ഇ​ന്നാ​ണ്... ഇ​ന്ന്...​ഇ​ന്ന്... പ്ര​തീ​ക്ഷ​യോ​ടെ ഭാ​ഗ്യാ​ന്വേ​ഷി​ക​ൾ
Wednesday, October 9, 2024 8:47 AM IST
തൃ​ശൂ​ർ: ന​ഗ​ര​മെ​ന്നോ നാ​ട്ടി​ൻ​പു​റ​മെ​ന്നോ വ്യ​ത്യാ​സ​മി​ല്ലാ​തെ പ്ര​തീ​ക്ഷ​ക​ളോ​ടെ ഭാ​ഗ്യാ​ന്വേ​ഷി​ക​ൾ ഇ​ന്ന​ത്തെ ഓ​ണം ബ​ന്പ​ർ എ​ടു​ത്തു കാ​ത്തി​രി​ക്കു​ന്നു. ഇ​ന്നു​ച്ച​ക​ഴി​ഞ്ഞ് ര​ണ്ടി​നാ​ണ് ഇ​ത്ത​വ​ണ​ത്തെ കേ​ര​ള സ​ർ​ക്കാ​രി​ന്‍റെ ഓ​ണം ബ​ന്പ​ർ ഭാ​ഗ്യ​ക്കു​റി ന​റു​ക്കെ​ടു​പ്പ്.

ന​റു​ക്കെ​ടു​പ്പി​നു​മു​ൻ​പു​ള്ള അ​വ​സാ​ന​മ​ണി​ക്കൂ​റു​ക​ളി​ൽ ഓ​ണം ബ​ന്പ​ർ വി​ല്പ​ന​യു​ടെ ക്ലൈ​മാ​ക്സ് പൊ​ടി​പൂ​ര​മാ​കു​മെ​ന്നാ​ണ് ക​ച്ച​വ​ട​ക്കാ​ർ പ​റ​യു​ന്ന​ത്.

സം​സ്ഥാ​ന​ത്ത് ഇ​തു​വ​രെ 70 ല​ക്ഷ​ത്തി​ല​ധി​കം ടി​ക്ക​റ്റു​ക​ളാ​ണ് വി​റ്റു​തീ​ർ​ന്ന​ത്. ഒ​ന്നാം​സ​മ്മാ​നം 25 കോ​ടി രൂ​പ​യാ​ണ്. ല​ക്ഷ​ക്ക​ണ​ക്കി​നു സ​മ്മാ​ന​ങ്ങ​ൾ വേ​റെ. 500 രൂ​പ​യാ​ണ് ടി​ക്ക​റ്റ് വി​ല.

ലോ​ട്ട​റി ക​ച്ച​വ​ട​ക്കാ​ർ ഹാ​പ്പി​യാ​ണ്

ന​ല്ല ക​ച്ച​വ​ട​മാ​ണ് ഇ​ത്ത​വ​ണ​യെ​ന്നു തൃ​ശൂ​ർ ന​ഗ​ര​ത്തി​ൽ വ​ർ​ഷ​ങ്ങ​ളാ​യി ലോ​ട്ട​റി വി​ൽ​ക്കു​ന്ന വ​ർ​ഗീ​സേ​ട്ട​ൻ പ​റ​യു​ന്നു. ലോ​ട്ട​റി എ​ടു​ക്കു​ന്ന ശീ​ല​മി​ല്ലാ​ത്ത​വ​ർ​വ​രെ ഓ​ണം ബ​ന്പ​ർ എ​ടു​ക്കു​ന്നു​ണ്ട്. 500 രൂ​പ ടി​ക്ക​റ്റ് തു​ക ഷെ​യ​ർ ചെ​യ്തും ഒ​റ്റ​യ്ക്കും വാ​ങ്ങു​ന്ന​വ​ർ നി​ര​വ​ധി​യാ​ണ്. കേ​ര​ള​ത്തി​ലു​ള്ള​വ​ർ​ക്കു പു​റ​മേ ഇ​ത​ര​സം​സ്ഥാ​ന​തൊ​ഴി​ലാ​ളി​ക​ളും ധാ​രാ​ള​മാ​യി ഓ​ണം ബ​ന്പ​ർ വാ​ങ്ങി​യി​ട്ടു​ണ്ട്.

കോ​ടി കി​ട്ടാ​ൻ ഒ​റ്റ​ക്കെ​ട്ട്

ഞ​ങ്ങ​ൾ പ​ത്തു​പേ​ർ ചേ​ർ​ന്ന് 50 രൂ​പ വീ​ത​മി​ട്ട് 500 ന്‍റെ ഒ​രു ടി​ക്ക​റ്റ് എ​ടു​ത്തു. കി​ട്ടു​മെ​ന്നാ​ണ് പ്ര​തീ​ക്ഷ. മ​ണി​ക്കൂ​റു​ക​ൾ എ​ണ്ണി കാ​ത്തി​രി​ക്കു​ന്നു തൃ​ശൂ​ർ ന​ഗ​ര​ത്തി​ലെ ഷോ​പ്പിം​ഗ് മാ​ളി​ലെ ഒ​രു സ്ഥാ​പ​ന​ത്തി​ലെ ജീ​വ​ന​ക്കാ​ർ പ​റ​ഞ്ഞു.

ഇ​ത്ത​ര​ത്തി​ൽ 50 രൂ​പ​യും 100 രൂ​പ​യും ഷെ​യ​റി​ട്ട് ഓ​ണം ബ​ന്പ​ർ വാ​ങ്ങി​യ​വ​രും നി​ര​വ​ധി​യാ​ണ്. ഒ​റ്റ​യ്ക്ക് 500 രൂ​പ മു​ട​ക്കി ടി​ക്ക​റ്റ് എ​ടു​ത്ത​വ​രും ധാ​രാ​ളം.

ഇ​ന്ത വാ​ട്ടി ന​മ്മ ഊ​രു​ക്കു താ​ൻ ഉ​ങ്ക ഓ​ണം ബ​ന്പ​ർ

എ​ന്നു​വ​ച്ചാ​ൽ, ഇ​ത്ത​വ​ണ ഓ​ണം ബ​ന്പ​ർ ഒ​ന്നാം​സ​മ്മാ​നം ത​ങ്ങ​ൾ കൊ​ണ്ടു​പോ​കും എ​ന്നാ​ണ് ത​മി​ഴ്നാ​ട്ടു​കാ​ർ പ​റ​യു​ന്ന​ത്. തൃ​ശൂ​ർ ന​ഗ​ര​ത്തി​ലും പ​രി​സ​ര​ത്തു​മു​ള്ള നി​ര​വ​ധി ത​മി​ഴ് തൊ​ഴി​ലാ​ളി​ക​ൾ ത​ങ്ങ​ൾ​ക്കു​മാ​കാം കോ​ടീ​ശ്വ​ര​ൻ എ​ന്ന പ്ര​തീ​ക്ഷ​യി​ൽ ഓ​ണം ബ​ന്പ​ർ എ​ടു​ത്തു​കൂ​ട്ടി​യി​ട്ടു​ണ്ട്. മു​ൻ​വ​ർ​ഷ​ങ്ങ​ളി​ൽ ത​മി​ഴ്നാ​ടി​നു ബ​ന്പ​റ​ടി​ച്ചി​ട്ടു​ള്ള​താ​ണ് ഇ​വ​ർ​ക്കു പ്ര​തീ​ക്ഷ ന​ൽ​കു​ന്ന​ത്. ത​മി​ഴ് തൊ​ഴി​ലാ​ളി​ക​ളും ഷെ​യ​റി​ട്ടും അ​ല്ലാ​തെ​യും ടി​ക്ക​റ്റു​ക​ൾ വാ​ങ്ങി​വ​ച്ചി​ട്ടു​ണ്ട്.


ന്യൂ​ജെ​ൻ പി​ള്ളേ​ർ​ക്കും പ്രി​യ​മേ​റെ

ഒ​രു ര​സം, കി​ട്ടി​യാ​ൽ ഊ​ട്ടി അ​ല്ലെ​ങ്കി​ൽ... പു​തി​യ ത​ല​മു​റ ഓ​ണം ബ​ന്പ​ർ ലോ​ട്ട​റി എ​ടു​ക്കു​ന്ന​ത് അ​ടി​ച്ചാ​ൽ അ​ടി​ച്ചു, ഇ​ല്ലെ​ങ്കി​ൽ പോ​ട്ടെ എ​ന്ന അ​ല​സ​മ​ട്ടി​ലാ​ണ്. എ​ങ്കി​ലും ലോ​ട്ട​റി വാ​ങ്ങു​ന്ന ചെ​റു​പ്പ​ക്കാ​ർ ധാ​രാ​ളം ഉ​ണ്ടെ​ന്നു ക​ച്ച​വ​ട​ക്കാ​ർ പ​റ​യു​ന്നു. എ​ന്തു​കൊ​ണ്ട് ലോ​ട്ട​റി വാ​ങ്ങു​ന്നു എ​ന്നു പു​തി​യ ത​ല​മു​റ​യോ​ടു ചോ​ദി​ച്ച​പ്പോ​ൾ, അ​ടി​ച്ചാ​ൽ കോ​ള​ടി​ച്ചി​ല്ലേ ചേ​ട്ടാ എ​ന്നാ​യി​രു​ന്നു മ​റു​ചോ​ദ്യം. ലോ​ട്ട​റി അ​ടി​ച്ചാ​ലോ എ​ന്ന ചോ​ദ്യ​ത്തി​ന്, അ​ടി​ച്ചു​പൊ​ളി​ക്കും എ​ന്ന് ഉ​ട​ൻ ഉ​ത്ത​രം.

വീ​ട്ട​മ്മ​മാ​രു​ടെ സ്വ​പ്ന​ങ്ങ​ൾ​ക്കു കോ​ടി​ത്തി​ള​ക്കം

വെ​റു​തേ ലോ​ട്ട​റി എ​ടു​ക്കു​ന്ന​ത​ല്ല കേ​ര​ള​ത്തി​ലെ വീ​ട്ട​മ്മ​മാ​ർ. പ്ര​ത്യേ​കി​ച്ച് ഓ​ണം - വി​ഷു ബ​ന്പ​റു​ക​ൾ.അ​ക്ക​മി​ട്ടു​നി​ര​ത്തി​യ ഒ​രു​പാ​ടു കാ​ര്യ​ങ്ങ​ൾ അ​വ​ർ​ക്കു ചെ​യ്തു​തീ​ർ​ക്കാ​നു​ണ്ട് ലോ​ട്ട​റി അ​ടി​ച്ചാ​ൽ...!

വീ​ട്ടു​കാ​ര്യ​ങ്ങ​ൾ​മു​ത​ൽ മ​ക്ക​ളു​ടെ ക​ല്യാ​ണം തു​ട​ങ്ങി എ​ണ്ണി​യാ​ൽ ഒ​ടു​ങ്ങാ​ത്ത പ്ര​തീ​ക്ഷ​ക​ളാ​ണ് 500 രൂ​പ​യു​ടെ ലോ​ട്ട​റി​ടി​ക്ക​റ്റി​നു​മേ​ൽ വീ​ട്ട​മ്മ​മാ​ർ ചേ​ർ​ത്തു​വ​യ്ക്കു​ന്ന​ത്. മി​ച്ചം​പി​ടി​ച്ച് എ​ടു​ത്തു​വ​ച്ച പൈ​സ​കൊ​ണ്ട് ലോ​ട്ട​റി വാ​ങ്ങി​യ വീ​ട്ട​മ്മ​മാ​രു​മു​ണ്ട്.

അ​ങ്ങ​നെ എ​ല്ലാ​വ​രും കാ​ത്തി​രി​ക്കു​ക​യാ​ണ്... ഇ​ന്ന് ഉ​ച്ച​ക​ഴി​ഞ്ഞ് അ​റി​യാം... ആ​രു​ടെ​യെ​ല്ലാം സ്വ​പ്ന​ങ്ങ​ൾ​ക്ക്, ആ​രു​ടെ​യെ​ല്ലാം പ്ര​തീ​ക്ഷ​ക​ൾ​ക്കു കോ​ടി​ക​ളു​ടെ തി​ള​ക്കം കി​ട്ടി​യെ​ന്ന്...
അ​പ്പോ​ൾ ലോ​ട്ട​റി എ​ടു​ത്ത എ​ല്ലാ ഭാ​ഗ്യാ​ന്വേ​ഷി​ക​ൾ​ക്കും ഓ​ൾ ദി ​ബെ​സ്റ്റ്!!!

സ്വ​ന്തം ലേ​ഖ​ക​ൻ