ചി​ല്ല​യു​ടെ മാ​സ​വാ​യ​ന സം​ഘ‌​ടി​പ്പി​ച്ചു
Tuesday, June 25, 2024 11:39 AM IST
റി​യാ​ദ്: മ​ല​യാ​ള​ത്തി​ൽ അ​ടു​ത്ത കാ​ല​ത്ത് പ്ര​സി​ദ്ധീ​ക​രി​ക്ക​പ്പെ​ട്ട ആ​റ് വ്യ​ത്യ​സ്ത ചെ​റു​ക​ഥ​ക​ളു​ടെ വാ​യ​നാ​നു​ഭ​വ​വും സം​വാ​ദ​വു​മാ​ണ് ചി​ല്ല​യു​ടെ ജൂ​ൺ മാ​സ​വാ​യ​ന​യി​ൽ ന​ട​ന്ന​ത്. ക​ഥാ​കേ​ളി എ​ന്ന ശീ​ർ​ഷ​ക​ത്തി​ൽ റി​യാ​ദ് ബ​ത്ത​യി​ലെ ലു​ഹ ഹാ​ളി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ അ​വ​ത​രി​പ്പി​ച്ച ക​ഥ​ക​ളെ​ല്ലാം മാ​റി​യ ചെ​റു​ക​ഥാ സ​ങ്ക​ല്പ​ത്തി​ന്‍റെ രൂ​പ​ഭാ​വ​ങ്ങ​ളെ പ്ര​തി​നി​ധാ​നം ചെ​യ്യു​ന്ന ര​ച​ന​ക​ളാ​യി​രു​ന്നു.

രാ​ഷ്ട്രീ​യ -​ സാ​മൂ​ഹ്യ​പ​രി​സ​ര​ത്തു​ണ്ടാ​കു​ന്ന മാ​റ്റ​ങ്ങ​ൾ ക​ഥ​ക​ളി​ൽ അ​തി​ശ​ക്ത​മാ​യി പ്ര​തി​ഫ​ലി​ക്കു​ന്നു​ണ്ട് എ​ന്ന് വ്യ​ക്ത​മാ​ക്കു​ന്ന​താ​യി​രു​ന്നു ഓ​രോ ര​ച​ന​യും. ജി​സ ജോ​സി​ന്‍റെ "പാ​താ​ള​ത്തി​ന്‍റെ ക​വാ​ട​ങ്ങ​ൾ എ​ന്ന ക​ഥ​യു​ടെ വാ​യ​നാ​നു​ഭ​വം പ​ങ്കു​വ​ച്ചു​കൊ​ണ്ട് വി​ദ്യ വി​പി​ൻ അ​വ​ത​ര​ണ​ങ്ങ​ൾ​ക്ക് തു​ട​ക്കം കു​റി​ച്ചു.

മ​രി​ച്ച​വ​രു​ടെ ശ​രീ​ര​ങ്ങ​ൾ​ക്ക് വേ​ദ​ന​യ​റി​യി​ല്ല എ​ന്ന വി​ശ്വാ​സ​ത്തി​ൽ, വ​ക്രി​ച്ചു​പോ​യ കൈ​കാ​ലു​ക​ളു​ള്ള മ​ക​ന്‍റെ മൃ​ത​ദേ​ഹം ശ​വ​പ്പെ​ട്ടി​യി​ൽ നേ​രെ കി​ട​ത്തി​യ അ​മ്മ​യു​ടെ ജീ​വി​ത​മാ​ണ് ക​ഥ​യി​ൽ നി​റ​ഞ്ഞു​നി​ന്ന​ത്. കു​ടും​ബ​ത്തി​ലെ അ​സ്വാ​ഭാ​വി​ക​ത​ക​ളെ സ്വാ​ഭാ​വി​ക​മാ​ക്കാ​ൻ ത്യാ​ഗം സ​ഹി​ക്കേ​ണ്ട​ത് സ്ത്രീ ​മാ​ത്ര​മാ​ണെ​ന്ന വി​മ​ർ​ശ​ന​വും ക​ഥ​യി​ൽ എ​ഴു​ത്തു​കാ​രി ന​ട​ത്തു​ന്നെ​ണ്ടെ​ന്ന് വി​ദ്യ വി​ശ​ദീ​ക​രി​ച്ചു.

തു​ട​ർ​ന്ന് സീ​ബ കൂ​വോ​ട് അ​വ​ത​രി​പ്പി​ച്ച ഇ. ​സ​ന്തോ​ഷ് കു​മാ​റി​ന്‍റെ "പ​ണ​യം' എ​ന്ന ക​ഥ​യാ​യി​രു​ന്നു. ഒ​രു റേ​ഡി​യോ​യു​ടെ പ​ശ്ചാ​ത്ത​ല​ത്തി​ൽ മ​നു​ഷ്യ​രി​ലെ നി​ഷ്ക​ള​ങ്ക​ത​യെ ചൂ​ഷ​ണം ചെ​യ്യു​ന്ന ആ​ർ​ത്തി​പൂ​ണ്ട ഹൃ​ദ​യ​മി​ല്ലാ​യ്മ​യെ വി​ചാ​ര​ണ ചെ​യ്യു​ന്ന ക​ഥ ക​ഥാ​കൃ​ത്തി​ന്‍റെ എ​ഴു​ത്തു​ക​ളി​ൽ ഉ​ട​നീ​ളം കാ​ണു​ന്ന മാ​ന​വി​ക​ത​യു​ടെ ആ​വ​ർ​ത്തി​ച്ചു​ള്ള വി​ളം​ബ​രം കൂ​ടി​യാ​ണെ​ന്ന് സീ​ബ പ​റ​ഞ്ഞു.

കെ.​ആ​ർ. മീ​ര​യു​ടെ "ഗി​ല്ല​റ്റി​ൻ' എ​ന്ന ക​ഥ​യു​ടെ വാ​യ​നാ​നു​ഭ​വം പ​ങ്കു​വെ​ച്ച ഷ​ഹീ​ബ വി. ​കെ ഫ്ര​ഞ്ച് വി​പ്ല​വ​ത്തി​ന്‍റെ പ​ശ്ചാ​ത്ത​ല​ത്തി​ൽ എ​ഴു​തി​യ ക​ഥ​യി​ൽ എ​ങ്ങ​നെ​യാ​ണ് സ്ത്രീ​യു​ടെ പോ​രാ​ട്ട​വീ​ര്യം മ​ര​ണ​ത്തി​ൽ പോ​ലും തു​ടി​ച്ചു​നി​ൽ​ക്കു​ന്ന​തെ​ന്ന് അ​ടി​വ​ര​യി​ട്ടു​കൊ​ണ്ടാ​ണ് ക​ഥ​യെ ച​ർ​ച്ച​യാ​ക്കി​യ​ത്.

ക​ഥ​യെ വ​ർ​ത്ത​മാ​ന​കാ​ല രാ​ഷ്ട്രീ​യ അ​ധി​കാ​ര ഘ​ട​ന​യു​മാ​യി ക​ഥാ​കാ​രി ബ​ന്ധി​പ്പി​ക്കു​ന്ന വി​ധ​വും ഷ​ഹീ​ബ വി​വ​രി​ച്ചു. ധ​നേ​ഷ് എം. ​മു​കു​ന്ദ​ൻ അ​വ​ത​രി​പ്പി​ച്ച സ​ന്തോ​ഷ് എ​ച്ചി​ക്കാ​ന​ത്തി​ന്‍റെ "ബി​രി​യാ​ണി' എ​ന്ന ക​ഥ ഇ​തി​ന​കം മ​ല​യാ​ള​ത്തി​ൽ ഏ​റെ ച​ർ​ച്ച​യാ​യ​താ​ണ്.

പ​ട്ടി​ണി ഒ​രു യാ​ഥാ​ർ​ഥ്യ​മാ​യി​രി​ക്കു​മ്പോ​ഴും എ​ങ്ങ​നെ​യാ​ണ് ആ​ഹാ​രം ആ​ഢം​ബ​ര​മാ​യും ധൂ​ർ​ത്താ​യും മാ​റു​ന്ന​തെ​ന്ന ദുഃ​ഖ​സ​ത്യം വ​ര​ച്ചി​ടു​ക​യാ​ണ് ക​ഥാ​കൃ​ത്ത്. സ്വാ​നു​ഭ​വ​ങ്ങ​ളു​ടെ ക​യ്പും കൂ​ട്ടി ചേ​ർ​ത്താ​ണ് ധ​നേ​ഷ് അ​വ​ത​ര​ണം ന​ട​ത്തി​യ​ത്.

എം. ​ഫൈ​സ​ൽ അ​വ​ത​രി​പ്പി​ച്ച​ത് മ​നോ​ജ് വെ​ങ്ങോ​ല​യു​ടെ "ഇ​രു​മ്പ​ൻ പു​ളി' എ​ന്ന ക​ഥ​യാ​ണ്. ഇ​രു​മ്പ​ൻ പു​ളി, അ​തി​ൽ പാ​ർ​ക്കു​ന്ന പ്രാ​ണി​ക​ൾ എ​ന്നി​വ​യെ മു​ൻ​നി​ർ​ത്തി ക​ഥാ​കൃ​ത്ത് മ​ല​യാ​ളി​യി​ൽ ആ​ഴ​ത്തി​ൽ വേ​രോ​ടി​യ ജാ​തീ​യ​ത​യെ വി​മ​ർ​ശ​ന​വി​ധേ​യ​മാ​ക്കു​ക​യാ​ണ്.

കൊ​ന്നു​തി​ന്നും തീ​തി​ന്നും തീ​രും സ​ക​ല​തും എ​ങ്കി​ലും പു​തി​യ​വ വ​രും എ​ന്ന വാ​ക്യ​ത്തി​ലൂ​ടെ മ​നു​ഷ്യ​ച​രി​ത്രം എ​പ്പോ​ഴും ഭൂ​ത​കാ​ല​ത്തി​ൽ നി​ന്നു​ള്ള മോ​ച​ന​മാ​ണെ​ന്ന് ക​ഥാ​കൃ​ത്ത് ഓ​ർ​മി​പ്പി​ക്കു​ന്ന​താ​യി ഫൈ​സ​ൽ അ​ഭി​പ്രാ​യ​പ്പെ​ട്ടു.

അ​വ്യാ​ഖ്യേ​യ​മാ​യ മ​നു​ഷ്യ​ബ​ന്ധ​ത്തെ അ​തി​മ​നോ​ഹ​ര​മാ​യി അ​വ​ത​രി​പ്പി​ച്ച ക​ഥ​യാ​ണ് എ​സ്. ആ​ർ. ലാ​ലി​ന്‍റെ "കൊ​ള്ളി​മീ​നാ​ട്ടം' എ​ന്ന വാ​യ​നാ​നു​ഭ​വം അ​വ​ത​രി​പ്പി​ച്ച ബ​ഷീ​ർ കാ​ഞ്ഞി​ര​പ്പു​ഴ പ​റ​ഞ്ഞു. അ​മ്മൂ​മ്മ, അ​മ്മ, വ​ള​ർ​ത്ത​മ്മ എ​ന്നീ ബ​ന്ധ​ങ്ങ​ളി​ലൂ​ടെ വൈ​കാ​രി​ക​ത​യു​ടെ ആ​ഴം അ​ള​ക്കു​ന്ന ക​ഥ മി​ക​ച്ച​വാ​യ​നാ​നു​ഭ​വം ന​ൽ​കു​ന്ന​താ​യി ബ​ഷീ​ർ അ​വ​കാ​ശ​പ്പെ​ട്ടു.

തു​ട​ർ​ന്നു ന​ട​ന്ന ച​ർ​ച്ച​യ്ക്ക് ജോ​മോ​ൻ സ്റ്റീ​ഫ​ൻ തു​ട​ക്ക​മി​ട്ടു. ബീ​ന, സെ​ബി​ൻ ഇ​ഖ്ബാ​ൽ, ശി​ഹാ​ബ് കു​ഞ്ചീ​സ്, അ​ബ്ദു​ൽ നാ​സ​ർ, റ​സൂ​ൽ സ​ലാം എ​ന്നി​വ​ർ സം​വാ​ദ​ത്തി​ൽ പ​ങ്കെ​ടു​ത്തു. മു​നീ​ർ വ​ട്ടേ​ക്കാ​ട്ടു​ക​ര വാ​യ​ന​ക​ളെ അ​വ​ലോ​ക​നം ചെ​യ്തു. എം. ​ഫൈ​സ​ൽ പ​രി​പാ​ടി​യു​ടെ മോ​ഡ​റേ​റ്റ​റാ​യി​രു​ന്നു.

Copyright @ 2022 , Rashtra Deepika Ltd.