സി​ഡ്നി: 2025ലെ ​ഓ​ണാ​ഘോ​ഷ​ങ്ങ​ളു​ടെ ഭാ​ഗ​മാ​യി വെ​സ്റ്റേ​ൺ സി​ഡ്നി​യി​ലെ പ്ര​മു​ഖ മ​ല​യാ​ളി സം​ഘ​ട​ന​യാ​യ പെ​ൻ​റി​ത്ത് മ​ല​യാ​ളി കൂ​ട്ടാ​യ്മ(​പി​എം​കെ) സം​ഘ​ടി​പ്പി​ക്കു​ന്ന വ​ള്ളം​ക​ളി മ​ത്സ​രം ഓ​ഗ​സ്റ്റ് ര​ണ്ടി​ന് റി​ഗാ​റ്റ ഇ​ന്‍റ​ർ​നാ​ഷ​ണ​ൽ സെ​ന്‍റ​റി​ൽ ന​ട​ക്കും.

ഇ​തി​ൽ പെ​ൻ​റി​ത്തി​ന്‍റെ സ്വ​ന്തം ടീ​മാ​യ മി​ന്ന​ൽ റേ​സിം​ഗ് ടീ​മും(​എം​ആ​ർ​ടി) മാ​റ്റു​ര​യ്ക്കും. ക​ഴി​ഞ്ഞ​വ​ർ​ഷം രൂ​പീ​കൃ​ത​മാ​യ എം​ആ​ർ​ടി സ​ൺ​ഷൈ​ൻ കോ​സ്റ്റി​ൽ ന​ട​ന്ന പ്ര​ഥ​മ ഓ​ൾ ഓ​സ്ട്രേ​ലി​യ​ൻ നെ​ഹ്റു ട്രോ​ഫി മത്സ​ര​ത്തി​ൽ ചാ​മ്പ്യ​ൻ​മാ​രാ​യി മികവ് തെ​ളി​യി​ച്ച​വ​രാ​ണ്.

എം​ആ​ർ​ടിയുടെ സ്വ​ന്തം ത​ട്ട​ക​ത്തി​ൽ ന​ട​ക്കു​ന്ന ഈ ​മ​ത്സ​ര​ത്തി​ൽ ചാ​മ്പ്യ​ൻ​മാ​രാ​വാ​ൻ അ​ര​യും ത​ല​യും മു​റു​ക്കി​യു​ള്ള അ​ക്ഷീ​ണ പ്ര​യ​ത്ന​ത്തി​ലാ​ണി​വ​ർ. റി​ഗാ​റ്റ സെ​ന്‍റ​റി​ൽ "പെ​ൻ ഡ്രാ​ഗ​ൺ' ക്ല​ബി​ന്‍റെ നേ​തൃ​ത്വ​ത്തി​ലാ​ണ് പ​രി​ശീ​ല​നം.


നാ​ട് വി​ട്ട് മ​റു​നാ​ട്ടി​ൽ കു​ടി​യേ​റി​യ​വ​രാ​ണെ​ങ്കി​ലും സ്വ​ന്തം പാ​ര​മ്പ​ര്യ​ത്തി​ലും സം​സ്കാ​ര​ത്തി​ലും ഇ​ത്ര​യേ​റെ അ​ഭി​മാ​നി​ക്കു​ന്ന ഈ ​മ​ല​യാ​ളി സ​മൂ​ഹം കാ​ണി​ക്കു​ന്ന ഈ ​ഉ​ത്സാ​ഹം ത​ദ്ദേ​ശീ​യ​രാ​യ ആ​ൾ​ക്കാ​രു​ടെ പോ​ലും പ്ര​ശം​സ പി​ടി​ച്ചു പ​റ്റി​യി​രു​ന്നു.

എം​ആ​ർ​ടി​യി​ലെ അം​ഗ​ങ്ങ​ൾ കൂ​ടി പ​ങ്കെ​ടു​ത്ത പെ​ൻ ഡ്രാ​ഗ​ൺ ക്ല​ബ് ച​രി​ത്ര​ത്തി​ലാ​ദ്യ​മാ​യി ഓ​സ്ട്രേ​ലി​യ​ൻ നാ​ഷ​ണ​ൽ ഡ്രാ​ഗ​ൺ ബോ​ട്ട് ചാന്പ്യ​ൻ​ഷി​പ്പി​ൽ വെ​ങ്ക​ല മെ​ഡ​ൽ ക​ര​സ്ഥ​മാ​ക്കി​യ​തും ഈ ​വ​ർ​ഷ​മാ​യി​രു​ന്നു.

പി​എം​കെ ഓ​ണാ​ഘോ​ഷം 2025 അ​തി​ഗം​ഭീ​ര​മാ​ക്കു​വാ​ൻ സം​ഘാ​ട​ക​ർ ശ്ര​മി​ക്കു​ന്നു​ണ്ട്. വ​ള്ളം​ക​ളി മ​ത്സ​ര​ത്തോ​ടൊ​പ്പം ത​ന്നെ ധാ​രാ​ളം വൈ​വി​ധ്യ​മാ​ർ​ന്ന പ​രി​പാ​ടി​ക​ൾ ക​ര​യി​ൽ ന​ട​ത്ത​പ്പെ​ടു​മെ​ന്നും സം​ഘാ​ട​ക​ർ അ​റി​യി​ച്ചു