ഗാന്ധിദര്‍ശന്‍ കലോത്സവം: പരിയാപുരം സെന്‍റ് മേരീസ്, വടക്കാങ്ങര എംപിജി സ്കൂളുകള്‍ ജേതാക്കള്‍
1482491
Wednesday, November 27, 2024 6:04 AM IST
അങ്ങാടിപ്പുറം: ചെറുകുളമ്പ കെഎസ്കെഎം യുപി സ്കൂളില്‍ സമാപിച്ച മങ്കട ഉപജില്ലാ ഗാന്ധിദര്‍ശന്‍ കലോത്സവത്തില്‍ യുപി വിഭാഗത്തില്‍ വടക്കാങ്ങര എംപിജി യുപി ഒന്നും ചെറുകുളമ്പ കെഎസ്കെഎം യുപി രണ്ടും പരിയാപുരം ഫാത്തിമ യുപി മൂന്നും സ്ഥാനങ്ങള്‍ നേടി. ഹൈസ്കൂള്‍ വിഭാഗത്തില്‍ പരിയാപുരം സെന്‍റ് മേരീസ് ഹയര്‍ സെക്കന്‍ഡറി സ്കൂള്‍ ജേതാക്കളായി. മക്കരപ്പറമ്പ് ഗവണ്‍മെന്‍റ് വിഎച്ച്എസ്എസ് രണ്ടും വടക്കാങ്ങര ടിഎസ്എസ് മൂന്നും സ്ഥാനങ്ങള്‍ നേടി.
കലോത്സവത്തിന്‍റെ ഉദ്ഘാടനം ബ്ലോക്ക് പഞ്ചായത്ത് വൈസ് പ്രസിഡന്‍റ് കെ.വി. ജുവൈരിയ നിര്‍വഹിച്ചു. മങ്കട എഇഒ പി.മുഹമ്മദ് ഇഖ്ബാല്‍, ഹെഡ്മാസ്റ്റര്‍ അബ്ദുസമദ് കടമ്പോട്ട്, ഗാന്ധി ദര്‍ശന്‍ കണ്‍വീനര്‍ ആര്‍.ഷാജി, പിടിഎ പ്രസിഡന്‍റ് എം.കെ.അബ്ദുള്‍ ബഷീര്‍, കെ.വി.കെ.ഹാഷിം തങ്ങള്‍, കെ.വി.കെ.ഹമീദലി തങ്ങള്‍, എ.പി.ബിജു, വി.അബ്ബാസ്, ആരിഫ് കൂട്ടില്‍, ബിജു, കെ. ഉബൈബ എന്നിവര്‍ പ്രസംഗിച്ചു. വിജയികള്‍ക്കുള്ള ട്രോഫികള് മാനേജര്‍ കെ.വി.കെ.ഹാഷിം തങ്ങള്‍, പിടിഎ പ്രസിഡന്‍റ് എം.കെ.അബ്ദുള്‍ ബഷീര്‍ എന്നിവര്‍ വിതരണം ചെയ്തു.