സു​ൽ​ത്താ​ൻ ബ​ത്തേ​രി: 42-ാമ​ത് വ​യ​നാ​ട് റ​വ​ന്യു ജി​ല്ലാ സ്കൂ​ൾ ക​ലോ​ത്സ​വ​ത്തി​ന് ബ​ത്തേ​രി​യി​ൽ ഇ​ന്ന് തി​രി​തെ​ളി​യും. കൗ​മാ​ര ക​ലാ​മേ​ള ന​ട​ത്താ​നു​ള്ള വേ​ദി​ക​ൾ സ​ർ​വ്വ​ജ​ന സ്കൂ​ൾ, ഡ​യ​റ്റ്, പ്ര​തീ​ക്ഷ, സെ​ന്‍റ്ജോ​സ​ഫ്സ്, കൈ​പ്പ​ഞ്ചേ​രി ഗ​വ. എ​ൽ പി ​സ്കൂ​ൾ എ​ന്നി​വി​ട​ങ്ങ​ളി​ൽ ത​യ്യാ​റാ​യി. എ​ട്ടു വേ​ദി​ക​ളാ​ണ് മേ​ള​യ്ക്കു​ണ്ടാ​കു​ക. സ​ർ​വ്വ​ജ​ന സ്കൂ​ൾ ഗ്രൗ​ണ്ടാ​ണ് മു​ഖ്യ​വേ​ദി.

വേ​ദി ര​ണ്ട് സ്കൂ​ൾ ഓ​ഡി​റ്റോ​റി​യ​വു​മാ​ണ്. വേ​ദി എ​ട്ട് സ​ർ​വ്വ​ജ​ന വൊ​ക്കേ​ഷ​ണ​ൽ ഹ​യ​ർ​സെ​ക്ക​ൻ​ഡ​റി സ്കൂ​ൾ ക്ലാ​സ് റൂ​മു​മാ​ണ്. വേ​ദി മൂ​ന്ന് സെ​ന്‍റ്ജോ​സ​ഫ്സ് സ്കൂ​ൾ ഓ​ഡി​റ്റോ​റി​യം, നാ​ലും ഏ​ഴും വേ​ദി​ക​ൾ ഡ​യ​റ്റി​ലെ ഓ​ഡി​റ്റോ​റി​യ​വും എ​ഡ്യൂ​സാ​റ്റ് ഹാ​ളു​മാ​ണ്. അ​ഞ്ചാം വേ​ദി കൈ​പ്പ​ഞ്ചേ​രി ഗ​വ. എ​ൽ പി ​സ്കൂ​ളും ആ​റാം വേ​ദി പ്ര​തീ​ക്ഷ യൂ​ത്ത് സെ​ന്‍റ​റി​ലു​മാ​ണ് ഒ​രു​ക്കി​യി​രി​ക്കു​ന്ന​ത്.

ക​ലോ​ത്സ​വ​ത്തി​ൽ സ്റ്റേ​ജി​ത​ര മ​ത്സ​ര​ങ്ങ​ൾ നാ​ളെ​യും സ്റ്റേ​ജ്മ​ത്സ​ര​ങ്ങ​ൾ നാ​ളെ​യും തു​ട​ങ്ങും. സ​ർ​വ്വ​ജ​ന സ്കൂ​ളി​ലെ പ​ത്ത് ക്ലാ​സ് മു​റി​ക​ളാ​ണ് ഇ​തി​നാ​യി ഒ​രു​ക്കി​യി​രി​ക്കു​ന്ന​ത്. ചി​ത്ര​ര​ച​ന, കാ​ർ​ട്ടൂ​ൺ, എ​ണ്ണഛാ​യം, കൊ​ളാ​ഷ്, ക​ഥാ​ര​ച​ന, ഉ​പ​ന്യാ​സ ര​ച​ന, ക്വി​സ്, നി​ഘ​ണ്ടു​നി​ർ​മാ​ണം, ക്യാ​പ്ഷ​ൻ ര​ച​ന, ത​ർ​ജ്ജ​മ, പോ​സ്റ്റ​ർ ര​ച​ന, പ​ദ​പ്പ​യ​റ്റ്, പ​ദ​കേ​ളി, പ്ര​ശ്നോ​ത്ത​രി, സ​മ​സ്യാ​പൂ​ര​ണം എ​ന്നി​വ​യാ​ണ് ന​ട​ക്കു​ക.

നാ​ല് ദി​വ​സ​ങ്ങ​ളി​ലാ​യി ന​ട​ക്കു​ന്ന ക​ലാ​മേ​ള​യി​ൽ 926 ഇ​ന​ങ്ങ​ളി​ലാ​യി 3290 മ​ത്സ​രാ​ർ​ഥി​ക​ളാ​ണ് പ​ങ്കെ​ടു​ക്കു​ക. അ​ധ്യാ​പ​ക​രും ര​ക്ഷി​താ​ക്ക​ളും ഓ​ഫീ​ഷ്യ​ൽ​സു​മ​ട​ക്കും നാ​ല് ദി​വ​സ​ങ്ങ​ളി​ലാ​യി കാ​ൽ ല​ക്ഷ​ത്തോ​ളം പേ​ർ ക​ലോ​ത്സ​വ ന​ഗ​രി​യി​ലേ​ക്ക് എ​ത്തു​മെ​ന്നാ​ണ് നി​ഗ​മ​നം. ആ​ദ്യ​ദി​നം ആ​യി​രം പേ​ർ​ക്കും തു​ട​ർ​ന്നു​ള്ള ദി​വ​സ​ങ്ങ​ളി​ൽ ശ​രാ​ശ​രി അ​യ്യാ​യി​രം പേ​ർ​ക്കും ഭ​ക്ഷ​ണം ഒ​രു​ക്കും.

ക​ലാ​മേ​ള നാ​ളെ വൈ​കു​ന്നേ​രം അ​ഞ്ചി​ന് ഐ.​സി. ബാ​ല​കൃ​ഷ്ണ​ൻ എം​എ​ൽ​എ ഉ​ദ്ഘാ​ട​നം ചെ​യ്യും. ടി. ​സി​ദ്ദി​ഖ് എം​എ​ൽ​എ, ജി​ല്ലാ​പ​ഞ്ചാ​യ​ത്ത് പ്ര​സി​ഡ​ന്‍റ് സം​ഷാ​ദ് മ​ര​ക്കാ​ർ അ​ട​ക്ക​മു​ള്ള ജ​ന​പ്ര​തി​നി​ധി​ക​ൾ പ​ങ്കെ​ടു​ക്കും. സ​മാ​പ​ന സ​മ്മേ​ള​നം 30ന് ​വൈ​കു​ന്നേ​രം ഒ.​ആ​ർ. കേ​ളു എം​എ​ൽ​എ ഉ​ദ്ഘാ​ട​നം ചെ​യ്യും.