അയോധ്യയിലെ നിർമാണവീഴ്ച ആറ് ഉദ്യോഗസ്ഥർക്കു സസ്പെൻഷൻ : Deepika.com National News |

Click here for detailed news of all items

അയോധ്യയിലെ നിർമാണവീഴ്ച ആറ് ഉദ്യോഗസ്ഥർക്കു സസ്പെൻഷൻ

Sunday, June 30, 2024 1:59 AM IST

ലക്നോ: അയോധ്യ രാമക്ഷേത്രത്തിന്‍റെ ഭാഗമായുള്ള നിർമാണ പ്രവർത്തനങ്ങളിലെ വീഴ്ചയുമായി ബന്ധപ്പെട്ട് ആറ് ഉദ്യോഗസ്ഥരെ സംസ്ഥാനസർക്കാർ സസ്പെൻഡ് ചെയ്തു. ഉത്തർപ്രദേശ് പൊതുമരാമത്ത് വകുപ്പിലെയും ജലവകുപ്പിലെയും ഉദ്യോഗസ്ഥരെയാണു മുഖ്യമന്ത്രി യോഗി ആദിത്യനാഥിന്‍റെ നിർദേശപ്രകാരം സസ്പെൻഡ് ചെയ്തത്.

ക്ഷേത്രത്തിലേക്കുള്ള പ്രധാന പാതയായ രാംപഥിൽ പത്തിടങ്ങളിൽ റോഡ് ഇടിഞ്ഞുതാഴ്ന്നതിന്‍റെയും പാതയിലെ നിരവധി ഭാഗങ്ങളിൽ വെള്ളക്കെട്ട് ഉണ്ടായതിന്‍റെയും പശ്ചാത്തലത്തിലാണു സസ്പെൻഷൻ. രാമക്ഷേത്ര പ്രാണപ്രതിഷ്ഠയോടനുബന്ധിച്ച് കോടികൾ മുടക്കിയാണ് രാംപഥ് നിർമിച്ചത്.

എന്നാൽ, വെള്ളം ഒഴുകി‌പ്പോകാനുള്ള സൗകര്യമൊരുക്കാതെയായിരുന്നു പാതയുടെ നിർമാണം. ഇതോടെ കഴിഞ്ഞദിവസം പെയ്ത ആദ്യമഴയിൽത്തന്നെ ക്ഷേത്രനഗരി വെള്ളക്കെട്ടിലായി. ക്ഷേത്രത്തിനുള്ളിലെ വിവിധ ഭാഗങ്ങളിലും വെള്ളം ചോർന്നൊലിച്ചു. നഗരത്തിലെയും ക്ഷേത്രത്തിലെയും അടിയന്തര അറ്റകുറ്റപ്പണി നടത്താൻ സംസ്ഥാന സർക്കാർ ഉദ്യോഗസ്ഥസംഘത്തെ നിയോഗിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.