ദേ​ശീ​യ സ്‌​കൂ​ള്‍ ബാ​ഡ്മി​ന്‍റ​ണ്‍ മ​ത്സ​ര​ം ; യാത്രാതടസം നീങ്ങി, താരങ്ങൾ ഭോ​പ്പാ​ലി​ലേ​ക്ക് പ​റ​ന്നു
Saturday, November 16, 2024 4:23 AM IST
കൊ​ച്ചി: വി​ദ്യാ​ഭ്യാ​സ മ​ന്ത്രി ക​നി​ഞ്ഞ​തോ​ടെ യാ​ത്രാ ത​ട​സം നീ​ങ്ങി, ദേ​ശീ​യ സ്‌​കൂ​ള്‍ ബാ​ഡ്മി​ന്‍റ​ണ്‍ മ​ത്സ​ര​ത്തി​നു​ള്ള താ​ര​ങ്ങ​ള്‍ ഭോ​പ്പാ​ലി​ലേ​ക്ക് പ​റ​ന്നു. ഇ​ന്ന​ലെ രാ​വി​ലെ 9.45 ന് ​നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ല്‍ നി​ന്ന് ഒ​മ്പ​തു പേ​രും ബാ​ക്കി​യു​ള്ള​വ​ര്‍ കോ​ഴി​ക്കോ​ട് വി​മാ​ന​ത്താ​വ​ള​ത്തി​ല്‍ നി​ന്നു​മാ​ണ് ഭോ​പ്പാ​ലി​ലേ​ക്ക് യാ​ത്ര തി​രി​ച്ച​ത്.

ദേ​ശീ​യ സ്‌​കൂ​ള്‍ ബാ​ഡ്മി​ന്‍റ​ണ്‍ മ​ത്സ​ര​ത്തി​നാ​യി മ​ധ്യ​പ്ര​ദേ​ശി​ലെ ഭോ​പ്പാ​ലി​ലേ​ക്ക് പോ​കാ​നെ​ത്തി​യ കേ​ര​ള​സം​ഘം വ്യാ​ഴാ​ഴ്ച എ​റ​ണാ​കു​ളം റെ​യി​ല്‍​വേ സ്റ്റേ​ഷ​നി​ല്‍ കു​ടു​ങ്ങി​യ​ത് വ​ലി​യ വാ​ര്‍​ത്ത​യാ​യി​രു​ന്നു. ബു​ക്ക് ചെ​യ്ത ടി​ക്ക​റ്റ് ക​ണ്‍​ഫോം ആ​കാ​തി​രു​ന്ന​തി​നെ തു​ട​ര്‍​ന്നാ​ണ് യാ​ത്ര ത​ട​സ​മാ​യ​ത്. ഇ​തോ​ടെ കാ​യി​ക താ​ര​ങ്ങ​ള്‍​ക്കും ര​ക്ഷി​താ​ക്ക​ള്‍​ക്കും രാ​ത്രി​യോ​ളം റെ​യി​ല്‍​വേ സ്റ്റേ​ഷ​നി​ല്‍ കാ​ത്തി​രി​ക്കേ​ണ്ടി​വ​ന്നു. ഒ​ടു​വി​ല്‍ വി​ദ്യാ​ഭ്യാ​സ വ​കു​പ്പു​മാ​യു​ള്ള ച​ര്‍​ച്ച​യി​ലാ​ണ് ഇ​ന്ന​ലെ വി​മാ​ന​മാ​ര്‍​ഗം ഭോ​പ്പാ​ലി​ലേ​ക്ക് യാ​ത്ര​യാ​ക്കാ​ന്‍ തീ​രു​മാ​ന​മു​ണ്ടാ​യ​ത്.

തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, കോ​ട്ട​യം, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ല്‍ നി​ന്നാ​യി ജൂ​ണി​യ​ര്‍, സീ​നി​യ​ര്‍ ആ​ണ്‍​കു​ട്ടി​ക​ളും പെ​ണ്‍​കു​ട്ടി​ക​ളു​മ​ട​ങ്ങു​ന്ന 20 കാ​യി​ക താ​ര​ങ്ങ​ളും ര​ണ്ട് ടീം ​മാ​നേ​ജ​ര്‍​മാ​രും ഒ​രു കോ​ച്ചും അ​ട​ക്കം 23 പേ​രാ​ണ് സം​ഘ​ത്തി​ലു​ള്ള​ത്. ഇ​വ​രെ കൂ​ടാ​തെ ആ​ലു​വ​യി​ല്‍ നി​ന്ന് ഒ​രാ​ളും തൃ​ശൂ​രി​ല്‍ നി​ന്ന് ര​ണ്ടു​പേ​രും കോ​ഴി​ക്കോ​ട് നി​ന്ന് നാ​ലു​പേ​രു​മാ​ണ് മ​ത്സ​ര​ത്തി​ല്‍ പ​ങ്കെ​ടു​ക്കു​ന്ന​ത്.

യാ​ത്ര മു​ട​ങ്ങി​യ സം​ഭ​വം മാ​ധ്യ​മ​ങ്ങ​ളി​ല്‍ വ​ലി​യ വാ​ര്‍​ത്ത ആ​യ​തോ​ടെ വി​ദ്യാ​ഭ്യാ​സ മ​ന്ത്രി വി.​ശി​വ​ന്‍​കു​ട്ടി ഇ​ട​പെ​ട്ട് താ​ര​ങ്ങ​ളെ വി​മാ​ന​ത്തി​ല്‍ കൊ​ണ്ടു​പോ​കാ​നു​ള്ള ക്ര​മീ​ക​ര​ണം ഏ​ര്‍​പ്പെ​ടു​ത്തു​ക​യാ​യി​രു​ന്നു. വി​മാ​ന ടി​ക്ക​റ്റെ​ടു​ക്കാ​ന്‍ മ​ന്ത്രി തൊ​ഴി​ല്‍ വ​കു​പ്പി​ന് കീ​ഴി​ലു​ള്ള ഒ​ഡെ​പെ​ക്കി​ന് നി​ര്‍​ദേ​ശം ന​ല്‍​കി. 15,000 രൂ​പ​യാ​ണ് ഒ​രാ​ള്‍​ക്ക് ടി​ക്ക​റ്റ് ചാ​ര്‍​ജ്.
Copyright @ 2018 , Rashtra Deepika Ltd.