അ​ങ്ങാ​ടി​പ്പു​റം: അ​ങ്ങാ​ടി​പ്പു​റം ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി 113 ല​ക്ഷം രൂ​പ ന​ഷ്ട​പ്പെ​ടു​ത്തി​യ​തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത് പ്ര​സി​ഡ​ന്‍റ് രാ​ജി​വ​യ്ക്ക​ണ​മെ​ന്നും പ്ര​തി​പ​ക്ഷ വാ​ർ​ഡു​ക​ളോ​ട് കാ​ണി​ക്കു​ന്ന വി​വേ​ച​നം അ​വ​സാ​നി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ട് പ്ര​തി​പ​ക്ഷം സ​മ​ര​ത്തി​ലേ​ക്ക്.

തു​ക ന​ഷ്ട​പ്പെ​ടു​ത്തി​യ​തി​ന്‍റെ ഉ​ത്ത​ര​വാ​ദി​ത്വം സ്വ​യം ഏ​റ്റെ​ടു​ക്ക​ണ​മെ​ന്നും സം​സ്ഥാ​ന സ​ർ​ക്കാ​രി​നെ​തി​രാ​യ ക​ള്ള​പ്ര​ചാ​ര​ണം അ​വ​സാ​നി​പ്പി​ക്ക​ണ​മെ​ന്നും പ്ര​തി​പ​ക്ഷ അം​ഗ​ങ്ങ​ൾ ആ​വ​ശ്യ​പ്പെ​ട്ടു.

2024-25 വാ​ർ​ഷി​ക പ​ദ്ധ​തി​യി​ൽ പ​ഞ്ചാ​യ​ത്ത് 113 ല​ക്ഷം രൂ​പ ലാ​പ്സാ​ക്കി. 300 പ്രോ​ജ​ക്ടു​ക​ൾ ന​ട​പ്പാ​ക്കി​യി​ല്ല. മു​ഖം ര​ക്ഷി​ക്കാ​ൻ ക​ള്ള​പ്ര​ചാ​ര​ണം ന​ട​ത്തു​ക​യാ​ണ് പ്ര​സി​ഡ​ന്‍റെ​ന്നും പ്ര​തി​പ​ക്ഷം ആ​രോ​പി​ച്ചു.2024-25 വാ​ർ​ഷി​ക പ​ദ്ധ​തി​ക്ക് അ​നു​വ​ദി​ച്ച തു​ക സ​മ​യ​ബ​ന്ധി​ത​മാ​യി ചെ​ല​വ​ഴി​ക്കാ​തെ സ​ർ​ക്കാ​രി​നെ കു​റ്റം പ​റ​ഞ്ഞു ര​ക്ഷ​പ്പെ​ടാ​നു​ള്ള ശ്ര​മം യു​ഡി​എ​ഫ് നേ​തൃ​ത്വം ന​ൽ​കു​ന്ന പ​ഞ്ചാ​യ​ത്ത് നേ​തൃ​ത്വം തു​ട​രു​ക​യാ​ണ്.

ക​ഴി​ഞ്ഞ​വ​ർ​ഷം 25 ല​ക്ഷം രൂ​പ ലാ​പ്സാ​ക്കി​യി​രു​ന്നു. സം​സ്ഥാ​ന​ത്തെ ഗ്രാ​മ​പ​ഞ്ചാ​യ​ത്തു​ക​ൾ 941 ആ​ണ്. ഇ​തി​ൽ പ​ദ്ധ​തി​വി​ഹി​തം ചെ​ല​വ​ഴി​ച്ച​തി​ൽ അ​ങ്ങാ​ടി​പ്പു​റ​ത്തി​ന്‍റെ സ്ഥാ​നം 778 ആ​ണ്. സം​സ്ഥാ​ന​ത്ത് പ​ദ്ധ​തി​വി​ഹി​തം ചെ​ല​വ​ഴി​ച്ച​തി​ൽ ഏ​റ്റ​വും പി​റ​കി​ലു​ള്ള 165 പ​ഞ്ചാ​യ​ത്തു​ക​ളി​ൽ അ​ങ്ങാ​ടി​പ്പു​റ​വു​മു​ണ്ട്.

സ​ർ​ക്കാ​ർ അ​നു​വ​ദി​ച്ച ഏ​ഴ് കോ​ടി 77 ല​ക്ഷം രൂ​പ​യി​ൽ ആ​റ് കോ​ടി 64 ല​ക്ഷം രൂ​പ​യാ​ണ് മാ​ർ​ച്ച് 31ന​കം ചെ​ല​വ​ഴി​ച്ച​ത്. 113 ല​ക്ഷം ലാ​പ്സാ​ക്കി പ​ദ്ധ​തി പ്ര​വ​ർ​ത്ത​ന​ങ്ങ​ൾ ന​ട​പ്പാ​ക്കാ​തെ​യും അ​നു​വ​ദി​ച്ച തു​ക ചെ​ല​വ​ഴി​ക്കാ​ൻ ക​ഴി​യാ​തെ​യും ജ​ന​ങ്ങ​ളു​ടെ മു​ന്നി​ൽ അ​പ​ഹാ​സ്യ​രാ​യി നി​ൽ​ക്കു​ന്പോ​ൾ മു​ഖം ര​ക്ഷി​ക്കാ​ൻ ശ്ര​മി​ക്കു​ക​യാ​ണ് പ​ഞ്ചാ​യ​ത്ത് പ്ര​സി​ഡ​ന്‍റ്.

പ​ദ്ധ​തി രേ​ഖ​ക്ക് അം​ഗീ​കാ​രം ല​ഭി​ച്ചാ​ൽ എ​ല്ലാ മാ​സ​വും റി​വ്യൂ ന​ട​ത്തി പു​രോ​ഗ​തി വി​ല​യി​രു​ത്ത​ണം. ഇ​വി​ടെ അ​തു​ണ്ടാ​യി​ല്ല. 2024 ഡി​സം​ബ​ർ വ​രെ ഒ​രു പ്രോ​ജ​ക്ടി​നു പോ​ലും ടി​എ​സ് വാ​ങ്ങാ​ൻ ക​ഴി​യാ​ത്ത സം​സ്ഥാ​ന​ത്തെ ഏ​ക പ​ഞ്ചാ​യ​ത്താ​ണ് അ​ങ്ങാ​ടി​പ്പു​റ​മെ​ന്ന് പ്ര​തി​പ​ക്ഷം ചൂ​ണ്ടി​ക്കാ​ട്ടി.

ക​ഴി​ഞ്ഞ​ദി​വ​സം ചേ​ർ​ന്ന ഭ​ര​ണ​സ​മി​തി യോ​ഗ​ത്തി​ൽ ഇ​ക്കാ​ര്യം പ്ര​തി​പ​ക്ഷം ഉ​ന്ന​യി​ച്ചെ​ങ്കി​ലും യ​ഥാ​ർ​ഥ ക​ണ​ക്ക് അ​വ​ത​രി​പ്പി​ക്കാ​ൻ പ്ര​സി​ഡ​ന്‍റി​ന് ക​ഴി​ഞ്ഞി​ല്ല. യു​ഡി​എ​ഫ് ഭ​ര​ണ​സ​മി​തി​ക്കെ​തി​രേ സ​മ​ര പ​രി​പാ​ടി​ക​ൾ തു​ട​ങ്ങു​മെ​ന്നും പ്ര​തി​പ​ക്ഷം അ​റി​യി​ച്ചു.