പാ​ല​ക്കാ​ട്: ജി​ല്ല​യി​ലെ വ​ന്യ​ജീ​വി ആ​ക്ര​മ​ണ പ്ര​തി​രോ​ധ​വു​മാ​യി ബ​ന്ധ​പ്പെ​ട്ട് മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ നേ​തൃ​ത്വ​ത്തി​ൽ ജി​ല്ലാ ക​ള​ക്ട​റു​ടെ ചേം​ബ​റി​ൽ ഡി​എ​ഫ്ഒ മാ​രെ ഉ​ൾ​പ്പെ​ടു​ത്തി അ​ടി​യ​ന്ത​ര യോ​ഗം ചേ​ർ​ന്നു.

ക​ഴി​ഞ്ഞ ദി​വ​സം പു​ലി​യി​റ​ങ്ങി പ​ശു​വി​നെ ക​ടി​ച്ചു​കൊ​ന്ന മ​ല​ന്പു​ഴ അ​യ്യ​പ്പ​ൻ​പൊ​റ്റ​യി​ൽ ഇ​ന്ന​ലെ വൈ​കു​ന്നേ​ര​ത്തോ​ടെ കൂ​ട് സ്ഥാ​പി​ക്കു​ന്ന​തി​ന് മ​ന്ത്രി പാ​ല​ക്കാ​ട് ഡി​എ​ഫ്ഒ​യ്ക്ക് നി​ർ​ദേ​ശം ന​ൽ​കി. ഇ​തി​നാ​യി വാ​ള​യാ​ർ റേ​ഞ്ചി​ൽ നി​ന്ന് കൂ​ട് എ​ത്തി​ക്കാ​നു​ള്ള ന​ട​പ​ടി​ക​ൾ അ​ടി​യ​ന്ത​ര പ്രാ​ധാ​ന്യ​ത്തോ​ടെ ആ​രം​ഭി​ച്ചു.

പു​ലി​യി​റ​ങ്ങി​യ അ​ക​ത്തേ​ത്ത​റ ധോ​ണി​യി​ൽ നേ​ര​ത്തേ ത​ന്നെ കൂ​ട് സ്ഥാ​പി​ച്ചി​ട്ടു​ണ്ട്. പു​ലി​യെ തി​രി​ച്ച​റി​ഞ്ഞാ​ലു​ട​ൻ തു​ട​ർ ന​ട​പ​ടി​ക​ളി​ലേ​ക്ക് നീ​ങ്ങും. അ​ടി​യ​ന്ത​ര സാ​ഹ​ച​ര്യ​ങ്ങ​ളു​ണ്ടാ​യാ​ൽ ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ന്‍റെ അ​നു​മ​തി വേ​ഗ​ത്തി​ൽ ല​ഭി​ക്കു​ന്ന​തി​ന് സ​ർ​ക്കാ​ർ ത​ല​ത്തി​ൽ ഇ​ട​പെ​ട​ലു​ണ്ടാ​കു​മെ​ന്ന് മ​ന്ത്രി അ​റി​യി​ച്ചു. മ​യ​ക്കു​വെ​ടി വെ​ക്കു​ന്ന​തി​നാ​വ​ശ്യ​മാ​യ സൗ​ക​ര്യ​ങ്ങ​ളു​ണ്ടെ​ന്ന് ഡി​എ​ഫ്ഒ​മാ​ർ ഉ​റ​പ്പാ​ക്ക​ണം. മ​യ​ക്കു​ന്ന​തി​നാ​വ​ശ്യ​മാ​യ മ​രു​ന്നും വെ​റ്റ​റി​ന​റി സ​ർ​ജ​ന്‍റെ സേ​വ​ന​വും ഉ​റ​പ്പാ​ക്ക​ണം. റാ​പ്പി​ഡ് റെ​സ്ക്യൂ ടീ​മി​ന്‍റെ (ആ​ർ​ആ​ർ​ടി) സേ​വ​നം 24 മ​ണി​ക്കൂ​റും ല​ഭ്യ​മാ​ക്ക​ണം. ആ​വ​ശ്യ​മെ​ങ്കി​ൽ റ​ബ​ർ ബു​ള്ള​റ്റു​ക​ൾ ല​ഭ്യ​മാ​ക്കാ​ൻ ജി​ല്ലാ പോ​ലീ​സ് മേ​ധാ​വി​ക്ക് മ​ന്ത്രി നി​ർ​ദേ​ശം ന​ൽ​കി. പോ​ലീ​സി​ന്‍റെ ഭാ​ഗ​ത്തു നി​ന്നു​ള്ള സ​ഹ​ക​ര​ണം ജി​ല്ലാ പോ​ലീ​സ് മേ​ധാ​വി ഉ​റ​പ്പു​ന​ൽ​കി.

ഉ​പേ​ക്ഷി​ക്ക​പ്പെ​ട്ട റ​ബ​ർ, തേ​യി​ല എ​സ്റ്റേ​റ്റു​ക​ളി​ൽ അ​ടി​ക്കാ​ട് വെ​ട്ടി​ത്തെ​ളി​ക്കു​ന്ന​തി​ന് തൊ​ഴി​ലു​റ​പ്പു തൊ​ഴി​ലാ​ളി​ക​ളു​ടെ സേ​വ​നം ഉ​പ​യോ​ഗി​ക്കു​ന്ന​തി​ന് ജി​ല്ലാ ക​ള​ക്ട​ർ ഡോ. ​എ​സ്. ചി​ത്ര നി​ർ​ദേ​ശി​ച്ചു. വ​ന്യ​ജീ​വി​ക​ൾ​ക്ക് കാ​ടി​നു​ള്ളി​ൽ ജ​ല​ല​ഭ്യ​ത ഉ​റ​പ്പാ​ക്കാ​ൻ ന​ട​പ​ടി വേ​ണം. വ​നാ​തി​ർ​ത്തി​യി​ൽ മാം​സാ​വ​ശി​ഷ്ട​ങ്ങ​ളും മാ​ലി​ന്യ​വും ത​ള്ളു​ന്ന​ത് ത​ട​യാ​ൻ പ​ഞ്ചാ​യ​ത്തു​മാ​യി സ​ഹ​ക​രി​ച്ച് സം​യു​ക്ത പ​രി​ശോ​ധ​ന ന​ട​ത്ത​ണം. സാ​ധ്യ​മാ​യ ഇ​ട​ങ്ങ​ളി​ൽ ക്യാ​മ​റ സ്ഥാ​പി​ക്ക​ണം.

മ​ല​ന്പു​ഴ ഡാം ​റി​സ​ർ​വോ​യ​റി​ൽ പൊ​തു​ജ​നം ഇ​റ​ങ്ങു​ന്ന​ത് ത​ട​യാ​ൻ വേ​ലി​യും കാ​മ​റ​ക​ളും സ്ഥാ​പി​ക്ക​ണ​മെ​ന്ന് എ. ​പ്ര​ഭാ​ക​ര​ൻ എം​എ​ൽ​എ നി​ർ​ദേ​ശി​ച്ചു. സം​സ്ഥാ​ന​ത​ല​ത്തി​ൽ വ​ന്യ​ജീ​വി​ക​ളു​ടെ എ​ണ്ണം സം​ബ​ന്ധി​ച്ച് സ​ർ​വേ ന​ട​ത്തു​ന്ന​തി​ന്‍റെ സാ​ധ്യ​ത അ​ന്വേ​ഷി​ക്ക​ണ​മെ​ന്ന് മ​ന്ത്രി കെ. ​കൃ​ഷ്ണ​ൻ​കു​ട്ടി ആ​വ​ശ്യ​പ്പെ​ട്ടു. മ​നു​ഷ്യ ജീ​വി​തം അ​പ​ക​ട​ത്തി​ലാ​വാ​തി​രി​ക്കാ​നു​ള്ള എ​ല്ലാ ന​ട​പ​ടി​യും സ്വീ​ക​രി​ക്കു​മെ​ന്നും മ​ന്ത്രി പ​റ​ഞ്ഞു.

യോ​ഗ​ത്തി​ൽ അ​ഡീ​ഷ​ണ​ൽ ജി​ല്ലാ മ​ജി​സ്ട്രേ​റ്റ് സി. ​ബി​ജു, പാ​ല​ക്കാ​ട് ഡി​എ​ഫ്ഒ ജോ​സ​ഫ് തോ​മ​സ്, മ​ണ്ണാ​ർ​ക്കാ​ട് ഡി​എ​ഫ്ഒ സി. ​അ​ബ്ദു​ൾ ല​ത്തീ​ഫ്, നെന്മാ​റ ഡി​എ​ഫ്ഒ പി. ​പ്ര​വീ​ണ്‍, മ​ല​ന്പു​ഴ ഇ​റി​ഗേ​ഷ​ൻ എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ ജി. ​മോ​ഹ​ൻ, മ​റ്റു​ദ്യോ​ഗ​സ്ഥ​ർ പ​ങ്കെ​ടു​ത്തു.