ഒ​റ്റ​പ്പാ​ലം: മാ​യ​ന്നൂ​ർ പാ​ല​ത്തി​നു താ​ഴെ ഭാ​ര​ത​പ്പു​ഴ​യി​ൽ നി​ർ​മി​ച്ച സം​ര​ക്ഷ​ണ​ഭി​ത്തി​ക്ക് ത​ക​ർ​ച്ചാ​ഭീ​ഷ​ണി. ഇ​ത് ഭാ​ഗി​ക​മാ​യി ത​ക​ർ​ന്ന നി​ല​യി​ലാ​ണ്. ദി​വ​സ​ങ്ങ​ൾ​ക്കു​മു​മ്പ് പെ​യ്ത ശ​ക്ത​മാ​യ മ​ഴ​യി​ലാ​ണ് കോ​ൺ​ക്രീ​റ്റ് സം​ര​ക്ഷ​ണ​ഭി​ത്തി ത​ക​ർ​ന്ന​ത്.

സ​മീ​പ​ത്തെ ന​ട​വ​ഴി മ​ഴ​യി​ൽ ത​ക​ർ​ന്ന​തി​നു പി​ന്നാ​ലെ കു​ത്തി​യൊ​ലി​ച്ചെ​ത്തി​യ വെ​ള്ള​ത്തി​ന്‍റെ ശ​ക്തി​യി​ലാ​ണ് ഭി​ത്തി ത​ക​ർ​ന്നി​ട്ടു​ള്ള​ത്.

നേ​ര​ത്തേ ഒ​രു​ഭാ​ഗം ത​ക​ർ​ന്നി​രു​ന്നു. ഇ​താ​ണി​പ്പോ​ൾ കൂ​ടു​ത​ലാ​യി​രി​ക്കു​ന്ന​ത്. മ​ഴ ശ​ക്ത​മാ​കും​മു​മ്പ് കോ​ൺ​ക്രീ​റ്റ് ഭി​ത്തി പൊ​ളി​ച്ചു​മാ​റ്റ​ണ​മെ​ന്ന ആ​വ​ശ്യം ഉ​യ​രു​ന്നു​ണ്ട്.

ത​ക​ർ​ന്ന ഭാ​ഗ​ങ്ങ​ൾ ഏ​തു​സ​മ​യ​വും പു​ഴ​യി​ലേ​ക്ക് കൂ​പ്പു​കു​ത്തു​മെ​ന്ന സ്ഥി​തി​യാ​ണ്. ത​ക​ർ​ന്നു​കി​ട​ക്കു​ന്ന സം​ര​ക്ഷ​ണ ഭി​ത്തി​യി​ലൂ​ടെ ക​യ​റി​യും ആ​ളു​ക​ൾ ഈ ​ഭാ​ഗ​ത്ത് വ​ന്നി​രി​ക്കാ​റു​ണ്ട്. ഇ​ത് അ​പ​ക​ട​ഭീ​ഷ​ണി ഉ​യ​ർ​ത്തു​ന്നു​ണ്ട്.

മാ​യ​ന്നൂ​ർ​പാ​ലം നി​ർ​മി​ച്ച​തി​നൊ​പ്പ​മാ​ണ് പു​ഴ​യി​ൽ ഏ​ക​ദേ​ശം 500 മീ​റ്റ​റി​ല​ധി​കം ദൂ​ര​ത്തി​ൽ പാ​ല​ത്തി​ന്‍റെ ഇ​രു​ഭാ​ഗ​ങ്ങ​ളി​ലാ​യി സം​ര​ക്ഷ​ണ​ഭി​ത്തി​യും നി​ർ​മി​ച്ചി​രു​ന്ന​ത്. ഇ​തി​ൽ പ​ടി​ഞ്ഞാ​റു​ഭാ​ഗ​ത്തെ ഭി​ത്തി​യാ​ണ് ത​ക​ർ​ന്നു​കി​ട​ക്കു​ന്ന​ത്.

പു​ഴ​യ്ക്ക് സ​മീ​പ​ത്തെ ഈ ​ഭാ​ഗ​മ​ട​ക്ക​മാ​ണ് ജൈ​വ​വൈ​വി​ധ്യ സം​ര​ക്ഷ​ണ മാ​സ്റ്റ​ർ​പ്ലാ​ൻ പ്ര​കാ​രം ജൈ​വ​വേ​ലി സ്ഥാ​പി​ക്കാ​ൻ​വേ​ണ്ടി ക​ണ്ടെ​ത്തി​യി​രു​ന്ന​ത്. ഭാ​ര​ത​പ്പു​ഴ​യോ​ര​ത്ത് വൃ​ക്ഷ​ത്തൈ​ക​ൾ ഉ​ൾ​പ്പെ​ടു​ന്ന ജൈ​വ​വേ​ലി പ​ദ്ധ​തി ന​ട​പ്പാ​ക്കാ​നാ​ണ് തീ​രു​മാ​നി​ച്ചി​രു​ന്ന​ത്.

ഇ​തു​വ​ഴി പു​ഴ​യെ​യും തീ​ര​ത്തെ​യും സം​ര​ക്ഷി​ക്കാ​ൻ ക​ഴി​യു​മെ​ന്നാ​ണ് ക​ണ​ക്കു​കൂ​ട്ടി​യി​രു​ന്ന​ത്. എ​ന്നാ​ൽ, ര​ണ്ട് വ​ർ​ഷ​ത്തി​ലേ​റെ​യാ​യി​ട്ടും പ​ദ്ധ​തി ഒ​ന്നു​മാ​യി​ട്ടി​ല്ല.

പ്ര​ശ്നം ശ്ര​ദ്ധ​യി​ൽ​പ്പെ​ട്ടി​ട്ടി​ല്ലെ​ന്നും പ​രി​ശോ​ധി​ച്ച് ന​ട​പ​ടി സ്വീ​ക​രി​ക്കു​മെ​ന്നും ജ​ല​സേ​ച​ന വ​കു​പ്പ് അ​ധി​കൃ​ത​ർ അ​റി​യി​ച്ചു .