ബ​സു​ക​ൾ നി​ർ​ത്തി​യി​ടു​ന്ന​തി​നു ഇ​ന്നുമുതൽ മാ​റ്റം
Monday, May 20, 2024 1:48 AM IST
ഒ​റ്റ​പ്പാ​ലം: അ​പ​ക​ട​ങ്ങ​ൾ നി​ത്യ​സം​ഭ​വ​മാ​യി മാ​റി​യ ന​ഗ​ര​സ​ഭ ബ​സ്റ്റാ​ൻ​ഡി​നു​ള്ളി​ൽ ഇ​ന്നു​മു​ത​ൽ ബ​സു​ക​ൾ നി​ർ​ത്തി​യി​ടു​ന്ന​തി​ൽ മാ​റ്റം. ബ​സു​ക​ൾ ഇ​പ്പോ​ൾ യാ​ർ​ഡി​ൽ നി​ർ​ത്തി​യി​ടു​ന്ന സം​വി​ധാ​ന​ത്തി​നാ​ണ് മാ​റ്റം വ​രു​ത്തി​യ​ത്.

ഇ​ന്നു​മു​ത​ൽ ബ​സു​ക​ൾ കെ​ട്ടി​ട​ത്തി​ന് അ​ഭി​മു​ഖ​മാ​യി നി​ർ​ത്തി​യി​ടാ​നാ​ണ് തീ​രു​മാ​നം. ന​ഗ​ര​സ​ഭാ​ധ്യ​ക്ഷ വി​ളി​ച്ചു​ചേ​ർ​ത്ത യോ​ഗ​ത്തി​ലാ​ണു ഇ​തു സം​ബ​ന്ധി​ച്ച തീ​രു​മാ​ന​മു​ണ്ടാ​യ​ത്. നി​ല​വി​ൽ ബ​സു​ക​ൾ യാ​ർ​ഡി​ന് അ​ഭി​മു​ഖ​മാ​യാ​ണ് നി​ർ​ത്തു​ന്ന​ത്.

യാ​ത്ര​ക്കാ​ർ യാ​ർ​ഡി​ലി​റ​ങ്ങി ന​ട​ക്കു​ന്ന​തു വി​ല​ക്കാ​നും തീ​രു​മാ​നി​ച്ചി​ട്ടു​ണ്ട്. കെ​ട്ടി​ട​ത്തി​നു അ​ഭി​മു​ഖ​മാ​യി ബ​സ് നി​ർ​ത്തു​ന്ന​തി​നാ​ൽ യാ​ത്ര​ക്കാ​ർ​ക്ക് വ​രാ​ന്ത​യി​ൽ​കൂ​ടി ന​ട​ന്ന്‌ ബ​സി​നു മു​ൻ​വ​ശ​ത്തെ ബോ​ർ​ഡ് വാ​യി​ക്കാം. ഇ​തി​ലൂ​ടെ സ്റ്റാ​ൻ​ഡി​ൽ ന​ട​ക്കു​ന്ന അ​പ​ക​ട​ങ്ങ​ൾ ഒ​ഴി​വാ​ക്കാ​മെ​ന്നാ​ണ് ക​രു​തു​ന്ന​ത്.

അ​തേ​സ​മ​യം, ബ​സ്‌​ബേ​ക​ളി​ലെ കോ​ൺ​ക്രീ​റ്റ് തി​ട്ടു​ക​ൾ, ബ​സു​ക​ൾ കെ​ട്ടി​ട​ത്തി​ന് അ​ഭി​മു​ഖ​മാ​യി തി​രി​ച്ചി​ടു​ന്ന​തി​നു ത​ട​സമാ​കു​മെ​ന്നാ​ണ് ബ​സു​ട​മ​ക​ളു​ടെ ആ​ശ​ങ്ക.

അ​ങ്ങ​നെ​യെ​ങ്കി​ൽ തി​ട്ടു​ക​ൾ പൊ​ട്ടി​ക്കാ​നും ആ​വ​ശ്യ​മാ​യ​രീ​തി​യി​ൽ സ്ഥ​ല​മൊ​രു​ക്കാ​നും തീ​രു​മാ​ന​മാ​യി​ട്ടു​ണ്ട്. ന​ഗ​ര​സ​ഭാ ബ​സ്‌​ സ്റ്റാ​ൻ​ഡി​ൽ ഇ​ട​ക്കി​ടെ​യു​ണ്ടാ​കു​ന്ന അ​പ​ക​ട​ങ്ങ​ൾ പ​രി​ഗ​ണി​ച്ചാ​ണ് പ​രി​ഷ്കാ​രം ന​ട​പ്പാ​ക്കു​ന്ന​ത്. ക​ഴി​ഞ്ഞ മാ​ർ​ച്ച് 31-ന് ​സ്റ്റാ​ൻ​ഡി​നു​ള്ളി​ൽ​വച്ച് ബ​സി​ടി​ച്ച് ഇതര സംസ്ഥാന തൊ​ഴി​ലാ​ളി മ​രി​ച്ചി​രു​ന്നു. തെ​റ്റാ​യ​ദി​ശ​യി​ൽ മ​ത്സ​രി​ച്ചോ​ടി​യ സ്വ​കാ​ര്യ​ബ​സ് ഇ​ടി​ച്ചാ​യി​രു​ന്നു മ​ര​ണം. ഇ​തേ​ത്തു​ട​ർ​ന്ന് റ​ബർ​നി​ർ​മി​ത ഹ​മ്പു​ക​ൾ സ്ഥാ​പി​ച്ചെ​ങ്കി​ലും ക​ഴി​ഞ്ഞ​ദി​വ​സം വീ​ണ്ടും അ​പ​ക​ട​മു​ണ്ടാ​യി.

സ്വ​കാ​ര്യ​ബ​സ് ക​മാ​ന​ത്തി​ലി​ടി​ച്ച് ആ​റു​പേ​ർ​ക്ക് പ​രി​ക്കേ​റ്റി​രു​ന്നു. അ​തേ സ​മ​യം ബ​സ് ക​മാ​ന​ത്തി​ലി​ടി​ച്ച​ത് ബ്രേ​ക്ക് പോ​യ​തി​നെ​ത്തു​ട​ർ​ന്നാ​ണെ​ന്നാ​ണ് സൂ​ച​ന. അ​പ​ക​ട​ത്തെ സം​ബ​ന്ധി​ച്ചു​ള്ള പോ​ലീ​സ് റി​പ്പോ​ർ​ട്ട് കി​ട്ടു​ന്ന​മു​റ​യ്ക്ക് ഇ​ന്ന് ത​ന്നെ ബ​സ് പ​രി​ശോ​ധി​ക്കു​മെ​ന്ന് മോ​ട്ടോ​ർ​വാ​ഹ​ന​വ​കു​പ്പ് അ​ധി​കൃ​ത​ർ പ​റ​ഞ്ഞു. ബ്രേ​ക്ക് ന​ഷ്ട​പ്പെ​ട്ട ബ​സ് ക​മാ​ന​ത്തി​ലി​ടി​ച്ച് നി​ർ​ത്താ​ൻ ശ്ര​മി​ക്കു​ക​യാ​യി​രു​ന്നെ​ന്നാ​ണു വി​വ​രം.

വെ​ള്ളി​യാ​ഴ്ച വൈ​കീ​ട്ടാ​ണ് സ്വ​കാ​ര്യ​ബ​സ് ക​മാ​ന​ത്തി​ലി​ടി​ച്ച് അ​പ​ക​ട​ത്തി​ൽ​പ്പെ​ട്ട​ത്.
സം​ഭ​വ​ത്തി​ൽ യാ​ത്ര​ക്കാ​രാ​യ ആ​റു​പേ​ർ​ക്ക് പ​രി​ക്കേ​റ്റി​രു​ന്നു. പാ​ല​ക്കാ​ട് ഭാ​ഗ​ത്തേ​ക്കു പോ​കു​ക​യാ​യി​രു​ന്ന ബ​സ് ക​മാ​ന​ത്തി​ലി​ടി​ച്ച് പി​റ​കി​ലേ​ക്കു​വ​ന്ന് മ​റ്റൊ​രു ബ​സി​ൽ ഇ​ടി​ച്ചു​നി​ൽ​ക്കു​ക​യാ​യി​രു​ന്നു.