്.

നഗരശ്രീ പുരസ്കാരം ഡോ.എ.കെ. വേണുഗോപാലിന്

കണ്ണൂർ: 2025ലെ കണ്ണൂർ കോർപറേഷന്‍റെ നഗരശ്രീ പുരസ്കാരത്തിന് ഡോ.എ.കെ. വേണുഗോപാലിനെ തെരഞ്ഞെടുത്തതായി ഡെപ്യുട്ടി മേയർ പി. ഇന്ദിര വാർത്താസമ്മേളനത്തിൽ അറിയിച്ചു. വിവിധ മേഖലകളിൽ പ്രാവീണ്യം തെളിയിച്ചിട്ടുള്ളവരെ ആദരിക്കുന്നതിനായാണ് നഗരശ്രീ പുരസ്കാരം ഏർപ്പെടുത്തിയത്. ഇത്തവണ ആരോഗ്യമേഖലയിലുള്ളവരെയാണ് പുരസ്കാരത്തിന് പരിഗണിച്ചത്. കണ്ണൂർ വെസ്റ്റ് കോസ്റ്റ് നഴ്സിംഗ് ഹോം ആശുപത്രിയിലെ ഡോക്‌ടറാണ് വേണുഗോപാൽ. ഭാര്യ: ഡോ.കെ.എം. സുഹറ. ഡോ. സന്ദീപ്, ഡോ. സൂര്യ എന്നിവർ മക്കളാണ്. വാർത്താ സമ്മേളനത്തിൽ സ്ഥിരം സമിതി അധ്യക്ഷന്മാരായ എം.പി. രാജേഷ്, പി. ഷമീമ, വി.കെ. ശ്രീലത, ഷാഹിന മൊയ്തീൻ, സുരേഷ് ബാബു എളയാവൂർ, കൗൺസിലർമാരായ ടി.ഒ. മോഹനൻ, കെ.പി. അബ്ദുൽ റസാഖ്, ടി. രവീന്ദ്രൻ, പി.വി. ജയസൂര്യൻ എന്നിവർ പങ്കെടുത്തു.

തൊഴിലാളികളെ കയറ്റിവന്ന ഓട്ടോ ടാക്സി നിയന്ത്രണം വിട്ട് മറിഞ്ഞ് ആറുപേർക്ക് പരിക്ക്

ഇരിട്ടി: വാണിയപ്പാറതട്ടിൽ മരം വെട്ടു തൊഴിലാളികളെ കയറ്റിവന്ന ഓട്ടോ ടാക്സി നിയന്ത്രണം വിട്ട് കശുമാവിൻ തോട്ടത്തിലേക്കു മറിഞ്ഞ് ഡ്രൈവർ ഉൾപ്പെടെ ആറുപേർക്ക് പരിക്കേറ്റു. മരം വെട്ട് ജോലികഴിഞ്ഞ് തൊഴിലാളികളുമായി തിരിച്ചുവരികയായിരുന്ന ഓട്ടോ ടാക്സി വാണിയപ്പാറ തട്ട് ബ്ലാക്ക് റോക്ക് ക്രഷറിനു സമീപത്തെ വളവിൽ നിയന്ത്രണം വിട്ടു മറിയുകയായിരുന്നു. നാലുതവണ തലകീഴായി മറിഞ്ഞ വാഹനം മരത്തിൽ തട്ടി നിൽക്കുകയായിരുന്നു. ഇന്നലെ ഉച്ചകഴിഞ്ഞ് മൂന്നോടെയായിരുന്നു അപകടം. കരിക്കോട്ടക്കരി സ്വദേശികളായ അശോകൻ (56), സാബു (56), ഹരി (39), കൊട്ടുകപ്പാറ സ്വദേശികളായ കോഴിപറമ്പിൽ ബാലൻ (59), ഞാഞ്ഞിലത്ത് തൊമ്മൻ (54), ഡ്രൈവർ കരിക്കോട്ടക്കരി സ്വദേശി ഹരി (45) എന്നിവർക്കാണു പരിക്കേറ്റത്. അപകടത്തിൽപ്പെട്ടവരെ രക്ഷപ്പെടുത്തി നാട്ടുകാർ ഇരിട്ടിയിലെ സ്വകാര്യ ആശുപത്രിയിൽ എത്തിച്ചു. തലയ്ക്കും തോളെല്ലിനും വാരിയെല്ലിനും പൊട്ടൽ സംഭവിച്ച് ഗുരുതരമായി പരിക്കേറ്റ അശോകൻ, സാബു, ബാലൻ എന്നിവരെ കണ്ണൂർ പരിയാരം ഗവ. മെഡിക്കൽ കോളജിലേക്കു മാറ്റി. മറ്റു മൂന്നുപേരുടെയും പരിക്കുകൾ ഗുരുതരമല്ല.

ചീങ്കണ്ണി പുഴയ്ക്ക് മൂന്ന് അവകാശികൾ; ഒടുവിൽ സെറ്റിൽമെന്‍റ് ഇഷ്യു ആയി പ്രഖ്യാപിച്ച് കളക്ടർ

കേളകം: കേളകം പഞ്ചായത്തിന്‍റെ അതിർത്തിയിലൂടെ ഒഴുകുന്ന ചീങ്കണ്ണി പുഴയ്ക്ക് അവകാശികൾ ഏറിയതോടെ സെറ്റിൽമെന്‍റ് ഇഷ്യൂ ആയി പ്രഖ്യാപിച്ച് എന്‍റെ ഭൂമി പോർട്ടലിൽ അപ്‌ലോഡ് ചെയ്തതായി ജില്ലാ കളക്ടർ അറിയിച്ചു. ചീങ്കണ്ണി പുഴയുടെ അവകാശം കേളകം പഞ്ചായത്തിൽ നിലനിർത്തണമെന്ന് ആവശ്യപ്പെട്ട് ജനകീയ സമിതി ചെയർമാൻ ഫാ. സെബാസ്റ്റ്യൻ പൊടിമറ്റം മുഖ്യമന്ത്രിക്ക് നൽകിയ നിവേദനത്തിന് മറുപടിയായാണ് ജില്ലാ കളക്ടറുടെ അറിയിപ്പ്. നിലവിൽ കേളകം പഞ്ചായത്തിന്‍റെ അധീനതയിലായിരുന്നു പുഴ. എന്നാൽ റീസർവേയുടെ ഭാഗമായി പുഴ ആദ്യം ആറളം പഞ്ചായത്തിൽ ഉൾപ്പെടുത്തി അളന്ന് തിട്ടപ്പെടുത്തി. ഇരു പഞ്ചായത്തുകളുടെയും സർവേ നടപടി പൂർത്തിയാകുന്നതിന് അനുസരിച്ച് പുഴ കേളകം പഞ്ചായത്തിന്‍റെ അധീനതയിൽ വരും എന്നാണ് നേരത്തേ പറഞ്ഞിരുന്നത്. എന്നാൽ ഇരുപഞ്ചായത്തുകളിലെയും സർവേ നടപടികൾ പൂർത്തിയായപ്പോൾ പുഴയുടെ അവകാശ തർക്കം ഉടലെടുത്തു. ഇതിനിടയിൽ പുഴ തങ്ങൾക്ക് അവകാശപ്പെട്ടതാണെന്ന് പറഞ്ഞ് വനം വകുപ്പ് കൂടി രംഗത്തെത്തി. ഇത് സംബന്ധിച്ച് റവന്യൂ വകുപ്പിന് വനം വകുപ്പ് അധികൃതർ കത്തും നൽകി. നിലവിലെ സർവേ പ്രകാരം ആറളം വില്ലേജിന്‍റെ അധീനതയിലാണ് പുഴ. ചീങ്കണ്ണി പുഴയുടെ പുറമ്പോക്ക് അളന്ന് തിട്ടപ്പെടുത്തിയിരിക്കുന്നത് കേളകം പഞ്ചായത്തിൽ കൂടെയാണ്. അതിനാൽ പുഴയുടെ ഇക്കരെയുള്ള കേളകം വില്ലേജിന്‍റെ റവന്യൂ ഭൂമി ആയിരുന്ന പ്രദേശം കൂടി ഇപ്പോൾ ആറളം വില്ലേജിന്‍റെ അധീനതയിലായി. പുഴ പുറമ്പോക്കുമായി ബന്ധപ്പെട്ട തർക്കം റീസർവേ സമയത്ത് ഉയർന്നു വന്നപ്പോൾ സ്ഥലം സന്ദർശിച്ച തലശേരി സബ് കളക്ടർ അളവ് പൂർത്തിയാകുന്നതോടെ പ്രശ്നങ്ങൾ പരിഹരിച്ചു നൽകാമെന്ന് ഉറപ്പുനൽകിയിരുന്നു. പുഴയുടെ അവകാശം പൂർണമായും കൈക്കലാക്കാൻ വനം വകുപ്പ് ഇതിനിടയിൽ ഗൂഢശ്രമം നടത്തിയെന്നാണ് പുതിയ സൂചന. പുഴ തങ്ങളുടെ അധീനതയിൽ ആകുന്നതോടുകൂടി പുഴയിൽ ഇറങ്ങാനുള്ള പ്രദേശവാസികളുടെ അവകാശവും ഇല്ലാതാക്കാനാവും. മാത്രമല്ല പുഴക്ക് ഇക്കരെയുള്ള റവന്യൂ ഭൂമി വനംവകുപ്പിന്‍റെ അധീനതലാകുന്നതോടെ റിസർവ് വനമായി മാറ്റാനും സാധ്യതയുണ്ട്. റിട്ടയേഡ് സൈനികനെ പുഴയിൽ ചൂണ്ടയിട്ടതിന് അകാരണമായി കേസെടുക്കുകയും ജയിലിൽ അടയ്ക്കാൻ ശ്രമിക്കുകയും ചെയ്തതാണ് വനം വകുപ്പ്. ഇനി ആറളം വില്ലേജിലാണ് പുഴ പെടുന്നതെങ്കിൽ അതും ഭീഷിയാണ്. നിലവിൽ ആറളം വില്ലേജ് പരിധിയിലാണ് ആറളം വന്യജീവി സങ്കേതം. വില്ലേജിന്‍റെ പരിധി വർധിക്കുന്നതോടെ വനത്തിന്‍റെ വിസ്തൃതി വർധിപ്പിക്കാൻ കഴിയും. കേളകം പഞ്ചായത്തിന്‍റെ പ്രധാന കുടിവെള്ള പദ്ധതി ചീങ്കണ്ണി പുഴയിലാണ്. ത്രിതല പഞ്ചായത്ത് തെരഞ്ഞെടുപ്പ് അടുത്തിരിക്കുന്ന സാഹചര്യത്തിൽ ശക്തമായ പ്രതിഷേധം നടത്താനാണ് പ്രദേശവാസികളുടെ തീരുമാനം.

ഇരിട്ടി പഴയ പാലത്തിൽ സമ്പൂർണ ഗതാഗത നിരോധനം; കാൽനടയും വേണ്ട

ഇരിട്ടി: ഇരിട്ടി പഴയ പാലത്തിലൂടെയുള്ള ഗതാഗതം പെതുമരാമത്ത് വകുപ്പ് പൂർണമായും നിരോധിച്ചു. കാൽ നടയാത്രയ്ക്കുള്ള അവസരവും നിഷേധിക്കുന്ന തരത്തിൽ പാലത്തിന്‍റെ ഇരുഭാഗങ്ങളിലും റിബൺ വലിച്ചുകെട്ടി വഴിയടച്ചിരിക്കുകയാണ്. സുരക്ഷാകാരണങ്ങളാലാണ് പാലത്തിലൂടെയുള്ള ഗതാഗതം താത്ക്കാലികമായി നിരോധിച്ചതെന്ന് കാണിച്ച് പൊതുമരാമത്ത് വകുപ്പ് പാലം വിഭാഗം എക്സിക്യൂ‌ട്ടീവ് എൻജിനിയറുടെ പേരിൽ ബോർഡും സ്ഥാപിച്ചു. കഴിഞ്ഞ ദിവസം കെഎസ്ആർടിസി സ്വിഫ്റ്റ് ബസ് പാലത്തിലേക്ക് ഇടിച്ചു കയറിയിരുന്നു. പാലത്തിന്‍റെ ഇരുമ്പ് ചട്ടക്കൂടാണ് ബസ് പുഴയിലേക്ക് വീഴുന്നത് തടഞ്ഞുള്ള രക്ഷാകവചമായി നിലകൊണ്ടത്. ബസ് വേഗതയിൽ പാലത്തിലേക്ക് ഇടിച്ചു കയറിയതുമൂലം പാലത്തിന്‍റെ ജോയിന്‍റു വേർപ്പെട്ടെന്നും ഇത് അപകട ഭീഷണിയാകുമെന്നും പരിശോധനയിൽ കണ്ടെത്തിയതിനെ തുടർന്നാണ് പാലം അടച്ചിട്ടതെന്ന് പൊതുമരാമത്ത് പാലം വിഭാഗം എക്‌സിക്യൂട്ടീവ് എൻജിനിയർ ബിനോയി പറഞ്ഞു. തകർന്ന ഭാഗം ബലപ്പെടുത്തുന്നതിനുള്ള എസ്റ്റിമേററ് സമർപ്പിച്ചിട്ടുണ്ടെന്നും ബലപ്പെടുത്തൽ പൂർത്തിയാകുന്ന മുറയ്ക്ക് പാലം ഗതാഗതത്തിന് തുറന്നുകൊടുക്കുമെന്നും അദ്ദേഹം കൂട്ടിച്ചേർത്തു. അപകടത്തിൽപെട്ട ബസ് മാറ്റി പാലത്തിലൂടെയുള്ള ഗതാഗതം പുനഃസ്ഥാപിച്ചിരുന്നു. എന്നാൽ വ്യാഴാഴ്ച വൈകുന്നേരത്തോടെയാണ് നിരോധനം ഏർപ്പെടുത്തിയിരിക്കുന്നത്. ഇതോടെ ഇരിട്ടി ടൗണിൽ നിന്നും തളിപ്പറമ്പ് ഉളിക്കൽ ഭാഗത്തേക്കുളള വാഹനങ്ങൾ പുതിയ പാലം വഴി തിരിച്ചുവിട്ടു. വൺവേ സംവിധാനം എന്ന നിലയിൽ ഈ ഭാഗത്തേക്കുളള വാഹനങ്ങൾ പഴയ പാലം വഴി കടന്നുപോകാൻ തുടങ്ങിയത് ഗതാഗതക്കുരുക്കിനും പരിഹാരമായിരുന്നു. പഴയ പാലം അടച്ചതോടെ പുതിയ പാലത്തിലെ ഗതാഗതക്കുരുക്ക് വർധിച്ചിരിക്കുകയാണ്. ബ്രിട്ടീഷ് ഭരണകാലത്ത് 1933-ൽ നിർമിച്ച പാലത്തിന് 90 വർഷത്തിലധികം പഴക്കമുണ്ട്. ഇരിട്ടി പട്ടണത്തിന്‍റെ അടയാളം കൂടിയാണ് പഴയ പാലം. പുതിയ പാലം പൂർത്തിയാകുന്നതിനിടയിൽ നിർമാണ പുരോഗതി വിലയിരുത്താൻ എത്തിയ അന്നത്തെ പൊതുമരാമത്ത് മന്ത്രി പഴയ പാലത്തെ പൈതൃക പട്ടികയിൽ ഉൾപ്പെടുത്തി സംരക്ഷിക്കുമെന്ന് പ്രഖ്യാപിച്ചിരുന്നു. എന്നാൽ ഇതൊന്നും ഇതുവരെ നടപ്പായി‌‌‌‌ല്ല.

കണ്ണപുരം സ്ഫോടനം: അഞ്ചാം പ്രതി സ്വാമിനാഥൻ അറസ്റ്റിൽ

കണ്ണൂർ: കണ്ണപുരം കീഴറയിൽ ഓഗസ്റ്റ് 30 ന് പുലർച്ചെ ഉണ്ടായ സ്ഫോടനവുമായി ബന്ധപ്പെട്ട കേസിലെ അഞ്ചാം പ്രതി അറസ്റ്റിൽ. പാലക്കാട് ഏഴക്കാട് മുണ്ടൂർ സ്വദേശി സ്വാമിനാഥനെ (64) യാണ് കണ്ണപുരം പോലീസ് ഇൻസ്‌പെക്ടർ മഹേഷ് കണ്ടമ്പേത്തിന്‍റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. കേസിലെ പ്രതികളായ അനൂപ് മാലിക്, അനീഷ്, റാഹിൽ എന്നിവരെ നേരത്തെ അറസ്റ്റ് ചെയ്തിരു ന്നു. ഇവരെ പിന്നീട് കസ്റ്റഡിയിലും വാങ്ങിയിരുന്നു. പ്രതികളുടെ മൊഴികളും മൊബൈൽ വിവര ങ്ങളും ബാങ്ക് ഇടപാടുകളുടെ വിവരങ്ങളുമാണ് സ്വാമിനാഥന്‍റെ അറസ്റ്റിലേക്ക് നയിച്ചത്. 2025 ഓഗസ്റ്റ് 30ന് പുലർച്ചെ 1:50ന് കണ്ണപുരം കീഴറയിലെ ഒരു വാടക വീട്ടിൽ ഉണ്ടായ സ്ഫോടനത്തിൽ ഒരാൾ മരിച്ചിരുന്നു. സ്ഫോടനത്തിന്‍റെ ആഘാതത്തിൽ ആ വീടിനും സമീപവാസികളുടെ വീടുകൾ ക്കും നാശനഷ്ടങ്ങൾ സംഭവിച്ചിരുന്നു. സംഭവവുമായി ബന്ധപ്പെട്ട് കണ്ണപുരം പോലീസ് അന്വേഷണം ഊർജിതമാക്കി. അന്വേഷണ സംഘത്തിൽ എസ്‌സിപിഒ. മഹേഷ്, സിപിഒ അനൂപ്, സിപിഒ റിജേഷ് കുമാർ എന്നിവരും ഉൾപ്പെട്ടിരുന്നു.

1972 ലെ വന്യജീവിസംരക്ഷണ നിയമം ഭരണഘടനാ വിരുദ്ധം: മാധവ് ഗാഡ്ഗിൽ

വെള്ളരിക്കുണ്ട്: 1972 ലെ വന്യജീവിസംരക്ഷണ നിയമം മനുഷ്യന്‍റെ ജീവനും സ്വത്തിനും സംരക്ഷണം ലഭിക്കാനുള്ള ഭരണഘടനാപരമായ അവകാശത്തിനുമേൽ വന്യജീവികളുടെ സംരക്ഷണത്തിന് പ്രാമുഖ്യം നൽകുന്നതാണെന്നും അതുകൊണ്ടുതന്നെ അത് ഭരണഘടനാ വിരുദ്ധമാണെന്നും പരിസ്ഥിതി ശാസ്ത്രജ്ഞൻ പ്രഫ. മാധവ് ഗാഡ്ഗിൽ പറഞ്ഞു. അടിമുടി ഭരണഘടനാ വിരുദ്ധമായ ഈ നിയമം ഉടൻ പൊളിച്ചെഴുതണമെന്ന് അദ്ദേഹം ആവശ്യപ്പെട്ടു. വന്യജീവി ആക്രമണങ്ങൾക്ക് ശാശ്വത പരിഹാരം ആവശ്യപ്പെട്ട് വെള്ളരിക്കുണ്ടിൽ നടക്കുന്ന കർഷകസ്വരാജ് സത്യഗ്രഹത്തിന്‍റെ രണ്ടാംഘട്ട സമര പരിപാടികളുമായി ബന്ധപ്പെട്ട ഓൺലൈൻ കൺവൻഷൻ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ആനയുൾപ്പെടെയുള്ള വന്യജീവികളുടെ എണ്ണം പല മടങ്ങായി വർധിച്ചിട്ടും അതു സംബന്ധിച്ച വിശ്വാസയോഗ്യമായ കണക്കുകൾ വനംവകുപ്പിന്‍റെ പക്കലില്ലെന്ന് ഗാഡ്ഗിൽ ചൂണ്ടിക്കാട്ടി. വന്യജീവി ആക്രമണങ്ങളിൽ ജീവൻ നഷ്ടപ്പെടുന്ന സംഭവങ്ങൾക്ക് മാത്രമാണ് ശ്രദ്ധ കിട്ടുന്നത്. കർഷകരുടെയും തൊഴിലാളികളുടെയും ജീവനോപാധികൾക്കുണ്ടാവുന്ന നഷ്ടം പലപ്പോഴും അവഗണിക്കപ്പെടുകയാണ്. മഹാരാഷ്‌‌ട്രയിൽ മാത്രം വന്യജീവി ആക്രമണങ്ങളിൽ നാല്പതിനായിരം കോടി രൂപയുടെ കാർഷിക നഷ്ടമാണ് ഉണ്ടായിട്ടുള്ളതെന്ന് ഇതു സംബന്ധിച്ച പഠന റിപ്പോർട്ട് ഉദ്ധരിച്ച് അദ്ദേഹം പറഞ്ഞു. ഇതുപോലെ കേരളത്തിലും വന്യജീവി ആക്രമണങ്ങൾ മൂലമുണ്ടായ കാർഷികനഷ്ടം സംബന്ധിച്ച് വിശദമായ പഠനം നടത്തണമെന്ന് അദ്ദേഹം ആവശ്യപ്പെട്ടു. രണ്ടാം ഘട്ട സമരപരിപാടികൾ സത്യഗ്രഹ സമിതി ചെയർമാൻ സണ്ണി പൈകട പ്രഖ്യാപിച്ചു. 29 ന് ഡൽഹിയിൽ ഏകദിന സത്യഗ്രഹവും നവംബർ ഏഴു മുതൽ വെള്ളരിക്കുണ്ടിൽനിന്ന് തിരുവനനന്തപുരത്തേക്ക് സംസ്ഥാനതല വാഹന പ്രചാരണ ജാഥയും നടക്കും. നവംബർ 15 മുതൽ സെക്രട്ടേറിയറ്റ് പടിക്കൽ 100 മണിക്കൂർ ഉപവാസം നടത്തും. വെള്ളരിക്കുണ്ടിൽ നടന്നുവരുന്ന അനിശ്ചികാല കർഷകസ്വരാജ് സത്യഗ്രഹം ഇതുപോലെ തുടരും. ആവശ്യങ്ങൾ അംഗീകരിക്കാത്തപക്ഷം ജനുവരി ആദ്യവാരം മുതൽ സത്യഗ്രഹ സമരം കൂടുതൽ ശക്തമാക്കും. ഓൺലൈൻ യോഗത്തിൽ കർഷകസ്വരാജ് സത്യഗ്രഹ ഐക്യദാർഢ്യസമിതി ചെയർമാൻ കെ.വി. ബിജു അധ്യക്ഷത വഹിച്ചു. പി.ടി. ജോൺ, അഡ്വ. വിനോദ് പയ്യട, അഡ്വ. ജോൺ ജോസഫ്, ജിയോ ജോസ്, റോസ് ചന്ദ്രൻ, മുതലാംതോട് മണി, ജിമ്മി ഇടപ്പാടി, അഡ്വ. ബിനോയ് തോമസ്, റോജർ സെബാസ്റ്റ്യൻ എന്നിവർ പ്രസംഗിച്ചു.

എഎസ്ഐഎസ്‌സി കലോത്സവത്തിന് കൊടിയേറി

മാന്നാനം: ലാസ്യ താള രാഗങ്ങളുടെ അരങ്ങുണർന്നു. കെഇ സ്കൂളിലെ വേദികളിൽ കൗമാരം കലയുടെ പീലിവിടർത്തിയാടി. എഎസ്ഐഎസ്‌സി കേരള റീജൺ കലോത്സവത്തിന് കൊടിയേറി. മാന്നാനം കെഇ സ്കൂൾ ആതിഥേയത്വം വഹിക്കുന്ന കലോത്സവം ‘രംഗോത്സവ് 2025’ ചലച്ചിത്ര നടനും തിരക്കഥാകൃത്തുമായ ഡോ. റോണി ഡേവിഡ് ഉദ്ഘാടനം ചെയ്തു. എഎസ്ഐഎസ്‌സി കേരള റീജൺ പ്രസിഡന്‍റ് റവ. ഡോ. സിൽവി ആന്‍റണി അധ്യക്ഷത വഹിച്ചു. മാന്നാനം സെന്‍റ് ജോസഫ്സ് ആശ്രമം പ്രിയോർ റവ. ഡോ. കുര്യൻ ചാലങ്ങാടി സിഎംഐ, കേരള റീജൺ സെക്രട്ടറിയും കെഇ സ്കൂൾ പ്രിൻസിപ്പലുമായ റവ. ഡോ. ജയിംസ് മുല്ലശേരി സിഎംഐ, റീജണൽ കലോത്സവം പ്രിൻസിപ്പൽ കോ ഓർഡിനേറ്റർ ഫാ. ഷിനോ കളപ്പുരയ്ക്കൽ, പിടിഎ വൈസ് പ്രസിഡന്‍റ് ഡോ. ഇന്ദു പി. നായർ തുടങ്ങിയവർ സന്നിഹിതരായിരുന്നു. തീം ഡാൻസ്, നാടോടി നൃത്തം, സംഘനൃത്തം, ലളിതഗാനം, പ്രസംഗം, പദ്യപാരായണം, കുച്ചുപ്പുടി, ഭരതനാട്യം, മോഹിനിയാട്ടം, ശാസ്ത്രീയ സംഗീതം തുടങ്ങിയ ഇനങ്ങളിൽ ഇന്നലെ മത്സരം നടന്നു. കലോത്സവം ഇന്ന് സമാപിക്കും വൈകുന്നേരം നടക്കുന്ന ചടങ്ങിൽ സിഎംഐ സഭയുടെ തിരുവനന്തപുരം പ്രൊവിൻഷ്യൽ ഫാ. ആന്‍റണി ഇളന്തോട്ടം സമ്മാനദാനം നിർവഹിക്കും. സെന്‍റ് മേരീസും ഹരിശ്രീയും മുന്നിൽ ആദ്യ ദിവസത്തെ മത്സരങ്ങൾ പൂർത്തിയായപ്പോൾ കാറ്റഗറി മൂന്നിൽ സെന്‍റ് മേരീസ് ഇംഗ്ലീഷ് മീഡിയം സ്കൂൾ കോഴിക്കോടും കാറ്റഗറി നാലിലും അഞ്ചിലും ഹരിശ്രീ വിദ്യാനിധി സ്കൂൾ തൃശൂരും പോയിന്‍റ് നിലയിൽ മുന്നിട്ടുനിൽക്കുന്നു.

റവന്യൂ ജില്ലാ സ്കൂൾ കായികമേള : ബഹുദൂരം പയ്യന്നൂർ

തലശേരി: റവന്യൂ ജില്ലാ സ്കൂൾ കായികമേളയുടെ രണ്ടാം ദിനം 68 മത്സരങ്ങൾ പൂർത്തിയായപ്പോൾ 152 പോയിന്‍റുമായി പയ്യന്നൂർ ഉപജില്ല ബഹൂദൂരം മുന്നിൽ. 61.25 പോയിന്‍റുമായി മട്ടന്നൂർ ഉപജില്ല രണ്ടാം സ്ഥാനത്തും 53 പോയിന്‍റുമായി ഇരിക്കൂർ മൂന്നാം സ്ഥാനത്തുമുണ്ട്. 48 പോയിന്‍റുള്ള ഇരിട്ടി ഉപജില്ലയാണ് നാലാം സ്ഥാനത്ത്. രണ്ടാം ദിനവും ആറ് മീറ്റ് റിക്കാർഡുകൾ പിറന്നു. സബ് ജൂണിയര്‍ വിഭാഗം പെണ്‍കുട്ടികളുടെ ഷോട്ട്പുട്ടിൽ മമ്പറം എച്ച്എസ്എസിലെ എട്ടാം ക്ലാസ് വിദ്യാര്‍ഥി ബി.കെ. അന്‍വിക 11.6 മീറ്റര്‍ എറിഞ്ഞാണ് റിക്കാര്‍ഡ് തകര്‍ത്തത്. 2023 ല്‍ മട്ടന്നൂര്‍ എച്ച്എസ്എസിലെ ലാസിമ റഷീദിന്‍റെ 8.69 എന്ന മീറ്റ് റിക്കാർഡ് ആണ് അന്‍വിക പഴങ്കഥയാക്കിയത്. കഴിഞ്ഞവര്‍ഷം സംസ്ഥാനതലത്തില്‍ ഷോട്ട് പുട്ടില്‍ അന്‍വിക സ്വർണം നേടിയിരുന്നു. കുന്നിരിക്ക ചോല വീട്ടില്‍ രാജേഷ് -സജിന ദമ്പതികളുടെ മകളാണ്. ഇന്ന് നടക്കുന്ന ഡിസ്‌കസ് ത്രോ മത്സരത്തിലും അന്‍വിക പങ്കെടുക്കുന്നുണ്ട്. ജൂണിയര്‍ ഗേള്‍സ് ഷോട്ട് പുട്ട് മത്സരത്തില്‍ മട്ടന്നൂര്‍ എച്ച്എസ്എസിലെ പത്താം ക്ലാസ് വിദ്യാര്‍ഥിനി ലാസിമ റഷീദ് റിക്കാർഡ് കു റിച്ചു. 10.33 മീറ്റര്‍ എറിഞ്ഞ് മണിക്കടവ് സെന്‍റ് തോമസ് എച്ച് എസ്എസിലെ എസ്. നിവേദ്യയുടെ 2023 ലെ 10.20 മീറ്റര്‍ എന്ന റിക്കാര്‍ഡാണ് ലാസിമ മറികടന്നത്. ജൂണിയര്‍ ഗേള്‍സ് 100 മീറ്റര്‍ ഓട്ടത്തില്‍ തലശേരി സായിയിലെ ടി.പി. മിഥുന 12.32 സെക്കൻഡില്‍ മീറ്റ് റിക്കാർഡ് മറികടന്നു. സായിയിലെ ഇവാന ടോമിയുടെ 12.63 എന്ന മീറ്റ് റിക്കാര്‍ഡാണ് മറികടന്നത്. ജൂണിയര്‍ ബോയ്സ് 110 മീറ്റര്‍ ഹർഡില്‍സില്‍ കരിവെള്ളൂര്‍ എവിഎസ് ഗവ.ഹയര്‍ സെക്കൻഡറി സ്‌കൂളിലെ കെ. അഭിനവ് 14.87 സെക്കൻഡില്‍ 2024 ലെ അല്‍വിന്‍ സന്തോഷിന്‍റെ 16.09 സെക്കൻഡ് റിക്കാർഡ് മറികടന്നു. ജൂണിയര്‍ ഗേള്‍സിന്‍റെ 100 മീറ്റര്‍ ഹർഡില്‍സില്‍ കണ്ണൂര്‍ ഗവ. വിഎച്ച്എസ്എസ് സ്‌പോര്‍ട്‌സിലെ പ്ലസ് വണ്‍ വിദ്യാര്‍ഥിനി ടി.വി. ദേവശ്രീ സ്വന്തം റിക്കാര്‍ഡ് മറികടന്നു. 2024 ല്‍ തന്‍റെ തന്നെ റിക്കാഡായ 15.83 സെക്കൻഡാണ് മറികടന്നത്. ജൂണിയര്‍ ഗേള്‍സ് ഹാമര്‍ ത്രോ മത്സരത്തില്‍ മണക്കടവ് സെന്‍റ് തോമസ് ഹൈസ്‌കൂളിലെ റോസ് മരിയ ജോണിക്കുട്ടി 33.55 മീറ്റര്‍ എറിഞ്ഞ് സെന്‍റ് തോമസ് എച്ച്എസ്എസിലെ എം.എസ്. നിവേദിത യുടെ 2024 ലെ 33.33 മീറ്റര്‍ എന്ന മീറ്റ് റിക്കാർഡ് മറികടന്നു. മൂന്നു ദിവസമായി നടക്കുന്ന കായിക മേള ഇന്ന് സമാപിക്കും. മഴയില്ലാതെ നല്ല കാലാവസ്ഥയിലായിരുന്നു രണ്ടാം ദിനം കടന്നുപോയത്. നൂറു മീറ്റർ ഓട്ടം, ഹർഡിൽസ്, ഷോട്ട് പുട്ട്, ജാവലിൽ ത്രോ, പോൾ വാൾട്ട് മത്സരങ്ങൾ രണ്ടാം ദിനം ശ്രദ്ധേയമായിരുന്നു. മഴ മൂലം നിർത്തിവച്ച ജൂണിയർ ഗേൾസിന്‍റെ ഹൈജംപ് മത്സരവും ഇന്നലെ നടന്നിരുന്നു.

കണ്ണൂർ റവന്യു ജില്ലാ സ്കൂൾ കായികമേള : ആദ്യദിനം പയ്യന്നൂരിന്‍റ കുതിപ്പ്

നവാസ് മേത്തർ തലശേരി: കണ്ണൂർ റവന്യു ജില്ലാ സ്കൂൾ കായികമേളയുടെ ആദ്യദിനം പയ്യന്നൂര്‍ ഉപജില്ലയുടെ കുതിപ്പ്. 77 പോയിന്‍റുകള്‍ നേടിയാണ് പയ്യന്നൂർ മുന്നിട്ടുനില്ക്കുന്നത്. തൊട്ടുപിറകില്‍ 37.25 പോയിന്‍റുമായി മട്ടന്നൂര്‍ ഉപജില്ല രണ്ടാം സ്ഥാനത്തും 27 പോയിന്‍റുമായി തലശേരി സൗത്ത് മൂന്നാം സ്ഥാനത്തുമുണ്ട്. 26 പോയിന്‍റുള്ള കണ്ണൂര്‍ നോര്‍ത്താണ് നാലാം സ്ഥാനത്ത്. ഉച്ചകഴിഞ്ഞ് പെയ്ത മഴയെ തുടർന്ന് ജൂണിയർ ഗേൾസ് ഹൈംജംപ് മാറ്റി. മീറ്റ് റിക്കാർഡുകൾ ആദ്യദിനം മീറ്റ് റിക്കാർഡുകൾക്കും കുറവുണ്ടായില്ല. ഇന്നലെ ആറ് മീറ്റ് റിക്കാർഡുകളാണ് പിറന്നത്. അഞ്ചെണ്ണം വ്യക്തി ഗത ഇനത്തിലായിരുന്നുവെങ്കിൽ ഒരു റിക്കാർഡ് റിലേയിലായിരുന്നു. ജൂണിയര്‍ ബോയ്‌സ് ഷോട്ട്പുട്ടില്‍ കോളയാട് സെന്‍റ് കൊര്‍ണേലിയൂസ് എച്ച്എസ്എസിലെ എട്ടാംക്ലാസ് വിദ്യാര്‍ഥി നിഷാല്‍ വി. ചന്ദ്രനാണ് 9.58 മീറ്റര്‍ എറിഞ്ഞ് സ്വര്‍ണം നേടിയത്. ചെമ്പേരി നിര്‍മല എച്ച്എസ്എസ് വിദ്യാര്‍ഥി ജെറോല്‍ ജോസ് കഴിഞ്ഞ വര്‍ഷം നേടിയ 9.53 റിക്കാർഡാണ് നിഷാല്‍ തകര്‍ത്തത്. സീനിയര്‍ ബോയ്‌സ് ലോംഗ് ജംപില്‍ അഞ്ചരക്കരണ്ടി എച്ച്എസ്എസിലെ പ്ലസ്ടു വിദ്യാര്‍ഥി സി. ശിവദത്ത് 6.67 മീറ്റര്‍ ചാടി 2023 ല്‍ മട്ടന്നൂര്‍ എച്ച്എസ്എസ് വിദ്യാര്‍ഥി വി.എം വിഷ്ണുവിന്‍റെ 6.39 എന്ന റിക്കാർഡ് തകര്‍ത്തു. സീനിയര്‍ ബോയ്‌സ് 400 മീറ്റര്‍ ഓട്ടത്തില്‍ തോട്ടട എസ്എന്‍ ട്രസ്റ്റ് എച്ച്എസ്എസിലെ സംഗീര്‍ഥ് വിനോദ് മീറ്റ് റിക്കാർഡിട്ടു. 49.75 സെക്കന്‍റിലാണ് റിക്കാർഡ്. 2017ല്‍ എളയാവൂര്‍ സിഎച്ച്എംഎച്ച്എസ്എസിലെ പി.ജി. അഭിലാഷിന്‍റെ 52.09 സെക്കന്‍ഡ് റിക്കാർഡാണ് മറികടന്നത്. ജൂണിയര്‍ ബോയ്‌സ് 400 മീറ്ററില്‍ കരിവെള്ളൂര്‍ എവിഎസ് ഗവ. എച്ച്എസ്എസിലെ കെ. അഭിനവ് 52. 20 സെക്കന്‍റില്‍ ഓടിയെത്തി റിക്കാർഡിട്ടു. 2017ല്‍ എളയാവൂര്‍ സിഎച്ച്എം എച്ച്എസ്എസിലെ മുഹമ്മദ് ഷഹലിന്‍റെ 52.46 സെക്കന്‍റാണ് തകര്‍ത്തത്. ജൂണിയര്‍ ഗേള്‍സ് 400 മീറ്റര്‍ ഓട്ടത്തില്‍ തലശേരി സായിയിലെ ഇവാന ടോമി 57.50 സെക്കന്‍റില്‍ 2024 ലെ 59.53 സെക്കന്‍റ് എന്ന സ്വന്തം റിക്കാർഡ് മറികടന്നു. ജൂണിയര്‍ ഗേള്‍സ് വിഭാഗത്തില്‍ 4x100 മീറ്റര്‍ റിലേ മത്സരത്തില്‍ 55.41 സെക്കന്‍റില്‍ തലശേരി സൗത്ത് ഉപജില്ല മീറ്റ് റിക്കാർഡിട്ടു. 2009 ല്‍ ഇരിട്ടി ഉപജില്ലയുടെ 56.50 സെക്കന്‍റ് എന്ന റിക്കാർഡാണ് മറികടന്നത്. തലശേരി സെന്‍റ് ജോസഫ് എച്ചഎസ്എസിലെ കെ. ശ്രീനന്ദ, ഗവ. ടൗണ്‍ എച്ച്എസ്എസിലെ എവ്‌ലിന്‍ മരിയ ചെറിയാന്‍, തിരുവങ്ങാട് എച്ച്എസ്എസിലെ എന്‍. വി. നിരഞ്ചന, കൊടുവള്ളി ഗവ. വൊക്കേഷന്‍ എച്ച്എസ്എസിലെ അമയാ സുനില്‍ എന്നിവരാണ് ടീമുണ്ടായിരുന്നത്. കായികതാരങ്ങളായ കുട്ടികൾക്ക് ഷൂസുകൾ ഉറപ്പാക്കണം: സ്പീക്കർ കണ്ണൂർ: കായികമേളകളിൽ പങ്കെടുക്കുന്ന കുട്ടികൾക്ക് ഷൂസുകൾ ബന്ധപ്പെട്ടവർ ഉറപ്പാക്കണമെന്ന് സ്പീക്കർ എ.എൻ. ഷംസീർ. കണ്ണൂർ റവന്യു ജില്ലാ കായികമേള തലശേരി വി.ആർ. കൃഷ്ണയ്യർ മെമ്മോറിയൽ മുനിസിപ്പൽ സ്റ്റേഡിയത്തിൽ ‌ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പല കുട്ടികളും സാന്പത്തീക കാരണങ്ങളാൽ ഷൂസുകളില്ലാതെ നഗ്നപാദരായാണ് മത്സരിക്കുന്നത്. അത്തരം സാഹചര്യങ്ങളിൽ പിടിഎ മുൻകൈ എടുത്ത് ഷൂസുകൾ വാങ്ങി നൽകണം. ഇത്തരം നടപടികൾക്ക് ആവശ്യമായ മാർഗനിർദേശം ജില്ലാ വിദ്യാഭ്യാസ വകുപ്പിന്‍റെ ഭാഗത്ത് നിന്ന് ഉണ്ടാകണം.

കഴിഞ്ഞ ദിവസം സ്റ്റേഡിയത്തിൽ നടന്ന മട്ടന്നൂർ ഉപജില്ലാ കായികമേളയിൽ നഗ്നപാദരായി മത്സരിക്കാനെത്തിയ കുട്ടികൾക്ക് കാലിന് പൊള്ളലേറ്റ സാഹചര്യം ദയനീയമാണ്. ഇത്തരം കാര്യങ്ങൾ ആവർത്തിക്കാതിരിക്കാനുള്ള നടപടികൾ അത്യാവശ്യമാണെന്നും സ്പീക്കർ പറഞ്ഞു. തലശേരി മുനിസിപ്പൽ ചെയർപേഴ്സൺ കെ. ജമുനാറാണി അധ്യക്ഷത വഹിച്ചു. കണ്ണൂർ ഡിഡിഇ ഡി. ഷൈനി പതാക ഉയർത്തി. 15 ഉപജില്ലകളിൽ നിന്നും തലശേരി സായി സെന്‍റർ, കണ്ണൂർ സ്പോർട്സ് ഡിവിഷൻ എന്നിവിടങ്ങളിൽ നിന്നുമുള്ള 2600 കായിക താരങ്ങളാണ് ജില്ലാ കായികമേളയിൽ മാറ്റുരയ്ക്കുന്നത്. മൂന്നു ദിവസങ്ങളിലായി 98 ഇനങ്ങളിലാണ് മത്സരങ്ങൾ. ഉദ്ഘാടന ചടങ്ങിൽ ഹയര്‍സെക്കന്‍ഡറി ആര്‍ഡിഡി എ.കെ വിനോദ്കുമാർ, തലശേരി മുനിസിപ്പൽ സ്റ്റാൻഡിംഗ് കമ്മിറ്റി ചെയർപേഴ്സൺമാരായ ശബാന ഷാനവാസ്, ടി.കെ. സാഹിറ, റിസപ്ഷന്‍ കമ്മിറ്റി കണ്‍വീനര്‍ കെ. റസാഖ് എന്നിവർ പ്രസംഗിച്ചു. കായികാധ്യാപകരുടെ പ്രതിഷേധം

തലശേരി: നിസഹകരണ സമരത്തിന്‍റെ ഭാഗമായി കായികമേള ഗ്രൗണ്ടിൽ കായികാധ്യാപകരുടെ പ്രതിഷേധം. കായികാധ്യാപകരുടെ സംരക്ഷണ ഉത്തരവ് പുനഃസ്ഥാപിക്കുക, കായികമേള നടത്തിപ്പുമായി ബന്ധപ്പെട്ട് കായികാധ്യപകർക്ക് ലഭിക്കാനുള്ള കുടിശിക നൽകുക, തുടങ്ങിയ ആവശ്യങ്ങൾ ഉന്നയിച്ച് കായികാധ്യാപകർ നടത്തി വരുന്ന നിസഹകരണ സമരത്തിന്‍റെ ഭാഗമായാണ് പ്രതിഷേധിച്ചത്. കെപിഎസ്പിടിഎ സംസ്ഥാന സെക്രട്ടറി പി.പി. ഉദയകുമാര്‍ ഉദ്ഘാടനം ചെയ്തു. തിളങ്ങി ഇവാന തലശേരി: സ്വന്തം റിക്കാര്‍ഡ് തിരുത്തിയെഴുതി തലശേരി സായിയിലെ ഇവാന ടോമി തിളങ്ങി. ജൂണിയര്‍ പെണ്‍കുട്ടികളുടെ 400 മീറ്റര്‍ ഓട്ടത്തിലാണ് നേട്ടം. കഴിഞ്ഞവട്ടം 0.59 സെക്കന്‍റിനുള്ളില്‍ ഓടിയെത്തിയാണ് റിക്കാർഡിട്ടതെങ്കില്‍ ഇത്തവണ 0.57 സെക്കന്‍റിനുള്ളിലാണ് ഓടിത്തീര്‍ത്തത്. കഴിഞ്ഞ തവണ 100 മീറ്റിലും റിക്കാര്‍ഡ് ഇവാനയ്ക്കായിരുന്നു. 800 മീറ്ററില്‍ സ്വര്‍ണവും നേടി. തുടര്‍ന്നുള്ള ദിവസങ്ങളില്‍ 100, 200 മീറ്റര്‍ മത്സരങ്ങളില്‍ മത്സരിക്കും. പടിയൂര്‍ കല്യാട് തിരൂരിലെ നിരപ്പേല്‍ എന്‍.ടി. ടോമി - ബിന്ദു ഫ്രാന്‍സിസ് ദന്പതികളുടെ മകളാണ്. സഹോദരന്‍ ഐവിന്‍ ടോമി.

ഉളിക്കൽ പഞ്ചായത്ത് എൻജി. വിഭാഗത്തിൽ വിജിലൻസ് റെയ്ഡ്; വെട്ടിപ്പുകൾ വ്യാപകം

ഉളിക്കൽ: ഉളിക്കൽ പഞ്ചായത്ത് എൻജിനിയറിംഗ് വിഭാഗത്തിൽ വിജിലൻസ് നടത്തിയ പരിശോധനയിൽ ലക്ഷങ്ങളുടെ ക്രമക്കേട് കണ്ടെത്തി. കരാറുകാരിൽനിന്ന് ഗൂഗിൾപേ വഴിയും അല്ലാതെയും ലക്ഷക്കണക്കിന് രൂപ ഉദ്യോഗസ്ഥർ കൈപ്പറ്റിയതിന്‍റെ തെളിവ് വിജിലൻസിന് ലഭിച്ചു . നാലു കരാറുകാരുടെ അക്കൗണ്ടിൽനിന്ന് ഓവർസിയർ, താത്കാലിക ക്ലാർക്ക് എന്നിവരുടെ അക്കൗണ്ടിലേക്ക് ഗൂഗിൾപേ വഴി പണം അയച്ചതായും ഇവർ മറ്റു ജീവനക്കാരുടെ അക്കൗണ്ടുകളി ലേക്ക് തുക മാറ്റിയതായും കണ്ടെത്തി എന്നാണ് അന്വേഷണ ഉദ്യോഗസ്ഥൻ വെളിപ്പെടുത്തുന്നത്. ക്രമക്കേട് നടത്തിയ ഉദ്യോഗസ്ഥരുടെ ആറുമാസത്തെ ഗൂഗിൾ പേ കണക്കുകൾ പരിശോധിച്ചതി ലാണ് വൻ ക്രമക്കേടുകൾ കണ്ടെത്തിയത്. ഒരു കരാറുകാരൻ മാത്രം 1.50 ലക്ഷത്തിലധികം രൂപ ഗൂഗിൾ പേ വഴി കൈമാറിയിട്ടുണ്ടെന്നാണ് ലഭിക്കുന്ന വിവരം. കൂടുതൽ പരിശോധന നടത്തിയാൽ മാത്രമേ കൃത്യമായ കണക്ക് ലഭിക്കുകയുള്ളൂ. പരിശോധന വരും ദിവസങ്ങളിലും തുടരും. ആറു മാസത്തെ കണക്കുകൾ പരിശോധിച്ചതിലാണ് വലിയ ക്രമക്കേടുകൾ കണ്ടെത്തിയത്. ഓവർസിയർക്ക് എതിരേ ലഭിച്ച പരാതിയിലാണ് അന്വേഷണം നടത്തിയത്. കണ്ണൂർ കോർപറേഷൻ എടക്കാട് സോണൽ ഓഫീസ് എൻജിനിയറിംഗ് വിഭാഗത്തിലെ വനിതാ ജീവനക്കാരി ഇത്തരത്തിൽ കരാറുകാരിൽനിന്നും ഗൂഗിൾ പേ വഴി വലിയ തുക കൈപ്പറ്റിയത് വിജിലൻസ് കണ്ടെത്തിയിരുന്നു. ‌വളപട്ടണം റിട്ട. ഗ്രേഡ് എഎസ് ഐ ആയിരുന്ന വ്യക്തി മണൽ കടത്തുകാരിൽ നിന്നുൾപ്പെടെ വലിയ തുക കൈപ്പറ്റിയിരുന്നതായും വിജിലൻസ് കണ്ടെത്തി കേസ് എടുത്തിട്ടുണ്ട്. ഉദ്യോഗസ്ഥരുടെ ഗൂഗിൾ പേ അക്കൗണ്ടുകൾ കേന്ദ്രീകരിച്ചുള്ള തട്ടിപ്പ് കണ്ടെത്തിയതോടെ സംശയ നിഴലിലുള്ള വരെ കേന്ദ്രീകരിച്ചും വിജിലൻസ് അന്വേഷണം നടത്തുന്നുണ്ട്. ഉളിക്കലിൽ പ്രാഥമിക അന്വേഷണത്തിൽ തന്നെ ഉദ്യോഗസ്ഥർ രണ്ടുപേർ കുറ്റക്കാരാണെന്ന് തെളിഞ്ഞതോടെ കൂടുതൽ അന്വേഷണം നടത്തി ഇവർക്കെതിരേ അഴിമതി നിരോധന നിയമപ്രകാരം കേസ് രജിസ്റ്റർ ചെയ്യുമെന്നാണ് വിജിലൻസ് അധികൃതർ പറയുന്നത്. വിജിലൻസ് ഇൻസ്പെക്‌ടർ സി. ഷാജു, എഎസ്ഐ ശ്രീജിത്ത്, ഷിൻജു, സന്തോഷ്, ഗസറ്റഡ് ഓഫീസർ പയ്യന്നൂർ ബ്ലോക്ക് പഞ്ചായത്ത് എഇ അനിൽകുമാർ എന്നിവരുടെ നേതൃത്വത്തിലാണ് പരിശോധന നടത്തിയത്. ഉദ്യോഗസ്ഥരുടെ അഴിമതിയുമായി ബന്ധപ്പെട്ട പൊതുജനങ്ങളുടെ പരാതികൾ അറിയിക്കേണ്ട നമ്പർ : 0497 2707778 .

കൈത്തറി മേഖലയിൽ രണ്ടാഴ്ചക്കകം ടാസ്‌ക് ഫോഴ്‌സ് രൂപീകരിക്കും: മന്ത്രി പി. രാജീവ്

കണ്ണൂർ: കൈത്തറി മേഖലയിൽ ഉത്പാദനം മുതൽ വിപണനം വരെ ആധുനികവത്കരിക്കേണ്ടത് അനിവാര്യമണെന്നിരിക്കെ ഇതിനായി ഹാൻഡ്‌ലൂം ടാസ്ക് ഫോഴ്സ് രൂപീകരിക്കുമെന്ന് മന്ത്രി പി. രാജീവ്. കണ്ണൂരിൽ നടന്ന സംസ്ഥാന കൈത്തറി കോൺക്ലേവിലെ ചർച്ചകൾക്ക് ശേഷം സംസാരിക്കുകയായിരുന്നു മന്ത്രി. ഉത്പാദനം, ഡിസൈന്‍, ഫിനാൻസ്, മാര്‍ക്കറ്റിംഗ്, സാങ്കേതികവിദ്യ എന്നിങ്ങനെയുള്ള മേഖലകളിൽ കാലോചിതമായ മാറ്റങ്ങൾ വരുത്തുന്നതിന് ടാസ്ക് ഫോഴ്സ് നേതൃത്വം നൽകും. സഹകരണസംഘം തൊഴിലാളികള്‍ക്ക് എല്ലാ മാസവും സ്‌കൂള്‍ യൂണിഫോം തുണിയുടെ കൂലി ലഭിക്കുമെന്ന് ഉറപ്പുവരുത്താന്‍ റിവോള്‍വിംഗ് ഫണ്ട് ആരംഭിക്കുമെന്നും മന്ത്രി പറഞ്ഞു. പ്രീമിയം ഉത്പന്നങ്ങൾ നിർമിക്കാൻ സൗകര്യമുള്ള സഹകരണസംഘങ്ങളെ തെരഞ്ഞെടുത്ത് അവർക്ക് ആവശ്യമായ സാങ്കേതിക സാന്പത്തിക പിന്തുണ നൽകും.ഡിസൈന്‍ കാലോചിതമായി പരിഷ്‌കരിക്കുന്നതിന് വിദഗ്ധരുടെ സഹായം ഉറപ്പുവരുത്തും. കേരള കൈത്തറി ബ്രാന്‍ഡ് വിപുലപ്പെടുത്തുമെന്നും. ഭൗമസൂചിക ഉത്പന്നങ്ങളുടെ രജിസ്‌ട്രേഷന്‍ പൂര്‍ത്തീകരിക്കുമെന്നും മന്ത്രി പറഞ്ഞു. രാവിലെ നടന്ന കോൺക്ലേവിന്‍റെ ഉദ്ഘാടനം മ ന്ത്രി പി. രാജീവ് നിർവഹിച്ചു. കെ.വി. സുമേഷ് എംഎൽഎ അധ്യക്ഷത വഹിച്ചു. എംഎൽഎമാരായ കെ.കെ. ശൈലജ , എം. വിജിൻ, വ്യവസായ വകുപ്പ് പ്രിൻസിപ്പൽ സെക്രട്ടറി എ.പി.എം. മുഹമ്മദ് ഹനീഷ്, ഇൻഡസ്ട്രീസ് ആൻഡ് കയർ വികസന ഡയറക്ടർ ആനി ജൂല തോമസ്, കൈത്തറി വസ്ത്ര ഡയറക്ടർ ഡോ. കെ.എസ്. കൃപകുമാർ, സംഘാടകസമിതി ചെയർമാൻ ടി.കെ. ഗോവിന്ദൻ, പത്മശ്രീ ജേതാവ് പി. ഗോപിനാഥൻ, കൈത്തറി തൊഴിലാളി യൂനിയൻ നേതാക്കളായ അരക്കൻ ബാലൻ, താവം ബാലകൃഷ്ണൻ, യു.കെ ജലജ, ടി.വി സുധ പങ്കെടുത്തു. സമാപന സമ്മേളനം നിയമസഭാ സ്പീക്കര്‍ എ. എന്‍. ഷംസീര്‍ ഉദ്ഘാടനം ചെയ്തു.

കെസിവൈഎം "ചിറക് കർമപദ്ധതി' വിതരണോദ്ഘാടനം

മാടത്തിൽ: കെസിവൈഎം-എസ്എംവൈഎം തലശേരി അതിരൂപത സമിതിയുടെ 2025-26 വർഷത്തെ "ചിറക് കർമപദ്ധതി'യുടെ വിതരണോദ്ഘാടനവും ഓൺലൈൻ പതിപ്പിന്‍റെ പ്രകാശനവും മാടത്തിൽ സെന്‍റ് സെബാസ്റ്റ്യൻസ് ഇടവക ഓഡിറ്റോറിയത്തിൽ നടന്നു. ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ട് കെസിവൈഎം അതിരൂപത പ്രസിഡന്‍റ് അബിൻ വടക്കേക്കരയ്ക്ക് കർമപദ്ധതി നൽകി ഉദ്ഘാടനം നിർവഹിച്ചു. അതിരൂപത ഡയറക്ടർ ഫാ.അഖിൽ മാത്യു മുക്കുഴി, അതിരൂപത ട്രഷറർ ബിബിൻ പീടിയേക്കൽ, കുന്നോത്ത് ഫൊറോന ഡയറക്ടർ ഫാ. ജിൽബർട്ട് കൊന്നയിൽ, ഫൊറോന പ്രസിഡന്‍റ് അമൽ എഴുവന്താനത്ത് എന്നിവർ പ്രസംഗിച്ചു. കർമപദ്ധതിയിൽ ഉൾപ്പെടുത്തിയിട്ടുള്ള ഇഡബ്ല്യുഎസ് ആനുകൂല്യങ്ങൾ, ന്യൂനപക്ഷ ക്ഷേമ വകുപ്പ് നൽകുന്ന ലോണുകൾ, സ്കോളർഷിപ്പുകൾ എന്നിവ സംബന്ധിച്ച വിവരങ്ങൾ കൂടുതൽ ആളുകളിലേക്ക് എത്തിക്കാനാണ് ഓൺലൈൻ പതിപ്പ് ലക്ഷ്യമിടുന്നതെന്ന് പ്രകാശനം നിർവഹിക്കവെ മാർ ജോർജ് ഞറളക്കാട്ട് പറഞ്ഞു.

ഓടുന്നതിനിടെ ഓമ്നി വാൻ കത്തിനശിച്ചു

കണ്ണൂർ: ഓടുന്നതിനിടെ തീപിടിച്ച ഓമ്നി വാൻ കത്തിനശിച്ചു. വാൻ ഓടിച്ചയാൾ അത്ഭുതകരമായി രക്ഷപ്പെട്ടു. ഇന്നലെ രാത്രി 8.30 ഓടെ എസ്എൻ പാർക്കിനടുത്താണ് സംഭവം. വാൻ പൂർണമായും കത്തി നശിച്ചു. സവോയ് ഹോട്ടലിനടുത്ത് റോഡരികിൽ നിർത്തിയിട്ട വാൻ മുന്നോട്ടെടുക്കുന്നതിനിടയിൽ തീ കണ്ടതിനെ തുടർന്ന് വാഹനം ഓടിച്ച പടന്നപ്പാലത്തെ ദേവദാസ് ഇറങ്ങിയോടുകയായിരുന്നു. നിമിഷങ്ങൾക്കുള്ളിൽ തീ ആളിപടരുകയായിരുന്നു. അഗ്നിരക്ഷാ സേന എത്തിയാണ് തീ അണച്ചത്. സമീപത്തെ മിൽമ ബൂത്തിലെ ജീവനക്കാരനായ ദേവദാസിന്‍റേതാണ് കത്തിനശിച്ച ഓമ്നി വാൻ. അഗ്നിശമന സേന യഥാസമയം എത്തി തീയണച്ചതിനാൽ സമീപത്ത് നിർത്തിയിട്ടിരുന്ന മറ്റ് വാഹനങ്ങൾക്ക് തീ പടരാതെ നിയന്ത്രിക്കാനായി. സീനിയർ ഫയർ റെസ്ക്യൂ ഓഫീസർ സിനോജ്, ഉദ്യോഗസ്ഥരായ രാജേഷ്, വിപിൻ ഉണ്ണികൃഷ്ണൻ, മിഥുൻ എസ് നായർ, ശ്രീജേഷ്, ഗിരീഷ് കുമാർ എന്നിവർ ചേർന്നാണ് തീയണച്ചത്.

മാനസികാരോഗ്യ ദിനാചരണം സംഘടിപ്പിച്ചു

കണ്ണൂർ: എംഎസ്എംഐ നവദർശൻ ഫാമിലി റിന്യൂവൽ ആൻഡ് സോഷ്യൽ വെൽഫെയർ സെന്‍ററിന്‍റെ ആഭിമുഖ്യത്തിൽ PsyNova 2K25' എന്ന പരിൽ അന്താരാഷ്‌‌ട്ര മാനസികാരോഗ്യ ദിനാചരണം സംഘടിപ്പിച്ചു. എംവിആർ ഗ്രൂപ്പ് ഓഫ് ഇൻസ്റ്റിറ്റ്യൂഷൻ ഡയറക്ടർ പ്രഫ. ഇ. കുഞ്ഞിരാമൻ ഉദ്ഘാടനം ചെയ്തു. കണ്ണൂർ, കാസർഗോഡ് ജില്ലകളിലെ വിവിധ കോളജുകളിൽ നിന്നുള്ള 70 വിദ്യാർഥികൾ ടാബ്ലോ, ഫേസ് പെയിന്‍റിംഗ്, റീൽ മേക്കിംഗ് തുടങ്ങിയ വിവിധ മത്സരങ്ങളിൽ പങ്കെടുത്തു. സെന്‍റർ ഡയറക്ടർ സിസ്റ്റർ ഡോ. ഡിവിന ജോസഫ് എംഎസ്എംഐ അധ്യക്ഷത വഹിച്ചു. തലശേരി അതിരൂപത വൈസ് ചാൻസലർ ഫാ. ജോസഫ് റാത്തപ്പള്ളിൽ മുഖ്യപ്രഭാഷണം നടത്തി. കണ്ണൂർ ദീപിക റസിഡന്‍റ് മാനേജർ ഫാ. ജോബിൻ വലിയപറമ്പിൽ, ഗെയിൽ ഡപ്യൂട്ടി മാനേജർ ജോർജ് ആന്‍റണി, സിസ്റ്റർ ജസ്ന വർഗീസ് എംഎസ്എംഐ, സിസ്റ്റർ ആൻ മരിയ എംഎസ്എംഐ എന്നിവർ പ്രസംഗിച്ചു. എംഎസ്എംഐ സാൻ ജോർജിയ സ്പെഷൽ സ്കൂളിലെ കുട്ടികളുടെ സംഘനൃത്തവും ഉണ്ടായിരുന്നു. വിവിധ മത്സരങ്ങളിലെ വിജയികൾ ചുവടെ. ഒന്ന്, രണ്ട്, മൂന്ന് സ്ഥാനങ്ങൾ നേടിയവർ യഥാക്രമം : ടാബ്ലോ: കനോസ കോളജ് ഓഫ് നഴ്സിംഗ് (ചെറുകുന്ന്), ഗോൾഡൻ ക്രോസ് കോളജ് ഓഫ് ഡിസൈൻ (കണ്ണൂർ), പീപ്പിൾസ് കോ-ഓപ്പറേറ്റീവ് ആർട്സ് ആൻഡ് സയൻസ് കോളജ് (മുന്നാട്). ഫേസ് പെയിന്‍റിംഗ് : വിറാസ് കോളജ് (പിലാത്തറ), ഗോൾഡൻ ക്രോസ് കോളജ് ഓഫ് ഡിസൈൻ (കണ്ണൂർ), കെഎംഎംജിഡബ്ല്യു കോളജ് (കണ്ണൂർ) .

സിഐടിയു റെയിൽവേ സ്റ്റേഷൻ മാർച്ച് നടത്തി

കണ്ണൂർ: കണ്ണൂർ, കാസർഗോഡ് ജില്ലകളിലെ ഇഎസ്ഐ അംഗങ്ങളും കുടുംബങ്ങളും ആശ്രയിക്കുന്ന തോട്ടട ഇഎസ്ഐ ആശുപത്രി സൂപ്പർ സെപ്ഷാലിറ്റിയാക്കി ഉയർത്തുക, ഇഎസ്ഐ ഡിസ്പെൻസറികളിൽ ആവശ്യമായ ഡോക്ടർമാരെയും ജീവനക്കാരെയും നിയമിക്കു, ആവശ്യത്തിനുള്ള മരുന്നുകൾ ലഭ്യമാക്കുക തുടങ്ങിയ ആവശ്യങ്ങൾ ഉന്നയിച്ച് സിഐടിയുവിന്‍റെ നേതൃത്വത്തിൽ കണ്ണൂർ റെയിൽവേ സ്റ്റേഷന്‍ മാർച്ച് നടത്തി. സിഐടിയു സംസ്ഥാന സെക്രട്ടറി കെ.പി. സഹദേവൻ ഉദ്ഘാടനം ചെയ്തു. ജില്ലാ പ്രസിഡന്‍റ് സി. കൃഷ്ണൻ അധ്യക്ഷത വഹിച്ചു. ഇഎസ്ഐ അംഗങ്ങൾക്ക് എംപാനൽഡ് ആശുപത്രികളിലെ ചികിത്സക്ക് മാർക്കറ്റ് റേറ്റിൽ തുക നൽകികൊണ്ട് ചികിത്സ സൗകര്യം മെച്ചപ്പെടുത്തുക, മരുന്ന് വിതരണത്തിൽ നേരിടുന്ന കാലതാമസം പരിഹരിക്കുക, ഇഎസ്ഐ വരുമാന പരിധി 40000 രൂപയാക്കി ഉയർത്തുക എന്നീ ആവശ്യങ്ങളും സിഐടിയു ഉന്നയിച്ചു. ജില്ലാ ജനറൽ സെക്രട്ടറി കെ. മനോഹരൻ, സെക്രട്ടറി കെ. അശോകൻ, എൻ.വി. ചന്ദ്രബാബു, കെ. കരുണാകരൻ, കെ.കെ. നാരായണൻ, ഇ. സുർജിത്ത്കുമാർ, അരക്കൻ ബാലൻ, എം.സി. ഹരിദാസൻ, ടി. ശശി, കെ.പി. രാജൻ, ടി.പി. ശ്രീധരൻ, വൈ.വൈ. മത്തായി, എസ്.ടി. ജയ്‌സൺ, കെ. ധനഞ്ജയൻ, കെ. സത്യഭാമ, എന്നിവർ പ്രസംഗിച്ചു.

രണ്ടു കിലോ കഞ്ചാവുമായി യുവാക്കൾ അറസ്റ്റിൽ

പേരാവൂർ: പേരാവൂരിൽ രണ്ടു കിലോ കഞ്ചാവുമായി യുവാക്കൾ അറസ്റ്റിൽ. പേര്യയിലെ ചമ്മനാട്ട് അബിൻ തോമസ് (28), കണിച്ചാർ മലയാംപടിയിലെ പുഞ്ചക്കുന്നേൽ അലൻ മനോജ് (22) എന്നിവരെ പേരാവൂർ എസ്എച്ച്‌ഒ പി.ബി. സജീവിന്‍റെ നേതൃത്വത്തിലുള്ള പോലീസും ഡാൻസാഫ് സംഘവും ചേർന്നാണ് അറസ്റ്റു ചെയ്തത്. ഇവരിൽ നിന്ന് 1.927 കിലോ കഞ്ചാവ് കണ്ടെത്തു. ഇവർ സഞ്ചരിച്ച പൾസർ ബൈക്കും കസ്റ്റഡിയിലെടുത്തു. എസ്ഐ അബ്ദുൾ നാസർ, എസ്ഐ ജോമോൻ, സത്യൻ, ഷമീർ എന്നിവരും പിടികൂടിയ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

മാട്ടൂലിൽ വീട് കുത്തിത്തുറന്ന് സ്വർണവും പണവും കവർന്ന കേസിൽ അന്വേഷണം ഊർജിതം

പഴയങ്ങാടി: മാട്ടൂലിൽ 22 പവനും ആറുലക്ഷം രൂപയും കവർന്ന കേസിൽ പോലീസ് അന്വേഷണം ഊർജിതമാക്കി. പഴയങ്ങാടി ഇൻസ്പെക്ടർ എൻ.കെ. സത്യനാഥന്‍റെ നേതൃത്തിലുള്ള അന്വേഷണ സംഘം, ഫോറൻസിംഗ് വിഭാഗം, ഡോഗ് സ്കോഡ് എന്നിവർ സംഭവം നടന്ന വിടും പരിസരവും വിശദമായി പരിശോധിച്ചു. സ്ട്രീറ്റ് നമ്പർ 23 ൽ മാട്ടൂൽ ഗവ. ഹയർ സെക്കൻഡറി സ്കൂളിന് സമീപത്തെ സി.എം.കെ ഹഫ്സത്തിന്‍റെ വീട്ടിൽ ബുധനാഴ്ച വൈകുന്നേരമായിരുന്നു മോഷണം. മോഷ്ടാക്കൾ താക്കോൽ എടുത്ത് അലമാര തുറന്ന് മോഷണം നടത്തിയ ശേഷം പഴയപടി പൂട്ടുകയായിരിക്കാമെന്നാണ് പോലീസിന്‍റെ പ്രാഥമീക നിഗമനം. കാലങ്ങളായി സ്വരുക്കൂട്ടിയ സ്വർണവും സ്ഥലം വില്പന നടത്തിയതിലൂടെ ലഭിച്ച പണവുമാണ് നഷ്ടപ്പെട്ടത്. പയ്യന്നൂർ ഡിവൈഎസ്പി കെ. വിനോദ് കുമാർ മോഷണം നടന്ന വീട് പരിശോധിച്ചു.

മട്ടന്നൂർ, ഇരിട്ടി നഗരസഭകളിൽ നടപ്പിലാക്കുന്ന കുടിവെള്ള പദ്ധതിയുടെ പൈപ്പിടൽ അവസാനഘട്ടത്തിൽ

മട്ടന്നൂർ: മട്ടന്നൂർ, ഇരിട്ടി നഗരസഭകളിൽ നടപ്പിലാക്കുന്ന കുടിവെള്ള പദ്ധതിയുടെ മട്ടന്നൂരിലെ പൈപ്പിടൽ അടുത്ത മാസത്തിനുള്ളിൽ പൂർത്തിയാകും. അടുത്ത വർഷം ജനുവരിയോടെ കുടിവെള്ള കണക്ഷൻ ലഭ്യമാക്കാൻ ഉദ്ദേശിച്ചാണു പ്രവൃത്തികൾ പുരോഗമിക്കുന്നത്. കുടിവെള്ള ക്ഷാമത്തിനു പരിഹാരം കാണുന്നതിന് 230 കോടി രൂപ ചെലവഴിച്ചാണു കിഫ്ബിയുടെ സഹായത്തോടെ രണ്ടു നഗരസഭകളിലായി പദ്ധതി നടപ്പാക്കുന്നത്. പദ്ധതിയുടെ ഭാഗമായി നിർമിക്കുന്ന മൂന്നു ടാങ്കുകളുടെയും പ്രധാന പൈപ്പ് ലൈനിന്‍റെയും പ്രവൃത്തി നേരത്തെ പൂർത്തിയായിരുന്നു. മട്ടന്നൂരിലെ 13,240 വീടുകളിൽ പദ്ധതി വഴി കുടിവെള്ളമെത്തിക്കാനാണ‌ു ലക്ഷ്യമിടുന്നത്. ആകെ 326 കിലോമീറ്ററാണു നഗരസഭയിൽ പൈപ്പ് ലൈൻ സ്ഥാപിക്കേണ്ടത്. ഇതിൽ 110 കിലോമീറ്ററോളം പ്രവൃത്തി പൂർത്തിയായി. പഴശി അണക്കെട്ടിനു സമീപം നിർമിച്ച കിണറിൽ നിന്നു വെള്ളം ചാവശേരി പറമ്പിലെ ട്രീറ്റ്മെന്‍റ് പ്ലാന്‍റിലെത്തിച്ച് ശുദ്ധീകരിച്ചാണു ടാങ്കിലെത്തിച്ച് വിതരണം ചെയ്യുക. കീച്ചേരി മഞ്ചക്കുന്ന്, കൊതേരി എന്നിവിടങ്ങളിലും ഇരിട്ടി ഹയർ സെക്കൻഡറി സ്‌കൂളിനു സമീപത്തുമാണു വെള്ളം സംഭരിക്കാൻ ടാങ്കുകൾ നിർമിച്ചിട്ടുള്ളത്. പദ്ധതിക്കായി പഴശി അണക്കെട്ട് പരിസരത്ത് കൂറ്റൻ കിണറും നിർമിച്ചിട്ടുണ്ട്. ചാവശേരി പറമ്പിൽ 42 മില്യൻ ലിറ്റർ സംഭരണശേഷിയുള്ള ട്രീറ്റ്‌മെന്‍റ് പ്ലാന്‍റും നിർമിച്ചു. പഴശി പദ്ധതി പ്രദേശത്ത് 33 കെവി സബ് സ്റ്റേഷന്‍റെ നിർമാണവും നേരത്തെ പൂർത്തിയായിരുന്നു. മട്ടന്നൂർ, ഇരിട്ടി നഗരസഭകളിലെ കുടിവെള്ള പ്രശ്നത്തിന് പരിഹാരം കാണുന്നതിനായി 2018ലാണ് 75 കോടി രൂപയുടെ പദ്ധതി പ്രഖ്യാപിച്ചത്. പിന്നീട് സമഗ്ര കുടിവെള്ള വിതരണ പദ്ധതിയെന്ന നിലയിൽ വിപുലപ്പെടുത്തുകയായിരുന്നു. രണ്ടുവർഷം കൊണ്ട് പൂർത്തിയാക്കാനാണ് ഉദ്ദേശിച്ചിരുന്നതെങ്കിലും കോവിഡ് ഉൾപ്പെടെയുള്ളവ വിലങ്ങുതടിയായി. പൈപ്പിന്‍റെ ക്ഷാമവും ആദ്യഘട്ടത്തിൽ പ്രവൃത്തിയെ ബാധിച്ചു. അടുത്ത വർഷം പദ്ധതി വഴി വെള്ളം ലഭ്യമാക്കാനാണ് ജല അഥോറിറ്റി ലക്ഷ്യമിടുന്നത്.

ബിജെപി വളപട്ടണം പോലീസ് സ്റ്റേഷൻ മാർച്ച് നടത്തി

കണ്ണൂര്‍: ബിജെപി-ആർഎസ്എസ് പ്രവർത്തകരെ ആക്രമിച്ച സിപിഎമ്മുകാരെ അറസ്റ്റ് ചെയ്യുക, പോലീസിന്‍റെ സിപിഎം വിടുപണി അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് ബിജെപി അഴീക്കോട് നിയോജക മണ്ഡലം കമ്മിറ്റി വളപട്ടണം പോലീസ് സ്റ്റേഷനിലേക്ക് മാർച്ച് നടത്തി. മാർച്ച് പോലീസ് ബാരിക്കെഡുകൾ നിരത്തി തടഞ്ഞു.ബിജെപി കണ്ണൂർ നോർത്ത് ജില്ലാ പ്രസിഡന്‍റ് കെ.കെ. വിനോദ്കുമാർ ഉദ്ഘാടനം ചെയ്തു. സിപിഎം നേതാക്കളുടെ നിർദേശാനുസരണം സഖാവിന്‍റെ പണിയെടുക്കാനാണ് ശ്രമമെങ്കിൽ അത്തരം പോലീസുകാർ യൂണിഫോം അഴിച്ചു വെക്കണമെന്ന് കെ.കെ. വിനോദ്കുമാർ ആവശ്യപ്പെട്ടു. കാക്കിയുടെ മഹത്വം മനസിലാക്കിക്കൊണ്ട് പ്രവര്‍ത്തിക്കാന്‍ പോലീസ് തയാറാകണം. നീതി നിഷേധിക്കപ്പെട്ടാല്‍ എങ്ങനെ പ്രവര്‍ത്തിക്കണമെന്ന് ബിജെപിക്ക് അറിയാമെന്നും കെ.കെ. വിനോദ്കുമാര്‍ പറഞ്ഞു. ചിറക്കല്‍ മണ്ഡലം പ്രസിഡന്‍റ് രാഹുല്‍ രാജീവ് അധ്യക്ഷത വഹിച്ചു. ജില്ലാ ജനറൽ സെക്രട്ടറി ടി.സി. മനോജ്, ജില്ലാ സെക്രട്ടറി അർജുൻ മാവിലക്കണ്ടി, അഴീക്കോട് മണ്ഡലം പ്രസിഡന്‍റ് എസ്. വിജയ് എന്നിവർ പ്രസംഗിച്ചു.

തദ്ദേശ തെരഞ്ഞെടുപ്പ്: പഞ്ചായത്തുകളുടെയും മുനിസിപ്പാലിറ്റികളുടെയും നറുക്കെടുപ്പ് പൂര്‍ത്തിയായി

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി വനിത, പട്ടികവിഭാഗം സംവരണ വാര്‍ഡുകള്‍ നിശ്ചയിക്കാന്‍ നാലാം ദിനം തലശേരി, കൂത്തുപറമ്പ്, പേരാവൂര്‍ ബ്ലോക്കിന് കീഴിലെ 20 ഗ്രാമപഞ്ചായത്തുകളുടെയും ജില്ലയിലെ എട്ട് നഗരസഭകളുടെയും നറുക്കെടുപ്പ് നടന്നു. ഇതോടെ ജില്ലയിലെ മുഴുവന്‍ ഗ്രാമപഞ്ചായത്തുകള്‍ , നഗരസഭകള്‍ എന്നിവയുടെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടര്‍ അരുണ്‍ കെ. വിജയന്‍, തദ്ദേശ സ്വയംഭരണ വകുപ്പ് ജോയിന്‍റ് ഡയറക്ടര്‍ ടി.ജെ. അരുണ്‍ എന്നിവർ നേതൃത്വം നല്‍കി. ബ്ലോക്ക് പഞ്ചായത്തിലേ ക്കുള്ള സംവരണ വാര്‍ഡുകളുടെ നറുക്കെടുപ്പ്18 നും ജില്ലാപഞ്ചായത്തിലേക്കുള്ള സംവരണ വാര്‍ഡു കളുടെ നറുക്കെടുപ്പ് 21 നും നടക്കും. വിവിധ സംവരണ വാർഡുകൾ മുനിസിപ്പാലിറ്റി-വാർഡുകൾ, പഞ്ചായത്ത്-വാർഡുകൾ എന്നീ ക്രമത്തിൽ: മുനിസിപ്പാലിറ്റികൾ പയ്യന്നൂര്‍ വനിത: ഒന്ന് കണിയേരി, മൂന്ന് വെള്ളൂര്‍ ഈസ്റ്റ്, നാല് ഏച്ചിലാംവയല്‍, 12 മുത്തത്തി, 16 കണ്ടോത്ത്, 18 ഹോസ്പിറ്റല്‍, 21 മാവിച്ചേരി, 22 കണ്ടങ്കാളി നോര്‍ത്ത്, 23 കണ്ടങ്കാളി സൗത്ത്, 25 തെക്കേ മമ്പലം, 26 മുച്ചിലോട്ട് പടോളി, 28 ഗ്രാമം ഈസ്റ്റ്, 33 കവ്വായി നോര്‍ത്ത്, 34 കേളോത്ത് നോര്‍ത്ത്, 35 തായിനേരി വെസ്റ്റ്, 38 മുച്ചിലോട്ട്, 39 അന്നൂര്‍ സൗത്ത്, 40 കോത്തായിമുക്ക്, 41 അന്നൂര്‍ ഈസ്റ്റ്, 43 അന്നൂര്‍ വെസ്റ്റ്, 44 കാറമേല്‍. പട്ടികജാതി വനിത : 10 മണിയറ, 42 ശാന്തിഗ്രാമം. പട്ടികജാതി : 24 പുഞ്ചക്കാട്. ഇരിട്ടി വനിത: ഒന്ന് വെളിയമ്പ്ര, രണ്ട് വട്ടക്കയം, മൂന്ന് എടക്കാനം, അഞ്ച് വള്ള്യാട്, ആറ് നരിക്കുണ്ടം, 10 പയഞ്ചേരിമുക്ക്, 14 മീത്തലെ പുന്നാട്, 15 പുറപ്പാറ, 17 പുന്നാട് ഈസ്റ്റ്, 19 ഉളിയില്‍, 22 നരയമ്പാറ, 24 നിടിയാഞ്ഞിരം, 27 പെരിയത്തില്‍, 29 ചാവശേരി ടൗണ്‍, 31 പത്തൊമ്പതാം മൈല്‍, 32 മണ്ണോറ, 33 പറയനാട്. പട്ടികവര്‍ഗം: 23 നടുവനാട്. കൂത്തുപറമ്പ് വനിത: രണ്ട് ചോരക്കുളം, മൂന്ന് നിര്‍മലഗിരി, നാല് പാലാപ്പറമ്പ്, അഞ്ച് നുഞ്ഞുമ്പായി, ഒന്പത് പുഞ്ചക്കലായി, 11 മൂര്യാട് സെന്‍ട്രല്‍ , 12 നരവൂര്‍ സൗത്ത്, 15 കക്കാട്, 17 നരവൂര്‍ ഈസ്റ്റ്, 18 തൃക്കണ്ണാപുരം,19 തൃക്കണ്ണാപുരം സൗത്ത്, 21 പാറാല്‍, 25 എലിപ്പറ്റച്ചിറ, 27 പഴയനിരത്ത്, 29 ഇടയില്‍പ്പീടിക. പട്ടികജാതി : 23 നരവൂര്‍. പാനൂര്‍ വനിത: ഒന്ന് പാനൂര്‍ ടൗണ്‍, രണ്ട് പോലീസ് സ്റ്റേഷന്‍, ഒമ്പത് സെന്‍ട്രല്‍ എലാങ്കോട്,10 തിരുവാല്‍, 12 പാലിലാണ്ടി പീടിക,18 പെരിങ്ങത്തൂര്‍, 19 തോക്കോട്ട് വയല്‍, 21 കിടഞ്ഞി, 22 ഈസ്റ്റ് കരിയാട്, 23 താവുമ്പ്രം, 24 പുതുശേരി, 26 പടന്നക്കര, 27 പടന്നക്കര നോര്‍ത്ത്, 29 കരിയാട് തെരു, 31 നൂഞ്ഞിവയല്‍, 32 അരയാക്കൂല്‍, 34 കനകമല, 35 അണിയാരം സെന്‍റര്‍, 37 പെരിങ്ങളം, 39 പൂക്കോം, 40 തെക്കേ പാനൂര്‍. പട്ടികജാതി : 36 അണിയാരം. തലശേരി വനിത: അഞ്ച് കുന്നോത്ത്, ഏഴ് കൊളശേരി, എട്ട് കുയ്യാലി, 11 കണ്ണോത്ത് പള്ളി, 14 ചിറക്കര, 17 മഞ്ഞോടി, 18 പെരിങ്ങളം, 20 ഊരങ്കോട്ട്, 21 കുട്ടിമാകൂല്‍, 22 ചന്ദ്രോത്ത്, 24 കോപ്പാലം, 27 കാരല്‍തെരു, 29 കല്ലില്‍താഴെ, 30 കോടിയേരി, 31 മീത്തലെ കോടിയേരി, 34 മാടപ്പീടിക, 31 തലായി, 42 തിരുവങ്ങാട്, 45 മട്ടാമ്പ്രം, 46 വീവേഴ്‌സ്, 47 മാരിയമ്മ, 48 കൊയ്യത്ത്, 49 പാലിശേരി, 50 ചേറ്റംകുന്ന്, 51 കോടതി, 52 കോണോര്‍വയല്‍, 53 കൊടുവള്ളി. പട്ടികജാതി : 41 കല്ലായിതെരു. പഞ്ചായത്തുകള്‍ ന്യൂമാഹി വനിത : രണ്ട് കരീക്കുന്ന്, നാല് ഏടന്നൂര്‍, അഞ്ച് പെരുമുണ്ടേരി, ആറ് മാങ്ങോട് വയല്‍, 10 പെരിങ്ങാടി, 11 ന്യൂമാഹി ടൗണ്‍, 14 കുറിച്ചിയില്‍ കടപ്പുറം. പട്ടികജാതി: 13 ചവോക്കുന്ന്. മാങ്ങാട്ടിടം വനിത: മൂന്ന് മെരുവമ്പായി, നാല് കണ്ടംകുന്ന് ടൗണ്‍, അഞ്ച്. കണ്ടംകുന്ന്, ആറ് നീര്‍വേലി, എട്ട് ആയിത്തറ മമ്പറം, 14 കുറുമ്പക്കല്‍, 15 അയ്യപ്പന്‍തോട്, 16 അമ്പിലാട്, 17 മാങ്ങാട്ടിടം, 19 ശങ്കരനെല്ലൂര്‍, 20 കോയിലോട്. പട്ടികജാതി: 12 രാമപുരം. കണിച്ചാര്‍ വനിത : രണ്ട് അണുങ്ങോട്, ഏഴ് ഏലപ്പീടിക, എട്ട് പൂളക്കുറ്റി, 10 കാടല, 11 നെല്ലിക്കുന്ന്, 14 ചാണപ്പാറ. പട്ടികവര്‍ഗം: അഞ്ച് വെള്ളൂന്നി. പട്ടികവര്‍ഗ വനിത : 12 കൊളക്കാട്. കേളകം വനിത: മൂന്ന് പാറത്തോട്, ആറ് ശാന്തിഗിരി, ഒമ്പത് ഐടിസി, 10 വെള്ളൂന്നി, 11 പൂവത്തിന്‍ചോല, 12 മഞ്ഞളാംപുറം, 13 കേളകം. പട്ടികവര്‍ഗം: നാല് വെണ്ടേക്കുംചാല്‍. കൊട്ടിയൂര്‍ വനിത : രണ്ട് പാലുകാച്ചി, മൂന്ന് വെറ്റിലകൊല്ലി, അഞ്ച് പാല്‍ചുരം, ഏഴ് അമ്പായത്തോട് വെസ്റ്റ്, ഒമ്പത് കൊട്ടിയൂര്‍, 13 ചുങ്കക്കുന്ന്, 14 മാടത്തുംകാവ്. പട്ടികവര്‍ഗം: ഒന്ന് പൊയ്യമല. മുഴക്കുന്ന് വനിത: അഞ്ച് പാലപ്പുഴ, ഏഴ് പാല, എട്ട് കാക്കയങ്ങാട്, 10 ഗ്രാമം, 13 കടുക്കാപ്പാലം, 14 നല്ലൂര്‍, 15 പാറക്കണ്ടം, 16 കുന്നത്തൂര്‍. പട്ടികവര്‍ഗം: 12 മുടക്കോഴി. കോളയാട് വനിത: ഒന്ന് ആലച്ചേരി, നാല് ആര്യപ്പറമ്പ്, 11 പെരുവ, 12 ചങ്ങലഗേറ്റ്, 13 കോളയാട്, 14 പാടിപ്പറമ്പ്. പട്ടികവര്‍ഗ വനിത: അഞ്ച് വായന്നൂര്‍, 10 പെരുന്തോടി.പട്ടികവര്‍ഗം : 15 എടയാര്.‍ പേരാവൂര്‍ വനിത: ഒന്ന് മേല്‍മുരിങ്ങോടി, അഞ്ച് വളയങ്ങാട്, ആറ് മഠപ്പുരച്ചാല്‍, എട്ട് കല്ലടി, ഒമ്പത് തുണ്ടിയില്‍, 11 ചെവിടിക്കുന്ന്, 12 തിരുവോണപ്പുറം, 15 തെരു, 17 കോട്ടുമാങ്ങ. പട്ടികവര്‍ഗം: മൂന്ന് ബഗ്ലക്കുന്ന്.

പ്രകടന പത്രികയിലെ റബർവില ‌സർക്കാർ നടപ്പാക്കണം: അപു ജോൺ ജോസഫ്

പയ്യാവൂർ: റബറിന് 250 രൂപ അടിസ്ഥാന വിലയെന്ന് അഞ്ചു വർഷത്തെ സർക്കാർ പ്രഖ്യാപനം ഇനിയെങ്കിലും നടപ്പാക്കണമെന്ന് കേരള കോൺഗ്രസ് സംസ്ഥാന കോ-ഓർഡിനേറ്റർ അബു ജോൺ ജോസഫ് ആവശ്യപ്പെട്ടു. സർക്കാർ പ്രഖ്യാപനം ന‌ടപ്പാക്കണമെന്നാവശ്യപ്പെട്ട് റബർ കർഷകർ സർക്കാരിന് സമർപ്പിക്കുന്ന ഭീമഹർജി ഒപ്പു ശേഖരണത്തിന്‍റെ ജില്ലാതല ഉദ്ഘാടനം പയ്യാവൂരിൽ നിർവഹിച്ച് പ്രസംഗിക്കുകയായിരുന്നു അദ്ദേഹം. റബർ കർഷകർ ഉൾപ്പെടെയുള്ള സംസ്ഥാനത്തെ കർഷക സമൂഹം ഇന്ന് ദയനീയ അവസ്ഥയിലൂടെയാണ് കടന്നു പോകുന്നത്. ഇക്കാര്യം സർക്കാരിന് അറിയാമെങ്കിലും അറിയില്ലെന്ന് നടിക്കുകയാണ്. വാഗ്ദാനങ്ങിലൂടെ മാത്രം പ്രതീക്ഷ നൽകുന്ന സർക്കാർ കർഷകരെ ആത്മഹത്യയിലേക്ക് തള്ളിവിടുകയാണെന്നും അദ്ദേഹം ആരോപിച്ചു. കാനാട്ട് കൊച്ചേട്ടൻ ആദ്യത്തെ ഒപ്പ് രേഖപ്പെടുത്തി. കേരള കോൺഗ്രസ് കണ്ണൂർ ജില്ല പ്രസിഡന്‍റ് സെബാസ്റ്റ്യൻ അധ്യക്ഷത വഹിച്ചു. കെ.എ. ഫിലിപ്പ് മുഖ്യ പ്രഭാഷണം നടത്തി. ജോസഫ് മുള്ളൻമട, ജോസ് നരിമറ്റം, ജയിംസ് പന്നിയാംമാക്കൽ, വർഗീസ് വയലാമണ്ണിൽ, മാത്യു ചാണക്കാട്ടിൽ, കെ.ജെ. മത്തായി, ജോയ് തെക്കേടം, ഏബ്രഹാം ഈറ്റയ്ക്കൽ, തോമസ്കുട്ടി തോട്ടത്തിൽ, ബേബി തോട്ടത്തിൽ, പി.എസ്. മാത്യു, ബീന റോജസ്, സാബു മണിമല, ഡെന്നീസ് മാണി, ജോൺ ജോസഫ്, ജോർജ് കാനാട്ട്, ഡെന്നീസ് വാഴപ്പള്ളി എന്നിവർ പ്രസംഗിച്ചു.

സർഗോത്സവം സംഘടിപ്പിച്ചു

തളിപ്പറമ്പ്: വിദ്യാരംഗം കലാസാഹിത്യ വേദി തളിപ്പറമ്പ് നോർത്ത് ഉപജില്ല സർഗോത്സവം പുല്ലാഞ്ഞ്യോട് എഎൽപി സ്കൂളിൽ നടന്നു. തളിപ്പറമ്പ് ബ്ലോക്ക് പഞ്ചായത്ത് പ്രസിഡന്‍റ് സി.എം. കൃഷ്ണൻ ഉദ്ഘാടനം ചെയ്തു. കുറുമാത്തൂർ ഗ്രാമപഞ്ചായത്ത് പ്രസിഡന്‍റ് വി.എം. സീന അധ്യക്ഷത വഹിച്ചു. സാഹിത്യ സെമിനാർ വിജയികൾക്കുള്ള ഉപഹാരം തളിപ്പറമ്പ് ബ്ലോക്ക് പഞ്ചായത്ത് മെംബർ സി.എം. സബിത സമ്മാനിച്ചു. തളിപ്പറമ്പ് നോർത്ത് എഇഒ കെ. മനോജ് പദ്ധതി വിശദീകരണം നടത്തി. ഫ്ലവേഴ്സ് ടിവി ടോപ് സിംഗർ ഫെയിം റാനിയ റഫീക്കിന്‍റെ ഗാനത്തോടെയാണ് ശില്പശാല ആരംഭിച്ചത്. പി.വി. സുനിതാ കുമാരി, വാർഡ് മെംബർ വി. രമ്യ, ഇബ്രാഹിം എരുവാട്ടി, ജിഷ സി. ചാലിൽ, എം.എം. ജനാർദനൻ, കെ.വി. മെസ്മർ, അബൂബക്കർ റഷീദ്, കെ.വി. രഞ്ജിത്ത്, കെ.സി. സുമിത്രൻ, പി.പി. ബാലകൃഷ്ണൻ, വി.എം. ഹരിജയന്തൻ, കെ. ആശാദേവി എന്നിവർ പ്രസംഗിച്ചു. കഥാരചന, കവിതാരചന, ചിത്രരചന, പുസ്തകാസ്വാദനം, നാടൻപാട്ട്, കാവ്യാലാപനം, അഭിനയം എന്നീ മേഖലകളിൽ ശില്പശാല നടന്നു. മിനേഷ് മണക്കാട്, രവി ഏഴോം, രവീന്ദ്രൻ തിടിൽ, കെ.കെ. സുരേഷ്, രംന വികാസ് കാരായി, അനീഷ് വെങ്ങാട്ട്, ജീജേഷ് കൊറ്റാളി, കെ.എം. സരസ്വതി, എം.എം. അനിത, മീര കൊയ്യോട്, ഇ.പി. ദീപ നജീബ് ഹുസൈൻ എന്നിവർ ശില്പശാലയ്ക്ക് നേതൃത്വം നൽകി.

എൻടിയുസിയുടെ നേതൃത്വത്തിൽ മാർച്ചും ധർണയും നടത്തി

ചെറുപുഴ: ചുമട്ടു തൊഴിലാളി ക്ഷേമ ബോർഡ് ഓഫീസുകളിലേക്ക് ഐഎൻടിയുസിയുടെ നേതൃ ത്വത്തിൽ മാർച്ചും ധർണയും നടത്തി. കേരള സ്റ്റേറ്റ് ഹെഡ് ലോഡ് വർക്കേഴ്സ് ഫെഡറേഷൻ (ഐഎൻടിയുസി) സംസ്ഥാനവ്യാപകമായി നടത്തുന്ന പ്രക്ഷോഭത്തിന്‍റെ ഭാഗമായി ജില്ലാ കമ്മിറ്റിയുടെ നേതൃത്വത്തിൽ ജില്ലയിലെ ചുമട്ടു തൊഴിലാളി ക്ഷേമ ബോർഡ് സബ് ഓഫീസുകളിലേക്ക് മാർച്ചും ധർണയും നടത്തി. ചുമട്ടുതൊഴിലാളി നിയമം കാലാനുസൃതമായി പരിഷ്കരിക്കുക, ചുമട്ടുതൊഴിലാളികളുടെ തൊഴിൽ സംരക്ഷിക്കുന്നതിന് നടപടി സ്വീകരിക്കുക, ചുമട്ടു തൊഴിലാളികളെ ഇഎസ്ഐ പദ്ധതിയിൽ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചു കൊണ്ടാണ് ഐഎൻടിയുസിയുടെ നേതൃത്വത്തിൽ സമരം സംഘടിപ്പിച്ചത്. ചെറുപുഴ സബ് ഓഫീസിലേക്ക് നടന്ന മാർച്ചും ധർണയും സംസ്ഥാന ചുമട്ടു തൊഴിലാളി ഫെഡറേഷൻ(ഐഎൻടിയുസി) ജില്ലാ പ്രസിഡന്‍റും ഐഎൻടിയുസി ജില്ലാ ജനറൽ സെക്രട്ടറിയുമായ എ.ടി. നിഷാദ് ഉദ്ഘാടനം ചെയ്തു. വി. കൃഷ്ണൻ അധ്യക്ഷത വഹിച്ചു. സലീം തേക്കാട്ടിൽ, അനീഷ് ആന്‍റണി, ടി.പി. ചന്ദ്രൻ, പി.പി. ബാലകൃഷ്ണൻ, പി. മോഹനൻ, ടി.ടി. അനിൽ കുമാർ, എം. കരുണാകരൻ, സജി പൊടിമറ്റം എന്നിവർ പ്രസംഗിച്ചു.

ഹൈടെക് കൂൺ കൃഷി യൂണിറ്റ് പ്രവർത്തനം ആരംഭിച്ചു

ചെറുപുഴ: നിരവധിയാളുകൾ കൂൺകൃഷി നടത്തുന്ന ചെറുപുഴയിൽ ഹൈടെക് കൂൺകൃഷി ആരംഭിച്ചു. സംസ്ഥാന സർക്കാർ പയ്യന്നൂർ മണ്ഡലത്തിൽ അനുവദിച്ച കൂൺ ഗ്രാമം പദ്ധതി പ്രകാരമാണ് കൃഷി ആരംഭിച്ചത്. ചെറുപുഴ കൃഷിഭവന്‍റെ “ഒപ്പം” എന്ന കാർഷിക പരിശീലനപരിപാടിയിൽ പങ്കെടുത്ത് കൂൺ കൃഷി ആരംഭിച്ച പറോത്തുംനീരിലെ സജീഷ് - പ്രസീത ദമ്പതികളാണ് ഹൈടെക് കൂൺ കൃഷി യൂണിറ്റ് ആരംഭിച്ചത്. ഇവർ ഭക്ഷ്യ സുരക്ഷാ വകുപ്പിന്‍റെ അംഗീകാരത്തോടെ കുഞ്ഞാറ്റ മഷ്‌റൂം എന്ന പേരിൽ ബ്രാൻഡ് ചെയ്ത് കൂൺ വിപണിയിൽ എത്തിക്കുന്നുണ്ട്. ചെറുപുഴ കൃഷി അസിസ്റ്റന്‍റ് സുരേഷ് കുറ്റൂരിന്‍റെ നേതൃത്വത്തിലാണ് കർഷകർക്ക് കഴിഞ്ഞ വർഷം വ്യാപകമായി പരിശീലനം നൽകിയത്. കരിമ്പം ജില്ലാ കൃഷിത്തോട്ടത്തിൽ നിന്ന് സ്ഥിരമായി വിത്ത് ലഭ്യമാക്കുകയും ചെയ്യുന്നുണ്ട്. നിലവിൽ നിരവധി കുടുംബങ്ങൾ ഗാർഹിക ആവശ്യത്തിനും അഞ്ച് കുടുംബങ്ങൾ വാണിജ്യാടിസ്ഥാനത്തിലും കൂൺ ഉത്പാദിപ്പിക്കുന്നുണ്ട്. പയ്യന്നൂർ മണ്ഡലത്തിലെ ഈ വർഷത്തെ കൂൺ ഗ്രാമം പദ്ധതിയിൽ ചെറുപുഴ പഞ്ചായത്തിൽ ഒരു വൻകിട ഉത്പാദന യൂണിറ്റും ഒരു പ്രിസർവേഷൻ യൂണിറ്റും മൂന്ന് കമ്പോസ്റ്റ് യൂണിറ്റും 28 ചെറുകിട യൂണിറ്റും ലഭിച്ചിട്ടുണ്ട്. വൻകിട യൂണിറ്റിന് അഞ്ച് ലക്ഷത്തോളം രൂപ ചെലവ് വരും. രണ്ട് ലക്ഷം രൂപ സഹായധനമായി നൽകുന്നു. കമ്പോസ്റ്റ് യൂണിറ്റിന് ഒരു ലക്ഷം രൂപ, പ്രിസർവേഷൻ യൂണിറ്റിന് രണ്ടു ലക്ഷം രൂപ എന്നിങ്ങനെ ചെലവ് വരും. ഇതിൽ പകുതി സഹായധനമാണ്. ചെറുകിട യൂണിറ്റുകൾക്ക് ആകെ ചെലവിന്‍റെ നാൽപത് ശതമാനമായ 11,250 രൂപ സഹായധനം ലഭിക്കും. പയ്യന്നൂർ ബ്ലോക്കിൽ ഏഴ് പഞ്ചായത്തുകളിലാണ് പദ്ധതി നടപ്പിലാക്കുന്നത്.

ചെറുപുഴ റബർ ബോർഡ് ഫീൽഡ് സ്റ്റേഷൻ പുതിയ കെട്ടിടത്തിൽ

ചെറുപുഴ: ചെറുപുഴ റബർ ബോർഡ് ഫീൽഡ് സ്റ്റേഷൻ പുതിയ കെട്ടിടത്തിൽ പ്രവർത്തനമാരംഭിച്ചു. ചെറുപുഴ- പുളിങ്ങോം റോഡിൽ ചൊവ്വാറ്റുകുന്നേൽ ബിൽഡിംഗിലാണ് ഫീൽഡ് സ്റ്റേഷൻ പ്രവർത്തനം ആരംഭിച്ചത്. ചെറുപുഴ പഞ്ചായത്ത് പ്രസിഡന്‍റ് കെ.എഫ്. അലക്സാണ്ടർ ഉദ്ഘാടനം ചെയ്തു. റബർ ബോർഡ് ഡെപ്യുട്ടി കമ്മീഷണർ ടി.പി. ഷീജ അധ്യക്ഷത വഹിച്ചു. ചെറുപുഴ പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ എം. ബാലകൃഷ്ണൻ, ഡെവലപ്മെന്‍റ് ഓഫീസർ കെ.വി. ജയകുമാർ എന്നിവർ പ്രസംഗിച്ചു. റബർ ഉത്പാദക സംഘങ്ങളിലെ ഭാരവാഹികൾ, കർഷകർ എന്നിവർ പങ്കെടുത്തു.

കോൺഗ്രസിന്‍റേയും സിപിഎമ്മിന്‍റേയും മുഖ്യശത്രു ബിജെപി: ഷോൺ ജോർജ്

ഇരിട്ടി: കഴിഞ്ഞ തെരഞ്ഞെടുപ്പികളിലെ സാഹചര്യം പോലെയല്ല ഇന്ന് ബിജെപിയുടെ നിലയെന്നും ഇന്ന് കോൺഗ്രസിന്‍റേയും സിപിഎമ്മിന്‍റേയും മുഖ്യശത്രു എന്ന പദവിയിലേക്ക് ബിജെപി എത്തിപ്പെട്ടിരിക്കയാണെന്നും സംസ്ഥാന വൈസ് പ്രസിഡന്‍റ് ഷോൺ ജോർജ്. ബിജെപി കണ്ണൂർ റവന്യൂ ജില്ലാ ക്രിസ്ത്യൻ ഔട്ട് റീച്ച് ശില്പശാല ഇരിട്ടി മാരാർജി മന്ദിരത്തിൽ ഉദ്‌ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കഴിഞ്ഞ ലോക്സഭാ തെരഞ്ഞെടുപ്പിലെ സുരേഷ് ഗോപി വിജയം നേടുകയും നാലോളം സീറ്റുകളിൽ ബിജെപി രണ്ടാം സ്ഥാനത്തെത്തുകയും ചെയ്തതോടെ കേരളത്തിൽ ഒരു മൂവ്മെന്‍റായി ബിജെപി മാറുകയാണെന്ന് ഇരു മുന്നണികളും തിരിച്ചറിയുകയായിരുന്നു. ബിജെപിയെ മാറ്റിനിർത്താൻ കേരളത്തിലടക്കം കോൺഗ്രസുമായി പോലും സഖ്യചേരാം എന്ന് സിപിഐ പാർട്ടി കോൺഗ്രസ് പോലും തീരുമാനമെടുത്തുകഴിഞ്ഞെന്നും ഇനി ബിജെപിക്കെതിരേ ഇരുമുന്നണികളും ചേർന്ന് ഒറ്റ സ്ഥാനാർഥിയെ നിർത്താൻ തയാറാകുമെന്നും ഷോൺ ജോർജ് പറഞ്ഞു. ബിജെപി കണ്ണൂർ നോർത്ത് ജില്ലാ സെക്രട്ടറി അരുൺ തോമസ് അധ്യക്ഷത വഹിച്ചു. നേതാക്കളായ ബിജു എളങ്കുഴി, സന്തോഷ് പ്ലക്കാട്ട്, കെ. നിത്യാനന്ദൻ, എം.പി. ജോയ്, ജോസ് എ വൺ, അനൂപ് സ്കറിയ എന്നിവർ പ്രസംഗിച്ചു.

പായം, കോളയാട് പഞ്ചായത്തുകളിൽ വികസന സദസുകൾ നടത്തി

ഇരിട്ടി: പായം പഞ്ചായത്ത് വികസന സദസ് മുൻ എംഎൽഎ ടി.വി. രാജേഷ് ഉദ്ഘാടനം ചെയ്തു. കേരളത്തില്‍ ജനകീയാസൂത്രണം നടപ്പാക്കിയതുവഴി വികസന സാമൂഹ്യ രംഗത്ത് വന്‍ മാറ്റങ്ങള്‍ കൊണ്ടുവരാന്‍ കഴിഞ്ഞെന്നും അധികാര വികേന്ദ്രീകരണത്തില്‍ കേരളം രാജ്യത്തിന് മാതൃകയാണന്നും ടി.വി. രാജേഷ് പറഞ്ഞു. പഞ്ചായത്ത് പ്രസിഡന്‍റ് പി. രജനി അധ്യക്ഷത വഹിച്ചു. പഞ്ചായത്തിന്‍റെ വികസന രേഖ ടി.വി. രാജേഷ് പഞ്ചായത്ത് പ്രസിഡന്‍റിനു നല്‍കി പ്രകാശനം ചെയ്തു.വികസന സദസ് സംബന്ധിച്ച സംസ്ഥാനതല റിപ്പോര്‍ട്ട് ജില്ലാപഞ്ചായത്ത് റിസോഴ്സ് പേഴ്സണ്‍ ടി.വി. സുഭാഷ് അവതരിപ്പിച്ചു.പഞ്ചായത്ത് തലത്തില്‍ നടത്തിയ വികസന പ്രവര്‍ത്തനങ്ങളുടെ റിപ്പോര്‍ട്ട് പഞ്ചായത്ത് സെക്രട്ടറി ഇന്‍ ചാര്‍ജ് ജയ്സ് ടി. തോമസ് അവതരിപ്പിച്ചു. ആശാവര്‍ക്കര്‍മാര്‍, ഹരിത കര്‍മ സേനാംഗങ്ങള്‍, സി ഡി എസ് അംഗങ്ങള്‍ എന്നിവരെ ആദരിച്ചു.വികസനസദസിന്‍റെ ഭാഗമായി നടന്ന ചര്‍ച്ചയില്‍ കൂമന്‍തോട് - മണ്ഡപ പറമ്പിന്‍ പാലം നിര്‍മാണം, കരിയാല്‍- പായം- ആറളം റോഡിന്‍റെ വികസനം, മാടം സ്റ്റേഡിയത്തില്‍ സ്റ്റേജും അടിസ്ഥാന സൗകര്യങ്ങളുമൊരുക്കണം, പെരുവംപറമ്പ് അകംതുരുത്ത് ടൂറിസം കേന്ദ്രമായി വികസിപ്പിക്കണം, കേളംപീടിക - വിളമന - മട്ടിണി - നിരങ്ങം ചിറ്റ റോഡ് മെക്കാഡം ടാറിംഗ് നടത്തണം തുടങ്ങിയ ആവശ്യങ്ങള്‍ ഉയര്‍ന്നു. പഞ്ചായത്ത് വൈസ് പ്രസിഡന്‍റ് എം. വിനോദ്കുമാര്‍, ആസൂത്രണ സമിതി ഉപാധ്യക്ഷന്‍ എന്‍. അശോകന്‍, ബ്ലോക്ക് പഞ്ചായത്ത് അംഗങ്ങളായ കെ.എന്‍. പദ്മാവതി, കെ. ഹമീദ്, പഞ്ചായത്ത് അംഗങ്ങള്‍ എന്നിവര്‍ പങ്കെടുത്തു. കോളയാട്: കോളയാട് പഞ്ചായത്ത് വികസനസദസ് കെ.കെ. ശൈലജ എംഎൽഎ ഉദ്ഘാടനം ചെയ്തു. വികസന പ്രവര്‍ത്തനങ്ങള്‍ ആവിഷ്‌കരിക്കുന്നതിലും സമയബന്ധിതമായി പൂര്‍ത്തിയാക്കുന്നതിലും കോളയാട് പഞ്ചായത്ത് സംസ്ഥാനത്തെ തദ്ദേശ സ്ഥാപനങ്ങള്‍ക്ക് മാതൃകയാണെന്ന് കെ.കെ. ശൈലജ എംഎൽഎ പറഞ്ഞു. പഞ്ചായത്ത് പ്രസിഡന്‍റ് എം. റിജി അധ്യക്ഷത വഹിച്ചു. പഞ്ചായത്ത് നടത്തിയ വികസന പ്രവര്‍ത്തനങ്ങള്‍ സംബന്ധിച്ച റിപ്പോര്‍ട്ട് സെക്രട്ടറി അഖില്‍ ഭരതന്‍ അവതരിപ്പിച്ചു. കശുവണ്ടി മേഖലക്കായി പദ്ധതികള്‍ നടപ്പാക്കണം, കശുമാങ്ങ സംസ്‌കരണത്തിനായി സംരംഭം തുടങ്ങണം, ഇന്‍ഡോര്‍ സ്റ്റേഡിയം സ്ഥാപിക്കണം, ഇടവട്ടം ആര്‍ബിസി പുനര്‍നിര്‍മ്മിക്കണം, ഓപ്പണ്‍ ആരോഗ്യപാര്‍ക്കുകള്‍ സ്ഥാപിക്കണം, കാര്‍ഷിക വിളകള്‍ മൂല്യവര്‍ധിത ഉത്പന്നങ്ങളാക്കുന്നതിനുള്ള സംരഭങ്ങൾ, വയോജനകേന്ദ്രങ്ങള്‍ ആരംഭിക്കണം എന്നീ നിർദേശങ്ങൾ ചർച്ചയിൽ ഉയർന്നു. പേരാവൂര്‍ ബ്ലോക്ക് പഞ്ചായത്ത് പ്രസിഡന്‍റ് കെ. സുധാകരന്‍, ജില്ലാപഞ്ചായത്ത് അംഗം വി. ഗീത, കോളയാട് പഞ്ചായത്ത് വൈസ് പ്രസിഡന്‍റ് കെ.ഇ. സുധീഷ് കുമാര്‍, സ്റ്റാൻഡിംഗ് കമ്മിറ്റി അധ്യക്ഷന്‍മാരായ എ.ടി. കുഞ്ഞഹമ്മദ്, ഉമാദേവി, ജയരാജന്‍, സിനിജ സജീവന്‍, റീന നാരായണന്‍, ആസൂത്രണ സമിതി ചെയര്‍മാന്‍ കെ.പി. സുരേഷ് കുമാര്‍ എന്നിവർ പ്രസംഗിച്ചു.

എരമം-കുറ്റൂർ പഞ്ചായത്ത് വികസന സദസ് നടത്തി

പെരുമ്പടവ്: എരമം-കുറ്റൂർ പഞ്ചായത്ത് വികസന സദസ്സ് മാതമംഗലം കൽഹാര ഓഡിറ്റോറിയത്തിൽ ടി.ഐ. മധുസൂദനൻ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ അധ്യക്ഷ വഹിച്ചു. പയ്യന്നൂർ ബ്ലോക്ക് പഞ്ചായത്ത് പ്രസിഡന്‍റ് പി.വി. വത്സല, ജില്ലാ പഞ്ചായത്ത് മെംബർ ടി. തമ്പാൻ, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്‍റിംഗ് കമ്മിറ്റി ചെയർപേഴ്സൺ കെ.ആർ. ചന്ത്രകാന്ത്, ബ്ലോക്ക് പഞ്ചായത്ത് മെംബർ കെ.പി. രമേശൻ, പഞ്ചായത്ത് സെക്രട്ടറി കെ.കെ. പ്രണവ്, റിസോഴ്സ് പേഴ്സൺ എം.പി. ബാബുരാജ്, ആസൂത്രണ സമിതി ഉപാധ്യക്ഷൻ എം.പി. ദാമോദരൻ, പഞ്ചായത്ത് വൈസ് പ്രസിഡന്‍റ് ഷൈനി ബിജേഷ്, സ്റ്റാൻഡിംഗ് കമ്മിറ്റി ചെയർപേഴ്സൺ ടി.കെ. രാജൻ എന്നിവർ പ്രസംഗിച്ചു.

വീട്ടുസാധനങ്ങൾ കടത്തിക്കൊണ്ടുപോയെന്ന് പരാതി; ഏഴുപേർക്കെതിരേ കേസ്

ഇരിക്കൂർ: വീട് കുത്തിത്തുറന്ന് ലക്ഷങ്ങൾ വിലമതിക്കുന്ന സാധനങ്ങൾ കടത്തിക്കൊണ്ടുപോയെന്ന പരാതിയിൽ ഏഴുപേർക്കെതിരേ പോലീസ് കേസെടുത്തു. പടിയൂർ പെരുമണ്ണിലെ ശ്രീഹരി നിലയത്തിൽ പി.എം. വീണാമണി (42) യുടെ പരാതിയിൽ സതീശൻ മാരാർ, സന്തോഷ്, സജീവൻ, ഷൈലേഷ്, സജിത്, ബാലകൃഷ്‌ണൻ കൊങ്ങിണി, വിശ്വനാഥൻ എന്നിവർക്കെതിരേയാണ് ഇരിക്കൂർ പോലീസ് കേസെടുത്തത്. 2025 ജൂൺ മാസത്തിനും ഒക്ടോബർ 13നു മിടയിൽ പരാതിക്കാരി താമസിച്ചു വരുന്ന പെരുമണ്ണിലെ വീട് പ്രതികൾ കുത്തിതുറന്ന് വീടുപണിക്ക് സൂക്ഷിച്ച ഇരുൾ മരത്തിന്‍റെ നാല് ജനൽ, ഏഴ് കട്ടിള, ജിഐ പൈപ്പുകളും മുറ്റത്ത് സൂക്ഷി ച്ച കമ്പോസ്റ്റിനായി നിർമിച്ച 86 ഭരണികൾ, വാർപ്പ് കന്പി, രണ്ട് ലോഡ് മെറ്റലുമടക്കം 28,80,750 രൂപയുടെ സാധനങ്ങൾ കടത്തി കൊണ്ടുപോയി എന്ന പരാതിയിലാണ് പോലീസ് കേസെടുത്തത്.

ജീവിതോത്സവം കാർണിവൽ സമാപിച്ചു

പെരുമ്പടവ്: കേരള പൊതുവിദ്യാഭ്യാസ വകുപ്പ്, ഹയർ സെക്കൻഡറി എൻഎസ്എസ് പയ്യന്നൂർ ക്ലസ്റ്റർ എന്നിവയുടെ നേതൃത്വത്തിൽ നടത്തിയ ജീവിതോത്സവം കാർണിവൽ സമാപിച്ചു. മാതമംഗലം സി.പി നാരായണൻ സ്മാരക ഗവ.ഹയർ സെക്കണ്ടറി സ്കൂളിൽ നടന്ന കാർണിവൽ സമാപനം എരമം കുറ്റൂർ പഞ്ചായത്ത് പ്രസിഡന്‍റ് ടി.ആർ. രാമചന്ദ്രൻ ഉദ്ഘാടനം ചെയ്തു. ജീവിതമാണ് ലഹരി എന്ന സന്ദേശം കുട്ടികളുടെ ജീവിതത്തിൽ പ്രാവർത്തികമാക്കാൻ 21 ദിവസത്തെ ചാലഞ്ചുകളിലൂടെ കഴിഞ്ഞിട്ടുണ്ടെന്ന് അദ്ദേഹം പറഞ്ഞു. പിടിഎ പ്രസിഡന്‍റ് കെ.പി. വിജയൻ അധ്യക്ഷത വഹിച്ചു. എൻഎസ്എസ് പയ്യന്നൂർ ക്ലസ്റ്റർ കൺവീനർ സിന്ധു പടോളി മുഖ്യാതിഥിയായിരുന്നു. പ്രിൻസിപ്പൽ എഫ്. യൂജീൻ, ഡോ. ഒ.സി. കൃഷ്ണൻ, എൻ.വി. ജിഷ എന്നിവർ പ്രസംഗിച്ചു.

തദ്ദേശ തെരഞ്ഞെടുപ്പ്: പഞ്ചായത്തുകളുടെയും മുനിസിപ്പാലിറ്റികളുടെയും നറുക്കെടുപ്പ് പൂര്‍ത്തിയായി

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി വനിത, പട്ടികവിഭാഗം സംവരണ വാര്‍ഡുകള്‍ നിശ്ചയിക്കാന്‍ നാലാം ദിനം തലശേരി, കൂത്തുപറമ്പ്, പേരാവൂര്‍ ബ്ലോക്കിന് കീഴിലെ 20 ഗ്രാമപഞ്ചായത്തുകളുടെയും ജില്ലയിലെ എട്ട് നഗരസഭകളുടെയും നറുക്കെടുപ്പ് നടന്നു. ഇതോടെ ജില്ലയിലെ മുഴുവന്‍ ഗ്രാമപഞ്ചായത്തുകള്‍ , നഗരസഭകള്‍ എന്നിവയുടെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടര്‍ അരുണ്‍ കെ. വിജയന്‍, തദ്ദേശ സ്വയംഭരണ വകുപ്പ് ജോയിന്‍റ് ഡയറക്ടര്‍ ടി.ജെ. അരുണ്‍ എന്നിവർ നേതൃത്വം നല്‍കി. ബ്ലോക്ക് പഞ്ചായത്തിലേ ക്കുള്ള സംവരണ വാര്‍ഡുകളുടെ നറുക്കെടുപ്പ്18 നും ജില്ലാപഞ്ചായത്തിലേക്കുള്ള സംവരണ വാര്‍ഡു കളുടെ നറുക്കെടുപ്പ് 21 നും നടക്കും. സംവരണ മുനിസിപ്പാലിറ്റികൾ തളിപ്പറമ്പ് വനിത: ഒന്ന് കുപ്പം, രണ്ട് വൈരാംകോട്ടം, മൂന്ന് രാജരാജേശ്വര, നാല് പുഴക്കുളങ്ങര, ഒന്പ്ത് കുണ്ടാംകുഴി, 11 ആസാദ് നഗര്‍, 15 പാലക്കുളങ്ങര, 16 മന്ന, 20 നേതാജി, 21 കാക്കാഞ്ചാല്‍, 22 കുറ്റിക്കോല്‍ ഈസ്റ്റ്, 23 കുറ്റിക്കോല്‍ വെസ്റ്റ്, 26 തുരുത്തി, 27 കൂവോട്, 28 തുള്ളന്നൂര്‍, 32 പാളയാട്, 33 പുളിമ്പറമ്പ്, 34 കരിപ്പൂല്‍. പട്ടികവര്‍ഗം: ഏഴ് സലാമത്ത് നഗര്‍. ആന്തൂര്‍ വനിതാ സംവരണം ഒന്ന് വള്ളിക്കീല്‍, രണ്ട് മൊറാഴ, നാല് മുണ്ടപ്രം, അഞ്ച് മൈലാട്, ഏഴ് പീലേരി, 11 കണ്ണപ്പിലാവ്, 13 കോടല്ലൂര്‍, 15 പറശിനി, 20 തളിവയല്‍, 21 ധര്‍മശാല, 24 സി.എച്ച്. നഗര്‍, 27 വേണിയില്‍, 28 പാളിയത്ത് വളപ്പില്‍, 29 പണ്ണേരി. പട്ടികജാതി വനിത :26 അഞ്ചാം പീടിക. പട്ടികജാതി: - 17 ആന്തൂര്‍. ശ്രീകണ്ഠപുരം വനിത: ഒന്ന് ചെമ്പന്തൊട്ടി, മൂന്ന് കരയത്തുംചാല്‍, നാല് അമ്പഴത്തുംചാല്‍, എട്ട് പുള്ളിമാന്‍കുന്ന്,10 ഐച്ചേരി,12 കൈതപ്രം, 15 നിടുങ്ങോം,16 ചുണ്ടപ്പറമ്പ്,18 കാഞ്ഞിലേരി, 19 ബാലങ്കരി, 20 വയക്കര, 26 പഴയങ്ങാടി, 27 ചേപ്പറമ്പ്, 29 നിടിയേങ്ങ, 31 കട്ടായി. പട്ടികജാതി വനിത: അഞ്ച് കംബ്ലാരി. പട്ടികജാതി: 17 ആലക്കുന്ന്. പട്ടികവര്‍ഗം : ആറ് കാനപ്രം.

ടീൻസ് ക്ലബ് പ്രവർത്തനം തുടങ്ങി

നെടുങ്ങോം: ‘ക്രിയാത്മക കൗമാരം, കരുത്തും കരുതലും' പദ്ധതിയുടെ ഭാഗമായി നെടുങ്ങോം ഗവ. ഹയർ സെക്കൻഡറി സ്കൂളിൽ ടീൻസ് ക്ലബ് പ്രവർത്തനമാരംഭിച്ചു. പിടിഎ പ്രസിഡന്‍റ് ഭാസ്കരൻ ഉദ്ഘാടനം ചെയ്തു. സ്കൂൾ പ്രിൻസിപ്പൽ ബോബി മാത്യു അധ്യക്ഷത വഹിച്ചു. ടീൻസ് ക്ലബ്‌ നോഡൽ ഓഫീസർ എ.പി. സലീന ആമുഖ പ്രഭാഷണം നടത്തി. സ്കൂൾ സീനിയർ അസിസ്റ്റന്‍റ് സിബി സെബാസ്റ്റ്യൻ, പി. രമ്യ, സ്കൂൾ കൗൺസിലർ സ്നേഹ മാത്യു എന്നിവർ പ്രസംഗിച്ചു. എക്സ്പീരിയൻഷ്യൽ എഡ്യൂക്കേറ്റർ സ്റ്റോറി ടെല്ലർ നാസറുൽ ഇസ്‌ലാം വിദ്യാർഥികൾക്കായി കൗമാര കാലഘട്ടത്തിന്‍റെ പ്രാധാന്യത്തെ കുറിച്ച് ക്ലാസെടുത്തു. വിദ്യാർത്ഥികൾ വിവിധ കലാപരിപാടികളും അവതരിപ്പിച്ചു.

വനിത ക്രിക്കറ്റ് താരം അയോണ ബിജിയെ അനുമോദിച്ചു

മണക്കടവ്: വനിതാ ക്രിക്കറ്റിൽ മികച്ച നേട്ടങ്ങൾ കൊയ്ത് മണക്കടവിന്‍റെ അഭിമാനമായി മാറിയ അയോണ ബിജി മുളപ്പൊമണ്ണിലിനെ മണക്കടവ് സിത്താര ആർട്സ് ആൻഡ് സ്പോർട്സ് ക്ലബ്‌ അനുമോദിച്ചു. ഉദയഗിരി പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ കെ.ടി. സുരേഷ്കുമാർ ഉപഹാര സമർപ്പണം നടത്തി. അണ്ടർ -15, ഡിസ്ട്രിക്റ്റ്, സോൺ, അണ്ടർ-19,അണ്ടർ-23 എന്നീ വിഭാഗത്തിൽ കേരള ക്രിക്കറ്റ്‌ അസോസിയേഷൻ ഇന്‍റർ സോൺ വനിതാ ക്രിക്കറ്റിൽ കഴിഞ്ഞ മൂന്നു വർഷങ്ങളിലായി മികച്ച ബാറ്ററും ഫാസ്റ്റ് ബൗളറുമായി ഓൾ റൗണ്ടറാണ് അയോണ ബിജി. മാന്നാനം സെന്‍റ് എഫ്രേം സ്കൂൾ ഒന്പതാം ക്ലാസ് വിദ്യാർഥിനിയാണ്. അനുമോദന ചടങ്ങിൽ കെ.ആർ. രതീഷ്, ധനുപ്രകാശ്, പി.വി. വിജേഷ് , ഷാരോൺ പ്രകാശ്, പി.എസ്. ധനേഷ് , വി.ആർ. രഞ്ജിത്ത് പി.എം. മനോജ്‌ എന്നിവർ പ്രസംഗിച്ചു.

അഖില കേരള നാടകോത്സവം നവംബർ 15 മുതൽ പയ്യാവൂരിൽ

പയ്യാവൂർ: ഡയാലിസിസ് രോഗികൾക്ക് കൈത്താങ്ങേകുന്നതിനുള്ള ജീവകാരുണ്യഫണ്ട് ശേഖരണത്തിനായി വൈഎംസിഎ പയ്യാവൂർ യൂണിറ്റ് സംഘടിപ്പിക്കുന്ന അഖില കേരള നാടകോത്സവം നവംബർ 15 മുതൽ 18 വരെ പയ്യാവൂർ ഗവ. സ്കൂളിനു സമീപം പ്രത്യേകം തയാറാക്കിയ വേദിയിൽ നടക്കും. ദിവസേന വൈകുന്നേരം ഏഴിനായിരിക്കും നാടകം ആരംഭിക്കുക. തിരുവനന്തപുരം നവോദയയുടെ "സുകുമാരി' 15 നും, തിരുവനന്തപുരം ഡ്രീം കേരളയുടെ "അകത്തേക്ക് തുറന്നിട്ട വാതിൽ' 16നും, കൊല്ലം അനശ്വരയുടെ "ആകാശത്തൊരു കടൽ' 17 നും, കോഴിക്കോട് സങ്കീർത്തനയുടെ "കാലം പറക്ക്ണ് ' 18 നും അവതരിപ്പിക്കും. ടിക്കറ്റ് ബുക്കിംഗിന് ഫോൺ: 9496707866, 9495458439, 755991 3449, 8848870799.

തീരാവേദനയായി അജീഷിന്‍റെ വേർപാട്

ചപ്പാരപ്പടവ്: മലയോര മേഖലയിലെ പ്രമുഖ ജീവകാരുണ്യ പ്രവര്‍ത്തകനും കരുവഞ്ചാലിലെ രേഖ അഡ്വര്‍ടൈസിംഗ് സ്ഥാപന ഉടമയുമായ തടിക്കടവ് കരിങ്കയം കട്ടയാലിലെ സി.കെ. അജീഷിന്‍റെ(47) അപ്രതീക്ഷിത വേർപാട് മലയോരത്തിന് തീരാവേദനയായി. രാഷ്‌ട്രീയ-സാമൂഹ്യ പ്രവര്‍ത്തകൻ കൂടിയായ അജീഷിനെ ഹൃദയാഘാതത്തെ തുടര്‍ന്ന് ഇന്നലെ രാവിലെ കണ്ണൂര്‍ ഗവ. മെഡിക്കല്‍ കോളജില്‍ പ്രവേശിപ്പിച്ചുവെങ്കിലും മരണം സംഭവിക്കുകയായിരുന്നു. മലയോര മേഖലയിലെ രക്തദാന സന്നദ്ധ പ്രവര്‍ത്തനത്തിലൂടെ നിരവധി പേര്‍ക്ക് പുനര്‍ജീവന്‍ നല്‍കുന്നതിന് ബ്ലഡ് ഡോണേഴ്സ് ഫോറം അംഗമെന്ന നിലയില്‍ പ്രവര്‍ത്തിച്ചുവരികയായിരുന്നു. ഏത് രാത്രിയിൽ രക്തത്തിനു വേണ്ടി വിളിച്ചാലും ഒരു മടിയും കൂടാതെ അജീഷ് വരികയോ മറ്റ് ഗ്രൂപ്പിലുള്ള രക്തമാണെങ്കിൽ അവരുടെ സഹായം ലഭ്യമാക്കുന്നതിന് ശ്രമിക്കുകയും ചെയ്യുമായിരുന്നുവെന്ന് സുഹൃത്തക്കൾ പറയുന്നു. രക്തം വേണ്ട വ്യക്തിക്ക് അതു കിട്ടി എന്ന് ഉറപ്പുവരുത്തിയതിനു ശേഷം മാത്രമേ അജീഷ് മറ്റ് പ്രവർത്തനത്തിലേക്ക് കടക്കൂ. കേരള വ്യാപാരി വ്യവസായി ഏകോപന സമിതി കരുവഞ്ചാല്‍ യൂണിറ്റ് അംഗം കൂടിയാണ് അജീഷ്.

ചെറുപുഴയിൽ വികസന സദസ് യുഡിഎഫ് ബഹിഷ്കരിക്കും

ചെറുപുഴ: ചെറുപുഴ പഞ്ചായത്ത് ഭരണസമിതിയുടെ നേതൃത്വത്തിൽ ഇന്നു രാവിലെ നടത്തുന്ന പഞ്ചായത്ത് വികസന സദസ് ബഹിഷ്കരിക്കാൻ യുഡിഎഫ് നേതൃത്വം തീരുമാനിച്ചു. കഴിഞ്ഞ തെരഞ്ഞെടുപ്പു കാലത്ത് നൽകിയ വാഗ്ദാനങ്ങളൊന്നും പാലിക്കാതെ അഞ്ചുവർഷം തികയുന്ന വേളയിൽ ജനങ്ങളുടെ കണ്ണിൽ പൊടിയിടാനുള്ള തന്ത്രമാണ് എൽഡിഎഫ് സംഘടിപ്പിക്കുന്ന പഞ്ചായത്ത് വികസന സദസ്. മലയോര ജനത ഇതു തള്ളിക്കളയുമെന്ന് യുഡിഎഫ് പഞ്ചായത്ത് കമ്മിറ്റി ചെയർമാൻ ആലയിൽ ബാലകൃഷ്ണൻ പറഞ്ഞു.

മഹിളാ കോൺഗ്രസ്‌ സിഗ്നേച്ചർ കാമ്പയിൻ സംഘടിപ്പിച്ചു

ചന്ദനക്കാംപാറ: മഹിളാ കോൺഗ്രസ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ ചന്ദനക്കാംപാറ കോൺഗ്രസ് കമ്മിറ്റി ഓഫീസ് പരിസരത്ത് സിഗ്നേച്ചർ കാമ്പയിൻ നടത്തി. കണ്ണൂർ ജില്ലാ ജനറൽ സെക്രട്ടറി ലിസമ്മ ബാബു ഉദ്ഘാടനം ചെയ്തു. പയ്യാവൂർ മണ്ഡലം പ്രസിഡന്‍റ് സിന്ധു ബെന്നി അധ്യക്ഷത വഹിച്ചു. ആനിസ് നെട്ടനാനിയ്ക്കൽ, പയ്യാവൂർ പഞ്ചായത്ത് മെംബർ ടി.പി. അഷറഫ്, ജോസ് മുതുപുന്നയ്ക്കൽ, വിൽസൺ കുറുപ്പനാട്ട്, സിബി പാറയിൽ, വത്സല സാജു എന്നിവർ പ്രസംഗിച്ചു.

സിലിണ്ടർ പൊട്ടിത്തെറിച്ച് അപകടം; മരണം നാലായി

പഴയങ്ങാടി: പുതിയങ്ങാടിയിൽ പാചകവാതക സിലിണ്ടർ പൊട്ടിത്തെറിച്ച് ഗുരുതരമായി പരിക്കേറ്റ നാലാമത്തെയാളും മരിച്ചു. ഇന്നലെ പുലർച്ചെയാണ് കണ്ണൂർ ഗവ.മെഡിക്കൽ കോളജിൽ ചികിത്സയിലായിരുന്ന ഒഡിഷ ബന്തിപൂർ സ്വദേശിയായ ജിതേന്ദ്ര ബഹ്റ (31) മരിച്ചത്. ഇതോടെ പൊള്ളലേറ്റ നാലുപേരും മരിച്ചു. കോർദ്ര ബലിപത്ത ഭുസന്ത്പുരിലെ നിഘം ബഹ്റ (38), ബുഷാന്ത്പുർ സി.ടി. ന്യുവിലെ ശിബ ബഹ്‌റ(34), കോർദ്ര ഭുസന്ത്പുരിലെ സുഭാഷ് ബെഹ്റ (53) എന്നിവർ തൊട്ടടുത്ത ദിവസങ്ങളിൽ മരണത്തിന് കീഴടങ്ങിയിരുന്നു. ജിതേന്ദ്ര ബഹ്റയുടെ സംസ്കാരം പയ്യാന്പലത്ത് നടത്തി.

കാണാതായ യുവാവ് കുറ്റിക്കാട്ടിൽ മരിച്ച നിലയിൽ

മട്ടന്നൂർ: കാണാതായ യുവാവിനെ കുറ്റിക്കാട്ടിൽ മരിച്ച നിലയിൽ കണ്ടെത്തി. മട്ടന്നൂർ ഹയർ സെക്കൻഡറി സ്കൂളിന് സമീപത്തെ എടക്കണ്ടി വീട്ടില്‍ കെ. ദിനേശൻ - ഭവിഷ ദമ്പതികളുടെ മകൻ കെ.സിദ്ധാർഥിനെ (20)യാണ് തലച്ചങ്ങാട് മുണ്ടച്ചാലിൽ മരിച്ച നിലയിൽ കണ്ടെത്തിയത്. മട്ടന്നൂരിലെ ഒരു സ്വകാര്യ സ്ഥാപനത്തിൽ ജോലി ചെയ്യുന്ന സിദ്ധാർഥിനെ കഴിഞ്ഞ തിങ്കളാഴ്ച ഉച്ചയ്ക്കാണ് കാണാതായത്. ബൈക്കുമായി വീട്ടിൽ നിന്നിറങ്ങിയ സിദ്ധാർഥ് തിരിച്ചു വരാത്തതിനെ തുടർന്നു കുടുംബം മട്ടന്നൂർ പോലീസിൽ പരാതി നല്കുകയായിരുന്നു. ബന്ധുക്കളും പോലീസും അന്വേഷണം നടത്തുന്നതി നിടെയാണ് വ്യാഴാഴ്ച ഉച്ചയ്ക്ക് മുണ്ടച്ചാലിൽ റോഡരികിലെ കാട്ടിനുള്ളിൽ മരിച്ച നിലയിൽ കണ്ടെത്തിയത്. ബൈക്ക് റോഡരികിൽ നിർത്തിയിട്ട നിലയിലായിരുന്നു. ദുർഗന്ധമുണ്ടായതിനെ തുടർന്നു നടത്തിയ തെരച്ചലിലാണ് മൃതദേഹം കണ്ടെത്തിയത്. വിഷം കഴിച്ച് ആത്മഹത്യ ചെയ്തതാണെന്നാണ് പ്രാഥമിക നിഗമനം. മട്ടന്നൂർ പോലീസ് ഇൻക്വസ്റ്റ് നടത്തിയ മൃതദേഹം പോസ്റ്റ്മോർട്ടത്തിനായി പരിയാരം മെഡിക്കൽ കോളജിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം ഇന്നു രാവിലെ നാട്ടിലെത്തിച്ച് 11.30 ന് പൊറോറ നിദ്രാലയത്തില്‍ സംസ്കരിക്കും.സഹോദരന്‍: സായന്ത്.

കണ്ണൂർ തീരത്ത് ഡോൾഫിനുകൾ ചത്ത നിലയിൽ

കണ്ണൂർ: കണ്ണൂർ തീരത്ത് രണ്ടിടങ്ങളിലായി രണ്ടു ഡോൾഫിനുകൾ ചത്തനിലയിൽ കരയ്ക്കടിഞ്ഞു. ഒന്ന് ആണും രണ്ടാമത്തേത് പെൺ ഡോൾഫിനുമാണ്. പയ്യാമ്പലം പ്രണവം ബീച്ച് റിസോർട്ടിനു മുൻവശത്തായാണ് പെൺ ഡോൾഫിന്‍റെ ജഡം കണ്ടെത്തിയത്. ഇവിടെനിന്ന് രണ്ട് കിലോമീറ്റർ അകലെ നീർക്കടവ് ശാന്തിതീരം ശ്മശാനത്തിനടുത്തായിരുന്നു ആൺ ഡോൾഫിന്‍റെ ജഡം. പെൺ ഡോൾഫിന് രണ്ടേകാൽ മീറ്റർ നീളവും 100 കിലോയോളം ഭാരവുമുണ്ട്. ആഴത്തിലുള്ള മുറിവേറ്റ് കുടൽമാല പുറത്ത് ചാടിയ നിലയിലായിരുന്നു. ആൺ ഡോൾഫിന് ഒന്നര മീറ്റർ നീളവും 40 കിലോ തൂക്കവുമുണ്ട്. തലയ്ക്ക് പരിക്കേറ്റ് ഒരു വശത്തെ കണ്ണ് തകർന്ന നിലയിലായിരുന്നു. കപ്പലിന്‍റേയോ ബോട്ടിന്‍റേയോ പ്രൊപ്പല്ലർ തട്ടി പരിക്കേറ്റതാണ് മരണകാരണമെന്ന് പോസ്റ്റുമോർട്ടം നടത്തിയ കണ്ണൂർ ജില്ലാ വെറ്ററിനറി ആശുപത്രി ഡെപ്യൂട്ടി ഡയറക്ടർ ഡോ.പദ്മരാജ് പറഞ്ഞു. പോസ്റ്റുമോർട്ടത്തിന് വെറ്ററിനറി സർജൻ ഡോ. ദിവ്യയും പങ്കെടുത്തു. ഫോറസ്റ്റ് റേഞ്ച് ഓഫീസർ സബീന, സെക്ഷൻ ഫോറസ്റ്റ് ഓഫീസർ സി. പ്രദീപൻ, വൈൽഡ് ലൈഫ് റെസ്ക്യൂർമാരായ സന്ദീപ്, അനിൽ, ജിഷ്ണു എന്നിവരുടെ നേതൃത്വത്തിൽ ജഡങ്ങൾ മറവ് ചെയ്‌തു.

നവീൻ ബാബുവിനെ അനുസ്മരിക്കാതെ ഇടത് അനുകൂല സംഘടനകൾ

കണ്ണൂർ: എഡിഎം നവീൻ ബാബുവിന്‍റെ ഒന്നാം ചരമ വാർഷികത്തിൽ അനുസ്മരണ പരിപാടികൾ സംഘടിപ്പിക്കാതെ ഇടത് അനുകൂല സംഘടനകൾ. സ്റ്റാഫ് കൗൺസിൽ പോലും അനുസ്മരണ യോഗം ചേരാൻ തയാറായില്ല. അതേസമയം, ബിജെപിയും യൂത്ത് കോൺഗ്രസും എൻജിഒ അസോസിയേഷനും കളക്‌ടറേറ്റ് പരിസരത്ത് അനുസ്മരണ യോഗം സംഘടിപ്പിച്ചു. ബിജെപി കളക്‌ടറേറ്റിന് മുന്നിൽ നവീൻ ബാബുവിന്‍റെ ഛായാചിത്രം സ്ഥാപിച്ച് പുഷ്പാർച്ചന നടത്തി. നോർത്ത് ജില്ലാ പ്രസിഡന്‍റ് കെ.കെ.വിനോദ് കുമാർ അനുശോചന പ്രസംഗം നടത്തി. പി.പി.ദിവ്യയുടെ നാവാണ് നവീൻ ബാബുവിനെ കൊന്നതെന്നും ദിവ്യയെ സ്വർണപ്പാളികൊണ്ട് പൊതിയാനാണ് സിപിഎം നീക്കമെന്നും വിനോദ് കുമാർ ആരോപിച്ചു. എൻജിഒ അസോസിയേഷൻ സംഘടിപ്പിച്ച അനുസ്മരണം ജില്ലാ വൈസ് പ്രസിഡന്‍റ് ഇ.പി.അബ്ദുല്ലയും യൂത്ത് കോൺഗ്രസ് സംഘടിപ്പിച്ച അനുസ്മരണം ഡിസിസി പ്രസിഡന്‍റ് മാർട്ടിൻ ജോർജും ഉദ്ഘാടനം ചെയ്തു.

ഇരിട്ടി പഴയപാലത്തിന്‍റെ ഇരുമ്പ് ചട്ടക്കൂടിൽ കെഎസ്ആർടിസി സ്വിഫ്റ്റ് ബസ് ഇടിച്ചുകയറി

ഇരിട്ടി: ബംഗളൂരുവിൽ നിന്ന് പയ്യന്നൂരിലേക്ക് പോകുകയായിരുന്ന കെഎസ്ആർടിസി സ്വിഫ്റ്റ് ബസ് ഇരിട്ടി പഴയപാലത്തിന്‍റെ ഇരുമ്പ് ചട്ടക്കൂടിൽ ഇടിച്ചുകയറി. ഡ്രൈവർ ബിജു, കണ്ടക്ടർ മാത്യു ഉൾപ്പെടെ എട്ട് പേർക്ക് പരിക്കേറ്റു. ആരുടെയും പരിക്ക് ഗുരുതരമല്ല. ഇന്നലെ പുലർച്ചെ നാലോടെയായിരുന്നു അപകടം. പരിക്കേറ്റവരെ ഇരിട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ബസിൽ 22 യാത്രക്കാരുണ്ടായിരുന്നു. ഇരിട്ടിയിൽ യാത്രക്കാരെ ഇറക്കി പയ്യന്നൂരിലേക്ക് പോകുമ്പോഴായിരുന്നു അപകടം. ബസ് നിയന്ത്രണംവിട്ട് പാളിയതാണ് അപകടകാരണമെന്നാണ് പ്രാഥമിക നിഗമനം. പാലത്തിലേക്ക് പ്രവേശിക്കുന്നതിന് മുന്പ് ബസ് റോഡിൽനിന്ന് തെന്നിമാറി പാലത്തിന്‍റെ വലതുഭാഗത്തെ വലിയ കരിങ്കൽ തൂണിൽ പിൻഭാഗം തട്ടുകയായിരുന്നു. പിന്നീട് പാലത്തിന്‍റെ ഇടതുവശത്തെ ഇരുമ്പ് ചട്ടക്കൂടിലേക്ക് ഇടിച്ചു കയറി. ഇടിയുടെ ആഘാതത്തിൽ മുൻഭാഗം പൂർണമായും തകർന്നു. ബസ് പാലത്തിലേക്ക് പ്രവേശിക്കുന്നതിന്‍റെ 20 മീറ്ററിനുള്ളിലാണ് അപകടം. കുത്തിയൊഴുകുന്ന പുഴയിലേക്ക് പതിക്കാതെ ബസിനെ രക്ഷിച്ചത് നൂറ്റാണ്ട് പഴക്കമുള്ള പാലത്തിന്‍റെ ഇരുമ്പു ചട്ടക്കൂടാണ്. പാലത്തിലേക്ക് ഇടിച്ചുകയറിയ ബസിന്‍റെ പകുതി ഭാഗത്തോളം തകർന്ന് വെളിയിലേക്കായിരുന്നു. ഇരിട്ടി പോലീസും ഫയർ ഫോഴ്‌സും ഉടൻ സംഭവസ്ഥലത്തെത്തി. അപകടത്തെ തുടർന്ന് തളിപ്പറമ്പ് - ഉളിക്കൽ ഭാഗത്തേക്കുള്ള ഗതാഗതം പുതിയപാലത്തിലൂടെ വതിരിച്ചുവിട്ടു. ഇതോടെ പുതിയപാലത്തിൽ വലിയ ഗതാഗതക്കുരുക്കാണ് അനുഭവപ്പെട്ടത്.

കല്ലാളത്തിൽ ശ്രീധരൻ: വ്യവസായ രംഗത്ത് കണ്ണൂരിനെ കൈപി‌ടിച്ചു നടത്തിയ സംരംഭകൻ

കണ്ണൂർ: കൈത്തറിയുടെ നാടായ കണ്ണൂരിനെ മറ്റു വ്യവസായ മേഖലകളിലേക്ക് കൈപിടിച്ചു നടത്തിച്ച ആദ്യകാല വ്യവസായ പ്രമുഖരിൽ ഒരാളെയാണ് കല്ലാളത്തിൽ ശ്രീധരന്‍റെ നിര്യാണത്തോടെ നഷ്ടമാകുന്നത്. സാധാരണക്കാരനിൽ നിന്ന് സ്ഥിരോത്സാഹം കൊണ്ടും കഠിന പരിശ്രമം കൊണ്ടും വ്യവസായമേഖലയിൽ തന്‍റേതായ ഇടം സ്വന്തമാക്കിയ സംരംഭകൻ കൂടിയാണ് ഇദ്ദേഹം. ഹോട്ടൽ, സിനിമാ തിയറ്റർ, ഡിസ്റ്റിലറി, ഔഷധ നിർമാണ-വിതരണം, തുണിയുത്പാദനം, ആശുപത്രി എന്നിങ്ങനെ നീളുന്നതാണ് അദ്ദേഹത്തിന്‍റെ വ്യവസായ ശൃംഖലകൾ. കവിത തിയറ്ററിലൂടെ സിനിമാ ആസ്വാദകർക്കായി കണ്ണൂരിൽ ആദ്യ എയർകണ്ടീഷൻഡ് തിയറ്റർ ഒരുക്കിയത് കല്ലാളത്തിൽ ശ്രീധരനാണ്. മുൻ മുഖ്യമന്ത്രിമാരായ ഇ.കെ.നായനാർ, ഉമ്മൻചാണ്ടി, മുഖ്യമന്ത്രി പിണറായി വിജയൻ, മുൻ മന്ത്രി ബേബി ജോൺ എന്നിവരുമായി വളരെയേറെ അടുപ്പമുണ്ടായിരുന്നു. സംസ്ഥാന-ദേശീയതലത്തിലെ രാഷ്‌ട്രീയ പാർട്ടി നേതാക്കളുമായും മന്ത്രിമാരുമായും ബന്ധമുള്ളപ്പോൾ തന്നെ തന്‍റെ വ്യവസായ ആവശ്യങ്ങൾക്കായി ഈ ബന്ധങ്ങൾ ഒരിക്കലും ദുരുപയോഗം ചെയ്തിട്ടില്ലെന്നത് വ്യക്തി ജീവിതത്തിൽ ഇദ്ദേഹം പുലർത്തി പോന്ന ആദർശ ശുദ്ധിയുടെ തെളിവാണ്. സിനിമാ മേഖലയിലുള്ളവരുമായും അടുത്ത ബന്ധമായിരുന്നു. ആദ്യകാലങ്ങളിൽ കണ്ണൂരിലെത്തുന്ന സിനിമാക്കാർ താമസിച്ചിരുന്നത് പയ്യാന്പലത്തെ അദ്ദേഹത്തിന്‍റെ സേവോയി ഹോട്ടലിലായിരുന്നു. ക്രിക്കറ്റ് സംഘാടകനുമായിരുന്നു. തന്നെ സമീപിക്കുന്നവർക്ക് കഴിയാവുന്ന സഹായങ്ങൾ ചെയ്യാൻ എന്നും സന്നദ്ധത കാട്ടിയ കല്ലാളത്തിൽ ശ്രീധരൻ കണ്ണൂരിന്‍റെ സാമൂഹിക-സാംസ്കാരിക മേഖലയിലുള്ളവർക്കും കരുത്തായിരുന്നു. കല്ലാളത്തിൽ ശ്രീധരന്‍റെ നിര്യാണത്തിൽ മുഖ്യമന്ത്രി പിണറായി വിജയൻ, മന്ത്രി കടന്നപ്പള്ളി രാമചന്ദ്രൻ എന്നിവർ അനുശോചിച്ചു.

യുവാവിനെ കുളത്തിൽ തള്ളിയിട്ട് കൊന്നത്; രണ്ടുപേർ അറസ്റ്റിൽ

നടുവിൽ: കിഴക്കേ കവലയ്ക്കടുത്ത എരോടി കൃഷിയിടത്തിലെ കുളത്തിൽ മരിച്ചനിലയിൽ കണ്ട യുവാവിന്‍റെ മരണം കൊലപാതകമാണെന്ന് പോലീസ് അന്വേഷണത്തിൽ തെളിഞ്ഞു. സംഭവവുമായി ബന്ധപ്പെട്ട് രണ്ടുപേർ അറസ്റ്റിലായി. നടുവിൽ പടിഞ്ഞാറെ കവലയിലെ വി.വി.പ്രജുൽ (30) കൊല്ലപ്പെട്ട കേസിൽ നടുവിൽ സ്വദശികളായ പോത്തുകുണ്ട് റോഡിലെ വയലിനകത്ത് മിഥിലാജ് (26), കിഴക്കേ കവലയിലെ പുതിയകത്ത് ഷാക്കിർ എന്ന ശാഹിർ (28) എന്നിവരെയാണ് കുടിയാന്മല പോലീസ് അറസ്റ്റു ചെയ്തത്. സെപ്റ്റംബർ 25 നായിരുന്നു കേസിനാസ്പദമായ സംഭവം. കൊല്ലപ്പെട്ട പ്രജുലും പ്രതികളും സുഹൃത്തുക്കളാണ്. ഇവർ തമ്മിൽ മൃതദേഹം കണ്ടെത്തിയ കുളത്തിനടുത്ത് രാത്രിയിൽ വാക്ക് തർക്കമുണ്ടായതായി പറയുന്നു. തുടർന്നുണ്ടായ മർദനത്തിൽ പരിക്കേറ്റ പ്രജുലിനെ ഇരുവരും ചേർന്ന് കുളത്തിലേക്ക് തള്ളിയിടുകയായിരുന്നു. ചെളിയിൽ പൂണ്ടുപോയ നിലയിലാണ് പ്രജുലിന്‍റെ മൃതദേഹം കണ്ടെത്തിയിരുന്നത്. പ്രജുലിനെ കാണാതായതിനെ തുടർന്ന് ബന്ധുക്കൾ പോലീസിൽ നല്കിയ പരാതിയിൽ അന്വേഷണം നടത്തുന്നതിനിടയിലാണ് നാട്ടുകാർ കുളത്തിൽനിന്ന് മൃതദേഹം മുങ്ങിയെടുത്തത്. കഞ്ചാവ് കേസ് ഉൾപ്പെടെ നിരവധി ക്രിമിനൽ കേസുകളിൽ പ്രതികളാണ് പിടിയിലായ രണ്ടുപരുമെന്ന് പോലീസ് പറഞ്ഞു. നടുവിൽ കേന്ദ്രീകരിച്ചു മലയോര മേഖലയിൽ നടക്കുന്ന മയക്കുമരുന്നു വില്പനയുടെ കണ്ണികളാണ് പ്രതികളെന്നാണ് പോലീസ് നല്കുന്ന സൂചന. ഏതാനും മാസം മുമ്പ് കഞ്ചാവു വില്പന കേസിൽ എക്സൈസ് മിഥിലാജിനെ അറസ്റ്റുചെയ്തിരുന്നു. കൂട്ടുപ്രതിയായ ഷാക്കിർ പിക്കപ്പ് ഓട്ടോ ഡ്രൈവറാണ്. മരണത്തിൽ സംശയമുണ്ടെന്നാരോപിച്ച് പ്രജുലിന്‍റെ അമ്മ വി.വി. സരോജിനി പോലീസിൽ പരാതി നല്കിയിരുന്നു. തുടർന്ന് കുടിയാന്മല പോലീസ് നടത്തിയ അന്വേഷണത്തിലാണ് കൊലപാതകമാണെന്ന് വ്യക്തമായത്. തളിപ്പറമ്പ് ഡിവൈഎസ്പി പ്രേമചന്ദ്രന്‍റെ നിർദേശാനുസരണം കുടിയാന്മല പോലീസ് ഇൻസ്പെക്ടർ എം.എൻ. ബിജോയിയാണ് പ്രതികളെ അറസ്റ്റു ചെയ്തത്. എസ്ഐ കെ.കെ.രാധാകൃഷ്ണൻ, എഎസ്ഐ സജിമോൻ, സീനിയർ സിപിഒ എ. ജയരാജ്, സിപിഒ കെ.കെ. കൃഷ്ണൻ എന്നിവരും അന്വേഷണ സംഘത്തിലുണ്ടായിരുന്നു.

ആത്മഹത്യയ്ക്ക് ശ്രമിച്ച നഴ്സിംഗ് വിദ്യാർഥിനിയുമായി പോയ കാർ മറിഞ്ഞു; വിദ്യാർഥിനി മരിച്ചു

കുറ്റിക്കോൽ: ആത്മഹത്യയ്ക്ക് ശ്രമിച്ച നഴ്സിംഗ് വിദ്യാർഥിനിയെ ആശുപത്രിയിലെത്തിക്കാനായി സഹോദരൻ ഓടിച്ച കാർ നിയന്ത്രണംവിട്ട് മറിഞ്ഞു. ഉടൻ ആശുപത്രിയിലെത്തിച്ചെങ്കിലും വിദ്യാർഥിനിയുടെ ജീവൻ രക്ഷിക്കാനായില്ല. അപകടത്തിൽ അമ്മയ്ക്കും സഹോദരനും പരിക്കേറ്റു. ബേത്തൂർപാറ തച്ചാർകുണ്ടിലെ പരേതനായ ബാബു-വനജ ദന്പതികളുടെ മകൾ മഹിമ (19) യാണ് മരിച്ചത്. കാസർഗോട്ടെ സ്വകാര്യ നഴ്സിംഗ് കോളജിൽ രണ്ടാംവർഷ ബിഎസ്‌സി നഴ്സിംഗ് വിദ്യാർഥിനിയായിരുന്നു. ഇന്നലെ രാവിലെ എട്ടോടെയാണ് മഹിമയെ കിടപ്പുമുറിയിൽ തൂങ്ങിമരിക്കാൻ ശ്രമിച്ച നിലയിൽ കണ്ടെത്തിയത്. സഹോദരൻ മഹേഷും അമ്മ വനജയും ചേർന്ന് ഉടൻതന്നെ കെട്ടഴിച്ച് കാറിൽ കയറ്റി ആശുപത്രിയിലേക്ക് കൊണ്ടുപോകുകയായിരുന്നു. കാർ വീട്ടിൽനിന്ന് ഒരു കിലോമീറ്റർ അകലെ പടിമരുതിൽ വച്ചാണ് നിയന്ത്രണംവിട്ട് വൈദ്യുത തൂണിലിടിച്ച് മറിഞ്ഞത്. ഓടിക്കൂടിയ ആളുകൾ ഉടൻതന്നെ മൂന്നുപേരെയും പുറത്തെടുത്ത് മറ്റൊരു വാഹനത്തിൽ കയറ്റി കാസർഗോട്ടെ ആശുപത്രിയിലെത്തിച്ചെങ്കിലും അതിനകം മഹിമയുടെ മരണം സംഭവിച്ചിരുന്നു. മഹേഷും അമ്മ വനജയും ആശുപത്രിയിൽ ചികിത്സയിലാണ്. സംഭവത്തിൽ ബേഡകം പോലീസ് കേസെടുത്തു.

മാഹിയമ്മയുടെ അനുഗ്രഹം തേടി ആയിരങ്ങളുടെ ശയന പ്രദക്ഷിണം

മാഹി: സെന്‍റ് തെരേസാ ബസിലിക്ക തിരുനാളിന്‍റെ ഭാഗമായി ഇന്നലെ ആത്മീയ വിശുദ്ധിയുടെ അടയാളമായ ശയന പ്രദക്ഷിണം നടന്നു. വിശുദ്ധ അമ്മത്ര്യേസ്യയുടെ അനുഗ്രഹം തേടി വ്രതാനുഷ്‌‌ഠാനത്തോടെ ആയിരങ്ങൾ പള്ളിയുടെ മുന്നിലെ പ്രധാന റോഡിൽ ശയനപ്രദക്ഷിണം നടത്തി. ബസിലിക്ക റെക്‌ടർ ഫാ. സെബാസ്റ്റ്യൻ കാരക്കാട്ടിന്‍റെ കാർമികത്വത്തിൽ പുലർച്ചെ രണ്ടോടെ ആരംഭിച്ച ചടങ്ങുകൾ രാവിലെ ഏഴിനു സമാപിച്ചു. വിവിധ മതസ്ഥരായ വിശ്വാസികൾ നടത്തിയ ശയനപ്രദക്ഷിണം പള്ളി പരിസരത്തെ പുലർകാലം മുതൽ ഭക്തി സാന്ദ്രമാക്കി. സെമിത്തേരി റോഡ് മുതൽ പള്ളിയുടെ പ്രധാന കവാടം വരെ കർശനമായ വാഹന നിയന്ത്രണം ഏർപ്പെടുത്തിയതിനാൽ വിശ്വാസികൾക്ക് ബുദ്ധിമുട്ടുകളില്ലാതെ ശയന പ്രദക്ഷിണം നിർവഹിക്കാൻ സാധിച്ചു. രാവിലെ നടന്ന ദിവ്യബലിക്ക് കോഴിക്കോട് ആർച്ച്ബിഷപ് ഡോ.വർഗീസ് ചക്കാലക്കൽ കാർമികത്വം വഹിച്ചു. മനുഷ്യരിൽ ദൈവത്തിന്‍റെ ഛായയുള്ളത് നമ്മൾ കാണാതെ പോകരുതെന്ന് ദിവ്യബലിയർപ്പിച്ച് ആർച്ച്ബിഷപ് പറഞ്ഞു. വിശുദ്ധ അമ്മ ത്രേസ്യ എല്ലാവരിലും ദൈവികത കണ്ടെത്തിയവളായിരുന്നു. ഈ ദർശനം എല്ലാവരും ഉൾക്കൊണ്ടാൽ സംഘർഷം, യുദ്ധം എന്നിവ ഇല്ലാതായി സ്നേഹത്തിന്‍റെ സംസ്കാരം കൈവരുമെന്നും ആർച്ച്ബിഷപ് ചക്കാലക്കൽ പറഞ്ഞു. ഈ മാസം അഞ്ചിന് കൊടിയേറിയ തിരുനാൾ ആഘോഷം 22 ന് ഉച്ചതിരിഞ്ഞ് സമാപിക്കും.

തലശേരി അന്താരാഷ്‌ട്ര ചലച്ചിത്രമേള ഇന്നു മുതൽ; ‘ഓള്‍ വി ഇമാജിന്‍ ഏസ് ലൈറ്റ് ’ഉദ്ഘാടന ചിത്രം

തലശേരി: കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന തലശേരി അന്താരാഷ്‌ട്ര ഫിലിം ഫെസ്റ്റിവലിന് ഇന്നു തിരിതെളിയും. ലിബര്‍ട്ടി തിയേറ്റര്‍ സമുച്ചയത്തില്‍ നടക്കുന്ന മേള മന്ത്രി പി. രാജീവ് ഉദ്ഘാടനം ചെയ്യുമെന്ന് സ്പീക്കർ എ.എൻ. ഷംസീർ പത്രസമ്മേളനത്തിൽ അറിയിച്ചു. ഉദ്ഘാടന ചിത്രമായി കാന്‍ മേളയില്‍ ഗ്രാന്‍റ് പ്രി പുരസ്‌കാരം നേടിയ 'ഓള്‍ വി ഇമാജിന്‍ ഏസ് ലൈറ്റ്' പ്രദര്‍ശിപ്പിക്കും. മുനിസിപ്പല്‍ ചെയര്‍പേഴ്‌സണ്‍ കെ.എം. ജമുനാ റാണി, ചലച്ചിത്ര അക്കാദമി ചെയര്‍പേഴ്‌സണ്‍ പ്രേംകുമാര്‍, ചലച്ചിത്ര വികസന കോര്‍പറേഷന്‍ ചെയര്‍പേഴ്‌സനും സംവിധായകനുമായ കെ. മധു, നടനും സംവിധായകനുമായ ശങ്കര്‍ രാമകൃഷ്ണന്‍, സംസ്ഥാന ചലച്ചിത്ര അവാര്‍ഡ് ജേതാവായ ഡബ്ബിംഗ് ആര്‍ട്ടിസ്റ്റ് എം. സ്‌നേഹ, ചലച്ചിത്ര അക്കാദമി സെക്രട്ടറി സി. അജോയ്, നിര്‍മാതാവ് ലിബര്‍ട്ടി ബഷീര്‍ തുടങ്ങിയവര്‍ പങ്കെടുക്കും. കഴിഞ്ഞ ഡിസംബറില്‍ തിരുവനന്തപുരത്ത് നടന്ന 29ാമത് ഐഎഫ്എഫ്കെയില്‍ പ്രദര്‍ശിപ്പിച്ച 177 സിനിമകളില്‍നിന്ന് തെരഞ്ഞെടുത്ത 55 ചിത്രങ്ങളാണ് മേളയില്‍ പ്രദര്‍ശിപ്പിക്കുക. അന്താരാഷ്‌ട്ര മത്സരവിഭാഗത്തില്‍നിന്നുള്ള 14 ചിത്രങ്ങള്‍, ലോകസിനിമാ വിഭാഗത്തില്‍നിന്നുള്ള 12 ചിത്രങ്ങള്‍, ഫെസ്റ്റിവല്‍ ഫേവറിറ്റ്‌സ് വിഭാഗത്തില്‍നിന്നുള്ള അഞ്ച് ചിത്രങ്ങള്‍, 12 മലയാള ചിത്രങ്ങള്‍, ഏഴ് ഇന്ത്യന്‍ സിനിമകള്‍, കലൈഡോസ്‌കോപ്പ്, ഫിമേയ്ല്‍ ഗേസ്, ലൈഫ്‌ടൈം അച്ചീവ്‌മെന്‍റ് അവാര്‍ഡ്, അര്‍മീനിയന്‍ ഫോക്കസ് എന്നീ വിഭാഗങ്ങളില്‍നിന്നുള്ള ഓരോ ചിത്രങ്ങള്‍ എന്നിവയാണ് മേളയില്‍ ഉള്‍പ്പെടുത്തിയിരിക്കുന്നത്. ലിബര്‍ട്ടി തിയേറ്റര്‍ പരിസരത്ത് ഒരുക്കിയ പവലിയനില്‍ 17,18 തീയതികളില്‍ ഓപ്പണ്‍ ഫോറം ഉണ്ടായിരിക്കും. ചലച്ചിത്രപ്രവര്‍ത്തകരും ഡെലിഗേറ്റുകളും സിനിമയിലെ സമകാലിക പ്രവണതകളെക്കുറിച്ചുള്ള ആശയസംവാദങ്ങളില്‍ പങ്കെടുക്കും. 17,18 തീയതികളില്‍ തലശേരി ജവഹര്‍ഘട്ടില്‍ കലാസാംസ്‌കാരിക പരിപാടികള്‍ സംഘടിപ്പിക്കും. പത്രസമ്മേളനത്തിൽ ചലച്ചിത്ര അക്കാദമി ചെയര്‍പേഴ്‌സണ്‍ പ്രേംകുമാര്‍, സെക്രട്ടറി സി. അജോയ്, പ്രോഗ്രാം മാനേജർ എച്ച്. ഷാജി, പ്രദീപ് ചൊക്ലി, എസ്.കെ. അർജുൻ, സുരാജ് ചിറക്കര എന്നിവരും പങ്കെടുത്തു.

ഇടിമിന്നലേറ്റു മരിച്ച ഇതരസംസ്ഥാന തൊഴിലാളികളുടെ മൃതദേഹം നാട്ടിലെത്തിച്ചു

ശ്രീകണ്ഠപുരം: ചെങ്ങളായി കാക്കണ്ണംപാറയിൽ ഇടിമിന്നലേറ്റ് മരിച്ച രണ്ടു ഇതര സംസ്ഥാന തൊഴിലാളികളുടെയും മൃതദേഹങ്ങൾ നാട്ടിലേക്കു കൊണ്ടുപോയി. ആസാം ഉദൽഗുരി സ്വദേശി ജോസ് (ജാസ് നർസാരി -42), ഒഡീഷ റയഗഡയ സ്വദേശി രാജേഷ് (26) എന്നിവരുടെ മൃതദേഹങ്ങളാണ് കണ്ണൂർ ഗവ.മെഡിക്കൽ കോളജിലെ പോസ്റ്റുമോർട്ടത്തിനുശേഷം ബന്ധുക്കൾ ഏറ്റുവാങ്ങി കണ്ണൂരിൽ നിന്ന് വിമാനമാർഗം നാട്ടിലെത്തിച്ചത്. 14ന് ഉച്ചകഴിഞ്ഞ് മൂന്നോടെയായിരുന്നു അപകടം. പരിക്കേറ്റ് പരിയാരത്തെ കണ്ണൂർ ഗവ.മെഡിക്കൽ കോളജിൽ ചികിത്സയിലുള്ള ഒഡീഷയിലെ വിദ്യാധർ പ്രദീപ്, ആസാം സ്വദേശി ഗൗതംറായി എന്നിവരും നാട്ടിലേക്കു മടങ്ങി. ചെങ്ങളായി പഞ്ചായത്തിലെ കാക്കണ്ണംപാറ കലാഗ്രാമത്തിന് സമീപം ചെങ്കൽ ജോലിക്കിടെയിലാണ് ഇരുവർക്കും മിന്നലേറ്റത്. ഉടൻതന്നെ ശ്രീകണ്ഠപുരത്തെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. ശ്രീകണ്ഠപുരം പോലീസ് ഇന്നലെ രാവിലെ ഇൻക്വസ്റ്റ് നടപടികൾ പൂർത്തീകരിച്ച ശേഷം അസ്വാഭാവിക മരണത്തിന് കേസെടുത്തു. ഷാജി എന്നയാളുടെ ഉടമസ്ഥതയിലുള്ള ചെങ്കൽപണയിൽ അഞ്ചുപരാണ് ജോലി ചെയ്യുന്നത്. ഷാജിയാണ് മരിച്ചവരുടെ വീട്ടുകാരെയടക്കം വിവരം അറിയിച്ചത്.

ഗ്യാസ് സിലിണ്ടർ പൊട്ടിത്തെറിച്ച് മരിച്ചവരുടെ എണ്ണം മൂന്നായി

പഴയങ്ങാടി: ജില്ലയിലെ പ്രധാന മത്സ്യബന്ധന മേഖലയായ പുതിയങ്ങാടിയിൽ പാചകവാതക സിലിണ്ടർ പൊട്ടിത്തെറിച്ച് ഗുരുതരമായി പരിക്കേറ്റ നാലുപേരിൽ മൂന്നുപേരും മരിച്ചതിന്‍റെ ഞെട്ടലിലാണ് ഇവിടുത്തെ ഇതര സംസ്ഥാന ക്യാന്പുകളിലെ തൊഴിലാളികൾ. പത്തിന് പുലർച്ചെയാണ് ഒഡീഷ സ്വദേശികളായ തൊഴിലാളികൾക്ക് പാചകവാതക സിലിണ്ടർ തീപിടിച്ച് പൊട്ടിത്തെറിച്ച് ഗുരുതരമായി പൊള്ളലേറ്റത്. കണ്ണൂർ ഗവ. മെഡിക്കൽ കോളജിലെ തീവ്രപരിചരണ വിഭാഗത്തിൽ കഴിയുകയായിരുന്ന കോർദ്ര ബലിപത്ത ഭുസന്ത്പുരിലെ നിഘം ബഹ്റ (38), ബുഷാന്ത്പുർ സി.ടി. ന്യുവിലെ ശിബ ബഹ്‌റ(34), കോർദ്ര ഭുസന്ത്പുരിലെ സുഭാഷ് ബെഹ്റ (53) എന്നിവർ തൊട്ടടുത്ത ദിവസങ്ങളിൽ മരണത്തിന് കീഴടങ്ങി.പൊള്ളലേറ്റ ജിതേന്ദ്ര ബെഹ്‌റ (30) തീവ്രപരിചരണ വിഭാഗത്തിലാണ്. മരിച്ചവരുടെ ഭാര്യയും മക്കളും ഉൾപ്പെടെയുള്ള കുടുംബാംഗങ്ങൾക്ക് എത്താൻ സാധിക്കാത്തതിനാൽ മൂന്നുപേരുടെയും സംസ്കാരം കണ്ണൂർ പയ്യാന്പലത്താണ് നടത്തിയത്. പുതിയങ്ങാടിയിലും പരിസരങ്ങളിലും മത്സ്യബന്ധനവുമായി ബന്ധപ്പെട്ട് ജോലി ചെയ്യുന്ന ഇതരസംസ്ഥാന തൊഴിലാളികളുടെ ജീവിതം അസൗകര്യങ്ങളാൽ വീർപ്പുമുട്ടുന്ന തരത്തിലാണ്. താമസിക്കുന്ന മുറികളിൽ തന്നെയാണ് പാചകം ചെയ്യുന്നതും. ഇതാണ്, പുതിയങ്ങാടിയിലുണ്ടായ അപകടത്തിൽ മരണനിരക്ക് കൂടാൻ കാരണം.

18 ഗ്രാമപഞ്ചായത്തുകളുടെ സംവരണവാര്‍ഡുകള്‍ കൂടി നറുക്കെടുത്തു

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി വനിത, പട്ടികവിഭാഗം സംവരണ വാര്‍ഡുകള്‍ നിശ്ചയിക്കാന്‍ ഇരിക്കൂര്‍, പാനൂര്‍, ഇരിട്ടി ബ്ലോക്കിന് കീഴിലെ 18 ഗ്രാമപഞ്ചായത്തുകളുടെ നറുക്കെടുപ്പ് നടത്തി. ഇതോടെ ജില്ലയിലെ 51 ഗ്രാമപഞ്ചായത്തുകളുടെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടര്‍ അരുണ്‍ കെ. വിജയന്‍ നേതൃത്വം നല്‍കി. തലശേരി, കൂത്തുപറമ്പ്, പേരാവൂര്‍ ബ്ലോക്കിന് കീഴിലെ ഗ്രാമപഞ്ചായത്തുകളുടെ നറുക്കെടുപ്പ് ഇന്ന് രാവിലെ 10ന് കളക്ടറേറ്റ് കോൺഫറൻസ് ഹാളിൽ നടക്കും. വിവിധ ഗ്രാമപഞ്ചായത്തുകളിലെ സംവരണ വാർഡുകൾ പഞ്ചായത്ത്, വാർഡുകൾ എന്നീ ക്രമത്തിൽ ചുവടെ: പയ്യാവൂര്‍ വനിത- മൂന്ന് -ശാന്തിനഗര്‍, അഞ്ച് -ചതിരംപുഴ, ഏഴ് -കുഞ്ഞിപ്പറമ്പ്, 10 -ഉപ്പുപടന്ന, 11- കണ്ടകശേരി, 13- കോയിപ്ര, 14- വെമ്പുവ, 16- ഏറ്റുപാറ, 17- വഞ്ചിയം. പട്ടികവർഗം: വാർഡ് ആറ്-പൈസക്കരി. ഇരിക്കൂര്‍ വനിത -രണ്ട്-ആലത്തൂടി, അഞ്ച്- സിദ്ദിഖ് നഗര്‍, ആറ്- കുന്നുമ്മല്‍, എട്ട്- പട്ടുവം, 10- ഇരിക്കൂര്‍ ടൗണ്‍, 13- കുട്ടാവ്, 14- ചേടിച്ചേരി. പട്ടികജാതി: വാർഡ് നാല്-പയസായി. ഏരുവേശി വനിത- ഒന്ന്-കുടിയാന്മല, മൂന്ന്- ചെറിയ അരീക്കമല, എട്ട്- ഏരുവേശി, 10 -ചെമ്പേരി, 11- ഇടമന, 12- ചളിംപറമ്പ്, 14- രത്നഗിരി, 15- കൊക്കമുള്ള്. പട്ടികവര്‍ഗം: വാർഡ് രണ്ട്- അരീക്കമല. ഉളിക്കല്‍ വനിത-രണ്ട് -മാട്ടറ, അഞ്ച്- കല്ലംതോട്, ആറ്- തൊട്ടിപ്പാലം, ഏഴ്- പേരട്ട, ഒന്പത്- വട്ട്യംതോട്, 10- കതുവാ പറമ്പ്, 12- കേയാപറമ്പ്, 15- നെല്ലിക്കാംപൊയില്‍, 17- തേര്‍മല, 21- പെരുമ്പള്ളി, 22- മണിക്കടവ് സൗത്ത്.പട്ടികവർഗം: 13- ഉളിക്കല്‍ വെസ്റ്റ്. അയ്യന്‍കുന്ന് വനിത- രണ്ട്-പാലത്തുംകടവ്, ആറ്- അങ്ങാടിക്കടവ്, ഏഴ്- ഈന്തുംകരി, ഒന്പത്- കൂമന്‍തോട്, 10- കരിക്കോട്ടക്കരി, 11- വലിയപറമ്പിന്‍കരി, 12- കമ്പനിനിരത്ത്, 13- മുണ്ടയാം പറമ്പ്. പട്ടികവര്‍ഗം: 14- ആനപ്പന്തി. ആറളം വനിത-രണ്ട് -മാഞ്ചുവട്, നാല്- ചതിരൂര്‍, ആറ്- കോട്ടപ്പാറ, എട്ട്- കീഴ്പ്പള്ളി, 12- വീര്‍പ്പാട്, 13- ഉരുപ്പുംകുണ്ട്, 16- പെരുമ്പഴശി-, 17- ആറളം. പട്ടികവഗ വനിത: ഒന്ന്- എടൂര്‍, ഏഴ്- ആറളം.പട്ടികവർഗം: 14- കല്ലറ. പായം വനിത-അഞ്ച്- ആനപ്പന്തി കവല, ആറ്- കുന്നോത്ത്, 10-പായം, 12- മാടത്തില്‍, 13- കരിവണ്ണൂര്‍, 14- തന്തോട്, 16- അളപ്ര, 17- വിളമന, 18- മലപ്പൊട്ട്, 19- ഉദയഗിരി. പട്ടികജാതി: എട്ട്- ചീങ്ങാക്കുണ്ടം. മലപ്പട്ടം വനിത- രണ്ട്, മൂന്ന്, ആറ്, എട്ട്, 11 , 12, 13. പട്ടികജാതി: വാർഡ് അഞ്ച്. കുറ്റ്യാട്ടൂർ വനിത - ഒന്ന്, രണ്ട്, ഏഴ്, ഒന്പത്,10, 11,12, 15, 16. പട്ടികജാതി: വാർഡ് നാല്. മയ്യിൽ വനിതാ -വാർഡ് രണ്ട്, ആറ്, ഏഴ്, എട്ട് , ഒന്‍പത്, 12, 13, 16, 18, 19.പട്ടികജാതി: വാർഡ് 17. പടിയൂര്‍- കല്യാട് വനിത -മൂന്ന്, ആറ്, എട്ട്, ഒന്പത്,11,12, 14, 16. പട്ടികവർഗം: വാർഡ് 15. കതിരൂര്‍ വനിത-രണ്ട്, മൂന്ന്, നാല്, അഞ്ച്, ഒന്പത്,10,12,13,14,18. പട്ടികജാതി: 17. ചൊക്ലി വനിത- മൂന്ന്,നാല്, ഏഴ്, ഒന്പത്, 10 ,11,13, 14, 17, 18. പട്ടികജാതി: ആറ്. മൊകേരി വനിത- രണ്ട് , മൂന്ന്, നാല്, അഞ്ച്, ഏഴ്,13, 14, 15. പട്ടികജാതി: 11. പന്ന്യന്നൂര്‍ വനിത- രണ്ട്, മൂന്ന്, നാല്, അഞ്ച്, 10 , 11, 14,15 . പട്ടികജാതി: ഏഴ്. കീഴല്ലൂര്‍ വനിത- ഒന്ന്, രണ്ട്, അഞ്ച്, 10, 12 , 14, 15, 16. പട്ടികജാതി: ആറ്. തില്ലങ്കേരി വനിത-ഒന്ന്, അഞ്ച്, ആറ്, ഒന്പത്, 11, 12, 13. പട്ടികവർഗം: എട്ട്. കൂടാളി വനിത-ഒന്ന്, മൂന്ന്, നാല്, ആറ്, ഏഴ്, എട്ട്, 13, 14, 17, 18. പട്ടികജാതി: രണ്ട്.

എകെഎംഎസ് കണ്ണൂർ ജില്ലാ കമ്മിറ്റി രൂപീകരിച്ചു

പയ്യാവൂർ: അഖില കേരള മാവിലൻ സമാജം (എകെഎംഎസ്) കണ്ണൂർ ജില്ലാ കമ്മിറ്റി രൂപീകരിച്ചു. പയ്യാവൂർ കാട്ടിക്കണ്ടത്ത് ചേർന്ന കമ്മിറ്റി രൂപീകരണ യോഗം എകെഎംഎസ് സംസ്ഥാന പ്രസിഡന്‍റ് എം. രാജു ഉദ്ഘാടനം ചെയ്തു. കാസർഗോഡ് ജില്ലാ പ്രസിഡന്‍റ് എം.എം.കുഞ്ഞമ്പു, കെ.കുഞ്ഞിരാമൻ കാട്ടിക്കണ്ടം, വിജയൻ മങ്കട്ട, പെരുങ്കുളം നാരായണൻ, വാസുദേവൻ വാതിൽമട, ഇ.കെ.ഗംഗാധരൻ, ടി.കെ.ബാലകൃഷ്ണൻ തിരുമേനി തുടങ്ങിവർ പ്രസംഗിച്ചു. പട്ടികവർഗ വിഭാഗങ്ങൾക്ക് ലഭിക്കേണ്ടിയിരുന്ന 158 കോടി രൂപയുടെ സഹായധനം സർക്കാർ ലാപ്സാക്കിയ നടപടിയെ യോഗം അപലപിച്ചു. പട്ടികവർഗ വിഭാഗങ്ങളുടെ ഭവന നിർമാണത്തിനുള്ള തുക വർധിപ്പിക്കുക, ഭവന നിർമാണ സഹായപദ്ധതിയിൽ നൽകാനുള്ള കുടിശിക എത്രയും വേഗത്തിൽ വിതരണം ചെയ്യുക, അടിസ്ഥാന സൗകര്യ വികസനം വർധിപ്പിച്ച് നടപ്പാക്കുക എന്നീ ആവശ്യങ്ങൾ ഉന്നയിച്ചുള്ള നിവേദനം മുഖ്യമന്ത്രി, വകുപ്പ് മന്ത്രി എന്നിവരെ നേരിൽ കണ്ട് നല്കാനും യോഗം തീരുമാനിച്ചു. പയ്യാവൂർ പഞ്ചായത്തിൽ കാട്ടിക്കണ്ടം ഉന്നതിയിലെ കുടുംബങ്ങൾ കഴിഞ്ഞ ആറ് പതിറ്റാണ്ടിലേറെയായി ആശ്രയിച്ചുവന്ന കുടിവെള്ള കിണർ പഞ്ചായത്തിന്‍റെ ഒത്താശയോടെ സ്വകാര്യ വ്യക്തിക്ക് കൈമാറിയ നടപടി ആദിവാസികളോടുള്ള വെല്ലുവിളിയാണെന്നും യോഗം കുറ്റപ്പെടുത്തി.

ജില്ലയിലെ ആദ്യ ഡബിള്‍ ചേംബര്‍ ഇന്‍സിനറേറ്റര്‍ സ്ഥാപിക്കാനൊരുങ്ങി ഇരിക്കൂര്‍ ബ്ലോക്ക് പഞ്ചായത്ത്

ഇരിക്കൂർ: ജില്ലയിലെ ആദ്യ ഡബിൾ ചേംബർ ഇൻസിനറേറ്റർ ഇരിക്കൂർ ബ്ലോക്കിൽ ഒരുങ്ങുന്നു. ഡയപ്പര്‍ ഉള്‍പ്പെടെയുള്ള മാലിന്യങ്ങള്‍ ശാസ്ത്രീയമായി സംസ്‌കരിക്കുന്നതിനായി ഒന്നര കോടി രൂപ ചെലവിലാണ് പദ്ധതി ഒരുക്കുന്നത്. മൂന്നു മാസത്തിനകം പ്ലാന്‍റ് പ്രവർത്തനമാരംഭിക്കും. ഇരിക്കൂര്‍ ബ്ലോക്ക് പരിധി, സമീപ പഞ്ചായത്തുകള്‍, നഗരസഭകളില്‍ എന്നിവിടങ്ങളില്‍നിന്നും ഡയപ്പര്‍ പോലുള്ള മാലിന്യങ്ങള്‍ ശേഖരിക്കാനുള്ള വിപുലമായ ശേഖരണ ശൃംഖല സ്ഥാപിച്ചാണ് പ്ലാന്‍് പ്രവര്‍ത്തിക്കുക. പ്രതിവര്‍ഷം ടണ്‍ ബയോ മാലിന്യങ്ങള്‍ സംസ്‌കരിക്കാനുള്ള ശേഷിയുള്ളതാണ് പ്ലാന്‍റ്. ബ്ലോക്ക് പഞ്ചായത്തിന് പുറമേ ജില്ലാ പഞ്ചായത്ത്, ഗ്രാമപഞ്ചായത്തുകള്‍, ശുചിത്വ മിഷന്‍ എന്നിവയുടെ സാമ്പത്തിക പിന്തുണയോടെയാണ് പ്ലാന്‍റ് നിർമിക്കുന്നത്. ഇരിക്കൂര്‍ ബ്ലോക്ക് പഞ്ചായത്ത് 30 ലക്ഷം രൂപയും ജില്ലാപഞ്ചായത്ത് 25 ലക്ഷം രൂപയും പടിയൂര്‍, പയ്യാവൂര്‍ പഞ്ചായത്തുകള്‍ 10 ലക്ഷം രൂപ വീതവും മയ്യില്‍, കുറ്റിയാട്ടൂര്‍, ഇരിക്കൂര്‍, എരുവേശി പഞ്ചായത്തുകള്‍ അഞ്ച് ലക്ഷം രൂപ വീതവും ഉളിക്കല്‍ പഞ്ചായത്ത് രണ്ട് ലക്ഷം രൂപയും ആദ്യ ഘട്ടത്തില്‍ പ്ലാന്‍റിനായി നീക്കി വച്ചിട്ടുണ്ട്. പ്ലാന്‍റിന്‍റെ ശേഖരണ ശൃംഖല വിപുലീകരിക്കുന്നതിന്റെ ഭാഗമായി ഇരിക്കൂര്‍ ബ്ലോക്ക് പഞ്ചായത്ത് ഹാളില്‍ സെമിനാര്‍ സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്‍റ് റോബര്‍ട്ട് ജോര്‍ജ് ഉദ്ഘാടനം ചെയ്തു. ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ മുനീര്‍ അധ്യക്ഷത വഹിച്ചു. കുറ്റിയാട്ടൂര്‍ പഞ്ചായത്ത് പ്രസിഡന്‍റ് പി.പി. റെജി, സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ കെ.പി രേഷ്മ, എരുവേശി പഞ്ചായത്ത് വൈസ് പ്രസിഡന്‍റ് മധു തോട്ടിയില്‍, പയ്യാവൂര്‍ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ മോഹനന്‍, ഹരിത കേരളം മിഷന്‍ ജില്ലാ കോ -ഓര്‍ഡിനേറ്റര്‍ ഇ.കെ സോമശേഖരന്‍, ഇരിക്കൂര്‍ സബ് ഇന്‍സ്പെക്ടര്‍ കെ.വി സത്യനാഥന്‍, ശുചിത്വ മിഷന്‍ ടെക്നിക്കല്‍ കണ്‍സള്‍ട്ടന്‍റ് അര്‍ജുന്‍, ബ്ലോക്ക് പഞ്ചായത്ത് എക്സിക്യൂട്ടീവ് എൻജിനിയർ ആര്‍. മനോജ് കുമാര്‍, ബ്ലോക്ക് ശുചിത്വ ഓഫീസര്‍ ഇന്‍ ചാര്‍ജ് സല്‍മ എന്നിവര്‍ പ്രസംഗിച്ചു.

തെരുവു വിളക്കുകൾ കണ്ണടച്ചു; യാത്രക്കാർ ദുരിതത്തിൽ

ആലക്കോട്: തെരുവു വിളക്കുകൾ പ്രവർത്തനരഹിതമായത് യാത്രക്കാരെ ദുരിതത്തിലാക്കി. ആലക്കോട് അടക്കമുള്ള ടൗണുകളിലും മലയോര ഹൈവേയിലും പിഡബ്ള്യുഡി-പഞ്ചായത്ത് റോഡുകളിലും സ്ഥാപിച്ചിട്ടുള്ള തെരുവുവിളക്കുകൾ പ്രവർത്തനരഹിതമായത് യാത്രക്കാരെ ദുരിതത്തിലാക്കി. പഞ്ചായത്തിന്‍റെ നേതൃത്വത്തിലും എംഎൽഎ-എംപി ഫണ്ടുകൾ ഉപയോഗിച്ചും സ്ഥാപിച്ച തെരുവുവിളക്കുകളിൽ മിക്കതും ഒരുവർഷത്തിലധികമായി പ്രവർത്തനരഹിതമാണ്. ഇവ മാറ്റിസ്ഥാപിക്കാൻ കെഎസ്ഇബിയുടെയോ പഞ്ചായത്ത് അധികൃതരുടെ ഭാഗത്തു നിന്നോ യാതൊരു നടപടിയും ഉണ്ടായിട്ടില്ല. തെരുവുനായകളും കാട്ടുപന്നി അടക്കമുള്ള കാട്ടുമൃഗങ്ങളും വർധിച്ചു വരുന്ന സാഹചര്യത്തിൽ രാത്രിയാത്ര ഏറെ ദുഷ്കരമാണ്. അതിനിടെ പുതിയതായി ലൈറ്റുകൾ സ്ഥാപിക്കണമെങ്കിൽ നിലവിലുള്ള കമ്പികൾക്ക് പകരം കേബിളുകൾ വലിക്കണമെന്ന സർക്കാർ ഉത്തരവ് ഇറങ്ങിയതോടെ പഞ്ചായത്തുകൾക്ക് ഭാരിച്ച സാമ്പത്തിക ബാധ്യത വന്നതായി പഞ്ചായത്ത് അധികൃതർ പറയുന്നു. അതിനാൽ പുതിയ കണക്ഷനുകൾ നൽകുന്നതിൽ നിന്ന് പഞ്ചായത്തുകൾ പിന്നോട്ടു പോകുന്നതിന് കാരണമാകുന്നുണ്ട്. തദ്ദേശഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് നടക്കാൻ മാസങ്ങൾ മാത്രം അവശേഷിച്ചിട്ടും ഇക്കാര്യത്തിൽ നടപടി ഉണ്ടാകാത്തതിൽ ശക്തമായ പ്രതിഷേധത്തിലാണു നാട്ടുകാർ.

കർഷക കോൺഗ്രസ് കർഷക പ്രതിഷേധ വാഹന ജാഥ 18ന്

കണ്ണൂർ: കാർഷിക മേഖലയിലെ പ്രശ്നങ്ങൾക്ക് പരിഹാരം കാണണമെന്നാവശ്യപ്പെട്ട് കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ നടത്തുന്ന കർഷക പ്രക്ഷോഭത്തിന്‍റെ ഭാഗമായുള്ള കർഷക പ്രതിഷേധ വാഹന ജാഥയുടെ ഒന്നാം ഘട്ടം 18ന് നടക്കുമെന്ന് ജില്ലാ പ്രസിഡന്‍റ് ജോസ് പൂമല അറിയിച്ചു. ജോസ് പൂമലയുടെ നേതൃത്വത്തിൽ 18ന് രാവിലെ 9.30ന് ചെറുപുഴയിൽ നിന്നാരംഭിക്കുന്ന വാഹനജാഥ ഡിസിസി പ്രസിഡന്‍റ് മാർട്ടിൻ ജോർജ് ഉദ്ഘാടനം ചെയ്യും. ജാഥാ കോ-ഓർഡിനേറ്റർ എ.ജെ. തോസ് അധ്യക്ഷത വഹിക്കും. യുഡിഎഫ് ജില്ലാ ചെയർമാൻ പി.ടി. മാത്യു മുഖ്യപ്രഭാഷണം നടത്തും. കാർഷിക മേഖലയോട് കേന്ദ്ര-സംസ്ഥാന സർക്കാരുകൾ കാണിക്കുന്ന അവഗണനയിൽ പ്രതിഷേധിച്ചും വന്യമൃഗാക്രമണങ്ങളിൽ നിന്നും വിളകൾക്കും കർഷകർക്കും സംരക്ഷണം നൽകണമെന്നുമാവശ്യപ്പെട്ടാണ് വാഹനപ്രചാരണ ജാഥ നടത്തുന്നത്. പുതിയ വനനിയമം ഭേദഗതി ചെയ്യുക, വന്യമൃഗാക്രമണങ്ങളിൽ കൊല്ലപ്പെട്ടവർക്കും പരിക്കേറ്റവർക്കും കൃഷിനാശം സംഭവിച്ചവർക്കുമുള്ള നഷ്ടപരിഹാരം വർധിപ്പിക്കുക, പ്രകൃതി ദുരന്തത്തിലും കാലാവസ്ഥാ വ്യതിയാനത്തിലും നഷ്ടം സംഭവിച്ച കർഷകർക്ക് നൽകനുള്ള നഷ്ടപരിഹാരം കൊടുത്തു തീർക്കുക, റബറിന് 300 രൂപ തറവില നിശ്ചച്ച് കർഷകർക്ക് ഇൻസെന്‍റീവ് നൽകുക, നാളികേര വിലയിടിവ് തടയുക, കർഷക കടാശ്വാസ കമ്മീഷൻ ആനുകൂല്യം എല്ലാ ബാങ്കിൽ നിന്നുമുള്ള വായ്പകൾക്കും ബാധകമാക്കുക, കർഷകർക്ക് ദോഷകരമായ സർഫാസി നിയമം പരിഷ്കരിക്കുക എന്നിവയാണ് മറ്റ് ആവശ്യങ്ങൾ. കാടുകളിൽ ഉൾക്കൊള്ളാൻ കഴിയാത്തതിലും കൂടുതൽ ആനകൾ പെരുകിയതാണ് ആനശല്യം രൂക്ഷമാകാൻ കാരണമെന്നും ഇതിന് ആനകളുടെ പെരുപ്പം തയാനുള്ള നടപടികൾ സർക്കാരിന്‍റെ ഭാഗത്ത് നിന്നുണ്ടാകണമെന്നും കർഷക കോൺഗ്രസ് ആവശ്യപ്പെട്ടു. ചെറുപുഴയിൽ നിന്നാരംഭിക്കു വാഹന ജാഥ തേർത്തല്ലി, ആലക്കോട്, കരുവഞ്ചാൽ, നടുവിൽ, ചെന്പന്തൊട്ടി, ശ്രീകണ്ഠപുരം, ചെന്പേരി, പയ്യാവൂർ, ഉളിക്കൽ എന്നിവിടങ്ങളിലെ സ്വീകരണത്തിന് ശേഷം വൈകുന്നേരം ഇരിട്ടിയിൽ സമാപിക്കും. സമാപന സമ്മേളം കെപിസിസി പ്രസിഡന്‍റ് സണ്ണി ജോസഫ് എംഎൽഎ ഉദ്ഘാടനം ചെയ്യും. സജീവ് ജോസഫ് എംഎൽഎ മുഖ്യപ്രഭാഷണം നടത്തും. കെപിസിസി ജന.സെക്രട്ടറി സോണി സെബാസ്റ്റ്യൻ, കെപിസിസി സെക്രട്ടറി ചന്ദ്രൻ തില്ലങ്കേരി, ജില്ലാ പഞ്ചായത്തംഗം ലിസി ജോസഫ് എന്നിവർ പ്രസംഗിക്കും. പത്രസമ്മേളനത്തിൽ കർഷക കോൺഗ്രസ് സംസ്ഥാന ജനറൽ സെക്രട്ടറി എ.ഡി. സാബൂസ്, ജില്ലാ വൈസ് പ്രസിഡന്‍റുമാരായഎ.ജെ. തോമസ്, എം.വി. ശിവദാസൻ, ജില്ലാ ജനറൽ സെക്രട്ടറി ജോണി മുണ്ടയ്ക്കൽ, ജാഥാ ജനറൽ കൺവീനർ ബിജു കെ. സാമുവൽ എന്നിവരും പങ്കെടുത്തു.

വാഗ്ദാന ലംഘനങ്ങൾ ഇടത് സർക്കാരിന്‍റെ മുഖമുദ്ര: അപു ജോൺ ജോസഫ്

പയ്യാവൂർ: വാഗ്ദാന ലംഘനങ്ങളും അവകാശ നിഷേധങ്ങളുമാണ് എൽഡിഎഫ് സർക്കാരിന്‍റെ ഏക ഭരണ നേട്ടമെന്ന് കേരള കോൺഗ്രസ് സംസ്ഥാന കോ-ഓർഡിനേറ്റർ അപു ജോൺ ജോസഫ്. പയ്യാവൂർ വ്യാപാര ഭവനിൽ നടന്ന കേരള കോൺഗ്രസ് ഇരിക്കൂർ നിയോജകമണ്ഡലം നേതൃസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. തുടർച്ചയായി പുകമറകൾ സൃഷ്‌ടിച്ച് ഇടതു സർക്കാരിന്‍റെ ഭരണ പരാജയങ്ങളിൽ നിന്നും ജനദ്രോഹ നടപടികളിൽ നിന്നും ശ്രദ്ധ തിരിച്ചുവിടാനുള്ള ശ്രമങ്ങളാണ് ഇപ്പോൾ നടത്തിക്കൊണ്ടിരിക്കുന്നതെന്നും അപു പറഞ്ഞു. നിയോജകമണ്ഡലം പ്രസിഡന്‍റ് സാബു മണിമല അധ്യക്ഷ വഹിച്ചു. കേരള കോൺഗ്രസ് വൈസ് ചെയർമാൻമാരായ കെ.എ. ഫിലിപ്പ്, ജോസഫ് മുള്ളൻമട, നേതാക്കളായ റോജസ് സെബാസ്റ്റ്യൻ, ജോർജ് കാനാട്ട്, ജോൺ ജോസഫ്, ജെയിംസ് പന്ന്യാംമാക്കൽ, വർഗീസ് വയലാമണ്ണിൽ, മാത്യു ചാണക്കാട്ടിൽ, ടെൻസൺ ജോർജ്, ജോസ് വണ്ടാക്കുന്നേൽ, ഷീബ തെക്കേടത്ത്, ഒ.എസ്. ലിസി, കെ.ജെ. മത്തായി, തോമസ് കളപ്പുര എന്നിവർ പ്രസംഗിച്ചു. ചടങ്ങിൽ മുതിർന്ന മാധ്യമ പ്രവർത്തകനായ തോമസ് അയ്യങ്കാനാലിനെ ആദരിച്ചു. പുതുതായി പാർട്ടിയിലേക്കെത്തിയ പ്രവർത്തകർക്ക് സ്വീകരണവും നൽകി.

മുത്താറിക്കുളം സെന്‍റ് ജൂഡ് തീർഥാടന പള്ളി തിരുനാളിന് നാളെ തുടക്കം

പയ്യാവൂർ: മുത്താറിക്കുളം വിശുദ്ധ യൂദാ തദേവൂസിന്‍റെ തീർഥാടന പള്ളിയിൽ 10 ദിവസത്തെ തിരുനാൾ ആഘോഷങ്ങളും നൊവേന സമർപ്പണവും നാളെ മുതൽ 26 വരെ നടക്കും. നാളെ ഉച്ചകഴിഞ്ഞ് 3.45 ന് തീർഥാടനപ്പള്ളിയുടെ ചുമതല വഹിക്കുന്ന പൈസക്കരി ദേവമാതാ ഫൊറോന വികാരി ഫാ. നോബിൾ ഓണംകുളം തിരുനാൾ കൊടിയേറ്റും. വൈകുന്നേരം നാലിന് ജപമാല പ്രാർഥനയെ തുടർന്ന് ആഘോഷമായ വിശുദ്ധ കുർബാന, വചന സന്ദേശം, നൊവേന എന്നിവയ്ക്ക് ഫാ. ജോസ് കറുകപ്പറമ്പിൽ കാർമികത്വം വഹിക്കും. 25 വരെ എല്ലാ ദിവസവും വൈകുന്നേരം നാലുമുതൽ ജപമാല പ്രാർഥന, ആഘോഷമായ വിശുദ്ധ കുർബാന, വചനസന്ദേശം, നൊവേന എന്നിവയുണ്ടായിരിക്കും. ഫാ. ജോസഫ് ചാത്തനാട്ട്, റവ.ഡോ. ജിനു വടക്കേമുളഞ്ഞനാൽ, ഫാ. വർഗീസ് കുന്നത്ത്, ഫാ. സതീഷ് കാഞ്ഞിരപ്പറമ്പിൽ, ഫാ. നോയൽ ആനിക്കുഴിക്കാട്ടിൽ, ഫാ. ജോമൽ ഒഎഫ്എം കപ്പൂച്ചിൻ, റവ.ഡോ. ജോസ് മടപ്പാട്ട് എച്ച്ജിഎൻ, ഫാ. ജിന്‍റോ ഒഎഫ്എം കപ്പൂച്ചിൻ എന്നിവർ വിവിധ ദിവസങ്ങളിൽ തിരുക്കർമങ്ങൾക്കു നേതൃത്വം നൽകും. 24 ന് വൈകുന്നേരം ദിവ്യകാരുണ്യ പ്രദക്ഷിണം. 25 ന് രാത്രി ഏഴിന് ചാമക്കാൽ സ്കൂളിനു സമീപം പന്തലിലേക്ക് തിരുനാൾ പ്രദക്ഷിണം. തുടർന്ന് പാച്ചോർ നേർച്ച. 26 ന് രാവിലെ 10 ന് നടക്കുന്ന ആഘോഷമായ റാസ കുർബാന, വചനസന്ദേശം എന്നിവയ്ക്ക് പൈസക്കരി ഫൊറോന വികാരി ഫാ. നോബിൾ ഓണംകുളം മുഖ്യകാർമികത്വം വഹിക്കും. തുടർന്ന് ലദീഞ്ഞ്, പ്രദക്ഷിണം, സമാപനാശീർവാദം, ഊട്ടുനേർച്ച എന്നിവയോടെ തിരുനാളിനു കൊടിയിറങ്ങും.

കുട്ടാപറമ്പ്- നെടുവോട് പുഴയിൽ റഗുലേറ്റർ കം ബ്രിഡ്‌ജിനായി കാത്തിരിപ്പ്

ആലക്കോട്: രയറോം പുഴയിൽ കുട്ടാപറമ്പ്- നെടുവോട് പഴയ പാലത്തിന് സമീപം റഗുലേറ്റർ കം ബ്രിഡ്‌ജ് സ്ഥാപിക്കണമെന്ന ആവശ്യത്തിന് മൂന്ന് പതിറ്റാണ്ടായിട്ടും പരിഹാരമായില്ല. റഗുലേറ്റർ കം ബ്രിഡ്‌ജ് സ്ഥാപിച്ചാൽ നെടുവോട്, പരപ്പ, അളുമ്പ്, ചാത്തമംഗലം, മൂന്നാംകുന്ന്, കുട്ടാപറമ്പ് , പൂവംഞ്ചാൽ പ്രദേശത്തെ ജനങ്ങളുടെ യാത്രാ സൗകര്യത്തിനും ആലക്കോട്, ഉദയഗിരി പഞ്ചായത്തുകളിലെ ഗ്രാമപ്രദേശങ്ങൾക്ക് ജലസേചനത്തിനും കൃഷിക്കും പ്രയോജനപ്പെടുകയും ചെയ്യും. ‌‌‌കുടിയേറ്റത്തിന്‍റെ ആരംഭകാലത്ത് ചങ്ങാടം ഉപയോഗിച്ചായിരുന്നു ജനങ്ങൾ പുഴയുടെ മറുകരയിൽ എത്തിയിരുന്നത്. പിന്നീട് നാട്ടുകാരുടെ ശ്രമഫലമായി മുള കൊണ്ടുള്ള പാലം നിർമിച്ചു. ജനങ്ങളുടെ നിരന്തരമായുള്ള ആവശ്യപ്രകാരം ആലക്കോട് പഞ്ചായത്ത് അഞ്ചു പതിറ്റാണ്ടു മുമ്പ് തൂക്കുപാലം നിർമിച്ചു നൽകി. കഴിഞ്ഞ 12 വർഷം മുമ്പ് വരെ എല്ലാ വർഷവും പാലം അറ്റകുറ്റപണി നടത്തി സംരക്ഷിച്ചിരുന്നു. പിന്നീട് തുക വകയിരുത്താതെ വന്നതോടെ തൂക്കുപാലം അസ്ഥികൂടമായി മാറി. മഴക്കാലത്ത് പുഴ കടക്കണമെങ്കിൽ ആദ്യ കാലത്തെ ചങ്ങാടത്തെ ആശ്രയിക്കേണ്ട ഗതികേടിലാണ് ജനങ്ങൾ. ആലക്കോട്, വായാട്ടുപറമ്പ്, കണിയംചാൽ, കാർത്തികപുരം, മണക്കടവ് പ്രദേശത്തെ ഹൈസ്കൂളിലേക്ക് വിദ്യാർഥികളടക്കം നൂറുക്കണക്കിന് ആളുകൾ യാത്ര ചെയ്തിരുന്ന പ്രദേശം പാലം പോയതോടെ യാത്രാ സൗകര്യം പൂർണമായി അടഞ്ഞു. ഇത് രണ്ടു പ്രദേശങ്ങൾ തമ്മിൽ ഒറ്റപ്പെട്ടു പോകുന്നതിനും കാരണമായി. നാലു കിലോമീറ്റർ യാത്ര ചെയ്താൽ ആലക്കോട് എത്തുന്ന സ്ഥാനത്ത് ഇപ്പോൾ 10 കിലോമീറ്ററോളം സഞ്ചരിക്കേണ്ടി വരുന്നുണ്ട്. ഇതിനെല്ലാം പരിഹാരമെന്ന നിലയിലാണ് റെഗുലേർ കം ബ്രിഡ്‌ജ് നിർമിക്കണമെന്നാണ് ജനങ്ങൾ ആവശ്യപ്പെടുന്നത്. കഴിഞ്ഞ യുഡിഎഫ് സർക്കാരിന്‍റെ അവസാന കാലത്തും ജി. സുധാകരൻ മന്ത്രിയായിരുന്ന കാലത്തും തിരുവനന്തപുരത്ത് നിന്നടക്കം ഉദ്യാഗസ്ഥർ സ്ഥലത്ത് പരിശോധന നടത്തിയിരുന്നു. പിന്നീട് റഗുലേറ്റർ കം ബ്രിഡ്‌ജിനായുള്ള ഒരു നീക്കവും നടന്നിട്ടില്ല.

മലബാർ ദേവസ്വം എംപ്ലോയീസ് സംഘ് ബിഎംഎസ് ധർണ നടത്തി

കണ്ണൂർ: കോളനിവത്കരണത്തിലൂടെ രാജ്യത്തെ സന്പത്ത് മുഴുവൻ കൊള്ളയടിച്ച ബ്രിട്ടീഷ് സാമ്രാജ്യത്തെക്കാൾ വലിയ കൊള്ളയാണ് ഇടത് സർക്കാർ കേരളത്തിൽ നടത്തുന്നതെന്ന് ബിഎംഎസ് ജില്ലാ പ്രസിഡന്‍റ് കെ.വി. ജഗദീശൻ. മലബാർ ദേവസ്വം ബോർഡിന് കീഴിലെ ജീവനക്കാരുടെ ശന്പള കുടിശിക വിതരണം ചെയ്യുക, കേരളത്തിലെ ദേവസ്വം ബോർഡുകളിലെ കഴിഞ്ഞ 20 വർഷത്തെ സ്വർണത്തിന്‍റെ കണക്കെടുപ്പും മരാമത്ത് പണികളും സിബിഐ അന്വേഷിക്കുക എന്നീ ആവശ്യങ്ങളുന്നയിച്ച് മലബാർ ദേവസ്വം എംപ്ലോയീസ് സംഘ് ബിഎംഎസ് പഴയ ബസ് സ്റ്റാൻഡ് പരിസരത്ത് ന‌ടത്തിയ സായാഹ്ന ധർണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മലബാർ ദേവസവം എംപ്ലോയീസ് സംഘം കണ്ണൂർ ജില്ലാ വർക്കിംഗ് പ്രസിഡന്‍റ് ബാബു വിളയാർ അധ്യക്ഷത വഹിച്ചു. മലബാർ ദേവസ്വം എംപ്ലോയീസ് സംഘ് സംസ്ഥാന സെക്രട്ടറി രാഹുൽ അമർനാഥ് മുഖ്യപ്രഭാഷണം നടത്തി, ബിഎംഎസ് ജില്ലാ സെക്രട്ടറി ഇ. രാജേഷ്, സംസ്ഥാന സമിതിയംഗം പി. കൃഷ്ണൻ, നാരായണൻ കൊമ്പിലാത്ത്, ബേബി ഉണ്ണികൃഷ്ണൻ എന്നിവർ പ്രസംഗിച്ചു.

യുവതലമുറകളെ ലഹരിയിൽനിന്ന് മോചിപ്പിക്കാൻ സ്റ്റാമ്പ് ശേഖരണം പ്രോത്സാഹിപ്പിക്കണം: ജഡ്ജ് ആർ.എൽ. ബൈജു

കണ്ണൂർ: സമൂഹത്തോട് സ്നേഹവും വിശാലമായ സൗഹൃദവും അൽപം സാമ്പത്തികവുമുണ്ടെങ്കിൽ വളർത്തികൊണ്ടുവരാൻ പറ്റിയ വലിയ ഹോബിയാണ് സ്റ്റാമ്പ് ശേഖരണമെന്ന് കണ്ണൂർ കുടുംബ കോടതി ജഡ്ജ് ആർ.എൽ. ബൈജു. കണ്ണൂർ പോസ്റ്റൽ ഡിവിഷൻ കണ്ണൂരിൽ സംഘടിപ്പിച്ച കണ്ണൂർ പെക്സ് -2025 സ്റ്റാമ്പ് എക്സിബിഷൻ ഭദ്രദീപം കൊളുത്തി ഉദ്ഘാടനം ചെയ്യുകയായിരുന്നു അദ്ദേഹം. യുവതലമുറകളിലെ ലഹരി പ്രേരണ മാറ്റിയെടുക്കാൻ സ്റ്റാമ്പ് ശേഖരണം പ്രോത്സാഹിപ്പിച്ച് അവരെ വഴിതിരിച്ച് വിടാൻ ഇത്തരം പ്രദർശനങ്ങളിലൂടെ കഴിയണമെന്ന് ജഡ്ജി നിർദ്ദേശിച്ചു. ചടങ്ങിൽ നോർത്തൻ റീജിയൻ പോസ്റ്റ് മാസ്റ്റർ ജനറൽ സയീദ് റാഷിദ് അധ്യക്ഷത വഹിച്ചു. കണ്ടൽക്കാട് - സ്പെഷൽ കവർ പി.എം.ജി. ജഡ്ജിക്ക് നൽകി പ്രകാശനം ചെയ്തു. ജഡ്ജ് ആർ.എൽ. ബൈജുവിന്‍റെ ഫോട്ടോ പതിച്ച മൈ സ്റ്റാമ്പ് നോർത്തേൻ റീജിയൻ പോസ്റ്റൽ ഡയറക്ടർ വി.ബി. ഗണേഷ് കുമാർ ജഡ്ജ്ന് സമ്മാനിച്ചു. പോസ്റ്റൽ ഡയറക്ടർ വി.ബി. ഗണേഷ് കുമാർ, എ.പി. എം.ജി. വിഷ്ണു അംബരീഷ്, കണ്ണൂർ പോസ്റ്റൽ സൂപ്രണ്ട് സി.കെ. മോഹനൻ, കണ്ണൂർ വിദ്യാഭ്യാസ ഡെപ്യുട്ടി ഡയറക്ടർ ഡി. ഷൈനി, തലശേരി ഡിവിഷൻ പോസ്റ്റൽ സൂപ്രണ്ട് പി.സി. സജീവൻ എന്നിവർ പ്രസംഗിച്ചു. 100 ഫ്രെയിമുകളിലായ 1600 ലധികം സ്റ്റാമ്പുകൾ പ്രദർശനത്തിനായി ഒരുക്കിയിട്ടുണ്ട്. പ്രദർശന നഗരിയിൽ ഇന്ന് രാവിലെ 10 ന് ആറാം ക്ലാസ്സ് മുതൽ ഒമ്പതാം ക്ലാസ് വരെയുള്ള വിദ്യാർഥികൾക്ക് കത്തെഴുത്ത് മത്സരവും ഉച്ചകഴിഞ്ഞ് രണ്ടിന് ക്വിസ് മത്സരവും നടക്കും. ബർണശേരി ഇ.കെ.നായനാർ അക്കാദമി ഹാളിൽ ആരംഭിച്ച ദ്വിദിന സ്റ്റാമ്പ് പ്രദർശനം ഇന്ന് സമാപിക്കും.

പെൻഷനേഴ്സ് അസോസിയേഷൻ മണ്ഡലം സമ്മേളനം

കേളകം: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ കേളകം മണ്ഡലം സമ്മേളനം ഐശ്വര്യ ഓഡിറ്റോറിയത്തിൽ കെപിസിസി പ്രസിഡന്‍റ സണ്ണി ജോസഫ് എംഎൽഎ ഉദ്ഘാടനം ചെയ്തു. 12ാം ശമ്പള - പെൻഷൻ പരിഷ്കരണ നടപടികൾ ഉടൻ ആരംഭിക്കുക, അത് വരെ ഇടക്കാലാശ്വാസം അനുവദിക്കുക, മെഡിസെപ്പ് ഇൻഷ്വറൻസ് പദ്ധതി അഡിമിനിസ്ട്രേറ്റീവ് ട്രിബൂണൽ ഉത്തരവ് പ്രകാരം നടപ്പിലാക്കുക തുടങ്ങിയ ആവശ്യങ്ങൾ സമ്മേളനം പ്രമേയത്തിലൂടെ അവതരിപ്പിച്ചു. മണ്ഡലം പ്രസിഡന്‍റ് പി.സി. സണ്ണി അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് പി. സി. വർഗീസ് മുഖ്യപ്രഭാഷണം നടത്തി. എലിസബത്, ടി. ദാമോദരൻ, പി.വി. മാനുവേൽ, എം.ജി. ജോസഫ്, നാരായണൻ, സന്തോഷ്‌ ജോസഫ് തുടങ്ങിയവർ പ്രസംഗിച്ചു.

വ്യാപാരിമിത്ര: 50 ലക്ഷം രൂപയുടെ സഹായം വിതരണം ചെയ്തു

കണ്ണൂർ: കേരള വ്യാപാരി വ്യവസായി സമിതി കണ്ണൂർ ജില്ലാ കമ്മിറ്റിയിൽ അംഗങ്ങളായിരിക്കെ മരിച്ച വ്യാപാരികളുടെ കുടുംബത്തിനുള്ള ധനസഹായ പദ്ധതിയായ വ്യാപാരി മിത്ര ധനസഹായ വിതരണം കണ്ണൂരിൽ നടന്നു. ചേംബർ ഓഫ് കൊമേഴ്സ് ഹാളിൽ നടന്ന പരിപാടി സംസ്ഥാന സെക്രട്ടറി ഇ.എസ്. ബിജു ഉദ്ഘാടനം ചെയ്ത് ധനസഹായം വിതരണം ചെയ്തു. പത്ത് വ്യാപാരികളുടെ കുടുംബങ്ങൾക്കുള്ള മരണാനന്തര ആനുകൂല്യമായി അഞ്ചു ലക്ഷം രൂപ വീതം അന്പത് ലക്ഷം രൂപയുടെ സഹായം കൈമാറി. വ്യാപാരി മിത്ര അംഗങ്ങൾക്കുള്ള ചികിത്സാ സഹായവിതരണം കണ്ണൂർ മേയർ മുസ്‌ലിഹ് മഠത്തിൽ നിർവഹിച്ചു. ഇത് വരെയായി വ്യാപാരി മിത്ര പദ്ധതിയിലൂടെ 259 കുടുംബങ്ങളിലായി ആറു കോടിയോളം രൂപ വിതരണം ചെയ്തിട്ടുണ്ട്. കാൻസർ, ബൈപാസ് സർജറി, ആൻജിയോപ്ലാസ്റ്റി, വൃക്ക മാറ്റിവയ്ക്കൽ, കരൾ മാറ്റിവയ്ക്കൽ, അംഗഭംഗം വന്ന വ്യാപാരികൾക്കുള്ള സഹായങ്ങൾ തുടങ്ങി വിവിധ ചികിത്സാ സഹായങ്ങളും ഡയാലിസിന് പ്രതിമാസം 2,000 രൂപ വീതം അംഗംങ്ങൾക്ക് സംഘടന നൽകുന്നുണ്ട്. മരിച്ച വ്യാപാരി മിത്ര അംഗങ്ങളുടെ മക്കൾക്ക് പ്ളസ് ടു വരെയുള്ള പഠനത്തിന് സ്കോളർഷിപ്പും നൽകി വരുന്നു. വ്യാപാരി മിത്ര ട്രസ്റ്റ് ചെയർമാൻ പി.എം. സുഗുണൻ അധ്യക്ഷ വഹിച്ചു. സംസ്ഥാന ട്രഷറർ വി. ഗോപിനാഥൻ, വ്യാപാരി മിത്ര ട്രസ്റ്റ് കൺവീനർ കെ.വി. ഉണ്ണികൃഷ്ണൻ, സമിതി ജില്ലാ പ്രസിഡന്‍റ് പി. വിജയൻ,സമിതി സംസ്ഥാന കമ്മിറ്റി അംഗംങ്ങളായ ചാക്കോ മല്ലപ്പള്ളി,കെ. പങ്കജവല്ലി,എം.എ. ഹമീദ് ഹാജി, ജില്ലാ വൈസ് പ്രസിഡന്‍റ് കെ.കെ. സഹദേവൻ, ഇ. സജീവൻ എന്നിവർ പ്രസംഗിച്ചു.

കാനന്നൂർ ഫിലാറ്റലിക് ക്ലബ് അഖിലേന്ത്യാ നാണയ-സ്റ്റാന്പ് പ്രദർശനം നാളെ മുതൽ

കണ്ണൂർ: കാനന്നൂർ ഫിലാറ്റലിക് ക്ലബിന്‍റെ മുപ്പത്തിയാറാം വാർഷികത്തിന്‍റെ ഭാഗമായി കാൻപെക്സ്-2025 എന്ന പേരിൽ കണ്ണൂരിൽ അഖിലേന്ത്യാ നാണയ-സ്റ്റാന്പ് പ്രദർശനം സംഘടിപ്പിക്കും. നാളെ മുതൽ 19 വരെ കണ്ണൂർ നായനാർ അക്കാദമി ഹാളിൽ നടക്കുന്ന പ്രദർശനത്തോടനുബന്ധിച്ച് ന്യൂമിസ്മാറ്റിക് മേഖലയിൽ പ്രവർത്തിക്കുന്ന രാജ്യത്തെ പ്രമുഖർ പങ്കെടുക്കുന്ന ചർച്ചകളും സെമിനാറുകളും നടക്കുമെന്ന് കാനന്നൂർ ഫിലാറ്റലിക് ക്ലബ് ഭാരവാഹികൾ അറിയിച്ചു. രാവിലെ ഒന്പതു മുതൽ വൈകുന്നേരം 6.30 വരെ നടക്കുന്ന പ്രദർശനത്തിൽ അന്പതോളം ചരിത്രപ്രധാനമായ നാണയ-സ്റ്റാംപ് ശേഖരമുള്ളവർ പങ്കെടുക്കും. പ്രദർശനം നാളെ രാവിലെ 10 ന് കണ്ണൂർ കോർപറേഷൻ മേയർ മുസ്‌ലിഹ് മഠത്തിൽ ഉദ്ഘാടനം ചെയ്യും. പ്രസ് ക്ലബ് പ്രസിഡഡന്‍റ് സി. സുനിൽകുമാർ ബാലകൃഷ്ണൻ കൊയ്യാലിന് നൽകി സുവനീർ പ്രകാശനം നിർവഹിക്കും.19 ന് വൈകുന്നേപം നാലിന് നടക്കുന്ന സമാപന സമ്മേളനം കാനറ ബാങ്ക് ഡെപ്യുട്ടി ജനറൽ മാനേജർ വി.കെ. ശ്രീകാന്ത് ഉദ്ഘാടനം ചെയ്യും. ശൗര്യ ചക്ര പി.വി. മനേഷ് മുഖ്യാതിഥിയാകും. പത്രസമ്മേളനത്തിൽ ജില്ലാ പ്രസിഡന്‍റ് കെ.വി. മുകുന്ദൻ, സെക്രട്ടറി രൂപ് ബാലറാം, എ.കെ. ശ്രീ ദിപ്, എം. ജയദേവൻ, എം.പി. രിമിനേഷ് എന്നിവർ പങ്കെടുത്തു.

വ്യാപാരി വ്യവസായി സമിതി ഇരിട്ടി നഗരസഭാ ഓഫീസിലേക്ക് മാർച്ച് നടത്തി

ഇരിട്ടി: അനിയന്ത്രിതമായ തെരുവ് കച്ചവടം നിയന്ത്രിക്കണമെന്നാവശ്യപ്പെട്ട് വ്യാപാരി വ്യവസായി സമിതി ഇരിട്ടി ഏരിയാ കമ്മിറ്റിയുടെ നേതൃത്വത്തിൽ ഇരിട്ടി നഗരസഭാ ഓഫീസിലേക്ക് മാർച്ചും ധർണയും നടത്തി. നഗരത്തിൽ നിന്നും പ്രകടനമായി എത്തിയാണ് പുന്നാട്ടെ നഗരസഭാ ഓഫീസിന് മുന്നിൽ പ്രതിഷേധിച്ചത്. വലിയൊരു വിഭാഗം ലൈസൻസ് ഇല്ലാത്തവരാണ് തെരുവിൽ കച്ചവടം നടത്തുന്നതെന്നും കണ്ടെയ്‌നറിൽ ഉൾപ്പെടെ വാഹനങ്ങളിൽ സാധനങ്ങൾ കൊണ്ടുവന്ന് മാനദണ്ഡവുമില്ലാതെയാണ് ഇപ്പോൾ വില്പന നടത്തുന്നതെന്നും വ്യാപാരികൾ ആരോപിച്ചു. ലൈസൻസ് സംബന്ധമായ ആവശ്യങ്ങൾക്കായി എത്തുന്ന വ്യാപാരികളെ നഗരസഭയിലെ ഉദ്യോഗസ്ഥർ ബുദ്ധിമുട്ടിക്കുന്നതായും ആരോപിച്ചായിരുന്നു പ്രതിഷേധം. വ്യാപാരി വ്യവസായി സമിതി ജില്ലാ പ്രസിഡന്‍റ് പി. വിജയൻ മാർച്ച് ഉദ്ഘാടനം ചെയ്തു. ഏരിയാ പ്രസിഡന്‍റ് പി. പ്രഭാകരൻ അധ്യക്ഷത വഹിച്ചു. ഏരിയാ സെക്രട്ടറി ഒ. വിജേഷ്, വ്യാപാരി വ്യവസായി ഏകോപന സമിതി മുൻ സംസ്ഥാന കമ്മിറ്റിയംഗം സതീഷ് ബാബു, ടോമി തോമസ്, വി. ഷാജി, ബിനു വരവുങ്കൽ, ഫക്രുദ്ദീൻ, പ്രമോദ് മാടത്തിൽ, അനൂപ് അനുദീപം, ഒ. സുധീഷ്, ബിനു മുട്ടത്തിൽ, അബ്‌ദുൾ റസാഖ് എന്നിവർ പ്രസംഗിച്ചു.

കർഷക കോൺഗ്രസ് കർഷക പ്രതിഷേധ വാഹന ജാഥ 18ന്

കണ്ണൂർ: കാർഷിക മേഖലയിലെ പ്രശ്നങ്ങൾക്ക് പരിഹാരം കാണണമെന്നാവശ്യപ്പെട്ട് കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ നടത്തുന്ന കർഷക പ്രക്ഷോഭത്തിന്‍റെ ഭാഗമായുള്ള കർഷക പ്രതിഷേധ വാഹന ജാഥയുടെ ഒന്നാം ഘട്ടം 18ന് നടക്കുമെന്ന് ജില്ലാ പ്രസിഡന്‍റ് ജോസ് പൂമല അറിയിച്ചു. ജോസ് പൂമലയുടെ നേതൃത്വത്തിൽ 18ന് രാവിലെ 9.30ന് ചെറുപുഴയിൽ നിന്നാരംഭിക്കുന്ന വാഹനജാഥ ഡിസിസി പ്രസിഡന്‍റ് മാർട്ടിൻ ജോർജ് ഉദ്ഘാടനം ചെയ്യും. ജാഥാ കോ-ഓർഡിനേറ്റർ എ.ജെ. തോസ് അധ്യക്ഷത വഹിക്കും. യുഡിഎഫ് ജില്ലാ ചെയർമാൻ പി.ടി. മാത്യു മുഖ്യപ്രഭാഷണം നടത്തും. കാർഷിക മേഖലയോട് കേന്ദ്ര-സംസ്ഥാന സർക്കാരുകൾ കാണിക്കുന്ന അവഗണനയിൽ പ്രതിഷേധിച്ചും വന്യമൃഗാക്രമണങ്ങളിൽ നിന്നും വിളകൾക്കും കർഷകർക്കും സംരക്ഷണം നൽകണമെന്നുമാവശ്യപ്പെട്ടാണ് വാഹനപ്രചാരണ ജാഥ നടത്തുന്നത്. പുതിയ വനനിയമം ഭേദഗതി ചെയ്യുക, വന്യമൃഗാക്രമണങ്ങളിൽ കൊല്ലപ്പെട്ടവർക്കും പരിക്കേറ്റവർക്കും കൃഷിനാശം സംഭവിച്ചവർക്കുമുള്ള നഷ്ടപരിഹാരം വർധിപ്പിക്കുക, പ്രകൃതി ദുരന്തത്തിലും കാലാവസ്ഥാ വ്യതിയാനത്തിലും നഷ്ടം സംഭവിച്ച കർഷകർക്ക് നൽകനുള്ള നഷ്ടപരിഹാരം കൊടുത്തു തീർക്കുക, റബറിന് 300 രൂപ തറവില നിശ്ചച്ച് കർഷകർക്ക് ഇൻസെന്‍റീവ് നൽകുക, നാളികേര വിലയിടിവ് തടയുക, കർഷക കടാശ്വാസ കമ്മീഷൻ ആനുകൂല്യം എല്ലാ ബാങ്കിൽ നിന്നുമുള്ള വായ്പകൾക്കും ബാധകമാക്കുക, കർഷകർക്ക് ദോഷകരമായ സർഫാസി നിയമം പരിഷ്കരിക്കുക എന്നിവയാണ് മറ്റ് ആവശ്യങ്ങൾ. കാടുകളിൽ ഉൾക്കൊള്ളാൻ കഴിയാത്തതിലും കൂടുതൽ ആനകൾ പെരുകിയതാണ് ആനശല്യം രൂക്ഷമാകാൻ കാരണമെന്നും ഇതിന് ആനകളുടെ പെരുപ്പം തയാനുള്ള നടപടികൾ സർക്കാരിന്‍റെ ഭാഗത്ത് നിന്നുണ്ടാകണമെന്നും കർഷക കോൺഗ്രസ് ആവശ്യപ്പെട്ടു. ചെറുപുഴയിൽ നിന്നാരംഭിക്കു വാഹന ജാഥ തേർത്തല്ലി, ആലക്കോട്, കരുവഞ്ചാൽ, നടുവിൽ, ചെന്പന്തൊട്ടി, ശ്രീകണ്ഠപുരം, ചെന്പേരി, പയ്യാവൂർ, ഉളിക്കൽ എന്നിവിടങ്ങളിലെ സ്വീകരണത്തിന് ശേഷം വൈകുന്നേരം ഇരിട്ടിയിൽ സമാപിക്കും. സമാപന സമ്മേളം കെപിസിസി പ്രസിഡന്‍റ് സണ്ണി ജോസഫ് എംഎൽഎ ഉദ്ഘാടനം ചെയ്യും. സജീവ് ജോസഫ് എംഎൽഎ മുഖ്യപ്രഭാഷണം നടത്തും. കെപിസിസി ജന.സെക്രട്ടറി സോണി സെബാസ്റ്റ്യൻ, കെപിസിസി സെക്രട്ടറി ചന്ദ്രൻ തില്ലങ്കേരി, ജില്ലാ പഞ്ചായത്തംഗം ലിസി ജോസഫ് എന്നിവർ പ്രസംഗിക്കും. പത്രസമ്മേളനത്തിൽ കർഷക കോൺഗ്രസ് സംസ്ഥാന ജനറൽ സെക്രട്ടറി എ.ഡി. സാബൂസ്, ജില്ലാ വൈസ് പ്രസിഡന്‍റുമാരായഎ.ജെ. തോമസ്, എം.വി. ശിവദാസൻ, ജില്ലാ ജനറൽ സെക്രട്ടറി ജോണി മുണ്ടയ്ക്കൽ, ജാഥാ ജനറൽ കൺവീനർ ബിജു കെ. സാമുവൽ എന്നിവരും പങ്കെടുത്തു.

18 ഗ്രാമപഞ്ചായത്തുകളുടെ സംവരണവാര്‍ഡുകള്‍ കൂടി നറുക്കെടുത്തു

കണ്ണൂർ: തദ്ദേശ സ്വയംഭരണ തെരഞ്ഞെടുപ്പിനു മുന്നോടിയായി വനിത, പട്ടികവിഭാഗം സംവരണ വാര്‍ഡുകള്‍ നിശ്ചയിക്കാന്‍ ഇരിക്കൂര്‍, പാനൂര്‍, ഇരിട്ടി ബ്ലോക്കിന് കീഴിലെ 18 ഗ്രാമപഞ്ചായത്തുകളുടെ നറുക്കെടുപ്പ് നടത്തി. ഇതോടെ ജില്ലയിലെ 51 ഗ്രാമപഞ്ചായത്തുകളുടെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടര്‍ അരുണ്‍ കെ. വിജയന്‍ നേതൃത്വം നല്‍കി. തലശേരി, കൂത്തുപറമ്പ്, പേരാവൂര്‍ ബ്ലോക്കിന് കീഴിലെ ഗ്രാമപഞ്ചായത്തുകളുടെ നറുക്കെടുപ്പ് ഇന്ന് രാവിലെ 10ന് കളക്ടറേറ്റ് കോൺഫറൻസ് ഹാളിൽ നടക്കും. വിവിധ ഗ്രാമപഞ്ചായത്തുകളിലെ സംവരണ വാർഡുകൾ ചുവടെ. പഞ്ചായത്ത്, വാർഡുകൾ എന്നീ ക്രമത്തിൽ ചുവടെ: പയ്യാവൂര്‍ വനിത- മൂന്ന് -ശാന്തിനഗര്‍, അഞ്ച് -ചതിരംപുഴ, ഏഴ് -കുഞ്ഞിപ്പറമ്പ്, 10 -ഉപ്പുപടന്ന, 11- കണ്ടകശേരി, 13- കോയിപ്ര, 14- വെമ്പുവ, 16- ഏറ്റുപാറ, 17- വഞ്ചിയം. പട്ടികവർഗം: വാർഡ് ആറ്-പൈസക്കരി. ഇരിക്കൂര്‍ വനിത -രണ്ട്-ആലത്തൂടി, അഞ്ച്- സിദ്ദിഖ് നഗര്‍, ആറ്- കുന്നുമ്മല്‍, എട്ട്- പട്ടുവം, 10- ഇരിക്കൂര്‍ ടൗണ്‍, 13- കുട്ടാവ്, 14- ചേടിച്ചേരി. പട്ടികജാതി: വാർഡ് നാല്-പയസായി. ഏരുവേശി വനിത- ഒന്ന്-കുടിയാന്മല, മൂന്ന്- ചെറിയ അരീക്കമല, എട്ട്- ഏരുവേശി, 10 -ചെമ്പേരി, 11- ഇടമന, 12- ചളിംപറമ്പ്, 14- രത്നഗിരി, 15- കൊക്കമുള്ള്. പട്ടികവര്‍ഗം: വാർഡ് രണ്ട്- അരീക്കമല. ഉളിക്കല്‍ വനിത-രണ്ട് -മാട്ടറ, അഞ്ച്- കല്ലംതോട്, ആറ്- തൊട്ടിപ്പാലം, ഏഴ്- പേരട്ട, ഒന്പത്- വട്ട്യംതോട്, 10- കതുവാ പറമ്പ്, 12- കേയാപറമ്പ്, 15- നെല്ലിക്കാംപൊയില്‍, 17- തേര്‍മല, 21- പെരുമ്പള്ളി, 22- മണിക്കടവ് സൗത്ത്.പട്ടികവർഗം: 13- ഉളിക്കല്‍ വെസ്റ്റ്. അയ്യന്‍കുന്ന് വനിത- രണ്ട് പാലത്തുംകടവ്, ആറ്- അങ്ങാടിക്കടവ്, ഏഴ്- ഈന്തുംകരി, ഒന്പത്- കൂമന്‍തോട്, 10- കരിക്കോട്ടക്കരി, 11- വലിയപറമ്പിന്‍കരി, 12- കമ്പനിനിരത്ത്, 13- മുണ്ടയാം പറമ്പ്. പട്ടികവര്‍ഗം: 14- ആനപ്പന്തി. ആറളം വനിത-രണ്ട് -മാഞ്ചുവട്, നാല്- ചതിരൂര്‍, ആറ്- കോട്ടപ്പാറ, എട്ട്- കീഴ്പ്പള്ളി, 12- വീര്‍പ്പാട്, 13- ഉരുപ്പുംകുണ്ട്, 16- പെരുമ്പഴശി-, 17- ആറളം. പട്ടികവഗ വനിത: ഒന്ന്- എടൂര്‍, ഏഴ്- ആറളം.പട്ടികവർഗം: 14- കല്ലറ. പായം വനിത-അഞ്ച്- ആനപ്പന്തി കവല, ആറ്- കുന്നോത്ത്, 10-പായം, 12- മാടത്തില്‍, 13- കരിവണ്ണൂര്‍, 14- തന്തോട്, 16- അളപ്ര, 17- വിളമന, 18- മലപ്പൊട്ട്, 19- ഉദയഗിരി. പട്ടികജാതി: എട്ട്- ചീങ്ങാക്കുണ്ടം. മലപ്പട്ടം വനിത- രണ്ട്, മൂന്ന്, ആറ്, എട്ട്, 11 , 12, 13. പട്ടികജാതി: വാർഡ് അഞ്ച്. കുറ്റ്യാട്ടൂർ വനിത - ഒന്ന്, രണ്ട്, ഏഴ്, ഒന്പത്,10, 11,12, 15, 16. പട്ടികജാതി: വാർഡ് നാല്. മയ്യിൽ വനിതാ -വാർഡ് രണ്ട്, ആറ്, ഏഴ്, എട്ട് , ഒന്‍പത്, 12, 13, 16, 18, 19.പട്ടികജാതി: വാർഡ് 17. പടിയൂര്‍- കല്യാട് വനിത -മൂന്ന്, ആറ്, എട്ട്, ഒന്പത്,11,12, 14, 16. പട്ടികവർഗം: വാർഡ് 15. കതിരൂര്‍ വനിത-രണ്ട്, മൂന്ന്, നാല്, അഞ്ച്, ഒന്പത്,10,12,13,14,18. പട്ടികജാതി: 17. ചൊക്ലി വനിത- മൂന്ന്,നാല്, ഏഴ്, ഒന്പത്, 10 ,11,13, 14, 17, 18. പട്ടികജാതി: ആറ്. മൊകേരി വനിത- രണ്ട് , മൂന്ന്, നാല്, അഞ്ച്, ഏഴ്,13, 14, 15. പട്ടികജാതി: 11. പന്ന്യന്നൂര്‍ വനിത- രണ്ട്, മൂന്ന്, നാല്, അഞ്ച്, 10 , 11, 14,15 . പട്ടികജാതി: ഏഴ്. കീഴല്ലൂര്‍ വനിത- ഒന്ന്, രണ്ട്, അഞ്ച്, 10, 12 , 14, 15, 16. പട്ടികജാതി: ആറ്. തില്ലങ്കേരി വനിത-ഒന്ന്, അഞ്ച്, ആറ്, ഒന്പത്, 11, 12, 13. പട്ടികവർഗം: എട്ട്. കൂടാളി വനിത-ഒന്ന്, മൂന്ന്, നാല്, ആറ്, ഏഴ്, എട്ട്, 13, 14, 17, 18. പട്ടികജാതി: രണ്ട്.

കത്തോലിക്ക കോൺഗ്രസ് അവകാശ സംരക്ഷണ യാത്രയ്ക്ക് ചുങ്കക്കുന്നിൽ സ്വീകരണം

ചുങ്കക്കുന്ന്: ക്രൈസ്തവ സമുദായത്തിന്‍റെ സാമൂഹിക സാമ്പത്തിക പിന്നോക്കാവസ്ഥ സംബന്ധിച്ച് പഠിച്ച് റിപ്പോർട്ട് സമർപ്പിച്ച ജസ്റ്റിസ് ജെ.ബി. കോശി കമ്മീഷൻ റിപ്പോർട്ട് രണ്ടര വർഷം കഴിഞ്ഞിട്ടും പ്രസിദ്ധീകരിച്ച് നടപ്പിലാക്കാത്തത് വലിയ നീതിനിഷേധമെന്ന് എകെസിസി ഗ്ലോബൽ പ്രസിഡന്‍റ് പ്രഫ. രാജീവ് കൊച്ചുപറമ്പിൽ. ഈ സാഹചര്യം തുടർന്നാൽ ശക്തമായ രാഷ്‌ട്രീയ നിലപാട് സ്വീകരിക്കാൻ കത്തോലിക്ക സമുദായം നിർബന്ധിതമാകുമെന്നും അദ്ദേഹം ഓർമിപ്പിച്ചു. നീതി ഔദാര്യമല്ല അവകാശമാണ് എന്ന് മുദ്രാവാക്യവുമായി എകെസിസി നടത്തുന്ന അവകാശ സംരക്ഷണ യാത്രയ്ക്ക് മാനന്തവാടി രൂപതയിലെ ആദ്യ സ്വീകരണ കേന്ദ്രമായ ചുങ്കക്കുന്ന് ഫൊറോന പള്ളിയിൽ നല്കിയ സ്വീകരണ യോഗത്തിൽ പ്രസംഗിക്കുകയായിരുന്നു അദ്ദേഹം. പാലോളി മുഹമ്മദ് കുട്ടി റിപ്പോർട്ട്, സച്ചാർ കമ്മീഷൻ റിപ്പോർട്ട് എന്നിവ നടപ്പിലാക്കാൻ സർക്കാരുകൾ കാണിച്ച വേഗതയും കാര്യക്ഷമതയും എന്തുകൊണ്ട് കത്തോലിക്ക സമുദായത്തിന്‍റെ കാര്യത്തിൽ ഭരണ, പ്രതിപക്ഷങ്ങൾ കാണിക്കുന്നില്ല എന്ന് അദ്ദേഹം ചോദിച്ചു. ക്രൈസ്തവ സമുദായത്തി ന്‍റെ ക്ഷമയും സഹനവും ഇനിയും പരീക്ഷിക്കുവാൻ രാഷ്ട്രീയ പാർട്ടികൾ തയാറാകരുതെന്ന് അദ്ദേഹം മുന്നറിയിപ്പ് നല്കി. സ്വീകരണ യോഗം ഫൊറോനാ വികാരി ഫാ. പോൾ കൂട്ടാല ഉദ്ഘാടനം ചെയ്തു. മേഖല പ്രസിഡന്‍റ് മാത്യു കൊച്ചുതറയിൽ അധ്യക്ഷത വഹിച്ചു. ഗ്ലോബൽ സമിതി അംഗം ജോർജ് കോയിക്കൽ വിഷയാവതരണം നടത്തി. ജിൽസ് മേക്കൽ, ഫാ. ടോമി പുത്തൻപുരയ്ക്കൽ, ജോൺസ് കുര്യാക്കോസ്, ഫാ. ജോബി മുക്കാട്ടുകാവുങ്കൽ, കൊട്ടിയൂർ പള്ളി വികാരി ഫാ. സജി പുഞ്ചയിൽ, കേളകം പള്ളി വികാരി ഫാ. മാത്യു പെരുമാട്ടികുന്നേൽ, പേരാവൂർ ഫൊറോന വികാരി ഫാ. ഷാജി തെക്കേമുറി, അമ്പായത്തോട് പള്ളി വികാരി ഫാ. അനീഷ് കാട്ടാത്ത്, അസി. വികാരി ഫാ. അഖിൽ ഉപ്പുവീട്ടിൽ തുടങ്ങിയവർ പ്രസംഗിച്ചു. രൂപത പ്രസിഡന്‍റ് ജോൺസൺ തൊഴുത്തുങ്കൽ, പോൾ ചീരംവേലിൽ, ബിജു പൊയ്ക്കുന്നേൽ, സാലി കണ്ണന്താനം, മിനി കൊട്ടാരത്തിൽ, ഷാജി തെങ്ങുംപള്ളി, ട്രസ്റ്റിമാരായ ഷാജു കുന്നേൽ, വിൽസൺ കണ്ണമ്പള്ളി, വിൽസൺ വഹാനി, സജി ആനിത്തോട്ടം വിവിധ യൂണിറ്റ് ഭാരവാഹികൾ, വിവിധ ഭക്തസംഘടന ഭാരവാഹികൾ തുടങ്ങിയവർ നേതൃത്വം നല്കി.

ദുരൂഹത ബാക്കി

ഒക്‌ടോബര്‍ 14ന് വൈകുന്നേരം നാലിന് കണ്ണൂർ കളക്‌ടറേറ്റില്‍ സഹപ്രവര്‍ത്തകര്‍ നല്‍കിയ യാത്രയയപ്പ് യോഗത്തില്‍ ക്ഷണിക്കാതെയെത്തിയാണ് സിപിഎം നേതാവും കണ്ണൂർ ജില്ലാ മുൻ പഞ്ചായത്ത് പ്രസിഡന്‍റുമായ പി.പി. ദിവ്യ നവീന്‍ബാബുവിനെ അധിക്ഷേപിച്ചത്. പിറ്റേദിവസം നവീന്‍ബാബു ജീവനൊടുക്കിയ വാര്‍ത്തയാണ് നാട് കേട്ടത്. ആ അവസാന മണിക്കൂറുകളെ സംബന്ധിച്ച ചോദ്യങ്ങള്‍ക്ക് അന്വേഷണസംഘത്തിന് ഇനിയും ഉത്തരമില്ല. പെട്രോള്‍ പമ്പ് അനുമതിക്കായി നവീൻ ബാബു കൈക്കൂലി വാങ്ങിയതിന് തെളിവില്ലെന്ന് ചൂണ്ടിക്കാട്ടി ലാൻഡ് റവന്യൂ ജോയിന്‍റ് കമ്മീഷ്ണര്‍ എ. ഗീത സമര്‍പ്പിച്ച അന്വേഷണറിപ്പോര്‍ട്ട് മുഖ്യമന്ത്രിയുടെ ഓഫീസിലിരിക്കാന്‍ തുടങ്ങിയിട്ട് മാസം കഴിഞ്ഞു. തുടര്‍നടപടി ആവശ്യപ്പെടുന്ന കുറിപ്പ് സഹിതം 2024 നവംബര്‍ ഒന്നിനാണ് എ.ഗീതയുടെ റിപ്പോര്‍ട്ട് റവന്യൂമന്ത്രി മുഖ്യമന്ത്രിക്ക് കൈമാറിയത്. എന്നാൽ റിപ്പോർട്ട് ഇപ്പോഴും ഫയലിൽ തന്നെയാണ്. നവീൻ ബാബുവിന് കൈക്കൂലി കൊടുത്തെന്ന് ആരോപിച്ച ടി.വി. പ്രശാന്തിനെതിരേ കടുത്ത നടപടി ഒന്നുമില്ല. പ്രശാന്തിനെതിരെ നടപടിയെടുത്താല്‍ കണ്ണൂരിലെ ബിനാമി നേതൃത്വത്തിലേക്കും അന്വേഷണം നീളുമെന്ന ഭയമാണ് പോലീസിന്‍റെ മെല്ലെപ്പോക്കിനു പിന്നിലെന്നും ആക്ഷേപമുണ്ട്. പ്രശാന്തിനെതിരായ അഡീഷണല്‍ ചീഫ് സെക്രട്ടറിയും ഡിഎംഇയും നടത്തിയ അന്വേഷണ റിപ്പോര്‍ട്ടും പുറത്തുവിടുന്നില്ല. വിവിധ തലത്തിലുള്ള അന്വേഷണങ്ങള്‍ നടക്കുന്നതിനാല്‍ വിവരാവകാശ നിയമ പ്രകാരം വസ്തുതകള്‍ നല്‍കാന്‍ നിര്‍വാഹമില്ലെന്നാണ് ആരോഗ്യവകുപ്പ് വിശദീകരിക്കുന്നത് ദിവ്യയുടെ അധിക്ഷേപത്തിനു പിന്നാലെ ജില്ലാ കളക്ടര്‍ അരുണ്‍ കെ.വിജയനും നവീന്‍ബാബുവിനെ മാനസിക സമ്മര്‍ദത്തലാക്കിയെന്ന പരാതി എഡിഎമ്മിന്‍റെ കുടുംബത്തിനുണ്ട്. അന്വേഷണത്തില്‍ ഇടപെടാന്‍ സാധ്യതയുള്ളതിനാല്‍ കളക്‌ടറെ മാറ്റണമെന്ന ആവശ്യത്തിനും സര്‍ക്കാര്‍ ചെവികൊടുത്തില്ല. മൃതദേഹപരിശോധന പരിയാരം മെഡിക്കല്‍ കോളേജില്‍ നടത്തുന്നതില്‍ വിയോജിപ്പുണ്ടെന്നും കോഴിക്കോട്ടേക്ക് മാറ്റണമെന്നും ബന്ധുക്കള്‍ സിറ്റി പോലീസ് കമ്മീഷണറോട് ആവശ്യപ്പെട്ടിരുന്നു. കളക്ടര്‍ അരുണ്‍ കെ.വിജയനെ വിളിച്ചപ്പോള്‍ ഒന്നും പേടിക്കാനില്ലെന്നും പോലീസ് സര്‍ജനാണ് മൃതദേഹപരിശോധന ചെയ്യുന്നതെന്നുമാണ് കളക്ടര്‍ ബന്ധുക്കളോട് പറഞ്ഞത്. ഇന്‍ക്വസ്റ്റ് റിപ്പോര്‍ട്ട് പോസ്റ്റുമോര്‍ട്ടം ചെയ്ത സര്‍ജന് പോലീസ് നല്‍കിയില്ലെന്ന സംശയമുണ്ടെന്ന് കുടുംബം പറയുന്നു. ആന്തരികാവയവങ്ങള്‍ക്ക് പരിക്കില്ലെന്ന് പോസ്റ്റുമോര്‍ട്ടം റിപ്പോര്‍ട്ടില്‍ പറയുമ്പോള്‍ പിന്നെ എങ്ങനെ അടിവസ്ത്രത്തില്‍ രക്തക്കറ വരുമെന്നാണ് കുടുംബം ചോദിക്കുന്നത്. അതിനാൽ, തങ്ങളുടെ അസാന്നിധ്യത്തിൽ നടത്തിയ പോസ്റ്റുമോർട്ടം റിപ്പോർട്ടിൽ ദുരൂഹതയുണ്ടെന്നാണ് കുടുംബം ആരോപിക്കുന്നത് ഡിസംബർ 16ന് ദിവ്യ ഹാജരാകണം എഡിഎം നവീൻ ബാബുവിന്‍റെ ആത്മഹത്യയാണെന്നും യാത്രയയപ്പു യോഗത്തിൽ ദിവ്യ നടത്തിയ പ്രസംഗമാണ് പ്രേരണയെന്നുമാണ് പ്രത്യേക അന്വേഷണസംഘത്തിന്‍റെ കണ്ടെത്തൽ. കേസ് തലശേരി അഡീഷണൽ സെഷൻസ് (രണ്ട്) കോടതിയാണ് പരിഗണിക്കുന്നത്. ഏക പ്രതിയായ പി.പി. ദിവ്യയോട് ഡിസംബർ 16 ന് ഹാജരാകാൻ ആവശ്യപ്പെട്ടിട്ടുണ്ട്. കേസിൽ തുടരന്വേഷണം ആവശ്യപ്പെട്ട് നവീൻ ബാബുവിന്‍റെ ഭാര്യ മഞ്ജുഷ നല്കിയ ഹർജിയും ഇതേ കോടതിയാണ് പരിഗണിക്കുന്നത്. കേസിൽ എത്രയും വേഗം ചുരുളഴിച്ചില്ലെങ്കിൽ ബൂമറാങ്ങായി നവീൻ ബാബുവിന്‍റെ മരണം സിപിഎമ്മിനെ വരും തെരഞ്ഞെടുപ്പുകളിൽ വീഴ്ത്തിയേക്കാം. മന്ത്രിയുടെ വെളിപ്പെടുത്തൽ മന്ത്രി കെ. രാജന്‍ നടത്തിയ വെളിപ്പെടുത്തലടക്കം കേസിന്‍റെ തുടരന്വേഷണത്തില്‍ പ്രതീക്ഷകള്‍ അസ്തമിച്ചിട്ടില്ലെന്നാണ് നവീന്‍ ബാബുവിന്‍റെ കുടുംബം പറയുന്നത്. കണ്ണൂര്‍ ജില്ലാ കളക്ടര്‍ അരുണ്‍ കെ. വിജയന്‍ നവീന്‍ ബാബുവിന്‍റെ യാത്രയയപ്പ് സമ്മേളനത്തിന് പിന്നാലെ മന്ത്രിയെ വിളിച്ചിരുന്നുവെന്ന കാര്യം മന്ത്രി കെ. രാജൻ സമ്മതിച്ചിരുന്നു. കേസിന്‍റെ നാള്‍വഴികളില്‍ ഇതുവരെ ഇക്കാര്യം മന്ത്രി പുറത്തു പറഞ്ഞിരുന്നില്ല. നവീന്‍ ബാബു അഴിമതിക്കാരനായ ഉദ്യോഗസ്ഥനല്ലെന്നും മന്ത്രി വ്യക്തമാക്കിയിരുന്നു. അന്വേഷണസംഘം നവീന്‍ ബാബുവിനെ അഴിമതിക്കാരന്‍ എന്ന സംശയത്തിന്‍റെ മുനയില്‍ നിര്‍ത്താന്‍ ശ്രമിച്ചതായാണ് തുടരന്വേഷണ ഹര്‍ജിയില്‍ നവീന്‍ ബാബുവിന്‍റെ കുടുംബം പ്രധാനമായും വാദിക്കുന്നത്.

സിപിഎമ്മിനെ പ്രതിസന്ധിയിലാക്കിയ നീതിമാന്‍റെ വേർപാട്

സ്വന്തം ലേഖകൻ കണ്ണൂർ: ടി.പി. ചന്ദ്രശേഖരന്‍റെ കൊലപാതകത്തിനുശേഷം സിപിഎമ്മിനെ ഏറെ പ്രതിസന്ധിയിലാക്കിയ കണ്ണൂരിലെ മുൻ എഡിഎം നവീൻ ബാബുവിന്‍റെ ദുരൂഹമരണം നടന്നിട്ട് ഇന്ന് ഒരു വർഷം തികയുകയാണ്. 2024 ഒകേ്ടാബര്‍ 15ന് രാവിലെയാണ് പള്ളിക്കുന്നിലെ ക്വാർട്ടേഴ്സിനുള്ളിൽ തൂങ്ങിമരിച്ച നിലയിൽ നവീൻ ബാബുവിനെ കണ്ടെത്തിയത്. ഒക്‌ടോബര്‍ 14ന് വൈകുന്നേരം നാലിന് കണ്ണൂർ കളക്‌ടറേറ്റില്‍ നവീൻ ബാബുവിന് സഹപ്രവര്‍ത്തകര്‍ നല്‍കിയ യാത്രയയപ്പ് യോഗത്തില്‍ ക്ഷണിക്കാതെയെത്തി സിപിഎം നേതാവും അന്ന് കണ്ണൂർ ജില്ലാ പഞ്ചായത്ത് പ്രസിഡന്‍റുമായ പി.പി. ദിവ്യ നവീന്‍ബാബുവിനെ അധിക്ഷേപിച്ച് സംസാരിച്ചിരുന്നു. പിറ്റേദിവസം നവീന്‍ബാബുവിനെ ജീവനൊടുക്കിയ നിലയിൽ കണ്ടെത്തിയ വാര്‍ത്തയാണ് നാട് കേട്ടത്. ആത്മഹത്യയെന്ന് പറഞ്ഞു തള്ളിയ നവീൻ ബാബുവിന്‍റെ മരണം കൊലപാതകമാണെന്നും സിബിഐ അന്വേഷണം വേണമെന്നുമാണ് കുടുംബത്തിന്‍റെ ആവശ്യം. എന്നാൽ, കുടുംബത്തിന്‍റെ ഈ ആവശ്യം ഹൈക്കോടതിയും സുപ്രീംകോടതിയും തള്ളിക്കളയുകയായിരുന്നു. സിബിഐ അന്വേഷണത്തിന്‍റെ ആവശ്യമില്ലെന്നും കൊലപാതകമാണെന്ന് സംശയിക്കാൻ പ്രത്യേക കാരണമില്ലെന്നുള്ള പ്രത്യേക അന്വേഷണസംഘത്തിന്‍റെയും സർക്കാരിന്‍റെയും നിലപാടുകൾ കോടതികൾ അംഗീകരിക്കുകയായിരുന്നു. സിപിഎമ്മിൽ തന്നെ വിഭാഗീയത ഉണ്ടാക്കാൻ എഡിഎം നവീൻ ബാബുവിന്‍റെ മരണത്തിന് സാധിച്ചു. നവീൻ ബാബു ജീവനൊടുക്കിയ കേസിൽ സിപിഎം നേതാവും കണ്ണൂർ ജില്ലാ പഞ്ചായത്ത് പ്രസിഡന്‍റുമായിരുന്ന പി.പി. ദിവ്യ മാത്രമായിരുന്നു നിലവിൽ പ്രതിക്കൂട്ടിൽ. എന്നാൽ, നവീൻ ബാബുവിന്‍റെ കുടുംബത്തിന്‍റെ ആരോപണത്തിൽ ഉൾപ്പെട്ടവരെ സംരക്ഷിക്കുന്ന പ്രവണത സിപിഎമ്മും സംസ്ഥാന സർക്കാരും സ്വീകരിച്ചതോടെ സർക്കാരിനൊപ്പം സിപിഎമ്മും പ്രതിക്കൂട്ടിലായി. സിപിഎം കണ്ണൂർ ജില്ലാ നേതൃത്വം തുടക്കംമുതൽ പി.പി. ദിവ്യയെ സംരക്ഷിച്ചിരുന്നുവെങ്കിലും പത്തനംതിട്ട ജില്ലാ കമ്മിറ്റിയുടെ കടുത്ത നിലപാടാണ് ദിവ്യയുടെ അറസ്റ്റിനും ജില്ലാ കമ്മിറ്റിയിൽനിന്നു പുറത്തേക്കുള്ള വഴിക്കും കാരണമായത്. എന്നാൽ, ദിവ്യക്ക് ജാമ്യം ലഭിച്ചതോടെ പ്രത്യേക അന്വേഷണസംഘത്തിന്‍റെ അന്വേഷണം നിലയ്ക്കുകയായിരുന്നു. പിന്നീട്, നവീൻ ബാബുവിന്‍റെ കുടുംബം ഹൈക്കോടതിയെ സമീപിച്ചതോടെയാണ് പ്രത്യേക അന്വേഷണസംഘത്തിന് അനക്കം തുടങ്ങിയത്. നവീൻ ബാബുവിനെതിരെ ആദ്യം അനുകൂലമായി പ്രസ്താവന നടത്തിയ കണ്ണൂർ ജില്ലാ കളക്‌ടർ അരുൺ കെ.വിജയന്‍റെ മൊഴിയിലെ മാറ്റവും സിപിഎമ്മിനെ പ്രതിക്കൂട്ടിലാക്കി. കളക്ടർ സ്ഥാനത്തുനിന്നും മാറ്റാതെ അരുൺ കെ.വിജയനെ സംരക്ഷിക്കുന്നതും സിപിഎമ്മാണെന്ന ആരോപണവും ശക്തമാണ്. ഇൻക്വസ്റ്റ് റിപ്പോർട്ട് വെട്ടിലാക്കി ഒകേ്ടാബര്‍ 15ന് രാവിലെ കണ്ണൂര്‍ ടൗണ്‍ പോലീസ് തയാറാക്കിയ ഇന്‍ക്വസ്റ്റ് റിപ്പോര്‍ട്ടിൽ നവീൻ ബാബുവിന്‍റെ അടിവസ്ത്രത്തിലെ രക്തക്കറയുടെ പരാമര്‍ശമുണ്ടായിരുന്നു. എന്നാല്‍, എഫ്ഐആറിലും പോസ്റ്റുമോർട്ടം റിപ്പോർട്ടിലും ഇക്കാര്യങ്ങൾ രേഖപ്പെടുത്തിയിട്ടില്ല. മൃതദേഹത്തിലെ രക്ത സാന്നിധ്യം പോലീസ് എഫ്ഐആറിലോ പോസ്റ്റുമോര്‍ട്ടം റിപ്പോര്‍ട്ടിലോ പരാമര്‍ശിച്ചിട്ടില്ലാത്തതാണ് നവീന്‍ ബാബുവിന്‍റെ കുടുംബത്തിന്‍റെ സംശയത്തിന് കാരണം.ആന്തരികാവയവങ്ങള്‍ക്ക് പരിക്കില്ലെന്ന് പോസ്റ്റുമോര്‍ട്ടം റിപ്പോര്‍ട്ടില്‍ പറയുമ്പോള്‍ പിന്നെ എങ്ങനെ അടിവസ്ത്രത്തില്‍ രക്തക്കറ വരുമെന്നാണ് കുടുംബം ചോദിക്കുന്നത്. തൂങ്ങിമരണം തന്നെയാണെന്നും എല്ലാ തൂങ്ങിമരണങ്ങളിലും മലമൂത്രവിസര്‍ജനം കാണാറില്ലെന്നും രക്തംവരുന്നത് സ്വാഭാവികമാണെന്നുമാണ് പോലീസ് വാദം. നവീന്‍ ബാബുവിന്‍റെ അടിവസ്ത്രത്തില്‍ രക്തക്കറ ഉണ്ടായിരുന്നുവെന്ന പോലീസ് ഇന്‍ക്വസ്റ്റ് റിപ്പോര്‍ട്ട് ഹൈക്കോടതിയില്‍ ഹാജരാക്കിയ പോസ്റ്റ്‌മോര്‍ട്ടം റിപ്പോര്‍ട്ടില്‍ ഇല്ലാത്തത് ശ്രദ്ധേയമാണ്. ഇതോടെയാണ്, നവീൻ ബാബുവിന്‍റെ മരണം കൊലപാതകം എന്ന സംശയത്തിന് കൂടുതൽ ബലമേകുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]