മ​ന​സു​വച്ചാ​ൽ പ​ന​ങ്കു​രു​വി​നും വി​പ​ണി​യു​ണ്ട്
Saturday, November 16, 2024 6:47 AM IST
കാ​സ​ർ​ഗോ​ഡ്: ചൂ​ണ്ട​പ്പ​ന​ച്ചു​വ​ട്ടി​ൽ ആ​ർ​ക്കും വേ​ണ്ടാ​തെ വീ​ണു​കി​ട​ന്നും മ​ര​പ്പ​ട്ടി​ക്കും വെ​രു​കി​നും ഭ​ക്ഷ​ണ​മാ​യും തീ​രു​ന്ന പ​ന​ങ്കു​രു​വി​നും വി​പ​ണി​യൊ​രു​ങ്ങു​ന്നു. കു​രു​വി​ന്‍റെ നി​ല​വാ​ര​മ​നു​സ​രി​ച്ച് കി​ലോ​യ്ക്ക് 10 മു​ത​ൽ 25 രൂ​പ വ​രെ കി​ട്ടു​മെ​ന്നാ​ണ് ബ​ന്ധ​പ്പെ​ട്ട ഏ​ജ​ന്‍റു​മാ​ർ പ​റ​യു​ന്ന​ത്. പ​ന​യി​ൽ ക​യ​റി കു​ല​യോ​ടെ വെ​ട്ടി ഉ​ണ​ക്കി സം​സ്ക​രി​ച്ചെ​ടു​ക്കു​ന്ന​താ​ണ് ഒ​ന്നാം​ത​രം. പ​ന​ഞ്ചു​വ​ട്ടി​ൽ നി​ന്ന് പെ​റു​ക്കി​യെ​ടു​ക്കു​ന്ന​ത് ര​ണ്ടാം​ത​രം.

പ​ന​ങ്കു​രു സം​ഭ​രി​ച്ച് രാ​ജ​സ്ഥാ​ൻ, ഗു​ജ​റാ​ത്ത് തു​ട​ങ്ങി​യ സം​സ്ഥാ​ന​ങ്ങ​ളി​ലേ​ക്കാ​ണ് ക​യ​റ്റി അ​യ​ക്കു​ന്ന​ത്. പെ​യി​ന്‍റ്, പ​ശ നി​ർ​മാ​ണ​ത്തി​നും പാ​ൻ​മ​സാ​ല​യി​ൽ ചേ​ർ​ക്കാ​നു​മാ​ണ് ഇ​വ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​തെ​ന്നാ​ണ് പ​റ​യു​ന്ന​ത്. അ​വി​ടെ​യെ​ത്തു​മ്പോ​ൾ വി​ല ഇ​തി​ലും കു​ത്ത​നെ കൂ​ടും. മ​ലേ​ഷ്യ, ഇ​ൻ​ഡൊ​നേ​ഷ്യ തു​ട​ങ്ങി​യ വി​ദേ​ശ​രാ​ജ്യ​ങ്ങ​ളി​ലേ​ക്കും പ​ന​ങ്കു​രു ക​പ്പ​ൽ ക​യ​റു​ന്നു​ണ്ട്.

ആ​ന​പ്പ​ന​യെ​ന്നും യ​ക്ഷി​പ്പ​ന​യെ​ന്നു​മൊ​ക്കെ അ​റി​യ​പ്പെ​ടു​ന്ന മ​രം സം​സ്ഥാ​ന​ത്തി​ന്‍റെ മി​ക്ക​വാ​റും എ​ല്ലാ ഭാ​ഗ​ങ്ങ​ളി​ലും പ​റ​മ്പു​ക​ളി​ൽ പാ​ഴ്മ​ര​മാ​യി വ​ള​ർ​ന്നു​വ​രാ​റു​ണ്ട്. കു​ല വ​രു​മ്പോ​ൾ ചെ​ത്തി ക​ള്ളെ​ടു​ക്കാ​മെ​ന്ന​തും ഓ​ല വെ​ട്ടി ആ​ന​യ്ക്ക് തീ​റ്റ​യാ​യി ന​ൽ​കാ​മെ​ന്ന​തും മാ​ത്ര​മാ​യി​രു​ന്നു ഇ​തു​വ​രെ ഈ ​മ​ര​ത്തി​ൽ നി​ന്നു​ള്ള പ്ര​യോ​ജ​നം. മു​റി​ച്ചു​മാ​റ്റി ത​ടി ചീ​ന്തി​യെ​ടു​ത്താ​ൽ മു​ള​യ്ക്കു പ​ക​രം പ​ന്ത​ലി​ടാ​നും മ​റ്റും ഉ​പ​യോ​ഗി​ക്കാം.

പ​ന​ങ്കു​ല പോ​ലെ മു​ടി വ​ള​രു​മെ​ന്ന് ഹെ​യ​ർ ഓ​യി​ലു​ക​ളു​ടെ പ​ര​സ്യ​ത്തി​ൽ പ​റ​യു​ന്ന​തു​ത​ന്നെ പ​ന​ങ്കു​ല​യു​ടെ വ​ലി​പ്പം എ​ടു​ത്തു​കാ​ണി​ക്കു​ന്ന​താ​ണ്. വേ​ന​ൽ​ക്കാ​ല​ത്തി​ന്‍റെ തു​ട​ക്ക​ത്തി​ലാ​ണ് പ​ന​ങ്കു​രു പാ​ക​മാ​കു​ന്ന​ത്.

കൂ​ല മൂ​ത്ത് കാ​യ്ക​ൾ പ​ഴു​ത്തു​തു​ട​ങ്ങു​മ്പോ​ഴാ​ണ് വെ​ട്ടി​യെ​ടു​ക്കേ​ണ്ട​ത്. ഇ​ത് അ​തേ​പ​ടി വെ​യി​ല​ത്തു​വ​ച്ച് ഉ​ണ​ക്കു​മ്പോ​ൾ കു​രു​വെ​ല്ലാം വേ​ർ​തി​രി​ഞ്ഞു​കി​ട്ടും. ന​ല്ലൊ​രു കു​ല​യി​ൽ നി​ന്നു​ത​ന്നെ ചു​രു​ങ്ങി​യ​ത് 2000 രൂ​പ​യു​ടെ കു​രു​വെ​ങ്കി​ലും കി​ട്ടും.

കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ൽ നി​ന്നു​ള്ള മൊ​ത്ത​ക്ക​ച്ച​വ​ട​ക്കാ​രാ​ണ് കാ​സ​ർ​ഗോ​ഡും ക​ണ്ണൂ​രും നി​ന്ന് പ​ന​ങ്കു​രു ശേ​ഖ​രി​ക്കു​ന്ന​ത്. വ​യ​നാ​ട്ടി​ലെ ത​രു​വ​ണ​യി​ൽ പ​ന​ങ്കു​രു സം​സ്ക​രി​ച്ചെ​ടു​ക്കു​ന്ന കേ​ന്ദ്രം ത​ന്നെ തു​ട​ങ്ങി​യി​ട്ടു​ണ്ട്.

പ​ള്ളി​ക്ക​ര മൗ​വ​ലി​ലെ ക​രീ​മി​ന്‍റെ നേ​തൃ​ത്വ​ത്തി​ലാ​ണ് ജി​ല്ല​യി​ൽ സം​ഭ​ര​ണം തു​ട​ങ്ങി​യി​ട്ടു​ള്ള​ത്. പ​ന​ങ്കു​രു ന​ൽ​കാ​നു​ള്ള​വ​ർ​ക്ക് 8129220188 എ​ന്ന ന​മ്പ​റി​ൽ ബ​ന്ധ​പ്പെ​ടാം.
Copyright @ 2018 , Rashtra Deepika Ltd.