കാർത്തികപുരം: കണ്ണൂർ ലോക്സഭാ മണ്ഡലം യുഡിഎഫ് സ്ഥാനാർഥി കെ. സുധാകരന്‍റെ തെരഞ്ഞെടുപ്പ് പ്രചാരണ പരിപാടിയുടെ ഭാഗമായി യുഡിഎഫ് ഉദയഗിരി മണ്ഡലം കമ്മിറ്റിയുടെ നേതൃത്വത്തിൽ കാർത്തികപുരത്ത് നടന്ന തെരഞ്ഞെടുപ്പ് പൊതുയോഗം കെപിസിസി ജനറൽ സെക്രട്ടറി ജമീല ആലിപ്പത്ത് ഉദ്ഘാടനം ചെയ്തു.
മണ്ഡലം കമ്മിറ്റി പ്രസിഡന്‍റ് ജോയിച്ചൻ പള്ളിയാലിൽ അധ്യക്ഷത വഹിച്ചു. തോമസ് വക്കത്താനം, ഇ.എം. നാസർ, ജോസ് പറയൻകുഴി, സി.പി. സാബു, ബെന്നി മാപ്പിളകുന്നേൽ, ടെസി ആലുംമൂട്ടിൽ, സിന്ധു കുളക്കോട്ട്, ഷെന്നി മാങ്കോട്ടിൽ, കുഞ്ഞുമോൻ നരിവേലിൽ, ബെന്നി പീടികയ്ക്കൽ എന്നിവർ പ്രസംഗിച്ചു.
പയ്യാവൂർ: യുഡിഎഫ് തിരൂർ ബൂത്ത് കമ്മിറ്റിയുടെ ആഭിമുഖ്യത്തിൽ തിരൂർ ടൗണിൽ പൊതു സമ്മേളനം നടത്തി. കെപിസിസി ജനറൽ സെക്രട്ടറി കെ. ജയന്ത് ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡന്‍റ് പി.കെ. രാജൻ അധ്യക്ഷത വഹിച്ചു. കെ.ടി. മാത്യു, സിനി സന്തോഷ്, സി.വി. കുഞ്ഞനന്തൻ, രാജു മാത്യു, ബിനു മേക്കാട്ട്, മുസ്തഫ മഞ്ഞാങ്കരി, സുധീഷ് വത്സൻ, കെ.എ. ഉമ്മർ എന്നിവർ പ്രസംഗിച്ചു.