ഇ​രി​ട്ടി: ആ​റ​ളം ഫാ​മി​ൽ ത​മ്പ​ടി​ച്ചി​ട്ടു​ള്ള കാ​ട്ടാ​ന​ക​ളെ ആ​റ​ളം വ​ന്യ​ജീ​വി സ​ങ്കേ​ത​ത്തി​ലേ​ക്ക് തു​ര​ത്താനു​ള്ള ശ്ര​മം നാ​ളെ മു​ത​ൽ പു​ന​രാ​രം​ഭി​ക്കും. എ​ട്ട് ദി​വ​സം നീ​ളു​ന്ന ആ​ന​തു​ര​ത്തൽ ര​ണ്ട് ഘ​ട്ട​ങ്ങ​ളി​ലാ​യാ​ണ് ന​ട​പ്പാ​ക്കു​ന്ന​ത്. നാ​ളെ മു​ത​ൽ ഏ​ഴുവ​രെ​യു​ള്ള ദി​വ​സ​ങ്ങ​ളി​ൽ ആ​റ​ളം ഫാം ​പു​ന​ര​ധി​വാ​സ മേ​ഖ​ല​യി​ൽ ത​മ്പ​ടി​ച്ചി​ട്ടു​ള്ള കാ​ട്ടാ​ന​ക​ളെ പൂ​ർ​ണമാ​യും വ​ന​ത്തി​നു​ള്ളി​ലേ​ക്ക് തു​ര​ത്തും.
ര​ണ്ടാം​ഘ​ട്ട​ത്തി​ൽ എ​ട്ടു​മു​ത​ലു​ള്ള മൂ​ന്ന് അ​വ​ധി ദി​വ​സ​ങ്ങ​ളി​ലാ​യി ആ​റ​ളം ഫാം ​കൃ​ഷി​യി​ട​ത്തി​ലെ കാ​ട്ടാ​ന​ക​ളെ തു​രു​ത്തും.

ആ​റ​ളം ഫാ​മി​ൽ ചേ​ർ​ന്ന ജ​ന​പ്ര​തി​നി​ധി​ക​ളു​ടെ​യും വ​കു​പ്പ് അ​ധി​കൃ​ത​രു​ടെ​യും സം​ഘ​ട​ന പ്ര​തി​നി​ധി​ക​ളു​ടെ​യും അ​വ​ലോ​ക​ന യോ​ഗ​ത്തി​ലാ​ണ് തീ​രു​മാ​നം. ആ​ന തു​ര​ത്തലിന് മു​ന്നോ​ടി​യാ​യി ആ​വ​ശ്യ​മാ​യ അ​ടി​യ​ന്തര സാ​ഹ​ച​ര്യം നി​ല​നി​ൽ​ക്കു​ക​യാ​ണെ​ങ്കി​ൽ 144 വ​കു​പ്പ് പ്ര​കാ​രം നി​രോ​രോ​ധ​നാ​ജ്ഞ പ്ര​ഖ്യാ​പി​ക്കു​മെ​ന്ന് സ​ബ് ക​ള​ക്ട​ർ സ​ന്ദീ​പ് കു​മാ​ർ യോ​ഗ​ത്തെ അ​റി​യി​ച്ചു.

അ​തീ​വ ജാ​ഗ്ര​ത പു​ല​ർ​ത്തേ​ണ്ട സ​ഹ​ച​ര്യ​ത്തി​ൽ തു​ര​ത്തലി​ന് മു​ന്നോ​ടി​യാ​യി ഇ​ന്ന് പു​ന​ര​ധി​വാ​സ മേ​ഖ​ല​യി​ൽ മൈ​ക്ക് പ്ര​ച​ര​ണം ന​ട​ത്തും. പു​ന​ര​ധി​വാ​സ മേ​ഖ​ല​യി​ൽ പ്ര​മോ​ട്ട​ർ​മാ​ർ മു​ഖേ​ന​യും ജാ​ഗ്ര​ത നി​ർ​ദേ​ശം ടി​ആ​ർ​ഡി​എം അ​ധി​കൃ​ത​ർ ന​ൽ​കും.

ആം​ബു​ല​ൻ​സ് ഉ​ൾ​പ്പ​ടെ ഉ​ൾ​പ്പെ​ടെ​യു​ള്ള സം​വി​ധാ​ന​ങ്ങ​ളു​മാ​യി ആ​രോ​ഗ്യ​വ​കു​പ്പി​ന്‍റെ​യും ആ​റ​ളം ഫാം ​സ്കൂ​ൾ വി​ദ്യാ​ർ​ഥി​ക​ൾ​ക്ക് ഉ​ൾ​പ്പെ​ടെ സം​ര​ക്ഷ​ണ​വും ഫാം ​റോ​ഡി​ലെ ഗ​താ​ഗ​ത നി​യ​ന്ത്ര​ണം ഉ​ൾ​പ്പെ​ടെ​യു​ള്ള ചു​മ​ത​ല​ക​ൾ ഏ​റ്റെ​ടു​ത്ത് പോ​ലീ​സും ആ​ന തു​ര​ത്തി​ലി​ൽ പ​ങ്കാ​ളി​ക​ളാ​കും. വ​ന​പാ​ല​ക​രും ഫാം ​സു​ര​ക്ഷാ ജീ​വ​ന​ക്കാ​രും പ്രാ​ദേ​ശി​ക​മാ​യി തെ​ര​ഞ്ഞെ​ടു​ക്കു​ന്ന ആ​ളു​ക​ളും ഉ​ൾ​പ്പെ​ടെ 15 പേ​ർ വീ​ത​മു​ള്ള ര​ണ്ട് സം​ഘ​ങ്ങ​ളാ​ണ് ആ​ന​തു​ര​ത്തി​ൽ ന​ട​ത്തു​ക. വി​വി​ധ വ​കു​പ്പു​ക​ളി​ൽ നി​ന്നു​ള്ള ഉ​ദ്യോ​ഗ​സ്ഥ​രും ജീ​വ​ന ജീ​വ​ന​ക്കാ​രും ഉ​ൾ​പ്പെ​ടു​ന്ന സം​ഘം തു​ര​ത്ത​ൽ സം​ഘ​ങ്ങ​ൾ​ക്ക് ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ ഒ​രു​ക്കി കൊ​ടു​ക്കാ​ൻ സ്ഥ​ല​ത്ത് ക്യാ​മ്പ് ചെ​യ്യും.

പു​ന​ര​ധി​വാ​സ മേ​ഖ​ല​യി​ലെ തു​ര​ത്ത​ൽ സ​മ​യ​ത്ത് ആ​വ​ശ്യ​മാ​യ റോ​ഡു​ക​ളി​ൽ ഗ​താ​ഗ​തം നി​രോ​ധി​ക്കും. ഫാം ​കൃ​ഷി​യി​ട​ത്തി​ലെ കാ​ട്ടാ​ന​ക​ളെ തു​ര​ത്തു​ന്ന സ​മ​യ​ങ്ങ​ളി​ൽ പാ​ല​പ്പു​ഴ-ക​ക്കു​വ, ഓ​ട​ൻ​തോ​ട്- വ​ള​യ​ൻ​ചാ​ൽ ഉ​ൾ​പ്പെ​ടെ ഫാ​മി​ലെ എ​ല്ലാ റോ​ഡു​ക​ളി​ലെ​യും ഗ​താ​ഗ​തം നി​രോ​ധി​ക്കും.