പേ​രൂ​ര്‍​ക്ക​ട: ആ​റ്റു​കാ​ല്‍ പൊ​ങ്കാ​ല ക​ഴി​ഞ്ഞ് ബ​സി​ല്‍ വീ​ട്ടി​ലേ​ക്കു മ​ട​ങ്ങു​ക​യാ​യി​രു​ന്ന സ്ത്രീ​യു​ടെ മാ​ല ക​വ​ര്‍​ന്ന​യാ​ളെ വ​ഞ്ചി​യൂ​ര്‍ പോ​ലീ​സ് പി​ടി​കൂ​ടി. ത​മി​ഴ്‌​നാ​ട് തി​രു​വ​ള്ളൂ​ര്‍ പൊ​ളി​വാ​ക്കം വി​ഘ്‌​നേ​ശ്വ​ര്‍ ന​ഗ​ര്‍ ഹൗ​സ് ന​മ്പ​ര്‍ 448-ല്‍ ​ഇ​ള​യ​രാ​ജ (46) ആ​ണ് പി​ടി​യി​ലാ​യ​ത്. മാ​ര്‍​ച്ച് 13ന് ​ഉ​ച്ച​തി​രി​ഞ്ഞ് ര​ണ്ടു​മ​ണി​ക്കാ​ണ് കേ​സി​ന്നാ​സ്പ​ദ​മാ​യ സം​ഭ​വം. ചി​റ​യി​ന്‍​കീ​ഴ് സ്വ​ദേ​ശി​നി ശോ​ഭ​കു​മാ​രി​യു​ടെ 10 പ​വ​ന്‍ സ്വ​ര്‍​ണ​മാ​ല​യാ​ണ് ന​ഷ്ട​മാ​യ​ത്.

പാ​ല​ക്കാ​ടു ഭാ​ഗ​ത്തു​നി​ന്ന് ഒ​രു കാ​റി​ല്‍ ഇ​ള​യ​രാ​ജ ഉ​ള്‍​പ്പെ​ട്ട സം​ഘം തി​രു​വ​ന​ന്ത​പു​ര​ത്തേ​ക്ക് വ​രി​ക​യു​ണ്ടാ​യി. വാ​ഹ​നം ഒ​രു സ്ഥ​ല​ത്ത് പാ​ര്‍​ക്ക് ചെ​യ്ത​ശേ​ഷം തി​രു​വ​ന​ന്ത​പു​രം ആ​യു​ര്‍​വേ​ദ കോ​ള​ജ് ഭാ​ഗ​ത്തു​വ​ച്ച് ശോ​ഭ​കു​മാ​രി സ​ഞ്ച​രി​ച്ച ബ​സി​ല്‍ ക​യ​റി മാ​ല പൊ​ട്ടി​ച്ച് ര​ക്ഷ​പ്പെ​ടു​ക​യു​മാ​യി​രു​ന്നു. കാ​ര്‍ പോ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ട്.പ്ര​തി​ക്കൊ​പ്പം ഉ​ണ്ടാ​യി​രു​ന്ന​വ​രെ​ക്കു​റി​ച്ച് അ​ന്വേ​ഷ​ണം ന​ട​ന്നു​വ​രു​ന്നു​ണ്ട്. മാ​ല ക​ണ്ടെ​ത്തു​ന്ന​തി​നു​ള്ള അ​ന്വേ​ഷ​ണ​വും ഊ​ര്‍​ജ്ജി​ത​മാ​ണെ​ന്ന് വ​ഞ്ചി​യൂ​ര്‍ എ​സ്ഐ പ​റ​ഞ്ഞു.

പ​രാ​തി​യെ​ത്തു​ട​ര്‍​ന്ന് സി​സി​ടി​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ചു ന​ട​ന്ന അ​ന്വേ​ഷ​ണ​ത്തി​ലാ​ണ് ഇ​ള​യ​രാ​ജ പി​ടി​യി​ലാ​യ​ത്. അ​റ​സ്റ്റി​ലാ​യ പ്ര​തി​യെ കോ​ട​തി റി​മാ​ന്‍​ഡ് ചെ​യ്തു.