കാ​ട്ടാ​ക്ക​ട : അ​ല​ക്ഷ്യ​മാ​യി ഓ​ടി​ച്ച വൈ​ദ്യു​ത കാ​ർ നെ​യ്യാ​ർ ഡാം ​ചീ​ങ്ക​ണ്ണി പാ​ർ​ക്കി​നു സ​മീ​പം കു​ഴി​യി​ലേ​ക്കു മ​റി​ഞ്ഞു. ഇന്നലെ വൈ​കു​ന്നേ​രം അഞ്ചു മ​ണി​യോ​ടെ​യാ​യിരുന്നു സം​ഭ​വം.

സ്ഥ​ല​ത്തു​ണ്ടാ​യി​രു​ന്ന തൊ​ഴി​ലു​റ​പ്പ് തൊ​ഴി​ലാ​ളി​ക​ൾ ത​ല​നാ​രി​ഴ​യ്ക്കാണു ര​ക്ഷ​പ്പെ​ട്ട​ത്. വാ​ഹ​ന​ത്തി​ന്‍റെ വ​ര​വു ക​ണ്ട് ഓ​ടി മാ​റി​യ​തി​നാ​ൽ അ​പ​ക​ട​ത്തി​ൽ​പെ​ടാ​തെ ര​ക്ഷ​പെ​ടു​ക​യാ​യി​രു​ന്നു.​ഇ​വ​ർ ഓ​ടി മാ​റി​യ അതേ സ​മ​യം ത​ന്നെ കാ​ർ കു​ഴി​യി​ലേ​ക്കു പ​തി​ക്കു​ക​യും മ​ര​ത്തി​ൽ ഇ​ടി​ച്ചു നി​ൽ​ക്കു​ക​യും ചെ​യ്തു. ഇതു സം​ഭ​വി​ച്ചി​ല്ലായിരുന്നുവെ​ങ്കി​ൽ കാ​ർ നെ​യ്യാ​റി​ലേ​ക്ക് പ​തി​ക്കു​ക​യാ​യി​രു​ന്നു.​ തൊ​ഴി​ലാ​ളി​ക​ൾ വി​ളി​ച്ച​റി​യിച്ചതനുസരിച്ചാണ് നാ​ട്ടു​കാ​രെ​ത്തി അ​പ​ക​ട​ത്തി​ൽ​പ്പെ​ട്ട ആ​ളെ കാ​റി​ൽ നി​ന്നും പുറത്തെടു ത്തത്. ക​ള്ളി​ക്കാ​ട് സ്വ​ദേ​ശി​യാ​യ കാ​ർ ഓ​ടി​ച്ചി​രു​ന്ന​യാ​ൾ കോ​ട്ടൂ​രി​ൽ നി​ന്നും ക​ള്ളി​ക്കാ​ട് ഭാ​ഗ​ത്തേ​ക്ക് പോ​കു​ന്ന​തി​നി​ടെയാ​ണ് അ​പ​ക​ടം ഉ​ണ്ടാ​യ​തെ​ന്ന് ര​ക്ഷാ​പ്ര​വ​ർ​ത്ത​നം ന​ട​ത്തി​യ​വ​ർ പ​റ​ഞ്ഞു. പോ​ലീ​സും ഇ​ത് സ്ഥ​രീ​ക​രി​ച്ചു.

അപകടത്തിൽപ്പെട്ട ആൾക്കു പ​രി​ക്കു​ക​ൾ ഇ​ല്ല. നെ​യ്യാ​ർ ഡാം ​അ​ഗ്‌​നി​ര​ക്ഷ സേ​ന എ​ത്തി​യാ​ണ് ര​ക്ഷാ പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കി​യ​ത്.​ കു​റ്റി​ച്ച​ലി​ൽ നി​ന്നും ക്രെ​യി​ൻ എ​ത്തി​ച്ച് കാ​റി​നെ കു​ഴി​യി​ൽനി​ന്നും റോ​ഡി​ലേ​ക്ക് ക​ര​ക​യ​റ്റി.

വൈ​ദ്യു​ത വാ​ഹ​നം ആ​യ​തി​നാ​ൽ അ​ര മ​ണി​ക്കൂ​റി​ലേ​റെ സ​മ​യം എ​ടു​ത്താ​ണ് വാ​ഹ​നം ഓ​ഫ് ചെ​യ്യാ​നാ​യ​ത്. നെ​യ്യാ​ർ ഡാം ​അ​ഗ്‌​നിര​ക്ഷാസേ​ന അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫീ​സ​ർ രാ​ജേ​ന്ദ്ര​ൻ നാ​യ​ർ, സീ​നി​യ​ർ ഫ​യ​ർ ആ​ൻ​ഡ് റെ​സ്‌​ക്യൂ ഓ​ഫീ​സ​ർ ശ​ശി​കു​മാ​ർ, ഫ​യ​ർ ആ​ൻ​ഡ് റെ​സ്‌​ക്യൂ ഓ​ഫീ​സ​ർ​മാ​രാ​യ ശ്രീ​ജി​ത്ത്, രാ​ജീ​വ്, വി​ഷ്ണു, ഡ്രൈ​വ​ർ​മാ​രാ​യ അ​ഗ​സ്റ്റി​ൻ, വി​നീ​ത്, ഹോം ​ഗാ​ർ​ഡു​മാ​രാ​യ സെ​ൽ​വ​ദാ​സ്, പ്ര​ദീ​പ് എ​ന്നി​വ​രാ​ണ് ര​ക്ഷാ​പ്ര​വ​ർ​ത്ത​ന​ത്തി​നെ​ത്തി​യ​ത്. ക​ഴി​ഞ്ഞ ര​ണ്ടു ദി​വ​സം മു​ന്പാണു ത​ടി ക​യ​റ്റി​യ ലോ​റി ഈ ​ഭാ​ഗ​ത്ത് വ​ച്ച് കു​ഴി​യി​ലേ​ക്കു മ​റി​ഞ്ഞ​ത്.