ചെമ്പേരി: എതിർ ശബ്ദങ്ങളെ ഇല്ലായ്മ ചെയ്തുകൊണ്ടിരിക്കുന്ന ഈ കാലഘട്ടത്തിൽ അനീതികൾക്കെതിരെയുള്ള ശബ്ദമായി മാറാൻ യുവജനങ്ങൾ തയാറാകണമെന്നും രാഹുൽ ഗാന്ധിയെ നിശബ്ദമാക്കി കൊണ്ട് ജനാധിപത്യത്തെ കശാപ്പ് ചെയ്യാൻ ആരെയും അനുവദിക്കില്ലെന്നും യൂത്ത് കോൺഗ്രസ് ജില്ലാ പ്രസിഡന്‍റ് സുധീപ് ജയിംസ്. യൂത്ത് കോൺഗ്രസ് ഇരിക്കൂർ നിയോജക മണ്ഡലംതല യൂണിറ്റ് സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ലിജോ കുന്നേൽ അധ്യക്ഷത വഹിച്ചു. ജസ്റ്റിസൺ ചാണ്ടിക്കൊല്ലി, ഷാജു കണ്ടമ്പേത്ത്, എം.സി. മഹേഷ്, ശ്രീനാഥ് നെല്ലൂർ, ജിനീഷ് അരീക്കമല, ആൽബിൻ അറയ്ക്കൽ, വിനു കാഞ്ഞിരത്തിങ്കൽ, നിയാസ് പയ്യാവൂർ, ജോജോ പാലക്കുഴി, സിജോ കണ്ണെഴത്ത്, മധു തൊട്ടിയിൽ, ജോസ് പരത്തനാൽ, ടെസി ഇമ്മാനുവൽ തുടങ്ങിയവർ പ്രസംഗിച്ചു. യൂണിറ്റ് പ്രസിഡന്‍റായി ഹസീബ്, സെക്രട്ടറി റംസാൻ, ജോയിന്‍റ് സെക്രട്ടറിയായി അനീഷ് പയ്യാർ എന്നിവരെ തെരഞ്ഞെടുത്തു.