കണ്ണൂർ: ലഹരി മാഫിയാ സംഘങ്ങളെ ഒറ്റപ്പെടുത്തുക എന്ന മുദ്രാവാക്യമുയര്ത്തി ജില്ലയിലെ 4000 കേന്ദ്രങ്ങളില് ലഹരിവിരുദ്ധ സദസുകള് സംഘടിപ്പിക്കാന് എല്ഡിഎഫ് ജില്ലാ കമ്മിറ്റി യോഗ തീരുമാനം. ഡിസംബര് മൂന്നിന് വൈകുന്നേരം അഞ്ചിന് തലശേരി പഴയ ബസ് സ്റ്റാൻഡിലും ഡിസംബർ നാലിന് വൈകുന്നേരം അഞ്ചിന് മറ്റ് കേന്ദ്രങ്ങളിലുമാണ് സദസുകൾ സംഘടിപ്പിക്കുന്നത്. ഡിസംബര് 11ന് തലശേരി ഏരിയയിലെ 11 കേന്ദ്രങ്ങളില് ബഹുജന കൂട്ടായ്മയും സംഘടിപ്പിക്കും.
യോഗത്തിൽ എം.വി. ജയരാജന് അധ്യക്ഷത വഹിച്ചു. കണ്വീനര് കെ.പി. സഹദേവന്, സി. രവീന്ദ്രന്, പി.കെ. രവീന്ദ്രന്, കെ.സി. ജേക്കബ്, എ.ജെ. ജോസഫ്, വി.കെ. ഗിരിജന്, കെ.കെ. ജയപ്രകാശ്, ഇക്ബാല് പോപ്പുലര്, കെ. സുരേശന്, പി.പി. ആനന്ദന്, കെ.പി. അനില്കുമാര്, വി.കെ. രമേശന്, ഹമീദ് ചെങ്ങളായി, ബാബുരാജ് ഉളിക്കല്, പി. കുഞ്ഞിക്കണ്ണന്, കെ. മോഹനന്, രതീഷ് ചിറക്കല് എന്നിവര് പ്രസംഗിച്ചു.