കണ്ണൂർ: നാളെ മുതൽ ഒക്ടോബർ നാലു വരെ കളക്ടറേറ്റ് മൈതാനിയിൽ നടത്തുന്ന കണ്ണൂർ ദസറയുടെ പ്രചാരണത്തിന്റെ ഭാഗമായി കോളജ് ഓഫ് കൊമേഴ്സ് വിദ്യാർഥികൾ ഫ്ലാഷ് മോബ് നടത്തി. പഴയ ബസ് സ്റ്റാൻഡ്, കെഎസ്ആർടിസി സ്റ്റാൻഡ്, സ്റ്റേറ്റ് ബാങ്ക് പരിസരം, മുനീശ്വരൻ കോവിൽ എന്നിവിടങ്ങളിൽ നടത്തിയ ഫ്ലാഷ് മോബ് ലഹരിക്കെതിരേയുള്ള ബോധവത്കരണം കൂടിയായിരുന്നു. വിദ്യാർഥികളായ ജിഷ്ണ, അൻജിമ, നീതു സുധീപ്, യുക്താ ഉമേഷ്, തീർഥ, മൃദുല, റോഷിത്ത് രതീഷ്, അഭിനിവേദ്, അർജുൻ, അലൻ ജോൺ, ഫർഹാൻ, സായന്ത് തുടങ്ങിയവരാണ് ഫ്ലാഷ് മോബ് അവതരിപ്പിച്ചത്. പ്രിൻസിപ്പൽ അനിൽകുമാർ, അധ്യാപകരായ മുനീറ, ശ്രീശൻ, നിജിൽ, മീനു, സിന്ധു, നിഖി എന്നിവരുടെ നേതൃത്വത്തിലായിരുന്നു പരിശീലനം. വിവിധ ഇടങ്ങളിൽ ഡെപ്യൂട്ടി മേയർ കെ.ഷബീന, സ്റ്റാൻഡിംഗ് കമ്മിറ്റി ചെയർമാൻമാരായ പി. ഷമീമ, സിയാദ് തങ്ങൾ, കൗൺസിലർമാരായ മുസ്ലിഹ് മഠത്തിൽ, എം. ശകുന്തള, എൻ. ഉഷ, പനയൻ ഉഷ, സി.സുനിഷ,കെ.എം. സരസ, എസ്. ഷഹീദ ജനറൽ കൺവീനർ കെ.സി. രാജൻ, ഹെൽത്ത് ഇൻസ്പെക്ടർ പ്രകാശൻ എന്നിവർ പ്രസംഗിച്ചു.