കു​ടി​വെ​ള്ള​ത്തി​നാ​യി നെ​ട്ടോ​ട്ടം; മാ​ലി​ന്യംപേ​റി പ​ഴ​ശി പദ്ധതി
Thursday, March 28, 2024 1:50 AM IST
ഇ​രി​ട്ടി: കൊ​ടുംവേ​ന​ലി​ൽ മ​ല​യോ​ര മേ​ഖ​ല കു​ടി​വെ​ള്ള​ത്തി​നാ​യി നെ​ട്ടോ​ട്ടം ഓ​ടു​മ്പോ​ഴും ഇ​രി​ട്ടി​യി​ൽ അ​ധി​കാ​രി​ക​ളു​ടെ മൂ​ക്കി​ന് താ​ഴേ പ​ഴ​ശി പ​ദ്ധ​തി​യി​ലേ​ക്ക് വ്യാ​പാ​ര സ്ഥാ​പ​ന​ങ്ങ​ളി​ൽ നി​ന്നും മ​ലി​നജ​ലം ഒ​ഴു​ക്കി​വി​ടു​ന്നു. ഇ​രി​ട്ടി​യി​ലെ വ്യ​പാ​ര സ്ഥാ​പ​ന​ങ്ങ​ളി​ൽ നി​ന്നും മ​ണ്ണി​ന​ടി​യി​ലൂ​ടെ പ​ഴ​ശി​യി​ലേ​ക്ക് ഒ​ഴു​ക്കി​വി​ടു​ന്ന മ​ലി​നജ​ല​മാ​ണ് ജി​ല്ല​യു​ടെ കു​ടി​വെ​ള്ള സ്രോ​ത​സാ​യ പ​ഴ​ശി​യെ അ​നു​ദി​നം മ​ലി​ന​മാക്കു​ന്ന​ത്. മ​ണ്ണി​ട​യി​ലൂ​ടെ സ്ഥാ​പി​ച്ചി​രി​ക്കു​ന്ന പൈ​പ്പി​ലൂ​ടെ രാ​ത്രി എ​ട്ടി​ന് ശേ​ഷം ക​ച്ച​വ​ട സ്ഥാ​പ​ന​ങ്ങ ളി​ലെ മ​ലി​ന​ജ​ലം തു​റ​ന്നു​വി​ടു​ന്ന​താ​യാ​ണ് ആ​രോ​പ​ണം.

എ​ന്നാ​ൽ ഇ​ക്കാ​ര്യ​ത്തി​ലൊ​ന്നും ന​ട​പ​ടി സ്വീ​ക​രി​ക്കാ​ൻ ന​ഗ​ര​സ​ഭ ത​യാ​റാ​കു​ന്നി​ല്ലെ​ന്ന ആ​രോ​പ​ണ​വും ശ​ക്ത​മാ​ണ്.

ഇ​രി​ട്ടി പ​ട്ട​ണ​ത്തി​ലെ ഭൂ​രി​ഭാ​ഗം മാ​ലി​ന്യ​ങ്ങ​ളും പേ​റു​ന്ന​ത് ജി​ല്ല​യു​ടെ കു​ടി​വെ​ള്ള സ്രോ​ത​സാ​യ പ​ഴ​ശി​യാ​ണ്. പു​ഴ മ​ലി​ന​മാ​കു​ന്ന​തി​നെ​തി​രേ നി​ര​വ​ധി ബോ​ധ​വ​ത്ക​ര​ണ ക്ലാ​സു​ക​ൾ ഉ​ൾ​പ്പെ​ടെ ന​ട​ത്തി​യെ​ങ്കി​ലും വീ​ണ്ടും മ​ലി​നീ​ക​ര​ണം തു​ട​രു​ന്ന​ത് ന​ഗ​ര​സ​ഭ​യേ​യും വ​ല​യ്ക്കു​ന്നു.

മ​ലി​നീ​ക​ര​ണം ത​ട​യാ​ൻ 25 ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് ന​ഗ​ര​സ​ഭ നി​ർ​മി​ച്ച വേ​ലി പോ​ലും നോ​ക്കു​കു​ത്തി​യാ​യി. വേ​ലി നി​ർ​മി​ച്ച​തു വ​ഴി വ​ലി​ച്ചെ​റി​യ​ൽ ത​ട​യാ​ൻ ക​ഴി​ഞ്ഞെ​ങ്കി​ലും മ​ലി​ന ജ​ലം ഒ​ഴു​ക്കി​വി​ടു​ന്ന​ത് ത​ട​യാ​ൻ ന​ഗ​ര​സ​ഭ​യ്ക്ക് സാ​ധി​ച്ചി​ട്ടി​ല്ല.

പൈ​പ്പു​ക​ൾ ഉ​ണ്ടോ എ​ന്ന് പ​രി​ശോ​ധി​ച്ച് ഉ​റ​പ്പു​വ​രു​ത്തു​മെ​ന്ന് ന​ഗ​ര​സ​ഭ അ​ധ്യ​ക്ഷ ഉ​റ​പ്പ് ന​ല്കി​യി​രു​ന്നു വെ​ങ്കി​ലും ഇ​തു​വ​രെ പ​രി​ശോ​ധ​ന ന​ട​ത്താ​ത്ത​ത് മ​ലി​നീ​ക​ര​ണം തു​ട​രാ​ൻ കാ​ര​ണ​മാ​യി.

Copyright @ 2022 , Rashtra Deepika Ltd.