പു​ത്തൂ​ർ: മാ​ന്ദാ​മം​ഗ​ലം മു​രു​ക്കും​പാ​റ​യി​ൽ പു​ലി​യെ ക​ണ്ട​താ​യി നാ​ട്ടു​കാ​ർ. മു​രു​ക്കും​പാ​റ വെ​ള്ള​ച്ചാ​ലി​ലാ​ണ് ഇ​ന്ന​ലെ ഉച്ചകഴി ഞ്ഞു മൂ​ന്ന​ര​യോ​ടെ പു​ലി​യെ ക​ണ്ട​താ​യി നാ​ട്ടു​കാ​ർ പ​റ​യു​ന്ന​ത്. റോ​ഡി​ ലൂ​ടെ പോ​യി​രു​ന്ന സ്കൂ​ട്ട​ർയാ​ത്ര​ക്കാ​രി​യു​ടെ മു​ന്നി​ലൂ​ടെ​യാ​ണ് പുലി​യെ​ന്നു സം​ശ​യി​ക്കു​ന്ന ജീ​വി കു​റു​കെ​ച്ചാ​ടി​യ​ത്. ഭ​യ​ന്നു​പോ​യ യു​വ​തി ഉ​ട​ൻ നാ​ട്ടുകാ​രെ വി​വ​രം അ​റി​യി​ച്ചു.

തു​ട​ർ​ന്ന് സ്ഥ​ല​ത്തെ​ത്തി​യ മാ​ന്ദാ​മം​ഗ​ലം വ​നം​വ​കു​പ്പ് ഉ​ദ്യോ​ഗ​സ്ഥ​ർ ന​ട​ത്തി​യ പ​രിശോ​ധ​ന​യി​ൽ പു​ലി​യു​ടെ സാ​ന്നി​ധ്യം ക​ണ്ടെ​ത്താ​ൻ ക​ഴി​ഞ്ഞി​ല്ല. കാ​ട്ടു​പൂ​ച്ച​യാ​വാ​നാ​ണ് സാ​ധ്യ​ത​യെ​ന്ന നി​ഗ​മ​ന​ത്തി​ലാ​ണ് വ​നംവ​കു​പ്പ്. വ​രു​ന്ന ര​ണ്ടു​ദി​വ​സം സ്ഥ​ല​ത്തു വ​നംവ​കു​പ്പ് നി​രീ​ക്ഷ​ണം ന​ട​ത്തു​മെ​ന്നും പു​ലി​യു​ടെ സാ​ന്നി​ധ്യം ക​ണ്ടെ​ത്തി​യാ​ൽ സ്ഥ​ല​ത്തു നി​രീ​ക്ഷ​ണ കാ​മ​റ സ്ഥാ​പി​ക്കു​മെ​ന്നും വ​നംവ​കു​പ്പ് അ​റി​യി​ച്ചു.

നി​ര​വ​ധി നാ​ട്ടു​കാ​രാ​ണു വി​വ​ര​മ​റി​ഞ്ഞ് സ്ഥ​ല​ത്തു ത​ടി​ച്ചു​കൂ​ടി​യ​ത്. ഒ​ല്ലൂ​ർ പോ​ലീ​സും സ്ഥ​ല​ത്ത് എ​ത്തി​യി​രു​ന്നു. ക​ഴി​ഞ്ഞ ആ​ഴ്ച​യി​ൽ മ​രോ​ട്ടി​ച്ചാ​ൽ ചു​ള്ളി​ക്കാ​വി​ൽ പു​ലി​യി​റങ്ങി ​ആ​ടി​നെ പി​ടി​കൂ​ടി​യി​രു​ന്നു.