തമിഴ്‌നാട് മെർക്കന്‍റൈൽ ബാങ്കിൽ സീനിയർ കസ്റ്റമർ സർവീസ് എക്സിക്യുട്ടീവ് തസ്തികയിലേക്ക് അപേക്ഷ ക്ഷണിച്ചു. ആകെ 170 ഒഴിവുണ്ട്. കേരളത്തിൽ അഞ്ചൊഴിവാണുള്ളത്. എല്ലാ ഒഴിവുകളും ജനറൽ വിഭാഗത്തിലാണ്.
ശമ്പളം: 72,061 രൂപ. യോഗ്യത: ഏതെങ്കിലും വിഷയത്തിൽ 60 ശതമാനം മാർക്കോടെയുള്ള ബിരുദാനന്തരബിരുദം. അപേക്ഷിക്കുന്ന സംസ്ഥാനത്തെ പ്രാദേശികഭാഷ എഴുതാനും വായിക്കാനും സംസാരിക്കാനുമറിയണം.
അപേക്ഷിക്കുന്ന സംസ്ഥാനത്ത് താമസിക്കുന്നെന്നോ അവിടത്തുകാരനാണെന്നോ തെളിയിക്കുന്ന രേഖയും ആവശ്യമാണ്. പ്രവൃത്തിപരിചയം അഭികാമ്യം. പ്രായം: 2024 സെപ്റ്റംബർ 30-ന് 26 വയസ് കവിയരുത്.
ഐബിപിഎസ് നിലവാരത്തിലുള്ള പരീക്ഷയുടെയും അഭിമുഖത്തിന്‍റെയും അടിസ്ഥാനത്തിലാണ് തെരഞ്ഞെടുപ്പ്. പരീക്ഷ ഇംഗ്ലീഷിലാണ്. കേരളത്തിൽ തിരുവനന്തപുരം, കൊല്ലം, എറണാകുളം എന്നിവിടങ്ങളിലാണ് പരീക്ഷാകേന്ദ്രം.
അപേക്ഷാഫീസ്: 1000 രൂപ. അപേക്ഷ ഓൺലൈനായി അയയ്ക്കണം. വിശദവിവരങ്ങൾക്ക് www.tmbnet.in/tmb_career എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി: നവംബർ 27.
www.tmbnet.in/tmb_career