ക​ൽ​പ്പ​റ്റ: എ​ഴു​പ​തു ക​ഴി​ഞ്ഞ ദ്രൗ​പ​ദി​യ​മ്മ​യ്ക്ക് വാ​യി​ക്കാ​ൻ പു​സ്ത​ക​ങ്ങ​ളു​മാ​യി വ​യ​നാ​ട് ജ​ന​മൈ​ത്രി പോ​ലീ​സ്. തേ​യി​ല​ത്തോ​ട്ടം തൊ​ഴി​ലാ​ളി​യാ​യി​രു​ന്ന ദ്രൗ​പ​ദി​യ​മ്മ​യ്ക്കു വാ​യ​ന​യി​ലു​ള്ള ക​ന്പം തി​രി​ച്ച​റി​ഞ്ഞാ​ണ് ജ​ന​മൈ​ത്രി പോ​ലീ​സ് പു​സ്ത​ക​ങ്ങ​ൾ ന​ൽ​കി​യ​ത്. പൊ​ഴു​ത​ന മു​ത്താ​റി​ക്കു​ന്ന് സ്വ​ദേ​ശി​നി​യാ​ണ് ദ്രൗ​പ​ദി​യ​മ്മ. കൗ​മാ​ര പ്രാ​യ​ത്തി​ൽ തു​ട​ങ്ങി​യ​താ​ണ് പു​സ്ത​ക​ങ്ങ​ളു​മാ​യു​ള്ള സ​ല്ലാ​പം. ക​ഴി​ഞ്ഞ അ​ര നൂ​റ്റാ​ണ്ടി​നി​ടെ മ​ല​യാ​ള​ത്തി​ൽ പ്ര​സി​ദ്ധീ​ക​രി​ച്ച പു​സ്ത​ക​ങ്ങ​ളി​ൽ മി​ക്ക​തും അ​വ​ർ വാ​യി​ച്ചി​ട്ടു​ണ്ട്.

അ​മ്മ പ​ങ്ക​ജാ​ക്ഷി​യി​ൽ​നി​ന്നു പ​ക​ർ​ന്നു​കി​ട്ടി​യ​താ​ണ് വാ​യ​നാ​ശീ​ലം. വൈ​ത്തി​രി പോ​ലീ​സി​നു കീ​ഴി​ൽ പൊ​ഴു​ത​ന​യി​ൽ പ്ര​വ​ർ​ത്തി​ക്കു​ന്ന വ​യോ​ജ​ന കൂ​ട്ടാ​യ്മ​യി​ൽ അം​ഗ​മാ​ണ് ദ്രൗ​പ​ദി​യ​മ്മ. ജി​ല്ല​യി​ലെ പോ​ലീ​സ് ഉ​ദ്യോ​ഗ​സ്ഥ​രി​ൽ​നി​ന്നു സ​മാ​ഹ​രി​ച്ച 25 പു​സ്ത​ക​ങ്ങ​ളാ​ണ് പൊ​ഴു​ത​ന​യി​ൽ സം​ഘ​ടി​പ്പി​ച്ച ച​ട​ങ്ങി​ൽ വൈ​ത്തി​രി പോ​ലീ​സ് ഇ​ൻ​സ്പെ​ക്ട​ർ ബോ​ബി വ​ർ​ഗീ​സ്, ജ​ന​മൈ​ത്രി ജി​ല്ലാ അ​സി​സ്റ്റ​ന്‍റ് നോ​ഡ​ൽ ഓ​ഫീ​സ​ർ കെ.​എം. ശ​ശി​ധ​ര​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ദ്രൗ​പ​ദി​യ​മ്മ​യ്ക്ക് കൈ​മാ​റി​യ​ത്.

വൈ​ത്തി​രി എ​സ്ഐ മ​ണി, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ ഷൈ​ജു, പി. ​ആ​ലി തു​ട​ങ്ങി​യ​വ​ർ പ​ങ്കെ​ടു​ത്തു. ദ്രൗ​പ​ദി​യ​മ്മ​യ്ക്ക് കൂ​ടു​ത​ൽ പു​സ്ത​ക​ങ്ങ​ൾ ല​ഭ്യ​മാ​ക്കു​മെ​ന്ന് ജ​ന​മൈ​ത്രി പോ​ലീ​സ് അ​റി​യി​ച്ചു.