ക​ണ്ണൂ​ർ: മാ​വേ​ലി​യെ വ​ര​വേ​ൽ​ക്കാ​നു​ള്ള അ​വ​സാ​ന​ഘ​ട്ട ഒ​രു​ക്ക​ങ്ങ​ളും പൂ​ർ​ത്തി​യാ​യി. ഉ​ത്രാ​ട​പ്പാ​ച്ചി​ലാ​യ ഇ​ന്ന​ലെ ക​ട​ക​ളി​ലെ​ല്ലാം ഉ​ത്സ​വ​പ്ര​തീ​തി​യാ​യി​രു​ന്നു. രാ​വി​ലെ മു​ത​ൽ ത​ന്നെ വ​സ്ത്ര വ്യാ​പാ​ര സ്ഥാ​പ​ന​ങ്ങ​ളി​ലും പ​ച്ച​ക്ക​റി, പ​ല​വ്യ​ഞ്ജ​ന ക​ട​ക​ളി​ലും തെ​രു​വു​ക​ച്ച​വ​ട സ്ഥ​ല​ങ്ങ​ളി​ലും തി​ര​ക്കോ​ട് തി​ര​ക്കാ​യി​രു​ന്നു. രാ​വി​ലെ പെ​യ്ത മ​ഴ അ​ല്പം ആ​ശ​ങ്ക ഉ​യ​ർ​ത്തി​യെ​ങ്കി​ലും പി​ന്നീ​ട് കാ​ലാ​വ​സ്ഥ അ​നു​കൂ​ല​മാ​യ​തി​നാ​ൽ എ​ല്ലാ​വ​രും അ​വ​സാ​ന​ഘ​ട്ട ഒ​രു​ക്ക​ങ്ങ​ൾ​ക്കാ​യി ന​ഗ​ര​ത്തി​ൽ എ​ത്തി. ഇ​തോ​ടെ ഗ​താ​ഗ​ത​ക്കു​രു​ക്കും രൂ​ക്ഷ​മാ​യി​രു​ന്നു.

തി​ര​ക്ക് നി​യ​ന്ത്രി​ക്കാ​ൻ അ​ധി​കൃ​ത​ർ ശ്ര​മി​ച്ചി​രു​ന്നെ​ങ്കി​ലും വ​ൻ തി​ര​ക്കാ​ണ് അ​നു​ഭ​വ​പ്പെ​ട്ട​ത്. ക​ണ്ണൂ​ർ പ​ഴ​യ ബ​സ് സ്റ്റാ​ൻ​ഡ്, സ്റ്റേ​ഡി​യം പ​രി​സ​രം, ത​ല​ശേ​രി, പ​യ്യ​ന്നൂ​ർ, ഇ​രി​ട്ടി, കൂ​ത്തു​പ​റ​മ്പ്, ത​ളി​പ്പ​റ​മ്പ്, പാ​നൂ​ർ ടൗ​ണു​ക​ളി​ൽ തെ​രു​വു​ക​ച്ച​വ​ടം തി​ര​ക്കേ​റി. പൂ​ക്ക​ൾ​ക്ക് മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് വി​ല വ​ള​രെ കൂ​ടു​ത​ലു​മാ​ണ്. എ​ന്നാ​ൽ, ഇ​ന്ന​ലെ വൈ​കു​ന്നേ​രം മാ​ത്ര​മാ​ണ് പൂ​ക്ക​ൾ വി​ല​കു​റ​ച്ച് വി​ൽ​ക്കാ​ൻ തു​ട​ങ്ങി​യ​ത്. ജി​ല്ല​യി​ലെ എ​ല്ലാ വി​നോ​ദ സ​ഞ്ചാ​ര​കേ​ന്ദ്ര​ങ്ങ​ളി​ലും വ​ൻ തി​ര​ക്കാ​യി​രു​ന്നു.

പ​യ്യാ​മ്പ​ലം, മു​ഴ​പ്പി​ല​ങ്ങാ​ട്, ചാ​ൽ ബീ​ച്ചു​ക​ളി​ൽ ഇ​ന്ന​ലെ വൈ​കു​ന്നേ​രം നൂ​റു​ക​ണ​ക്കി​ന് ആ​ളു​ക​ളാ​ണ് എ​ത്തി​യ​ത്. ജി​ല്ല​യി​ലെ വി​വി​ധ ക്ല​ബു​ക​ൾ കേ​ന്ദ്രീ​ക​രി​ച്ച് ഓ​ണാ​ഘോ​ഷ പ​രി​പാ​ടി​ക​ളും ഉ​ത്രാ​ട​ദി​ന​ത്തി​ൽ ന​ട​ത്തി​യി​രു​ന്നു.