പ​യ്യാ​വൂ​രി​ലെ കാ​ട്ടാ​ന​ക​ളെ തു​ര​ത്താ​ൻ ക​ർ​മ​പ​ദ്ധ​തി​യാ​യി
Saturday, September 23, 2023 2:21 AM IST
ശ്രീ​ക​ണ്ഠ​പു​രം: പ​യ്യാ​വൂ​രി​ലെ കാ​ട്ടാ​ന​ക​ളെ ജ​ന​വാ​സ​മേ​ഖ​ല​ക​ളി​ൽ നി​ന്ന് പൂ​ർ​ണ​മാ​യും തു​ര​ത്താ​ൻ ക​ർ​മ​പ​ദ്ധ​തി ആ​വി​ഷ്ക​രി​ച്ച​താ​യി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് സാ​ജു​സേ​വ്യ​ർ. പ്ര​ഗ​ത്ഭ​രുൾപ്പെട്ട ടാ​സ്ക് ഫോ​ഴ്‌​സി​ന് ക​ണ്ണൂ​ർ ഡി​എ​ഫ്ഒ​യും റേ​ഞ്ച​ർ​മാ​രും നേ​തൃ​ത്വം ന​ൽ​കും.

പ്ര​തി​രോ​ധ ന​ട​പ​ടി​ക​ൾ 25 മു​ത​ൽ 27 വ​രെ ന​ട​ക്കും. തൂ​ക്കു​വേ​ലി പ​രാ​ജ​യ​മാ​ണെ​ന്ന് വ​രു​ത്തി​തീ​ർ​ക്കാ​ൻ ശ്ര​മം ന​ട​ക്കു​ന്ന​താ​യും വാ​ർ​ത്താ സ​മ്മേ​ള​ന​ത്തി​ൽ പ്ര​സി​ഡ​ന്‍റ് പ​റ​ഞ്ഞു.

പ​യ്യാ​വൂ​ര്‍ പ​ഞ്ചാ​യ​ത്തി​ലെ കാ​ട്ടാ​ന​ശ​ല്യം ഗു​രു​ത​ര​മാ​യ സാ​ഹ​ച​ര്യ​ത്തി​ൽ പാ​ടാം​ക​വ​ല, ച​ന്ദ​ന​ക്കാം​പാ​റ മേ​ഖ​ല​യി​ലി​റ​ങ്ങു​ന്ന കാ​ട്ടാ​ന​ക​ളെ തു​ര​ത്താ​ന്‍ വി​വി​ധ ജി​ല്ല​ക​ളി​ല്‍ നി​ന്നാ​യി സ​ർ​വ സ​ന്നാ​ഹവു​മാ​യി വ​ന​പാ​ല​ക​രു​ടെ ടാ​സ്ക് ഫോ​ഴ്സ് 24ന് ​വൈ​കു​ന്നേ​ര​മെ​ത്തും. ക​ണ്ണൂ​ർ ഡി​എ​ഫ്ഒ പി. ​കാ​ർ​ത്തി​ക് നേ​തൃ​ത്വം ന​ൽ​കു​ന്ന ടാ​സ്ക് ഫോ​ഴ്സി​ൽ ത​ളി​പ്പ​റ​മ്പ്, ക​ണ്ണ​വം, കൊ​ട്ടി​യൂ​ർ, കാ​സ​ർ​ഗോ​ഡ് റേ​ഞ്ച​ർ​മാ​ർ അ​ട​യ്ക്കം 35 അം​ഗ സം​ഘ​മാ​ണ് കാ​ട്ടാ​ന​ക​ളെ തു​ര​ത്തു​ന്ന​ത്.

25, 26, 27 തീ​യ​തി​ക​ളി​ലാ​യി കാ​ട്ടാ​ന​ക​ളെ കാ​ട്ടി​ലേ​ക്കു തു​ര​ത്താ​നു​ള്ള പ്ര​വ​ര്‍​ത്ത​ന​ങ്ങ​ള്‍ ന​ട​ത്തു​മ്പോ​ൾ കാ​ടി​നെ അ​റി​യു​ന്ന ചെ​റു​പ്പ​ക്കാ​ർ​ക്കും പ​ങ്കെ​ടു​ക്കാം. പ്ര​ദേ​ശ​ത്തെ നാ​ട്ടു​കാ​രു​ടെ സ​ഹ​ക​ര​ണ​മാ​ണ് പ്ര​ധാ​നം. നി​ല​വി​ലു​ള്ള ടാ​സ്ക് ഫോ​ഴ്സി​നൊ​പ്പം പു​തി​യ ടീ​മും ആ​ന​ക​ളെ തു​ര​ത്തും. തൂ​ക്കു​വേ​ലി ക​ട​ത്തി​വി​ട്ടാ​ലും ഏ​രു​വേ​ശി, ഉ​ളി​ക്ക​ൽ പ​ഞ്ചാ​യ​ത്തു​ക​ളി​ലൂ​ടെ എ​ട്ട് ആ​ന​ക​ൾ തി​രി​ച്ചു വ​രി​ക​യാ​ണ് ചെ​യ്യു​ന്ന​ത്.


കാ​ട്ടാ​ന​ക​ൾ ത​മ്പ​ടി​ക്കു​ന്ന ഭാ​ഗ​ത്തെ സ്ഥ​ല ഉ​ട​മ​ക​ൾ കാ​ട് വെ​ട്ടി തെ​ളി​ക്കാ​ത്ത​തും തു​ര​ത്ത​ലി​ന് ബു​ദ്ധി മു​ട്ട് സൃ​ഷ്ടി​ക്കു​ന്നു​ണ്ട്. കാ​ടു​ക​ൾ ഉ​ള്ള ഭാ​ഗ​ത്ത് ആ​ന​ക​ൾ ഒ​ളി​ക്കു​ക​യാ​ണ്. തൂ​ക്കു​വേ​ലി സ്ഥാ​പി​ച്ച​ത് മു​ത​ൽ അത് പ​രാ​ജ​യ​മാ​ണെ​ന്ന് വ​രു​ത്താ​ൻ ചി​ല​ർ ഗൂ​ഢ​നീ​ക്കം ന​ട​ത്തു​ന്നു​ണ്ട്.

മൂ​ന്നു​വ​ർ​ഷ​മാ​യി കാ​ട്ടാ​ന ശ​ല്യ പ​രി​ഹാ​ര​ത്തി​ന് പി​ന്നാ​ലെ​യാ​ണ്. അ​ത് ജ​ന​ങ്ങ​ൾ തി​രി​ച്ച​റി​യും. കാ​ട് ക​യ​റു​ന്ന കാ​ട്ടാ​ന​ക​ളെ തു​ര​ത്തു​ന്ന​ത് പൂ​ർ​ണ​മാ​യും വി​ജ​യി​ക്ക​ണ​മെ​ങ്കി​ൽ മ​റ്റ് പ​ഞ്ചാ​യ​ത്തു​ക​ളും വേ​ലി സ്ഥാ​പി​ക്ക​ണ​മെ​ന്നും സാ​ജു സേ​വ്യ​ര്‍ പ​റ​ഞ്ഞു.