മ​ട്ട​ന്നൂ​ർ: ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ന്‍റെ റ​ൺ​വേ വി​ക​സ​ന​ത്തി​ന് സ്ഥ​ല​മേ​റ്റെ​ടു​ക്ക​ൽ നീ​ണ്ട​തോ​ടെ നാട്ടുകാരുടെ പ്ര​തി​ഷേ​ധം ശ​ക്ത​മാ​കു​ന്നു. കീ​ഴ​ല്ലൂ​ർ കാ​നാ​ട് പ്ര​ദേ​ശ​ത്തു​ള്ള​വ​രാ​ണ് പ്ര​തി​ഷേ​ധ​ത്തി​ൽ. ലോ​ക്സ​ഭ തെ​ര​ഞ്ഞെ​ടു​പ്പ് ന​ട​ക്കു​ന്ന​തി​നാ​ൽ വോ​ട്ട് ചോ​ദി​ച്ച് ഒ​രു രാ​ഷ്ട്രീ​യ പാ​ർ​ട്ടി​ക​ളും വ​ര​രു​തെ​ന്ന് എ​ഴു​തി​യ ബാ​ന​ർ പ്ര​ദേ​ശ​ത്ത് പ്ര​ത്യ​ക്ഷ​പ്പെ​ട്ടു. പൗ​ര സ​മി​തി കാ​നാ​ട്, കോ​ളി​പ്പാ​ലം, ന​ല്ലാ​ണി എ​ന്നൊ​ഴു​തി​യ ബാ​ന​റാ​ണ് സ്ഥാ​പി​ച്ചി​ട്ടു​ള്ള​ത്.

റ​ൺ​വേ 4000 മീ​റ്റ​റാ​ക്കാ​ൻ സ്ഥ​ല​മേ​റ്റെ​ടു​ക്കു​ന്ന​തി​ന് ഒ​മ്പ​ത് വ​ർ​ഷം മു​മ്പ് സ​ർ​വേ ഉ​ൾ​പ്പെ​ടെ ന​ട​ത്തിയി​രു​ന്നു​വെ​ങ്കി​ലും ഇ​തു​വ​രെ​യാ​യി സ്ഥ​ല​ത്തി​ന്‍റെ വി​ല​നി​ർ​ണ​യം ന​ട​ത്തു​ക​യോ സ്ഥ​ലം ഏ​റ്റെ​ടു​ക്കാനു​ള്ള ന​ട​പ​ടി സ്വീ​ക​രി​ക്കു​ക​യോ ചെ​യ്തി​ട്ടി​ല്ല. കീ​ഴ​ല്ലൂ​ർ നോ​ർ​ത്ത് കാ​നാ​ട് മേ​ഖ​ല​യി​ലെ 172 കു​ടും​ബ​ങ്ങ​ളാ​ണ് 2015 മു​ത​ൽ അ​നി​ശ്ചി​ത​ത്വ​ത്തി​ലാ​യ​ത്. സ​ർ​ക്കാ​ർ റ​ൺ​വേ നീ​ട്ടാ​ൻ തീ​രു​മാ​നി​ച്ച തോ​ടെ സ്ഥ​ലം ന​ല്കാ​ൻ ഉ​ട​മ​ക​ൾ നി​ർ​ബ​ന്ധി​ത​രാ​കു​ക​യാ​യി​രു​ന്നു.

സ്വ​ത്ത് വി​ട്ടു​ന​ല്കാ​ൻ ത​യാ​റാ​യ​വ​ർ ഇ​ന്ന് അ​നി​ശ്ചി​ത​ത്വ​ത്തി​ലാ​ണ് ക​ഴി​യു​ന്ന​ത്. സ​ർ​ക്കാ​റാ​ക​ട്ടെ ഭൂ​മി ഏ​റ്റെ​ടു​ക്കാ​ൻ ഇ​തു​വ​രെ ത​യാ​റാ​യി​ട്ടി​ല്ല. 2015 ൽ ​വി​മാ​ന​ത്താ​വ​ള​ത്തി​​ന്‍റെ റ​ൺ​വേ 3,050 മീ​റ്റ​റി​ൽ നി​ന്ന് 4,000 മീ​റ്റ​റാ​യി നീ​ട്ടു​ന്ന​തി​നു​ള്ള പ​ദ്ധ​തി​ക​ൾ സം​സ്ഥാ​ന സ​ർ​ക്കാ​ർ പു​റ​ത്തി​റ​ക്കി.

വി​മാ​ന​ത്താ​വ​ളം അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് ഉ​യ​ർ​ത്തു​ക എ​ന്ന ല​ക്ഷ്യ​ത്തോ​ടെ​യാ​ണ് കീ​ഴ​ല്ലൂ​ർ ഗ്രാ​മ​പ​ഞ്ചാ​യ​ത്തി​ൽ 12, 13 വാ​ർ​ഡു​ക​ളി​ലാ​യി 220 ഏ​ക്ക​റോ​ളം സ്ഥ​ലം ഏ​റ്റെ​ടു​ക്കാ​നാ​ൻ തീ​രു​മാ​നി​ച്ച​ത്. എ​ന്നാ​ൽ വ​ർ​ഷം ഒ​മ്പ​ത് ക​ഴി​ഞ്ഞി​ട്ടും ന​ട​പ​ടി​ക​ളൊ​ന്നു​മാ​യി​ല്ല. വീ​ടും സ്ഥ​ല​വും ഏ​റ്റെ​ടു​ക്കു​മെ​ന്ന് പ​റ​ഞ്ഞ​തി​നാ​ൽ നി​ല​വി​ലു​ള്ള വീ​ട് അ​റ്റ​കു​റ്റ പ്ര​വൃ​ത്തി​ക​ളൊ​ന്നും ന​ട​ത്താ​ൻ ക​ഴി​യാ​ത്ത അ​വ​സ്ഥയാ​ണ്.