കോട്ടയം രജിസ്ട്രേഷന് (കെഎല് 05 എയു 9199) വാഹനം കേന്ദ്രീകരിച്ച് നടത്തിയ അന്വേഷണത്തിലാണ് മരിച്ചവരെ തിരിച്ചറിഞ്ഞത്. തമിഴ്നാട് പോലീസ് ഫൊറന്സിക് സംഘം കാര് തുറന്ന് പരിശോധിച്ചു. അകത്തുനിന്ന് കീടനാശിനിയുടെ കുപ്പി ലഭിച്ചിട്ടുണ്ട്. കാറിനു സമീപം ഭക്ഷണ അവശിഷ്ടങ്ങള് കണ്ടെത്തി. കമ്പം പോലീസ് മൃതദേഹങ്ങള് തേനി മെഡിക്കല് കോളജ് മോര്ച്ചറിയിലേക്കു മാറ്റി.
ജോര്ജും കുടുംബവും തോട്ടയ്ക്കാട് കാഞ്ഞിരത്തുംമൂട്ടിലായിരുന്നു താമസം. വ്യാപാരം തകര്ന്ന് സാമ്പത്തിക പ്രശ്നങ്ങളെത്തുടര്ന്ന് വാടകവീട്ടിലേക്ക് മാറിയിരുന്നു. ഈ വീട് മൂന്നു ദിവസമായി അടഞ്ഞുകിടക്കുകയാണെന്ന് അയല്വാസികള് പറഞ്ഞു. ഇതേത്തുടര്ന്ന് ബന്ധുക്കള് വാകത്താനം പോലീസില് പരാതി നല്കിയിരുന്നു.