ശ്രീകണ്ഠപുരം: ഇരിക്കൂർ മണ്ഡലത്തിൽ നിന്ന് മാത്രം കെ. സുധാകരന് 40,000 വോട്ടുകളുടെ ഭൂരിപക്ഷം ഉണ്ടാകുമെന്ന് സണ്ണി ജോസഫ് എംഎൽഎ. രാജ്യത്തെ ജനങ്ങളെ മതത്തിന്‍റെയും ജാതിയുടെയും പേരിൽ ഭിന്നിപ്പിച്ചു ഭരിക്കുന്ന കേന്ദ്രസർക്കാരിനെതിരെയുള്ള ജനവിധിയാകും ലോക്സഭാ തെരഞ്ഞെടുപ്പെന്നും അദ്ദേഹം പറഞ്ഞു.
ഇരിക്കൂർ മണ്ഡലം യുഡിഎഫ് നേതൃയോഗം ശ്രീകണ്ഠപുരത്ത് ഉദ്ഘാടനം ചെയ്തു പ്രസംഗിക്കുകയായിരുന്നു സണ്ണി ജോസഫ് എംഎൽഎ. ടി.എൻ.എ ഖാദർ അധ്യക്ഷത വഹിച്ചു. സജീവ് ജോസഫ് എംഎൽഎ, സോണി സെബാസ്റ്റ്യൻ, മാർട്ടിൻ ജോർജ്, കെ.വി ഫിലോമിന, സഹദുള്ള, പി.ടി മാത്യു, കൊയ്യം ജനാർദ്ദനൻ, ചാക്കോ പാലക്കലോടി, വർഗീസ് വയലാമണ്ണിൽ ,തോമസ് വാക്കത്താനം, സി.കെ മുഹമ്മദ്, അഷ്‌റഫ് ചെങ്ങളായി,സലാഹുദീൻ,വി.എ റഹീം,കെ പി ഗംഗാധരൻ,പി.സി ഷാജി,ബിജു പുളിയൻതോട്ടി, ബെന്നി തോമസ്,സി മോഹനൻ,ഇ വി രാമകൃഷ്ണൻ,ജോസ് വട്ടമല, ജോസഫ് ആഞ്ഞിലിതോപ്പിൽ, ജോഷി കണ്ടതിൽ,തങ്കച്ചൻ മാത്യു മണ്ഡലം ചെയർമാൻമാർ കൺവീനർമാർ എന്നിവർ പ്രസംഗിച്ചു.