കൊച്ചി-ബംഗളൂരു വ്യവസായ ഇടനാഴി പദ്ധതിയുടെ ഭാഗമായി ഏർലി ബേർഡ് പ്രോജക്്ട് ആയി വിഭാവനം ചെയ്ത ഗ്ലോബൽ സിറ്റി പദ്ധതിക്കായി എറണാകുളം ജില്ലയിലെ അയ്യന്പുഴ വില്ലേജിൽ 358 ഏക്കർ ഭൂമി ഏറ്റെടുക്കുന്നതിന് 840 കോടി രൂപയ്ക്ക് പുതുക്കിയ ഭരണാനുമതിയും സർക്കാർ പുറപ്പെടുവിച്ചു.
വരും കാലത്തെ തൊഴിൽ മേഖലയ്ക്ക് അനുസരിച്ചും ഉത്പാദന രംഗത്തുള്ള മാറ്റങ്ങൾക്കനുസരിച്ചുമാണ് സംസ്ഥാനം വ്യവസായനയം തയാറാക്കിയത്. ഫാർമസൂട്ടിക്കൽസ് ഉൾപ്പെടെയുള്ള മേഖലകൾക്ക് കൂടുതൽ പരിഗണന നല്കും.
രാജ്യത്തെ ചെറിയ സംസ്ഥാനമായ കേരളമാണ് ആകെയുള്ള മെഡിക്കൽ ഡിവൈസ് ഇൻടസ്ട്രിയുടെ 24 ശതമാനവും സംഭാവന ചെയ്യുന്നത്. ഈ മേഖല കുറച്ചുകൂടി ശക്തമാക്കാനാണ് സർക്കാർ ലക്ഷ്യമിടുന്നതെന്നും മന്ത്രി കൂട്ടിച്ചേർത്തു.