ഒളിന്പിക്സിനു മൂന്നു തവണ വേദിയാകുന്ന രണ്ടാമത്തെ നഗരമാണ് പാരീസ്. ലണ്ടനാണ് മുന്പ് ഈ നേട്ടത്തിലെത്തിയത്. 1900ൽ പാരീസ് ആദ്യമായി ഒളിന്പിക്സിനു വേദിയായി. ഇന്ത്യയുടെ കന്നി ഒളിന്പിക്സും 1900 ആയിരുന്നു.
ലേഡി ഗാഗ, സെലിൻ ഡിയോണ് ഇന്നു നടക്കുന്ന ഉദ്ഘാടന ചടങ്ങിന്റെ കലാസംവിധാനം തോമസ് ജോളിയാണ്. ലോകശ്രദ്ധയാകർഷിച്ച കലാകാരന്മാർ ഉദ്ഘാടന ചടങ്ങിൽ സംബന്ധിക്കും.
ലേഡി ഗാഗ, സെലിൻ ഡിയോണ്, ഫ്രഞ്ച് ഗായിക അയ നാകാമുറ തുടങ്ങിയവർ സംഗീതത്തിന്റെ മാസ്മരികതയിലേക്ക് ലോകത്തെ കൂട്ടിക്കൊണ്ടുപോകും. ഫ്രാൻസിന്റെ സംഗീത പാരന്പര്യം വ്യക്തമാക്കുന്നതായിരിക്കും ഉദ്ഘാടന ചടങ്ങ്.
ഫ്രഞ്ച് പിയാനിസ്റ്റ് സോഫിയാൻ പാമാർട്ട്, ഗായിക ജൂലിയറ്റ് അർമനെറ്റ്, നടൻ ഫിലിപ്പ് കാറ്റെറിൻ തുടങ്ങിയ ഒരു വൻനിരതന്നെ ഉദ്ഘാടന ചടങ്ങിനു കൊഴുപ്പേകാനെത്തും.