പേ​രൂ​ർ​ക്ക​ട: വെ​ള്ള​യ​മ്പ​ലം ജം​ഗ്ഷ​നി​ൽ നി​യ​ന്ത്ര​ണം​വി​ട്ട ജീ​പ്പ് ഡി​വൈ​ഡ​റി​ൽ സ്ഥാ​പി​ച്ചി​രു​ന്ന ഇ​ല​ക്ട്രി​ക് പോ​സ്റ്റ് ഇ​ടി​ച്ചു ത​ക​ർ​ത്തു. അ​പ​ക​ട​ത്തി​ൽ വാ​ഹ​ന​ത്തി​ന്‍റെ മു​ൻ​വ​ശ​ത്തെ ട​യ​ർ വ​ൻ ശ​ബ്ദ​ത്തി​ൽ പൊ​ട്ടി​ത്തെ​റി​ക്കു​ക​യും അ​പ​ക​ട​മു​ണ്ടാ​യ സ്ഥ​ല​ത്തു​നി​ന്ന് 200 മീ​റ്റ​റോ​ളം മാ​റി നി​യ​ന്ത്ര​ണം വി​ട്ടു ഫു​ട്പാ​ത്തി​ലേ​ക്ക് ഇടിച്ചു കയറുകയും ചെ​യ്തു.

ഇ​ന്ന​ലെ പു​ല​ർ​ച്ചെ നാ​ലു​മ​ണി​യോ​ടെയായിരുന്നു വെ​ള്ള​യ​മ്പ​ലം-​ക​വ​ടി​യാ​ർ റോ​ഡി​ൽ അ​പ​ക​ടം ഉ​ണ്ടാ​യ​ത്. കി​ഴ​ക്കേ​കോ​ട്ട ഭാ​ഗ​ത്തു​നി​ന്നു ക​വ​ടി​യാ​ർ ഭാ​ഗ​ത്തേ​ക്കു വ​രി​ക​യാ​യി​രു​ന്ന മ​ഹീ​ന്ദ്ര ജീ​പ്പാ​ണ് അ​പ​ക​ട​ത്തി​ൽ​പ്പെ​ട്ട​ത്. വാ​ഹ​ന​ത്തി​നു​ള്ളി​ൽ ഡ്രൈ​വ​റും മ​റ്റു ര​ണ്ടുപേ​രും ഉ​ണ്ടാ​യി​രു​ന്നു​വെ​ന്നാ​ണ് സൂ​ച​ന. ഡ്രൈ​വ​ർ ഉ​റ​ങ്ങി​യ​താ​കാം അ​പ​ക​ട​ത്തി​നു കാ​ര​ണ​മെന്നു ക​രു​തു​ന്നു. അ​തേ​സ​മ​യം വാ​ഹ​ന​ത്തി​ൽ ഉ​ണ്ടാ​യി​രു​ന്ന​വ​ർ മ​ദ്യ​പി​ച്ചി​രു​ന്നു​വോയെ​ന്ന് അ​ന്വേ​ഷി​ച്ചു വ​രു​ന്ന​താ​യി പോ​ലീ​സ് പ​റ​ഞ്ഞു.

വെ​ള്ള​യ​മ്പ​ലം സ്ക്വ​യ​റി​ലെ വ​ള​വു തി​രി​ഞ്ഞു വ​രു​ന്ന​തി​നിടെ നി​യ​ന്ത്ര​ണം​വി​ട്ട ജീ​പ്പ് പോ​സ്റ്റ് ഇ​ടി​ച്ചു ത​ക​ർ​ക്കു​കയായിരു ന്നു. തു​ട​ർ​ന്നു ട​യ​ർ പ​ഞ്ച​റാ​യ വാ​ഹ​നം ഇ​ട​തു​വ​ശ​ത്തെ ഫു​ട് പാ​ത്തി​ൽ ക​യ​റി നി​ൽ​ക്കു​ക​യും ചെ​യ്തു. ട​യ​ർ പ​ഞ്ച​റാ​യ​തി​നാ​ൽ പെ​ട്ടെ​ന്നു വാ​ഹ​ന​ം നി​ർ​ത്താ​നാ​യ​തു​കൊ​ണ്ട് ഡ്രൈ​വ​ർ​ക്ക് കാ​ര്യ​മാ​യി അ​പ​ക​ടം ഉ​ണ്ടാ​യി​ല്ല.

പു​ല​ർ​ച്ചെ ആ​യ​തി​നാ​ൽ വാ​ഹ​ന​ങ്ങ​ൾ വ​ള​രെ കു​റ​വാ​യ​തു​കൊ​ണ്ടാ​ണു മ​റ്റു​ള്ള വാ​ഹ​ന​ങ്ങ​ളി​ൽ ഇ​ടി​ക്കാ​തി​രു​ന്ന​ത്. മ്യൂ​സി​യം പോ​ലീ​സ് സ്ഥ​ല​ത്തെ​ത്തി​ക്കു​ക​യും റോ​ഡി​നു കു​റു​കെ കി​ട​ന്നിരുന്ന ഇ​ല​ക്ട്രി​ക് പോ​സ്റ്റ് ഫു​ട്പാ​ത്തി​ന്‍റെ വ​ശ​ത്തേ​ക്ക് നീ​ക്കു​ക​യും ചെ​യ്തു.

അ​പ​ക​ട​ത്തി​ൽ​പ്പെ​ട്ട വാ​ഹ​നം ശ​നി​യാ​ഴ്ച വ​ള​രെ വൈ​കി​യാ​ണ് സ്ഥ​ല​ത്തുനി​ന്നു നീ​ക്കം ചെ​യ്യാ​ൻ സാ​ധി​ച്ച​ത്. അ​തേ​സ​മ​യം വാ​ഹ​ന​ത്തി​ൽ ഉ​ണ്ടാ​യി​രു​ന്ന​വ​ർ സ്ഥ​ല​ത്തു​നി​ന്നു മു​ങ്ങി​യ​താ​യാ​ണ് വി​വ​രം. വാ​ഹ​ന​ത്തി​ന്‍റെ ര​ജി​സ്ട്രേ​ഷ​ൻ ന​മ്പ​ർ വ​ച്ച് ഫോ​ണി​ൽ ബ​ന്ധ​പ്പെ​ടാ​ൻ ശ്ര​മി​ച്ചു​വെ​ങ്കി​ലും ഫ​ല​മു​ണ്ടാ​യി​ല്ല.