രാഹുൽ ഗാന്ധിക്ക് പിന്തുണ: പ്രകടനം നടത്തി

ചാത്തന്നൂർ: രാഹുൽഗാന്ധി നയിക്കുന്ന വോട്ട് അധികാർ യാത്രയ്ക്ക് അഭിവാദ്യം അർപ്പിച്ചു ചാത്തന്നൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പ്രകടനം നടത്തി. ചാത്തന്നൂർ മംഗളം ജംഗ്ഷനിൽ നിന്നും ആരംഭിച്ച പ്രകടനം ചാത്തന്നൂർ ജംഗ്ഷനിൽ സമാപിച്ചു.

തുടർന്ന് ചേർന്ന യോഗം ഡിസിസി ജനറൽ സെക്രട്ടറി സുഭാഷ് പുളിക്കൽ ഉദ്ഘാടനം ചെയ്തു. മണ്ഡലം പ്രസിഡന്‍റ്‌ ടി. എം. ഇക്ബാൽ അധ്യക്ഷനായി. ബ്ലോക്ക്‌ കോൺഗ്രസ്‌ വൈസ് പ്രസിഡന്‍റ്‌ ജോൺ അബ്രഹാം, ബ്ലോക്ക്‌ ജനറൽ സെക്രട്ടറിമാരായ പ്രമോദ് കാരംകോട്,

സി. എസ്. ഇക്ബാൽ, രാധാകൃഷ്ണൻ, യൂത്ത് കോൺഗ്രസ്‌ നിയോജക മണ്ഡലം സെക്രട്ടറി വിഷ്ണു ശ്യാം, യൂത്ത് കോൺഗ്രസ്‌ മണ്ഡലം പ്രസിഡന്‍റ്‌ അൻസിയ,ജോസ്, ദിലീപ്, പ്രഭാകരൻ പിള്ള തുടങ്ങിയവർ നേതൃത്വം നൽകി.

ADVERTISEMENT

കാറിനടിയിൽപ്പെട്ട് യുവാവ് മരിച്ചു

ചാത്തന്നൂർ: വീടിനു സമീപം കാർ പാർക്ക് ചെയ്ത ശേഷം പുറത്തേയ്ക്കിറങ്ങിയ യുവാവ് അതേ കാറിന് അടിയിൽപ്പെട്ടു മരിച്ചു. ചാത്തന്നൂർ നടയിൽ കിഴക്കതിൽ വീട്ടിൽ റിട്ട.അധ്യാപകൻ ജനാർദന്‍റെ മകൻ ഇലകമൺ പഞ്ചായത്ത് ഓഫീസിലെ യുഡി ക്ലാർക്ക് സജിത് കുമാർ (40) ആണ് മരിച്ചത്. ബുധനാഴ്ച രാത്രിയാണ് സംഭവം. പാർക്ക് ചെയ്ത ശേഷം കാറിന് പുറത്തിറങ്ങി പിൻഭാഗത്തേയ്ക്ക് നടക്കുമ്പോൾ നിർത്തിയിരുന്ന സ്ഥലത്തെ മണ്ണിടിഞ്ഞ് കാർ സജിത്തിന്‍റെ ദേഹത്തേയ്ക്ക് മറിയുകയായിരുന്നു. തൊട്ടടുത്തുള്ള മുള്ളുവേലിയുടെ തൂണിനും കാറിനും ഇടയിൽപ്പെട്ട് ഞെരിഞ്ഞ് മരിക്കുകയായിരുന്നു. പുലർച്ചേയാണ് നാട്ടുകാരുടെ ശ്രദ്ധയിൽപ്പെട്ടത്. പോസ്റ്റ്മോർട്ടത്തിന് ശേഷം മൃതദേഹം വീട്ടുവളപ്പിൽസംസ്കരിച്ചു. അമ്മ റിട്ട.അധ്യാപിക സരള . ഭാര്യ രാധിക (ഫുഡ് കോർപ്പറേഷൻ ഓഫ് ഇന്ത്യ) .മക്കൾ: കൃഷ്ണ, അവന്തിക. സഹോദരൻ സജികുമാർ (കെ എസ് ആർ ടി സി ).

ഓണക്കിറ്റും ഓണക്കോടി വിതരണവും

കുണ്ടറ : സമഭാവനയും സ്നേഹവും സാഹോദര്യവുമാണ് ഓണം നൽകുന്ന സന്ദേശമെന്ന് കേരള കോൺഗ്രസ് സംസ്ഥാന ജനറൽ സെക്രട്ടറിയും വിവേകാനന്ദ പുരസ്കാര ജേതാവുമായ കുളത്തൂർ രവി അഭിപ്രായപ്പെട്ടു. ജാതി,മത,വർഗ,വർണങ്ങളുടെ പേരിൽ ലോകത്തിന്‍റെ പല ഭാഗങ്ങളിലും മനുഷ്യർ തമ്മിൽ പോരടിക്കുന്ന ഇക്കാലത്ത് വിവേകാനന്ദ ദർശനങ്ങൾ പ്രസക്തമാണെന്നും അവ പിന്തുടരാൻ നാം ഓരോരുത്തരും ശ്രമിക്കണമെന്നും അദ്ദേഹം കൂട്ടിച്ചേർത്തു. വിവേകാനന്ദ സാംസ്കാരിക വേദിയുടെ നേതൃത്വത്തിൽ മുഖത്തല ഗിന്നസ് കോളജിൽ നടന്ന ഓണക്കിറ്റും ഓണക്കോടി വിതരണവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. വെങ്കിട്ട രമണൻ പോറ്റി യുടെ അധ്യക്ഷതയിൽ നടന്ന യോഗത്തിൽ ശശി തറയിൽ,ചേരൂർ രാധാകൃഷ്ണൻ, അഡ്വ.അരുൺ അലക്സ്, മുൻ പഞ്ചായത്തംഗം രാജു പിള്ള, അനിൽ പനിക്കവിള, ലിജു വിജയൻ,സന്തോഷ് കുറുപ്പ്, ജി .രഘുനാഥ്, അരുൺ.സി .കുമാർ തുടങ്ങിയവർ പങ്കെടുത്തു.

മലയാളികൾക്ക് ഓണമുണ്ണാൻ തമിഴ്നാട് വാഴയില

കൊല്ലം: എന്തെല്ലാം മാറ്റമുണ്ടായാലും മല‍യാളിക്ക് ഓണമുണ്ണാൻ വാഴയില തന്നെവേണം. ഇലയിൽ ചോറുണ്ട്, പായസംകൂടി ഒഴിച്ചൊരു പിടുത്തം പിടിച്ചാൽ മാത്രമേ മലയാളിക്കു ഓണത്തിനു തൃപ്തിയാകൂ. എന്നാൽ മലയാളികൾക്ക് ഓണമുണ്ണമെങ്കിൽ തമിഴ്നാട്ടിൽനിന്നും കർണാടകയിൽനിന്നും വാഴയില എത്തണമെന്നാണ് സത്യം. കൂടുതലും തമിഴ്നാട്ടിൽനിന്നുമാണ് എത്തുന്നത്. കേരളത്തിൽനിന്നും കുറച്ചുവാഴയില മാത്രമേ മാർക്കറ്റിൽ എത്തുന്നുള്ളൂ. ഉത്രാടം മുതലാണ് വാഴയിലയുടെ ഡിമാൻഡ് വർധിക്കുന്നത്.ഏതായാലും മുൻവർഷത്തെക്കാൾ തിരക്ക് അനുഭവപ്പെടാനുള്ള സാധ്യതയുണ്ടെന്നും കൊല്ലം നഗരത്തിലെ പ്രധാന വാഴയില വില്പനക്കാരൻ കുഞ്ഞുമോൻ പറയുന്നു. നിലവിൽ വാഴയില എട്ടുരൂപയാണ് വില. ഇത്രാടത്തോടെ വില കൂടാനുള്ള സാധ്യതയുണ്ട്. 100ന്‍റെയും 200ന്‍റെയും കെട്ടുകളുണ്ട് . വാഴയില രണ്ടായി മുറിച്ച് ഉപയോഗിക്കാൻ കഴിയുന്ന തരത്തിലുള്ള കെട്ടുകളാണ്. ഇല ശേഖരിക്കാൻ മാത്രം തിരുനെൽവേലി ഉൾപ്പെടെയുള്ള ഭാഗങ്ങളിൽ നാട്ടുവാഴ, ചക്കവാഴ ഉൾപ്പെടെയുള്ള പ്രത്യേകയിനം വാഴകളും കൃഷി ചെയ്യുന്നുണ്ട്. ഇത്തരം വാഴയിലെ കുലകൾക്ക് ആവശ്യക്കാർ കുറവാണ്. നാലു ദിവസം വരെ ഇലകൾ വാടാതിരിക്കും. പെട്ടെന്ന് കീറില്ലെന്നതും ഇത്തരം ഇലകളുടെ പ്രത്യേകതയാണ്. തിരുവനന്തപുരം, കൊല്ലം, പത്തനംതിട്ട ജില്ലകളിലേക്ക് വലിയ തോതിൽ വാഴയില കയറ്റുമതി ചെയ്യുന്നുണ്ട്. തമിഴ്‌നാട്ടിലെ തൂത്തുക്കുടി, കാവല്‍കിണര്‍, മധുര, തിരുനെല്‍വേലി എന്നിവിടങ്ങളിലെ വലിയ തോട്ടങ്ങളില്‍നിന്നാണ് കേരളത്തിലേക്ക് വാഴയില കൂടുതലായി എത്തുന്നത്. ഞാലിപ്പൂവന്‍ വാഴയുടെ ഇലയ്ക്കാണ് കൂടുതല്‍ ആവശ്യക്കാര്‍. ഇതു പെട്ടെന്നു പൊട്ടിപ്പോകില്ല, നേര്‍ത്തതുമാണ്. എളുപ്പം വാടുകയുമില്ല. ഇല ശേഖരിക്കാന്‍ മാത്രം തിരുനെല്‍വേലി ഉള്‍പ്പെടെയുള്ള ഭാഗങ്ങളില്‍ നാട്ടുവാഴ, ചക്കവാഴ ഉള്‍പ്പെടെയുള്ള പ്രത്യേകയിനം വാഴകള്‍ കൃഷി ചെയ്യുന്നുണ്ട്. മലയാളി ഓണം ആഘോഷിക്കണമെങ്കിൽ തമിഴ്നാട്ടുകാരും കർണാടകയും കനിയണമെന്നു മാത്രം.

ബോട്ട് സഞ്ചാരം ഇനി ചെമ്പകരാമനല്ലൂരിലും

അഞ്ചല്‍ : ഇടമുളയ്ക്കൽ പഞ്ചായത്തിലെ ചെമ്പകരാമനല്ലൂർ ചിറയിൽ വിനോദത്തിനും ഉല്ലാസത്തിനുമായി പെഡൽ ബോട്ടും കയാക് ബോട്ടും വരുന്നു. ലെഫ്. അമിത്ത് ഷാജി മെമ്മോറിയൽ ചാരിറ്റബിൾ ട്രസ്റ്റാണ് ബോട്ടുകൾ നൽകുന്നത്. ഒരു പെഡൽ ബോട്ടും രണ്ട് കയാക് ബോട്ടുകളും മുതിർന്നവർക്കും കുട്ടികൾക്കുമായി പത്ത് ലൈഫ് ജാക്കറ്റുകളും ഒരു ബോയ് ഉൾപ്പടെയാണ് നൽകുന്നത്. ബോട്ടുകളുടെ ഉദ്ഘാടനം ആറിനു പി. എസ്. സുപാൽ എംഎല്‍എ നിർവഹിക്കും. ബോട്ടുകളും അനുബന്ധ സാധനങ്ങളും പിന്നീട് ചെമ്പകരാമനല്ലൂർ ആർട്സ് ആന്‍റ് സ്പോർട്സ് ക്ലബിന് നൽകും. ഇടമുളയ്ക്കൽ ഗ്രാമപഞ്ചായത്തും അഞ്ചൽ ബ്ലോക്ക് പഞ്ചായത്തും സംയുക്തമായി ഒരു കോടി രൂപ ചെലവഴിച്ച് പുനരുദ്ധാരണം നടത്തിയ ചിറയിലാകും ബോട്ട് സവാരി നടക്കുക. ക്ലബ്അംഗങ്ങൾക്ക് പരിശീലനം നൽകിയതിനു ശേഷമാകും ബോട്ട് സവാരി ആരംഭിക്കുക. പരിപാലനവും തുടർ സംരക്ഷണവും നൽകുന്ന ക്ലബുകൾക്കോ സംഘടനകൾക്കോ കുതിര സവാരിക്കായി രണ്ടു കുതിരകളെ നൽകുന്നതാണെന്ന് വാർഡ് മെമ്പർ രാജീവ് കോശി അറിയിച്ചു.

കെഎംഎംഎല്‍എംഎസ് യൂണിറ്റില്‍ വിളവെടുപ്പുത്സവം സംഘടിപ്പിച്ചു

ചവറ : ഓണത്തിന് നൂറുമുറം പച്ചക്കറി എന്ന ലക്ഷ്യവുമായി കെഎംഎഎംഎല്‍ മിനറല്‍ സെപ്പറേഷന്‍ യൂണിറ്റില്‍ ജൈവം അമൃതം എന്ന പേരില്‍ നടപ്പാക്കിയ പച്ചക്കറി കൃഷിയുടെ വിളവെടുപ്പ് നടന്നു. മിനറല്‍ സെപ്പറേഷന്‍ യൂണിറ്റ് ഹെഡ് എം.യു വിജയകുമാര്‍ വിളവെടുപ്പ് ഉദ്ഘാടനം ചെയ്തു. ടിഎസ് കനാലിനോട് ചേര്‍ന്ന് കിടക്കുന്ന ഒരേക്കര്‍ ഭൂമിയിലാണ് പദ്ധതി നടപ്പാക്കിയത്. പാവല്‍, പടവലം, പച്ചമുളക്, വഴുതന, പയര്‍, വെണ്ട, തക്കാളി തുടങ്ങിയ പച്ചക്കറികളാണ് കൃഷി ചെയ്തത്. ഇടവിളയായി വെന്‍റി ജമന്തിയും കൃഷി ചെയ്തു. ഒന്നാം ഘട്ട കൃഷിയില്‍ 20 കിലോവീതം വിളവ് ലഭിച്ചു.വിജയം കൈവരിച്ച കൃഷി രണ്ടാം ഘട്ടത്തില്‍ കൂടുതല്‍ വിപുലപ്പെടുത്തും. ഒപ്പം നിര്‍ധനരായ പ്രദേശവാസികള്‍ക്ക് വിളവ് നല്‍കാനും പദ്ധതിയുണ്ട്. പന്മന പഞ്ചായത്തിന്‍റെ മികച്ച കൃഷിക്കുള്ള അവാര്‍ഡും ഇത്തവണ ജൈവം അമൃതം പദ്ധതിക്ക് ലഭിച്ചിരുന്നു. മിനറല്‍ സെപ്പറേഷന്‍ ഡിപ്പാര്‍ട്ട്‌മെന്‍റ് ഹെഡ് ടി. കാര്‍ത്തികേയന്‍, ഗ്രീന്‍സെല്‍ കണ്‍വീനര്‍ സി.പി. ഹരിലാല്‍, ഗ്രീന്‍സെല്‍ അംഗമായ രാജഗോപാല്‍, യൂണിയന്‍ നേതാക്കളായ ഗോപകുമാര്‍, സന്തോഷ്‌കുമാര്‍, സന്തോഷ്, ഫെലികസ് കമ്പനിയിലെ ഉദ്യോഗസ്ഥര്‍, ജീവനക്കാര്‍ തുടങ്ങിയവര്‍ പങ്കെടുത്തു.

അമൃതയിൽ കോൺഫറൻസ് സമാപിച്ചു

അമൃതപുരി (കൊല്ലം): നാല് ദിവസമായി അമൃത വിശ്വവിദ്യാപീഠം അമൃതപുരി കാമ്പസിൽ നടന്നുവന്ന ഇന്‍റർനാഷണൽ കോൺഫറൻസ് ഓൺ സസ്‌റ്റെയിനബിൾ ആൻഡ് റെസിലിയന്‍റ് ഫ്യൂച്ചേഴ്സിന് പരിസമാപ്തിയായി. അമൃതപുരി കാമ്പസിൽ നടന്ന പരിപാടിയുടെ സമാപന ചടങ്ങിൽ അമൃത വിശ്വവിദ്യാപീഠം വൈസ് ചാൻസലർ ഡോ. പി .വെങ്കട്ട് രങ്കൻ മുഖ്യപ്രഭാഷണം നടത്തി. നാഷണൽ ഡിസാസ്റ്റർ മാനേജ്‌മെന്‍റ്അഥോറിറ്റി (എൻ ഡി എം എ) ഫൗണ്ടർ മെമ്പർ പ്രഫ. എൻ. വിനോദ് ചന്ദ്ര മേനോൻ മുഖ്യാതിഥിയായി. ചടങ്ങിൽ പ്രൊവോസ്റ്റ് ഡോ. മനീഷ വി. രമേഷ്, അമൃതപുരി കാമ്പസ് ഡയറക്ടർ ദേവീദാസ ചൈതന്യ, പി ജി പ്രോഗ്രാംസ് ഡീൻ ഡോ. കൃഷ്ണശ്രീ അച്യുതൻ, എൻജിനീയറിങ് വിഭാഗം അസോസിയേറ്റ് ഡീൻ ഡോ. എസ്. എൻ. ജ്യോതി, അമൃത സ്‌കൂൾ ഫോർ സസ്‌റ്റെയിനബിൾ ഫ്യൂച്ചേഴ്സ് പ്രിൻസിപ്പാൾ ഡോ. എം രവിശങ്കർ എന്നിവർ പ്രസംഗിച്ചു. അന്താരാഷ്ട്ര കോൺഫറൻസിൽ ഒൻപത് ട്രാക്കുകളിലായി കാലാവസ്ഥ, പരിസ്ഥിതി പുനഃസ്ഥാപനം, സുസ്ഥിരത തുടങ്ങി വിവിധ വിഷയങ്ങളാണ് കൈകാര്യം ചെയ്തത്. കോൺഫറൻസിന്‍റെ ഭാഗമായി പ്രഗൽഭരായ എൺപതോളം പേരുടെ പ്രഭാഷണങ്ങൾ, ഹാക്കത്തോണുകൾ, സിമ്പോസിയങ്ങൾ, രാജ്യത്തെ വിവിധ എൻ ജി ഒകളെ പങ്കെടുപ്പിച്ചുകൊണ്ടുള്ള എൻ ജി ഒ കോൺക്ലേവ്, ശില്പശാലകൾ, പ്രബന്ധാവതരണങ്ങൾ, ചർച്ചകൾ എന്നിവയും നടന്നു. പൂർണമായും കാർബൺ ന്യൂട്രൽ രീതിയിലാണ് കോൺഫറൻസ് സംഘടിപ്പിച്ചത്. ഏഷ്യയിൽ തന്നെ ആദ്യമായാണ് ഇത്തരത്തിൽ കാർബൺ ന്യൂട്രൽ രീതിയിൽ കോൺഫറൻസ് സംഘടിപ്പിക്കുന്നത്. സമൂഹത്തിന്‍റെ വിവിധ തലങ്ങളിൽ സുസ്ഥിരതയും പ്രതിരോധശേഷിയും പ്രോത്സാഹിപ്പിക്കുന്നതിനും അതിനായി ജിയോ-എനേബിൾഡ് സൂചികകൾ കണ്ടെത്തുന്നതിനും പൊതുജനത്തെ പ്രയോജനപ്പെടുത്തുന്നതിനായി തയാറാക്കിയ സസ്‌റ്റെയിനബിലിറ്റി ആൻഡ് റെസിലിൻസ് ബൈ കമ്യൂണിറ്റി എൻഗേജ്മെന്‍റ് ആന്‍റ് എംപവർമെന്‍റ് പ്ലാറ്റ്ഫോം ഉൾപ്പെടെ മൂന്ന് ഡിജിറ്റൽ പ്ലാറ്റ്‌ഫോമുകളും കോൺഫറൻസിന്‍റെ ഭാഗമായി പുറത്തിറക്കി. കോൺഫറൻസിന്‍റെ ഭാഗമായി വിവിധ രാജ്യങ്ങളിൽ നിന്നുള്ളവർ അവതരിപ്പിച്ച സാംസ്കാരിക സന്ധ്യയും കലാപ്രകടനങ്ങളും വേറിട്ട കാഴ്ചയായി. ഇരുപതിലധികം രാജ്യങ്ങളിൽ നിന്നുള്ള ആയിരത്തോളം പേരാണ് കോൺഫറൻസിന്‍റെ ഭാഗമായി അമൃതപുരിയിലെത്തിയിരുന്നത്.

കാഷ്യു കോർപറേഷൻ ചെയർമാന്‍റേത് പരസ്യ കുറ്റസമ്മതം: കൊടിക്കുന്നിൽ

കൊല്ലം: കശുവണ്ടി മേഖലയിലെ തൊഴിൽ ദിനങ്ങളും ബോണസും വർധിപ്പിക്കാനായില്ലെന്ന കാഷ്യു കോർപറേഷൻ ചെയർമാൻ ജയമോഹന്‍റെ തുറന്നുപറച്ചിൽ പരസ്യ കുറ്റസമ്മതമാണെന്ന് കൊടിക്കുന്നിൽ സുരേഷ് എംപി. യുഡിഎഫ് ഭരണകാലത്ത് തൊഴിലാളികളുടെ സാമ്പത്തിക സുരക്ഷിതത്വം ഉറപ്പാക്കാൻ ബോണസിന്‍റെ പരമാവധി പരിധിയായ 20ശതമാനം കടന്ന് 2.5ശതമാനം എക്സ്ഗ്രേഷ്യ അനുവദിച്ചിരുന്നു. എന്നാൽ ഇടത് സർക്കാർ അധികാരത്തിൽ വന്ന ശേഷം അത് പൂർണമായും ഇല്ലാതാക്കി. കശുവണ്ടി മേഖലയുടെ പ്രതിസന്ധി പരിഹരിക്കുമെന്ന് വാഗ്ദാനം ചെയ്ത് വോട്ട് നേടിയെങ്കിലും, തുടർച്ചയായ പത്ത് വർഷത്തെ ഭരണത്തിലും വാഗ്ദാനങ്ങൾ പാലിക്കാൻ ഇടത് സർക്കാരിന് സാധിച്ചിട്ടില്ലെന്നും കൊടിക്കുന്നിൽ സുരേഷ് പറഞ്ഞു.

മയക്കുമരുന്നിനെതിരെ തീരദേശ ജനത ഉണരണം: ചാണ്ടി ഉമ്മൻ

കൊല്ലം: സമൂഹത്തിന്‍റെ നിലനിൽപ്പിനെയും സുസ്ഥിതിയെയും ഗുരുതരമായി ബാധിക്കുന്ന ലഹരി വിപത്തിനെതിരെ തീരദേശ ജനത ഉണരണമെന്ന് ചാണ്ടി ഉമ്മൻ എംഎൽഎ. എഫ്സിഡിപി ഡോണ്‍ബോസ്കോ ചിൽഡ്രൻസ് ഫോറം സംഘടിപ്പിച്ച ഓണാഘോഷവും ലഹരി വിരുദ്ധ കാന്പയിനും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മയക്കുമരുന്ന് ഉപയോഗത്തെയും അതുമൂലം സമൂഹത്തിലുണ്ടാക്കുന്ന വിനാശകരമായ പ്രത്യാഘാതങ്ങളെയും യുവജനങ്ങൾ തിരിച്ചറിയണം. മയക്കുമരുന്ന് രഹിത സമൂഹം സൃഷ്ടിക്കാൻ എല്ലാവരും ഒരുമിച്ച് പ്രവർത്തിക്കണമെന്ന് അദ്ദേഹം അഭ്യർഥിച്ചു. ചാണ്ടി ഉമ്മൻ കുട്ടികളോടൊപ്പം പട്ടം പറത്തി ഓണാഘോഷ പരിപാടികളിൽ പങ്കെടുത്തു. തോപ്പ് കൊടിമരം മൈതാനിയിൽ നടത്തിയ സമ്മേളനത്തിൽ ഡയറക്ടർ ഫാ. സജി ഇളന്പാശേരിയിൽ അധ്യക്ഷനായിരുന്നു. ഡിബി ടെക് ഡയറക്ടർ ഫാ. ബെഞ്ചമിൻ, എഫ്സിഡിപി ചെയർപേഴ്സണ്‍ ആഗ്നസ് ജോണ്‍, ടിഎംഎസ് പ്രസിഡന്‍റ് ലക്റ്റീഷ്യ മാർട്ടിൻ, കെസിബിസി മദ്യവിരുദ്ധ സമിതി സംസ്ഥാന സെക്രട്ടറി എ. ജെ. ഡിക്രൂസ്, നെഹ്റു സാംസ്കാരിക പഠന കേന്ദ്രം പ്രസിഡന്‍റ് സജീവ് പരിശുവിള, ഡോണ്‍ ബോസ്കോ ചിൽഡ്രൻസ് ഫോറം കോർഡിനേറ്റർ ബിന്ദു ഹാരിസണ്‍ എന്നിവർ പ്രസംഗിച്ചു. ആഘോഷങ്ങളുടെ ഭാഗമായി സംഗീത, നൃത്ത പരിപാടികളും സംഘടിപ്പിച്ചു.

ഒന്നേകാൽ കിലോ കഞ്ചാവുമായി ബംഗാൾ സ്വദേശി പിടിയിൽ

കൊല്ലം: ചിന്നക്കടയിൽ എക്സൈസ് സംഘം നടത്തിയ പരിശോധനയിൽ 1.266 കിലോഗ്രാം കഞ്ചാവുമായി ബംഗാൾ സ്വദേശി പിടിയിൽ. സൗത്ത് 24 പർഗാന ജില്ലയിലെ മധുസൂദൻപുർ സ്വദേശി പരിതോഷ് നയ്യാ (37) യെയാണ് അറസ്റ്റ് ചെയ്തത്. ഇയാളിൽ നിന്ന് 1590 രൂപയും പിടിച്ചെടുത്തു. പശ്ചിമ ബംഗാളിൽ നിന്ന് നിരന്തരം കേരളത്തിലേക്ക് കഞ്ചാവ് കടത്തുന്നയാളാണ് പ്രതി. കൊല്ലത്തെ തീരദേശ മേഖല കേന്ദ്രീകരിച്ചാണ് ഇയാൾ കഞ്ചാവ് വിൽപ്പന നടത്തിവന്നിരുന്നത്. എക്സൈസ് എൻഫോഴ്സ്മെന്‍റ് ആൻഡ് ആന്‍റിനാർക്കോട്ടിക് സ്പെഷൽ സ്ക്വാഡിന് രഹസ്യ വിവരം ലഭിച്ചതിനെ തുടർന്ന് സർക്കിൾ ഇൻസ്പെക്ടർ എസ്. ഷിജുവിന്‍റെ നേതൃത്വത്തിൽ എക്സൈസ് സൈബർ സെല്ലിന്‍റെ സഹായത്തോടെയാണ് പരിശോധന നടത്തിയത്. എക്സൈസ് ഇൻസ്പെക്ടർ സി.പി. ദിലീപ്, ഗ്രേഡ് അസിസ്റ്റന്‍റ്ഇൻസ്പെക്ടർ ജി.ശ്രീകുമാർ, പ്രിവന്‍റീവ് ഓഫീസർ പ്രസാദ് കുമാർ, സിവിൽ എക്സൈസ് ഓഫീസർമാരായ എം. ആർ. അനീഷ് , ബി.എസ്. അജിത്ത്, ബാലു എസ്. സുന്ദർ, എച്ച്. അഭിരാം , വനിതാ സിവിൽ എക്സൈസ് ഓഫീസർ വർഷ വിവേക്, ഡ്രൈവർ എസ്.കെ. സുഭാഷ് എന്നിവരും പരിശോധനാ സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി റിമാന്‍റ്ചെയ്തു.

ഓണക്കാലത്ത് മത്സ്യത്തൊഴിലാളികളെ സർക്കാർ വഞ്ചിച്ചു : മത്സ്യത്തൊഴിലാളി കോ ഓർഡിനേഷൻ

കൊല്ലം: ഓണക്കാലത്ത് മത്സ്യ ത്തൊഴിലാളികളെ സർക്കാർ വഞ്ചിച്ചിരിക്കുകയാണെന്ന് മത്സ്യത്തൊഴിലാളി കോർഡിനേഷൻ സെന്‍റർ. 2018 ൽ കേരളത്തിലെ അതി രൂക്ഷമായ പ്രളയക്കെടുതിയിൽ നിരവധി ജീവനുകൾ രക്ഷിച്ച, കേരളത്തിന്‍റെ സൈന്യം എന്നു തന്നെ വിശേഷണത്തിനർഹമായ മത്സ്യത്തൊഴിലാളികൾക്ക് യഥാസമയം സർക്കാർ ലഭ്യമാക്കേണ്ട ആനുകൂല്യങ്ങൾ നൽകാതെ ഓണക്കാലവും പഞ്ഞമാസം പോലെയാക്കി വാഗ്ദാനങ്ങൾ ജലരേഖയാക്കി വഞ്ചിച്ചിരിക്കുകയാണെന്ന് മത്സ്യത്തൊഴിലാളി കോർഡിനേഷൻ സെന്‍റർ (ടിയുസിസി) കൊല്ലം ജില്ലാ കമ്മിറ്റികുറ്റപ്പെടുത്തി. ഓണക്കാലത്ത് മത്സ്യത്തൊഴിലാളികൾക്ക് അടിയന്തിര ധനസഹായവും ആനുകൂല്യങ്ങളും അനുവദിക്കണമെന്നും ടിയുസിസി സംസ്ഥാന ജനറൽ സെക്രട്ടറി അജിത് കുരീപ്പുഴ ആവശ്യപ്പെട്ടു. ജില്ലാ കമ്മിറ്റി യോഗം ഉദ്‌ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ട്രോളിംഗ് നിരോധനം മൂലവും കപ്പൽ അപകടങ്ങളെ തുടർന്നും കടലിൽ പോകാൻ കഴിയാത്ത അവസ്ഥ സംജാതമാവുകയും ചെയ്ത സമയത്ത് മത്സ്യമേഖലയിലെ വിവിധ ട്രേഡ് യൂണിയനുകളുടെ സമ്മർദ ഫലമായി സർക്കാർ പ്രശ്ന ബാധിത പ്രദേശങ്ങളിലെ മത്സ്യ തൊഴിലാളികൾക്കും അനുബന്ധ തൊഴിലാളികൾക്കും സമാശ്വാസമായി അനുവദിച്ച 1000 രൂപയും ആറ് കിലോ അരിയും സി പി എം നേതൃത്വം നൽകുന്ന മത്സ്യത്തൊഴിലാളി സംഘങ്ങളിൽ അംഗങ്ങളായ നാമമാത്രമായ മത്സ്യത്തൊഴിലാളികൾക്ക് മാത്രമാണ് വിതരണം ചെയ്തത്. ട്രോളിംഗ് നിരോധന മാസങ്ങളും പഞ്ഞമാസങ്ങളുമായ മേയ്, ജൂൺ, ജൂലായ് മാസങ്ങളിൽ കേന്ദ്ര - സംസ്ഥാന സർക്കാരുകളുടെ സമാശ്വാസ പദ്ധതി പ്രകാരം മത്സ്യത്തൊഴിലാളികൾക്ക് 1500 രൂപ വീതം മൂന്നു മാസങ്ങളിലായി ലഭിക്കേണ്ടത് രണ്ടു ഗഡു മുടങ്ങി കിടക്കുകയാണ്. കുടിശികയുള്ള സാമൂഹ്യ പെൻഷനുകളും മറ്റ് ക്ഷേമനിധി പെൻഷനുകളും ഉൾപ്പടെയുള്ള ആനുകൂല്യങ്ങൾ എല്ലാവർക്കും നൽകുമ്പോൾ മത്സ്യത്തൊഴിലാളികൾ കടുത്ത പ്രതിസന്ധി നേരിടുകയാണ്. മത്സ്യത്തൊഴിലാളികൾക്ക് അർഹമായ നഷ്ടപരിഹാരവും മറ്റ് ആനുകൂല്യങ്ങളും ഓണത്തിന് മുമ്പ് അടിയന്തിരമായി നൽകണമെന്ന് അജിത് കുരീപ്പുഴ ആവശ്യപ്പെട്ടു. മത്സ്യത്തൊഴിലാളി കോർഡിനേഷൻ സെന്‍റർ (ടിയുസിസി) കൊല്ലം ജില്ലാ പ്രസിഡന്‍റ് ബിജു നീണ്ടകര അധ്യക്ഷത വഹിച്ചു. സഫറിൻ വാടി, വിനോദ് രാമൻകുളങ്ങര, സി. സൂര്യകല, ശക്തികുളങ്ങര ബോസ് നാരായണൻ, കുറ്റിയിൽ ഷംസുദ്ദീൻ, ശെൽവൻ ആനേഴത്ത്, യശോധരൻ ആലാട്ടുകാവ്, അജിത മരുത്തടി, അബ്ദുൾ നസീർ തലശേരി തുടങ്ങിയവർ പ്രസംഗിച്ചു.

ഐആർഇ കന്പനിയിൽ ഓണാഘോഷം

ചവറ: കേന്ദ്ര പൊതുമേഖലാ സ്ഥാപനമായ ചവറ ഐ ആർ ഇ എല്ലിൽ ഓണാഘോഷം നടത്തി . സമീപ പ്രദേശങ്ങളിൽ വിവിധ സംഘടനകൾ മുഖേന പാലിയേറ്റീവ് രോഗികൾക്കും നിർധനർക്കും ഓണകിറ്റുകൾ നൽകി ഓണാഘോഷത്തിന് തുടക്കം കുറിച്ചു. കമ്പനിയിൽ പൂക്കള മത്സരം , ഓണസദ്യ , ഗാനമേള തുടങ്ങിയ വിവിധ പരിപാടികൾ ആഘോഷത്തിന് മാറ്റ് കൂട്ടി . ജനറൽ മാനേജരും യൂണിറ്റ് ഹെഡുമായ എൻ. എസ്. അജിത് , ഡി ജി എം അനിൽകുമാർ എന്നിവർ ആഘോഷങ്ങൾക്ക് നേതൃത്വം നൽകി.

ഇളവറാംകുഴിയില്‍ ഓണാഘോഷവും കുടുംബ സംഗമവും

അഞ്ചല്‍ : ഏരൂര്‍ ഇളവറാംകുഴി കൈരളി ചാരിറ്റബിള്‍ സൊസൈറ്റിയുടെ ആറാമത് വാര്‍ഷികവും പി.കെ. ശ്രീനിവാസന്‍ മെമ്മോറിയല്‍ ലൈബ്രറിയുടെ ഓണാഘോഷവും കുടുംബസംഗമവും സംഘടിപ്പിച്ചു. മാതാ വൊക്കേഷണല്‍ ഹയര്‍ സെക്കണ്ടറി സ്കൂളില്‍ സംഘടിപ്പിച്ച ആഘോഷ പരിപാടികള്‍ മുന്‍ മന്ത്രിയും സിപിഐ നേതാവുമായ അഡ്വ . കെ. രാജു ഉദ്ഘടനം ചെയ്തു. സംഘം പ്രസിഡന്‍റ് എസ്. മോഹനദാസ് അധ്യക്ഷത വഹിച്ച ചടങ്ങില്‍ ഗ്രാമപഞ്ചായത്ത് പ്രാസിഡന്‍റ് ജി. അജിത്ത്, സ്ഥിരം സമിതി അധ്യക്ഷന്‍ ഡോണ്‍ വി രാജ്, സംഘം സെക്രട്ടറി കെ. അനിമോന്‍, ബ്ലോക്ക് പഞ്ചായത്ത് അംഗം സന്ധ്യ ബിനു, ഗ്രാമപഞ്ചായത്ത് അംഗം സുജിത അജി, മുംതാസ് നജീം, പി. വിജയന്‍ തുടങ്ങിയവര്‍ പ്രസംഗിച്ചു. ആഘോഷങ്ങളുടെ ഭാഗമായി ചികില്‍സ സഹായ വിതരണം, ഓണകിറ്റ് വിതരണം, വിദ്യാഭ്യാസ അവാര്‍ഡ് സമര്‍പ്പണം, ലാഭ വിഹിത വിതരണം എന്നിവയും നടന്നു

അയ്യപ്പ സംഗമത്തിന് പിന്നിൽ രാഷ്ട്രീയലക്ഷ്യം: കൊടിക്കുന്നിൽ

കൊല്ലം: സംസ്ഥാന സർക്കാരിന്‍റെ ആഭിമുഖ്യത്തിൽ സംഘടിപ്പിക്കുന്ന ആഗോള അയ്യപ്പ സംഗമം രാഷ്ട്രീയ ലക്ഷ്യങ്ങൾക്കായി മാത്രം ആസൂത്രണം ചെയ്ത ശ്രമമാണെന്നു കൊടിക്കുന്നിൽ സുരേഷ് എംപി. എൽഡിഎഫ് സർക്കാരിന്‍റെ കഴിഞ്ഞ ഒമ്പത് വർഷത്തെ ഭരണകാലത്ത് ശബരിമലയുടെ വികസനത്തിനോ വിശ്വാസ സംരക്ഷണത്തിനോ വേണ്ടിയുള്ള ഒരു നടപടിയും കൈക്കൊള്ളാതിരുന്ന പിണറായി സർക്കാർ ഇപ്പോൾ ആഗോള അയ്യപ്പ സംഗമവുമായി മുന്നോട്ട് വരുന്നത് വോട്ടു ബാങ്ക് രാഷ്ട്രീയത്തിനായുള്ള ശ്രമമാണ്. ശബരിമല ക്ഷേത്രത്തെ മുൻനിർത്തി ഭക്തരുടെ മനസിൽ രാഷ്ട്രീയ പ്രയോജനത്തിന് വിത്ത് വിതയ്ക്കുകയെന്നതാണ് സർക്കാരിന്‍റെ ലക്ഷ്യമെന്ന് എംപി ചൂണ്ടിക്കാട്ടി.

ആശ്രയയുടെ മക്കളെ ഓണം ഊട്ടാൻ ഇത്തവണയും അവരെത്തി

കൊട്ടാരക്കര: ആശ്രയയിലെ അന്തേവാസികൾക്ക് ഓണം ഉണ്ണാൻ ഉപ്പുതൊട്ട് ഇല വരെ ആശ്രയയിൽ എത്തി. കലയപുരം ആശ്രയ സങ്കേതത്തിൽ ആയിരത്തിഅഞ്ഞൂറോളം അന്തേവാസികളാണുള്ളത്. ഇവർക്ക് തിരുവോണ സദ്യനൽകുന്ന ചുമതല പതിവ് തെറ്റിക്കാതെ ഈ വർഷവും നെടുവത്തൂർ ഗ്രാമവാസികളും പരിസരപ്രദേശങ്ങളിൽ ഉള്ളവരും ഏറ്റെടുത്തു. 25 വർഷമായി തുടർന്നുവരുന്ന പതിവ് ഇത്തവണയും അവർ തെറ്റിച്ചില്ല. ഉപ്പ് തൊട്ട് വാഴയില വരെ എല്ലാ സാധനങ്ങളും കഴിഞ്ഞദിവസം സങ്കേതത്തിൽ എത്തിച്ചു. പതിവ് തെറ്റാതെ തിരുവോണ സദ്യ നൽകുന്നത് 25ാം വർഷത്തിലേക്ക് കടക്കുകയാണ്. കോവിഡ് കാലത്തിന് മുൻപ് വരെ നെടുവത്തൂരിൽ നിന്ന് സദ്യ തയാറാക്കി അന്തേവാസികൾക്ക് എത്തിച്ചു കൊടുക്കുകയായിരുന്നു. സദ്യക്കുള്ള സാധനങ്ങൾ ആശ്രയ ജനറൽ സെക്രട്ടറി കലയപുരം ജോസ് ഏറ്റുവാങ്ങി. തിരുവോണ ദിവസത്തെ രണ്ടു നേരത്തെ ഭക്ഷണത്തിന്‍റെ സാധനങ്ങളാണ് എത്തിച്ചത്. കൂട്ടായ്മയ്ക്ക് നേതൃത്വം നൽകുന്ന കൺവീനർ നെടുവത്തൂർ ചന്ദ്രശേഖരൻ, ഗ്രാമപഞ്ചായത്ത് അംഗം ആർ രാജശേഖരൻ പിള്ള, പ്രസിഡന്‍റ്എസ് .മോഹനൻ, ഭാരവാഹികളായ പ്രകാശ് വിലങ്ങറ, ഷിബു നാടല്ലൂർ, ജി .സന്തോഷ്, നൗഷാദ്, ടി. കുമാരി, കൊട്ടാരക്കര മുൻസിപ്പൽ ചെയർമാൻ അഡ്വ. ഉണ്ണികൃഷ്ണ മേനോൻ, മുൻ ചെയർമാൻ എസ്. ആർ .രമേശ്, കൗൺസിലർ ഫൈസൽ ബഷീർ എന്നിവർ ചടങ്ങിൽ പങ്കെടുത്തു.

ലഹരി കടത്ത് സാധ്യത : ആര്യങ്കാവിൽ പരിശോധന കർശനമാക്കി

ആര്യങ്കാവ് : ഓണനാളുകളിൽ തമിഴ്നാട് ,കര്‍ണാടക തുടങ്ങിയ സംസ്ഥാനങ്ങളിൽ നിന്നും കേരളത്തിലേക്ക് ലഹരി വസ്തുക്കളുടെ കടത്ത് ഉണ്ടാകാനുള്ള സാധ്യത മുന്നില്‍ കണ്ട് തമിഴ്നാട് അതിർത്തിയായ ആര്യങ്കാവിൽ എക്സൈസ് പരിശോധന കർശനമാക്കി. നിത്യോപയോഗ സാധനങ്ങളുടെ മറവിൽ കഞ്ചാവും മറ്റ് നിരോധിത ലഹരിവസ്തുക്കളും കൊണ്ടുവരുന്ന മുൻ അനുഭവം കണക്കിലെടുത്താണ് പരിശോധന നടത്തുന്നത്. ചെക്പോസ്റ്റിലെ ജീവനക്കാർ മൂന്നു ഷിഫ്റ്റായാണ് പരിശോധന നടത്തുന്നത്. ആന്ധ്രപ്രദേശ്, ഒഡിഷ തുടങ്ങിയ സ്ഥലങ്ങളിൽ നിന്നും ഇതു വഴി കഞ്ചാവ് വൻതോതിൽ കേരളത്തിലേക്ക് കടത്തുന്നുണ്ട്. വാഹനങ്ങളിൽ കൂടാതെ ട്രെയിൻ മാർഗവും കഞ്ചാവ് കടത്തുകാരുടെ സുഗമപാതയാണ് ആര്യങ്കാവ്. കൂടാതെ നിരോധിത പുകയില ഉൽപന്നങ്ങളും ധാരാളമായി കൊണ്ടുവരുന്നുണ്ട്. പച്ചക്കറി സാധനങ്ങളുടെ മറവിലാണ് ഇവ കൂടുതലായും കടത്തുന്നത്. നിറയെ ലോഡുമായി വരുന്ന വാഹനങ്ങളിൽ ഇത്തരം ലഹരി ഉൽപന്നങ്ങൾ കൊണ്ടുവരുന്നത് കണ്ടുപിടിക്കാനും അധികൃതർക്ക് പ്രയാസമാണ്. രഹസ്യ വിവരത്തിന്‍റെ അടിസ്ഥാനത്തിലാണ് വല്ലപ്പോഴെങ്കിലും ലഹരി വസ്തൂക്കൾ ഇവിടെ പിടികൂടുന്നത്. മറ്റൊരു അതിർത്തിയായ അച്ചൻകോവിലിലും എക്സൈസ്, പോലീസ് ജാഗ്രതയിലാണ്. വരും ദിവസങ്ങളില്‍ തമിഴനാട് പോലീസിന്‍റെ കൂടി സഹകരണം ഉറപ്പാക്കി പരിശോധന കൂടുതല്‍ ശക്തമാക്കാനാണ് അധികൃതരുടെ തീരുമാനം.

ഹൃദയരാഗം വചനവിചിന്തനം പുസ്തകപ്രകാശനം ഇന്ന്

കൊല്ലം: മയ്യനാട് കാക്കോട്ടുമൂല തിരുഹൃദയ പള്ളി വികാരി ഫാ. റൊമാന്‍സ് ആന്‍റണി രചിച്ച പുസ്തകം ഹൃദയരാഗത്തിന്‍റെ പ്രകാശനവും വിശുദ്ധ മാര്‍ഗ്രറ്റ് മേരി അലക്കോക്കിന് ഈശോ തന്‍റെ തിരുഹൃദയദര്‍ശനം നല്‍കിയതിന്‍റെ 350ാം വാര്‍ഷികം-ഹൃദയോത്സവം@2025 ഉദ്ഘാടനവും ഇന്നു നടക്കും. കാക്കോട്ടുമൂല തിരുഹൃദയ പള്ളി ഓഡിറ്റോറിയത്തില്‍ രാവിലെ 10.30നു കൊല്ലം ബിഷപ് ഡോ. പോള്‍ ആന്‍റണി മുല്ലശേരി അധ്യക്ഷത വഹിക്കുന്ന ചടങ്ങില്‍ മലങ്കര കത്തോലിക്കസഭ മേജര്‍ ആര്‍ച്ച്ബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കബാവ കൊല്ലംരൂപതാബിഷപ് എമിരിയേറ്റസ് റവ.സ്റ്റാന്‍ലി റോമനു പുസ്തകം നല്‍കി പ്രകാശനം ചെയ്യും. തിരുവനന്തപുരം മാര്‍ തിയോഫിലസ് ട്രെയിനിംഗ് കോളജ് ബര്‍സാര്‍ ഫാ. ജോണ്‍സണ്‍ പുതുവേലില്‍ പുസ്തകാവതരണം നടത്തും. ദീപിക മാനേജിംഗ് ഡയറക്ടര്‍ ഫാ. മൈക്കിള്‍ വെട്ടിക്കാട്ട്, കൊല്ലംരൂപത വികാരിജനറാള്‍ ബൈജു ജൂലിയാന്‍, എഫ്‌ഐഎച്ച് സൂപ്പീരിയര്‍ ജനറല്‍ സിസ്റ്റര്‍ റെനോറമേരി , എംഎസ്എസ്ടി സുപ്പീരിയര്‍ ജനറല്‍ സിസ്റ്റര്‍ സുജ ജോഷ്വാ, കാക്കോട്ടുമൂല ഇടവക അജപാലന സമിതി സെക്രട്ടറി ഡോ. മനോജ് അഗസ്റ്റിന്‍, വിന്‍സന്‍റ ് ഡി പോള്‍ ാെസൈറ്റി കാക്കോട്ടുമൂല കോണ്‍ഫറന്‍സ് സെക്രട്ടറി ലൈസാമ്മ വില്‍സണ്‍, കോട്ടപ്പുറം കുടുംബയോഗം പ്രതിനിധി ആദം ഫെര്‍ണാണ്ടസ് തുടങ്ങിയവര്‍ പ്രസംഗിക്കും.

ഉണങ്ങിയ മരക്കഷ്ണം റോഡിലേക്ക് വീണു

കുളത്തൂപ്പുഴ: വനംവകുപ്പിന്‍റെ ടിംബർ ഡിപ്പോ സ്ഥിതിചെയ്യുന്ന മലയോര ഹൈവേയുടെ ഓരത്ത് നിന്ന കൂറ്റൻ മരത്തിന്‍റെ ശിഖരങ്ങൾ അടർന്ന് പാതയിലേക്ക് വീണു. സംഭവസമയം പാതയിൽ കാൽനട യാത്രികരോ വാഹനങ്ങളോ ഇല്ലാതിരുന്നതിനാൽ വൻ അപകടം ഒഴിവായി. കുളത്തൂപ്പുഴ-മടത്തറ പാതയിൽ ഡിപ്പോകവലക്ക് സമീപം അപകടകരമായ നിലയിൽ നിൽക്കുന്ന മരങ്ങളും ചില്ലകളും മഴക്കാലത്തിന് മുമ്പ് വെട്ടിമാറ്റി അപകടം ഒഴിവാക്കുമെന്ന് അധികൃതർ പറഞ്ഞെങ്കിലും നടപ്പായില്ല. കഴിഞ്ഞ കുറെനാളുകളായി മരത്തിന്‍റെ ചില്ല ഒടിഞ്ഞുതൂങ്ങി ഏതുനിമിഷവും പാതയിലേക്ക് വീഴാവുന്ന നിലയിൽ കിടക്കുന്നത് ശ്രദ്ധയിൽപെട്ടപരിസര വാസികൾ വിവരം വനം വകുപ്പ് റേഞ്ച് ഓഫീസിൽ അറിയിച്ചുവെങ്കിലും നടപടിയെടുത്തില്ല. ഈ ശിഖരമാണ് കഴിഞ്ഞ ദിവസം പാതയിലേക്ക് ഒടിഞ്ഞുവീണ് ഗതാഗതതടസം സൃഷ്ടിച്ചത്. മരം റോഡിലേക്ക് വീഴുന്നശബ്ദംകേട്ട്ഓടിക്കൂടിയപരിസരവാസികളാണ്ചില്ലകളുംതടിക്കഷണങ്ങളും പാതയോരത്ത് നിന്നും മാറ്റി ഗതാഗതം പുനസ്ഥാപിച്ചത്.

കടൽ മണൽ ഖനനം കൊല്ലം തീരത്തെ സമരഭൂമിയാക്കും

കൊല്ലം: കടൽ മണൽ ഖനനത്തിന്‍റെ ആദ്യ ഘട്ടം കേരളത്തില്‍ ഏറ്റവും കൂടുതല്‍ മത്സ്യസമ്പത്ത് ഉല്‍പ്പാദിപ്പിക്കപ്പെടുന്ന കൊല്ലം തീരത്ത് നിന്ന് ആരംഭിക്കാനുള്ള സർക്കാർ നീക്കം കൊല്ലം തീരത്തെ സമരക്കളമാക്കും. ദൂരവ്യാപകമായ പ്രത്യാഘാതങ്ങള്‍ ഉണ്ടാക്കുന്ന കടൽ മണൽ ഖനനത്തിനെതിരെ മൽസ്യ തൊഴിലാളികളെ മുന്നിൽ നിർത്തി കക്ഷി രാഷ്ട്രീയ ഭേദമന്യേ സെക്രട്ടേറിയറ്റ് മാർച്ച് അടക്കമുള്ള സമര പരിപാടികൾക്ക് ഒരുങ്ങുകയാണ് മത്സ്യത്തൊഴിലാളി സംഘടനകൾ. ജിയോളജിക്കല്‍ സര്‍വേ ഓഫ് ഇന്ത്യയുടെ പഠനപ്രകാരം കേരളത്തിന്‍റെ പുറംകടലില്‍ ഖനനം ചെയ്തെടുക്കാവുന്ന 74.5 കോടി ടണ്‍ മണല്‍ശേഖരം ഉണ്ട്. അതില്‍ ആദ്യഘട്ടമെന്ന നിലയില്‍ കൊല്ലം കടലില്‍നിന്നും മുന്നൂറ് ദശലക്ഷം ടണ്‍ മണല്‍ ഖനനം ചെയ്തെടുക്കാന്‍ ഉദ്ദേശിച്ചുള്ളതാണ് പുതിയ പുറംകടല്‍ മണല്‍ ഖനന പദ്ധതി. ഖനനത്തിലൂടെ ഉണ്ടാകാവുന്ന സാമൂഹികവും പാരിസ്ഥിതികവുമായ പ്രത്യാഘാതങ്ങളെപ്പറ്റി പഠിക്കാതെയും സംസ്ഥാന സര്‍ക്കാരിന്‍റെ അഭിപ്രായം തേടാതെയുമാണ് കേന്ദ്രം കുത്തകകള്‍ക്ക് ഖനനത്തിന് അനുമതി നല്‍കിയിരിക്കുന്നതെന്നാണ് ആക്ഷേപം. പതിനായിരക്കണക്കിന് മത്സ്യത്തൊഴിലാളികളും അനുബന്ധമായി അത്രത്തോളം തന്നെ തൊഴിലാളികളും പണിയെടുക്കുന്ന സംസ്ഥാനത്തെ ഏറ്റവും വലിയ മത്സ്യബന്ധന തുറമുഖമാണ് നീണ്ടകര. പ്രതിവർഷം 5.5 ലക്ഷം ടണ്‍ മത്സ്യോല്‍പ്പാദനം കൊല്ലം തീരത്ത് നടക്കുന്നതായിട്ടാണ് കണക്ക്. ഇതിലേറിയപങ്കും വിദേശരാജ്യങ്ങളിലേക്കാണ് കയറ്റുമതി ചെയ്തുവരുന്നത്. ജില്ലയുടെ ഏറ്റവും വലിയ സാമ്പത്തിക സ്രോതസ് കൂടിയാണ് മത്സ്യബന്ധനം. കൊല്ലം കടല്‍ തീരത്തെയാണ് കടൽ മണല്‍ ഖനനത്തിന് സ്വകാര്യ മേഖലയ്ക്ക് അനുമതി നല്‍കുന്ന കേന്ദ്രസര്‍ക്കാരിന്‍റെ ഓഫ് ഷോര്‍ ഏരിയാസ് ആറ്റമിക് ആക്ടിന്‍റെ പരീക്ഷണശാലയാക്കി മാറ്റുവാൻ ശ്രമിക്കുന്നത്. ഏറെ ഗൗരവകരവും അത്യന്തം അപകടകരവുമാണിത്. മത്സ്യത്തൊഴിലാളി സമൂഹത്തിന്‍റെ നാളെയുടെ പ്രതീക്ഷകൾക്ക് മുന്നിൽ കരിങ്കൊടി ഉയർത്തുന്നതാണിത്. കടലിന്‍റെ ആവാസവ്യവസ്ഥയും ജൈവവൈവിധ്യവും മത്സ്യസമ്പത്തും കടൽ മണൽ ഖനത്തിലൂടെ നാശത്തിലേക്ക് വലിച്ചെറിയപ്പെടുമെന്ന ആശങ്കയിലാണ് തീരദേശ ദേശ നിവാസികള്‍. നഷ്ടപരിഹാരമെന്ന നിലയില്‍ നക്കാപ്പിച്ച നൽകി അവരുടെ എതിര്‍പ്പുകളെ മറികടക്കാനുള്ള നീക്കമാണ് നടക്കുന്നത്. ഖനന പ്രവർത്തിക്കായി യോഗ്യതയുള്ള ടെന്‍ഡറുകള്‍ ഓഗസ്റ്റ് 21നും സെപ്റ്റംബര്‍ രണ്ടിനുമിടയില്‍ തെരഞ്ഞെടുക്കുമെന്നാണ് അറിയിച്ചിരുന്നത്. എട്ടിന് തെരഞ്ഞെടുക്കപ്പെടുന്ന കമ്പനിയെ പ്രഖ്യാപിക്കാനിരിക്കുകയാണ്. കേരളത്തില്‍ കൊല്ലത്താണ് ആദ്യഘട്ട ഖനനത്തിന് പദ്ധതിയിട്ടിട്ടുള്ളത്. തുടർന്ന് പൊന്നാനി, ചാവക്കാട്, ആലപ്പുഴ, കണ്ണൂര്‍ കോഴിക്കോട് എന്നിവിടങ്ങളിലേക്കും ഖനനം വ്യാപിപ്പിക്കും. മത്സ്യത്തൊഴിലാളി സംഘടനകളുടെ എതിര്‍പ്പ് വകവെക്കാതെ മത്സ്യസമ്പത്തിനും ആഴക്കടല്‍ ജൈവവൈവിധ്യത്തിനും ആഘാതമേല്‍പ്പിക്കുന്ന കടല്‍മണല്‍ ഖനന നീക്കമെന്നതാണ് എടുത്ത് പറയേണ്ടത്. കൊല്ലത്തെ പുറം കടലില്‍ ആഴക്കൂടുതല്‍ ഉള്ളതിനാൽ ഖനനത്തിനായി പതിന്മടങ്ങ് ശക്തിയുള്ള ഡ്രഡ്ജറുകളാകും ഉപയോഗിക്കേണ്ടി വരിക. അവ ആഴത്തില്‍ കടല്‍ത്തറ തുരന്ന് മണല്‍ പുറത്തെടുത്ത് അരിച്ച് ആവശ്യമായവ വേര്‍തിരിച്ചെടുക്കുമ്പോള്‍ ഉണ്ടാകുന്ന പാരിസ്ഥിതിക പ്രത്യാഘാതങ്ങള്‍ ഊഹിക്കാൻ ആവുന്നതല്ല. കടലിലെ ജൈവ സമ്പന്നതയുടെ അടിസ്ഥാനത്തില്‍ വ്യത്യസ്ത സ്പെഷല്‍ സോണുകളായി തിരിച്ചതില്‍ ഒരു പ്രധാന സോണ്‍ കേരളത്തിലെ കൊല്ലം പരപ്പാണ്. ഇത് കൊല്ലം ആലപ്പുഴ ജില്ലകളിലായി 12 നോട്ടിക്കല്‍ മൈല്‍ വരെ സംസ്ഥാന സമുദ്രാതിര്‍ത്തിയിലും 200 നോട്ടിക്കല്‍ മൈല്‍ വരെ ദേശീയ സമുദ്രാതിര്‍ത്തിയിലുമായി പരന്നു കിടക്കുന്ന 3,300 ചതുരശ്രകിലോമീറ്റര്‍ കടല്‍ത്തറയാണ്. ഈ കണ്ടെത്തലാണ് കൊല്ലം നീണ്ടകര കേന്ദ്രീകരിച്ചു ഇന്‍ഡോ നോര്‍വീജിയന്‍ പ്രോജക്ടിനു തുടക്കം കുറിക്കാന്‍ വഴിയൊരുക്കുന്നത്. കടലിലെ ആവാസവ്യവസ്ഥയ്ക്ക് ഉണ്ടാകുന്ന പാരിസ്ഥിതിക തകര്‍ച്ച മറ്റിടങ്ങളിലും ദൂരവ്യാപക പ്രത്യാഘാതങ്ങള്‍ ഉണ്ടാക്കും. ഒപ്പം കടലിനെ ആശ്രയിച്ചു കഴിയുന്ന സമൂഹത്തെ നേരിട്ടു ബാധിക്കും. കൊല്ലം പരപ്പിലെ വെട്ടുകല്‍ പാരുകള്‍ മൂടിപ്പോകാനും, കടൽത്തട്ടിലെ മടകളും തൊടുവുകളും എന്നന്നേക്കുമായി ഇല്ലാതാകാനും അത് വഴിയൊരുക്കുമെന്ന് മാത്രമല്ല, കടലിന്‍റെ ആവാസ വ്യവസ്ഥയിൽ മാറ്റം ഉണ്ടാക്കാനും ഗുരുതര പരിസ്ഥിതി പ്രശ്നങ്ങൾക്കും അത് കാരണമാകും. തീരദേശവാസികളെയും കടലില്‍ ഉപജീവനം നടത്തുന്നവരെയും മാത്രമല്ല കടലിന്‍റെ ആവാസ വ്യവസ്ഥയിലുണ്ടാകുന്ന മാറ്റം കേരളത്തിന്‍റെയാകെ പരിസ്ഥിതിയെ ബാധിക്കുമെന്നുറപ്പാണ്. അതിനാൽ കടല്‍ മണല്‍ ഖനനം കൊല്ലത്തെ തീരദേശത്തിന്‍റെ ജീവിത പ്രശ്നം കൂടിയാണ്. ഈ സാഹചര്യത്തിലാണ് ഖനന നീക്കത്തെ ചെറുക്കാൻ കൊല്ലത്തെ എല്ലാ രാഷ്ട്രീയ പാർട്ടികളും രംഗത്തിറങ്ങുന്നത്.

ഓണം ആഘോഷിച്ചു

വൈഎംസിഎ ഓണാഘോഷം കുളത്തൂപ്പുഴ: കുളത്തൂപ്പുഴ വൈഎംസിഎ ഓഡിറ്റോറിയത്തിൽ നടന്ന ഓണാഘോഷ പരിപാടികൾ വൈഎംസിഎ പ്രസിഡന്‍റ് കെ. ജോണി ഉദ്‌ഘാടനം ചെയ്തു. വൈസ് പ്രസിഡന്‍റ് റോയി ഉമ്മൻ, സെക്രട്ടറി സാനു ജോർജ്, ട്രഷറർ സണ്ണി , സുനിൽ വള്ളിക്കാല തുടങ്ങിയവർ നേതൃത്വം നൽകി. വൈഎംസിഎ അംഗങ്ങളുടെ കുടുംബ സംഗമവും, വിഭവ സമൃദ്ധമായ ഓണസദ്യയും വിവിധ കലാപരിപാടികളും ഇതോടനുബന്ധിച്ച് നടന്നു. ഓണക്കിറ്റുകൾ നൽകി കൊല്ലം: ക്വയിലോൺ സോഷ്യൽ സർവീസ് സൊസൈറ്റിയുടെ നേതൃത്വത്തിൽ ആശാകിരണം കാൻസർ കെയർ പദ്ധതിയുടെ ഭാഗമായി രോഗികൾക്കുള്ള ഓണകിറ്റുകളുടെ വിതരണോദ്ഘാടനം ക്യു എസ്എസ്എസ് ഹാളിൽ കൊല്ലം രൂപത അധ്യക്ഷൻ പോൾ ആന്‍റണി മുല്ലശേരി നിർവഹിച്ചു. ക്വയിലോൺ കോൾപിംഗ് റീജയ െെന്‍റഗുണഭോക്താക്കൾക്കും തൊഴിൽ സംരംഭങ്ങൾക്കായുള്ള ഫണ്ട് വിതരണവും സോഷ്യൽ വർക്ക് വിദ്യാർഥികൾക്കുള്ള ഇ ന്‍റേ ൺഷിപ്പ് സർട്ടിഫിക്കറ്റ് വിതരണവും ഇതോടനുബന്ധിച്ച് ബിഷപ് നിർവഹിച്ചു. ക്യൂ എസ് എസ് എസ് ഡയറക്ട‌ർ ഫാ. സൈജു സൈമൺ അധ്യക്ഷത വഹിച്ച ചടങ്ങിൽ പ്രോജക്ട് ഓഫീസർ എബ്രഹാം ആശംസകൾ അറിയിച്ച് പദ്ധതികളെകുറിച്ച് വിശദീകരിച്ചു. മാനേജർ സിസ്റ്റർ പാറ്റ്സി മേരി നന്ദി പറഞ്ഞു. കൊല്ലം ഡിസിസിയിൽ ഓണം ആഘോഷിച്ചു കൊല്ലം: ഡിസിസി ഹാളിൽ ഐഎൻടിയുസി സംഘടിപ്പിച്ച ഓണാഘോഷം ഡിസിസി പ്രസിഡന്‍റ് പി. രാജേന്ദ്ര പ്രസാദ് ഉദ്ഘാടനം ചെയ്തു. ഇരവിപുരം റീജണൽ പ്രസിഡന്‍റ് എം. നൗഷാദിന്‍റെ അധ്യക്ഷതയിൽ ചേർന്ന ഓണം സ്മൃതി സംഗമത്തിൽ ഐഎൻടിയുസി ജില്ലാ പ്രസിഡന്‍റ് എ.കെ. ഹഫീസ് മുഖ്യപ്രഭാഷണം നടത്തി. കൊല്ലം ബീച്ച് ഓട്ടോ സ്റ്റാൻഡിലെ ഓട്ടോറിക്ഷ തൊഴിലാളികൾക്ക് ഐഡന്‍റിറ്റി കാർഡുകൾ വിതരണം ചെയ്തു.ഓണപ്പൂക്കളം, പായസ സദ്യ, വിവിധയിനം ഓണ പലഹാരങ്ങൾ എന്നിവയും നൽകി. പൂക്കളം തീർത്ത് ഓണാഘോഷം കൊല്ലം :വർണ പൊലിമയോടെ പൂക്കളം തീർത്തും ആനന്ദ ഗാനങ്ങൾ പാടിയും ഭിന്നശേഷിക്കാരുടെ ഓണാഘോഷം വ്യ ത്യസ്തമായി ആഘോഷിച്ചു. കൊല്ലം ക്യൂ എസ് എസ് എസ് ഹാളിൽ നടന്ന അലോഷ്യസ് മരിയ ബെൻസിഗറി െ ന്‍റ നാമത്തിൽ സ്ഥാപിച്ചിരിക്കുന്ന ഭിന്നശേഷിക്കാരുടെ കൂട്ടായ്മയാണ് ഓണാഘോഷം നടത്തിയത്. വീൽ ചെയറുകളുടെ സഹായത്തോടെയും വാഹനങ്ങളുടെ സഹായത്തോടെയും കുടുബസമേതമാണ് ഭിന്നശേഷിക്കാർ പരിപാടിക്ക് എത്തിയിരുന്നത്. ഓണാഘോഷ പരിപാടി കൊല്ലം രുപത വികാരി ജനറാൾ. ബൈജു ജൂലിയാൻ ഉദ്ഘാടനം ചെയ്തു. സിസ്റ്റർ ട്രസ്സി,സിസ്റ്റർ സ്റ്റാനി, സിസ്റ്റർ കോൺസാലറ്റാ, സിസ്റ്റർ ഹെലൻ, റോണാ റിബൈറോ, ബ്രദർ ആഗേഷ്, ബ്രദർ സ്വയാൻ, ബ്രദർ ഇമാനുവൽ എന്നിവർ പ്രസംഗിച്ചു. ഭിന്നശേഷിക്കാരുടെ മക്കളുടെ കലാപരിപാടിക്കൾക്ക് ശേഷം ഓണസമ്മാനങ്ങൾ കൈമാറി. ക്യൂ എസ് എസ് എസ് ഡയറക്ടർ ഫാ.സൈജു സൈമൺ ഓണസന്ദേശം നൽകി. തുടർന്ന് ഓണസദ്യയോടെ പരിപാടികൾ അവസാനിച്ചു.

ആരോഗ്യമേഖലയില്‍ ഏറ്റവുമധികം വികസനം നടപ്പാക്കിയ കാലഘട്ടമാണിത്: മന്ത്രി വീണാ ജോർജ്

കൊല്ലം: അഞ്ചൽ, കുമ്മിള്‍, പാരിപ്പള്ളി , എസ്.എന്‍ പുരം, പോരുവഴി തുടങ്ങിയ ആരോഗ്യകേന്ദ്രങ്ങളിലെ വിവിധ പദ്ധതികളുടെ ഉദ്ഘാടനവും അഞ്ചല്‍ സാമൂഹികാരോഗ്യകേന്ദ്രത്തില്‍ നിര്‍മിച്ച ബഹുനില ആശുപത്രിമന്ദിരം, ബ്ലോക്ക് കുടുംബാരോഗ്യ കേന്ദ്രം, പബ്ലിക് ഹെല്‍ത്ത് യൂണിറ്റ് ലാബ് എന്നിവയുടെ ഉദ്ഘാടനവും മന്ത്രി വീണാ ജോർജ് നിർവഹിച്ചു. സംസ്ഥാനത്ത് ആരോഗ്യമേഖലയില്‍ ഏറ്റവുമധികം വികസനം നടപ്പാക്കിയ കാല ഘട്ടമാണിതെന്ന് അവർ പറഞ്ഞു. പി.എസ് സുപാല്‍ എംഎല്‍എ അധ്യക്ഷത വഹിച്ചു. കുമ്മിള്‍ കുടുംബാരോഗ്യ കേന്ദ്രത്തിലെ പുതിയ കെട്ടിടം മന്ത്രി ഉദ്ഘാടനം ചെയ്തു. സംസ്ഥാനത്ത് പ്രതിവര്‍ഷം 1600 കോടിരൂപ ആരോഗ്യവകുപ്പ് സൗജന്യ ചികിത്സയ്ക്കായി ചെലവഴിക്കുന്നുവെന്നു മന്ത്രി ഉദ്ഘാടനപ്രസംഗത്തിൽ ചൂണ്ടികാട്ടി. മന്ത്രി ജെ.ചിഞ്ചുറാണി അധ്യക്ഷത വഹിച്ചു. പാരിപ്പള്ളി സര്‍ക്കാര്‍ മെഡിക്കല്‍ കോളജില്‍ വിവിധ പദ്ധതികളുടെ ഉദ്ഘാടനം ആരോഗ്യമന്ത്രി നിർവഹിച്ചു. സംസ്ഥാനത്തെ മെഡിക്കല്‍ വിദ്യാഭ്യാസമേഖലയില്‍ മികവിന്‍റെ അടയാളപ്പെടുത്തലാണ് ഇപ്പോഴുള്ളതെന്ന് അവർ ചൂണ്ടികാട്ടി. ജി.എസ്. ജയലാല്‍ എംഎല്‍എ അധ്യക്ഷത വഹിച്ചു. പവിത്രേശ്വരം ഗ്രാമപഞ്ചായത്തിലെ എസ് എന്‍ പുരം കുടുംബാരോഗ്യകേന്ദ്രത്തില്‍ പുതുതായി നിര്‍മിച്ച രണ്ടാംനിലയുടെ ഉദ്ഘാടനം മന്ത്രി വീണാ ജോര്‍ജ് നിര്‍വഹിച്ചു. മുന്‍ എംപി കെ.സോമപ്രസാദിന്‍റെ പ്രാദേശിക വികസന ഫണ്ടില്‍ ഉള്‍പ്പെടുത്തിയാണ് പദ്ധതി പൂര്‍ത്തിയാക്കിയത്. പവിത്രേശ്വരം ഗ്രാമപഞ്ചായത്ത് പ്രസിഡന്‍റ് വി.രാധാകൃഷ്ണന്‍ അധ്യക്ഷതവഹിച്ചു. പോരുവഴി കുടുംബാരോഗ്യ കേന്ദ്രത്തിന്‍റെ പുതിയ കെട്ടിടം ഉദ്ഘാടനം ആരോഗ്യമന്ത്രി നിർവഹിച്ചു. ശാസ്താംകോട്ട താലൂക്ക് ആശുപത്രിനിര്‍മാണം വേഗത്തില്‍ പൂര്‍ത്തീകരിക്കുമെന്നു മന്ത്രി അറിയിച്ചു. കോവൂര്‍ കുഞ്ഞുമോന്‍ എം എല്‍ എ അധ്യക്ഷത വഹിച്ചു.

എങ്ങും എവിടെയും തെരുവുനായ്ക്കൾ; കുളത്തൂപ്പുഴക്കാർ പൊറുതിമുട്ടി

കുളത്തൂപ്പുഴ: കുളത്തൂപ്പുഴ പഞ്ചായത്തിൽ വർധിച്ചു വരുന്ന തെരുവുനായ ശല്യത്തിന് പരിഹാരമായി വർഷങ്ങൾക്ക് മുൻപ് ജില്ലാ പഞ്ചായത്തിന്‍റെ സഹകരണത്തോടെ പഞ്ചായത്ത് പ്രഖ്യാപിച്ച തെരുവുനായ നിയന്ത്രണവും പുനരധിവാസവും പദ്ധതി വർഷങ്ങൾ കഴിഞ്ഞിട്ടും നടപ്പിലായില്ല. കുളത്തൂപ്പുഴ പഞ്ചായത്ത് 2018-19 സാമ്പത്തിക വർഷത്തെ ബജറ്റിൽ ഉൾപ്പെടുത്തി പ്രഖ്യാപിച്ച തെരുവുനായ വന്ധ്യംകരണവും പുനരധിവാസ കേന്ദ്രവും പദ്ധതിയുടെ ആദ്യഘട്ടമെന്ന നിലയിൽ പുനരധിവാസ കേന്ദ്രത്തിനായി കല്ലുവെട്ടാംകുഴിയിലെ പൊതുശ്മശാനത്തിനോട് ചേർന്ന് കെട്ടിടം നിർമിച്ചുവെങ്കിലും തുടർനടപടികൾ ഒന്നും ഉണ്ടായില്ല. പഞ്ചായത്ത് പ്രദേശത്ത് അലഞ്ഞുതിരിയുന്ന തെരുവുനായകളെ പിടികൂടി വന്ധ്യംകരണം നടത്തി ഒരാഴ്ചയോളം പുനരധിവാസ കേന്ദ്രത്തിൽ പാർപ്പിച്ച് സംരക്ഷിച്ച ശേഷം തനത് ആവാസവ്യവസ്ഥയിലേക്ക് മടക്കി അയക്കുക എന്നതായിരുന്നു പദ്ധതി. വംശവർധനവ് നിയന്ത്രിക്കാനായിരുന്നു പദ്ധതി ലക്ഷ്യം വെച്ചിരുന്നത്. കെട്ടിടനിർമാണം പൂർത്തിയാക്കി കരാറുകാരൻ തുകയും വാങ്ങി പോയതല്ലാതെ പദ്ധതി പൂർത്തീകരിക്കുന്നതിനുള്ള ഒരു തുടർനടപടിയും പഞ്ചായ ത്തി െ ന്‍റ ഭാഗത്ത് നിന്ന് ഉണ്ടായില്ല. ഗ്രാമവീഥികളിൽ ഭീതിവിതച്ച് സംഘങ്ങളായി എത്തുന്ന തെരുവുനായ്ക്കൂട്ടങ്ങളെ ഭയന്ന് വഴിനടക്കാനാവാതെ പൊതുജനം പൊറുതിമുട്ടിയിരിക്കുകയാണ് ഇപ്പോൾ. ഗ്രാമ പ്രദേശങ്ങളിലും കുളത്തൂപ്പുഴ ടൗണിൽ കെഎസ് ആർടിസി ബസ് സ്റ്റേഷനു സമീപവും പഞ്ചായത്ത് ഓഫീസ് പരിസരപ്രദേശങ്ങളിലും പകലെന്നോ രാത്രിയെന്നോ വ്യത്യാസമില്ലാതെ തെരുവുനായകളുടെ വിളയാട്ടമാണ്. സംഘം ചേർന്ന് കടിപിടികൂടി നിരത്തുകളിലേക്ക് ഓടിയിറങ്ങുന്ന നായകൾ വിദ്യാർഥികൾക്കും വഴിയാത്രക്കാർക്കും ഇരുചക്ര വാഹനങ്ങൾക്കും ഭീഷണി ഉയർത്തുകയാണ്. സന്ധ്യമയങ്ങിയാൽ കാൽനട യാത്രികർക്ക് നടന്നുപോലും കുളത്തൂപ്പുഴ ടൗണിലൂടെ പോകുവാൻ കഴിയാത്ത അവസ്ഥയാണ്. ഒരുവർഷത്തിനിടെ കുളത്തൂപ്പുഴ മേഖലയിൽ മാത്രം നിരവധി പേർക്കാണ് തെരുവുനായകളുടെ ആക്രമണത്തിൽ പരിക്കേറ്റത്. ഓരോ വർഷവും ബജറ്റ് പ്രഖ്യാപന വേളയിൽ തെരുവുനായ നിയന്ത്രണം സംബന്ധിച്ച് പ്രഖ്യാപനങ്ങളുണ്ടാകുമെങ്കിലും ഇക്കാലമത്രയും ഒരു നടപടിയും അധികൃതർ സ്വീകരിച്ചിട്ടില്ലെന്നതാണ് വസ്തുത. പൊതുജനത്തി െ ന്‍റ നികുതി പണമുപയോഗിച്ച് കെട്ടിടം നിർമിച്ച് പാമ്പു വളർത്താനായി ഉപേക്ഷിച്ചിരിക്കുകയാണ് അധികൃതർ. തെരുവുനായ നിയന്ത്രണത്തിനായി നിർമിച്ച കെട്ടിട നിർമാണം പൂർത്തിയാക്കി തെരുവുനായ്ക്കളിൽ നിന്ന് പൊതുജനങ്ങളുടെ സ്വൈര ജീവിതത്തിനു സംരക്ഷണം നൽകണമെന്നാണ് നാട്ടുകാർ ആവശ്യപ്പെടുന്നത്.

കുളത്തൂപ്പുഴ കൃഷിഭവനിൽ വിഷരഹിത പച്ചക്കറി വില്പന

കുളത്തൂപ്പുഴ: കുളത്തൂപ്പുഴ കൃഷിഭവ െ ന്‍റ ആഭിമുഖ്യത്തിൽ ഉത്രാടം നാളുവരെ കർഷകരിൽ നിന്നും നേരിട്ട് വിഷരഹിത പച്ചക്കറി ശേഖരിച്ച് 30 ശതമാനം വിലക്കുറവിൽ ഉപഭോക്താക്കളുടെ കൈകളിൽ എത്തിക്കുന്നു. കൃഷിഭവൻ അങ്കണത്തിൽ ആരംഭിച്ച ഓണച്ചന്തയുടെ ഉദ്ഘാടനം കുളത്തൂപ്പുഴ പഞ്ചായത്ത് പ്രസിഡന്‍റ് പി. ലൈല ബീവി പഞ്ചായത്ത് അംഗം ശോഭനയ്ക്ക് ആദ്യ വില്പന നടത്തി നിർവഹിച്ചു. പഞ്ചായത്ത് അംഗം സാബു ഏബ്രഹാം, ഷീജ റാഫി, പി. ആർ. സന്തോഷ് കുമാർ, വെജിറ്റബിൾ ക്ലസ്റ്റർ ജയപ്രകാശ്, സക്കറിയ, സഹദേവൻ, കൃഷി ഓഫീസർ എം.വി. മേഘ തുടങ്ങിയവർ പ്രസംഗിച്ചു.

അമീബിക് മസ്തിഷ്‌ക ജ്വരം : ജാഗ്രതയും പ്രതിരോധവും പ്രധാനം: ജില്ലാ കളക്‌ടർ

കൊല്ലം: ജില്ലയില്‍ അമീബിക് മസ്തിഷ്‌ക ജ്വരത്തി െന്‍റ ഭീഷണിനേരിടാന്‍ അതീവജാഗ്രത അനിവാര്യമെന്ന് ജില്ലാ കളക്ടർ എന്‍. ദേവിദാസ്. ആരോഗ്യ വകുപ്പി െ ന്‍റ മേല്‍നോട്ടത്തില്‍ പ്രതിരോധ പ്രവര്‍ത്തനങ്ങള്‍ ഈ സാഹചര്യത്തിൽ ഊര്‍ജിതമാക്കി. വിവിധ ആരോഗ്യ സ്ഥാപനങ്ങള്‍ കേന്ദ്രീകരിച്ച് ജലം ശുദ്ധീകരിക്കുന്നതിനുള്ള കാമ്പയിന്‍ തുടങ്ങി. രോഗലക്ഷണങ്ങളായ കഠിനമായതലവേദന, കടുത്തപനി, തൊണ്ടവേദന, ഓക്കാനം, ഛര്‍ദി, മയക്കം എന്നിവ ശ്രദ്ധയില്‍പെട്ടാല്‍ ആരോഗ്യ വകുപ്പുമായി ബന്ധപ്പെട്ട് വിദഗ്ധ ചികിത്സ തേടണം.ജലം ക്ലോറിനേറ്റ് ചെയ്ത് അണുവിമുക്തമാക്കുന്നതിലൂടെ അമീബിക് മസ്തിഷ്‌ക ജ്വരം ഉള്‍പ്പെടെയുള്ള രോഗങ്ങളുടെ വ്യാപനം തടയാന്‍ കഴിയും. രോഗം ഒരാളില്‍ നിന്ന് മറ്റൊരാളിലേക്ക് നേരിട്ട് പകരില്ലെങ്കിലും ജലസ്രോതസുകളിലൂടെയും മലിനജലത്തിലൂടെയും പകരാന്‍ സാധ്യതയുണ്ട്. മണ്ണും ചെളിയുമായുള്ള സമ്പര്‍ക്കത്തിലൂടെയും രോഗം പകരാമെന്ന് ആരോഗ്യവകുപ്പ് വ്യക്തമാക്കിയിട്ടുണ്ട്. ആരോഗ്യസ്ഥാപനങ്ങള്‍, തദ്ദേശസ്വയംഭരണസ്ഥാപനങ്ങള്‍, ആശാപ്രവര്‍ത്തകര്‍, കുടുംബശ്രീപ്രവര്‍ത്തകര്‍, സന്നദ്ധപ്രവര്‍ത്തകര്‍ എന്നിവരുടെ സഹകരണത്തോടെയാണ് കാമ്പയിന്‍ തുടരുന്നത്. ജില്ലയിലെ മുഴുവന്‍ വീടുകളിലെയും സ്ഥാപനങ്ങളിലെയും കിണറുകള്‍ ക്ലോറിനേറ്റ് ചെയ്യുകയും ടാങ്കുകള്‍ വൃത്തിയാക്കുകയും ചെയ്യുന്നതിന് നടപടിയായി. വിപുലമായ ജലപരിശോധനയും തുടര്‍നടപടികളും ബോധവത്കരണ പ്രവര്‍ത്തനങ്ങളും നടത്തും. സ്‌കൂളുകളിലും ബോധവത്കരണം ഊര്‍ജിതമാക്കും. പൊതുജലസ്രോതസുകള്‍ ശുചിയാക്കുന്നതിനോടൊപ്പം അവയിലേക്ക് മാലിന്യം ഒഴുകിവരുന്നത് തടയാനുള്ള സംവിധാനവും ഏര്‍പെടുത്തുമെന്ന് ജില്ലാ കളക്ടർ വ്യക്തമാക്കി.

ആക്രികൾക്കിടയിൽ നിന്നും കിട്ടിയ സ്വർണം ഉടമയ്ക്ക് തിരികെ നൽകി

കൊട്ടിയം:ആക്രി സാധനങ്ങൾക്കിടയിൽ നിന്നും കിട്ടിയ സ്വർണം ഉടമയെ കണ്ടെത്തി തിരിച്ചേൽപ്പിച്ച് ആക്രിക്കട ഉടമയും ഓട്ടോ ഡ്രൈവറും സത്യസന്ധതയുടെ ആൾരൂപങ്ങളായി. മൈലാപൂരിൽ ആക്രിക്കട നടത്തുന്ന നിസാറും നവാസ് എന്ന ഓട്ടോ ഡ്രൈവറുമാണ് സത്യസന്ധതയ്ക്ക് മാതൃകയായത്. ഉമയനല്ലൂർ പാർക്ക് മുക്ക് നെടിയവിള വീട്ടിൽ രാജുവിന്‍റെ വീട്ടിൽ നിന്നും ഓട്ടോ ഡ്രൈവർ നവാസി ന്‍റെ കൈവശം വിൽക്കാൻ ഏൽപ്പിച്ച ആക്രി സാധനങ്ങൾ കോട്ടമുറിയിൽ നിസാറി െന്‍റ ആക്രിക്കടയിൽ വിൽക്കാനായി കൊണ്ട് ചെന്നപ്പോഴാണ് സാധനങ്ങൾക്കിടയിൽ സ്വർണ പെട്ടിയും ഉണ്ടെന്നു അറിയുന്നത്. നിസാർ പെട്ടി തുറന്ന് നോക്കിയപ്പോൾ അതിനുള്ളിൽ ഒരു സ്വർണമാലയും രണ്ട് മോതിരവും ഒരു ഏലസും ഉണ്ടായിരുന്നു. എല്ലാംകൂടി ആറ് പവനുണ്ടായിരുന്നു. ഉടൻ തന്നെ ഇവർ വിവരം പഞ്ചായത്ത് അംഗം ഉമയനല്ലൂർ റാഫിയെ അറിയിക്കുകയും റാഫി ആക്രിസാധനങ്ങൾ വിൽക്കാൻ ഏൽപ്പിച്ച രാജുവുമായി ബന്ധപ്പെടുകയും കൊട്ടിയം പോലീസിനെ വിവരം അറിയിക്കുകയുമാണ് ഉണ്ടായത്. കാൻസർ ബാധിതയായി മരിച്ച രാജുവിന്‍റെ ഭാര്യ അനിതയുടെ സ്വർണാഭരണങ്ങൾ ആയിരുന്നു ഇത്. ഇവർ ഏതാനും വർഷങ്ങൾക്കു മുൻപാണ് മരണമടയുന്നത്. അനിതയുടെ മരണത്തിന് ശേഷം വീട്ടുകാർ സ്വർണാഭരണങ്ങൾ തിരക്കിയെങ്കിലും കണ്ടെത്താൻ കഴിഞ്ഞിരുന്നില്ല. സ്വർണം ലഭിച്ച വിവരമറിഞ്ഞ് പോലീസ് സ്റ്റേഷനിൽ എത്തിയ രാജു ആഭരണങ്ങൾ തിരിച്ചറിഞ്ഞു. തുടർന്ന് കൊട്ടിയംപോലീസ് ഇൻസ്പെക്ടർ പ്രദീപി െന്‍റ നിർദേശപ്രകാരം എസ്ഐ നിതിൻ നള െ ന്‍റയും പഞ്ചായത്തംഗം മുഹമ്മദ് റാഫിയുടേയും സാന്നിധ്യത്തിൽ നിസാറും നവാസും ചേർന്ന് സ്വർണാഭരണങ്ങൾ രാജുവിന് കൈമാറി. ആക്രിക്കട ഉടമയേയും ഓട്ടോ ഡ്രൈവറേയും പോലീസ് ആദരിച്ചാണ് മടക്കി അയച്ചത്.

മത്സ്യത്തൊഴിലാളികൾക്ക് 1000 രൂപയും അരിയും വാഗ്ദാനം ജലരേഖയായി

അജി വള്ളിക്കീഴ് കൊല്ലം: കപ്പൽ അപകടങ്ങളെ തുടർന്നു പ്രശ്ന ബാധിതരായ മത്സ്യത്തൊഴിലാളി കുടുംബങ്ങൾക്കുള്ള ആയിരം രൂപയും ആറുകിലോ അരിയും എന്ന വാഗ്ദാനം ജലരേഖയായി. കപ്പൽ ദുരന്തത്തിൽ കണ്ടെയ്നറുകൾ കടലിൽ വീണതോടെ മത്സ്യബന്ധനം തന്നെ മുടങ്ങിയ അവസ്ഥയിലാണ് പ്രശ്ന ബാധിതരായ മത്സ്യ ത്തൊഴിലാളികൾക്കും അനുബന്ധ തൊഴിലാളികൾക്കും 1000 രൂപയും ആറ് കിലോ അരിയും സമാശ്വാസമായി നൽകുമെന്ന് സർക്കാർ പ്രഖ്യാപനം ഉണ്ടാവുന്നത്. കപ്പൽ അപകടത്തെ തുടർന്നു കടലിൽ പോകാൻ കഴിയാതെയും സങ്കീണമായ തുടർന്നുള്ള നാളുകളിൽ കടലിൽ പോയി വലകൾക്കും യാനങ്ങൾക്കും ബോട്ടുകൾക്കും ലക്ഷക്കണക്കിനു രൂപയുടെ നാശനഷ്‌ടങ്ങൾ ഉണ്ടായ മത്സ്യത്തൊഴിലാളികൾക്കും സർക്കാർ ഇതേവരെ യാതൊരു സഹായവും നൽകിയിട്ടില്ല. ട്രോളിംഗ് നിരോധനം പിൻവലിക്കുന്ന സാഹചര്യത്തിൽ മത്സ്യബന്ധനത്തിനു പോകാനാവാതെ കഷ്‌ടത്തിലായ മത്സ്യത്തൊഴിലാളി കുടുംബങ്ങൾക്ക് ആശ്വാസമായിട്ടാണ് 1000 രൂപയും ആറ് കിലോ അരിയും സർക്കാർ വാഗ്ദാനം ചെയ്യുന്നത്. കൊല്ലം,തിരുവനന്തപുരം,ആലപ്പുഴ, എറണാകുളം ജില്ലകളിലെ പ്രശ്ന ബാധിതരായ മത്സ്യത്തൊഴി ലാളി കുടുംബങ്ങൾക്കു മുഖ്യമന്ത്രിയുടെ വാഗ്ദാനം ഉണ്ടാവുന്നതു പുതിയ അധ്യയന വർഷം കുട്ടികളെ സ്കൂളിൽ ചേർക്കുന്ന സമയത്തായിരുന്നു. കിട്ടുന്ന ചെറിയ സഹായം കൊണ്ട് കുട്ടികൾക്ക് സ്കൂൾ ബാഗുകൾ എങ്കിലും വാങ്ങാമെന്നു കരുതി കാത്തിരുന്ന മത്സ്യത്തൊഴിലാളികൾക്ക് നിരാശയായിരുന്നു ഫലം. മത്സ്യത്തൊഴിലാളികൾ 20 നോട്ടിക്കൽ ഒഴിവാക്കി മത്സ്യബന്ധനം നടത്തണമെന്നും കപ്പൽ അപകടം സംസ്ഥാന ദുരന്തമായി പ്രഖ്യാപിച്ചതായും അറിയിച്ച സർക്കാർ, ദുരന്ത ബാധിതരായ മത്സ്യത്തൊഴിലാളികൾക്ക് മറ്റൊരു സഹായവും നൽകാൻ ഇതുവരെ കൂട്ടാക്കിയിട്ടില്ല. പ്രഖ്യാപിച്ച നാമമാത്ര സഹായം ആവട്ടെ സിപിഎം നേതൃത്വം നൽകുന്ന മത്സ്യത്തൊഴിലാളി സംഘങ്ങളിൽ അംഗങ്ങളായ നാമമാത്രമായവർക്ക് മാത്രമാണ് വിതരണം ചെയ്തത്. മരുത്തടി ഡിവിഷനിൽ 12 കുടുംബങ്ങൾക്കും ശക്തികുളങ്ങര ഡിവിഷനിൽ എട്ടുകുടുംബങ്ങൾക്കും മീനത്ത് ചേരി ഡിവിഷനിൽ ഏഴു കുടുംബങ്ങൾക്കും മാത്രമാണ് 1000 രൂപയും ആറ് കിലോ അരിയും കിട്ടിയത്. സർക്കാർ വാഗ്ദാനം വഞ്ചനയായെന്നാണ് കൊല്ലം തീരത്ത് ഏറ്റവും കൂടുതൽ മത്സ്യത്തൊഴിലാളി കളുള്ള ഡിവിഷനുകളിലെ കൗൺസിലർമാർ കുറ്റപ്പെടുത്തുന്നത്. വിരലിൽ എണ്ണാവുന്ന കുടുംബങ്ങൾക്കു മാത്രമാണ് സഹായം കിട്ടിയതെന്നു കൗൺസിലർമാർ പറയുന്നു. കപ്പൽ ദുരന്തവുമായി ബന്ധപ്പെട്ടു നഷ്ടപരിഹാരത്തിനായി മത്സ്യത്തൊഴിലാളി സംഘടനകൾ കോടതിയെ സമീപിച്ചതോടെ സഹായ വിതരണം നിർത്തിവെക്കുകയായിരുന്നു.

ചെണ്ടുമല്ലിപ്പൂ വിളവെടുപ്പ് ഉത്സവം നടത്തി

ചവറ : മടപ്പളളി വാര്‍ഡിലെ കുടുംബശ്രീ ഭൂമിക കൃഷിക്കൂട്ടം കൃഷി ചെയ്ത ചെണ്ടുമല്ലിപൂ വിളവെടുപ്പ് ഉത്സവം സുജിത് വിജയന്‍പിളള എംഎല്‍എ നിര്‍വഹിച്ചു. ചടങ്ങില്‍ വാര്‍ഡ് മെമ്പര്‍ ജി.ആര്‍.ഗീത, കുടുംബശ്രീ ചെയര്‍പേഴ്സണ്‍ പ്രിയ ജോണ്‍, ബ്ലോക്ക് കോ-ഓര്‍ഡിനേറ്റര്‍മാരായ മായ,ദേവി, എസ്.ജാസ്മി , റീന, രാധ, പത്മ, ഉഷ എന്നിവരും പങ്കെടുത്തു.

കിളികൊല്ലൂരിലെ പോലീസ് മർദനം : തത്‌സ്ഥിതി റിപ്പോർട്ട് ഹാജരാക്കണമെന്ന്

കൊല്ലം : സൈനികനും സഹോദരനും കിളിക്കൊല്ലൂർ പോലീസ് സ്റ്റേഷനിൽ നിന്നും മർദ്ദനമേറ്റെന്ന പരാതിയിൽ കേസിന്‍റെ തത്സ്ഥിതി റിപ്പോർട്ട് ഹാജരാക്കണമെന്നു മനുഷ്യാവകാശ കമ്മീഷൻ അംഗം വി. ഗീത കൊല്ലം ജില്ലാ പോലീസ് മേധാവിക്കു നിർദേശം നൽകി. 15 ദിവസത്തിനകം റിപ്പോർട്ട് സമർപ്പിക്കണമന്ന് കമ്മീഷൻ ഉത്തരവിൽ പറഞ്ഞു. സംഭവത്തിൽ മനുഷ്യാവകാശ കമ്മീഷന്‍റെ അന്വേഷണ വിഭാഗം അന്വേഷണം നടത്തി റിപ്പോർട്ട് സമർപ്പിച്ചു. പി. സി. വിഷ്ണുനാഥ് എംഎൽഎ, ബി. കെ. മാത്യു, വിഘ്നേഷ്, അബി ആബേൽ, അഡ്വ. ദേവദാസ് എന്നിവർ സമർപ്പിച്ച പരാതികൾ ഒരുമിച്ചു പരിഗണിച്ച കമ്മീഷൻ കേസിൽ തുടർനടപടി സ്വീകരിക്കുന്നതിന് വേണ്ടിയാണ് തത്‌സ്ഥിതി റിപ്പോർട്ട് ആവശ്യപ്പെട്ടത്. സൈനികൻ വിഷ്ണുവിനും സഹോദരൻ വിഘ്നേഷിനുമാണ് മർദ്ദനമേറ്റത്. 2022 ഒക്ടോബർ 19 നാണ് സംഭവം.

അയ്യൻകാളി ജയന്തിയും അവിട്ടദിന ആഘോഷവും ആറിന്

കൊല്ലം: കെപിഎംഎസിന്‍റെ നേതൃത്വത്തിൽ അയ്യൻകാളി ജയന്തിയും അവിട്ടദിന ആഘോഷവും ആറിന്. വെളിയം യൂണിയനിൽ നടക്കുന്ന അനുസ്മരണ സമ്മേളനം മന്ത്രി കെ.എൻ.ബാലഗോപാൽ, എംഎൽഎമാരായ സി.ആർ. മഹേഷ്, സുജിത്ത് വിജയൻ പിള്ള , പി.സി. വിഷ്ണുനാഥ്, എം.നൗഷാദ് , ജി.എസ്. ജയപാലൻ, പി.എസ്. സുപാൽ , കോവൂർ കുഞ്ഞുമോൻ , കൊട്ടാരക്കര നഗരസഭചെയർമാൻ അഡ്വ. ബി. ഉണ്ണികൃഷ്‌ണമേനോൻ, പത്തനാപുരം ഹോർട്ടികോർപ്പ് ചെയർമാൻ എസ്. വേണുഗോപാൽ, ശൂരനാട് ജില്ലാ പഞ്ചായത്ത് പ്രസിഡന്‍റ് ഡോ. പി.കെ. ഗോപൻ, കൊല്ലം മേയർ ഹണി ബഞ്ചമിൻ, അഞ്ചൽ കശുവണ്ടി വികസന കോർപറേഷൻ ചെയർമാൻ എസ്. ജയമോഹനൻ, പെരിനാട് കൊല്ലം കോർപറേഷൻ ഡെപ്യൂട്ടി മേയർ എസ്. ജയൻ, മാധ്യമ പ്രവർത്തകൻ പി.കെ. അനിൽകുമാർ തുടങ്ങിയവർ പങ്കെടുക്കും.

കൊല്ലം - ചെന്നൈ എഗ്‌മോർ ട്രെയിൻ എൽഎച്ച്ബി കോച്ചിലേക്ക്

കൊല്ലം: കൊല്ലത്ത് നിന്ന് പുനലൂർ വഴി ചെന്നൈ എഗ്മൂർ റൂട്ടിൽ സർവീസ് നടത്തുന്ന എക്സ്പ്രസ് (16101/16102) ട്രെയിനും എൽഎച്ച്ബി കോച്ചിലേയ്ക്ക്. നവംബർ 18 മുതൽ ഈ ട്രെയിൻ ആധുനിക സൗകര്യങ്ങളുള്ള എൽഎച്ച്ബി കോച്ചുകളുമായി സർവീസ് ആരംഭിക്കും. നിലവിൽ കാലപ്പഴക്കം ചെന്ന ഐസിഎഫ് കോച്ചുകളുമായാണ് ഈ ട്രെയിൻ ഓടുന്നത്. ഇത് മാറ്റണമെന്ന് ആവശ്യപ്പെട്ട് യാത്രക്കാരുടെ സംഘടനയായ ഫ്രണ്ട്സ് ഓൺ റെയിൽസ് മന്ത്രി അശ്വിനി വൈഷ്ണവിനും റെയിൽവേ ബോർഡ് ചെയർമാനും കൊടിക്കുന്നിൽ സുരേഷ് എംപിക്കും നിവേദനങ്ങൾ നൽകിയിരുന്നു. തുടർന്ന് വണ്ടിയിൽ എൽഎച്ച്ബി കോച്ചുകൾ ഏർപ്പെടുത്താൻ റെയിൽവേ ബോർഡ് തീരുമാനിക്കുകയായിരുന്നു. ട്രെയിൻ ചെന്നൈ എഗ്മോറിന് പകരം താംബരം വരെയാണ് നിലവിൽ സർവീസ് നടത്തുന്നത്. ഉച്ചയ്ക്ക് 12 നാണ് ഈ വണ്ടി കൊല്ലത്ത് നിന്ന് പുറപ്പെട്ടിരുന്നത്. എന്നാൽ യാത്രക്കാരുടെ ആവശ്യവും സൗകര്യവും പരിഗണിച്ച് ഈ മാസം ഒന്നു മുതൽ വൈകുന്നേരം നാലിനാണ് കൊല്ലത്ത് നിന്ന് പുറപ്പെടുന്നത്.

ഹരിതഓണം ശുചിത്വ പൂക്കളം ചലഞ്ചുമായി ശുചിത്വ മിഷന്‍

കൊല്ലം: ഓണഘാഷം വൃത്തിയുടെയും പരിസ്ഥിതി സംരക്ഷണത്തി െ ന്‍റയും ആഘോഷമാക്കാന്‍ പൂക്കളം ചലഞ്ചുമായി ശുചിത്വമിഷന്‍. ‘മഹാബലി വൃത്തിയുടെ ചക്രവര്‍ത്തി, ഓണം ഹരിത ഓണം' എന്ന ആശയത്തെ മുന്‍നിര്‍ത്തിയാണ് പൂക്കള മത്സരം. കേരളത്തി െ ന്‍റ സമത്വം, ഐക്യം, പ്രകൃതിയോടുള്ള സൗഹൃദം എന്നീ മൂല്യങ്ങള്‍ ഉയര്‍ത്തുന്നതിനൊപ്പം ശുചിത്വമാലിന്യ സംസ്‌കരണ സംവിധാനവുമായി ബന്ധപ്പെട്ട നൂതന ആശയങ്ങളെ പ്രോത്സാഹിപ്പിക്കുന്നതിനാണ് ശുചിത്വ മിഷന്‍ ഓണപ്പൂക്കള മത്സരം 2025 സംഘടിപ്പിക്കുന്നത്. സെപ്റ്റംബര്‍ ഏഴ് വരെ നടക്കുന്ന മത്സരത്തില്‍ ‘മാലിന്യമുക്തം നവകേരളം' എന്ന ആശയത്തെ അടിസ്ഥാനമാക്കി മാലിന്യ സംസ്‌കരണം, തരംതിരിക്കല്‍, മാലിന്യങ്ങളുടെ അളവു കുറയ്ക്കല്‍, പാഴ് വസ്തുക്കളുടെ പുനരുപയോഗം, പുനചംക്രമണം, ഹരിത കര്‍മസേനയുടെ പ്രവര്‍ത്തനം, ദേശീയ ശുചിത്വ സര്‍വേയിലെ കേരളത്തി െന്‍റ നേട്ടങ്ങള്‍ എന്നിവയുമായി ബന്ധപ്പെട്ട ആശയങ്ങളാണ് പൂക്കളങ്ങളിൽ അവതരിപ്പിക്കേണ്ടത്. ജില്ലാതലത്തില്‍ ഒന്നാം സ്ഥാനത്തിന് 10,000 രൂപയും സംസ്ഥാന തലത്തില്‍ ഒന്നാം സ്ഥാനത്തിന് 25,000 രൂപയുമാണ് സമ്മാനം. പ്രകൃതിദത്തമായ പൂക്കളും ഇലകളും മറ്റ് വസ്തുക്കളും മാത്രം ഉപയോഗിച്ചാണ് പൂക്കളം തയ്യാറാക്കേണ്ടത്. പ്ലാസ്റ്റിക്, രാസവസ്തുക്കള്‍, കൃത്രിമ അലങ്കാരങ്ങള്‍ എന്നിവ ഒഴിവാക്കണം. പൂക്കളത്തിന്‍റെ മാത്രം വ്യക്തമായ ഒരു ചിത്രവും, അത് നിര്‍മിച്ചവരുമായി ചേര്‍ന്ന് മറ്റൊരു ചിത്രവും സോഷ്യല്‍ മീഡിയ പേജുകളില്‍ അപ്‌ലോഡ് ചെയ്യണം. ജില്ലാ ശുചിത്വ മിഷ െ ന്‍റ പേജ് ടാഗ് ചെയ്യുക. ഒരാള്‍ക്ക് ഒരു എന്‍ട്രി മാത്രമേ അയക്കാനാകൂ. എന്‍ട്രികള്‍ pookalamkollam25 @gmail.com എന്ന ഇ മെയിലേക്ക് ഡോക്യുമെന്‍റ്ഫയലായും അയക്കണമെന്ന് ശുചിത്വ മിഷന്‍ ജില്ലാ കോർഡിനേറ്റര്‍ അറിയിച്ചു.

ബിഷപ് ജെറോം ഇൻസ്റ്റിറ്റ്യൂട്ട് ആർക്കിടെക്‌ചർ ബ്ലോക്ക് ഉദ്ഘാടനം ഇന്ന്

കൊല്ലം: ബിഷപ് ജെറോം ഇൻസ്റ്റിറ്റ്യൂട്ടിന്‍റെ പുതിയ ആർക്കിടെക്‌ചർ ബ്ലോക്ക് ഇന്നു വൈകുന്നേരം മൂന്നരയ്ക്കു കൊല്ലം ബിഷപ് ഡോ. പോൾ ആന്‍റണി മുല്ലശേരി ഉദ്ഘാടനം ചെയ്യുമെന്നു ഭാരവാഹികൾ പത്രസമ്മേളനത്തിൽ അറിയിച്ചു. ലോകോത്തര നിലവാരത്തിലുള്ള അക്കാഡമിക അന്തരീക്ഷം ഉറപ്പു വരുത്തുന്നതിനായി എല്ലാവിധ ആധുനിക സൗകര്യങ്ങളോടുകൂടിയാണ് ഈ പുതിയ ബ്ലോക്ക് നിർമിച്ചിരിക്കുന്നത്. ക്രിയേറ്റീവ് ഡിസൈൻ സ്റ്റുഡിയോകൾ, ആർട്ടിഫിഷ്യൽ ഇൻ്റലിജൻസ് (എഐ) സജീകരിച്ച ലാബുകൾ, ഡിജിറ്റൽ ഡിസൈൻ സെന്‍ററുകൾ, വിശാലമായ സെമിനാർ ഹാളുകൾ, സ്മാർട്ട് ക്ലാസ് മുറികൾ, വിദ്യാഭ്യാസ പ്രദർശനങ്ങൾക്കും അക്കാഡമിക ചർച്ചകൾക്കും അനുയോജ്യമായ ആധുനിക ഓഡിയോ-വിഷ്വൽ സൗകര്യങ്ങളോടുകൂടിയ ആംഫി തിയേറ്റർ, ഡിജിറ്റൽ ലൈബ്രറി, കാന്‍റീൻ എന്നിവ ഈ ബ്ലോക്കിൽ ഉൾപ്പെടുത്തിയിരിക്കുന്നു. പത്രസമ്മേളനത്തിൽ കോളജ് പ്രിൻസിപ്പൽ ഡോ. എ.ആർ. അനിൽ, ആർക്കിടെക്റ്റ് വിഭാഗം വകുപ്പ് മേധാവി പ്രഫ.വി.എസ്. അതുൽ , പിആർഒ ബിബി ഫിലിപ്പ് തുടങ്ങിയവർ പങ്കെടുത്തു.

ഫ്രാൻസിസ് സേവ്യർ സ്മൃതി പുരസ്കാരം കെ.എസ്. ബിജുകുമാറിന്

ചവറ: കരുനാഗപ്പളളി താലൂക്കിലെ മികച്ച ഗ്രന്ഥശാല പ്രവർത്തകന് മേക്കാട് എ വൺ ഗ്രന്ഥശാല ഏർപ്പെടുത്തിയ ഫ്രാൻസിസ് സേവ്യർ സ്മൃതി പുരസ്കാരത്തിന് കെ.സി. പിള്ള സ്മാരക ഉദയ ഗ്രന്ഥശാല സെക്രട്ടറി കെ.എസ്. ബിജുകുമാർ അർഹനായി. എ വൺ ഗ്രന്ഥശാലയുടെ നേതൃതലങ്ങളിൽ ദീർഘകാലം പ്രവർത്തിച്ചിരുന്ന ഫ്രാൻസിസ് സേവ്യറിന്‍റെ സ്മരണ നിലനിർത്തുന്നതിനുള്ള ഈ അവാർഡ് 5001 രൂപയും പ്രശസ്തി ഫലകവും ഉൾപ്പെട്ടതാണ്. മൂന്നിന് നടക്കുന്ന ഓണാഘോഷ ത്തോടനുബന്ധിച്ചുള്ള വാർഷിക പൊതുസമ്മേളനത്തിൽ താലൂക്ക് ലൈബ്രറി കൗൺസിൽ സെക്രട്ടറി വി. വിജയകുമാർ പുരസ്കാര സമർപ്പണം നടത്തും. സുജിത്ത് വിജയൻ പിള്ള എംഎൽഎ ഉദ്ഘാടനം ചെയ്യും. ജീവകാരുണ്യ പ്രവർത്തകൻ ശക്തികുളങ്ങര ഗണേശനെ ചടങ്ങിൽ ആദരിക്കും. ഗ്രന്ഥശാല പ്രസിഡന്‍റ് എസ്.രാധാകൃഷ്ണൻ ചടങ്ങിൽ അധ്യക്ഷനാകും. സമ്മേളനത്തിൽ ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരി, കേരള യൂണിവേഴ്സിറ്റി സിൻഡിക്കേറ്റ് അംഗം ജി.മുരളീധരൻ, കെഎംഎംഎൽ (എംഎസ് യൂണിറ്റ് ) എച്ച്ഒഡി കാർത്തികേയൻ, കോവിൽത്തോട്ടം ഇടവക വികാരി ഫാ.ജോസഫ് ഡാനിയേൽ, ഫിറോസ് നല്ലാന്തറ തുടങ്ങിയവർ പങ്കെടുക്കും. കാൻസർ രോഗികൾക്കുളള ചികിത്സാ സഹായം, നിർധന വിധവകൾക്കുള്ള ഓണക്കിറ്റ്, വിദ്യാഭ്യാസ മെരിറ്റ് അവാർഡ്, കിടപ്പ് രോഗികൾക്കുള്ള ചികിത്സാ ധനസഹായം എന്നിവ സമ്മേളനത്തിൽ വിതരണം ചെയ്യുമെന്നും നാലിന് ഓണസദ്യയും വിവിധ കലാപരിപാടികളും നടത്തുമെന്നും ഭാരവാഹികളായ യോഹന്നാൻ ആന്‍റണി,എസ്.രാധാകൃഷ്ണൻ, ജെയിംസ് ജോസഫ് തുടങ്ങിയവർ അറിയിച്ചു.

കൊല്ലം പ്രസ് ക്ലബിൽ ഓണാഘോഷം

കൊല്ലം: കൊല്ലം പ്രസ് ക്ലബിൽ ഓണാഘോഷം സംഘടിപ്പിച്ചു. ജില്ലകളക്ടർ എൻ.ദേവീദാസ്‌ ഉദ്‌ഘാടനം ചെയ്‌തു. എംഎൽഎമാരായ എം.ന‍ൗഷാദ്‌, പി.സി. വിഷ്‌ണുനാഥ്‌, കശുവണ്ടി വികസന കോർപറേഷൻ ചെയർമാൻ എസ്‌. ജയമോഹൻ എന്നിവർ അതിഥികളായി. പ്രസ് ക്ലബ് പ്രസിഡന്‍റ് ഡി. ജയകൃഷ്‌ണൻ അധ്യക്ഷനായി. സെക്രട്ടറി സനൽ ഡി. പ്രേം സ്വാഗതവും ട്രഷറർ കണ്ണൻ നായർ നന്ദിയും പറഞ്ഞു. തുടർന്ന് വിവിധ കലാപരിപാടികൾ അരങ്ങേറി.

ചിന്നക്കട ബസ് ബേയിൽ മിനി ശീതളപാനീയ ബൂത്ത് പരിഗണിക്കണം: മനുഷ്യാവകാശ കമ്മീഷൻ

കൊല്ലം : ചിന്നക്കട ഹെഡ് പോസ്റ്റ് ഓഫീസിന് സമീപമുള്ള ബസ് ബേ കെട്ടിടത്തിനുള്ളിൽ ഒരു മിനി ശീതള പാനീയ ബൂത്ത് സ്ഥാപിക്കുന്നത് നഗരസഭയും ടൗൺ വെന്‍റിംഗ് കമ്മറ്റിയും പരിഗണിക്കണമെന്ന് മനുഷ്യാവകാശ കമ്മീഷൻ അംഗം വി. ഗീത ഉത്തരവിട്ടു. തിരക്കേറിയ സ്ഥലമാണ് ഇതെന്നും യാത്രക്കാർക്ക് ബസ് ബേ കെട്ടിടത്തിനുള്ളിൽ ഒരു ശീതളപാനീയ ബൂത്ത് സ്ഥാപിക്കുന്നത് ഉചിതമായിരിക്കുമെന്നും ഉത്തരവിൽ പറഞ്ഞു. സ്വീകരിച്ച നടപടികളെ കുറിച്ച് രണ്ടു മാസത്തിനകം കൊല്ലം കോർപറേഷൻ സെക്രട്ടറി കമ്മീഷനെ അറിയിക്കണം. ശീതളപാനീയ ബൂത്ത് സ്ഥാപിക്കണമെന്നാവശ്യപ്പെട്ട് 25 ഓളം പേർ ഒപ്പിട്ട് സമർപ്പിച്ച പരാതിയിലാണ് ഉത്തരവ്. ജില്ലയിലെ തന്നെ ഇതിലും വലിപ്പം കുറഞ്ഞ ബസ് ബേകളിൽ ബൂത്തുകൾ പ്രവർത്തിക്കുന്നുണ്ടെന്നും പരാതിക്കാർ അറിയിച്ചു. കമ്മീഷൻ കോർപറേഷൻ സെക്രട്ടറിയിൽ നിന്നും അന്വേഷണ റിപ്പോർട്ട് വാങ്ങി. പോസ്റ്റ് ഓഫീസ് കെട്ടിടത്തിന് സമീപമുള്ള ബസ് ബേയുംപരിസര പ്രദേശങ്ങളും വഴിയോര കച്ചവടം നിരോധിക്കേണ്ട സ്ഥലങ്ങളുടെ പട്ടികയിൽ ഉൾപ്പെട്ടതാണെന്നും ടൗൺ വെന്‍റിംഗ് കമ്മറ്റി കച്ചവട നിരോധിത മേഖലയായി തീരുമാനിച്ചിട്ടുണ്ടെന്നും റിപ്പോർട്ടിൽ പറയുന്നു. എന്നാൽ ബസ് ബേക്കുള്ളിൽ സ്ഥാപിച്ചിട്ടുള്ള റാമ്പിന് സമീപം മിൽമ ബൂത്തിന് സ്ഥലം അനുവദിക്കാവുന്നതാണെന്നും ഇല്ലെങ്കിൽ ആളുകൾ മാലിന്യം കൂട്ടിയിട്ട് ഉപദ്രവമായി മാറുമെന്നും ജില്ലാ കളക്ടർക്ക് ചിലർ അപേക്ഷ നൽകിയിട്ടുണ്ട്. ബൂത്ത് സ്ഥാപിക്കുന്നതു കൊണ്ട് ഗതാഗതകുരുക്കുണ്ടാവില്ലെന്ന് റോഡ് സേഫ്റ്റി അഥോറിറ്റിയും മനുഷ്യാവകാശ കമ്മീഷനെ അറിയിച്ചു. ബസ് ബേയിൽ ബൂത്ത് സ്ഥാപിക്കുന്നതിൽ നഗരസഭ മുമ്പെടുത്ത തീരുമാനം പുനഃപരിശോധിക്കണമെന്ന് കമ്മീഷൻ നിർദേശിച്ചു. തെക്കേവിള സ്വദേശികളായ പോളയിൽ രവി, കെ. രാജമ്മ എന്നിവർ സമർപ്പിച്ച പരാതിയിലാണ് നടപടി.

വിശപ്പിനു വിട: തീരദേശത്ത് കാരുണ്യത്തിന്‍റെ നദി ഹൃദയപൂര്‍വം ഒഴുകുന്നു

ജോണ്‍സണ്‍ വേങ്ങത്തടം കൊല്ലം: പൊതിച്ചോറിന്‍റെ വിലയറിയുന്നവരാണ് ഈ തീരദേശത്തുള്ള എല്ലാം നഷ്ടപ്പെട്ടവര്‍. എല്ലാ ദിവസവും വീട്ടിലേക്കു കയറിവന്നു പൊതിച്ചോറുനല്കുന്ന ഈ കാരുണ്യമുഖം വേണ്ടുവോളം ആസ്വദിക്കുന്നവരാണ് ഈ പട്ടിണിപാവങ്ങള്‍. ഒരു ദിവസം പോലും പട്ടിണി എന്താണെന്ന് ഇന്നവരറിയുന്നില്ല. ഇതില്‍ ജാതിമതഭേദമേന്യ എല്ലാവരുമുണ്ട്. ഡോണ്‍ബോസ്‌കോ സലേഷ്യന്‍ (എസ്ഡിബി)സഭയിലെ വൈദികരുടെ നേതൃത്വത്തിലുള്ള പള്ളിത്തോട്ടം കനാല്‍റോഡിലെ ഫിഷര്‍മെന്‍ കമ്യൂണിറ്റി ഡവലപ്‌മെന്‍റ് പ്രോഗ്രാം ആന്‍ഡ് തീരദേശ മഹിളാ സൊസൈറ്റിയുടെ കീഴിലാണ് വിശപ്പിനുവിട എന്ന പദ്ധതി നടപ്പിലാക്കിവരുന്നത്. എനിക്കു വിശന്നു നിങ്ങള്‍ എനിക്കു ഭക്ഷിക്കാന്‍ തന്നുവെന്ന ഒറ്റ വചനം മാത്രമായിരുന്നു ഈ പ്രസ്ഥാനത്തിനു വിത്തിടുമ്പോള്‍ ഇവരുടെ മനസിലുണ്ടായിരുന്നത്. നൂറുക്കണക്കിനു വയറുകളെ തീറ്റിപ്പോറ്റാന്‍ കഴിഞ്ഞില്ലെങ്കിലും ഒരാളെങ്കിലും പട്ടിണിയില്ലാതെ കിടക്കുന്നതുകാണാനുള്ള കൊതിയായിരുന്നു ഇതിനുപിന്നില്‍. ഒമ്പതുവര്‍ഷംമുമ്പു ഫാ. ജോബി സെബാസ്റ്റ്യന്‍റെ കാലത്താണ് വിശപ്പിനുവിട എന്ന പദ്ധതി ആരംഭിക്കുന്നത്. ഇന്നു ഫാ. സജി ഇളമ്പാശേരില്‍ എസ്ഡിബി ഡയറക്ടറായി മുന്നോട്ടു കൊണ്ടുപോകുന്ന പദ്ധതിയിലൂടെ 150 ഓളം വീടുകളിലെ ആരുമില്ലാത്ത വയോജനങ്ങള്‍, രോഗികള്‍, തളര്‍ന്നുകിടക്കുന്നവര്‍, മക്കള്‍ ഉപേക്ഷിച്ച മാതാപിതാക്കള്‍ തുടങ്ങിയവരെ കണ്ടെത്തി പൊതിച്ചോറു നേരിട്ടെത്തിക്കുന്നു. ചോറുമാത്രമല്ല, വിശേഷദിവസങ്ങളില്‍ ബിരിയാണി, പായസം, പഴവര്‍ഗങ്ങള്‍, സ്‌പെഷല്‍ ഭക്ഷണങ്ങളെല്ലാം ഇവരുടെ മുന്നിലെത്തിക്കും. പുതിയ ഡ്രസും മരുന്നുമെല്ലാം ഇവരുടെ ആവശ്യത്തിനെത്തിക്കാനും ഇവര്‍ മടിക്കാറില്ല. ഇരവിപുരം മുതല്‍ തങ്കശേരിയും പ്രാന്തപ്രദേശങ്ങളിലുമാണ് ഭക്ഷണ പാക്കറ്റുകള്‍ വിതരണംചെയ്യുന്നത്. വീട്ടമ്മമാരുടെ ഒരു സംഘം തന്നെയുണ്ട് ഇതിനു പിന്നില്‍. വെളുപ്പിനെ നാലിനു കമ്യൂണിറ്റി കിച്ചന്‍ ആരംഭിക്കും. രാവിലെ ഒമ്പരയ്ക്കുമുന്നേ എല്ലാം റെഡിയാകും.11.30നു തുടങ്ങി ഉച്ചക്ക് ഒന്നിനു വിതരണം പൂര്‍ത്തിയാക്കും. ചോറ്, ഇറച്ചി അല്ലെങ്കില്‍ മീന്‍, തോരന്‍, അച്ചാറ്, ഒഴിച്ചുകറി ( രസം അല്ലെങ്കില്‍ മോര്), അവിയല്‍, കപ്പ തുടങ്ങിയെല്ലാം ഇതിലുണ്ടാകും. ഓരോ ദിവസവും മെനുമാറുന്നുണ്ട്. ഫിഷര്‍മെന്‍ കമ്യൂണിറ്റി ഡവലപ്‌മെന്‍റ് പ്രോഗ്രാം ചെയര്‍പേഴ്‌സണ്‍ ആഗ്നസ് ജോണും തീരദേശ മഹിളാ സൊസൈറ്റിയുടെ പ്രസിഡന്‍റ് ലെറ്റിഷ്യാ മാര്‍ട്ടിനുമാണ്. എന്നാല്‍ വിശപ്പിനു വിടയുടെ കോര്‍ഡിനേറ്റര്‍ മിനി മേരി, പ്രോഗ്രാം മാനേജര്‍ ഗ്രേറ്റ രാജു, കമ്യൂണിറ്റി കിച്ചന്‍റെ സൂപ്പര്‍വൈസര്‍ സിന്ധുജറാള്‍ഡ്, സെലിന്‍ ജ്ഞാനപ്രകാശ്, റാണി അലക്‌സാണ്ടര്‍, സീമ ആന്‍റണി തുടങ്ങിയവരുടെ കഠിനാധ്വാനമാണ് ഈ പൊതിച്ചോറിനുപിന്നിലുള്ളത്. എല്ലാ ഭവനത്തിലും നേരിട്ടെത്തിക്കാന്‍ ദിവസവും 35 ലധികം കിലോമീറ്റര്‍ ഓട്ടോറിക്ഷ ഓടിക്കുന്നതു സെല്‍വറാണി എന്ന പ്രവര്‍ത്തകയാണ്. അര്‍ഹതപ്പെട്ടവരില്‍ പൊതിച്ചോറ് എത്തുന്നുവെന്നതാണ് വിശപ്പിനു വിട എന്ന പദ്ധതിയുടെ പ്രത്യേകത. പൊതിച്ചോറുനല്‍കണമെന്ന ഒരു ശിപാര്‍ശ വന്നാല്‍ ഇതുപരിശോധിക്കാന്‍ ഒരു സംഘം തന്നെയുണ്ട്. ഇവര്‍ പ്രാദേശിക സംഘങ്ങളുമായി ബന്ധപ്പെട്ടു പരിശോധിച്ചശേഷം മാത്രമേ അര്‍ഹതപ്പെട്ടവര്‍ക്കു നല്കാറുള്ളൂ.ഒരു വര്‍ഷത്തേക്കാണ് ഈ പദ്ധതി ആരംഭിച്ചത്. എന്നാല്‍ ഒമ്പതുവര്‍ഷമായിട്ടും നിന്നുപോകാതെ ഇതിനെ പരിപാലിക്കുന്നതു നാട്ടുകാരായ സ്പോൺസർമാരാണ്. ഒന്നുമില്ലായ്മയിൽ നിന്നും സഹായം ചെയ്യുന്നവരുമുണ്ട്. കൊല്ലത്തുതന്നെയുള്ള കുറച്ചാളുകള്‍ ഈ പദ്ധതിക്കുവേണ്ടി സഹായം ചെയ്യുന്നതുകൊണ്ടാണ് നിന്നുപോകാത്തത്. ജന്മദിനങ്ങള്‍, വിവാഹവാര്‍ഷികം, ചരമവാര്‍ഷികം ഇത്തരം ദിവസങ്ങളിലും സഹായം എത്തിക്കുന്നുണ്ട്. പാചകംതയാറാക്കാന്‍ വിറക്, പൊതിചോറ് കെട്ടാന്‍ പത്രക്കടലാസ് തുടങ്ങിയവയെല്ലാം ഈ നാട്ടുകാര്‍ നല്കിവരുന്നു. നമ്മുടെ തീരദേശപ്രദേശങ്ങളില്‍ രോഗികളായവരും ആരും നോക്കാനില്ലാത്തവരുമായ ധാരാളം പേരുണ്ട്. കൂടുതല്‍ പേരിലേക്കു പൊതിച്ചോറെത്തിക്കാനുള്ള പരിശ്രമത്തിലാണ് ഈ പദ്ധതിയെന്നും ഫാ. സജി ഇളമ്പാശേരില്‍ പറയുന്നു.

ഓണത്തിരക്കിൽ നഗരം

കൊല്ലം: തിരുവോണത്തിനു മൂന്നു ദിവസം മാത്രം ബാക്കി നിൽക്കെ, കൊല്ലം ഓണാഘോഷത്തിന്‍റെ തിരക്കിൽ. അത്തപ്പൂക്കളം ഒരുക്കാനും സദ്യ ഒരുക്കാനും പുതുവസ്ത്രങ്ങൾ വാങ്ങാനും സാധനങ്ങൾ വാങ്ങുവാനുമൊക്കെയായി ആളുകൾ ഇറങ്ങുന്നതിനാൽ നഗര റോഡുകളിൽ ഗതാഗതക്കുരുക്ക് രൂക്ഷമായി. ഓണത്തിന് തൊട്ടുമുൻപുള്ള അവധി ദിവസമായ ഞായറാഴ്ച മുതൽ നഗരത്തിലേക്കുള്ള എല്ലാ റോഡുകളിലും വാഹനങ്ങൾ ഗതാഗത കുരുക്കിൽ കുടുങ്ങി കിടക്കുകയാണ്. മെയിൻ റോഡുകളിൽ ഗതാഗതക്കുരുക്ക് പ്രതീക്ഷിച്ച് അത് ഒഴിവാക്കിയവർ സൈഡ് റോഡുകളിൽ കുടുങ്ങി. ചെറിയ ദൂരം സഞ്ചരിക്കാൻ പോലും ആളുകൾ മണിക്കൂറുകളോളം വാഹനങ്ങളിൽ ചെലവഴിക്കേണ്ടി വന്നു. ഷോപ്പിംഗിനായി നഗരത്തിലേക്ക് വരുന്നവരുടെ വാഹനങ്ങൾ റോഡരികിൽ പാർക്ക് ചെയ്യുന്നതിനാലാണ് കൂടുതൽ ഗതാഗതക്കുരുക്ക് ഉണ്ടാകുന്നത്.ഓണത്തിനു തിരക്കാണെങ്കിലും മാവേലിമാരുടെ സാന്നിധ്യമില്ലാത്ത നാടായി കൊല്ലം മാറുന്നു. അപൂർവമായി മാത്രമാണ് മാവേലിയെ നഗരത്തിൽ കാണാൻ സാധിക്കുന്നുള്ളൂ. എന്നാൽ ഓണത്തിന്‍റെ പകിട്ടൊന്നും കുറയാതെ നഗരം തിരക്കിലേക്കും ആഘോഷത്തിലേക്കും കടന്നിട്ടുണ്ട്. സ്ഥാപനങ്ങളിലെ ഓണാഘോഷത്തിന്‍റെ ചൂടാണ് ഇപ്പോൾഅരങ്ങേറുന്നത്. സർക്കാരിന്‍റെ വിവിധ വകുപ്പുകളിലും അർധസർക്കാർ, സ്വകാര്യസ്ഥാപനങ്ങളിലും ജീവനക്കാർ ഓണാഘോഷത്തിലാണ്. ഓണവേഷത്തിലാണ് ഭൂരിപക്ഷവും നഗരത്തിലേക്ക് ഇറങ്ങുന്നത്.കൊല്ലത്തെ ഓണം ആഘോഷമാക്കാൻ ആശ്രാമമൈതാനിയിൽ നിരവധി പരിപാടികളാണ് തയാറാക്കിയിരിക്കുന്നത്. ഓണമേളകളും ഓണചന്തകളും മാത്രമല്ല, അമ്യൂസ്മെന്‍റ് പാർക്കിനെ പോലും വെല്ലുന്ന പരിപാടികളുമായി ജമിനി സർക്കസും അഭ്ഭുതജലപ്രളയം തീർക്കുന്ന വണ്ടർഫാൾസും കലാനിലയത്തിന്‍റെ രക്തരക്ഷസും ആളുകളെ അഭ്ഭുതപ്പെടുത്തുകയാണ്. നിരവധി സ്ഥാപനങ്ങൾ വമ്പൻ ഓഫറുകളുമായിട്ടാണ് സ്ഥാപനങ്ങളിലേക്ക് ആളുകളെ ക്ഷണിക്കുന്നത്. രാപകൽ സെയിൽസുമായി ഡിമോസ് ഫർണീച്ചറുകളെ പോലുള്ള സ്ഥാപനങ്ങളും ആളുകളെ കൂടുതൽ ആകർഷിക്കുകയാണ്. ഗതാഗതക്കുരുക്ക് അഴിക്കുമോ ഓണക്കാലത്തെ നഗരത്തിലെ ഗതാഗതക്കുരുക്ക് അഴിക്കാൻ പരിഹാര നടപടികളുമായി പോലീസ് നിർദേശിക്കുന്ന പദ്ധതികൾ പൂർണമായും വിജയിക്കുമോ. സ്കൂളുകൾ ഇന്നലെ അടച്ചതോടെ സ്കൂൾ മൈതാനങ്ങൾ അടക്കം ഉപയോഗിച്ചാണു പോലീസ് പുതിയ പാർക്കിംഗ് സ്ഥലങ്ങൾ പ്രഖ്യാപിച്ചത്. നഗരത്തിലേക്കു വരുന്ന വാഹനങ്ങൾക്കു പാർക്ക് ചെയ്യാൻ ആവശ്യമായ ഇടങ്ങളില്ലാത്തതാണ് ഗതാഗതക്കുരുക്കുകൾക്കു പ്രധാന കാരണം. റോഡിലും നോ പാർക്കിംഗ് ബോർഡുകൾ വച്ച ഇടങ്ങളിലും വാഹനങ്ങൾ നിർത്തുന്നതു നഗരത്തിലെ സ്ഥിരം കാഴ്ചയായിരുന്നു. സെന്‍റ് ജോസഫ് സ്കൂൾ ഗ്രൗണ്ട്, ആശ്രാമം എ വൈ കെ ഓഡിറ്റോറിയം ഗ്രൗണ്ട്, ആണ്ടാമുക്കം കോർപറേഷൻ ഗ്രൗണ്ട്, ബീച്ച് റോഡിലെ പിഡബ്ല്യുഡി ഓഫിസ് ഗ്രൗണ്ട് എന്നീ ഇടങ്ങളിലാണ് ഓണക്കാലത്തു പൊതുജനങ്ങൾക്കു പാർക്കിംഗ് സൗകര്യം ഏർപ്പെടുത്തിയത്. താലൂക്ക് കച്ചേരി ജംഗ്ഷനിൽ പേ പാർക്കിംഗ് സൗകര്യവും ഒരുക്കിയിട്ടുണ്ട്.

ബൈക്ക് നിയന്ത്രണം തെറ്റി ബസിനടിയിൽപെട്ട് യുവാവ് മരിച്ചു

കൊട്ടിയം: ബൈക്ക് നിയന്ത്രണം തെറ്റി ബസിന് അടിയിലേക്ക് വീണ് യുവാവ് മരിച്ചു. ചാത്തന്നൂർ സിജോ ഭവനിൽ ചാക്കോച്ചന്‍റെ മകൻ സിജോ ചാക്കോ(32) ആണ് മരിച്ചത്. ഇന്നലെ വൈകിട്ട് ആറിന് കൊട്ടിയം സിതാര ജംഗ്ഷനും കൊട്ടിയത്തിനും ഇടയിൽസർവീസ് റോഡിലായിരുന്നു അപകടം. ദേശീയ പാതയുടെ ഉയരപ്പാതയ്ക്കായി സ്ഥാപിച്ച കോൺക്രീറ്റ് ചുവരിൽ ബൈക്കിന്‍റെ ഹാൻഡിൽ തട്ടി നിയന്ത്രണം തെറ്റി ബസിന് അടിയിലേക്കു വീഴുകയായിരുന്നു എന്നാണ് പൊലീസ് പറഞ്ഞത്. ഉടൻ കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെ രാത്രി എട്ടിന് മരിച്ചു. ഇയാൾ ചാത്തന്നൂരിലെ യൂനിവേഴ്സൽ എന്ന സ്ഥാപനത്തിലെ അധ്യാപകനാണ്. മാതാവ് : കെ. ഷീല ചാക്കോ. സഹോദരി: സിജി ചാക്കോ.

ആഗോള അയ്യപ്പ സംഗമം വോട്ട് ബാങ്കിനെ സ്വാധീനിക്കാൻ: പ്രേമചന്ദ്രൻ എംപി

കൊല്ലം: സര്‍ക്കാരിന്‍റെ നേതൃത്വത്തില്‍ സംഘടിപ്പിക്കുന്ന ആഗോള അയ്യപ്പ സംഗമം, വോട്ട് ബാങ്കിനെ സ്വാധീനിക്കാനുള്ളഅടവുനയം മാത്രമാണെന്ന് എന്‍.കെ. പ്രേമചന്ദ്രന്‍ എംപി പ്രസ്താവനയിൽ പറഞ്ഞു. ഒന്പതു വര്‍ഷം ആചാരങ്ങളേയും അനുഷ്ഠാനങ്ങളെയും ലംഘിക്കുന്നതിനും ശബരിമല ശ്രീധര്‍മശാസ്താ ക്ഷേത്രത്തിന്‍റെ പവിത്രതയും വിശ്വാസ്യതയും തകര്‍ക്കുന്നതിന് നേരിട്ട് നേതൃത്വം നല്‍കിയ സര്‍ക്കാരാണിത്. ഭരണത്തിന്‍റെ അവസാന നാളുകളില്‍ ശബരിമല ക്ഷേത്രസംരക്ഷകരായി മാറുന്നത് വിരോധാഭാസമാണ്. ഇരുട്ടിന്‍റെ മറവില്‍ പോലീസിന്‍റെ നേതൃത്വത്തില്‍ അവിശ്വാസികളെ സന്നിധാനത്തെത്തിക്കുവാന്‍ സര്‍ക്കാര്‍ നടത്തിയ നാടകങ്ങള്‍ കേരളം മറന്നിട്ടില്ല. ആചാരങ്ങളും അനുഷ്ഠാനങ്ങളും തള്ളിപ്പറഞ്ഞ് സുപ്രീം കോടതിയില്‍ സത്യവാങ്മൂലം നല്‍കുകയും ചെയ്തു. യാതൊരു പരസ്യവും പ്രചരണവും കൂടാതെ തന്നെ ആഗോളതലത്തില്‍ അയ്യപ്പ ഭക്തന്മാര്‍ ദര്‍ശനത്തിനായി എത്തിച്ചേരുന്ന പരിപാവനമായ തീര്‍ത്ഥാടന കേന്ദ്രമാണ് ശബരിമല. അയ്യപ്പനോടും ശബരിമലയോടുമുള്ള വിശ്വാസമാണോ അതോ ജനങ്ങളുടെ വിശ്വാസത്തെ വാണിജ്യവത്കരിച്ച് പണം നേടുവാനുള്ള വ്യഗ്രതയാണോ ആഗോള അയ്യപ്പ സംഗമത്തിന് പിന്നിലെന്ന് സര്‍ക്കാര്‍ വ്യക്തമാക്കണമെന്നും പ്രേമചന്ദ്രൻ ആവശ്യപ്പെട്ടു. ഭക്തന്മാരെ സമ്പത്തിന്‍റെയും നല്‍കുന്ന സംഭാവനയുടെയും അടിസ്ഥാനത്തില്‍ തട്ടുകളായി തിരിച്ച് വിശ്വാസത്തെ വില്‍പന ചരക്കാക്കുന്ന ഗൂഢമായ ലക്ഷ്യമാണ് സംഗമത്തിന് പിന്നില്‍. കേരളീയം മാതൃകയില്‍ ലക്ഷങ്ങളും കോടികളും സമ്പന്നരായ ഭക്തന്മാരില്‍ നിന്നും ചൂഷണം ചെയ്യുന്നതിനാണ് സര്‍ക്കാര്‍ ലക്ഷ്യം വയ്ക്കുന്നത്. ശബരിമലയോടും ആചാരങ്ങളോടും വിശ്വാസങ്ങളോടും സര്‍ക്കാര്‍ യോജിക്കുന്നുണ്ടെങ്കില്‍ ആദ്യം ചെയ്യേണ്ടത് വിശ്വാസികള്‍ക്കെതിരെ സര്‍ക്കാര്‍ രജിസ്റ്റര്‍ ചെയ്തിട്ടുള്ള കേസുകള്‍ പിന്‍വലിക്കുകയാണ്. വിശ്വാസികളെ തുറങ്കിലടച്ച സര്‍ക്കാര്‍ വിശ്വാസ സംരക്ഷകരായി മാറുന്നതിന് പിന്നിലെ ഗൂഢമായ രാഷ്ട്രീയലക്ഷ്യത്തെ കേരളജനതയും വിശ്വാസികളും തിരിച്ചറിയുമെന്നും എന്‍.കെ. പ്രേമചന്ദ്രന്‍ എംപി പറഞ്ഞു.

ജിമ്മന്മാരുടെ വേറിട്ട ഓണാഘോഷം

കൊട്ടിയം : ജിമ്മന്മാരുടെ നേതൃത്വത്തിൽ ഓണഘോഷം നടത്തി. കൊട്ടിയത്തുള്ള ഒരു ഫിറ്റ്നസ് സെന്‍ററിലാണ് ഇവർ ഒത്തുകൂടിയത്. ഡംപിൾ ഹോൾഡ്, മ്യൂസിക്കൽ പെർഫോമൻസ് ഇവന്‍റ്, വെയിറ്റ് ലോസ് കിക്ക് ബോക്സിംഗ്, ആം റെസലിംഗ്, സുംബാ ഡാൻസ്, വടംവലി മത്സരം, അത്തപ്പൂക്കളം എന്നീ ഇനങ്ങളിൽ മത്സരങ്ങൾ സംഘടിപ്പിക്കുകയും ലക്കി ഡ്രോ യിലൂടെ സമ്മാനങ്ങൾ നൽകുകയും ചെയ്തു. ചടങ്ങിൽ 2025 വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡലിന് അർഹനായ സബ്ഇൻസ്പെക്ടർ വൈ. സാബുവിനെ ആദരിച്ചു. അബ്‌ദുൾ വാഹിദ്, ഷിബു, ജയരാജ്, ശാന്തി, വിഷ്ണു എന്നിവർ നേതൃത്വം നൽകി .

വടംവലിച്ച് വൈസ് ചാൻസലർ...

കൊല്ലം: കേരളത്തിൽ വൈസ് ചാൻസലർമാരും സർവകലാശാലകളും ഏറെക്കാലമായി വിവാദചർച്ചകളിൽ നിറഞ്ഞുനിൽക്കുന്നത് തുടരുമ്പോൾ ഇവിടെയൊരു വൈസ് ചാൻസലർ പഠിതാക്കൾക്കൊപ്പം വടം വലിച്ച് താരമായി മാറിയിരിക്കുന്നു. ശ്രീനാരായണ ഗുരു ഓപ്പൺ സർവകലാശാലയുടെ വൈസ് ചാൻസലർ ഡോ.വി.പി.ജഗതീരാജാണ് യൂണിവേഴ്സിറ്റിയിലെ പഠിതാക്കൾക്കൊപ്പം ഓണാഘോഷ വടംവലിയിൽ പങ്കാളിയായത്. ഫാത്തിമ മാത നാഷണൽ കോളജിൽ വെച്ചായിരുന്നു ശ്രീനാരായണ ഗുരു ഓപ്പൺ സർവകലാശാലയുടെ ഓണാഘോഷ പരിപാടികൾ നടന്നത്. യൂണിവേഴ്സിറ്റിയുടെ 2023 ജൂലൈ ബാച്ച് മലയാളം, ഹിസ്റ്ററി, സോഷ്യോളജി ബാച്ചുകളാണ് ഇന്നലെ സംയുക്തമായി ഓണാഘോഷ പരിപാടി സംഘടിപ്പിച്ചത്. ഓണപ്പൂക്കളം, മിഠായി പെറുക്കൽ, സ്പൂണിൽ നാരങ്ങാ വച്ചുള്ള ഓട്ടം, കസേരകളിയടക്കം മത്സരങ്ങൾ ഉച്ചയോടെ പൂർത്തിയാക്കി, ഓണസദ്യയിൽക്കൂടി പങ്കെടുക്കാനായിട്ടാണ് ഉച്ചയോടെ വൈസ് ചാൻസലർ എത്തിയത്. സദ്യയ്ക്ക് ശേഷം, ഓണ സന്ദേശം നൽകി രാവിലെ നടന്ന മത്സര വിജയികൾക്കുള്ള സമ്മാനങ്ങളും അദ്ദേഹം വിതരണം ചെയ്തു. പിന്നീട് വടംവലി മത്സരമാണ് നടക്കാൻ പോകുന്നതെന്ന് അറിഞ്ഞ വി സി വടത്തിൽ ഓടിയെത്തി പിടിമുറുക്കുകയായിരുന്നു. ഒരു വശത്ത് പഠിതാക്കളുടെ ഒരു ടീം മാത്രം നിരന്നപ്പോൾ, മറുവശത്ത് വൈസ് ചാൻസലറും കുറേ പഠിതാക്കളും ആണ് ബലാബലം പരീക്ഷിച്ചത്. മത്സരം പൂർത്തിയാക്കും മുന്പേ ഡോ.വി.പി.ജഗതീരാജ് മടങ്ങുകയും ചെയ്തു.

അഞ്ചല്‍ പട്ടണം തെരുവുനായ ഭീഷണിയിൽ

അഞ്ചല്‍ : രാവെന്നോ പകലെന്നോ ഇല്ലാതെ തെരുവ് നായ ശല്യത്താല്‍ പൊറുതിമുട്ടിയിരിക്കുകയാണ് അഞ്ചലിലും പരിസര പ്രദേശങ്ങളിലുമുള്ളവര്‍. അഞ്ചല്‍ പട്ടണത്തില്‍ പോലും വലിയ കൂട്ടമായി എത്തുന്ന തെരുവ് നായകള്‍ ഉയര്‍ത്തുന്നത് വലിയ ഭീഷണി. കാല്‍നട, ഇരുചക്ര യാത്രികരും വിദ്യാര്‍ഥികളും തെരുവുനായ ശല്യംമൂലം അനുഭവിക്കുന്ന ദുരിതം ചെറുതല്ല. ഓടിക്കൊണ്ടിരിക്കുന്ന ഇരുചക്ര വാഹനത്തിന് പിറകെ ഓടുന്ന നായകള്‍ അതില്‍ നിന്നും യാത്രക്കാരെ തള്ളിയിട്ട് കടിക്കുന്നു. സൈക്കിള്‍ ചവിട്ടി എത്തിയ സ്കൂള്‍ വിദ്യാര്‍ഥിയെ കൂട്ടമായി എത്തിയ നായകള്‍ ആക്രമിക്കാന്‍ ഓടിച്ചുവെങ്കിലും തലനാരിഴയ്ക്ക് രക്ഷപ്പെട്ട സിസിടിവി ദൃശ്യങ്ങള്‍ സോഷ്യല്‍ മീഡിയകളില്‍ പ്രചരിക്കുകയാണ്. അഞ്ചലില്‍ കുടുംബം സഞ്ചരിച്ചിരുന്ന ബൈക്കിനു പിന്നാലെ ഓടിയ നായകളെ കണ്ടു നിയന്ത്രണംവിട്ട ബൈക്ക് മറിഞ്ഞ് കുട്ടിയടക്കം മൂന്നുപേര്‍ക്കാണ് പരിക്കേറ്റത്. ആശുപത്രിയിലേക്ക് എത്തിയ വയോധികനും വീട്ടമ്മയ്ക്കും നായയുടെ ആക്രമണത്തില്‍ പരിക്കേറ്റിരുന്നു.അലയമണ്‍ പഞ്ചായത്തില്‍ കഴിഞ്ഞ മൂന്നു മാസങ്ങള്‍ക്കിടെ നിരവധിയാളുകള്‍ക്ക് തെരുവുനായ ആക്രമണത്തില്‍ പരിക്കേറ്റു. വയോധികയ്ക്ക് മുഖത്തടക്കം ഗുരുതരമായി പരിക്കേറ്റിരുന്നു. ഇതോടെ അലഞ്ഞു തിരിഞ്ഞു നടക്കുന്ന നായകളെ പിടികൂടി വാക്സിനേഷന്‍ എടുക്കാനുള്ള നടപടികള്‍ സ്വീകരിച്ചിരുന്നു. പക്ഷേ അനുദിനം വര്‍ധിക്കുന്ന തെരുവുനായകളെ അമര്‍ച്ച ചെയ്യാനുള്ള നടപടികള്‍ മാത്രം എങ്ങും എത്തിയിട്ടില്ല. അഞ്ചലില്‍ ആശുപത്രി, സ്കൂളുകള്‍, മാര്‍ക്കറ്റ് , ബസ് കാത്തിരിപ്പ് കേന്ദ്രം ഉള്‍പ്പെടെ ആളുകള്‍ കൂടുന്ന ഇടങ്ങളിലെല്ലാം നായ ശല്യംകൂടുകയാണ്. ഇഎസ്ഐ ആശുപത്രിക്കുള്ളില്‍ വരെ നായകള്‍ തമ്പടിച്ചിരിക്കുകയാണ്. പരാതികള്‍ പെരുകുമ്പോഴും പേരിനുവേണ്ടിയുള്ള നടപടികള്‍ സ്വീകരിക്കാന്‍ പോലും അഞ്ചല്‍ പഞ്ചായത്ത് അധികൃതര്‍ തയാറായിട്ടില്ല. തെരുവുനായ ആക്രമണത്തില്‍ വളര്‍ത്തുമൃഗങ്ങള്‍ അടക്കം ജീവനോപാധികള്‍ നഷ്ടമായവരുടെ എണ്ണവും കുറവല്ല. വന്ധ്യംകരണ നടപടികള്‍ ഇല്ലാത്തതും രാത്രി കാലങ്ങളില്‍ ആളൊഴിഞ്ഞ മേഖലകളും വനമേഖലകളും കേന്ദ്രീകരിച്ചു മറ്റിടങ്ങളില്‍ നിന്നും നായകളെ ഉപേക്ഷിക്കുന്നതുമാണ് ഇത്രയധികം നായകള്‍ ഉണ്ടാകാന്‍ കാരണമെന്ന് നാട്ടുകാര്‍ ആരോപിക്കുന്നു. നിയമനടപടികള്‍ പേടിച്ച് നാട്ടുകാര്‍ പോലും നായകള്‍ക്കെതിരെ ഒന്നും ചെയ്യാന്‍ കൂട്ടാക്കാറുമില്ല. അക്രമകാരികളായ നായകളെ പിടികൂടി ഷെല്‍ട്ടറുകളിലേക്ക് മാറ്റിയില്ലെ്ലങ്കില്‍ വലിയ ദുരന്തങ്ങള്‍ക്ക് വഴിയൊരുക്കുമെന്ന മുന്നറിയിപ്പും നാട്ടുകാര്‍ നല്‍കുന്നു.

തഴവയിൽ സാമൂഹ്യ വിരുദ്ധർ വീടുകൾ അടിച്ചു തകർത്തു

കരുനാഗപ്പള്ളി: തഴവ കുറ്റിപ്പുറം ജംഗ്ഷനു സമീപം കഴിഞ്ഞ ദിവസം രാത്രിയിൽ 15 അംഗ സംഘം മാരകായുധങ്ങളുമായെത്തി വീടുകൾ അടിച്ചു തകർത്തു. ഏഴു വീടുകളിലാണ് അക്രമം നടത്തിയത്.ഒരു വീട് പൂർണമായും മറ്റുള്ളവ ഭാഗികമായും തകർത്തു. വീട്ടിലുണ്ടായിരുന്ന രണ്ടുപേർക്ക് പരിക്കേറ്റു. ഇവർ താലൂക്ക് ഹോസ്പിറ്റലിൽ ചികിത്സ തേടി.സംഘം മാരകായുധങ്ങൾ ഉപയോഗിച്ച് അക്രമം നടത്തുകയായിരുന്നുവെന്ന് വീട്ടുകാർ പറയുന്നു. സുനന്ദ, മാളു എന്നിവരാണ് അക്രമികളുടെ മർദനത്തിൽ പരുക്കേറ്റ്ആശുപത്രിയിൽ കഴിയുന്നത് . ഇവരുടെ വീട്ടിലെ ഫ്രിഡ്ജ്, ടിവി, ഗൃഹോപകരണങ്ങൾ ജനൽ, കതക് ,അലമാര ഉൾപ്പെടെ എല്ലാം നശിപ്പിച്ചു.രണ്ട് ലക്ഷം രൂപയോളം നഷ്ടം സംഭവിച്ചതായി കണക്കാക്കുന്നു. രാഹുൽ നിവാസിൽ രാധാകൃഷ്ണപിള്ളയുടെ മുറ്റത്തു കിടന്ന കാറാണ് തകർത്തത്. മദ്യ, മയക്കുമരുന്ന് മാഫിയ സംഘങ്ങളാണ് അക്രമത്തിന്ന് പിന്നിലെന്ന് സമീപവാസികൾ പറയുന്നു. കുറച്ചു ദിവസങ്ങൾക്ക് മുന്പ് അക്രമികൾ തമ്മിൽ അടി പിടിയുണ്ടായിട്ടുണ്ട്. അതിന്‍റെ ഭാഗമായിട്ടായിരിക്കാം കൂടുതൽ അക്രമങ്ങൾ ഉണ്ടായിരിക്കുന്നത്. കരുനാഗപ്പള്ളി എ എസ്പി യുടെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചിട്ടുണ്ട്.

എംഡിഎംഎയുമായി യുവാവ് അറസ്റ്റിൽ

കൊല്ലം: ഓണത്തോടനുബന്ധിച്ച് പോലീസ് നടത്തിയ പരിശോധനയിൽ 54 ഗ്രാം എംഡിഎംഎയുമായി യുവാവ് പിടിയിൽ. ആദിനാട് പുന്നക്കുളം ഷീജാ മൻസിലിൽ മുഹമ്മദ് റാഫി(25) ആണ് കരുനാഗപ്പള്ളി പോലീസിന്‍റെ പിടിയിലായത്. കൊല്ലം സിറ്റി പോലീസ് മേധാവി കിരൺ നാരായണന് ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ കരുനാഗപ്പള്ളി എഎസ്പി അഞ്ജലി ഭാവനയുടെ മേൽനോട്ടത്തിലുള്ള ഡാൻസാഫ് സംഘവും കരുനാഗപ്പള്ളി പോലീസും സംയുക്തമായി നടത്തിയ പരിശോധനയിലാണ് ഇയാളെ പിടികൂടാനായത്. പരിശോധനയിൽ വിൽപ്പനയ്ക്കായി കാറിൽ കൊണ്ടുവന്ന 54 ഗ്രാം എംഡിഎംഎ കണ്ടെടുക്കുകയായിരുന്നു. മയക്ക് മരുന്ന് ഓണാഘോഷത്തിന് വിൽപ്പനയ്ക്കായി എത്തിച്ചതാണെന്ന് പ്രതി സമ്മതിച്ചിട്ടുണ്ട്. കരുനാഗപ്പള്ളി പോലീസ് എസ്എച്ച്ഒ ബിജു, എസ്ഐ അനിൽകുമാർ , എഎസ്ഐ സീമ, സിപിഒ സജീർ എന്നിവരോടൊപ്പം ഡാൻസാഫ് എസ്ഐ അനീഷിന്‍റെ നേതൃത്വത്തിലുള്ള സംഘവും സംയുക്തമായാണ് പ്രതിയെ പിടികൂടിയത്. ഓണാഘോഷങ്ങളുമായി ബന്ധപ്പെട്ട് മയക്ക് മരുന്ന് വ്യാപാരം തടയുന്നതിന് വരും ദിവസങ്ങളിലും കൂടുതൽ ശക്തമായ പരിശോധനകൾ ഉണ്ടാകുമെന്ന് ജില്ലാ പോലീസ് മേധാവി അറിയിച്ചു.

മാതാവിനെ വെട്ടിപ്പരിക്കേൽപ്പിച്ച മകൻ റിമാൻഡിൽ

കൊല്ലം: മദ്യപാനം ചോദ്യം ചെയ്തതിനെ തുടർന്ന് വയോധികയായ മാതാവിനെ വാക്കത്തികൊണ്ട് വെട്ടി പരിക്കേൽപ്പിച്ച മകനെ അറസ്റ്റ് ചെയ്തു. ശൂരനാട് വടക്ക് വലിയവിള വീട്ടിൽ പൊന്നമ്മയെ (82)യാണ് മകൻ പൊന്നൂസ് പാപ്പച്ചൻ (63) ആക്രമിച്ചത്. കഴിഞ്ഞ ദിവസം വൈകുന്നേരം 5.30ഓടെയാണ് സംഭവം. പൊന്നമ്മ തന്‍ റെഅനുജത്തിയുമായി വീടിന്‍റെ സിറ്റൗട്ടിൽ സംസാരിച്ചിരിക്കുകയായിരുന്നു. ഈ സമയം വീട്ടിലെത്തിയ മകൻ അമ്മയോട് വീട്ടിൽ നിന്ന് ഇറങ്ങിപ്പോകണമെന്ന് ആവശ്യപ്പെട്ട് തർക്കമുണ്ടാക്കി. മദ്യപാനം ചോദ്യം ചെയ്തതിലുള്ള ദേഷ്യമാണ് ഇതിനുള്ള കാരണം. തുടർന്ന് കൈയിൽ കരുതിയിരുന്ന വാക്കത്തി ഉപയോഗിച്ച് കൊന്നു കളയുമെന്ന് ആക്രോശിച്ചുകൊണ്ട് കഴുത്തിന് വെട്ടുകയായിരുന്നു. ഒഴിഞ്ഞുമാറിയതു കൊണ്ടാണ് ഗുരുതരമായ പരുക്കുകൾ ഇല്ലാതെ പൊന്നമ്മ രക്ഷപ്പെട്ടത്. വിവരമറിഞ്ഞെത്തിയ ശൂരനാട് എസ്എച്ച്ഒ ജോസഫ് ലിയോൺ, എസ്ഐ മാരായ ദീപു പിള്ള, ബിൻസ് രാജ്, ഗോപൻ, സതീശൻ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി റിമാന്‍ഡ് ചെയ്തു.

തൊഴിൽ ലഭ്യമാക്കൽ: 1500 മെട്രിക് ‌ടൺ തോട്ടണ്ടി സംഭരിച്ചു

കൊല്ലം: അടുത്തഓണം വരെ തൊഴിൽ ലാഭ്യമാക്കാൻ കഴിയുന്നവിധത്തിൽ 15,000 മെട്രിക് ടൺ തോട്ടണ്ടി കശുവണ്ടി വികസന കോർപറേഷൻ സംഭരിച്ചുവെന്നു ചെയർമാൻ ജയമോഹൻ പത്രസമ്മേളനത്തിൽ അറിയിച്ചു. തൊഴിലാളികളുടെ മിനിമം വേതനം 23 ശതമാനം വരെ വർധിപ്പിച്ചു. ഇത്തവണ 11000 രൂപയാണ് ബോണസ് അഡ്വാൻസായി നൽകുന്നത്. കഴിഞ്ഞ വർഷത്തെക്കാൾ 500 രൂപയുടെ വർധനയുണ്ട്. തുടർച്ചയായി 500രൂപ വർധിപ്പിച്ചാണ് 2023 മുതൽ നൽകി വരുന്നത്. സംസ്ഥാനത്തെ പൂട്ടിക്കിടക്കുന്ന കശുവണ്ടി ഫാക്ടറികളിലെ തൊഴിലാളികൾക്കു 2250 രൂപ വീതം എക്സ്ഗ്രേഷ്യേ ലഭിക്കും. ഇത്തവണ 250 രൂപയാണ് വർധിപ്പിച്ചത്. 425 ഫാക്ടറികളിലെ 13,835 തൊഴിലാളികൾക്കാണ് ആനുകൂല്യം ലഭിക്കുന്നതെന്ന് അദ്ദേഹം പറഞ്ഞു.

ചവറ ബസ്് സ്റ്റാന്‍ഡ് റോഡ് സഞ്ചാരയോഗ്യമാക്കി

ചവറ : സഞ്ചാരയോഗ്യമല്ലാതെ തകര്‍ന്ന പഞ്ചായത്തിലെ ചവറ ബസ് സ്റ്റാന്‍ഡില്‍ നിന്നും കിഴക്കോട്ട് പോകുന്ന തണ്ടളത്ത് മുക്ക് റോഡ് ഗതാഗതയോഗ്യമാക്കി തുറന്നു നൽകി. സുജിത് വിജയന്‍പിളള എംഎല്‍എയുടെ ആസ്തിവികസന ഫണ്ടില്‍ നിന്നും അനുവദിച്ച 65 ലക്ഷം രൂപ വിനിയോഗിച്ചാണ് പുനരുദ്ധാരണപ്രവര്‍ത്തികള്‍ പൂര്‍ത്തിയാക്കിയത്. ചവറ ബസ് സ്റ്റാന്‍ഡിന് കിഴക്കോട്ടുളള റോഡില്‍ വെളളം ഒഴുകി പോകാനാകാതെ സമീപവീടുകളിലെല്ലാം വെളളം കയറി വീടുകള്‍ക്ക് നാശവും ഗതാഗത തടസവും നിരന്തരം സംഭവിച്ചുകൊണ്ടിരുന്നു. വെളളക്കെട്ട് ഒഴിവാക്കാനായി വീതിയേറിയ ഓടനിര്‍മിച്ച് ദേശീയപാതയുടെ അടിയിലേക്കുളള ഓടയുമായി ബന്ധിപ്പിച്ച് വെളളം ഒഴുക്ക് സുഗമമാക്കി. ജനങ്ങളുടെ ശക്തമായ ആവശ്യം പരിഗണിച്ചാണ് എംഎല്‍എ ഫണ്ടില്‍നിന്നും 65ലക്ഷം രൂപ അനുവദിച്ചത്. ഓട, സ്ലാബ്, റോഡ് ഉയര്‍ത്തി കോണ്‍ക്രീറ്റ്, ഇന്‍റര്‍ലോക്ക് തുടങ്ങി എല്ലാ ജോലികളും പൂര്‍ത്തീകരിച്ച് ഗതാഗതം സുഗമമാക്കിയ റോഡ് സുജിത് വിജയന്‍പിളള എംഎല്‍എ തുറന്നുനല്‍കി. ചവറ പഞ്ചായത്ത് പ്രസിഡന്‍റ് ജെ. ആര്‍. സുരേഷ് കുമാര്‍, പഞ്ചായത്ത് അംഗങ്ങളായ അംബികാദേവി, കെ. സുരേഷ് ബാബു, റാഹിലാബീവി എന്നിവരും ജോയി, ചവറ ഷാ, രാധാകൃഷ്ണപിളള, ലാലു, അനീസ്, എ.കെ. സജീവ്, രഘു, ചേമ്പയ്യത്ത് നിസാര്‍ തുടങ്ങിയവർ ചടങ്ങില്‍ പങ്കെടുത്തു.

ഡിമോസ് ഫര്‍ണിച്ചറിലെ രാപകല്‍ സെയിലില്‍ വന്‍തിരക്ക്

കൊല്ലം: ഓണം പ്രമാണിച്ച് ഡിമോസ് ഫര്‍ണിച്ചറിലെ രാപകല്‍ സെയില്‍സില്‍ വന്‍തിരക്ക്. എല്ലാ ഷോറൂമുകളിലും നാലുവരെ മാത്രമാണ് രാപ്പകല്‍ സെയില്‍ നീട്ടിയിട്ടുള്ളൂ. രാവിലെ 10 മുതല്‍ രാത്രി 12 വരെയാണ് സെയില്‍. 65ശതമാനം വരെ ഡിസ്‌കൗണ്ടാണ് നല്‍കിയിരിക്കുന്നതോടെ വന്‍തിരക്കാണ് അനുഭവപ്പെടുന്നത്. സോഫകള്‍, ഡൈനിംഗ് ടേബിളുകള്‍, ബെഡ്‌റൂം സെറ്റുകള്‍ തുടങ്ങിയവയ്‌ക്കെല്ലാം ഫ്‌ളാറ്റ് 25ശതമാനം, 35ശതമാനം , 45ശതമാനം, 65ശതമാനം ഡിസ്‌കൗണ്ടാണ് നല്‍കിയിക്കുന്നത്. ബൈ വണ്‍ ഗെറ്റ് വണ്‍ ഓഫറില്‍ തേക്കിന്‍റെ കട്ടില്‍ വാങ്ങുമ്പോള്‍ ഒരു മാട്രസ് സൗജന്യം. പ്രീമിയം ബെഡ്‌റൂം സെറ്റ് വാങ്ങിയാല്‍ ദിവാന്‍ കോട്ട് സൗജന്യം, 29900 രൂപയുടെ ബെഡ്‌റൂം സെറ്റ് വാങ്ങിയാല്‍ മൂന്നു സീറ്റര്‍ ബെഞ്ച് സൗജന്യം, മൂന്നു ഡോര്‍ അലമാര വാങ്ങുമ്പോള്‍ രണ്ടു ഡോര്‍ അലമാര സൗജന്യം, ഒരു മാട്രസ് വാങ്ങുമ്പോള്‍ ഒരു മാട്രസ്് തികച്ചും സൗജന്യം. കൂടാതെ പെപ്‌സ്, സെഞ്ച്വറി മാട്രസുകള്‍ക്ക് 20ശതമാനം ഡിസ്‌കൗണ്ട്. രണ്ടു ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് ഗോള്‍ഡ് കോയിന്‍ സമ്മാനം. 1.5 ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് 17900 രൂപ വില വരുന്ന ഒരു റിക്ലയിനര്‍ സോഫ 6500 രൂപയ്ക്ക് ലഭിക്കും. ഒരു ലക്ഷം രൂപയ്ക്ക് മുകളില്‍ പര്‍ച്ചേസ് ചെയ്യുന്നവര്‍ക്ക് 5000 രൂപ ക്യാഷ് ബാക്ക് ലഭിക്കും. തേക്ക് ദിവാന്‍ കോട്ട് 7900 രൂപ മുതല്‍. ബെഡ്‌റൂം സെറ്റുകള്‍ 19,900 രൂപ മുതല്‍, പ്രീമിയം ബെഡ്‌റൂം സെറ്റുകള്‍ (ബോര്‍ഡിക്) 48,900 രൂപ മുതല്‍, കോര്‍ണര്‍ സോഫകള്‍ 9,900 രൂപ മുതല്‍, റിക്ലയിനര്‍ സോഫകള്‍ 17,900 രൂപ മുതല്‍, ഡൈനിംഗ് ടേബിള്‍ മാര്‍ബിള്‍ ടോപ്പ് 32,900 രൂപ മുതല്‍, തേക്ക് ഡൈനിംഗ് ടേബിള്‍ മാര്‍ബിള്‍ ടോപ്പ് 49,900 രൂപ മുതല്‍ ലഭിക്കും കൂടാതെ മറ്റ് കോമ്പോ ഓഫറുകളും ലഭ്യമാണ്. എല്ലാത്തരം ഫര്‍ണിച്ചറുകള്‍ക്കും 20 വര്‍ഷം വാറണ്ടിയോടുകൂടി ബജാജ് ഫിനാന്‍സിന്‍റെ ഏറ്റവും കുറഞ്ഞ തവണ വ്യവസ്ഥയില്‍ സ്വന്തമാക്കാം. ഈ ഓഫറുകള്‍ ഡിമോസിന്‍റെ എല്ലാ ബ്രാഞ്ചുകളിലും ലഭ്യമാണ്. കൂടുതല്‍ വിവരങ്ങള്‍ക്ക് കരുനാഗപ്പള്ളി, ചന്ദനത്തോപ്പ്, കല്ലമ്പലം, പഴയാറ്റിന്‍കുഴി, കൊട്ടാരക്കര, ഭരണിക്കാവ് ഷോറൂമുകള്‍ സന്ദര്‍ശിക്കുക. ഫോണ്‍ +91 9288098981 എല്ലാ ഞായറാഴ്ചകളിലും ഷോറൂമുകള്‍ തുറന്നു പ്രവര്‍ത്തിക്കുന്നു.

അനധികൃതമായി സൂക്ഷിച്ച ഗ്യാസ് സിലിണ്ടറുകൾ പിടികൂടി

കൊല്ലം: സ്വകാര്യ വ്യക്തിയുടെ ഷെഡിൽ സൂക്ഷിച്ചിരുന്ന 39 പാചക വാതക സിലിണ്ടറുകൾ സിവിൽ സപ്ലൈസ് വിഭാഗം അധികൃതർ പിടികൂടി. ഉദ്യോഗസ്ഥരുടെ നേതൃത്വത്തിൽ നടന്ന പരിശോധനയിൽ വെള്ളിമൺ ചെറുമൂട് സെന്‍റ് ആന്‍റണീസ് പള്ളിക്ക് സമീപത്തെ വീടിനോട് ചേർന്ന ഷെഡിൽ സൂക്ഷിച്ചിരുന്ന സിലിണ്ടറുകളാണ് പിടിച്ചെടുത്തത്. വാണിജ്യ ആവശ്യത്തിന് ഉപയോഗിക്കുന്ന ഒമ്പത് നിറച്ച സിലിണ്ടറുകളും ഗാർഹിക ആവശ്യത്തിനുള്ള 30 കാലി സിലിണ്ടറുകളുമാണ് പിടിച്ചെടുത്തത്.ഗ്യാസ് റീഫിൽ ചെയ്യാൻ ഉപയോഗിക്കുന്ന മോട്ടോറും അളവ് തൂക്ക ഉപകരണങ്ങളും പിടിച്ചെടുത്തവയിൽ ഉൾപ്പെടുന്നു. താലൂക്ക് സപ്ലൈ ഓഫീസർ വൈ.സാറാമ്മ, റേഷനിംഗ് ഇൻസ്പെക്ടർമാരായ ജി. ബിജു കുമാര കുറുപ്പ്, എം. അജീഷ്, ശ്രീലത എന്നിവർ അടങ്ങിയ സംഘമാണ് ഇവിടെ റെയ്ഡ് നടത്തിയത്.

പുറ്റിംഗൽ കേസ്: വിടുതൽ ഹർജിയിൽ തുടർവാദം 20ന്

കൊല്ലം: പരവൂർ പുറ്റിംഗൽ ദേവീക്ഷേത്രത്തിലെ വെടിക്കെട്ട് അപകടവുമായി ബന്ധപ്പെട്ട കേസിൽ പ്രതികൾ സമർപ്പിച്ച വിടുതൽ ഹർജിയൽ തുടർവാദം 20ന് നടക്കും. 57-ാം പ്രതി തിരുവനന്തപുരം നേമം കരുമം സ്വദേശി ജിൻജു, 58-ാം പ്രതി ചിറയിൻകീഴ് സ്വദേശി സലിം, 59ാം പ്രതി കൊല്ലം സ്വദേശി സിയാദ് എന്നിവരുടെ വിടുതൽ ഹർജിയിൽ ശനിയാഴ്ച വാദം നടന്നു. പ്രതികൾ മൂന്നുപേരും കരിമരുന്ന് വിൽപനക്കാരാണ്. ഇവരുടെ വിൽപന ശാലകളിൽ കരിമരുന്നു പിടിച്ചെടുത്തിട്ടുണ്ടോ എന്നും അതിൽ സ്ഫോടക വസ്തു നിരോധന നിയമപ്രകാരമുള്ള വസ്തുക്കൾ അടങ്ങിയിട്ടുണ്ടോ എന്നും കോടതി ആരാഞ്ഞു. ജിൻജുവിന്‍റെ മാതാവിന്‍റെ പേരിലാണ് വെടി മരുന്ന് വിൽപ്പനയ്ക്കുള്ള ലൈസൻസ് ഉള്ളത്. ഇതുമായി ബന്ധപ്പെട്ട വിശദീകരണങ്ങളും കോടതി ആരാഞ്ഞു. തുടർന്ന് കേസ് 20ന് അവധിക്ക് വയ്ക്കുകയായിരുന്നു.പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ അഡ്വ.കെ.പി. ജബാ‍ർ, അഡ്വ. അമ്പിളി ജബാർ, പ്രതികൾക്ക് വേണ്ടി അഭിഭാഷകരായ ജി.മോഹൻ രാജ്, എൽ.ലിന്‍റൺ, ബി.എ‍ൻ.ഹസ്കർ, വിപിൻ മോഹൻ ഉണ്ണിത്താൻ തുടങ്ങിയവർ കോടതിയിൽ ഹാജരായി.

ഏറനാട് എക്സ്പ്രസിന് ശാസ്താംകോട്ടയിൽ സ്റ്റോപ്പ് അനുവദിച്ചു

കൊല്ലം: ശാസ്താംകോട്ടയിലെ റെയിൽവേ യാത്രക്കാർ ഏറെ പ്രതീക്ഷയോടെ കാത്തിരുന്ന ഏറനാട് എക്സ്പ്രസിന് നാളെ മുതൽ ശാസ്താംകോട്ടയിൽ സ്റ്റോപ്പ് അനുവദിച്ച് റെയിൽവേ അധികൃതർ ഔദ്യോഗികമായി അറിയിച്ചതായി കൊടിക്കുന്നിൽ സുരേഷ് എംപി. ആലപ്പുഴ വഴി സർവീസ് നടത്തുന്ന ഏറനാട് എക്സ്പ്രസിന് സ്റ്റോപ്പ് ലഭിച്ചതോടെ ശാസ്താംകോട്ടയും പരിസര പ്രദേശങ്ങളിലെ ആയിരക്കണക്കിനു യാത്രക്കാർക്ക് വലിയൊരു ആശ്വാസം ലഭിക്കുമെന്ന് ഉറപ്പാണ്. ഏറെ താമസിയാതെ തന്നെ മംഗലാപുരം – തിരുവനന്തപുരം എക്സ്പ്രസ്, ആലപ്പുഴ വഴി സർവീസ് നടത്തുന്ന മാവേലി എക്സ്പ്രസ് എന്നിവയ്ക്കും ശാസ്താംകോട്ടയിൽ സ്റ്റോപ്പ് ലഭ്യമാക്കാനുള്ള നടപടി പുരോഗമിക്കുകയാണ്. കൂടാതെ, ഇന്‍റർസിറ്റി എക്സ്പ്രസിന്‍റെ സ്റ്റോപ്പിനായുള്ള പരിശ്രമങ്ങളും തുടർന്നു വരികയാണ്. കഴിഞ്ഞാഴ്ച അനുവദിച്ച ഏഴ് കോടി രൂപയുടെ വികസന പ്രവർത്തനങ്ങൾ പൂർത്തിയാകുന്നതോടെ ശാസ്താംകോട്ട റെയിൽവേ സ്റ്റേഷൻ യാത്രക്കാർക്ക് മികവുറ്റ സൗകര്യങ്ങൾ നൽകുന്ന മാതൃകാ സ്റ്റേഷനായി മാറുമെന്നും അദ്ദേഹം പറഞ്ഞു. നിലവിൽ അനുവദിക്കപ്പെടുന്ന ഭൂരിപക്ഷം സ്പെഷൽ ട്രെയിനുകൾക്കും, യാത്രക്കാരുടെ ആവശ്യം മാനിച്ച് ശാസ്താംകോട്ടയിൽ സ്റ്റോപ്പ് ഉറപ്പാക്കുവാൻ വേണ്ടിയുള്ള ഇടപെടലുകൾ തുടർച്ചയായി നടത്തിവരുന്നുവെന്നും കൊടിക്കുന്നിൽ സുരേഷ് എംപി അറിയിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]