ആദ്യ ഓവർ എറിഞ്ഞ കെ.എം. ആസിഫ് രണ്ടു റണ്‍സ് മാത്രമാണ് വിട്ടുകൊടുത്തത്. മൂന്നാം ഓവറിലെ ആദ്യ പന്ത് രോഹൻ കുന്നുമ്മേൽ ബൗണ്ടിറിയിലേക്ക് പായിച്ചു. തൊട്ടടുത്ത പന്തിൽ രോഹനെ ബൗൾഡാക്കി ആസിഫ് തിരിച്ചടിച്ചു.
തുടർന്ന് ക്രീസിലെത്തിയ എം. അജ്നാസ് നാലു പന്തിൽ ഒരു റണ്ണുമായി ഡ്രസിംഗ് റൂമിലേക്ക് മടങ്ങി. സ്കോർ ബോർഡിൽ 56 റണ്‍സ് എത്തിയപ്പോൾ ഗ്ലോബ് സ്റ്റാറിനു വേണ്ടി ഒറ്റയാൾ പോരാട്ടം നടത്തിയ ഓപ്പണർ കെ.എ അരുണിന്‍റെ വിക്കറ്റ് നഷ്ടമായി. 37 പന്തിൽ നിന്നും 38 റണ്‍സ് നേടിയ അരുണിനെ എൻ.പി. ബേസിലിന്‍റെ പന്തിൽ വൽസൽ ഗോവിന്ദ് പിടിച്ചു പുറത്താക്കി.
സൽമാൻ നിസാർ 27 പന്തിൽ 18 റണ്‍സ് നേടി. വാലറ്റത്തു നിന്നു പൊരുതിയ അഭിജിത്ത് പ്രവീണിനെ 20 റണ്‍സെടുത്തു നില്ക്കെ സച്ചിൻ ബേബി റണ്‍ ഔട്ടാക്കി. 20 ഓവർ പിന്നിട്ടപ്പോൾ കാലിക്കട്ടിന്‍റെ സ്കോർ ഒന്പതു വിക്കറ്റ് നഷ്ടത്തിൽ 104 റണ്‍സ്.
കേരള ക്രിക്കറ്റ് ലീഗിന്‍റെ ഉദ്ഘാടന മത്സരത്തിൽ ആലപ്പുഴ റിപ്പിൾസ് അഞ്ചു വിക്കറ്റിന് തൃശൂർ ടൈറ്റൻസിനെയും രണ്ടാം മത്സരത്തിൽ ട്രിവാൻഡ്രം റോയൽസ് ഒരു റണ്ണിന് കൊച്ചി ബ്ലൂ ടൈഗേഴ്സിനെയും തോൽപ്പിച്ചിരുന്നു.
തോൽവിയിൽ കൊച്ചി ബ്ലൂ ടൈഗേഴ്സ് ബിസിസിഐയ്ക്കും കെസിഐയ്ക്കും പരാതി നല്കി. അന്പയറിംഗിലെ പിഴവ് ചൂണ്ടിക്കാട്ടിയാണ് കൊച്ചിയുടെ പരാതി.