വി​ഴി​ഞ്ഞം: അ​ധി​കൃ​ത​ർ പ്ര​ഖ്യാ​പ​നം ന​ട​ത്തി​യ​ കോ​ടി​ക​ളു​ടെ പ്ര​വൃ​ത്തി​ക​ൾ ഇ​ക്കൊ​ല്ല​ത്തെ സീ​സ​ണി​ലും വെ​ളി​ച്ചം ക​ണ്ടി​ല്ല. അ​ന്ത​ർ ദേ​ശീ​യ ടൂ​റി​സം കേ​ന്ദ്ര​മാ​യ കോ​വ​ളം തീ​ര​ത്തി​ന്‍റെ അ​ടി​സ്ഥാ​ന വി​ക​സ​ന​വും ന​വീ​ക​ര​ണ​വും എ​ങ്ങു​മെ​ത്തി​യി​ല്ലെന്ന് ആക്ഷേപം.

നാ​ട്ടു​കാ​ർ​ക്കും സ​ഞ്ചാ​രി​ക​ൾ​ക്കും പ​റ​യാ​ൻ പ​രാ​ധീ​ന​ത​ക​ൾ മാ​ത്രം. ക​ഴി​ഞ്ഞ ഏ​ഴ് വ​ർ​ഷ​ത്തി​നു​ള്ളി​ൽ 150 കോ​ടി​യോ​ളം രൂ​പ​യു​ടെ വി​ക​സ​ന പ്ര​ഖ്യാ​പ​ന​മു​ണ്ടാ​യി. എന്നാ ൽ ത​ട്ടി​ക്കൂ​ട്ടി ന​ട​ത്തി​യ പ്ര​ഖ്യാ​പ​ന​മ​ല്ലാ​തെ കാ​ര്യ​മാ​യ ഒ​ന്നും ന​ട​ന്നി​ല്ല. നേ​ര​ത്തെ കോ​ടി​ക​ൾ മു​ടി​ച്ച് തു​ട​ങ്ങി​യ പ​ല പ​ദ്ധ​തി​ക​ളും പാ​തി​വ​ഴി​യി​ൽ ഉ​പേ​ക്ഷി​ച്ച മ​ട്ടി​ലു​മാ​യി.

പു​തി​യ​താ​യി​ പ്ര​ഖ്യാ​പി​ച്ച കോ​ടി​ക​ളുപയോഗിച്ചു ദൈ​വ​ത്തിന്‍റെ ​സ്വ​ന്തം നാ​ടു​കാ​ണാ​നെ​ത്തു​ന്ന സ​ഞ്ചാ​രി​ക​ൾ​ക്കാ​യി ഒ​രു മൂ​ത്ര​പ്പു​ര നി​ർ​മിക്കാ​ൻ പോ​ലുംഅ​ധി​കൃ​ത​ർ​ക്കാ​യി​ല്ലെ​ന്ന ആ​ക്ഷേ​പം​വ​രെ ഉ​യ​ർ​ന്നു.​ ഒ​രു കാ​ല​ത്ത് സ​ഞ്ചാ​രി​ക​ളു​ടെ, പ്ര​ത്യേ​കി​ച്ച് വി​ദേ​ശവി​നോ​ദ സ​ഞ്ചാ​രി​ക​ളു​ടെ ഇ​ഷ്ടകേ​ന്ദ്ര​മാ​യി​രു​ന്നു കോ​വ​ളം. ഇ​ന്നും വി​ദേ​ശി​ക​ൾ വ​രു​ന്നു​ണ്ടെ​ങ്കി​ലും വ​ൻ​കി​ട ഹോ​ട്ട​ലു​ക​ളി​ൽ ത​ങ്ങി​യ ശേ​ഷം ബീ​ച്ചു​ക​ൾ ഉ​പേ​ക്ഷി​ച്ചു നാ​ട്ടി​ലേ​ക്ക് മ​ട​ങ്ങു​ന്ന​താ​യും പ​റ​യ പ്പെ​ടു​ന്നു. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യി​ൽ വീ​ർ​പ്പു​മു​ട്ടു​ന്ന തീ​ര​ത്തു മൂ​ക്ക്പൊ​ത്താ​തെ ഇ​റ​ങ്ങാ​ൻ ക​ഴി​യാ​ത്ത അ​വ​സ്ഥ​യാ​ണ്.

മേഖലയിൽനി ന്നു ശേ​ഖ​രി​ക്കു​ന്ന​ മാ​ലി​ന്യം ചാ​ക്കു​ക​ളി​ൽ കെ​ട്ടി അ​ട്ടി​യി​ട്ടു തീ​ര​ത്തു ത​ന്നെ സൂ​ക്ഷി​ച്ചി​രി​ക്കു​ന്ന​താ​ണു ഇവിടം ദു​ർ​ഗ​ന്ധ​പൂ​രി​തമാ​കാ​ൻ ഒ​രു കാ​ര​ണം. കൂ​ടാ​തെ ഹോ​ട്ട​ലു​ക​ളി​ൽ നി​ന്നു​ള്ള മ​ലി​ന​ജ​ലം ഓ​ട​യി​ലൂ​ടെ തീ​ര​ത്തേ​ക്ക് ഒ​ഴു​ക്കി വി​ടു​ന്ന​തും സ​ഞ്ചാ​രി​ക​ളെ വ​ല​യ്ക്കു​ന്നു​ണ്ട്.

എ​സ്. രാ​ജേ​ന്ദ്ര​കു​മാ​ർ