വട​ക്ക​ഞ്ചേ​രി​യി​ൽ 24 മ​ണി​ക്കൂ​റി​നു​ള്ളി​ൽ പെ​യ്ത​തു 147 മി​ല്ലിമീ​റ്റ​ർ മ​ഴ
Tuesday, May 21, 2024 1:14 AM IST
വ​ട​ക്ക​ഞ്ചേ​രി: വ​ട​ക്ക​ഞ്ചേ​രി​യി​ൽ 24 മ​ണി​ക്കൂ​റി​നു​ള്ളി​ൽ പെ​യ്ത​തു 147 മി​ല്ലീ​മീ​റ്റ​ർ മ​ഴ.
ഞാ​യ​റാ​ഴ്ച രാ​വി​ലെ ആ​റു​മു​ത​ൽ തി​ങ്ക​ളാ​ഴ്ച രാ​വി​ലെ ആ​റു വ​രെ​യു​ള്ള 24 മ​ണി​ക്കൂ​റി​നു​ള്ളി​ലാ​ണ് ഈ ​ക​ന​ത്ത മ​ഴ പെ​യ്ത​ത്.

വ​ട​ക്ക​ഞ്ചേ​രി​യി​ലെ ചാ​ർ​ട്ടേ​ഡ് അ​ക്കൗ​ണ്ട​ന്‍റ് ശേ​ഷാ​ദ്രി​നാ​ഥ​ൻ ടൗ​ണി​ന​ടു​ത്ത് ചെ​ക്കി​ണി​യി​ൽ സ്ഥാ​പി​ച്ചി​ട്ടു​ള്ള മ​ഴ മാ​പി​നി​യി​ൽ നി​ന്നാ​ണ് ഇ​തു രേ​ഖ​പ്പെ​ടു​ത്തി​യി​ട്ടു​ള്ള​ത്.

ഈ ​മാ​സം ആ​റു ദി​വ​സം കൊ​ണ്ട് മാ​ത്രം 351 മി​ല്ലി​മീ​റ്റ​ർ മ​ഴ ല​ഭി​ച്ചു. ഇ​തു റെ​ക്കോ​ർ​ഡ് മ​ഴ​യാ​ണ്. ഈ ​മാ​സ​ത്തി​ലെ ശേ​ഷി​ച്ച ദി​വ​സ​ങ്ങ​ളി​ൽ ല​ഭി​ക്കു​ന്ന മ​ഴ കൂ​ടി​യാ​കു​മ്പോ​ൾ 2021 മേ​യ് മാ​സ​ത്തി​ലെ മ​ഴ​യേ​ക്കാ​ൾ മ​റി​ക​ട​ക്കു​മെ​ന്നു മ​ഴ​യും പ്ര​കൃ​തി​യെ​ക്കു​റി​ച്ചും പഠനം ന​ട​ത്തു​ന്ന ഡോ. ​പ്ര​ഫ. വാ​സു​ദേ​വ​ൻ​പി​ള്ള പ​റ​ഞ്ഞു.

ചി​ല സം​സ്ഥാ​ന​ങ്ങ​ളി​ൽ ഒ​രു വ​ർ​ഷം കി​ട്ടു​ന്ന മ​ഴ​യാ​ണ് ആ​റു ദി​വ​സം കൊ​ണ്ട് ല​ഭി​ച്ച​ത്. 2021 ലാ​ണ് ഇ​തി​നു​മു​മ്പ് മേ​യ് മാ​സ​ത്തി​ൽ കൂ​ടു​ത​ൽ മ​ഴ കി​ട്ടി​യ​ത്. 20 ദി​വ​സം പെ​യ്ത​ത് 423 മി​ല്ലീ​മീ​റ്റ​ർ മ​ഴ​യാ​യി​രു​ന്നു.

2022 മേ​യ് മാ​സ​ത്തി​ൽ 20 ദി​വ​സ​ത്തെ മ​ഴ​യി​ൽ 349 മി​ല്ലീ​മീ​റ്റ​ർ ല​ഭി​ച്ച​പ്പോ​ൾ 2020 മേ​യി​ൽ ഒ​മ്പ​ത് ദി​വ​സ​ത്തെ മ​ഴ​യി​ൽ 80 മി​ല്ലീ​മീ​റ്റ​ർ മ​ഴ​യാ​ണു​ണ്ടാ​യ​ത്. ക​ഴി​ഞ്ഞ വ​ർ​ഷം മേ​യ് മാ​സ​ത്തി​ലെ ഒ​മ്പ​തു ദി​വ​സ​ത്തെ മ​ഴ​യി​ൽ 192 മി​ല്ലീ​മീ​റ്റ​ർ മ​ഴ​യാ​യി​രു​ന്നു.

വേ​ന​ലി​ൽ ല​ഭി​ക്കു​ന്ന മ​ഴ​വെ​ള്ളം സം​ഭ​രി​ച്ച് ജ​ല​ക്ഷാ​മ​ത്തി​നു പ​രി​ഹാ​രം കാ​ണാ​ൻ ഇ​നി​യും ന​ട​പ​ടി​ക​ളി​ല്ല എ​ന്ന​ത് ഏ​റെ വി​ഷ​മി​പ്പി​ക്കു​ന്ന​താ​ണെ​ന്നു ഡോ. ​വാ​സു​ദേ​വ​ൻ​പി​ള്ള പ​റ​ഞ്ഞു.