പ​യ്യ​ന്നൂ​ര്‍: രാ​മ​ന്ത​ളി പ​ഞ്ചാ​യ​ത്തി​ലെ ര​ണ്ടു​തെ​ങ്ങും വ​ലി​യ​പ​റ​മ്പ് പ​ഞ്ചാ​യ​ത്തി​ലെ പാ​ണ്ഡ്യാ​ല​ക്ക​ട​വും ത​മ്മി​ല്‍ ബ​ന്ധി​പ്പി​ക്കു​ന്ന തീ​ര​ദേ​ശ ഹൈ​വേ​യു​ടെ ഭാ​ഗ​മാ​യ പാ​ല​ത്തി​ന് 55.45 കോ​ടി​യു​ടെ ധ​നാ​നു​മ​തി. ഇ​തോ​ടെ നാ​ട്ടു​കാ​രു​ടെ ചി​ര​കാ​ല സ്വ​പ്‌​ന​മാ​ണ് സ​ഫ​ല​മാ​വു​ന്ന​ത്.

കി​ഫ്ബി പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി ന​ട​പ്പി​ലാ​ക്കു​ന്ന തീ​ര​ദേ​ശ ഹൈ​വേ​യു​ടെ ഭാ​ഗ​മാ​യു​ള്ള പാ​ല​ത്തി​ന് 12 സ്പാ​നു​ക​ള്‍ ഉ​ള്‍​പ്പെ​ടെ ആ​കെ 445.30 മീ​റ്റ​ര്‍ നീ​ള​മു​ണ്ട്. 12 സ്പാ​നു​ക​ളി​ല്‍ മ​ധ്യ​ഭാ​ഗ​ത്താ​യി വ​രു​ന്ന സ്പാ​ന്‍ ജ​ല​ഗ​താ​ഗ​ത​ത്തി​ന് ആ​വ​ശ്യ​മാ​യ ക്ലി​യ​റ​ന്‍​സു​ക​ള്‍ ന​ല്‍​കി 55.80 മീ​റ്റ​ര്‍ നി​ളം വ​രു​ന്ന ബോ​ക്‌​സ് ഗേ​ര്‍​ഡ് രീ​തി​യി​ലും ശേ​ഷി​ക്കു​ന്ന​വ പ്രീ ​സ്ട്ര​സ്ഡ് കോ​ണ്‍​ക്രീ​റ്റ് ഗേ​ര്‍​ഡ് രീ​തി​യി​ലു​മാ​ണ് രൂ​പ​ക​ല്​പ​ന ചെ​യ്തി​രി​ക്കു​ന്ന​ത്. 7.00 മീ​റ്റ​ര്‍ വീ​തി​യു​ള്ള ക്യാ​രേ​ജ്‌​വേ, ഇ​രു​ഭാ​ഗ​ങ്ങ​ളി​ലു​മാ​യി 1.50 മീ​റ്റ​ര്‍ വീ​തി​യു​ള്ള പെ​യ്ഡ് ഷോ​ള്‍​ഡ​ര്‍, 1.50 വീ​തി​യു​ള്ള ന​ട​പ്പാ​ത, 1.80 മീ​റ്റ​ര്‍ വീ​തി​യു​ള്ള സൈ​ക്കി​ള്‍ ട്രാ​ക്ക് എ​ന്നി​വ​യു​ള്‍​പ്പെ​ടെ പാ​ല​ത്തി​ന് 15.70 മീ​റ്റ​ര്‍ വീ​തി​യു​മു​ണ്ടാ​വും.

പാ​ല​ക്കോ​ട് മു​ത​ല്‍ ര​ണ്ടു​തെ​ങ്ങ് വ​രെ പ​ത്ത​ര കി​ലോ​മീ​റ്റ​ര്‍ നീ​ള​ത്തി​ലാ​ണു തീ​ര​ദേ​ശ ഹൈ​വേ ക​ട​ന്ന് പോ​കു​ന്ന​ത്. ഇ​തി​ല്‍ പാ​ല​ക്കോ​ട് മു​ത​ല്‍ കു​ന്ന​രു വ​രെ​യു​ള്ള 4.66കി​ലോ​മീ​റ്റ​റു​ള്ള ഒ​ന്നാം​ഘ​ട്ട​ത്തി​ല്‍ 34.71 കോ​ടി രൂ​പ​യു​ടെ ധ​നാ​നു​മ​തി നേ​ര​ത്തേ ല​ഭി​ച്ച​തി​നെ തു​ട​ര്‍​ന്ന് ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ള്‍ ന​ട​ന്നു​വ​രി​ക​യാ​ണ്. തു​ട​ര്‍​ന്നു​ള്ള ര​ണ്ടാം ഘ​ട്ട​ത്തി​ന്‍റെ സ​ര്‍​വേ ന​ട​പ​ടി​ക​ള്‍ പൂ​ര്‍​ത്തി​യാ​ക്കി ഭൂ​മി ഏ​റ്റെ​ടു​ക്കു​ന്ന​തി​നു​ള്ള ന​ട​പ​ടി​ക​ള്‍ ആ​രം​ഭി​ച്ചി​ട്ടു​ണ്ട്. പാ​ല​ക്കോ​ട് ഓ​ല​ക്കീ​ല്‍ പാ​ല​ത്തി​ന്‍റെ ഇ​ന്‍​വെ​സ്റ്റി​ഗേ​ഷ​ന്‍ ന​ട​പ​ടി​ക​ളും പൂ​ര്‍​ത്തി​യാ​യി​ട്ടു​ണ്ട്.

പാ​ണ്ഡ്യാ​ല​ക്ക​ട​വി​നെ രാ​മ​ന്ത​ളി​യു​മാ​യി ബ​ന്ധി​പ്പി​ക്കാ​നു​ള്ള ന​ട​പ്പാ​ലം നി​ര്‍​മി​ക്കാ​ന്‍ വ​ലി​യ​പ​റ​മ്പ് നി​വാ​സി​ക​ള്‍ മു​പ്പ​തു​വ​ര്‍​ഷം മു​മ്പ് രം​ഗ​ത്തി​റ​ങ്ങി​യ​താ​ണ്. വി​സ്തൃ​ത​മാ​യ കാ​യ​ലി​ല്‍ തെ​ങ്ങു​ക​ള്‍ നാ​ട്ടി പ​ണി തു​ട​ങ്ങി​യെ​ങ്കി​ലും ജ​ല​ഗ​താ​ഗ​ത വ​കു​പ്പി​ന്‍റെ നി​ബ​ന്ധ​ന​ക​ള്‍ മൂ​ലം പാ​ലം നി​ര്‍​മാ​ണം ഇ​ട​യ്ക്കു​വ​ച്ച് നി​ര്‍​ത്തേ​ണ്ടി​വ​ന്നു. മൂ​ന്നു പ​തി​റ്റാ​ണ്ടി​നു​ശേ​ഷ​മാ​ണ് തീ​ര​ദേ​ശ ഹൈ​വേ​യു​മാ​യി ബ​ന്ധ​പ്പെ​ട്ട് ഈ ​ജ​ന​കീ​യ സ്വ​പ്‌​നം പൂ​വ​ണി​യാ​ന്‍ തു​ട​ങ്ങു​ന്ന​ത്.