ഒറ്റത്തൈ: ഒറ്റത്തൈ സെന്‍റ് ആന്‍റണീസ് ദേവാലയത്തിൽ തിരുനാൾ തുടങ്ങി. വികാരി ഫാ. തോമസ് ചക്കിട്ടമുറിയിൽ കൊടിയേറ്റി. തുടർന്ന് നടന്ന തിരുനാൾ തിരുക്കർമങ്ങൾക്ക് ഫാ. മൈക്കിൾ ഒരപ്പൂഴിക്കൽ നേതൃത്വം നൽകി. ഇന്നു മുതൽ 10 വരെ വൈകുന്നേരം 4.30ന് ജപമാല, ആരാധന, വൈകുന്നേരം അഞ്ചിന് വിശുദ്ധ കുർബാന, വചനസന്ദേശം, നൊവേന, ആറിന് രാവിലെ 6.30ന് ജപമാല, ആരാധന, രാവിലെ ഏഴിന് വിശുദ്ധ കുർബാന, വചനസന്ദേശം, നൊവേന എന്നിവ നടക്കും. വിവിധ ദിവസങ്ങളിലെ തിരുനാൾ തിരുക്കർമങ്ങൾക്ക് ഫാ. ഷൈജു പള്ളിച്ചാംകുടി ടിഒആർ, ഫാ. തോമസ് മരശേരി, ഫാ. മനു കവിയിൽ ഒഎഫ്എം കാപ്, ഫാ. ടിന്‍റോ പരത്തനാൽ ഒഎഫ്എം കാപ്, ഫാ. ജോർജ് അച്ചാണ്ടിയിൽ, ഫാ. ജോസഫ് കുത്തുളിയിൽ, ഫാ. ജോസഫ് പുതുമന, ഫാ. ജോസഫ് ആനചാരിൽ, ഫാ. ജോയ്സ് കാരിക്കാത്തടത്തിൽ എന്നിവർ കാർമികരാകും. 10ന് വൈകുന്നേരം സെമിത്തേരി സന്ദർശനം, ഒപ്പീസ്, സൺഡേ സ്കൂളിന്‍റെയും ഭക്തസംഘടനകളുടെയും കലാസന്ധ്യ ഉദ്ഘാടനം ഫാ. മാണി ആട്ടേൽ.
11ന് വൈകുന്നേരം 4.30ന് ജപമാല, ആരാധന, അഞ്ചിന് വിശുദ്ധ കുർബാന, തിരുനാൾ സന്ദേശം- ഫാ. ആന്‍റണി തറേക്കടവിൽ, തുടർന്ന് തിരുസ്വരൂപം വഹിച്ച് ടൗൺ ചുറ്റിയുള്ള പ്രദക്ഷിണം, രാത്രി ഒന്പതിന് ഗാനമേള. 12ന് രാവിലെ 10.30ന് ആഘോഷമായ റാസക്ക് ഫാ. കുര്യാക്കോസ് പ്ലാവുനിൽക്കുംപറന്പിൽ മുഖ്യകാർമികനാകും. ഫാ. ഷാരോൺ പാറത്താഴെ എംസിബിഎസ്, ഫാ. മൈക്കിൾ ഒരപ്പൂഴിക്കൽ എന്നിവർ സഹകാർമികരാകും. തുടർന്ന് പ്രദക്ഷിണം, ലദീഞ്ഞ്, സമാപനാശിർവാദം, സ്നേഹവിരുന്ന്.