ഹൈ​ദ​രാ​ബാ​ദ്: സ​ന്തോ​ഷ് ട്രോ​ഫി ഫു​ട്ബോ​ൾ കി​രീ​ട​ത്തി​ൽ ബം​ഗാ​ളി​ന്‍റെ മു​ത്തം. 78-ാമ​ത് സ​ന്തോ​ഷ് ട്രോ​ഫി ഫൈ​ന​ലി​ൽ കേ​ര​ള​ത്തെ ഏ​ക​പ​ക്ഷീ​യ​മാ​യ ഒ​രു ഗോ​ളി​നു തോ​ൽ​പ്പി​ച്ചാ​ണ് ബം​ഗാ​ൾ കി​രീ​ട​മു​യ​ർ​ത്തി​യ​ത്.

ബം​ഗാ​ളി​ന്‍റെ 33-ാം സ​ന്തോ​ഷ് ട്രോ​ഫി നേ​ട്ട​മാ​ണ്. സ​മ​നി​ല​യെ​ന്നു ക​രു​തി​യി​രി​ക്കേ 90+4-ാം മി​നി​റ്റി​ൽ റോ​ബി ഹ​ൻ​സ്ഡ കേ​ര​ള​ത്തി​ന്‍റെ ച​ങ്ക് ത​ക​ർ​ത്ത് വ​ല​കു​ലു​ക്കി. ഇ​തോ​ടെ ബം​ഗാ​ൾ സ്ട്രൈ​ക്ക​റു​ടെ ഗോ​ളെ​ണ്ണം 12 ആ​യി. ടൂ​ർ​ണ​മെ​ന്‍റി​ലെ ടോ​പ് സ്കോ​റു​മാ​യി.

ക​ഴി​ഞ്ഞ മ​ത്സ​ര​ങ്ങ​ളി​ൽ ക​ണ്ട​തു​പോ​ലെ അ​നാ​യാ​സ നീ​ക്ക​ങ്ങ​ൾ കേ​ര​ള​ത്തി​ൽ​നി​ന്നു​ണ്ടാ​യി​ല്ല. മി​ക​ച്ച അ​വ​സ​ര​ങ്ങ​ൾ ക​ള​ഞ്ഞു​കു​ളി​ച്ചാ​ണ് കേ​ര​ളം അ​വ​സാ​ന മി​നി​റ്റി​ൽ ഗോ​ൾ വ​ഴ​ങ്ങി​യ​ത്. മ​ത്സ​ര​ത്തി​ന്‍റെ ആ​ദ്യ പ​കു​തി ഇ​രു ടീ​മു​ക​ൾ​ക്കും ഗോ​ൾ നേ​ടാ​നാ​യി​ല്ല.

ക​ളി​യു​ടെ തു​ട​ക്ക​ത്തി​ലേ താ​ളം ക​ണ്ടെ​ത്തി​യ കേ​ര​ളം പ​ത്താം മി​നി​റ്റി​ൽ ഗോ​ളി​നു​ട​ത്തെ​ത്തി​യ​താ​ണ്. ബോ​ക്സി​നു​ള്ളി​ൽ പ്ര​തി​രോ​ധ​ക്കാ​രെ ഒ​ഴി​ഞ്ഞ് നി​ന്ന അ​ജ്സ​ലി​നു നി​ജോ ഗി​ൽ​ബ​ർ​ട്ട് ന​ല്കി​യ ക്രോ​സ് ഹെ​ഡ​റി​ലൂ​ടെ പു​റ​ത്തേ​ക്കു പോ​യി. 20-ാം മി​നി​റ്റി​ൽ അ​ജ്സ​ൽ വീ​ണ്ടും പ​ന്ത് വ​ല​യി​ലേ​ക്കു തൊ​ടു​ത്തു. എ​ന്നാ​ൽ നേ​രി​യ വ്യ​ത്യാ​സ​ത്തി​ൽ പ​ന്ത് പു​റ​ത്തേ​ക്കാ​യി. ഉ​ട​ന​ടി ബം​ഗാ​ളി​ൽ​നി​ന്നു മ​റു​പ​ടി​യെ​ത്തി.


റോ​ബി ഹ​ൻ​സ്ഡ ത്രൂ​ബോ​ൾ പി​ടി​ച്ചെ​ടു​ത്ത് പ്ര​തി​രോ​ധ​ക്കാ​രെ വെ​ട്ടി​ച്ച് മു​ന്നോ​ട്ടു കു​തി​ച്ചു. ബം​ഗാ​ൾ സ്ട്രൈ​ക്ക​റു​ടെ ഷോ​ട്ട് പു​റ​ത്തേ​ക്കു പോ​യി. കേ​ര​ളം ഗോ​ളി​നാ​യി ശ്ര​മി​ച്ചു​കൊ​ണ്ടി​രു​ന്നു. ബം​ഗാ​ൾ പ്ര​തി​രോ​ധം ക​ട​ന്നെ​ത്തി​യ മു​ഹ​മ്മ​ദ് മു​ഷാ​റ​ഫി​ന്‍റെ നീ​ക്ക​വും ഗോ​ളാ​യി​ല്ല.

ര​ണ്ടാം പ​കു​തി​യി​ൽ ഇ​രു​ടീ​മും ലീ​ഡി​നാ​യി പൊ​രു​തി. 55-ാം മി​നി​റ്റി​ൽ കേ​ര​ളം ഒ​രി​ക്ക​ൽ​ക്കൂ​ടി ഗോ​ളി​ന​ടു​ത്തെ​ത്തി. ഇ​തും അ​ജ്സ​ൽ-​നി​ജോ കൂ​ട്ടു​കെ​ട്ടി​ൽ​നി​ന്നാ​യി​രു​ന്നു. നി​ജോ​യു​ടെ ക്രോ​സി​ൽ നി​ന്ന് അ​ജ്സ​ൽ തൊ​ടു​ത്ത പ​ന്ത് ബം​ഗാ​ൾ ഗോ​ൾ​കീ​പ്പ​ർ കൈ​ക്കു​ള്ളി​ലാ​ക്കി.

58-ാം മി​നി​റ്റി​ൽ ബം​ഗാ​ളി​നു ല​ഭി​ച്ച ഫ്രീ​കി​ക്ക് ചെ​റി​യ വ്യ​ത്യാ​സ​ത്തി​ലാ​ണ് വ​ല​യി​ൽ ക​ട​ക്കാ​തെ പോ​യ​ത്. ഓ​പ്പ​ണ്‍ പ്ലേ​യി​ൽ കേ​ര​ള​ത്തി​ന് ഭീ​ഷ​ണി ഉ​യ​ർ​ത്താ​ൻ ക​ഴി​യാ​തെ പോ​യ ബം​ഗാ​ൾ സെ​റ്റ് പീ​സു​ക​ളി​ലൂ​ടെ വി​ഷ​മി​പ്പി​ച്ചു​കൊ​ണ്ടി​രു​ന്നു.

സ​മ​നി​ല​യി​ലേ​ക്കും അ​ധി​ക സ​മ​യ​ത്തേ​ക്കു​മെ​ന്നു ക​രു​തി​യി​രി​ക്കേ 90+4ാം മി​നി​റ്റി​ൽ ആ​ദി​ത്യ ഥാ​പ്പ​യു​ടെ ഹെ​ഡ​ർ ബോ​ക്സി​നു​ള്ളി​ൽ​ നി​ന്ന ഹ​ൻ​സ്ഡ​യി​ലേ​ക്ക്. ഓ​ടി​യെ​ത്തി​യ ബം​ഗാ​ൾ സ്ട്രൈ​ക്ക​ർ അ​നാ​യാ​സം പ​ന്ത് വ​ല​യി​ലെ​ത്തി​ച്ചു.