പു​തി​യ കോ​ട​തിസ​മു​ച്ച​യം ക​ണ്ണി​യമ്പു​റ​ത്ത്; നി​ല​വി​ലെ കെ​ട്ടി​ടം പു​രാ​വ​സ്തുവ​കു​പ്പ് ഏ​റ്റെ​ടു​ക്കും
Wednesday, September 18, 2024 1:27 AM IST
ഒറ്റപ്പാ​ലം: വി​വാ​ദ​ങ്ങ​ൾ​ക്ക് വി​ട, പു​തി​യ കോ​ട​തി​സ​മു​ച്ച​യം ക​ണ്ണി​യം​മ്പു​റ​ത്ത് ത​ന്നെ നി​ർ​മി​ക്കും. ഇ​തി​നായി കാ​ഞ്ഞി​ര​പ്പു​ഴ ജ​ലസേ​ച​ന​പ​ദ്ധ​തി​യു​ടെ ക​ണ്ണി​യം​പു​റ​ത്തെ സ്ഥ​ലം ല​ഭ്യ​മാ​ക്കു​മെ​ന്ന് കെ.​ പ്രേം​കു​മാ​ർ എംഎ​ൽഎ ​പ​റ​ഞ്ഞു. സ്ഥ​ലം വി​ട്ടു​ന​ൽ​കാ​ൻ ഉ​പാ​ധി​ക​ളോ​ടെ റ​വ​ന്യൂ​വ​കു​പ്പ് ഉ​ത്ത​ര​വി​ട്ടി​ട്ടു​ണ്ടെ​ന്ന് എംഎ​ൽഎ ​വ്യ​ക്ത​മാ​ക്കി. ജ​ല​സേ​ച​ന​വ​കു​പ്പി​ന്‍റെ 70 സെ​ന്‍റ് സ്ഥ​ല​മാ​ണ് കോ​ട​തി​സ​മു​ച്ച​യ നി​ർ​മാ​ണ​ത്തി​നാ​യി കൈ​മാ​റു​ക. ഉ​ട​മ​സ്ഥാ​വ​കാ​ശം റ​വ​ന്യൂ​വ​കു​പ്പി​ൽ നി​ല​നിർ​ത്തി ഭൂ​മി​യു​ടെ കൈ​വ​ശാ​വ​കാ​ശ​മാ​ണ് കൈ​മാ​റാ​ൻ ഉ​ത്ത​ര​വി​ട്ടി​ട്ടു​ള്ള​തെ​ന്ന് എംഎ​ൽഎ അ​റി​യി​ച്ചു.

ഉ​ത്ത​ര​വി​റ​ങ്ങി ഒ​രു​വ​ർ​ഷ​ത്തി​ന​കം നി​ർ​മാ​ണം തു​ട​ങ്ങ​ണം. സ്ഥ​ല​ത്തെ മ​ര​ങ്ങ​ൾ മു​റി​ക്കാ​ൻ റ​വ​ന്യൂ​വ​കു​പ്പി​ന്‍റെ അ​നു​വാ​ദം വാ​ങ്ങ​ണം, ഒ​പ്പം മു​റി​ക്കു​ന്ന​തി​ന്‍റെ മൂ​ന്നി​ര​ട്ടി വൃ​ക്ഷ​ത്തൈ​ക​ൾ വെ​ച്ചു​പി​ടി​പ്പി​ച്ച് പ​രി​പാ​ലി​ക്ക​ണം. സ്ഥ​ലം പ​ണ​യ​പ്പെ​ടു​ത്താ​നോ ഉ​പ​പാ​ട്ട​ത്തി​നോ ന​ൽ​ക​രു​ത് തു​ട​ങ്ങി​യ ഉ​പാ​ധി​ക​ളോ​ടെ​യാ​ണ് സ്ഥ​ലം കൈ​മാ​റ്റം ചെ​യ്യു​ന്ന​തെ​ന്ന് എംഎ​ൽഎ ​പ​റ​ഞ്ഞു. ഇ​വ​യി​ൽ ഏ​തെ​ങ്കി​ലു​മൊ​ന്ന് ലം​ഘി​ച്ചാ​ൽ സ്ഥ​ലം തി​രി​കെ റ​വ​ന്യൂ​വ​കു​പ്പി​ൽ പു​ന​ർ​നി​ക്ഷി​പ്ത​മാ​കും. ​നി​ല​വി​ൽ താ​ലൂ​ക്കോ​ഫീ​സി​ന് സ​മീ​പ​ത്തു​ള്ള ഒ​റ്റ​പ്പാ​ലം കോ​ട​തി കെ​ട്ടി​ട​ത്തി​ന് ഒ​ന്ന​ര നൂ​റ്റാ​ണ്ടു​കാ​ല​ത്തെ പ​ഴ​ക്ക​മു​ണ്ട്.


ഏ​ഴു​നി​ല​ക​ളി​ലാ​യാ​ണ് ഒ​റ്റ​പ്പാ​ല​ത്ത് പു​തി​യ കോ​ട​തി​സ​മു​ച്ച​യം നി​ർ​മി​ക്കാ​ൻ ധാ​ര​ണ​യാ​യി​രു​ന്ന​ത്. അ​ഡീ​ഷ​ണ​ൽ ജി​ല്ലാ​കോ​ട​തി, കു​ടും​ബ​കോ​ട​തി, സ​ബ് കോ​ട​തി, മു​ൻ​സി​ഫ് കോ​ട​തി, മ​ജി​സ്‌​ട്രേ​റ്റ് കോ​ട​തി എ​ന്നീ കോ​ട​തി​ക​ൾ പ​ല സ്ഥ​ല​ങ്ങ​ളി​ലാ​യാ​ണ് ഇ​പ്പോ​ഴു​ള്ള​ത്. ഇ​വ​യെ​ല്ലാം ഒ​റ്റ കെ​ട്ടി​ട​ത്തി​ലേ​ക്ക്‌ വ​രു​മെ​ന്ന​താ​ണ് പ്ര​ത്യേ​ക​ത. വീ​ഡി​യോ കോ​ൺ​ഫ​ൻ​സി​ംഗ് മു​റി, യോ​ഗം​ചേ​രാു​ള്ള മു​റി​ക​ൾ, സ്ത്രീ​ക​ൾ​ക്കാ​യി പ്ര​ത്യേ​ക മു​റി എ​ന്നി​വ​യു​ൾ​പ്പെ​ടെ നി​ർ​മി​ക്കാ​നാ​യി​രു​ന്നു മു​ൻ​ധാ​ര​ണ. പ​ഴ​യ കോ​ട​തി സ​മു​ച്ച​യം പു​രാ​വ​സ്തു വ​കു​പ്പ് ഏ​റ്റെ​ടു​ത്ത് സം​ര​ക്ഷി​ക്കാ​നാ​ണ് തീ​രു​മാ​നം.