കണ്ണൂർ: കണ്ണൂരിൽ ആദ്യമായി സ്കൂബാ ഡൈവിംഗും അക്രേലിക് ടണൽ അക്വേറിയവുമായി മറൈൻ എക്സ്പോ ജനശ്രദ്ധയാകർഷിക്കുന്നു. കണ്ണൂർ പോലീസ് മൈതാനിയിൽ നടക്കുന്ന എക്സ്പോയിൽ 200 അടി നീളത്തിൽ അണ്ടർ വാട്ടർ അക്രേലിക് ഗ്ലാസ് ടണലും 400 അടി നീളത്തിൽ മറ്റ് അക്വേറിയങ്ങളും സജ്ജീകരിച്ചിട്ടുണ്ട്.
വൈവിധ്യങ്ങളായ വിദേശികളും സ്വദേശികളുമായ ലക്ഷങ്ങൾ വിലവരുന്ന മത്സ്യങ്ങൾ ഇവിടുത്തെ അക്വേറിയത്തിലുണ്ട്. അരാപൈമ, ലിഗെറ്ററർഗാർ, തംപാക്വി, സ്നേക്ക് ഹെഡ് മുറൽ ബേബീസ്, കോയീ കാർപ്പ് ബാർബർ ഫിഷ്, ഒസ്കാർപ്പ്, ഏയ്ഞ്ചൽ ഫിഷ്, ഗൗതമി, നിയോണ് ടെട്രാ, ടൈഗർ ഫിഷ്, സീബ്രാ ഫിഷ്, അക്കാര ബ്ലൂ, ത്രീ സ്പോട്ട് ഗവാമി, ഗൗരമി, ഡീസെന്റ് ഷാർക്ക്, ബ്ലാക്ക് മൂണ്, ഒറെൻഡാഗോൾഡ്, റെഡ് ടെയ്ൽ കാറ്റ്ഫിഷ്, ടൈഗർ ഷവൽനോസ് കാർഫിഷ്, ക്ലൗഡി കാറ്റ്ഷാർക്ക്, ക്ലൗണ്ഫിഷ്, സീ അനിമൻ, ബ്ലൂ സ്ടീക്ക്, ഗ്രോബി, വ്റാസ്, ബട്ടർഫ്ളൈ ഫിഷ്, മറൈൻ ഈൽ, റെഡ് ടെയ്ൽ ബട്ടർഫ്ളൈ ഫിഷ്, സ്ട്രിയാറ്റസ് ക്ലൗഡി കാറ്റ്ഷാർക്ക്, സ്ട്രൈറ്റസ് ബ്ലോച്ചി, പിരാന, കടൽ മൽസ്യങ്ങളായ ബട്ടർഫ്ളൈ, ബാറ്റ്ഫിഷ്, സ്റ്റാർഹണിമൂണ്, വിവിധ വർണങ്ങളിലുളള ഡിസ്കസ്, ശുദ്ധജലത്തിൽ ജീവിക്കുന്ന ഷാർക്ക്, വിദേശിയായ തെരണ്ടി തുടങ്ങി ആയിരത്തിൽപരം മീനുകളും അക്രേലിക് അക്വേറിയത്തിലൂടെ കയ്യെത്തും ദൂരത്ത് കണ്ടാസ്വദിക്കാം.
ഡോ. എ.പി.ജെ അബ്ദുൾ കലാമിന്റെ ജീവചരിത്രത്തിന്റെ ചില അവിസ്മരണീയ കാഴ്ചകൾ ഈ പവലിയനിൽ നമുക്ക് കാണാം. ചലിക്കുന്ന വന്യ റോബോട്ടിക് മൃഗങ്ങളുടെ വിശാലമായ പവലിയനിൽ റൈനോസോറസ്, ഹിപ്പോപ്പൊട്ടാമസ്, ആഫ്രിക്കൻ ആന, കുതിര, ഗൊറില്ല, സീബ്ര, ഇന്ത്യൻ ആന, മാൻ, ഒട്ടകം, കരടി, കംഗാരു എന്നീ വിവിധ തരം മൃഗങ്ങളുടെ രൂപങ്ങൾ അതിന്റെ ശരിയായ വലുപ്പത്തിലും രൂപസാദൃശ്യത്തിലും പ്രദർശനത്തിൽ ഒരുക്കിയിട്ടുണ്ട്.
വളരെ അപൂർവമായി കാണാവുന്ന പക്ഷികളുടെ ഒരു പെറ്റ് ഷോ ഒരുക്കിയിട്ടുണ്ട്. അവിടെ ലോകത്തിലെ വിവിധ ഇനം പക്ഷികൾ, എക്സോട്ടിക് പെറ്റ്സ്, ഫെററ്റ് ഗോൾഡൻ, ക്രെബ്റ്റഡ് താറാവ്, ഫിസാന്റ്, പൊമേറിയൻ താറാവ്, ഡയമണ്ട് ഡോവ്, സെർബിയൻ ഹൈഫ്ളയർ, റെഡ് ആൻഡ് ബ്ലൂ ലോറി, സൾഫർ, ക്രെസ്റ്റഡ് കൊക്കാട്ടൂ, ആഫ്രിക്കൻ ഗ്രേ പാരറ്റ്, ബ്ലൂ യെലോ മക്കാവോ, ഇഗ്വാന അൽബിനോ സെറിഗർ ഗ്ലിഡർ ഹെഡ്ജ്ഫ്ലോഗ്, ഫീസെന്റ്, സണ് കൊണ്യൂർ, ഗ്രീൻ ചീക്ക്ഡ് പാരക്കീറ്റ്, ബറോയിംഗ് പാരറ്റ്, പെക്കിൻ ചിക്കൻ, ലവ് ബേഡ്സ്, മാർമോസെറ്റ് മങ്കി, റംപ്ഡ് പാരറ്റ്, കോക്ക്ടെയിൽ, കോണ്യൂർ, ബൗർകേർസ് പാരറ്റ്, ഫിഞ്ചസ് എന്നിവയുണ്ട്.
പൂർണമായി ശീതീകരിച്ച വിവിധ സംസ്ഥാനങ്ങളുടെ ഷോപ്പിംഗ് സ്റ്റാളുകൾ, ഗൃഹോപകരണങ്ങൾ, മോഡേണ്, റെഡിമെയ്ഡ് തുണിത്തരങ്ങൾ, ഫാൻസി ഐറ്റംസ്, രുചി വൈവിധ്യങ്ങളുടെ കലവറയായി വിഭവങ്ങൾ ലഭ്യമാക്കുന്ന ഫുഡ് കോർട്ട്, കുട്ടികൾക്ക് ഉല്ലസിക്കാൻ ബോട്ട് റൈഡുകൾ, അത്യാധുനികവും സുരക്ഷിതവുമായ ഇംപോർട്ടഡ് അമ്യൂസ്മെന്റ് പാർക്ക് എന്നിവ മറൈൻ എക്സ്പോയിൽ ഒരുക്കിയിട്ടുണ്ട്. കൂടാതെ കലാ-സാംസ്കാരിക പരിപാടികളും ഒരുക്കിയിട്ടുണ്ട്. പ്രദർശന സമയം വൈകുന്നേരം നാലുമുതൽ രാത്രി 9.30 വരെയാണ്. ഫോൺ: 8848756337, 9446471316.