ബ​ര്‍​ലി​ന്‍: ജ​ര്‍​മ​നി​യി​ല്‍ 15 പേ​രെ കൊ​ല​പ്പെ​ടു​ത്തി​യെ​ന്ന് ആ​രോ​പി​ച്ച് ഡോ​ക്‌​ട​ര്‍​ക്കെ​തി​രേ കേ​സ്. 40 കാ​ര​നാ​യ പാ​ലി​യേ​റ്റീ​വ് കെ​യ​ര്‍ ഫി​സി​ഷ്യ​നെ​തി​രെ​യാ​ണ് കേ​സ് എ​ടു​ത്ത​ത്. രോ​ഗി​ക​ൾ​ക്ക് അ​മി​ത അ​ള​വി​ൽ മ​രു​ന്ന് ന​ൽ​കി​യാ​ണ് ഇ​യാ​ൾ ക്രൂ​ര​കൃ​ത്യം ന​ട​ത്തി​യ​ത്.

2021 സെ​പ്റ്റം​ബ​റി​നും 2024 ജൂ​ലൈ​യ്ക്കും ഇ​ട​യി​ൽ മാ​ര​ക​മാ​യ മ​യ​ക്കു​മ​രു​ന്ന് ഉ​പ​യോ​ഗി​ച്ച് 12 സ്ത്രീ​ക​ളെ​യും മൂ​ന്ന് പു​രു​ഷ​ന്മാ​രെ​യു​മാ​ണ് ഇ​യാ​ൾ കൊ​ല​പ്പെ​ടു​ത്തി​യ​ത്.

പ്ര​തി ത​ന്‍റെ കു​റ്റ​കൃ​ത്യ​ങ്ങ​ള്‍ മ​റ​ച്ചു​വ​യ്ക്കാ​ന്‍ ഇ​ര​ക​ളു​ടെ ചി​ല അ​പ്പാ​ര്‍​ട്ട്മെ​ന്‍റു​ക​ള്‍​ക്ക് തീ​യി​ട്ട​താ​യും പ്രോ​സി​ക്യൂ​ഷ​ന്‍ പ​റ​ഞ്ഞു. ജ​ര്‍​മ​ന്‍ ഡോ​ക്‌​ട​ര്‍​ക്കെ​തി​രേ പ്രോ​സി​ക്യൂ​ട്ട​ര്‍​മാ​ര്‍ 15 കൊ​ല​പാ​ത​ക കു​റ്റ​ങ്ങ​ളാ​ണ് ചു​മ​ത്തി​യ​ത്.


രോ​ഗി​ക​ളു​ടെ അ​റി​വോ സ​മ്മ​ത​മോ ഇ​ല്ലാ​തെ ഡോ​ക്ട​ർ അ​ന​സ്തേ​ഷ്യ​യും മ​സി​ൽ റി​ലാ​ക്സ​ന്‍റും ന​ൽ​കി​യെ​ന്നാ​ണ് ആ​രോ​പ​ണം. കൂ​ടാ​തെ കൊ​ല​പാ​ത​ക​ങ്ങ​ൾ മ​റ​ച്ചു​വ​യ്ക്കാ​ൻ ഇ​ര​ക​ളു​ടെ വീ​ടു​ക​ള്‍​ക്ക് തീ​യി​ട്ട​താ​യും പ​റ​യു​ന്നു.

56നും 94​നും ഇ​ട​യി​ല്‍ പ്രാ​യ​മു​ള്ള​വ​രാ​ണ് കൊ​ല്ല​പ്പെ​ട്ട​തെ​ന്നാ​ണ് റി​പ്പോ​ര്‍​ട്ട്. 2024 ഓ​ഗ​സ്റ്റി​ലാ​ണ് ഇ​യാ​ൾ പി​ടി​യി​ലാ​യ​ത്. ഡോ​ക്ട​ര്‍ ചി​കി​ത്സി​ച്ചി​രു​ന്ന നി​ര​വ​ധി രോ​ഗി​ക​ളു​ടെ മൃ​ത​ദേ​ഹ​ങ്ങ​ള്‍ പു​റ​ത്തെ​ടു​ത്ത് ഫോ​റ​ന്‍​സി​ക് വി​ദ​ഗ്ധ​ര്‍ പ​രി​ശോ​ധി​ച്ചു.

തു​ട​ര്‍​ന്നാ​ണ് അ​വ​രി​ല്‍ പ​ല​രും അ​സ്വാ​ഭാ​വി​ക സാ​ഹ​ച​ര്യ​ത്തി​ലാ​ണ് മ​രി​ച്ച​തെ​ന്ന് ക​ണ്ടെ​ത്തി​യ​ത്. മ​ര​ണ​സം​ഖ്യ ഉ​യ​രാ​ൻ സാ​ധ്യ​ത ഉ​ണ്ടെ​ന്ന് അ​ന്വേ​ഷ​ണ സം​ഘം.