പാ​​രീ​​സ്: ഇ​​ന്ത്യ​​ൻ ഗു​​സ്തി ഫെ​​ഡ​​റേ​​ഷ​​ൻ പ്ര​​സി​​ഡ​​ന്‍റും ബി​​ജെ​​പി മു​​ൻ എം​​പി​​യു​​മാ​​യ ബ്രി​​ജ്ഭൂ​​ഷ​​ൻ സിം​​ഗി​​നെ​​തി​​രാ​​യ ലൈം​​ഗി​​കാ​​രോ​​പ​​ണം ആ​​ദ്യം പൊ​​തു​​സ​​മ​​ക്ഷ​​ത്തു കൊ​​ണ്ടു​​വ​​ന്ന​​ത് വി​​നേ​​ഷ് ഫോ​​ഗ​​ട്ടാ​​യി​​രു​​ന്നു. ഇ​​തേ​​ത്തു​​ട​​ർ​​ന്ന് രാ​​ഷ്‌ട്രീ​​യ പ​​ക​​പോ​​ക്ക​​ലി​​നും വ്യ​​ക്തി​​ഹ​​ത്യ​​ക്കും വി​​നേ​​ഷ് വി​​ധേ​​യ​​മാ​​യി.

ഗു​​സ്തി ഫൈ​​ന​​ലി​​നു തൊ​​ട്ടു​​മു​​ന്പ് 100 ഗ്രാം ​​തൂ​​ക്കം കൂ​​ടി​​യെ​​ന്ന കാ​​ര​​ണ​​ത്താ​​ൽ അ​​യോ​​ഗ്യ​​യാ​​ക്ക​​പ്പെ​​ട്ട​​തി​​ലും ചി​​ല​​ർ രാ​​ഷ്‌​ട്രീ​​യ അ​​ട്ടി​​മ​​റി ആ​​രോ​​പി​​ച്ചു. ടെ​​ക്നീ​​ഷ​​ൻ​​മാ​​രു​​ടെ ഗൂ​​ഡ​​നീ​​ക്ക​​മാ​​ണ് ഫോ​​ഗ​​ട്ടി​​ന്‍റെ അ​​യോ​​ഗ്യ​​ത​​യ്ക്കു പി​​ന്നി​​ലെ​​ന്നും ആ​​രോ​​പ​​ണ​​മു​​യ​​ർ​​ന്നു.

ഏ​​താ​​യാ​​ലും ഒ​​ളി​​ന്പി​​ക് ച​​രി​​ത്ര​​ത്തി​​ൽ വ​​നി​​താ ഗു​​സ്തി​​യി​​ൽ ഫൈ​​ന​​ലി​​ൽ പ്ര​​വേ​​ശി​​ച്ച ആ​​ദ്യ ഇ​​ന്ത്യ​​ൻ താ​​ര​​മാ​​യി​​രു​​ന്നു വി​​നേ​​ഷ് ഫോ​​ഗ​​ട്ട്. 529 ഗ്രാം ​​സ്വ​​ർ​​ണ സ്വ​​പ്നം 100 ഗ്രാം ​​ത​​ക​​ർ​​ത്തെ​​ന്നു പ​​റ​​ഞ്ഞാ​​ൽ തെ​​റ്റി​​ല്ല. കാ​​ര​​ണം, പാ​​രീ​​സ് ഒ​​ളി​​ന്പി​​ക്സി​​ലെ സ്വ​​ർ​​ണ മെ​​ഡ​​ലി​​ന്‍റെ തൂ​​ക്ക​​മാ​​ണ് 529 ഗ്രാം.


​​ര​​ണ്ടു നീ​​തി

33-ാം ഒ​​ളി​​ന്പി​​ക്സി​​ൽ ര​​ണ്ടു നീ​​തി​​യോ എ​​ന്ന ചോ​​ദ്യ​​വു​​മു​​യ​​ർ​​ന്നി​​ട്ടു​​ണ്ട്. കാ​​ര​​ണം, അ​​ൾ​​ജീ​​രി​​യ​​യു​​ടെ വ​​നി​​താ ബോ​​ക്സ​​ർ ഇ​​മാ​​ൻ ഖ​​ലീ​​ഫി​​നു ന​​ൽ​​കി​​യ ആ​​നു​​കൂ​​ല്യം ഇ​​ന്ത്യ​​യു​​ടെ വി​​നേ​​ഷ് ഫോ​​ഗ​​ട്ടി​​നു ല​​ഭി​​ച്ചി​​ല്ല. വ​​നി​​താ ബോ​​ക്സിം​​ഗി​​ൽ മ​​ത്സ​​രി​​ക്കു​​ന്ന ഭി​​ന്ന​​ലിം​​ഗ​​ക്കാ​​രി​​യാ​​ണ് ഇ​​മാ​​ൻ ഖ​​ലീ​​ഫ്.

പ്രീ​​ക്വാ​​ർ​​ട്ട​​റി​​ൽ ഇ​​റ്റ​​ലി​​യു​​ടെ ആം​​ഗ​​ല കാ​​രി​​നി ഇ​​മാ​​ൻ ഖ​​ലീ​​ഫി​​നെ​​തി​​രേ 46 സെ​​ക്ക​​ൻ​​ഡ് മാ​​ത്രം റിം​​ഗി​​ൽ ചെല​​വ​​ഴി​​ച്ച​​ശേ​​ഷം മ​​ത്സ​​ര​​ത്തി​​ൽ​​നി​​ന്നു പി​ന്മാ​​റി​​യി​​രു​​ന്നു. ഒ​​ളി​​ന്പി​​ക് വേ​​ദി​​യി​​ൽ ഇ​​ടി തു​​ട​​ർ​​ന്ന ഇ​​മാ​​ൻ ഖ​​ലീ​​ഫ് ഫൈ​​ന​​ലി​​ലെ​​ത്തി നി​​ൽ​​ക്കു​​ന്നു.

ബോ​​ക്സിം​​ഗ് റിം​​ഗി​​ൽ ഇ​​ക്കാ​​ര്യം ന​​ട​​ക്കു​​ന്പോ​​ഴാ​​ണ് സ​​മാ​​ന്ത​​ര​​മാ​​യി ഗോ​​ദ​​യി​​ൽ 100 ഗ്രാം ​​അ​​ധി​​ക​​തൂ​​ക്ക​​ത്തി​​ന്‍റെ പേ​​രി​​ൽ ഇ​​ന്ത്യ​​യു​​ടെ വി​​നേ​​ഷ് ഫോ​​ഗ​​ട്ട് അ​​യോ​​ഗ്യ​​യാ​​ക്ക​​പ്പെ​​ട്ട​​ത്.