ADVERTISEMENT

ADVERTISEMENT

നോർവെയിലേക്ക് ക്ഷണം; റുഷ്ദ ഹിബയെ അനുമോദിച്ചു

ചാത്തനല്ലൂർ: നോർവെ സർവകലാശാലയിൽ രസതന്ത്രത്തിൽ സ്കോളർഷിപ്പോടു കൂടി ഗവേഷണം നടത്താൻ ഇന്ത്യയിൽ നിന്ന് തെരഞ്ഞെടുക്കപ്പെട്ട അങ്ങാടിപ്പുറം പഞ്ചായത്തിലെ ചാത്തനല്ലൂർ സ്വദേശിനി റുഷ്ദ ഹിബയെ ചാത്തനല്ലൂർ റസിഡന്‍റ്സ് അസോസിയേഷൻ അനുമോദിച്ചു.

17 നാണ് നോർവെയിലേക്ക് യാത്ര തിരിക്കുന്നത്. നൂറുൽ ഹുദാ മദ്രസ അങ്കണത്തിൽ നടന്ന ചടങ്ങ് വാർഡ് മെന്പർ പി.പി. ഷിഹാബ് ഉദ്ഘാടനം ചെയ്തു. പെരിന്തൽമണ്ണ പോലീസ് ഇൻസ്പെക്ടർ സുമേഷ് സുധാകരൻ മെമന്‍റോ നൽകി. റസിഡന്‍റ്സ് അസോസിയേഷൻ പ്രസിഡന്‍റ് യു. അബ്ദുൾ കരീം അധ്യക്ഷത വഹിച്ചു.

ചടങ്ങിൽ എൽഎസ്എസ് സ്കോളർഷിപ്പ് നേടിയ സി. ഹയ ഫാത്തിമ, സി. റൈഫ ഫാത്തിമ, എൻ. അബ്ദുള്ള, ടി.കെ. ദൻവ, എൻ.കെ. അലി സാഹി എന്നിവർക്കുള്ള ഉപഹാരം സി. അബ്ദുൾ റസാക്ക്, പി.പി. ഹംസ, കെ.ടി. സക്കീർ, വി.കെ. അബ്ബാസ് എന്നിവർ നൽകി. ഷബീർ ചാത്തോലിൽ പ്രസംഗിച്ചു. ചത്തോലിക്കുണ്ട് സ്വദേശി പരേതനായ തെക്കൻ ബക്കറിന്‍റെയും സുലൈഖയുടെയും മകളാണ് റുഷ്ദ ഹിബ. സഹോദരൻ: സൽമാൻ റുഷ്ദി. സഹോദരി: ഹിദ.

ADVERTISEMENT

ആസ്തി രജിസ്റ്ററിൽ നിന്ന് കിണർ അപ്രത്യക്ഷമായി; ആദിവാസി കുടുംബങ്ങൾ പഞ്ചായത്ത് സെക്രട്ടറിയെ ഉപരോധിച്ചു

കാളികാവ്: ചോക്കാട് നെല്ലിയാംപാടം ആദിവാസി നഗറിലെ കുടിവെള്ള പദ്ധതിയുടെ ദശാബ്ദങ്ങളായി ഉപയോഗത്തിലിരുന്ന കിണർ ആസ്തി രജിസ്റ്ററിൽ നിന്ന് അപ്രത്യക്ഷമായി. ഇതേത്തുടർന്ന് കുടിവെള്ള പദ്ധതിയുടെ അറ്റകുറ്റപ്പണിക്കായി അനുവദിച്ച ഫണ്ട് പാഴായി പോകുമെന്ന് ആശങ്കയിലായ നെല്ലിയാംപാടം ആദിവാസി നഗറിലെ കുടുംബങ്ങൾ ഗ്രാമപഞ്ചായത്തിലെത്തി സെക്രട്ടറിയെ ഏറെ നേരം ബന്ദിയാക്കി. പതിറ്റാണ്ടുകളോളം പ്രദേശത്തുകാർ ഉപയോഗിച്ച പൊതുകിണർ പഞ്ചായത്തിന്‍റെ ആസ്തി രജിസ്റ്ററിൽ കാണാനില്ലാത്തതാണ് പ്രശ്നമായത്. ജില്ലാ പഞ്ചായത്തും ഗ്രാമപഞ്ചായത്തും കുടിവെള്ള പദ്ധതി പ്രകാരം ഒന്നിലധികം തവണ ഫണ്ട് ചെലവഴിച്ച് നിർമിച്ചതും മറ്റു പ്രവൃത്തികൾ നടത്തുകയും ചെയ്ത കിണറാണ് ഇപ്പോൾ പഞ്ചായത്തിന്‍റെ ആസ്തി രജിസ്റ്ററിൽ നിന്ന് അപ്രത്യക്ഷമായത്. ഇതോടെ ജില്ലാ പഞ്ചായത്ത് നിർമിച്ച നിലവിലെ കുടിവെള്ള വിതരണ പദ്ധതി പാടെ തകരാറിലായിട്ടുണ്ട്. പദ്ധതിയുടെ റിപ്പയറിംഗിനു വേണ്ടി ഗ്രാമപഞ്ചായത്ത് ഫണ്ട് വകയിരുത്തിയ ഘട്ടത്തിലാണ് ആസ്തി രജിസ്റ്ററിൽ നിന്ന് കിണർ അപ്രത്യക്ഷമായ വിവരം ബന്ധപ്പെട്ടവർ അറിയുന്നത്. കുടിവെള്ളത്തിനായി മറ്റു മാർഗങ്ങളില്ലാതെ പ്രയാസപ്പെടുന്ന നെല്ലിയാന്പാടത്തുകാർ പഞ്ചായത്തിന്‍റെ അനാസ്ഥക്കെതിരേ രംഗത്ത് വരികയായിരുന്നു. വാർഡ് മെന്പർ കെ.ടി. സലീന, സിപിഎം ലോക്കൽ സെക്രട്ടറി കെ.ടി. മുജീബ്, മെന്പർമാരായ കെ. ഷാഹിനാബാനു, എം. അൻവർ എന്നിവരുടെ നേതൃത്വത്തിലാണ് പഞ്ചായത്ത് സെക്രട്ടറിയെ ബന്ദിയാക്കി ഉപരോധിച്ചത്. ഒടുവിൽ വിഷയം പരിശോധിച്ച് രണ്ടു ദിവസത്തിനകം പരിഹരിക്കാമെന്ന വ്യവസ്ഥയിൽ ഉപരോധം അവസാനിപ്പിക്കുകയായിരുന്നു. കാളികാവ് എസ്ഐ ഇല്ലിക്കൽ അൻവർ സാദത്തിന്‍റെ നേതൃത്വത്തിൽ പോലീസ് സ്ഥലത്തെത്തിയിരുന്നു.

പെരുവന്പാടത്തെ റോഡുകൾ ഉദ്ഘാടനം ചെയ്തു

നിലന്പൂർ: പെരുവന്പാടത്ത് വിവിധ റോഡുകളുടെ ഉദ്ഘാടനവും പ്രവൃത്തി ഉദ്ഘാടനവും നടത്തി. എംഎൽഎ ഫണ്ടിൽനിന്ന് 10 ലക്ഷം രൂപ വീതം ചെലവഴിച്ച് നിർമിച്ച മേലെ പെരുവന്പാടം വനം റോഡ്, വണ്ടനാനിക്കൽ റോഡ്, ബ്ലോക്ക് പഞ്ചായത്ത് ഫണ്ടിൽനിന്ന് 10 ലക്ഷം രൂപ ചെലവിൽ നിർമിച്ച പെരുന്പാടം നഗർ റോഡ് എന്നിവയുടെ ഉദ്ഘാടനവും ഗ്രാമപഞ്ചായത്ത് 10 ലക്ഷം രൂപ ചെലവഴിച്ച് നിർമിക്കുന്ന പെരുന്പാടം പുഴക്കടവ്-തൊണ്ടിയൽ നടപ്പാത, എംഎൽഎ ഫണ്ടിൽനിന്ന് 10 ലക്ഷം രൂപ ചെലവഴിച്ചുള്ള ഇടിവണ്ണ - പെരുവന്പാടം റോഡ് എന്നിവയുടെ പ്രവൃത്തി ഉദ്ഘാടനവുമാണ് പി.കെ. ബഷീർ എംഎൽഎ നിർവഹിച്ചത്. മേലെ പെരുവന്പാടം വനം റോഡ് ഉദ്ഘാടനത്തിൽ നിലന്പൂർ നോർത്ത് ഡിഎഫ്ഒ പി. ധനേഷ് കുമാറും പങ്കെടുത്തു. പെരുവന്പാടം വാർഡിൽ ഉൾപ്പെടെ ചാലിയാർ പഞ്ചായത്തിന്‍റെ വിവിധ ഭാഗങ്ങളിൽ എംഎൽഎ ഫണ്ട് ഉപയോഗിച്ച് നിരവധി റോഡുകളുടെ പ്രവൃത്തി പൂർത്തീരിക്കാൻ സാധിച്ചതായി എംഎൽഎ പറഞ്ഞു. 112 കോടിയിലേറെ രൂപ ചെലവഴിച്ച് നിർമാണം ആരംഭിച്ചിട്ടുള്ള നിലന്പൂർ - നായാടംപൊയിൽ മലയോര ഹൈവേ മലയോര മേഖലക്ക് ഏറെ നേട്ടമാകുമെന്നും എംഎൽഎ പറഞ്ഞു. ഒരു പ്രതിപക്ഷ എംഎൽഎ എന്ന നിലയിൽ ജനങ്ങളുടെ പ്രതീക്ഷക്കനുസരിച്ച് വികസന പ്രവർത്തനങ്ങൾ നടത്താൻ കഴിഞ്ഞതായും പി.കെ. ബഷീർ പറഞ്ഞു. നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി അധ്യക്ഷത വഹിച്ചു. ചാലിയാർ ഗ്രാമപഞ്ചായത്ത് പ്രസിഡന്‍റ് പി. മനോഹരൻ മുഖ്യപ്രഭാഷണം നടത്തി. അഡ്വ. ഐ.കെ. യൂനസ് സലിം, കല്ലട കുഞ്ഞുമുഹമ്മദ്, നാലകത്ത് ഹൈദരാലി, ബെന്നി കൈതോലിൽ, തോണിക്കടവൻ ഷൗക്കത്ത്, ഹാരീസ് ആട്ടിരി എന്നിവർ പ്രസംഗിച്ചു. കഴിഞ്ഞ അഞ്ചുവർഷംകൊണ്ട് എംഎൽഎ, ജില്ലാ പഞ്ചായത്ത്, ബ്ലോക്ക് പഞ്ചായത്ത്, ഗ്രാമപഞ്ചായത്ത് ഫണ്ടുകൾ ഉപയോഗിച്ച് വാർഡിൽ രണ്ട് കോടി രൂപയുടെ വികസന പദ്ധതികൾ നടപ്പാക്കാൻ കഴിഞ്ഞതായി വാർഡ് അംഗം സിബി അന്പാട്ട് പറഞ്ഞു.

മഞ്ചേരി ബസ് ബേ കം ഷോപ്പിംഗ് കോംപ്ലക്സ് നാടിന് സമർപ്പിച്ചു

മഞ്ചേരി: കേരളത്തിലെ തദ്ദേശ സ്ഥാപനങ്ങളുടെ സ്ഥിതി ജാതകത്തിലെ രാജയോഗം പ്രയോഗം പോലെയാണെന്ന് പ്രതിപക്ഷ നേതാവ് വി.ഡി. സതീശൻ. രാജയോഗമാണെന്നും രാജാവിനെ പോലെ ജീവിക്കുമെന്നും ജാതകത്തിന്‍റെ ആദ്യപേജിലുണ്ടാകും. മൂന്ന്, നാല് പേജുകൾ മറിക്കുന്പോൾ അത് അനുഭവിക്കാൻ ഭാഗ്യം ഉണ്ടാകില്ലെന്നും എഴുതിയിട്ടുണ്ടാകും. ഇതേ രീതിയിലാണ് സംസ്ഥാന സർക്കാർ തദ്ദേശ സ്ഥാപനങ്ങളോട് പെരുമാറുന്നത്. പണം അനുവദിച്ചോ എന്ന് ചോദിച്ചാൽ ഉണ്ടെന്ന് പറയും. എന്നാൽ നൽകുന്ന പണം പേപ്പറിലാണ്, അനുഭവിക്കാൻ പറ്റില്ല. ട്രഷറി അടച്ചിടുന്നതിന്‍റെ മണിക്കൂറുകൾക്ക് മുന്പാണ് സർക്കാർ ഫണ്ട് നൽകുക. അക്കൗണ്ടിലുള്ള തുക എടുക്കാനാകാതെ തദ്ദേശ സ്ഥാപനങ്ങളെ ദുരിതത്തിലാക്കാനാണ് ഇങ്ങനെ ചെയ്യുന്നത്. ഖജനാവ് കാലിയായ സർക്കാരിന് ഇത്രയൊക്കെ പറ്റൂവെന്നും സതീശൻ പരിഹസിച്ചു. സർക്കാർ പ്രയാസപ്പെടുത്തിയിട്ടും മനോഹരമായ ബസ് ബേ സമുച്ചയം ഒരുക്കിയ നഗരസഭയെ അഭിനന്ദിക്കുകയാണെന്നും അദ്ദേഹം പറഞ്ഞു. മഞ്ചേരി നഗരസഭ അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഉദ്ഘാടനം ചെയ്തു സംസാരിക്കുകയായിരുന്നു വി.ഡി. സതീശൻ. അഡ്വ. യു.എ. ലത്തീഫ് എംഎൽഎ അധ്യക്ഷത വഹിച്ചു. 9.5 കോടി രൂപ ചെലവഴിച്ച് 38,167 ചതുരശ്ര വിസ്തൃതിയിലാണ് പുതിയ കെട്ടിടം ഒരുക്കിയത്. ഗ്രൗണ്ട് ഫ്ളോർ അടക്കം മൂന്ന് നിലകളിലായാണ് ഷോപ്പിംഗ് കോംപ്ലക്സ്. അപകടാവസ്ഥയിലായിരുന്ന പഴയ ബസ് സ്റ്റാൻഡ് കെട്ടിടം പൊളിച്ചു അതിവേഗം നിർമാണം പൂർത്തിയാക്കി. താഴത്തെ നിലയിൽ 34 റൂമുകളും ഒന്നാം നിലയിലും രണ്ടാം നിലയിലുമായി 30 വീതം റൂമുകളുമുണ്ട്. 29 ശുചിമുറികളും സജ്ജമാക്കി. നിലവിലുണ്ടായിരുന്ന കെട്ടിടത്തിലെ പഴയ കച്ചവടക്കാരെ പുതിയ കെട്ടിടത്തിലേക്ക് പുനരധിവസിപ്പിച്ചു. പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീർ എംപി എന്നിവർ ഓണ്‍ലൈനായി പ്രസംഗിച്ചു. എംഎൽഎമാരായ എ.പി. അനിൽകുമാർ, പി.കെ. ബഷീർ, പി. ഉബൈദുള്ള, ടി.വി. ഇബ്രാഹിം, ആര്യാടൻ ഷൗക്കത്ത്, ചെയർപേഴ്സണ്‍ വി.എം. സുബൈദ, വൈസ് ചെയർമാൻ വി.പി. ഫിറോസ്, സ്ഥിരംസമിതി അധ്യക്ഷരായ എൻ.കെ. ഖൈറുന്നീസ, എൻ.എം. എൽസി, റഹീം പുതുക്കൊള്ളി, യാഷിക് മേച്ചേരി, സി. സക്കീന, കൗണ്‍സിലർ കണ്ണിയൻ അബൂബക്കർ, നഗരസഭ മുൻ ചെയർമാൻമാരായ ഇസ്ഹാഖ് കുരിക്കൾ, വല്ലാഞ്ചിറ മുഹമ്മദലി, വ്യാപാരി വ്യവസായി ഏകോപന സമിതി പ്രസിഡന്‍റ് നിവിൽ ഇബ്രാഹീം, രാഷ്ട്രീയ പാർട്ടി പ്രതിനിധികൾ തുടങ്ങിയവർ പ്രസംഗിച്ചു. അതേസമയം ഇടത് കൗണ്‍സിലർമാരും നേതാക്കളും ചടങ്ങിൽ പങ്കെടുത്തില്ല.

കോണ്‍ഗ്രസ് പ്രതിഷേധിച്ചു

നിലന്പൂർ: കോണ്‍ഗ്രസ് നേതാവും എംപിയുമായ ഷാഫി പറന്പിലിനെ പോലീസ് മർദിച്ചതിൽ പ്രതിഷേധിച്ച് നിലന്പൂരിലും പ്രതിഷേധ പ്രകടനം നടന്നു. നിലന്പൂർ നിയോജക മണ്ഡലംതല പ്രതിഷേധ പ്രകടനത്തിൽ വിവിധ ബ്ലോക്കുകളിൽ നിന്നുള്ള കോണ്‍ഗ്രസ് നേതാക്കളും പ്രവർത്തകരും പങ്കെടുത്തു. പോലീസ് വൻ സുരക്ഷാ സജ്ജീകരണങ്ങളാണ് ഏർപ്പെടുത്തിയിരുന്നത്. കോണ്‍ഗ്രസ് ഓഫീസ് പരിസരത്ത് നിന്ന് തുടങ്ങിയ പ്രതിഷേധ പ്രകടനം നിലന്പൂർ ടൗണ്‍ ചുറ്റി നെഹ്റു സ്ക്വയറിൽ സമാപിച്ചു. പ്രകടനത്തിന് ആര്യാടൻ ഷൗക്കത്ത് എംഎൽഎ, കെപിസിസി മുൻ സെക്രട്ടറി വി.എ. കരീം, കോണ്‍ഗ്രസ് ബ്ലോക്ക് പ്രസിഡന്‍റുമാരായ പാലോളി മെഹബൂബ്, തോപ്പിൽ ബാബു, വിവിധ പോഷക സംഘടനാ നേതാക്കൾ, ജനപ്രതിനിധികൾ തുടങ്ങിയവർ പങ്കെടുത്തു.

പാലം പ്രവൃത്തി ഉദ്ഘാടനം ചെയ്തു

അങ്ങാടിപ്പുറം: പീച്ചാണിപ്പറന്പ് പാലത്തിന്‍റെ പ്രവൃത്തി ഉദ്ഘാടനം മഞ്ഞളാംകുഴി അലി എംഎൽഎ നിർവഹിച്ചു. എംഎൽഎയുടെ ആസ്തി വികസന ഫണ്ടിൽ നിന്ന് 10 ലക്ഷം രൂപ വകയിരുത്തിയാണ് പാലം നിർമിക്കുന്നത്. അങ്ങാടിപ്പുറം പഞ്ചായത്ത് പ്രസിഡന്‍റ് സഈദ അധ്യക്ഷത വഹിച്ചു.സലീം പുലാക്കൽ, ഷമീർബാബു മൂന്നാക്കൽ, ഹുസൈൻ പള്ളിയാൽതൊടി, അസൈനാർ പള്ളിയാൽതൊടി, എ. ഉനൈസ്, എ. അനസ്, മുഹമ്മദ് ഷാഫി പള്ളിയാൽതൊടി, സി.കെ. നാസർ, സി.കെ. നസീഫ്, പി.ടി. മുസ്തഫ തുടങ്ങിയവർ പങ്കെടുത്തു.

ചാലിയാർ കുടുംബശ്രീ വാർഷികം പങ്കാളിത്തംകൊണ്ട് ശ്രദ്ധേയമായി

നിലന്പൂർ: സംഘാടനം കൊണ്ടും സ്ത്രീ പങ്കാളിത്തംകൊണ്ടും ശ്രദ്ധേയമായി ചാലിയാർ കുടുംബശ്രീ വാർഷികാഘോഷം. ചാലിയാർ കുടുംബശ്രീ സിഡിഎസിന്‍റെ 27 -ാമത് വാർഷികാഘോഷമാണ് ഏറെ ശ്രദ്ധേയമായത്. 1500 ലേറെ പേരാണ് പങ്കെടുത്തത്. അകന്പാടത്ത് നടന്ന വാർഷികാഘോഷവും സിഡിഎസ് പ്രവർത്തന റിപ്പേർട്ട് പ്രകാശനവും പി.കെ. ബഷീർ എംഎൽഎ ഉദ്ഘാടനം ചെയ്തു. ചാലിയാർ ഗ്രാമപഞ്ചായത്ത് പ്രസിഡന്‍റ് പി. മനോഹരൻ അധ്യക്ഷത വഹിച്ചു. ചാലിയാർ സിഡിഎസിലെ സംഘകൃഷി ഗ്രൂപ്പുകൾക്കുള്ള ഇൻസന്‍റീവ് വിതരണോദ്ഘാടനം നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി നിർവഹിച്ചു. കുടുംബശ്രീ ജില്ലാ മിഷൻ കോ ഓർഡിനേറ്റർ ബി. സുരേഷ് കുമാർ മുഖ്യഥിതിയായിരുന്നു. പ്രവർത്തന റിപ്പോർട്ട് മെന്പർ സെക്രട്ടറി ബി. ഹരികൃഷ്ണൻ നായർ അവതരിപ്പിച്ചു. ചാലിയാർ സിഡിഎസിലെ മികച്ച പ്രവർത്തനങ്ങൾ നടത്തിയ എഡിഎസ്, അയൽക്കൂട്ടം, ജെഎൽജി, എസ്ടി അയൽക്കൂട്ടം, സൂക്ഷ്മ സംരംഭം, മൃഗസംരക്ഷണ സംരംഭം എന്നീ മേഖലയിലുള്ളവരെ ചടങ്ങിൽ ആദരിച്ചു. ചാലിയാർ ഗ്രാമപഞ്ചായത്ത് വൈസ് പ്രസിഡന്‍റ് ഗീത ദേവദാസ്, സ്റ്റാൻഡിംഗ് കമ്മിറ്റി ചെയർപേഴ്സൻമാരായ ബീനാ ജോസഫ്, തോണിയിൽ സുരേഷ്, സുമയ്യ പൊന്നാൻകടവൻ, നിലന്പൂർ ബ്ലോക്ക് പഞ്ചായത്തംഗം സഹിൽ അകന്പാടം, ഗ്രാമപഞ്ചായത്ത് അംഗങ്ങൾ, നിലന്പൂർ ട്രൈബൽ സ്പെഷൽ പ്രോജക്ട് കോ ഓർഡിനേറ്റർ കെ.കെ. മുഹമ്മദ് സാനു തുടങ്ങിയവർ പ്രസംഗിച്ചു.സിഡിഎസ് ഓഫീസിന്‍റെ സ്ഥലപരിമിതിയും സൗകര്യക്കുറവും സിഡിഎസ് ചെയർപേഴ്സണ്‍ എംഎൽയ്എക്ക് മുന്നിൽ അവതരിപ്പിച്ചു.

തദ്ദേശ തെരഞ്ഞെടുപ്പ്: സംവരണ വാർഡുകളുടെ നറുക്കെടുപ്പ് തുടങ്ങി

മലപ്പുറം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് സംവരണ വാർഡുകളുടെ നറുക്കെടുപ്പ് തുടങ്ങി. നിലന്പൂർ, വണ്ടൂർ, മലപ്പുറം ബ്ലോക്ക് പഞ്ചായത്തുകൾക്ക് കീഴിലെ ഗ്രാമപഞ്ചായത്ത് വാർഡുകളുടെ നറുക്കെടുപ്പ് പൂർത്തിയായി. നിലന്പൂർ ബ്ലോക്കിന് കീഴിലെ പഞ്ചായത്തുകളും സംവരണ വാർഡുകളും: വഴിക്കടവ് പഞ്ചായത്ത്: പട്ടികജാതി സ്ത്രീ ( വാർഡ് 14 ആലപൊയിൽ ). പട്ടികജാതി ( 11, വഴിക്കടവ് ). സ്ത്രീ സംവരണം-02 മദ്ദളപ്പാറ, 04 മരുത വേങ്ങാപ്പാടം , 05 മാമാങ്കര, 07 വള്ളിക്കാട്, 08 മണൽപാടം, 10 വെള്ളക്കട്ട, 15 മണിമൂളി, 17 മുണ്ട, 19 ശങ്കുണ്ണിപൊട്ടി, 22 നാരേക്കാവ്, 23 മേക്കോരവ. എടക്കര പഞ്ചായത്ത്: പട്ടികജാതി സംവരണം (19 ചാത്തമുണ്ട). പട്ടികവർഗ സംവരണം (17 പാതിരിപ്പാടം ). സ്ത്രീ സംവരണം- 01 മലച്ചി, 02 കരുനെച്ചി, 04 പാലേമാട് , 06 ശങ്കരംകുളം, 07പായിന്പാടം, 08 പാർലി, 09 വെള്ളാരംകുന്ന്, 14 തന്പുരാൻകുന്ന്, 16 തെയ്യത്തുംപാടം, 18 ഉദിരകുളം. പോത്തുകല്ല് പഞ്ചായത്ത്: പട്ടികജാതി സംവരണം ( 10 കോടാലിപൊയിൽ), പട്ടികവർഗ സംവരണം ( 09, മുതുകുളം ). സ്ത്രീ സംവരണം-04 മുറം തൂക്കി, 05 മുക്കം, 06 വെളുന്പിയംപാടം, 07 അന്പിട്ടാൻപൊട്ടി, 12 നെട്ടിക്കുളം , 13 ഉപ്പട, 14 വെള്ളിമുറ്റം, 17 പനങ്കയം, 18 തുടിമുട്ടി, 19 ഭൂദാനം. മൂത്തേടം ഗ്രാമപഞ്ചായത്ത്: പട്ടികജാതി സ്ത്രീ സംവരണം (09 വെള്ളാരമുണ്ട). പട്ടികജാതി സംവരണം ( 11 വട്ടപ്പാടം ). പട്ടികവർഗ സംവരണം ( 05 ബാലംകുളം). സ്ത്രീ സംവരണം- 02 നെല്ലിക്കുത്ത്, 04 കൽക്കുളം, 06 കാരപ്പുറം, 07പായംപാടം, 12 കുറ്റിക്കാട്, 14 മൂത്തേടം, 15 ചാമപറന്പ്, 18 ചമ്മന്തിട്ട. ചുങ്കത്തറ പഞ്ചായത്ത്: പട്ടികജാതി സ്ത്രീ ( 07, കാട്ടിച്ചിറ ), പട്ടികജാതി (10 കാട്ടിലപ്പാടം ), പട്ടികവർഗം (12 പനമണ്ണ ), സ്ത്രീസംവരണം-01 എരുമമുണ്ട, 04 നല്ലംതണ്ണി, 05 തലഞ്ഞി, 06 പുലിമുണ്ട, 08 കോട്ടേപ്പാടം, 11 പള്ളിക്കുത്ത്, 13 മുട്ടിക്കടവ്, 16 ചുങ്കത്തറ ടൗണ്‍, 17 വെള്ളാരംകുന്ന്, 20 കൈപ്പിനി. ചാലിയാർ പഞ്ചായത്ത്: പട്ടികവർഗ സ്ത്രീ സംവരണം (14 അകന്പാടം). പട്ടികജാതി സംവരണം (12 മൊടവണ്ണ). പട്ടികവർഗ സംവരണം( 06 നന്പൂരിപ്പൊട്ടി). സ്ത്രീ സംവരണം- 04 മുട്ടിയേൽ ,07 ആനപ്പാറ, 08 കോരംകോട്, 11 മണ്ണുപ്പാടം, 13 കളക്കുന്ന്, 15 ആറംകോട്, 16 പെരുന്പാടം. വണ്ടൂർ ബ്ലോക്ക് പഞ്ചായത്തിന് കീഴിലെ സ്ഥാപനങ്ങളുടെ നറുക്കെടുപ്പ്: തിരുവാലി ഗ്രാമപഞ്ചായത്ത്: പട്ടികജാതി സ്ത്രീ സംവരണം (17 ചടങ്ങാംകുളം, 14 തിരുവാലി ). പട്ടികജാതി സംവരണം ( 01 ഇല്ലാത്തുക്കുന്ന്, 11 പൂളക്കൽ). സ്ത്രീസംവരണം-02 കാർങ്ങല്ലൂർ, 05 നടുവത്ത്, 06 എകെജി നഗർ, 03 കണ്ടമംഗലം, 09 ഏറിയാട്, 15 തോടായം, 16 വട്ടപ്പറന്പ്, 18 പത്തിരിയാൽ. വണ്ടൂർ പഞ്ചായത്ത്: പട്ടികജാതി സ്ത്രീ സംവരണം ( 03 കാരാട്, 06ശാന്തി നഗർ ). പട്ടികജാതി സംവരണം(16 പള്ളിക്കുന്ന്). സ്ത്രീ സംവരണം-08 വരന്പർ കല്ല് , 09 കൂരാട്, 10 മുടപ്പിലാശേരി, 11 മാടശേരി , 12 വാണിയന്പലം, 14 ചെട്ടിയാറമ്മ , 19 അന്പലപ്പടി, 21 പഴയ വാണിയന്പലം, 22 പൊട്ടിപ്പാറ, 23 വെള്ളാന്പുറം ). മന്പാട് പഞ്ചായത്ത്: പട്ടികജാതി സ്ത്രീ സംവരണം (11 കാട്ടുമുണ്ട), പട്ടികജാതി സംവരണം ( 03 വടപുറം ), പട്ടികവർഗ സംവരണം ( 05 പാലപറന്പ്), സ്ത്രീ സംവരണം- 04 വള്ളിക്കെട്ട്, 09 കന്പനിപ്പടി, 14 മേപ്പാടം, 15 പൊങ്ങല്ലൂർ, 16 ഇളന്പുഴ, 17 മന്പാട് സൗത്ത്, 18 ഇപ്പുട്ടിങ്ങൽ, 19 മന്പാട് നോർത്ത്, 21 കാരച്ചാൽ, 22 ഓടായിക്കൽ. പോരൂർ പഞ്ചായത്ത്: പട്ടികജാതി സ്ത്രീ സംവരണം ( 04 മേലണ്ണം , 16പട്ടണം കുണ്ട് ) , പട്ടികജാതി സംവരണം ( 03 രവിമംഗലം).സ്ത്രീ സംവരണം- 02 ആലിക്കോട്, 07പോരൂർ, 09 പള്ളിക്കുന്ന്, 11താളിയംകുണ്ട്, 12 ചെറുകോട്, 15 ചെറുകോട് സൗത്ത്, 17 എരഞ്ഞിക്കുന്ന്, 18 നിരന്നപറന്പ്. പാണ്ടിക്കാട് പഞ്ചായത്ത്: പട്ടികജാതി സ്ത്രീ സംവരണം ( 03 കാവുങ്ങൽപറന്പ്, 15 പുലിക്കൽപറന്പ്).പട്ടികജാതി സംവരണം ( 11 വിലങ്ങംപൊയിൽ ), സ്ത്രീ സംവരണം- 01 വെട്ടിക്കാട്ടിരി, 04 കാരായ, 05 കൊടശേരി, 06 മരാട്ടപ്പടി, 07 അന്പലക്കള്ളി, 16 കുഴിക്കാട്ട്പറന്പ്, 17 പയ്യപറന്പ്, 18 പാണ്ടിക്കാട് ടൗണ്‍, 19 പാണ്ടിക്കാട് സൗത്ത്, 24 തറിപ്പടി. തൃക്കലങ്ങോട് പഞ്ചായത്ത്: പട്ടികജാതി സ്ത്രീ സംവരണം ( 07 പഴേടം, 09 എടക്കാട് ). പട്ടികജാതി സംവരണം (12 ചാരങ്കാവ് ). സ്ത്രീ സംവരണം-08 പുലത്ത്, 10 പാതിരിക്കോട്, 11 പേലേപ്പുറം, 13 ചെറുകുളം, 15 മൈലൂത്ത്, 16 ചെറാംകുത്ത്, 17 മഞ്ഞപ്പറ്റ, 18 കൂമംകുളം, 21 തൃക്കലങ്ങോട്, 24 നെല്ലിക്കുന്ന്. മലപ്പുറം ബ്ലോക്കിന് കീഴിലെ പഞ്ചായത്തുകളും സംവരണ വാർഡുകളും: ആനക്കയം ഗ്രാമപഞ്ചായത്ത്: പട്ടികജാതി സംവരണം ( 12 അന്പലവട്ടം), സ്ത്രീ സംവരണം- 01 പള്ളിയാളിപ്പടി, 03 കൂളയോടൻമുക്ക് , 05 ചിറ്റത്തുപാറ, 06 പന്തല്ലൂർ, 07 മുടക്കോട്, 08 നരിയാട്ടുപാറ, 11 തെക്കുന്പാട്,14 ചേപ്പൂർ, 15 ആനക്കയം, 17 പെരിന്പലം, 19 ഇരുന്പുഴി, 20 വളാപറന്പ്. മൊറയൂർ ഗ്രാമപഞ്ചായത്ത്: പട്ടികജാതി സംവരണം ( 10 പാലത്തിങ്ങൽ ), സ്ത്രീ സംവരണം- 01 ഒഴുകൂർ, 06 മോങ്ങം, 08 ഹിൽടോപ്പ്, 09 അരിന്പ്ര, 11 പുതനപ്പറന്പ്, 12 ബിരിയപ്പുറം, 13 അരിന്പ്ര നോർത്ത്, 14 കാരത്തടം, 16 തിരുവാലിപ്പറന്പ്, 19 എടപ്പറന്പ്, 21 കുന്നക്കാട്. പൊന്മള ഗ്രാമപഞ്ചായത്ത്: പട്ടികജാതി സംവരണം ( 09 ആക്കപ്പറന്പ്). സ്ത്രീ സംവരണം- 02 പൊന്മള, 03 കാഞ്ഞിരമുക്ക്, 05 ചാപ്പനങ്ങാടി, 06 വട്ടപറന്പ്, 08 ചെങ്ങോട്ടൂർ, 10 കോൽകളം, 11 കുന്നംകുറ്റി, 12 ചൂനൂർ, 13 തലകാപ്പ്, 16 പറങ്കിമുച്ചിക്കൽ, 19 പള്ളിയാലിൽ. പൂക്കോട്ടൂർ ഗ്രാമപഞ്ചായത്ത്: പട്ടികജാതി സംവരണം ( 15 ചെറുവള്ളൂർ ).സ്ത്രീ സംവരണം- 02 ഹാഫ് വള്ളുവന്പ്രം, 03 ഹാഫ് വള്ളുവന്പ്രം ഈസ്റ്റ്, 04 മൂച്ചിക്കൽ , 06 പുല്ലാര, 10 മേലേമുക്ക്, 12 പൂക്കോട്ടൂർ, 14 അറവങ്കര, 16 ന്യൂ ബസാർ, 17 ചീനിക്കൽ, 18 അത്താണിക്കൽ, 21 മുസ്ല്യാർ പീടിക, 22 മൂലക്കോട്. ഒതുക്കുങ്ങൽ ഗ്രാമപഞ്ചായത്ത്: പട്ടികജാതി സംവരണം ( 05 മൂലപ്പറന്പ്). സ്ത്രീ സംവരണം- 04 മറ്റത്തൂരങ്ങാടി, 08 പാറക്കളം, 10 നൊട്ടനാലക്കൽ, 11 ഒതുക്കുങ്ങൽ ടൗണ്‍, 12 ചെറുക്കുന്ന്, 13 മേലേക്കുളന്പ്, 14 നെടുങ്ങോട്ടകളം, 15 വലിയപറന്പ്, 16 ഉദിരാണി, 17 പുത്തൂർ, 19 പള്ളിപ്പുറം, 21 കൊടവണ്ടൂർ. കോഡൂർ ഗ്രാമപഞ്ചായത്ത്: പട്ടികജാതി സംവരണം ( 22 വെസ്റ്റ്കോഡൂർ ). സ്ത്രീ സംവരണം- 01 മങ്ങാട്ടുപുലം, 02 വടക്കേമണ്ണ, 03 ചെമ്മങ്കടവ്, 04 ചോലക്കൽ, 05 ഉമ്മത്തൂർ, 06 പെരങ്ങോട്ടുപുലം, 07 മുണ്ടക്കോട്, 09 കുട്ടശേരികുളന്പ്, 10 ഈസ്റ്റ്കോഡൂർ, 12 ചെളൂർ, 19 കാച്ചടിപറന്പ്, 21 എൻകെ പടി.

കർഷകർ ലോംഗ് മാർച്ച് നടത്തി

മഞ്ചേരി: പുൽപ്പറ്റ പഞ്ചായത്ത് ഭരണകൂടം നടത്തുന്ന കർഷക ദ്രോഹ നടപടികളിൽ പ്രതിഷേധിച്ച് കർഷക സംഘം പുൽപ്പറ്റ പഞ്ചായത്ത് കമ്മിറ്റിയുടെ ആഭിമുഖ്യത്തിൽ ലോംഗ് മാർച്ച് സംഘടിപ്പിച്ചു. പുറമണ്ണ മുതൽ കൂട്ടാവ് വരെ നടന്ന മാർച്ച് ജില്ലാ സെക്രട്ടറി വി.എം. ഷൗക്കത്ത് ഉദ്ഘാടനം ചെയ്തു. കുര്യാക്കോസ്, സുരേഷ് കൈരളി, ജാഥാ ക്യാപ്റ്റൻ റസാഖ് വളമംഗലം, മുഹമ്മദ്, മൻസൂർ, ബാബു, സലീം എന്നിവർ പ്രസംഗിച്ചു.

അങ്ങാടിപ്പുറത്ത് തൊഴിൽമേള

അങ്ങാടിപ്പുറം: അങ്ങാടിപ്പുറം ഗ്രാമപഞ്ചായത്ത് വിജ്ഞാനകേരളം പ്രാദേശിക തൊഴിൽമേള എം.പി. നാരായണ മേനോൻ മെമ്മോറിയൽ ഹാളിൽ സംഘടിപ്പിച്ചു. പ്രസിഡന്‍റ് സഈദ മേള ഉദ്ഘാടനം ചെയ്തു. വിജ്ഞാന കേരളം അങ്ങാടിപ്പുറം ഗ്രാമപഞ്ചായത്ത് ഡിആർപി നയീം പദ്ധതി വിശദീകരിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഫൗസിയ തവളേങ്ങൽ അധ്യക്ഷത വഹിച്ചു. മെന്പർമാരായ കെ.ടി. നാരായണൻ, രത്നകുമാരി, അനിൽ, ജീന, അങ്ങാടിപ്പുറം ഗ്രാമപഞ്ചായത്ത് സിഡിഎസ് നൂറ യാസ്മിൻ, അസിസ്റ്റന്‍റ് സെക്രട്ടറി സ്മിത എന്നിവർ പ്രസംഗിച്ചു. വ്യവസായ വാണിജ്യ വകുപ്പ് ബിഡിഎസ്പി മൃദുൽ രവി, ബ്ലോക്ക് ജോബ് സ്റ്റേഷൻ കോ ഓർഡിനേറ്റർമാരായ സുഭാഷിണി, ഹഫ്സത്ത്, ഫവാസ് തുടങ്ങിയവർ നേതൃത്വം നൽകി. 16 കന്പനികൾ പങ്കെടുത്ത മേളയിൽ 150 തൊഴിലന്വേഷകർ പങ്കെടുക്കുകയും 85 പേർ ഷോർട്ട്‌ലിസ്റ്റ് ചെയ്യപ്പെടുകയും ചെയ്തു.

നിലന്പൂരിൽ വികസന സദസ് നടത്തി

നിലന്പൂർ: നിലന്പൂർ നഗരസഭയുടെ അഞ്ച് വർഷത്തെ വികസന പ്രവർത്തനങ്ങൾ അവതരിപ്പിച്ച് വികസന സദസ് ശ്രദ്ധേയമായി. നഗരസഭാധ്യക്ഷൻ മാട്ടുമ്മൽ സലീം സദസ് ഉദ്ഘാടനം ചെയ്തു. നഗരസഭാ ഉപാധ്യക്ഷ അരുമ ജയകൃഷ്ണൻ അധ്യക്ഷത വഹിച്ചു. കോവിഡ് കാലത്ത് നഗരസഭ അതിജീവിച്ചത് സർക്കാരിന്‍റെയും ജനങ്ങളുടെയും പിന്തുണകൊണ്ടാണ്. നഗരസഭയെ വയോജന സൗഹൃദമാക്കാൻ പകൽ വീടുകൾ നിർമിക്കാൻ സാധിച്ചു. ഭിന്നശേഷിക്കാർക്കായി പ്രിവിലേജ് കാർഡ് നൽകുകയും പുതിയ മൂന്ന് ആശുപത്രികൾ നിർമിക്കാനും ഈ ഭരണസമിതിക്ക് കഴിഞ്ഞുവെന്ന് അദ്ദേഹം പറഞ്ഞു. ഇന്നും വികസന സദസ് നടക്കും. അഞ്ഞൂറോളം ആളുകൾ പങ്കെടുത്ത പരിപാടിയിൽ പിഎച്ച്ഐകെപി സലീം നഗരസഭ വികസന രേഖ അവതരിപ്പിച്ചു. പറവൂർ നഗരസഭ സ്ഥിരംസമിതി അധ്യക്ഷ ഷൈനി, കേരള മുസ്‌ലിം ജമാത്ത് ജില്ലാ പ്രസിഡന്‍റ് കൂറ്റന്പാറ അബ്ദുറഹ്മാൻ ദാരിമി, ബഷീർ ഫൈസി എന്നിവർ മുഖ്യാതിഥികളായിരുന്നു. സ്ഥിരംസമിതി ചെയർമാൻമാരായ പി.എം. ബഷീർ, കാക്കാടൻ റഹീം, യു.കെ. ബിന്ദു, വി.ആർ. സൈജിമോൾ, സ്കറിയ കിനാംതോപ്പിൽ, വാർഡ് കൗണ്‍സിലർമാർ എന്നിവർ പങ്കെടുത്തു.

മഞ്ചേരി മെഡിക്കൽ കോളജിൽ ബേണ്‍ ഐസിയു ആരംഭിച്ചു

മഞ്ചേരി: മഞ്ചേരി ഗവണ്‍മെന്‍റ് മെഡിക്കൽ കോളജ് ആശുപത്രിയിൽ തീപ്പൊള്ളലേറ്റ് ഗുരുതരാവസ്ഥയിലെത്തുന്ന രോഗികൾക്കായി ബേണ്‍ ഐസിയു ആരംഭിച്ചു. ജൂണിയർ ചേംബർ ഇന്‍റർനാഷണലാണ് ആശുപത്രിയിൽ യൂണിറ്റ് സ്ഥാപിച്ചത്. ജെസിഐ മേഖല പ്രസിഡന്‍റ് ഇ.വി. അരുണ്‍ ഉദ്ഘാടനം ചെയ്തു. മഞ്ചേരി ജെസിഐ പ്രസിഡന്‍റ് ഡോ. നിയാസ് കുരിക്കൾ അധ്യക്ഷത വഹിച്ചു. ആശുപത്രി സൂപ്രണ്ട് ഡോ. ആർ. പ്രഭുദാസ്, സോണ്‍ വൈസ് പ്രസിഡന്‍റ് ഡോ. സദക്കത്തുള്ള താഹിർ, ഉദയകുമാർ, ശശിധരൻ, ടി.എം. ഷബീർ എന്നിവർ പങ്കെടുത്തു.

മുസ്‌ലിം ലീഗ് ഗ്രാമയാത്ര സമാപിച്ചു

കരുവാരകുണ്ട്: ജനവിരുദ്ധ ഭരണത്തിന്‍റെ ജനകീയ വിചാരണ എന്ന പ്രമേയത്തിൽ മുസ്‌ലിം ലീഗ് നടത്തിയ ത്രിദിന ഗ്രാമയാത്രക്ക് ഉജ്വല സമാപ്തി. പുത്തനഴി താഴെ പുളിയക്കോട് നിന്ന് ആരംഭിച്ച യാത്ര ഞായറാഴ്ച രാത്രി എട്ടിന് തരിശിൽ സമാപിച്ചു. സമാപന ദിവസത്തെ യാത്ര വണ്ടൂർ നിയോജക മണ്ഡലം ലീഗ് പ്രസിഡന്‍റ് ഖാലിദ് പതാക കൈമാറി ഉദ്ഘാടനം ചെയ്തു. കരുവാരകുണ്ട് പഞ്ചായത്ത് ഭരണ സമിതിയുടെ കെടുകാര്യസ്ഥത തുറന്ന് കാട്ടുന്നതായിരുന്നു ഗ്രാമയാത്ര. ഭരണസമിതിയുടെ ഫണ്ട് ദുരുപയോഗം, പദ്ധതികൾ നടപ്പാക്കുന്നതിലെ വീഴ്ച, സുതാര്യതയുടെ അഭാവം, വികസന പ്രവർത്തനങ്ങളിലെ അനാസ്ഥ എന്നിവ ആരോപിച്ചാണ് ഗ്രാമങ്ങൾ തോറും സ്വീകരണയോഗങ്ങൾ നടത്തിയത്. എൻ.ഉണ്ണീൻകുട്ടിയായിരുന്നു ജാഥാക്യാപ്റ്റൻ. സമാപന സമ്മേളനം ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം തരിശിൽ ഉദ്ഘാടനം ചെയ്തു. യൂത്ത് ലീഗ് ജില്ലാ വൈസ് പ്രസിഡന്‍റ് എൻ.കെ.അഫ്സലുറഹ്മാൻ മുഖ്യപ്രഭാഷണം നടത്തി. വൈസ് ക്യാപ്റ്റൻ എം.കെ. മുഹമ്മദാലി, ഡയറക്ടർ പി.കെ. നാസർ, ചീഫ് കോ ഓർഡിനേറ്റർ എം.ഫിയാസ്, പഞ്ചായത്ത് ലീഗ് ഭാരവാഹികളായ എ.കെ. ഹംസക്കുട്ടി, കെ.ടി. ഷിഹാബ്, ഹംസഹാജി, സുബ്ഹാൻ, സലാം ഫൈസി തുടങ്ങിയവർ നേതൃത്വം നൽകി.

സഹകരണ ബാങ്ക് സെക്രട്ടറീസ് കോണ്‍ക്ലേവ് 23 ന്

മങ്കട: സഹകരണ ബാങ്ക് സെക്രട്ടറീസ് സെന്‍റർ ജില്ലാ കമ്മിറ്റി സംഘടിപ്പിക്കുന്ന സെക്രട്ടറീസ് കോണ്‍ക്ലേവ് 23 ന് മലപ്പുറത്ത് നടക്കും. പൂക്കോട്ടൂർ ഡെലീഷ്യ ഹാളിൽ നടക്കുന്ന കോണ്‍ക്ലേവിൽ ജില്ലയിലെ പിഎസിഎസുകളുടെ സെക്രട്ടറിമാരാണ് പങ്കെടുക്കുന്നത്. സഹകരണ മേഖലയിലുണ്ടായ ഒറ്റപ്പെട്ട ക്രമക്കേടുകളുടെയും സഹകരണ നിയമത്തിലുണ്ടായ ഭേദഗതിയുടെയും പശ്ചാത്തലത്തിൽ സഹകരണ ബാങ്കുകളിൽ സമഗ്രമാറ്റത്തിന് ലക്ഷ്യം വച്ചാണ് സെക്രട്ടറീസ് സെന്‍റർ കോണ്‍ക്ലേവ് സംഘടിപ്പിച്ചിട്ടുള്ളത്. സഹകരണ വകുപ്പിന്‍റെ ജില്ലാതല മേധാവികളും അന്താരാഷ്ട്ര പരിശീലകരും കോണ്‍ക്ലേവിൽ പങ്കെടുക്കും. ഇതുസംബന്ധിച്ച യോഗം സംസ്ഥാന പ്രസിഡന്‍റ് അഡ്വ.ഹനീഫ പെരിഞ്ചീരി ഉദ്ഘാടനം ചെയ്തു. അബ്ദുൾ അസീസ് വെട്ടിക്കാട്ടിരി അധ്യക്ഷത വഹിച്ചു. സെക്രട്ടറി എൻ. ഭാഗ്യനാഥ്, സൈഫുള്ള കറുമുക്കിൽ, നാസർ എളങ്കൂർ, ആയിഷക്കുട്ടി, അൻവർ ഊർങ്ങാട്ടിരി, അഷ്റഫ് അരക്കുപറന്പ്, ജുമൈലത്ത് കാവനൂർ, റഷീദ് പുൽപ്പറ്റ, ആസിഫ് പരപ്പനങ്ങാടി, മൻസൂർ വാഴക്കാട്, അജിത എടവണ്ണ, ഷൈജ, ബീന എന്നിവർ പ്രസംഗിച്ചു.

നിലന്പൂരിൽ വികസനയാത്രയെ പരിഹസിച്ച് തൃണമൂൽ കോണ്‍ഗ്രസ്

നിലന്പൂർ:എൽഡിഎഫ് വികസന യാത്രക്കെതിരെ തൃണമൂൽ കോണ്‍ഗ്രസ് രംഗത്ത്. അഞ്ച് വർഷം നിലന്പൂർ നഗരസഭയുടെ ഭരണത്തിന് നേതൃത്വം നൽകിയ ചെയർമാനെ മാറ്റി നിർത്തിയുള്ള വികസനയാത്ര ജനങ്ങളെ ഭയന്നാണെന്ന് തൃണമൂൽ കോണ്‍ഗ്രസ് സംസ്ഥാന സമിതി അംഗവും നഗരസഭാ കൗണ്‍സിലറുമായ ഇസ്മായിൽ എരഞ്ഞിക്കൽ നിലന്പൂരിൽ വാർത്താ സമ്മേളനത്തിൽ പറഞ്ഞു. പ്രധാനമന്ത്രിയായിരുന്ന നരസിംഹറാവുന്‍റെ ഫോട്ടോ വയ്ക്കാതെ കോണ്‍ഗ്രസ് തെരഞ്ഞെടുപ്പിനെ നേരിട്ട പോലെയാണ് ജനങ്ങളെ ഭയന്ന് നഗരസഭ ചെയർമാനെ ഒഴിവാക്കി എൽഡിഎഫ് വികസനയാത്ര നടത്തുന്നത്. നിലന്പൂർ നഗരസഭയുടെ വികസനയാത്ര നയിക്കുന്നത് ചേക്കാട് സ്വദേശിയായ സിപിഎം ജില്ലാ കമ്മിറ്റി അംഗം ഇ.പത്മാക്ഷനാണ്. എൽഡിഎഫ് വികസനയാത്രയാണെങ്കിൽ ചെയർമാൻ മാട്ടുമ്മൽ സലീം എൽഡിഎഫിൽ അല്ലേയെന്നും ഇസ്മായിൽ ചോദിച്ചു. 2020 ലെ എൽഡിഎഫ് പ്രകടന പത്രികയിൽ പറഞ്ഞ പ്രധാന വാഗ്ദാനങ്ങൾ ഒന്നും നടപ്പാക്കിയില്ല. അധികാരത്തിൽ വന്നാൽ മൂന്ന് മാസം കൊണ്ട് ചന്തക്കുന്ന് ബസ് സ്റ്റാൻഡ് നിർമാണം തുടങ്ങുമെന്ന് പ്രഖ്യാപിച്ചിരുന്നു. അഞ്ച് വർഷമായിട്ടും തുടങ്ങിയില്ല. ഡിപിആറിന്‍റെ 26 ലക്ഷം രൂപ ബില്ല് മാറ്റിയെടുത്തിട്ടുണ്ട്. എന്നാൽ നിർമാണം ആരംഭിച്ചിട്ടില്ല. സ്വന്തം പോക്കറ്റ് വികസിച്ചതല്ലാതെ പ്രകടനപത്രികയിൽ പറഞ്ഞ പ്രധാന കാര്യങ്ങളൊന്നും നടപ്പാക്കിയില്ലെന്നും അദ്ദേഹം ആരോപിച്ചു. കുറ്റികുരുമുളക്, ചൂരക്കുളം തുടങ്ങി എല്ലാ പദ്ധതികളിലും അഴിമതിയാണ് നടന്നത്. അഞ്ച് വർഷം ഭരണം നയിച്ച ചെയർമാനെ മുന്നിൽ നിർത്തി വികസനയാത്ര നയിക്കാൻ കഴിയാത്ത ഗതികേടിലായ എൽഡിഎഫിന്‍റെ വികസനയാത്ര പുച്ഛത്തോടെയാണ് ജനങ്ങൾ നോക്കി കാണുന്നതെന്നും അദ്ദേഹം പറഞ്ഞു. സ്ഥലമില്ലാത്തവർക്ക് മുതുകാടുള്ള നഗരസഭയുടെ സ്ഥലത്ത് ഫ്ളാറ്റ് സമുച്ചയം നിർമിക്കുമെന്ന് പറഞ്ഞിരുന്നു. ഓട്ടിസം പാർക്ക്, മാലിന്യ സംസ്കരണ കേന്ദ്രം എന്നിവ എന്തുകൊണ്ട് യാഥാർഥ്യമാക്ക യില്ലെന്നും ഇസ്മായിൽ എരഞ്ഞിക്കൽ ചോദിച്ചു. നഗരസഭ തെരഞ്ഞെടുപ്പിൽ 36 ഡിവിഷനിലും തൃണമൂൽ കോണ്‍ഗ്രസ് മത്സരിക്കും. ഇരുമുന്നണികളിലെയും അസംതൃപ്തരായ ആളുകളെ ഒരു കുടക്കീഴിൽ അണിനിരത്തുമെന്നും ഇസ്മായിൽ എരഞ്ഞിക്കൽ പറഞ്ഞു. എൽഡിഎഫ് വികസനയാത്രയുടെ പൊള്ളത്തരങ്ങൾ തുറന്നു കാട്ടി തൃണമൂൽ കോണ്‍ഗ്രസ് നഗരസഭയിൽ വാഹന പ്രചാരണ ജാഥ സംഘടിപ്പിക്കുമെന്നും അദ്ദേഹം പറഞ്ഞു. വാർത്താ സമ്മേളനത്തിൽ തൃണമൂൽ കോണ്‍ഗ്രസ് മുനിസിപ്പൽ കോ ഓർഡിനേറ്റർ ഷാജഹാൻ പാത്തിപ്പാറ, യുവജന വിഭാഗം കോ ഓർഡിനേറ്റർ ഇ.ടി. അനൂപ് എന്നിവർ പങ്കെടുത്തു.

അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഉദ്ഘാടനം ഇന്ന്

മഞ്ചേരി: സെൻട്രൽ ജംഗ്ഷനിൽ മഞ്ചേരി നഗരസഭ പുനർനിർമിച്ച എം.പി.എ. അഹമ്മദ് കുരിക്കൾ സ്മാരക ബസ് ബേ കം ഷോപ്പിംഗ് കോംപ്ലക്സ് ഇന്ന് നാടിന് സമർപ്പിക്കും. വൈകീട്ട് മൂന്നിന് പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും. അഡ്വ. യു.എ. ലത്തീഫ് എംഎൽഎ അധ്യക്ഷത വഹിക്കും. ഉദ്ഘാടനത്തോടനുബന്ധിച്ച് നഗരസഭ ഓഫീസ് പരിസരത്ത് നിന്ന് നഗരത്തിലൂടെ വിളംബര ഘോഷയാത്രയും നടക്കുമെന്ന് ചെയർപേഴ്സണ്‍ വി.എം. സുബൈദ, വൈസ് ചെയർമാൻ വി.പി. ഫിറോസ് എന്നിവർ വാർത്താ സമ്മേളനത്തിൽ അറിയിച്ചു. ബാൻഡ് വാദ്യമേളങ്ങളും കരിമരുന്ന് പ്രയോഗങ്ങളും കലാപ്രകടനങ്ങളും അകന്പടിയേകും. ഒന്പതര കോടി രൂപ ചെലവഴിച്ച് 38,167 ചതുരശ്ര അടിയിലാണ് കെട്ടിടം സജ്ജമാക്കിയത്. ഗ്രൗണ്ട് ഫ്ളോർ അടക്കം മൂന്ന് നിലകളിലായാണ് ഷോപ്പിംഗ് കോംപ്ലക്സ്. അപകടാവസ്ഥയിലായിരുന്ന പഴയബസ് സ്റ്റാൻഡ് കെട്ടിടം പൊളിച്ചു അതിവേഗം നിർമാണം പൂർത്തിയാക്കി. താഴത്തെ നിലയിൽ 34 മുറികളും ഒന്നാം നിലയിലും രണ്ടാം നിലയിലുമായി 30 വീതം മുറികളുണ്ട്. 29 ശുചിമുറികളും ഒരുക്കി. പഴയ കെട്ടിടത്തിലെ കച്ചവടക്കാരെ പുതിയ കെട്ടിടത്തിലേക്ക് പുനരധിവസിപ്പിച്ചു. ഒരു കോടി രൂപ വയറിംഗിനും 20 ലക്ഷം രൂപ ഫയർ ആൻഡ് സേഫ്റ്റി സംവിധാനം ഒരുക്കുന്നതിനും ലിഫ്റ്റ് സ്ഥാപിക്കുന്നതിനും അനുവദിച്ചു. കെട്ടിടത്തിന്‍റെ മുൻഭാഗത്തും ബസുകൾ കയറി ഇറങ്ങുന്ന വഴിയിലും ഇന്‍റർലോക്ക് വിരിക്കും. കെട്ടിടത്തിന്‍റെ മുൻഭാഗത്തെ സ്ഥലം നഗരസഭ റോഡ് വീതികൂട്ടുന്നതിനായി പൊതുമരാമത്ത വകുപ്പിന് കൈമാറി. വകുപ്പിന്‍റെ നേതൃത്വത്തിൽ ഡ്രൈനേജ് മാറ്റി സ്ഥാപിക്കുന്നതോടെ മലപ്പുറം, പാണ്ടിക്കാട് റോഡിന്‍റെ വീതിയും കൂടും. ചടങ്ങിൽ എംഎൽഎമാരായ എ.പി. അനിൽകുമാർ, പി. അബ്ദുൾ ഹമീദ്, പി.കെ. ബഷീർ, പി. ഉബൈദുള്ള, ടി.വി. ഇബ്രാഹിം, ആര്യാടൻ ഷൗക്കത്ത്, നജീബ് കാന്തപുരം, നഗരസഭ സ്ഥിരംസമിതി അധ്യക്ഷർ, കൗണ്‍സിലർമാർ, വ്യാപാര സംഘടനാ പ്രതിനിധികൾ, മറ്റു രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരും പങ്കെടുക്കും. നഗരസഭയിലെ പഴയകാല നൂറിലധികം വരുന്ന ജനപ്രതിനിധികളെ ആദരിക്കും. തുടർന്ന് സംഗീത വിരുന്നും അരങ്ങേറും. വാർത്താ സമ്മേളനത്തിൽ സ്ഥിരംസമിതി അധ്യക്ഷരായ യാഷിക് മേച്ചേരി, കൗണ്‍സിലർമാരായ ഹുസൈൻ മേച്ചേരി, സി. ഫാത്തിമ സുഹ്റ എന്നിവരും പങ്കെടുത്തു.

ടിപ്പർ ലോറികളും ജെസിബിയും പിടികൂടി

പുളിക്കൽപറന്പ: മങ്കട വില്ലേജിലെ പുളിക്കപ്പറന്പിൽ അനധികൃത ചെങ്കൽ ഖനനത്തിലേർപ്പെട്ട 10 ടിപ്പർ ലോറികളും ഒരു ജെസിബിയും പെരിന്തൽമണ്ണ താലൂക്ക് ഡെപ്യൂട്ടി തഹസിൽദാർ ഷൈജുവിന്‍റെ നേതൃത്വത്തിലുള്ള സംഘം പിടികൂടി. സ്ക്വാഡിൽ താലൂക്കിലെ ക്ലാർക്കുമാരായ അജീഷ്, ഡ്രൈവർ സുനിൽകുമാർ എന്നിവരും ഉണ്ടായിരുന്നു.

അരങ്ങിൽ നിറഞ്ഞ് ദേവനന്ദ

പുത്തനങ്ങാടി: പുത്തനങ്ങാടി സെന്‍റ് ജോസഫ് സ്കൂളിൽ നടന്ന സിബിഎസ്ഇ ജില്ലാ കലോത്സവത്തിൽ കാറ്റഗറി-3 വിഭാഗത്തിൽ മോഹിനിയാട്ടം, കുച്ചിപ്പുഡി, ഭരതനാട്യം മത്സരങ്ങളിൽ ഒന്നാം സ്ഥാനം കരസ്ഥമാക്കി ദേവനന്ദ. വണ്ടൂർ നടുവത്ത് സൈനിക് പബ്ലിക് സ്കൂളിലെ ഒന്പതാം ക്ലാസ് വിദ്യാർഥിനിയായ ഈ മിടുക്കി പഠന രംഗത്തും സമർഥയാണ്. കരുളായി കെഎംഎച്ച്എസ്എസ് മലയാളം അധ്യാപകൻ പി.വിനോദിന്‍റെ മകളാണ്. അമ്മ വണ്ടൂർ വിഎംസി ഹയർ സെക്കൻഡറി സ്കൂൾ അധ്യാപിക. പ്രശസ്ത നൃത്താധ്യാപകൻ ഗിരീഷ് നടുവത്തിന്‍റെ ശിഷ്യയാണ്. കഴിഞ്ഞ വർഷം കേന്ദ്ര പ്രതിരോധ മന്ത്രാലയത്തിന്‍റെ വീർഗാഥ 4.0 - കേരളത്തിൽ നിന്ന് തെരഞ്ഞെടുക്കപ്പെട്ട രണ്ടു കുട്ടികളിൽ ഒരാളായ, സൈനിക് സ്കൂൾ ഒന്പതാം ക്ലാസ് വിദ്യാർഥി ദേവദത്തൻ സഹോദരനാണ്.

വിശ്വാസ സംരക്ഷണ യാത്രക്ക് നിലന്പൂരിൽ 16ന് സ്വീകരണം

നിലന്പൂർ: കെപിസിസി മുൻ പ്രസിഡന്‍റ് കെ. മുരളീധരൻ നയിക്കുന്ന വിശ്വാസ സംരക്ഷണ ജാഥക്ക് 16 ന് നിലന്പൂരിൽ സ്വീകരണം നൽകും. ശബരിമലയിൽ ദ്വാരപാലക ശില്പത്തിലെ സ്വർണപാളികൾ കവർന്ന സംഭവത്തിൽ ദേവസ്വം ബോർഡ് ഭാരവാഹികളും ദേവസ്വം വകുപ്പ് മന്ത്രിയും രാജിവയ്ക്കണമെന്നാവശ്യപ്പെട്ടാണ് വിശ്വാസ സംരക്ഷണ ജാഥ നടത്തുന്നത്. സിപിഎമ്മും മുഖ്യമന്ത്രിയും അറിയാതെ ശബരിമലയിൽ ഒന്നും നടക്കില്ലെന്ന് ജനങ്ങളോട് തുറന്നുപറഞ്ഞ് കോണ്‍ഗ്രസ്, വിശ്വാസികൾക്കൊപ്പം എന്ന സന്ദേശം ഉയർത്തിയാണ് ജാഥ സംഘടിപ്പിക്കുന്നത്. 16ന് രാവിലെ പത്തിന് നിലന്പൂരിൽ ജാഥയ്ക്ക് സ്വീകരണം നൽകും. ജാഥയുടെ വിജയത്തിനായി സ്വാഗതസംഘം രൂപീകരിച്ചു. യോഗം കെപിസിസി വർക്കിംഗ് പ്രസിഡന്‍റ് എ.പി. അനിൽകുമാർ എംഎൽഎ ഉദ്ഘാനം ചെയ്തു. ആര്യാടൻ ഷൗക്കത്ത് എംഎൽഎ അധ്യക്ഷത വഹിച്ചു. ഡിസിസി പ്രസിഡന്‍റ് വി.എസ്. ജോയ് മുഖ്യപ്രഭാഷണം നടത്തി. കെപിസിസി അംഗം വി.എ. കരീം, ഡിസിസി സെക്രട്ടറി അജീഷ് എടാലത്ത്, ഡിസിസി അംഗം എ. ഗോപിനാഥ്, ബ്ലോക്ക് കോണ്‍ഗ്രസ് പ്രസിഡന്‍റുമാരായ പാലോളി മെഹബൂബ്, ബാബു തോപ്പിൽ, ഗോപാലകൃഷ്ണൻ, ഇ.എ. കരീം, ജോജി കെ. അലക്സ് എന്നിവർ പ്രസംഗിച്ചു. ആര്യാടൻ ഷൗക്കത്ത് എംഎൽഎ ചെയർമാനായി രൂപീകരിച്ച സ്വാഗതസംഘം ഇന്നും നാളെയും മണ്ഡലം കണ്‍വൻഷനുകൾ പൂർത്തിയാക്കും. 16 ന് രാവിലെ പോലീസ് സ്റ്റേഷൻ പരിസരത്ത് നിന്ന് നിലന്പൂർ അങ്ങാടിയിലേക്ക് ജാഥയെ സ്വീകരിച്ച് ആനയിക്കും.

ഊട്ടി യാത്ര ആസ്വദിച്ച് തൊഴിലുറപ്പ് തൊഴിലാളികൾ

കൊളത്തൂർ: മൂർക്കനാട് പഞ്ചായത്ത് അഞ്ചാം വാർഡിലെ തൊഴിലുറപ്പ് തൊഴിലാളികൾക്കായി ഉൗട്ടിയിലേക്ക് വിനോദയാത്ര സംഘടിപ്പിച്ചു. വാർഡ് അംഗം കലന്പൻ ബാപ്പുവിന്‍റെ നേതൃത്വത്തിലാണ് 25 തൊഴിലാളികൾ ഉൗട്ടി സന്ദർശിച്ചത്. ഓണപ്പുടയിൽ നിന്ന് പുലർച്ചെ നാലിന് പുറപ്പെട്ട സംഘം ഉൗട്ടിയിലെ പ്രധാന വിനോദ കേന്ദ്രങ്ങളെല്ലാം സന്ദർശിച്ചു. ജീവിതത്തിൽ ഏറ്റവും ആനന്ദകരമായ നിമിഷമായിരുന്നുവെന്ന് പങ്കെടുത്ത തൊഴിലാളികൾ അഭിപ്രായപ്പെട്ടു. മിക്കവരും ആദ്യമായാണ് ഉൗട്ടി യാത്ര നടത്തുന്നത്. 72 വയസുകാരി കോച്ചിയായിരുന്നു പ്രായം കൂടിയ വ്യക്തി. പ്രിയ പറന്പുകാട്ടിൽ, പറന്പുകാട്ടിൽ ലീല, പറന്പുകാട്ടിൽ സുമ എന്നിവരുടെ ഏറെ കാലത്തെ ആഗ്രഹം കൂടിയാണ് വാർഡ് അംഗം കലന്പൻ ബാപ്പുവിന്‍റെ നേതൃത്വത്തിൽ നിറവേറ്റിയത്. രാത്രി ഒരു മണിയോടെ സംഘം തിരിച്ചെത്തി. കോ ഓർഡിനേറ്റർമാരായി ഷമീർ കൊളത്തൂർ, നൗഫൽ കുന്നത്തൊടി, അലി കാരയിൽ എന്നിവരും പങ്കെടുത്തു.

അമൃത എസ്. നായർ കലാതിലകം

പുത്തനങ്ങാടി: ജില്ലാ സിബിഎസ്ഇ സഹോദയ സ്കൂൾ കോംപ്ലക്സ് ജില്ലാ കലോത്സവത്തിൽഅരങ്ങ് കീഴക്കി പുത്തനങ്ങാടി സെന്‍റ് ജോസഫ്സ് സ്കൂളിലെ അമൃത എസ്. നായർ മേളയുടെ താരമായി കലാതിലകപട്ടം അണിഞ്ഞു. കാറ്റഗറി നാലിൽ ഭരതനാട്യം, കുച്ചിപ്പുഡി, മോഹിനിയാട്ടം എന്നിവയിൽ ഒന്നാം സ്ഥാനവും മലയാളകഥാ രചനയിൽ ഒന്നാം സ്ഥാനവും മലയാളം എക്സ്റ്റന്പറിൽ മൂന്നാം സ്ഥാനവും സംസ്കൃത പദ്യപാരായണത്തിൽ എ ഗ്രഡും കരസ്ഥമാക്കി മേളയിൽ 51 പോയിന്‍റുകൾ സ്വന്തമാക്കിയാണ്ഈ കലാകാരി കലോത്സവത്തിലെ സീനിയർ സെക്കൻഡറി വിഭാഗത്തിലെ കലാതിലകപട്ടം കരസ്ഥമാക്കിയത്. 2023 ൽ ശിവതാണ്ഡവം എന്ന നൃത്തശിൽപ്പവും ഈ വർഷം ശ്രീകൃഷ്ണലീല എന്ന നൃത്ത ശിൽപവും 50 ലധികം കലാകാരികളെ ചിട്ടപ്പെടുത്തി വേദിയിൽ അവതരിപ്പിച്ചിട്ടുണ്ട്. 2023 ൽ സിബിഎസ്ഇ മികച്ച വിദ്യാർഥിയായി തെരെത്തെടുക്കപ്പെട്ട അമൃത എസ്. നായർ നൃത്ത അധ്യാപികയായ അങ്ങാടിപ്പുറം ശ്രീഭദ്ര കലാമന്ദിരത്തിലെ പ്രിൻസിപ്പൽ കലാമണ്ഡലം രാധിക സായ് റാമിന്‍റെയും എക്സൈസ് വകുപ്പ് ജീവനക്കാരനായ സായിറാമിന്‍റെയും മകളാണ്. അമൃതയെ സഹോദയ പ്രസിഡന്‍റ് എം. അബ്ദുൾ നാസർ, പ്രിൻസിപ്പൽ ഫാ. നന്നം പ്രേംകുമാർ എന്നിവർ അഭിനന്ദിച്ചു.

സിബിഎസ്ഇ സഹോദയ ജില്ലാ കലോത്സവം : കോട്ടക്കൽ സേക്രഡ് ഹാർട്ട് സ്കൂൾ ഓവറോൾ ചാന്പ്യൻമാർ

പുത്തനങ്ങാടി:സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം റീജൻ പുത്തനങ്ങാടി സെന്‍റ് ജോസഫ്സ് സ്കൂളിൽ രണ്ടുദിനങ്ങളിലായി സംഘടിപ്പിച്ച ജില്ലാ കലോത്സവത്തിന് തിരശീല വീണു. മത്സരത്തിൽ 962 പോയിന്‍റുമായി കോട്ടയ്ക്കൽ സേക്രഡ് ഹാർട്ട് സീനിയർ സെക്കൻഡറി സ്കൂൾ ഓവറോൾ ചാന്പ്യൻമാരായി. 905 പോയിന്‍റുമായി കുറ്റിപ്പുറം എംഇഎസ് കാന്പസ് സ്കൂളാണ് രണ്ടാംസ്ഥാനത്ത്. തൊട്ടടുത്ത സ്ഥാനങ്ങളിൽ ഡോ. എൻ.കെ. മുഹമ്മദ് മെമ്മോറിയൽ എംഇഎസ് സെൻട്രൽ സ്കൂൾ വളാഞ്ചേരി 780 പോയിന്‍റ്, പുത്തനങ്ങാടി സെന്‍റ് ജോസഫ്സ് സ്കൂൾ 720 പോയിന്‍റ് എന്നി സ്കൂളുകളാണ്. സമാപന സമ്മേളനത്തിൽ സഹോദയ കോണ്‍ഫെഡറേഷൻ സംസ്ഥാന പ്രസിഡന്‍റ് ജോജി പോൾ വിജയികൾക്ക് ഓവറോൾ ട്രോഫി സമ്മാനിച്ചു. സഹോദയ മേഖല പ്രസിഡന്‍റ് എം. അബ്ദുൾ നാസർ അധ്യക്ഷത വഹിച്ചു. ജനറൽ കണ്‍വീനർ ഫാ. നന്നം പ്രേംകുമാർ കാറ്റഗറിതല സമ്മാനങ്ങൾ വിതരണം ചെയ്തു. ഭാരവാഹികളായ എം. ജൗഹർ, ജോബിൻ സെബാസ്റ്റ്യൻ, പി. ഹരിദാസ്, ഹഫ്സ കാരാടൻ, ജാസ്മീർ ഫൈസൽ, ഫാ. അജോ ആന്‍റണി, സുനിത എസ്. നായർ, പി. നിസാർഖാൻ, ആര്യ പി. നായർ സിൽവർമൗണ്ട് എന്നിവർ പ്രസംഗിച്ചു. കാറ്റഗറി ചാന്പ്യൻമാർ എൽപി വിഭാഗം: 1.എംഇഎസ് കാന്പസ് കുറ്റിപ്പുറം 108, 2.സേക്രഡ് ഹാർട്ട് കോട്ടക്കൽ 107, 3. ജെംഫോർഡ് തിരുവാലി 93. യുപി വിഭാഗം: 1. സേക്രഡ് ഹാർട്ട് കോട്ടക്കൽ 172, 2.ഗുഡ് വിൽ ഇംഗ്ലീഷ് സ്കൂൾ പൂക്കോട്ടുംപാടം 165, 3. എംഇഎസ് വളാഞ്ചേരി 144. ഹൈസ്കൂൾ വിഭാഗം: 1. സേക്രഡ് ഹാർട്ട് കോട്ടക്കൽ 241, 2. എംഇഎസ് കാന്പസ് കുറ്റിപ്പുറം 225, 3. എംഇഎസ് വളാഞ്ചേരി 211. സീനിയർ സെക്കന്‍ററി വിഭാഗം: 1. എംഇഎസ് കാന്പസ് സ്കൂൾ കുറ്റിപ്പുറം 270, 2. സേക്രഡ് ഹാർട്ട് കോട്ടക്കൽ 242, 3. സെന്‍റ് ജോസഫ് പുത്തനങ്ങാടി 212. പൊതുവിഭാഗം: 1.സേക്രഡ് ഹാർട്ട് കോട്ടക്കൽ 200, 2.എംഇഎസ് കാന്പസ് കുറ്റിപ്പുറം 164, 3.എംഇഎസ് വളാഞ്ചേരി 138.

കേസെടുക്കണം: സിപിഎം

മലപ്പുറം: കലിക്കട്ട് സർവകലാശാലാ ഡിഎസ് യു തെരഞ്ഞെടുപ്പിനിടെ എംഎസ്എഫ് -കെഎസ് യു ആക്രമണത്തിൽ പോലീസുകാരന്‍റെ കണ്ണിന് ഗുരുതര പരിക്കേറ്റ സംഭവത്തിൽ കൊലപാതക ശ്രമത്തിന് കേസെടുക്കണമെന്ന് സിപിഎം ജില്ലാ സെക്രട്ടറിയറ്റ് ആവശ്യപ്പെട്ടു. യുഡിഎസ്എഫ് പ്രവർത്തകരുടെ ആക്രമണത്തിൽ പാണ്ടിക്കാട് ഇന്ത്യൻ റിസർവ് ബറ്റാലിയനിലെ വിനോദ് ചന്ദ്രന് കാഴ്ച തകരാർ സംഭവിച്ചിരിക്കുകയാണ്. കാന്പസിന്‍റെ പുറത്തുനിന്നെത്തിയ യൂത്ത് ലീഗിന്‍റെയും യൂത്ത് കോണ്‍ഗ്രസിന്‍റെയും ക്രിമിനൽ സംഘമാണ് അക്രമത്തിന് നേതൃത്വം നൽകിയതെന്ന് സിപിഎം ആരോപിച്ചു. എസ്എഫ്ഐയുടെ കൗണ്ടിംഗ് ഏജന്‍റായ ഷിഫാനയ്ക്കും ഡിഎസ്യു പ്രസിഡന്‍റ് ഡോ. വി.എ. ഷഹാനയ്ക്കും നിരവധി വിദ്യാർഥികൾക്കും 15 പോലീസുകാർക്കും പരിക്കേറ്റു. പുറത്തുനിന്നെത്തിയ യൂത്ത് ലീഗുകാരുടെ കല്ലേറിലാണ് കൂടുതൽ പേർക്കും പരിക്കേറ്റതെന്ന് സിപിഎം ചൂണ്ടിക്കാട്ടി. സർവകലാശാലയെ കലാപഭൂമിയാക്കാനുള്ള ശ്രമങ്ങളെ തിരിച്ചറിയണമെന്ന് സിപിഎം ജില്ലാ സെക്രട്ടറിയറ്റ് പ്രസ്താവനയിൽ പറഞ്ഞു.

പൾസ് പോളിയോ തുള്ളി മരുന്ന് വിതരണം ചെയ്തു

4,20,139 കുട്ടികൾക്ക് തുള്ളിമരുന്ന് പെരിന്തൽമണ്ണ: പൾസ് പോളിയോ ദിനമായിരുന്ന ഇന്നലെ അഞ്ച് വയസിൽ താഴെയുള്ള കുട്ടികൾക്ക് പോളിയോ തുള്ളിമരുന്ന് വിതരണം ചെയ്തു. പെരിന്തൽമണ്ണ ജില്ലാ ആശുപത്രിയിൽ നടന്ന ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്‍റ് എം.കെ. റഫീഖ നിർവഹിച്ചു. കുഞ്ഞുങ്ങളോടുള്ള സ്നേഹ വാത്സല്യങ്ങൾക്കൊപ്പം ആരോഗ്യസുരക്ഷക്കും നാം ബാധ്യസ്ഥരാണെന്നും ഭാവി തലമുറയെ സ്ഥിര വൈകല്യത്തിൽ നിന്ന് മുക്തമാക്കുന്ന ഈ ഉദ്യമം ഫലപ്രാപ്തിയിൽ എത്തിക്കുന്നതിന് ഒരേ മനസോടെ പ്രവർത്തിക്കണമെന്നും അവർ പറഞ്ഞു.അഞ്ച് വയസിൽ താഴെയുള്ള 4,20,139 കുട്ടികൾക്കാണ് തുള്ളിമരുന്ന് നൽകുന്നത്. സർക്കാർ ആശുപത്രികൾ, സ്വകാര്യ ആശുപത്രികൾ, അങ്കണവാടികൾ, ജനകീയാരോഗ്യ കേന്ദ്രങ്ങൾ എന്നിവിടങ്ങളിൽ സജ്ജമാക്കിയ 3810 ബൂത്തുകൾ വഴിയാണ് ജില്ലയിൽ തുള്ളിമരുന്ന് വിതരണം ചെയ്തത്. കൂടാതെ ബസ് സ്റ്റാൻഡുകൾ, റെയിൽവേ സ്റ്റേഷനുകൾ തുടങ്ങിയ 65 കേന്ദ്രങ്ങളിൽ ട്രാൻസിറ്റ് ബൂത്തുകളും സജ്ജമാക്കിയിരുന്നു. ബൂത്തുകളിൽ എത്താൻ ബുദ്ധിമുട്ടുള്ള പ്രദേശങ്ങളിലും ഇതര സംസ്ഥാന തൊഴിലാളി ക്യാന്പുകളിലും തുള്ളിമരുന്ന് എത്തിക്കാൻ 57 മൊബൈൽ ടീമുകളും പ്രവർത്തിച്ചിരുന്നു. ഇന്നലെ തുള്ളിമരുന്ന് നൽകാൻ സാധിക്കാത്തവർക്ക് ആരോഗ്യ പ്രവർത്തകർ 13, 14 തിയതികളിൽ വീടുകളിലെത്തി വാക്സിൻ നൽകും. ഹരിത പ്രോട്ടോക്കോൾ പാലിച്ചുള്ള ഉദ്ഘാടന ചടങ്ങിൽ മെഡിക്കൽ ഓഫീസർ ഡോ.ആർ.രേണുക അധ്യക്ഷയായിരുന്നു. സ്റ്റേറ്റ് കോൾഡ് ചെയിൻ ഓഫീസർ എം.ആർ.ജയൻ മുഖ്യപ്രഭാഷണം നടത്തി. സംസ്ഥാന നിരീക്ഷകൻ കെ. അബ്ദു ഷുക്കൂർ, ജില്ലാ ആർസിഎച്ച് ഓഫീസർ ഡോ. എൻ.എൻ. പമീലി, ഐഎംഎ ജില്ലാ ചെയർപേഴ്സണ്‍ ഡോ. കൊച്ചു എസ്. മണി, ഐഎംഎ ദേശിയ ഉപാധ്യക്ഷൻ ഡോ. വി.യു. സിതി, ആർഎംഒ ഡോ. ദീപക് കെ. വ്യാസ്, ബ്ലോക്ക് മെഡിക്കൽ ഓഫീസർ ഡോ. ഇ.പി. ശരീഫ, ജില്ല എഡ്യുക്കേഷൻ മീഡിയ ഓഫീസർ കെ.പി. സാദിഖ് അലി തുടങ്ങിയവർ പ്രസംഗിച്ചു.

തനിച്ച് താമസിക്കുന്ന വയോധിക തീ പൊള്ളലേറ്റ് മരിച്ച നിലയിൽ

എടപ്പാൾ : വട്ടംകുളത്ത് തനിച്ച് താമസിക്കുന്ന വയോധികയെ തീ പൊള്ളലേറ്റ് മരിച്ച നിലയിൽ കണ്ടെത്തി. വട്ടംകുളം നെല്ലേക്കാട് കാന്തള്ളൂർ പരേതനായ നന്പിടി വീട്ടിൽ ഗോപനന്പ്യാരുടെ ഭാര്യ ചുള്ളിയിൽ ദേവകി അമ്മ (77) യെയാണ് തീപൊള്ളലേറ്റ് മരിച്ച നിലയിൽ കണ്ടെത്തിയത്. ഞായറാഴ്ച രാവിലെ 9.30യോടെ സമീപത്ത് താമസിക്കുന്ന മകളും മരുമകനും ഭക്ഷണവുമായി എത്തിയപ്പോൾ അടുക്കളയിൽ തീ പൊള്ളലേറ്റ് ശരീരം കരിഞ്ഞ നിലയിൽ കിടക്കുന്നതാണ് കണ്ടത്. ഗ്യാസിൽ സ്റ്റൗവിൽ നിന്ന് തീ പടർന്നതാണെന്നും കൈയിൽ തൈലം പുരട്ടിയത് കാരണം തീ പെട്ടെന്ന് ദേഹത്ത് പടർന്നതാകാമെന്ന നിഗമനത്തിലാണ് ഫോറൻസിക് ഉദ്യോഗസ്ഥർ. ചങ്ങരംകുളം പോലീസ്, ഫോറൻസിക് സംഘം പരിശോധ നടത്തി. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകി.

സ്വയംതൊഴിൽ ഗ്രൂപ്പ് സംരംഭകർക്ക് ധനസഹായം : മങ്കടയിൽ വനിതാ കാന്‍റീൻ തുടങ്ങി

മങ്കട: മങ്കട ബ്ലോക്ക് പഞ്ചായത്ത് വനിതാ സ്വയംതൊഴിൽ ഗ്രൂപ്പ് സംരംഭകർക്ക് ധനസഹായം നൽകൽ പദ്ധതി പ്രകാരം മങ്കട സിഎച്ച്സി വളപ്പിൽ റാഹത്ത് എന്ന പേരിൽ വനിതാ കാന്‍റീൻ പ്രവർത്തനം ആരംഭിച്ചു. ബ്ലോക്ക് പഞ്ചായത്ത് പ്രസിഡന്‍റ് ടി. അബ്ദുൾ കരീം ഉദ്ഘാടനം ചെയ്തു. മങ്കട ഗ്രാമപഞ്ചായത്ത് പ്രസിഡന്‍റ് അഡ്വ. കെ. അസ്ഗർഅലി അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്‍റ് കെ.വി. ജുവൈരിയ, പഞ്ചായത്ത് വൈസ് പ്രസിഡന്‍റ് സെലീന ഉമ്മർ, ബ്ലോക്ക്, ഗ്രാമപഞ്ചായത്ത് സ്ഥിരം സമിതി അധ്യക്ഷൻമാരായ ടി.കെ. ശശീന്ദ്രൻ, ഫൗസിയ പെരുന്പള്ളി, റുമൈസ കുന്നത്ത്, ബ്ലോക്ക് മെന്പർ കെ.പി. അസ്മാബി, വാർഡ് മെന്പർ കെ.പി. അബ്ദുൾ സലാം, ഹെൽത്ത് സൂപ്പർവൈസർ ഹരിദാസൻ, ബ്ലോക്ക് എംഇ കോഓർഡിനേറ്റർ സിന്ധു തുടങ്ങിയവർ പ്രസംഗിച്ചു. ഒപിയിലും ഐപിയിലും മറ്റ് ആവശ്യങ്ങൾക്കുമായി നിരവധി പേർ നിത്യേന വന്നുപോകുന്ന ഈ സ്ഥാപനത്തിൽ കാന്‍റീൻ ഇല്ലാത്തതിനാൽ ജനങ്ങൾക്ക് പ്രയാസം നേരിട്ടിരുന്നു. ഇതിന് പരിഹാരമായിരിക്കുകയാണ്.

നിലന്പൂർ മിനിബൈപാസ് റോഡ് തകർച്ചക്കെതിരേ യൂത്ത് കോണ്‍ഗ്രസ് പ്രതിഷേധം

നിലന്പൂർ: നിലന്പൂർ മിനിബൈപാസ് റോഡ് തകർച്ചയെത്തുടർന്ന് റോഡിൽ പ്രതിഷേധ സംഗമം നടത്തി യൂത്ത് കോണ്‍ഗ്രസ്. "നിലന്പൂർ കുളസഭ’ എന്ന ബാനർ ഉയർത്തി യൂത്ത് കോണ്‍ഗ്രസ് നടത്തിയ പ്രതിഷേധ സമരം പ്രതിപക്ഷ നേതാവ് പാലോളി മെഹബൂബ് ഉദ്ഘാടനം ചെയ്തു. ആര്യാടൻ ഷൗക്കത്ത് നഗരസഭ ചെയർമാനായിരിക്കുന്പോൾ നിർമിച്ച മിനി ബൈപാസ് റോഡാണ് അറ്റകുറ്റപ്പണി നടത്താതെ കുളമായി മാറിയിരിക്കുന്നതെന്ന് പ്രതിപക്ഷ നേതാവ് പറഞ്ഞു. യൂത്ത് കോണ്‍ഗ്രസ് മുനിസിപ്പൽ കമ്മിറ്റി പ്രസിഡന്‍റ് സൈഫു ഏനാന്തി അധ്യക്ഷത വഹിച്ചു. മൂർക്കൻ മാനു, റനീഷ് കാവാട്, ഫാൻ സാബ് താമരക്കുളം, ഹിബിൽ റഹ്മാൻ, സൈതലവി മുക്കട്ട, ഉബൈദ് രാമൻകുത്ത്, ഇർഷാദ് ചേലക്കൽ എന്നിവർ നേതൃത്വം നൽകി.

കാളികാവിൽ സിപിഎം മനുഷ്യച്ചങ്ങല തീർത്തു

കാളികാവ്: വണ്ടൂർ റോഡ് ജംഗ്ഷന്‍റെ ശോചനീയാവസ്ഥ പരിഹരിക്കുക, ഒരു വർഷത്തിലേറെയായി കച്ചവട സ്ഥാപനങ്ങൾ ഒഴിപ്പിച്ച പഞ്ചായത്ത് ഷോപ്പിംഗ് കോംപ്ലക്സ് പൊളിച്ചുമാറ്റി പുതുക്കിനിർമിക്കുക, ബസ് സ്റ്റാൻഡുകളിലെ കംഫർട്ട് സ്റ്റേഷനുകൾ പ്രവർത്തനക്ഷമമാക്കുക, പഞ്ചായത്തിലെ വിവിധ റോഡുകളുടെ യാത്രാദുരിതം പരിഹരിക്കുക തുടങ്ങിയ ആവശ്യങ്ങൾ ഉന്നയിച്ച് കാളികാവിൽ സിപിഎം മനുഷ്യ ചങ്ങല സംഘടിപ്പിച്ചു. നടപ്പാക്കുന്ന പദ്ധതികളിലെല്ലാം അഴിമതി നിറഞ്ഞതും കമ്മീഷൻ വർക്കുകളും മാത്രമാണ് നടത്തുന്നത്. കേരളോത്സവത്തിൽ പോലും അഴിമതി നടത്തിയതായും നേതാക്കൾ കുറ്റപ്പെടുത്തി. മനുഷ്യ ചങ്ങലയോടനുബന്ധിച്ച് നടന്ന പൊതുയോഗം ലോക്കൽ കമ്മിറ്റി അംഗം എൻ. നൗഷാദ് ഉദ്ഘാടനം ചെയ്തു. കെ. ഫൈസൽ അധ്യക്ഷത വഹിച്ചു. സി.ടി. സക്കരിയ്യ, കവിതാ സാജു, സിപിഎം ലോക്കൽ സെക്രട്ടറി കെ. രാമചന്ദ്രൻ, ആലുങ്ങൽ സിറാജ്, ടി. മിസ്ഫർ എന്നിവർ പ്രസംഗിച്ചു.

ഉപജില്ല കായികമേള: തുടർച്ചയായി പത്താം തവണയും പരിയാപുരം സെന്‍റ് മേരീസ് സ്കൂളിന് കിരീടം

അങ്ങാടിപ്പുറം: മങ്കട ഉപജില്ല കായികമേളയിൽ 26 സ്വർണവും 22 വെള്ളിയും 21 വെങ്കലവും നേടി 243.5 പോയിന്‍റോടെ തുടർച്ചയായി പത്താം തവണയും പരിയാപുരം സെന്‍റ് മേരീസ് ഹയർ സെക്കൻഡറി സ്കൂൾ കിരീടം ചൂടി. 123 പോയിന്‍റുമായി (11 സ്വർണം,12 വെള്ളി, 13 വെങ്കലം) തിരൂർക്കാട് എഎം ഹയർ സെക്കൻഡറി സ്കൂൾ രണ്ടാംസ്ഥാനവും 116 പോയിന്‍റുമായി (9 സ്വർണം, 15 വെള്ളി, 9 വെങ്കലം) മങ്കട ഗവ.ഹയർ സെക്കൻഡറി സ്കൂൾ മൂന്നാംസ്ഥാനവും നേടി. 78 പോയിന്‍റോടെ പാങ്ങ് ഗവണ്‍മെന്‍റ് എച്ച്എസ്എസ് നാലാമതും 74.5 പോയിന്‍റോടെ വടക്കാങ്ങര ടിഎസ്എസ് അഞ്ചാമതുമെത്തി. യുപി സ്കൂളുകളിൽ 38 പോയിന്‍റോടെ പുണർപ്പ വിഎംഎച്ച്എം യുപി ഒന്നും 30 പോയിന്‍റോടെ തിരൂർക്കാട് എഎം സ്കൂൾ രണ്ടും 19 പോയിന്‍റോടെ വെങ്ങാട് ടിആർകെ യുപി മൂന്നും സ്ഥാനത്തെത്തി. നോയൽ, എൽസിറ്റ ജോസ്, എയ്ഞ്ചൽ സുനീഷ് (മൂവരും പരിയാപുരം സെന്‍റ് മേരീസ്), പി.മുഹമ്മദ് ഷാദിൽ, കെ.കെ.അമീന, സി.എച്ച്. മിഷാൽ മുഹമ്മദ് (മൂവരും തിരൂർക്കാട് എഎം), കെ.ജൗഹർ മിഥിലാജ് (വെങ്ങാട് മജ്‌ലിസ്), കെ.ടി.ദിയ ഷെറിൻ (പൂപ്പലം - വലന്പൂർ ഒഎ യുപി), പി.ഹിബ (പാങ്ങ് ഗവ.), യു.മുഹമ്മദ് നിയാസ് (മങ്കട ഗവ.), പി.ഫാത്തിമ ഇഷ (വെങ്ങാട് ടിആർകെ), ഇ.സി.റസ (പടിഞ്ഞാറ്റുംമുറി ഒയുപി), എം.പി.മുഹമ്മദ് നദീം (കുറുവ എയുപി), വി.കെ.ഹുദ (പുണർപ്പ വിഎംഎച്ച്എം യുപി) എന്നിവർ വിവിധ വിഭാഗങ്ങളിൽ വ്യക്തിഗത ചാന്പ്യൻമാരായി. മേളയിൽ സബ് ജൂണിയർ, സീനിയർ വിഭാഗങ്ങളിൽ ഏറ്റവും കൂടുതൽ പോയിന്‍റ് നേടി പരിയാപുരം സെന്‍റ് മേരീസ് ഹയർ സെക്കൻഡറി സ്കൂളും ജൂണിയർ വിഭാഗത്തിൽ മങ്കട ഗവണ്‍മെന്‍റ് ഹയർ സെക്കൻഡറി സ്കൂളും യുപി കിഡീസ് വിഭാഗത്തിൽ പുണർപ്പ വിഎംഎച്ച്എം യുപി സ്കൂളും ഓവറോൾ ട്രോഫികൾ സ്വന്തമാക്കി. സമാപന സമ്മേളനം അങ്ങാടിപ്പുറം ഗ്രാമപഞ്ചായത്ത് പ്രസിഡന്‍റ് കെ.സഈദ ഉദ്ഘാടനം ചെയ്തു. പരിയാപുരം സെന്‍റ് മേരീസ് ഹയർ സെക്കൻഡറി സ്കൂൾ മാനേജർ ഫാ.ജോർജ് കളപ്പുരക്കൽ അധ്യക്ഷത വഹിച്ചു. പഞ്ചായത്ത് അംഗം അനിൽ പുലിപ്ര, എഇഒ എം.അമീറ, ബിപിസി എ.പി.ബിജു, സെന്‍റ് മേരീസ് സ്കൂൾ പ്രിൻസിപ്പൽ പി.ടി.സുമ, പ്രധാനാധ്യാപകരായ പി.ടി. ബിജു, പി.ഐ. അന്പിളി, അധ്യാപകൻ മനോജ് വീട്ടുവേലിക്കുന്നേൽ, പിടിഎ പ്രസിഡന്‍റുമാരായ സാജു ജോർജ്, ഷാന്‍റേ തകിടിയേൽ, പിടിഎ വൈസ് പ്രസിഡന്‍റ് എ.വി. റഷീദ്, ഉപജില്ലാ കായികവിഭാഗം സെക്രട്ടറി വി.എം. ഹംസ, ആരിഫ് കൂട്ടിൽ എന്നിവർ പ്രസംഗിച്ചു.

പുഴയിൽ മദ്യപിച്ച് മുങ്ങി; നാട്ടുകാരെ വലച്ച് അക്കരെ പൊങ്ങി

കാളികാവ്: ചെത്തുകടവിൽ രണ്ടുപേർ മദ്യപിച്ച് സംസാരിച്ചിരിക്കുന്നതിനിടെ ഒരാൾ പുഴയിലിറങ്ങി അപ്രത്യക്ഷനായി. കാണാതായ ആൾക്കായി ഒരു മണിക്കൂറോളം നാട്ടുകാരും പോലീസും തെരച്ചിൽ നടത്തിയെങ്കിലും ഒടുവിൽ കാണാതായ ആൾ മറുകരയിലൂടെ ജംഗ്ഷനിലെത്തി ഓട്ടോയിൽ കയറി വീട്ടിലേക്ക് പോയെന്ന് വിവരം ലഭിച്ചു. കരുവാരകുണ്ട് കേരള സ്വദേശികളായ രണ്ടുപേരാണ് പുഴയോരത്ത് ഏറെ നേരമിരുന്ന് മദ്യപിച്ചത്. ഇതിൽ ഒരാൾ ചെരിപ്പും വസ്ത്രവും അഴിച്ചുവച്ച് പുഴയിലിറങ്ങി. രണ്ടാമൻ വിലക്കിയെങ്കിലും കൂട്ടാക്കിയില്ല. തുടർന്ന് പുഴയിലിറങ്ങിയ ആളെ കാണാനില്ലെന്ന് രണ്ടാമൻ നാട്ടുകാരെ അറിയിക്കുകയായിരുന്നു. നാട്ടുകാരും പോലീസും തെരച്ചിൽ നടത്തുന്നതിനിടെയാണ് പുഴയിൽ ഇറങ്ങിയ ആൾ മറുകരയെത്തി ഓട്ടോറിക്ഷയിൽ വീട്ടിലേക്ക് തിരിച്ചത്.

ഷാഫി പറന്പിൽ എംപിക്ക് മർദനം; കോണ്‍ഗ്രസ് പ്രതിഷേധിച്ചു

മലപ്പുറം: കെപിസിസി വർക്കിംഗ് പ്രസിഡന്‍റ് ഷാഫി പറന്പിൽ എംപിയെ പോലീസ് മർദിച്ചത് ശബരിമല സ്വർണക്കൊള്ള വിഷയത്തിൽ ജനശ്രദ്ധ തിരിക്കാനാണെന്ന് ഡിസിസി പ്രസിഡന്‍റ് വി.എസ്. ജോയ് പറഞ്ഞു. മലപ്പുറത്ത് ബ്ലോക്ക് കോണ്‍ഗ്രസ് കമ്മിറ്റി സംഘടിപ്പിച്ച പ്രതിഷേധ പ്രകടനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബ്ലോക്ക് കോണ്‍ഗ്രസ് പ്രസിഡന്‍റ് കെ.വി. ഇസ്ഹാഖ് അധ്യക്ഷത വഹിച്ചു. ഡിസിസി ജനറൽ സെക്രട്ടറി പി.സി. വേലായുധൻകുട്ടി, കെപിസിസി മെന്പർ വി.എസ്.എൻ. നന്പൂതിരി, ഡിസിസി എക്സിക്യൂട്ടീവ് മെന്പർ എം.കെ. മുഹ്സിൻ, മുജീബ് ആനക്കയം, സുഭാഷിണി, മാർട്ടിൻ, ജയപ്രകാശ്, സമീർ, റഫീഖ്, മനോജ്, ജോജോ തുടങ്ങിയവർ പ്രസംഗിച്ചു. മഞ്ചേരി: കോഴിക്കോട് ഷാഫി പറന്പിൽ എംപി അടക്കമുള്ള കോണ്‍ഗ്രസ് നേതാക്കളെ മർദിച്ച പോലീസ് നടപടിയിൽ പ്രതിഷേധിച്ച് മഞ്ചേരി മണ്ഡലം യൂത്ത് കോണ്‍ഗ്രസ് കമ്മറ്റി നഗരത്തിൽ പന്തം കൊളുത്തി പ്രകടനം നടത്തി. ശബരിമല സ്വർണ വിവാദത്തിൽ നിന്ന് ശ്രദ്ധ തിരിക്കാനാണ് ഇത്തരം പോലീസ് അതിക്രമങ്ങളെങ്കിൽ ബഹുമുഖ സമരങ്ങളെ കരുതിയിരിക്കാൻ സർക്കാരും പോലീസും തയാറായിരിക്കണമെന്ന് യൂത്ത് കോണ്‍ഗ്രസ് മുന്നറിയിപ്പ് നൽകി. പ്രസിഡന്‍റ് കൃഷ്ണദാസ് വടക്കെയിൽ, അസംബ്ലി പ്രസിഡന്‍റ് മഹ്റൂഫ് പട്ടർകുളം, ഹംസ പുല്ലഞ്ചേരി, ഇ.കെ. ഷൈജൽ, ഷബീർ കുരിക്കൾ, റംഷീദ് മേലാക്കം, റാഷിദ് വട്ടപ്പാറ, രോഹിത് പയ്യനാട്, ബിനു ബാസിത്, സഹദ്, ഷാൻ, വാസിൽ ഹൈദർ, ആഷിക്, ഹസീബ്, മുനവർ, സഹിൻഷ, നിധീഷ്, ഹനീഫ തുടങ്ങിയവർ നേതൃത്വം നൽകി.

ജാമ്യത്തിലിറങ്ങിയ യുവാവ് വീണ്ടും കഞ്ചാവുമായി പിടിയിൽ

നിലന്പൂർ: കഞ്ചാവ് കേസിൽ ജാമ്യത്തിലറങ്ങിയ പ്രതി രണ്ടര കിലോയോളം കഞ്ചാവുമായി വീണ്ടും പോലീസിന്‍റെ പിടിയിലായി. തിരൂർ വെട്ടം കുരിക്കൾ കളത്തിൽ ഫൈസലി (45) നെയാണ് നിലന്പൂർ പോലീസും ഡാൻസാഫ് സംഘവും ചേർന്ന് പിടികൂടിയത്. വിൽപ്പനക്കായി കൊണ്ടുവന്ന കഞ്ചാവുമായി വടപുറത്ത് വച്ചാണ് ഇയാൾ പിടിയിലായത്. 2.4 കിലോ കഞ്ചാവ് പ്രതിയിൽ നിന്ന് പിടിച്ചെടുത്തു. ഒരു കിലോ കഞ്ചാവ് പിടിച്ചെടുത്ത കേസിൽ ജാമ്യത്തിലിറങ്ങിയതായിരുന്നു ഇയാൾ. നിലന്പൂർ എസ്ഐ പി.ടി. സൈഫുള്ള, എസ്‌സിപിഒ ഷിയാസ് അഹമ്മദ്, എസ്. മനു, അനസ്, ഡാൻസാഫ് അംഗങ്ങളായ സുനിൽ മന്പാട്, അഭിലാഷ് കൈപ്പിനി, ആഷിഫ് അലി, ടി. നിബിൻദാസ്, ജിയോ ജേക്കബ് എന്നിവരും അന്വേഷണ സംഘത്തിലുണ്ടായിരുന്നു.

സിബിഎസ്ഇ സഹോദയ കലോത്സവത്തിന് തുടക്കമായി

പുത്തനങ്ങാടി: സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം റീജിയൻ സംഘടിപ്പിക്കുന്ന ജില്ലാ കലോത്സവത്തിന് പുത്തനങ്ങാടി സെന്‍റ് ജോസഫ്സ് സ്കൂളിൽ തിരിതെളിഞ്ഞു. ഇ.ടി. മുഹമ്മദ് ബഷീർ എംപി ഉദ്ഘാടനം ചെയ്തു. മാനസിക സംഘർഷങ്ങളുടെ ആധുനികലോകത്ത് പുതുതലമുറക്ക് സ്നേഹവും സാഹോദര്യവും ഊട്ടി ഉറപ്പിക്കാൻ കലാപ്രകടനങ്ങൾ സഹായിക്കുമെന്ന് അദ്ദേഹം പറഞ്ഞു. സഹോദയ മലപ്പുറം മേഖല പ്രസിഡന്‍റ് എം. അബ്ദുൾനാസർ അധ്യക്ഷത വഹിച്ചു. മൂന്ന് മുതൽ 12 വരെ ക്ലാസിൽ പഠിക്കുന്ന കുട്ടികളെ നാല് ഗ്രൂപ്പുകളായും എല്ലാവർക്കും പങ്കെടുക്കാവുന്ന പൊതുവിഭാഗവും മത്സരത്തിനുണ്ട്. ഈ വർഷം എല്ലാ കാറ്റഗറികളിലും കൂടുതൽ പോയിന്‍റുകൾ നേടുന്ന പ്രതിഭകൾക്ക് കലാതിലകവും കലാപ്രതിഭാ പുരസ്കാരങ്ങളും നൽകും. ചടങ്ങിൽ മഞ്ഞളാംകുഴി അലി എംഎൽഎ സഹോദയ മാഗസിൻ പുരസ്കാരങ്ങൾ വിതരണം ചെയ്തു. കലോത്സവ ലോഗോ മത്സര വിജയികൾക്ക് മുഖ്യാതിഥിയായ അഭിനേത്രി വരദ അവാർഡുകൾ സമ്മാനിച്ചു. തുടർന്ന് അവർ ഗാനമാലപിക്കുകയും ഭദ്രദീപം കൊളുത്തുകയും ചെയ്തു. സഹോദയ ജനറൽ സെക്രട്ടറി എം. ജൗഹർ പ്രഭാഷണം നടത്തി. ട്രഷറർ പി. ഹരിദാസ്, സെന്‍റ് ജോസഫ് സ്കൂൾ പ്രിൻസിപ്പൽ ഫാ. നന്നം പ്രേംകുമാർ, സെന്‍റ് മേരീസ് കോളജ് പ്രിൻസിപ്പൽ ഫാ. ഡെന്നി ചോലപ്പള്ളിൽ, ഓർഗനൈസിംഗ് സെക്രട്ടറി ജോബിൻ സെബാസ്റ്റ്യൻ, സെന്‍റ് ജോസഫ് പിടിഎ പ്രസിഡന്‍റ് സി.എൻ. പ്രസാദ്, ഭാരവാഹികളായ ഡോ. സി.കെ.എം. ശിബിലി, സുനിത നായർ, പി. നിസാർ ഖാൻ, ഐവി രതി, ജാസ്മീർ ഫൈസൽ, ഹഫ്സ കാരാടൻ എന്നിവർ പ്രസംഗിച്ചു. ഏഴ് വേദികളിലായാണ് മത്സരങ്ങൾ നടക്കുന്നത്. കലോത്സവം ഇന്ന് സമാപിക്കും. കോട്ടക്കൽ സേക്രഡ് ഹാർട്ട് സ്കൂൾ മുന്നിൽ പുത്തനങ്ങാടി:സിബിഎസ്ഇ സഹോദയ ജില്ലാ കലോത്സവത്തിന്‍റെ ആദ്യദിനത്തിൽ വിവിധ മത്സരങ്ങൾ പൂർത്തിയായപ്പോൾ കോട്ടക്കൽ സേക്രഡ് ഹാർട്ട് സ്കൂൾ മുന്നിൽ. 641 പോയിന്‍റുമായാണ് കുതിപ്പ് തുടരുന്നത്. എംഇഎസ് കാന്പസ് സ്കൂൾ കുറ്റിപ്പുറം 599 പോയിന്‍റ്, ഡോ. എൻ.കെ. മുഹമ്മദ് മെമ്മോറിയൽ എംഇഎസ് സെൻട്രൽ സ്കൂൾ വളാഞ്ചേരി 534 പോയിന്‍റ്, സെന്‍റ് ജോസഫ് സ്കൂൾ പുത്തനങ്ങാടി 504 എന്നിങ്ങനെയാണ് തൊട്ടടുത്ത സ്ഥാനങ്ങൾ നേടിയ സ്കൂളുകൾ. എൽപി വിഭാഗം: 1.എംഇഎസ് കാന്പസ് കുറ്റിപ്പുറം, 2.സേക്രഡ് ഹാർട്ട് കോട്ടക്കൽ, 3.ഗുഡ് വിൽ ഇംഗ്ലീഷ് സ്കൂൾ പൂക്കോട്ടുംപാടം. യുപി വിഭാഗം: 1. സേക്രഡ് ഹാർട്ട് കോട്ടക്കൽ, 2. എംഇഎസ് വളാഞ്ചേരി, 3. ഗുഡ് വിൽ ഇംഗ്ലീഷ് സ്കൂൾ പൂക്കോട്ടുംപാടം. ഹൈസ്കൂൾ വിഭാഗം: 1. സേക്രഡ് ഹാർട്ട് കോട്ടക്കൽ, 2. എംഇഎസ് കാന്പസ് കുറ്റിപ്പുറം, 3. എംഇഎസ് വളാഞ്ചേരി. സീനിയർ സെക്കൻഡറി വിഭാഗം: 1. എംഇഎസ് കാന്പസ് സ്കൂൾ കുറ്റിപ്പുറം, 2. സേക്രഡ് ഹാർട്ട് കോട്ടക്കൽ, 3. സെന്‍റ് ജോസഫ് പുത്തനങ്ങാടി. പൊതുവിഭാഗം: 1.സേക്രഡ് ഹാർട്ട് കോട്ടക്കൽ, 2.എംഇഎസ് കാന്പസ് കുറ്റിപ്പുറം, 3.എംഇഎസ് വളാഞ്ചേരി.

സിപിഎമ്മിന്‍റെ നിർദേശത്തിൽ പോലീസ് പ്രവർത്തിച്ചാൽ തിരിച്ചടിക്കും: പി. അബ്ദുൾ ഹമീദ് എംഎൽഎ

തേഞ്ഞിപ്പലം: കാലിക്കട്ട് യൂണിവേഴ്സിറ്റി ഡിപ്പാർട്ട്മെന്‍റൽ സ്റ്റുഡന്‍റ്സ് യൂണിയൻ (ഡിഎസ്‌യു) തെരഞ്ഞെടുപ്പ് ദിനത്തിലുണ്ടായ സംഘർഷത്തിന്‍റെ പേരിൽ യുഡിഎസ്എഫുകാർക്കെതിരേ സിപിഎം നിർദേശ പ്രകാരം കേസെടുത്താൽ പ്രത്യഘാതം ഗുരുതരമാകുമെന്ന് പി. അബ്ദുൾ ഹമീദ് എംഎൽഎ. യൂണിവേഴ്സിറ്റി കാന്പസിലുണ്ടായ സംഘർഷത്തിലും ഷാഫി പറന്പിൽ എംപിയ്ക്ക് മർദനമേറ്റതിലും പ്രതിഷേധിച്ച് യുഡിഎഫ് വള്ളിക്കുന്ന് മണ്ഡലം കമ്മിറ്റി തേഞ്ഞിപ്പലം പോലീസ് സ്റ്റേഷനിലേക്ക് നടത്തിയ പ്രതിഷേധ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. പോലീസ്, പാർട്ടി ഗുണ്ടകളുടെ പണിയാണ് എടുക്കുന്നത്. സിപിഎമ്മിന്‍റെ ക്വട്ടേഷൻ ടീമായാണ് പോലീസ് പെരുമാറുന്നത്. പോലീസ് സിപിഎമ്മായാൽ യുഡിഎഫ് അതേ നാണയത്തിൽ തിരിച്ചടിക്കും. ഡിഎസ്‌യു തെരഞ്ഞെടുപ്പ് ജനാധിപത്യരീതിയിൽ വീണ്ടും നടത്തണം. പാർട്ടി നിർദേശ പ്രകാരമാണ് പോലീസ് പ്രവർത്തിക്കുന്നത്. ജനാധിപത്യരീതിയിൽ ഡിഎസ്‌യു തെരഞ്ഞെടുപ്പ് നടത്താൻ സർവകലാശാല അധികൃതർ തയാറാകണം. നീതിപൂർവമായും ജനാധിപത്യപരവുമായും തെരഞ്ഞെടുപ്പ് നടത്തിയാൽ എസ്എഫ്ഐ സംസ്ഥാനത്ത് ഒരിടത്തും വിജയിക്കില്ല. പേരാന്പ്ര കോളജ് യൂണിയൻ തെരഞ്ഞെടുപ്പ് അതിന് ഒടുവിലത്തെ ഉദാഹരണമാണെന്നും അദ്ദേഹം പറഞ്ഞു. സർവകലാശാലയിൽ വോട്ടെണ്ണൽ കേന്ദ്രത്തിലേക്ക് ബാലറ്റ് പേപ്പറുകൾ കെട്ടുകണക്കിന് ഉദ്യോഗസ്ഥർ തന്നെ കൊണ്ടുവന്നുവച്ചു. ഇതുചോദ്യം ചെയ്ത യുഡിഎസ്എഫുകാരെ പോലീസ് സഹായത്തോടെ വളഞ്ഞിട്ട് മർദിച്ചു. ഹോസ്റ്റലിൽ റെയ്ഡ് നടത്തിയാൽ ഞെട്ടും. ആധുധപുരയാണത്. യൂണിവേഴ്സിറ്റിയിൽ നിന്ന് പഠനം കഴിഞ്ഞ് പോയവർ വരെ അവിടെ അനധികൃതമായി താമസിക്കുകയാണെന്നും എംഎൽഎ ആരോപിച്ചു. എ.കെ. അബ്ദുറഹ്മാൻ അധ്യക്ഷത വഹിച്ചു. എംഎസ്എഫ് സംസ്ഥാന പ്രസിഡന്‍റ് പി.കെ. നവാസ് മുഖ്യപ്രഭാഷണം നടത്തി. ഡിസിസി വൈസ് പ്രസിഡന്‍റ് വീക്ഷണം മുഹമ്മദ്, മുസ്‌ലിം ലീഗ് ജില്ലാ വൈസ് പ്രസിഡന്‍റ് എം.എ. ഖാദർ, കെ.പി. അമീർ, ഡോ.വി.പി. അബ്ദുൾ ഹമീദ്, ഗഫൂർ പള്ളിക്കൽ, കെ.പി. മുസ്തഫ തങ്ങൾ തുടങ്ങിയവർ പ്രസംഗിച്ചു.

വനഭൂമിയിലെ മരം കടപുഴകി വീണ് രണ്ട് വീടുകൾ ഭാഗികമായി തകർന്നു

നിലന്പൂർ: കനത്ത മഴയിലും കാറ്റിലും വനഭൂമിയിലെ മരം കടപുഴകി വീണ് രണ്ട് വീടുകൾ ഭാഗികമായി തകർന്നു. വീട്ടിൽ കിടന്നുറങ്ങിയവർ അത്ഭുതകരമായി രക്ഷപ്പെട്ടു. നിലന്പൂർ നഗരസഭയിലെ വള്ളിയംന്പാടം പുത്തൻപുരയ്ക്കൽ പി.വി.തോമസിന്‍റെയും മഹാളി മുഹമ്മദിന്‍റെയും വീടുകളാണ് ഭാഗികമായി തകർന്നത്. ഇന്നലെ പുലർച്ചെ അഞ്ചിനാണ് സംഭവം. വീടുകൾക്ക് സമീപത്തെ വനഭൂമിയിലെ വലിയ പാഴ്മരമാണ് കടപുഴകി തൊട്ടടുത്ത വൈദ്യുത കന്പികൾക്ക് മുകളിലൂടെ വീടുകളിൽ പതിച്ചത്. വീട്ടിലുള്ളവർ വലിയ ശബ്ദം കേട്ട് പുറത്തിറങ്ങിയപ്പോഴാണ് മരം വീടിന് മുകളിൽ വീണുകിടക്കുന്നത് കണ്ടത്. ഓടുകളും കഴുക്കോലുകളും ഉൾപ്പെടെ തകർന്നിട്ടുണ്ട്. ഉടൻ വിവരം അറിയിച്ചതിനാൽ കെഎസ്ഇബി അധികൃതരെത്തി വൈദ്യുതി ബന്ധം വിച്ഛേദിച്ചു. പി.വി.തോമസിന്‍റെ വീടിന്‍റെ ഒരു ഭാഗം കോണ്‍ക്രീറ്റും പകുതി ഓടുമാണ്. ഓടിട്ട ഭാഗത്താണ് കൂടുതൽ തകരാർ സംഭവിച്ചത്. മുഹമ്മദിന്‍റെ ഓടിട്ട വീടിനും കാര്യമായ നാശം സംഭവിച്ചിട്ടുണ്ട്. പനയംകോട് വനമേഖലയിൽപ്പെട്ടതും കെഎഫ്ആർഐയുടെ നിയന്ത്രണത്തിലുള്ളതുമായ വനഭാഗമാണ് വീടുകളുടെ സമീപത്തുള്ളത്. ഇവിടെ നിരവധി വലിയ മരങ്ങൾ ഉണങ്ങി വീടുകളിലേക്കും റോഡുകളിലേക്കും നിലംപൊത്താറായ അവസ്ഥയിൽ നിൽക്കുന്നുണ്ട്. ഒട്ടേറെ കുടുംബങ്ങൾ താമസിക്കുന്ന ഇവിടെ ഉണങ്ങി നിൽക്കുന്ന മരങ്ങൾ മുറിച്ച് നീക്കാൻ വനംവകുപ്പ് അധികൃതർ നടപടി സ്വീകരിക്കുന്നില്ല. ഈ വിഷയം ഉന്നയിച്ച് ഇന്നലെ നാട്ടുകാർ നിലന്പൂർ നോർത്ത് ഡിഎഫ്ഒയ്ക്ക് പരാതി നൽകി. പനയംകോട് സെക്‌ഷൻ ഫോറസ്റ്റ് ഓഫീസർ വിനോദ്, കെഎഫ്ആർഐ അധികൃതർ എന്നിവർ സ്ഥലം സന്ദർശിച്ചു. വീടിന് മുകളിലേക്ക് വീണ മരം മുറിച്ചുനീക്കാൻ നിർദേശം നൽകിയതോടെ അപകടം ഒഴിവാക്കിയിട്ടുണ്ട്.

മാവേലി സ്റ്റോർ തുറക്കണമെന്നാവശ്യപ്പെട്ട് നിവേദനം നൽകി

മഞ്ചേരി: മഞ്ചേരി ചന്തക്കുന്നിൽ അടച്ചുപൂട്ടിയ മാവേലി സ്റ്റോർ തുറക്കണമെന്നും ജനങ്ങൾക്ക് സൗകര്യപ്രദമായ വിധത്തിൽ മഞ്ചേരി ടൗണിൽ തന്നെ നിലനിർത്തണമെന്നും ആവശ്യപ്പെട്ട് എസ്ഡിപിഐ മുനിസിപ്പൽ കമ്മിറ്റി സപ്ലൈകോ അസിസ്റ്റന്‍റ് മാനേജർക്കും നഗരസഭാ ചെയർപേഴ്സണും നിവേദനം നൽകി. പ്രസിഡന്‍റ് അഷ്റഫ് പുല്ലഞ്ചേരി, നഗരസഭാ കൗണ്‍സിലർ മുജീബ് റഹ്മാൻ, സെക്രട്ടറി അലി അക്ബർ, അലവി മുള്ളന്പാറ എന്നിവരുടെ നേതൃത്വത്തിലാണ് നിവേദനം നൽകിയത്.

കാഴ്ച ദിനാചരണവും സൗജന്യ കണ്ണട വിതരണവും

എടക്കര: ലോക കാഴ്ച ദിനത്തോടനുബന്ധിച്ച് നിലന്പൂർ ബ്ലോക്ക് പഞ്ചായത്ത് ചുങ്കത്തറ ബ്ലോക്ക് കുടുംബ ആരോഗ്യ കേന്ദ്രത്തിൽ കാഴ്ച ദിനവും സൗജന്യ കണ്ണട വിതരണവും നടത്തി. പരിപാടി ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി ഉദ്ഘാടനം ചെയ്തു. ബ്ലോക്ക് വൈസ് പ്രസിഡന്‍റ് പാത്തുമ്മ ഇസ്മായിൽ അധ്യക്ഷത വഹിച്ചു. മെഡിക്കൽ ഓഫീസർ ഡോ. ബഹാവുദീൻ, ബ്ലോക്ക് സ്ഥിരം സമിതി ചെയർപേഴ്സണ്‍മാരായ സൂസമ്മ മത്തായി, സജ്ന അബ്ദുറഹ്മാർ, മെന്പർമാരായ സി.കെ.സുരേഷ്, സോമൻ പാർളി, സഹിൽ അകന്പാടം, ബാബു ഏലക്കാടൻ, അനിജ സെബാസ്റ്റ്യൻ, വാർഡ് മെന്പർ എ.കെ. വിനോദ്, എച്ച്എംസി അംഗങ്ങളായ പാനായിൽ ജേക്കബ്, ടി.ടി. നാസർ, സിസ്റ്റർ ലിസി എന്നിവർ പ്രസംഗിച്ചു.

വൈദ്യുതി മേഖല തൊഴിലാളികൾ അനിശ്ചിതകാല സമരത്തിലേക്ക്

മഞ്ചേരി: അവകാശ ആനുകൂല്യങ്ങൾ നിഷേധിക്കുന്ന മാനേജ്മെന്‍റ് നടപടിക്കെതിരേ വൈദ്യുതി മേഖല തൊഴിലാളികൾ 15 മുതൽ അനിശ്ചിതകാല പണിമുടക്ക് നടത്തും. ശന്പള പരിഷ്കരണ കരാറുകൾക്ക് അംഗീകാരം ലഭ്യമാക്കുക, ഡിഎ കുടിശിക അനുവദിക്കുക, കരാർ തൊഴിലാളികളുടെ ബില്ല് ലഭിക്കുന്നതിനുള്ള കാലതാമസം അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് നാഷണൽ കോ ഓർഡിനേഷൻ കമ്മിറ്റി ഓഫ് ഇലക്ട്രിക് എംപ്ലോയീസ് ആൻഡ് എൻജിനിയേഴ്സിന്‍റെ ആഭിമുഖ്യത്തിലാണ് സമരം. ഇന്നലെ മഞ്ചേരി വൈദ്യുതി ഭവന് മുന്നിൽ നടത്തിയ ധർണയിൽ സമരപ്രഖ്യാപനവും നടന്നു. ഇലക്ട്രിസിറ്റി എംപ്ലോയീസ് ഫെഡറേഷൻ ഓഫ് ഇന്ത്യ ദേശീയ വർക്കിംഗ് കമ്മിറ്റി അംഗം പി.ജി. സുജിത് ഉദ്ഘാടനം ചെയ്തു. അബ്ദുൾ റഷീദ് അധ്യക്ഷത വഹിച്ചു. വിവിധ സംഘടനകളെ പ്രതിനിധീകരിച്ച് സി. ബൈജു, ശ്രീനിവാസൻ, സജീഷ് ചാലട്ടിൽ, പ്രകാശ് അന്പാടി, പി. ഉസ്മാൻ, എം. സുധീരൻ, അഷ്റഫ് മോൻ തുടങ്ങിയവർ പ്രസംഗിച്ചു.

ആലിപ്പറന്പിൽ ലൈഫ് മെഗാ ഗുണഭോക്തൃ സംഗമം

ആലിപ്പറന്പ്: ലൈഫ് ഭവന പദ്ധതിയിലൂടെ കഴിഞ്ഞ അഞ്ചുവർഷത്തിനിടയിൽ വീട് നൽകിയ അറുനൂറോളം ഗുണഭോക്താക്കളെ പങ്കെടുപ്പിച്ച് ആലിപ്പറന്പ് പഞ്ചായത്ത് ഗുണഭോക്തൃ സംഗമം സംഘടിപ്പിച്ചു. കരാർ വച്ച അറുനൂറു കുടുംബങ്ങളിൽ 450 വീടുകൾ പൂർത്തീകരിച്ചു. 22 ഭൂരഹിതരായ ആളുകൾക്ക് കൂടി ഭൂമി നൽകിയാണ് വീട് വച്ചിട്ടുള്ളത്. ബ്ലോക്ക് പ്രസിഡന്‍റ് അഡ്വ. എ.കെ. മുസ്തഫ സംഗമം ഉദ്ഘാടനം ചെയ്തു. ലൈഫ് മിഷൻ ജില്ലാ കോ ഓർഡിനേറ്റർ എൻ.സി. ദേവകി താക്കോൽ കൈമാറ്റം നിർവഹിച്ചു. ഗ്രാമപഞ്ചായത്ത് പ്രസിഡന്‍റ് കെ.ടി. അഫ്സൽ അധ്യക്ഷത വഹിച്ചു. വൈസ് പ്രസിഡന്‍റ് ഷീജ, സി.എച്ച്. ഹമീദ്, സി.പി. ഹംസക്കുട്ടി, ജൂബില ലത്തീഫ്, ബാലസുബ്രഹ്മണ്യൻ, പി.പി. രാജേഷ്, എന്നിവർ പ്രസംഗിച്ചു.

ബ്ലോക്ക് പഞ്ചായത്ത് അംഗത്തിന്‍റെ ഇടപെടൽ; അങ്ങാടിപ്പുറം ആൽപ്പാക്കുളം നവീകരിക്കുന്നു

അങ്ങാടിപ്പുറം: അങ്ങാടിപ്പുറം ആൽപ്പാക്കുളത്തിന് ബ്ലോക്ക് പഞ്ചായത്ത് അംഗത്തിന്‍റെ ഇടപെടലിലൂടെ ശാപമോക്ഷം. തിരുമാന്ധാംകുന്ന് ക്ഷേത്രത്തിനു സമീപം കോഴിക്കോട്-പാലക്കാട് ദേശീയപാതയോരത്തുള്ള ആൽപ്പാക്കുളം വള്ളുവനാടിന്‍റെ ചരിത്രത്തോട് ചേർന്ന് നിൽക്കുന്നതാണ്. പെരിന്തൽമണ്ണ ബ്ലോക്ക് പഞ്ചായത്ത് അങ്ങാടിപ്പുറം ഡിവിഷൻ അംഗമായ കെ. ദിലീപിന്‍റെ ഇടപെടലിലാണ് പിഎംഎസ്കെവൈ പദ്ധതിയിൽ കുളം നവീകരിക്കുന്നതിന് 55 ലക്ഷം രൂപ ആദ്യഘട്ടമായി വിനിയോഗിക്കുവാൻ തീരുമാനമായത്. നവീകരണ പ്രവർത്തനങ്ങളുടെ ഉദ്ഘാടനം പെരിന്തൽമണ്ണ ബ്ലോക്ക് പഞ്ചായത്ത് പ്രസിഡന്‍റ് എ.കെ. മുസ്തഫ നിർവഹിച്ചു. പഞ്ചായത്ത് പ്രസിഡന്‍റ് കെ.പി. സയിദ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗങ്ങളായ നജ്മ തബ്ഷിറ, വിൻസി, ഗ്രാമപഞ്ചായത്ത് അംഗം കെ.ടി. നാരായണൻ, ദേവസ്വം അസിസ്റ്റന്‍റ് മാനേജർ എ. ശിവപ്രസാദ്, അനിൽകുമാർ, തട്ടകം റസിഡന്‍റ്സ് ഭാരവാഹികളായ ലിയോ വിജയൻ, എം. ഷൈജേഷ്, ബ്ലോക്ക് പഞ്ചായത്ത് അങ്ങാടിപ്പുറം ഡിവിഷൻ അംഗം കെ. ദിലീപ്,ഗ്രാമപഞ്ചായത്ത് അംഗം പി. രത്നകുമാരി എന്നിവർ പ്രസംഗിച്ചു.

അർബൻ കിസാൻ അഗ്രി സൊസൈറ്റി നിലന്പൂർ ബ്രാഞ്ച് ഇന്ന് തുറക്കും

നിലന്പൂർ: കോഴിക്കോട് ആസ്ഥാനമായി പ്രവർത്തിക്കുന്ന അർബൻ കിസാൻ അഗ്രി മൾട്ടി സ്റ്റേറ്റ് സഹകരണ സൊസൈറ്റിയുടെ നിലന്പൂർ ബ്രാഞ്ചിന്‍റെ ഉദ്ഘാടനം ഇന്ന് രാവിലെ 10ന് നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. നിലന്പൂർ കനറാ ബാങ്കിന് സമീപമുള്ള മലബാർ ഷോപ്പിംഗ് കോംപ്ലക്സിലാണ് സൊസൈറ്റിയുടെ പ്രവർത്തനം. രാവിലെ 10ന് ആര്യാടൻ ഷൗക്കത്ത് എംഎൽഎ ഉദ്ഘാടനം ചെയ്യും. സൊസൈറ്റി ചെയർമാൻ പി.എം. സജി മുഖ്യപ്രഭാഷണം നടത്തും. സംഘത്തിന്‍റെ എട്ടാമത് ബ്രാഞ്ചാണ് നിലന്പൂരിൽ തുടങ്ങുന്നത്. നഗരസഭാ ഉപാധ്യക്ഷ അരുമ ജയകൃഷ്ണൻ, സംഘം ഡയറക്ടർ ചന്ദ്രമോഹൻ, ലീഗൽ അഡ്വൈസർ അഡ്വ. വേലായുധൻ തുടങ്ങിയവർ പങ്കെടുക്കും. വാർത്താസമ്മേളനത്തിൽ സംഘം ചെയർമാൻ പി.എം. സജി, സംഘം സിഇഒ ഷിൽജ മനോജ്, വൈസ് ചെയർമാൻ അനീഷ് ചോഴി, നിലന്പൂർ ബ്രാഞ്ച് കോ-ഓർഡിനേറ്റർ ബിനു നായർ തുടങ്ങിയവർ പങ്കെടുത്തു.

വണ്ടൂരിൽ വികസന സദസ് നടത്തി

വണ്ടൂർ: അഞ്ചുവർഷത്തിനിടയിൽ ലൈഫ് പദ്ധതിയുടെ ഭാഗമായി 862 പേർ ഗുണഭോക്താക്കളുടെ കരാറിൽ ഏർപ്പെട്ടതായി വണ്ടൂർ ഗ്രാമപഞ്ചായത്തിലെ വികസന സദസിൽ അവതരിപ്പിച്ച റിപ്പോർട്ടിൽ വ്യക്തമാക്കുന്നു. ഇതിൽ 555 പേർക്ക് വീടുകൾ പൂർത്തിയാക്കി തുക നൽകി. ഇതുവരെ 22.4 കോടി രൂപയാണ് പദ്ധതിയിൽ ചെലവഴിച്ചത്. ‌ പഞ്ചായത്ത് പരിധിയിലെ 90 അതിദരിദ്ര വിഭാഗത്തിൽപ്പെട്ട ഗുണഭോക്താക്കളുടെ ക്ഷേമപ്രവർത്തനങ്ങൾ നടന്നുവരികയാണ്. ഇതോടൊപ്പം 4562 പേരെ കണ്ടെത്തി ഡിജിറ്റൽ സാക്ഷരത നൽകി. കെ-സ്മാർട്ട് പദ്ധതിയിലൂടെ ലഭ്യമായ 47,293 അപേക്ഷകളിൽ 45,520 അപേക്ഷകൾ തീർപ്പാക്കി. കാർഷിക മേഖലയിൽ 1.58 കോടി രൂപയും മൃഗസംരക്ഷണം 1.4 കോടി രൂപയും ക്ഷീരവികസനം 1.2 കോടി രൂപയും മത്സ്യബന്ധന മേഖലയിൽ 26.40 ലക്ഷവും ആരോഗ്യ മേഖലയിൽ 3.37 കോടി, വിദ്യാഭ്യാസ മേഖലയിൽ 2.51 കോടി, കുടിവെള്ളം 2.81 കോടി, മാലിന്യ സംസ്കരണം 4.47 കോടി, സാമൂഹ്യ ക്ഷേമം 4.21 കോടി, പോഷകാഹാര വിതരണം 4.32 കോടി, അങ്കണവാടി പ്രവർത്തനങ്ങൾക്ക് 2.66 കോടി രൂപയുമാണ് ചെലവഴിച്ചിരിക്കുന്നത്. അഞ്ചുവർഷത്തിനിടയിൽ അടിസ്ഥാന സൗകര്യ വികസനത്തിനായി 26.81 കോടി രൂപയും ചെലവഴിച്ചു. വികസന സദസ് വികസന സ്റ്റാൻഡിംഗ് കമ്മിറ്റി ചെയർപേഴ്സണ്‍ വി. ജ്യോതി ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഇ. തസ്നിയ ബാബു അധ്യക്ഷത വഹിച്ചു.അരിന്പ്ര മോഹനൻ, സി. സ്വാമിദാസൻ, സെക്രട്ടറി മമ്മദ് അബ്ദുൾ ലത്തീഫ് തുടങ്ങിയവർ പങ്കെടുത്തു.യുഡിഎഫ് അംഗങ്ങൾ പരിപാടിയിൽ നിന്ന് വിട്ടുനിന്നു.

അവകാശ സംരക്ഷണ യാത്ര: സംഘാടക സമിതിയായി

പെരിന്തൽമണ്ണ: കത്തോലിക്ക കോണ്‍ഗ്രസിന്‍റെ നേതൃത്വത്തിൽ വിവിധ ജനകീയ ആവശ്യങ്ങൾ ഉന്നയിച്ച് 13 മുതൽ 24 വരെ കാസർഗോഡ് മുതൽ തിരുവനന്തപുരം വരെ പ്രസിഡന്‍റ് പ്രഫ.രാജീവ് കൊച്ചുപറന്പിൽ നയിക്കുന്ന അവകാശ സംരക്ഷണയാത്രക്ക് മലപ്പുറം ജില്ലയിലെ സ്വീകരണ സ്ഥലമായ പെരിന്തൽമണ്ണയിൽ സ്വീകരണം നൽകാൻ ഫൊറോന സമിതി തീരുമാനിച്ചു. ഫൊറോന വികാരി ഫാ. ജിൽസ് കാരിക്കുന്നേൽ രക്ഷാധികാരിയായി ഫൊറോന പ്രസിഡന്‍റ് വർഗീസ് കണ്ണാത്തിന്‍റെ നേതൃത്വത്തിൽ സംഘാടക സമിതി രൂപീകരിച്ചു. അവകാശ സംരക്ഷണയാത്ര 13 ന് കാസർഗോഡ് ജില്ലയിലെ പാണത്തൂരിൽ നിന്നാരംഭിക്കും. ആർച്ച് ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്യും. താമരശേരി ബിഷപ് മാർ റെമിജിയോസ് ഇഞ്ചനാനിയിൽ ഫ്ളാഗ് ഓഫ് ചെയ്യും. തിരുവനന്തപുരത്ത് 24 ന് സെക്രട്ടറിയേറ്റിലേക്ക് നടത്തുന്ന വൻ പ്രകടനത്തോടെ യാത്ര സമാപിക്കും. 16 നാണ് യാത്രയ്ക്ക് പെരിന്തൽമണ്ണ നഗരത്തിൽ സ്വീകരണം. സംഘാടക സമിതി യോഗം കത്തോലിക്ക കോണ്‍ഗ്രസ് ഗ്ലോബൽ വൈസ് പ്രസിഡന്‍റ് ട്രീസ സെബാസ്റ്റ്യൻ ഉദ്ഘാടനം ചെയ്തു. മേഖല പ്രസിഡന്‍റ് വർഗീസ് കണ്ണാത്ത്, മേഖല സെക്രട്ടറി ഷാജു നെല്ലിശേരി, ട്രഷറർ ജെയിംസ് തെക്കേക്കുറ്റ്, രൂപത വൈസ് പ്രസിഡന്‍റ് ഷാന്‍റോ തകിടിയേൽ, രൂപത എക്സിക്യുട്ടീവ് അംഗം ബോബൻ കൊക്കപ്പുഴ, മാത്യു പൈനാപ്പിള്ളി, ബിനോയ് മേട്ടയിൽ എന്നിവർ പ്രസംഗിച്ചു.

കാദറലി സെവൻസിന് നെഹ്റു സ്റ്റേഡിയം അനുവദിച്ചില്ല : ചെയർമാന്‍റേത് ഏകപക്ഷീയമായ നടപടിയെന്ന്

പെരിന്തൽമണ്ണ: പെരിന്തൽമണ്ണ കാദറലി സ്പോർട്സ് ക്ലബിന്‍റെ നേതൃത്വത്തിൽ ഡിസംബർ 20ന് ആരംഭിക്കേണ്ട കാദറലി സെവൻസ് ഫുട്ബോളിന് നഗരത്തിലെ നെഹ്റു സ്റ്റേഡിയം അനുവദിക്കാത്ത നഗരസഭ ചെയർമാന്‍റെ നടപടി ഏകപക്ഷീയമാണെന്ന് കാദറലി സ്പോർട്സ് ക്ലബ് ഭാരവാഹികളുടെ യോഗം അഭിപ്രായപ്പെട്ടു. സ്റ്റേഡിയത്തിൽ ഒരുക്കങ്ങൾ ഇതിനകം പൂർത്തിയാക്കി സംഘാടക സമിതി രൂപീകരിച്ച് 20 ടീമുകളെ പങ്കെടുപ്പിച്ചുള്ള ഫിക്സ്ചർ തയാറാക്കിയിരുന്നു. അപ്പോഴാണ് പെരിന്തൽമണ്ണയിലെ മറ്റൊരു ക്ലബിന്‍റെ അപേക്ഷയിൽ നെഹ്റു സ്റ്റേഡിയം അവർക്ക് അനുവദിച്ചതായി നഗരസഭ ചെയർമാൻ അറിയിച്ചത്. 53-ാമത് കാദറലി സെവൻസ് സംഘടിപ്പിക്കുവാൻ നെഹ്റു സ്റ്റേഡിയം അനുവദിക്കണമെന്ന് ആവശ്യപ്പെട്ടുള്ള അപേക്ഷ രണ്ടുമാസങ്ങൾക്ക് മുന്പേ നഗരസഭ ഓഫീസിൽ ക്ലബ് അധികൃതർ നൽകിയിരുന്നു. ഇതിനിടയിലാണ് പുതിയൊരു വാദവുമായി പെരിന്തൽമണ്ണയിലെ പ്രീമിയർ ക്ലബ് രംഗത്ത് വന്നത്. തുടർന്ന് ആ ക്ലബിന്‍റെ അപേക്ഷ പരിഗണിച്ച് ഇന്നലെ നഗരസഭ ചെയർമാൻ പ്രീമിയർ ക്ലബിന് നെഹ്റു സ്റ്റേഡിയം അനുവദിക്കുകയായിരുന്നു. നെഹ്റു സ്റ്റേഡിയം അനുവദിക്കാത്തതിൽ കാദറലി സ്പോർട്സ് ക്ലബ് പ്രതിഷേധിച്ചു. അതേസമയം നേരത്തെ ടൂർണമെന്‍റ് പ്രഖ്യാപിച്ച ഡിസംബർ 20 മുതൽ തന്നെ പെരിന്തൽമണ്ണയിൽ ഫുട്ബോൾ ടൂർണമെന്‍റ് സംഘടിപ്പിക്കുവാൻ ക്ലബ് ഭാരവാഹികളുടെ യോഗം തീരുമാനിച്ചു. പ്രതിഷേധ യോഗത്തിൽ മണ്ണിൽ ഹസൻ അധ്യക്ഷത വഹിച്ചു. സി.എച്ച്. മുസ്തഫ, മണ്ണേങ്ങൽ അസീസ്, കുറ്റീരി മാനുപ്പ, യൂസഫ് രാമപുരം, പച്ചീരി സുബൈർ, ജനറൽ സെക്രട്ടറി പച്ചീരി ഫാറൂഖ്, എച്ച്. മുഹമ്മദ് ഖാൻ എന്നിവർ പ്രസംഗിച്ചു.

മാനസികാരോഗ്യ ദിനത്തിൽ ബോധവത്കരണവുമായി ഫ്ളാഷ് മോബ്

മലപ്പുറം: ലോക മാനസികാരോഗ്യദിനത്തിന്‍റെ ഭാഗമായി ജില്ലാതല ഉദ്ഘാടനവും കലാപരിപാടിയും മലപ്പുറം കുന്നുമ്മലിൽ നടന്നു. ജില്ലാ കളക്ടറുടെ വസതിക്ക് സമീപത്ത് നിന്ന് ആരംഭിച്ച റാലിയോടെയാണ് ചടങ്ങിന് തുടക്കമായത്. ജില്ലാ മെന്‍റൽ ഹെൽത്ത് നേതൃത്വം നൽകിയ പരിപാടി ജില്ലാ മെഡിക്കൽ ഓഫീസർ ആർ. രേണുക ഉദ്ഘാടനം ചെയ്തു. മാനസികാരോഗ്യരംഗം കഴിഞ്ഞ 20 വർഷം കൊണ്ട് ഏറെ പുരോഗതി നേടിയതായും കമ്യൂണിറ്റി ഹെൽത്ത് പ്രോഗാം, പാലിയേറ്റീവ് പരിചരണം, ജില്ലാ മാനസികാരോഗ്യ പരിപാടി എന്നിവ ഈ രംഗത്തെ വളർച്ചയ്ക്ക് ഏറെ ഗുണം ചെയ്തെന്നും ഡിഎംഒ പറഞ്ഞു. മാനസികാരോഗ്യ പരിചരണവും സാമൂഹ്യ പങ്കാളിത്തവും വിഷയമാക്കിയ ലഘുലേഖയും അവർ പ്രകാശനം ചെയ്തു. പ്രിയദർശിനി ആർട്സ് ആൻഡ് സയൻസ് കോളജിലെ വിദ്യാർഥികൾ ബോധവത്കരണത്തിന്‍റെ ഭാഗമായി ഫളാഷ് മോബും അവതരിപ്പിച്ചു. ജില്ലാ മെന്‍റൽ ഹെൽത്ത് പ്രോഗ്രാം ജില്ലാ കോ ഓർഡിനേറ്റർ ഡോ. മർവ കുഞ്ഞി, ജില്ലാ പ്രോഗ്രാം മാനേജർ ഡോ. ടി.എൻ. അനൂപ്, എഡ്യുക്കേഷൻ, മീഡിയ ഓഫീസർ കെ.പി. സാദിക്കലി, പ്രിയദർശിനി കോളജ് പ്രഫ. കെ.കെ. നസ്റിൻ, അസിസ്റ്റന്‍റ് പ്രഫ. എൻ.കെ. ഫാരിസ, വി.ടി. ലുബ്ന, എ.ടി. ജ്യോതി എന്നിവരും പ്രസംഗിച്ചു.

സിബിഎസ്ഇ സഹോദയ ജില്ലാ കലോത്സവത്തിന് ഇന്ന് തിരിതെളിയും

അങ്ങാടിപ്പുറം: സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം റീജിയൻ സംഘടിപ്പിക്കുന്ന ജില്ലാ കലോത്സവം ഇന്നും നാളെയുമായി പുത്തനങ്ങാടി സെന്‍റ് ജോസഫ്സ് സ്കൂളിൽ അരങ്ങേറും.ഇന്ന് രാവിലെ ഒന്പതിന് ഇ.ടി. മുഹമ്മദ് ബഷീർ എംപി ഉദ്ഘാടനം ചെയ്യും. സഹോദയ മാഗസിൻ പുരസ്കാരങ്ങൾ പീവീസ് പബ്ലിക് നിലന്പൂർ, പീസ് പബ്ലിക് കോട്ടക്കൽ, എംഇഎസ് കുറ്റിപ്പുറം എന്നീ സ്കൂളുകൾക്ക് മഞ്ഞളാംകുഴി അലി എംഎൽഎ സമ്മാനിക്കും. കലോത്സവ ലോഗോ മത്സര വിജയികളായ സായ് കൃഷ്ണ അജിത് ( ബെഞ്ച് മാർക്സ് മഞ്ചേരി ), അർഫിൻ (ഗുഡ്‌വിൽ സ്കൂൾ പൂക്കോട്ടുംപാടം), മുഹമ്മദ് സിനാൻ ബിൻ ഷബീർ(ഹിലാൽ സ്കൂൾ പൊന്നാനി) എന്നിവർക്ക് മുഖ്യാതിഥിയായ അഭിനേത്രി വരദ സമ്മാനിക്കും. ഉദ്ഘാടന സമ്മേളനത്തിൽ സഹോദയ മേഖല പ്രസിഡന്‍റ് എം. അബ്ദുൾ നാസർ അധ്യക്ഷത വഹിക്കും. ഫാ. ഡെന്നി ചോലപ്പള്ളിൽ, സെന്‍റ് ജോസഫ് പിടിഎ പ്രസിഡന്‍റ് സി.എൻ. പ്രസാദ്, ഭാരവാഹികളായ കെ. ഉണ്ണികൃഷ്ണൻ, നിർമല ചന്ദ്രൻ, ഡോ.സി.കെ.എം. ശിബിലി, പി. നിസാർ ഖാൻ എന്നിവർ സംബന്ധിക്കും. 10 വേദികളിലായാണ് മത്സരങ്ങൾ. നാളെ വൈകുന്നേരം സമാപന സമ്മേളനത്തിൽ സഹോദയ കോണ്‍ഫഡറേഷൻ പ്രസിഡന്‍റ് ജോജിപോൾ മുഖ്യാതിഥിയായിരിക്കുമെന്ന് സഹോദയ മേഖല പ്രസിഡന്‍റ് എം. അബ്ദുൾ നാസർ, സെന്‍റ് ജോസഫ് സ്കൂൾ പ്രിൻസിപ്പൽ ഫാ. നന്നം പ്രേംകുമാർ, സഹോദയ ജനറൽ സെക്രട്ടറി എം. ജൗഹർ, ട്രഷറർ പി. ഹരിദാസ്, ഓർഗനൈസിംഗ് സെക്രട്ടറി ജോബിൻ സെബാസ്റ്റ്യൻ എന്നിവർ അറിയിച്ചു.

മെഡിക്കൽ ക്യാന്പ് സംഘടിപ്പിച്ചു

എടക്കര: പ്രധാനമന്ത്രി സുരക്ഷിത മാതൃത്വ അഭിയാൻ (പിഎംഎസ്എംഎ) പദ്ധതിയുടെ ഭാഗമായി മൂത്തേടം കുടുംബാരോഗ്യ കേന്ദ്രത്തിൽ മെഡിക്കൽ ക്യാന്പ് സംഘടിപ്പിച്ചു. ഗ്രാമപഞ്ചായത്ത് പ്രസിഡന്‍റ് പി. ഉസ്മാൻ ക്യാന്പ് ഉദ്ഘാടനം ചെയ്തു. ‌ആരോഗ്യ സ്റ്റാൻഡിംഗ് കമ്മിറ്റി ചെയർമാൻ അനീഷ് കാറ്റാടി അധ്യക്ഷത വഹിച്ചു. ക്യാന്പിൽ മൂത്തേടം കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. ലാൽ പരമേശ്വർ, പഞ്ചായത്ത് വൈസ് പ്രസിഡന്‍റ് സഫിയ എന്നിവർ പ്രസംഗിച്ചു. ഗൈനക്കോളജിസ്റ്റ് ഡോ. സിസ്റ്റർ ടെസ്ലിൻ പരിശോധനയ്ക്ക് നേതൃത്വം നൽകി. പിഎച്ച്എൻ ഇന്ദിര, ജെഎച്ച്ഐമാർ, ജൂണിയർ പബ്ലിക് ഹെൽത്ത് നഴ്സുമാർ, ആശാ വർക്കർമാർ എന്നിവർ പങ്കെടുത്തു.

മഞ്ചേരിയിൽ തീപിടിത്തത്തിൽ ലക്ഷങ്ങളുടെ നഷ്ടം

മഞ്ചേരി: മഞ്ചേരി കിഴക്കെതലയിൽ കടയ്ക്ക് തീപിടിച്ച് ലക്ഷങ്ങളുടെ നഷ്ടം. കൊരന്പയിൽ ആശുപത്രിക്ക് സമീപം പ്രവർത്തിക്കുന്ന ഷുഗർ ഫിൽസ് എന്ന കടയ്ക്കാണ് തീപിടിച്ചത്. എടവണ്ണ ചെറുപള്ളിക്കൽ മുഹമ്മദ് യാഷിഖിന്‍റെ ഉടമസ്ഥതയിലുള്ളതാണ് കട. കേക്ക് നിർമാണ സാമഗ്രികളും ഉത്പന്നങ്ങളും വിൽക്കുന്ന സ്ഥാപനത്തിലെ ഫർണിച്ചർ അടക്കമുള്ളവ അഗ്നിക്കിരയായി. നാലുലക്ഷം രൂപയുടെ നഷ്ടം കണക്കാക്കുന്നു. ഇന്നലെ രാവിലെ ഏഴിന് പുക ഉയരുന്നതുകണ്ട നാട്ടുകാർ സിവിൽ ഡിഫൻസ് വോളണ്ടിയർ അഷ്റഫ് മുഖേന അഗ്നിരക്ഷാ സേനയെ വിവരമറിയിക്കുകയായിരുന്നു. ഉടൻ മഞ്ചേരി അഗ്നിരക്ഷാനിലയത്തിൽ നിന്ന് അസിസ്റ്റന്‍റ് സ്റ്റേഷൻ ഓഫീസർ ജയകുമാറിന്‍റെ നേതൃത്വത്തിൽ രണ്ടുയൂണിറ്റുകൾ എത്തിയാണ് തീ അണച്ചത്. മലപ്പുറത്ത് നിന്ന് ഒരു അഗ്നിരക്ഷാ യൂണിറ്റ് പുറപ്പെട്ടുവെങ്കിലും തീ നിയന്ത്രണ വിധേയമായതിനെ തുടർന്ന് തിരിച്ചയക്കുകയായിരുന്നു. സീനിയർ ഫയർ ആൻഡ് റെസ്ക്യു ഓഫീസർ എം.വി. അനൂപ്, ഫയർ ആൻഡ് റെസ്ക്യു ഓഫീസമാരായ കെ. രമേശ്, എം. അനൂപ്, ഫയർ ആൻഡ് റെസ്ക്യു ഓഫീസ് ഡ്രൈവർമാരായ ശ്രീലേഷ് കുമാർ, സജീഷ്, ഹോം ഗൗർഡുമാരായ ജോജി ജേക്കബ്, സി. മുകുന്ദൻ, അബ്ദുൾ സത്താർ തുടങ്ങിയവർ രക്ഷാപ്രവർത്തനത്തിന് നേതൃത്വം നൽകി.

ഭിന്നശേഷിക്കാർക്ക് സ്കൂട്ടറുകൾ വിതരണം ചെയ്തു

മലപ്പുറം: ജില്ലാ പഞ്ചായത്തിന്‍റെ വാർഷിക പദ്ധതിയിൽ ഉൾപ്പെടുത്തി ഭിന്നശേഷിക്കാർക്കായി നൽകുന്ന സൈഡ് വീൽ ഘടിപ്പിച്ച സ്കൂട്ടറുകളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്‍റ് എം.കെ. റഫീഖ നിർവഹിച്ചു. 10,9000 രൂപ ചെലവ് വരുന്ന സ്കൂട്ടർ ഇന്നലെ നടന്ന ചടങ്ങിൽ 19 പേർ ഏറ്റുവാങ്ങി. പഞ്ചായത്ത്തല ഗുണഭോക്തൃ ലിസ്റ്റിൽ ഉൾപ്പെട്ട 80 ഭിന്ന ശേഷിക്കർക്കാണ് സ്കൂട്ടറുകൾ വിതരണം ചെയ്യുന്നത്. കഴിഞ്ഞ മാസം 43 വാഹനങ്ങൾ വിതരണം ചെയ്തിരുന്നു. അന്ന് രജിസ്ട്രേഷൻ പൂർത്തിയാകാത്ത 37 വാഹനങ്ങളിലെ രജിസ്ട്രേഷൻ പൂർത്തിയാക്കിയ 19 വാഹനങ്ങളാണ് ഇന്നലെ വിതരണം ചെയ്തത്. ഇതുവരെ 62 പേർക്ക് വിതരണം പൂർത്തിയായി. പരിപാടിയിൽ ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം, സ്ഥിരം സമിതിയംഗങ്ങളായ സെറീന ഹബീബ്, പി.കെ.സി. അബ്ദുറഹിമാൻ, പി. ഷഹാർബാൻ, ജില്ലാ സാമൂഹ്യനീതി ഓഫീസർ സമീർ മച്ചിങ്ങൽ തുടങ്ങിയവർ സംബന്ധിച്ചു.

നിലന്പൂർ കെഎസ്ആർടിസി ഗാരേജ് വൃത്തിഹീനം; കണ്ണടച്ച് ഗതാഗത വകുപ്പ്

നിലന്പൂർ: നിലന്പൂർ കെഎസ്ആർടിസി ഗാരേജ് വൃത്തിഹീനമായ കിടക്കുന്നു. കണ്ണടച്ച് ഗതാഗത വകുപ്പ്. മൈക്കാനിക്കുകൾ ജോലി ചെയ്യുന്നതും ഭക്ഷണം കഴിക്കുന്നതുമായ ഗാരേജാണ് വൃത്തിഹീനമായി കിടക്കുന്നത്. സെപ്റ്റിക് ടാങ്കിൽനിന്ന് മലിന ജലം പുറത്തേക്ക് ഒഴുകുന്നു. ഇതിനാൽ വളരെ പ്രയാസം നേരിട്ടാണ് മെക്കാനിക്ക് വിഭാഗത്തിലെ ജീവനക്കാർ ഇവിടെ ജോലി ചെയ്യുന്നത്. ഈ ദുരവസ്ഥക്ക് പരിഹാരം കാണണമെന്ന് യൂണിയനുകൾ ഉൾപ്പെടെ നിരവധി തവണ പരാതി നൽകിയിട്ടും അധികൃതരുടെ ഭാഗത്ത് നിന്ന് നടപടിയില്ല. സംസ്ഥാനത്തെ കെഎസ്ആർടിസി ഗാരേജുകളല്ലൊം മികച്ചതാണെന്ന് വകുപ്പ് മന്ത്രി പറയുന്പോഴാണ് മൂക്കുപൊത്തി മെക്കാനിക്കുകൾ നിലന്പൂർ കെഎസ്ആർടിസി ഡിപ്പോയിൽ ജോലി ചെയ്യുകയും ഭക്ഷണം കഴിക്കുകയും ചെയ്യുന്നത്. ഇവിടെ പകർച്ചവ്യാധികളുടെ കേന്ദ്രമായി മാറാവുന്ന അവസ്ഥയിലാണ്. ഗാരേജ് അറ്റകുറ്റപണി നടത്താൻ പണമില്ലെന്നാണ് പറയുന്നതെന്ന് പ്രതിപക്ഷ യൂണിയനുകൾ ചൂണ്ടിക്കാട്ടുന്നു. നേരത്തെ മറ്റ് പല പ്രവൃത്തികൾക്കും ടെൻഡർ നൽകിയിരുന്നെങ്കിലും കരാറുകാർക്ക് യഥാസമയം പണം ലഭിക്കാത്ത അവസ്ഥയിൽ ടെൻൻഡർ ഏറ്റെടുക്കാൻ ആരും തയാറാകുന്നില്ല. ഈ സാഹചര്യത്തിലാണ് നിലന്പൂർ കെഎസ്ആർടിസി ഗാരേജിന്‍റെ അറ്റകുറ്റപണി നീളുന്നത്. കേവലം 50,000 രൂപ മുടക്കിയാൽ തീർക്കാവുന്ന പ്രവൃത്തിയാണുള്ളത്. മെക്കാനിക്കൽ വിഭാഗത്തിലെ ജീവനക്കാർക്ക് പുറമെ മറ്റ് വിഭാഗങ്ങളിലുള്ള ജീവനക്കാരും ഉണ്ടിവിടെ. വകുപ്പ് മന്ത്രിയും കെഎസ്ആർടിസി മാനേജ്മെന്‍റും മനസ് വച്ചാൽ ദിവസങ്ങൾക്കുള്ളിൽ പരിഹരിക്കാവുന്ന പ്രശ്നമാണിത്. അടിയന്തര പ്രാധാന്യത്തോടെ നിലന്പൂർ ഗാരേജിന്‍റെ അറ്റകുറ്റപണിക്ക് മന്ത്രിയും വകുപ്പും തയാറാകണമെന്നാണ് യൂണിയനുകളുടെ ആവശ്യം.

കാഴ്ച ബോധവത്കരണ ക്ലാസ്

മഞ്ചേരി : ലോക കാഴ്ചാ ദിനത്തോടനുബന്ധിച്ച് മഞ്ചേരി നു വിഷന്‍ കണ്ണാശുപത്രിയും ഗവ. പോളിടെക്‌നിക് എന്‍എസ്എസ് യൂണിറ്റും സംയുക്തമായി ബോധവത്കരണ ക്ലാസ് സംഘടിപ്പിച്ചു. നാം നമ്മുടെ കണ്ണുകളെ സ്‌നേഹിക്കുകയും മറ്റുള്ളവരെ അതിനു പ്രേരിപ്പിക്കുക എന്ന ഈ വര്‍ഷത്തെ ആശയത്തിലൂന്നി നടന്ന ക്ലാസ് മെഡിക്കല്‍ ഡയറക്ടര്‍ ടി. എ. അശോക വത്സല ഉദ്ഘാടനം ചെയ്തു. ടി. നാരായണന്‍കുട്ടി, പിആര്‍ഒ കെ. വൈശാഖ്, എന്‍എസ്എസ് കോ ഓര്‍ഡിനേറ്റര്‍ കെ.ബി. ശ്രീജിത്ത്, അധ്യാപകരായ ഡോ. ശ്രീദേവി രാധാകൃഷ്ണന്‍, കെ. ജോഷി എന്നിവര്‍ സംസാരിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]