എ​ട്ടു​മാ​സ​മാ​യി വേ​ത​ന​മി​ല്ലാ​തെ കൈ​ത്ത​റി​ തൊ​ഴി​ലാ​ളി​ക​ൾ
Tuesday, March 26, 2024 8:09 AM IST
ക​ണ്ണൂ​ർ: എ​ട്ടു​മാ​സ​മാ​യി വേ​ത​നം ല​ഭി​ക്കാ​തെ കൈ​ത്ത​റി​തൊ​ഴി​ലാ​ളി​ക​ൾ ദു​രി​ത​ത്തി​ൽ. നി​ല​വി​ൽ തൊ​ഴി​ൽ ഉ​പേ​ക്ഷി​ക്കേ​ണ്ട സ്ഥി​തി​യാ​ണ് ഇ​വ​ർ​ക്ക്. പ്ര​തി​സ​ന്ധി​ക​ൾ​ക്ക് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ‌​ട്ട് സം​സ്ഥാ​ന ഹാ​ൻ​ഡ്‌​ലൂം സൊ​സൈ​റ്റീ​സ് അ​സോ​സി​യേ​ഷ​ൻ സ​ർ​ക്കാ​രി​ലേ​ക്ക് നി​ര​വ​ധി നി​വേ​ദ​ന​ങ്ങ​ള​യ​ക്കു​ക​യും പ്ര​തി​ഷേ​ധി​ക്കു​ക​യും ചെ​യ്തെ​ങ്കി​ലും കാ​ര്യ​മാ​യ ന​ട​പ​ടി​യൊ​ന്നു​മു​ണ്ടാ​യി​ല്ല.

കൂ​ലി നി​ല​ച്ച​തോ​ടെ തൊ​ഴി​ലാ​ളി​ക​ൾ​ക്ക് പ്രൊ​വി​ഡ​ന്‍റ് ഫ​ണ്ട്, ഇ​എ​സ്ഐ, ക്ഷേ​മ​നി​ധി എ​ന്നി​വ​യി​ലും പ​ണ​മ​ട​ക്കാ​ൻ സാ​ധി​ക്കാ​തെ​യാ​യി. ഇ​തോ​ടെ ഈ ​ആ​നു​കൂ​ല്യ​വും ഇ​വ​ർ​ക്ക് ന​ഷ്ട​മാ​കു​ന്ന സ്ഥി​തി​യാ​ണ്. കൈ​ത്ത​റി സം​ഘ​ങ്ങ​ൾ​ക്ക് ബാ​ങ്കി​ലു​ണ്ടാ​യി​രു​ന്ന ബാ​ധ്യ​ത മു​ഴു​വ​ൻ ആ​ർ​ആ​ർ​ആ​ർ പാ​ക്കേ​ജ് വ​ഴി കേ​ന്ദ്ര സം​സ്ഥാ​ന സ​ർ​ക്കാ​രു​ക​ൾ അ​ട​ച്ച് തീ​ർ​ത്തി​രു​ന്നു. എ​ന്നാ​ൽ, ബാ​ങ്കു​ക​ൾ പു​ന​ർ​വാ​യ്പ ന​ൽ​കാ​ൻ മ​ടി​ക്കു​ക​യാ​ണ്. ഇ​തു​മൂ​ലം സം​ഘ​ങ്ങ​ൾ​ക്ക് പ്ര​വ​ർ​ത്ത​ന മൂ​ല​ധ​നം ക​ണ്ടെ​ത്താ​ൻ സാ​ധി​ക്കു​ന്നി​ല്ല. സം​ഘ​ങ്ങ​ൾ അ​ട​ച്ചു​പൂ​ട്ടു​ന്ന​തി​ലേ​ക്ക് എ​ത്തു​ന്ന സാ​ഹ​ച​ര്യ​മാ​ണ് ഇ​തു​മൂ​ല​മു​ണ്ടാ​കു​ന്ന​ത്. നൂ​ലും ചാ​യ​വും വാ​ങ്ങാ​ൻ വ​ഴി​യി​ല്ലാ​ത്ത അ​വ​സ്ഥ​യി​ലാ​ണ് മി​ക്ക സം​ഘ​ങ്ങ​ളും. 2021ൽ ​വി​ര​മി​ച്ച ജീ​വ​ന​ക്കാ​ർ​ക്ക് വി​ര​മി​ക്ക​ൽ ആ​നു​കൂ​ല്യ​വും ല​ഭ്യ​മാ​യി​ട്ടി​ല്ല.

പ്ര​ത്യേ​ക പാ​ക്കേ​ജു​ക​ൾ പ്ര​ഖ്യാ​പി​ച്ചും കു​ടി​ശി​ക അ​നു​വ​ദി​ച്ചും വെ​ട്ടി​ക്കു​റ​ച്ച തു​ക പു​നഃ​സ്ഥാ​പി​ച്ച് വി​ത​ര​ണം ചെ​യ്തും മാ​ത്ര​മേ കൈ​ത്ത​റി വ്യ​വ​സാ​യം നി​ല​നി​ർ​ത്താ​ൻ സാ​ധി​ക്കു​ക​യു​ള്ളു​വെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.​ജ​നു​വ​രി​യി​ൽ 20 കോ​ടി അ​നു​വ​ദി​ച്ചെ​ങ്കി​ലും ഇ​തി​ൽ തു​ട​ർ​ന​ട​പ​ടി​ക​ളൊ​ന്നും ഉ​ണ്ടാ​യി​ട്ടി​ല്ല. യൂ​ണി​ഫോം പ​ദ്ധ​തി​യും ഫ​ല​മി​ല്ലാതായി.

കൈ​ത്ത​റി സം​ഘ​ങ്ങ​ളെ സം​ര​ക്ഷി​ക്കാ​നാ​ണ് സ​ർ​ക്കാ​ർ കൈ​ത്ത​റി യൂ​ണി​ഫോം പ​ദ്ധ​തി മു​ന്നോ​ട്ട് വ​ച്ച​ത്. ഈ ​പ്ര​ഖ്യാ​പ​നം തൊ​ഴി​ലാ​ളി​ക​ൾ​ക്ക് ആ​ശ്വാ​സ​മാ​യി​രു​ന്നു. എ​ന്നാ​ൽ, യൂ​ണി​ഫോം ഉ​ത്പാ​ദി​പ്പി​ച്ച് ക​ഴി​ഞ്ഞ​പ്പോ​ൾ സ​ർ​ക്കാ​ർ കൈ​മ​ല​ർ​ത്തി.

Copyright @ 2022 , Rashtra Deepika Ltd.